KiMEDIA

ហ៊ុន សែន៖ តើត្រូវបោះឆ្នោតដើម្បីបន្តសន្តិភាព ឬដើម្បីសង្រ្គាម បើបោះឱ្យគណបក្សប្រជាជន សន្តិភាព និងការអភិវឌ្ឍនៅបន្ត

សារធាតុជាតិរិច្ឆានចេញពីព្រៃយកន័យ នៃពាក្យផ្លាស់ប្តូរដោយការបោះឆ្នោតតាមបែបប្រជាធិបតេយ្យបំភ័យម្ចាស់ឆ្នោតថាបោះដើម្បីសន្តិភាពឬបោះដើម្បីសង្គ្រាម?  

ប្រជា = ប្រជាពលរដ្ន | ធិបតេយ្យ = ជាធំឬជាម្ចាស់នៃអំណាច ~KI reader

(ភ្នំពេញFN)៖ ហ៊ុន សែន នាយករដ្ឋមន្រ្តីនៃកម្ពុជា និងជាប្រធានគណបក្សប្រជាជនកម្ពុជា បានថ្លែងឡើងក្នុងពិធី សំណេះ​សំណាលជាមួយកីឡាការិនី អ៊ុក ស្រីមុំ ដែលជាម្ចាស់មេដាយមាសពិភពលោក ផ្នែកកីឡាប៉េតង់កម្ពុជា នៅវិមានសន្តិភាព នារសៀលថ្ងៃទី២០ ខែមេសា ឆ្នាំ២០១៧នេះ។

សម្តេចតេជោ ហ៊ុន សែន បានថ្លែងថា «តើប្រាកដទេ នៅពេលដែលគណបក្សប្រជាជនកម្ពុជា មិនកាន់អំណាចតើប្រាកដថា សន្តិភាពនេះ ត្រូវបានធានាឬអត់? បើការលាបពណ៌ ការជេរប្រទិច ការប្រមាថមាក់ងាយ នៅតែបន្តកើតមាននៅក្នុងចំណោមមេដឹកនាំ និងអ្នកគាំទ្ររបស់ពួកគេ។ នេះជាការដាស់តឿនមួយ សម្រាប់ការបោះឆ្នោតនៅពេលខាងមុខ តើបោះដើម្បីសន្តិភាពបន្តឬបោះ ដើម្បីសង្រ្គាម ជ្រើសរើសទៅ ដើម្បីសន្តិភាពឬសង្រ្គាម បោះឱ្យគណបក្សប្រជាជន សន្តិភាពនឹងមានបន្ត ឱកាសអភិវឌ្ឍ នឹងមានបន្ត»។

សម្តេចតេជោ ហ៊ុន សែន ក៏បានហៅការផ្លាស់ប្តូរកន្លងទៅ ដែលកម្ពុជាធ្លាប់ជួបប្រទះ ជាការផ្លាសប្តូរពីសន្តិភាពទៅជា សង្រ្គាម។ កាលពីទស្សវត្សឆ្នាំ១៩៧០ លោក លន់ នល់ បានធ្វើការផ្លាស់ប្តូរពីរបបសង្គមរាស្រ្តនិយមដោយទម្លាក់សម្តេច សីហនុ ទៅជារបប សាធារណរដ្ឋខ្មែរ ដែលបង្កជាសង្រ្គាម និងការផ្លាស់ប្តូរដ៏គ្រោះថ្នាក់ ជាបន្តបន្ទាប់រហូតដល់ របបប្រល័យពូជសាសន៍ សម្លាប់មនុស្ស រាប់លាននាក់។

សម្តេចតេជោ ហ៊ុន សែន បានថ្លែងថា «នោះគឺផ្លាស់ប្តូរហើយ ពិតជាផ្លាស់ប្តូរមែន ផ្លាស់ប្តូរពីប្រទេសដែលមានសន្តិភាព ក្នុងដំណាក់កាល ក្រោមព្រះរាជកិច្ចដឹកនាំ របស់សម្តេចព្រះនរោត្តម សីហនុ ផ្លាស់ប្តូរទៅកាន់សង្រ្គាមមួយពិតប្រាកដ ហើយផ្លាស់ប្តូរ ជាបន្តបន្ទាប់រហូតដល់របបប្រល័យពូជសាសន៍ តើនេះជាការចង់បាន របស់អ្នកបោះឆ្នោតឬ?»។

ជាមួយគ្នានេះ ប្រមុខរាជរដ្ឋាភិបាលកម្ពុជា ក៏បានអំពាវនាវឱ្យថែរក្សាសន្តិភាព ដែលកម្ពុជាមានសព្វថ្ងៃនេះ ដើម្បីកុំឱ្យរងគ្រោះ ដូចប្រទេសមួយចំនួន នៅមជ្ឈឹមបូព៌ា ក្នុងនោះមានប្រទេសអ៊ីរ៉ាក់ ស៊ីរី លីប៊ី ជាដើម៕

Source link

Grandmas ‘play vital family role’

Two women care for a child outside the White Building yesterday afternoon in Phnom Penh. A recent study found that older women who are not bread-winners are playing a pivotal role in household economic decisions. Eliah Lillis

Cristina Maza, The Phnom Penh Post
Thu, 20 April 2017

Grandmothers are playing a vital and remarkably empowered role in the lives of families whose mothers migrate to work, according to new research in Cambodia.

Contrary to the perception that they are just left at home with their children’s kids, researchers from King’s College London found that the typical grandmother child carer was well aware of the value of their roles.

Older women who are not wage earners often play a central role in the household and determine the economic decisions of Cambodian migrant workers, according to the paper by Sabina Lawreniuk and Laurie Parsons in the peer-reviewed journal Environment and Planning.

In Cambodia, where around one-third of the labour force migrates for work, people often believe that elderly mothers and grandmothers are left behind by travelling offspring who find it inconvenient to care for ageing relatives. Older women are portrayed as burdensome and passive actors in the family unit.

Now, however, new research paints an entirely different picture by demonstrating the active role elderly women play in determining how and where younger people migrate for work.

Far from complying passively with the needs of their economically active family members, older women take on important decision-making and caretaker roles that enable younger relatives to migrate.

Moreover, the decision to follow the migrant worker or stay behind is often determined by the logistical needs of the family unit, not the physical abilities of the elderly, the report determined.

“Older members of migrant families are key participants in trans-local livelihoods systems,” the study’s authors write. “This participation is not passive or unwilling, but actively engaged with as a means of reasserting the (often financial) value of the grandparental role.”

Many of the subjects interviewed said they encouraged their children to migrate to urban centres in order to support the family. The large majority of these migrant workers were young women employed in garment factories.

Grandmothers would stay behind and look after the children, but would also travel frequently to the city to care for their migrating offspring and assist with household duties. The elderly women generally viewed their activities as having intrinsic economic value.

“When describing the importance of their activities, they tend to do so not with reference to abstract norms and values – family loyalty, or duty, for instance – but via a narrative wherein their role is not merely pastoral, but financially essential,” the authors write. “Their participation and engagement in the migration patterns of their children was the only means by which both of their grandchildren’s parents could work.”

Grandmothers noted that their roles as caretakers allowed their children to send the family greater sums of money more frequently. The women also reported feeling highly valued and respected because of the help they provide.

But Ros Sopheap, director of the organisation Gender and Development for Cambodia, said there is a dark side to this arrangement. Not only is it unfair to put elderly people to work, but grandparents are less equipped to care for young children, she said.

“In Cambodia, we joke that the grandmas are having the babies because they take on the role of the parents,” Sopheap said. “It is really sad, because how can you ensure that the children will develop their education if the grandparents don’t have access to other ways of thinking? And a lot of kids get raped by their uncles or neighbours because the mothers are not there.”

Some of the study’s participants echoed the sentiment that, despite the emotional and psychological benefits of feeling useful, the burden on older women is too great.

“This was always grandmothers’ work,” one woman said. “But it has become harder for us since our children started to work in the city because now we have to look after the children, the house, and the fields all on our own.”

Source link

គ.ជ.ប បង្រៀន​មន្ត្រី​របស់​ខ្លួន​អំពី​គោលការណ៍​ច្បាប់​បោះឆ្នោត​ជ្រើសរើស​ក្រុម​ប្រឹក្សា​ឃុំ-សង្កាត់

អគ្គលេខាធិការ​រង គ.ជ.ប លោក សោម សូរីដា ថ្លែង​ក្នុង​វគ្គ​បណ្ដុះបណ្ដាល​មន្ត្រី និង​គ្រូ​បង្គោល អំពី​នីតិវិធី បទបញ្ជា និង​គោលការណ៍​ច្បាប់​បោះឆ្នោត​ជ្រើសរើស​ក្រុម​ប្រឹក្សា​ឃុំ-សង្កាត់​អាណត្តិ​ថ្មី ថ្ងៃ​ទី​២០ ខែ​មេសា ឆ្នាំ​២០១៧។ RFA/Leng Maly

ដោយ ឡេង ម៉ាលី RFA 2017-04-20

គណៈកម្មាធិការ​ជាតិ​រៀបចំ​ការ​បោះឆ្នោត ហៅ​កាត់​ថា គ.ជ.ប នៅ​ព្រឹក​ថ្ងៃ​ទី​២០ មេសា ចាប់​ផ្ដើម​បើក​វគ្គ​បណ្ដុះបណ្ដាល​រយៈពេល ៣​ថ្ងៃ ដល់​មន្ត្រី និង​គ្រូ​បង្គោល​របស់​ខ្លួន អំពី​នីតិវិធី បទបញ្ជា និង​គោលការណ៍​ច្បាប់​បោះឆ្នោត​ជ្រើសរើស​ក្រុម​ប្រឹក្សា​ឃុំ-សង្កាត់​អាណត្តិ​ថ្មី។ មន្ត្រី គ.ជ.ប ចាត់​ទុក​ថា នីតិវិធី​ថ្មី​ធានា​ភាព​ត្រឹមត្រូវ​ច្រើន។

មន្ត្រី​គណៈកម្មាធិការ​ជាតិ​រៀបចំ​ការ​បោះឆ្នោត បញ្ជាក់​ថា នីតិវិធី​នៃ​ការ​បោះឆ្នោត​ជ្រើសរើស​ក្រុម​ប្រឹក្សា​ឃុំ-សង្កាត់​ថ្មី​អាណត្តិ​ទី​៤ មាន​ភាព​ប្រសើរ ហើយ​អាច​នឹង​ធានា​ភាព​ត្រឹមត្រូវ ចាប់​តាំង​ពី​ការ​ចុះ​ឈ្មោះ រហូត​ដល់​ការ​ប្រកាស​លទ្ធផល​បោះឆ្នោត។

គ្រូ​បង្គោល​នៅ គ.ជ.ប លោក ហេង គុច ដែល​ចូលរួម​វគ្គ​បណ្ដុះបណ្ដាល​នៅ​ព្រឹក​ថ្ងៃ​ទី​២០ មេសា ចាប់​អារម្មណ៍​ថា គោលការណ៍​ច្បាប់ និង​នីតិវិធី​នៃ​ការ​បោះឆ្នោត​ជ្រើសរើស​ក្រុម​ប្រឹក្សា​ឃុំ-សង្កាត់​នៅ​អាណត្តិ​ទី​៤ នេះ មាន​ភាព​ត្រឹមត្រូវ​ច្រើន ព្រោះ​អ្នក​បោះឆ្នោត​មាន​អត្តសញ្ញាណ​ច្បាស់លាស់ ដូចជា​ក្រយៅ​ដៃ រូបថត ហើយ​ទិន្នន័យ​តាម​ប្រព័ន្ធ​កុំព្យូទ័រ​ដែល​គ្រប់គ្រង​បាន៖ «បញ្ជី​បោះឆ្នោត​ហ្នឹង​មួយ​ហើយ ហើយ​អត្តសញ្ញាណប័ណ្ណ​ខ្មែរ​ដែល​បញ្ជាក់​អត្តសញ្ញាណ​ទៅ​បោះឆ្នោត​ហ្នឹង ហើយ​នៅ​លើ​បញ្ជី​បោះឆ្នោត​ហ្នឹង គឺ​មាន​រូបថត​សាមី​ខ្លួន​អ្នក​បោះឆ្នោត​ហ្នឹង​ទៀត ពី​មុន​យើង​អត់​ដែល​មាន​ទេ។ ឥឡូវ​យើង​មាន​រូបថត​អ្នក​បោះឆ្នោត​នៅ​លើ​បញ្ជី​បោះឆ្នោត​ហ្នឹង ហើយ​និង​មាន​កន្លែង​ទំនេរ​សម្រាប់​អ្នក​បោះឆ្នោត​ហ្នឹង​ចុះ​ហត្ថលេខា​ទៀត ឃើញ​ប្លែក​ពី​មុន​ច្រើន។ កន្លែង​ហ្នឹង​ហើយ​ដែល​ធានា​បាន​ច្រើន»។
អគ្គលេខាធិការ​រង គ.ជ.ប លោក សោម សូរីដា បញ្ជាក់​បន្ថែម​ថា នីតិវិធី​ច្បាប់​ស្ដីពី​ការ​បោះឆ្នោត​ជ្រើសរើស​ក្រុម​ប្រឹក្សា​ឃុំ-សង្កាត់​អាណត្តិ​ទី​៤ នេះ មាន​ចំណុច​ពិសេស​ខុស​ពី​អាណត្តិ​មុន ដែល​បញ្ជី​ឈ្មោះ​មាន​រូបថត និង​មាន​ចន្លោះ​សម្រាប់​ឲ្យ​អ្នក​បោះឆ្នោត​ចុះ​ហត្ថលេខា ដើម្បី​បង្ការ​ការ​បោះឆ្នោត​ស្ទួន៖ «គឺ​ដើម្បី​បោះឆ្នោត​បាន ប្រជាពលរដ្ឋ​ត្រូវ​មាន​ឈ្មោះ​ក្នុង​បញ្ជី​បោះឆ្នោត និង​មាន​អត្តសញ្ញាណ​សញ្ជាតិ​ខ្មែរ។ អ៊ីចឹង​យើង​ថា​ឯកសារ​មាន​តែ​មួយ​គត់ ដែល​កំណត់​នៅ​ក្នុង​មាត្រា​៤៦ នេះ។ ប៉ុន្តែ​នៅ​ក្នុង​ជំពូក​អន្តរ​បញ្ញត្តិ​មាត្រា​១៦៩ ចែង​ថា ប្រជាពលរដ្ឋ​ដែល​អត់​មាន​អត្តសញ្ញាណប័ណ្ណ​សញ្ជាតិ​ខ្មែរ គាត់​អាច​បោះឆ្នោត​បាន​ដោយ​ប្រើប្រាស់​ឯកសារ​បញ្ជាក់​អត្តសញ្ញាណ​បម្រើ​ឲ្យ​ការ​បោះឆ្នោត សម្រាប់​ការ​បោះឆ្នោត​ពីរ គឺ​ទី​មួយ ការ​បោះឆ្នោត​ជ្រើសរើស​ក្រុមប្រឹក្សា​ឃុំ-សង្កាត់ ឆ្នាំ​២០១៧ និង​ការ​បោះឆ្នោត​ជ្រើស​តាំង​តំណាងរាស្ត្រ​ឆ្នាំ​២០១៨។ មាន​ន័យ​ថា ផុត ២​ឆ្នាំ​ហ្នឹង​ទៅ គឺ​ឆ្នាំ​២០១៧ និង ២០១៨ សម្រាប់​ការ​បោះឆ្នោត​លើក​ក្រោយ​ទៀត មាន​តែ​ឯកសារ​តែ​មួយ​គត់​សម្រាប់​ការ​បោះឆ្នោត គឺ​អត្តសញ្ញាណប័ណ្ណ​សញ្ជាតិ​ខ្មែរ»។

ទោះ​ជា​យ៉ាង​នេះ​ក្ដី លោក​ថា​អ្នក​បោះឆ្នោត​ដែល​មិន​មាន​អត្តសញ្ញាណប័ណ្ណ​សញ្ជាតិ​ខ្មែរ អាច​សុំ​បញ្ជាក់​អត្តសញ្ញាណ​ពី​អាជ្ញាធរ​ឃុំ-សង្កាត់ និង​គណៈកម្មការ​រៀបចំ​ការ​បោះឆ្នោត​ឃុំ-សង្កាត់​បាន ចាប់​ពី​ថ្ងៃ​ទី​៤ ខែ​ឧសភា រហូត​ដល់​ថ្ងៃ​ទី​២ ខែ​មិថុនា។ លោក​គូស​បញ្ជាក់​ទៀត​ថា ដើម្បី​កុំ​ឲ្យ​ច្រឡំ​ការិយាល័យ​បោះឆ្នោត ច្បាប់​ថ្មី​អនុញ្ញាត​ឲ្យ គ.ជ.ប បង្កើត​ការិយាល័យ​ថ្មី​នៅ​ក្នុង​ភូមិ​ដដែល ប្រសិន​បើ​ចំនួន​អ្នក​បោះឆ្នោត​លើស​ពី ៧៥០​នាក់៖ «ធៀប​ជាមួយ​ច្បាប់​ចាស់ គឺ​គេ​ឲ្យ​អ្នក​ចំនួន​ដែល​លើស​នោះ​ទៅ​ការិយាល័យ​ផ្សេង​ទៀត​នៅ​ក្នុង​ឃុំ។ អ៊ីចឹង​វា​ធ្វើ​ឲ្យ​អ្នក​ចុះ​ឈ្មោះ​នៅ​ក្នុង​ការិយាល័យ​មួយ​ដែល​នៅ​ក្នុង​ភូមិ​មួយ បែរ​ជា​ត្រូវ​តែ​ផ្ទេរ​ទៅ​បោះឆ្នោត​នៅ​ភូមិ​ផ្សេង ដែល​ធ្វើ​ឲ្យ​មាន​បញ្ហា​កើត​ឡើង​អំពី​ការ​រក​ការិយាល័យ​បោះឆ្នោត​អត់​ឃើញ។ អ៊ីចឹង​សម្រាប់​ការ​បោះឆ្នោត​របស់​យើង ច្បាប់​ថ្មី​នេះ គឺ​កំណត់​ថា ការិយាល័យ​បោះឆ្នោត គឺ​នៅ​ក្នុង​ភូមិ។ អ៊ីចឹង​បើ​សិន​ជា​ចំនួន​លើស​អ្នក​បោះឆ្នោត​នៅ​ក្នុង​ការិយាល័យ​នៅ​ក្នុង​ភូមិ​មួយ​ហ្នឹង គឺ​ត្រូវ​អាច​បំបែក ឬ​ក៏​អាច​ផ្ទេរ​ទៅ​ការិយាល័យ​មួយ​ទៀត​នៅ​ក្នុង​ភូមិ​ដដែល ឬ​អាច​បង្កើត​ការិយាល័យ​ថ្មី​មួយ​ទៀត ប្រសិន​បើ​ចាំបាច់ ដែល​ធានា​ថា​អ្នក​បោះឆ្នោត​មិន​ច្រឡំ​ការិយាល័យ​ទេ»។

អគ្គលេខាធិការ​រង គ.ជ.ប មួយ​រូប​ទៀត លោក ម៉ុក ដារ៉ា មាន​ប្រសាសន៍​ថា ការ​បណ្ដុះបណ្ដាល​នេះ គឺ​ជា​ការ​ពង្រឹង​សមត្ថភាព​គ្រូ​បង្គោល គ.ជ.ប ដែល​នឹង​ត្រូវ​ចុះ​ទៅ​បង្រៀន​ដល់​មន្ត្រី​រៀបចំ​ការ​បោះឆ្នោត​ផ្សេង​ទៀត​នៅ​តាម​លេខាធិការដ្ឋាន​រាជធានី-ខេត្ត មន្ត្រី​គណៈកម្មការ​ឃុំ-សង្កាត់ និង​មន្ត្រី​ការិយាល័យ​រៀបចំ​ការ​បោះឆ្នោត​បន្ត​ទៀត។

លោក សោម សូរីដា ថ្លែង​ថា នៅ​ពេល​នេះ គ.ជ.ប នៅ​មិន​ទាន់​ជ្រើសរើស​មន្ត្រី​សម្រាប់​ការិយាល័យ​បោះឆ្នោត​នៅ​ឡើយ​ទេ។ លោក​ឲ្យ​ដឹង​ថា មន្ត្រី​ក្រុម​ប្រឹក្សា​ឃុំ-សង្កាត់​នឹង​ជ្រើសរើស​មន្ត្រី​សម្រាប់​ការិយាល័យ​បោះឆ្នោត​នៅ​ក្នុង​ខែ​ឧសភា ខាង​មុខ។ ការ​ហ្វឹកហ្វឺន​នៅ​ពេល​នេះ គឺ​ផ្ដោត​សំខាន់​លើ​គោលការណ៍​ច្បាប់​ស្ដីពី​ការ​បោះឆ្នោត​ថ្មី ត្រង់​ជំពូក​ទី​៩ ពាក់ព័ន្ធ​ការ​គ្រប់គ្រង​ការ​បោះឆ្នោត​ជំពូក​ទី​១០ ដល់​ជំពូក​ទី​១២ ពាក់ព័ន្ធ​ការ​បោះឆ្នោត រាប់​សន្លឹក​ឆ្នោត និង​ការ​ប្រកាស​លទ្ធផល​បោះឆ្នោត។

ការ​បោះឆ្នោត​ជ្រើសរើស​ក្រុម​ប្រឹក្សា​ឃុំ-សង្កាត់​សម្រាប់​អាណត្តិ​ទី​៤ នឹង​ប្រព្រឹត្ត​ទៅ​នៅ​ថ្ងៃ​ទី​៤ ខែ​មិថុនា ខាង​មុខ​នេះ៕

Source link

តុលាការ​ខេត្ត​កំពត​កោះ​ហៅ​ពលរដ្ឋ​ម្នាក់​ចូល​បំភ្លឺ​រឿង​រង​ការ​វាយ​ដំ​ពី​ឈ្មួញ​ដី​និង​បក្ខពួក

លោក ហេង មិត្ត ដែល​អះអាង​ថា​រង​ការ​វាយ​ដំ និង​ចាប់​ចង​ដោយ​ក្រុម​បុគ្គល​ឈ្មោះ ហ៊ាង គុន្ធី និង​បក្ខពួក កាល​ពី​ថ្ងៃ​ទី​២៩ ខែ​សីហា ឆ្នាំ​២០១៦។ Photo ADHOC

ដោយ យ៉ង ចាន់តារា RFA 2017-04-20

ចៅក្រម​ស៊ើបសួរ​សាលា​ដំបូង​ខេត្ត​កំពត នៅ​ថ្ងៃ​ទី​២០ មេសា កោះ​ហៅ​ពលរដ្ឋ​ម្នាក់​ដែល​ជា​ដើម​បណ្ដឹង​មក​សាកសួរ​ពី​ដំណើរ​រឿង​ហិង្សា​ដោយ​ចេតនា។ នេះ​ជា​ការ​កោះ​ហៅ​លើក​ទី​ពីរ​ក្នុង​ខែ​មេសា បន្ទាប់​ពី​ថ្ងៃ​ទី​៥ កន្លង​ទៅ អយ្យការ​អម​សាលា​ដំបូង​ខេត្ត​កំពត ទើប​តែ​បាន​កោះ​ហៅ​ពលរដ្ឋ​ម្នាក់​នេះ​ទៅ​បំភ្លឺ​ក្នុង​នាម​ជា​ជន​សង្ស័យ ជុំវិញ​បណ្ដឹង​បរិហារ​កេរ្តិ៍​ប្ដឹង​ដោយ​ចុង​ចោទ​ក្នុង​សំណុំ​រឿង​ហិង្សា​របស់​គាត់។

ពលរដ្ឋ​ដែល​ត្រូវ​បាន​តុលាការ​កោះ​ហៅ​មក​សាកសួរ​ជុំវិញ​រឿង​ហិង្សា​ដោយ​ចេតនា​នេះ គឺ​លោក ហេង មិត្ត រស់នៅ​ភូមិ​ចក្រីទីង ឃុំ​ព្រៃថ្នង ស្រុក​ទឹកឈូ ខេត្ត​កំពត។ លោក ហេង មិត្ត បញ្ជាក់​ប្រាប់​អាស៊ីសេរី​ក្រោយ​ចេញ​ពី​តុលាការ​នៅ​រសៀល​ថ្ងៃ​ទី​២០ មេសា ថា ចៅក្រម​ស៊ើបសួរ​សាលា​ដំបូង​ខេត្ត​កំពត លោក តុប ឈុនសុង បាន​សាកសួរ​លោក​បន្ថែម​អំពី​បណ្ដឹង​របស់​លោក ដែល​ប្ដឹង​បុគ្គល​ឈ្មោះ ហ៊ាង គុន្ធី និង​បក្ខពួក​ពី​បទ​ប្រើ​អំពើ​ហិង្សា​វាយ​ដំ និង​ចង​បង្ខាំង​រូប​លោក។

លោក​សំណូមពរ​ឲ្យ​តុលាការ ពន្លឿន​សំណុំ​រឿង​នេះ ដោយ​នាំ​ខ្លួន​ជន​ល្មើស​មក​ផ្ដន្ទាទោស​តាម​ច្បាប់ ដើម្បី​ផ្តល់​យុត្តិធម៌​ដល់​រូប​លោក៖ «សូម​អំពាវនាវ​ឲ្យ​តុលាការ​ចាប់​ជន​ល្មើស រក​យុត្តិធម៌​ឲ្យ​ខ្ញុំ ហើយ​ធ្វើ​តាម​ច្បាប់ និង​សង​ជំងឺ​ចិត្ត ២០០​លាន​រៀល និង​សុំ​ឲ្យ​តុលាការ​ពន្លឿន​សំណុំ​រឿង​នេះ»។
លោក ហេង មិត្ត អះអាង​ថា កាល​ពី​ថ្ងៃ​ទី​២៩ ខែ​សីហា ឆ្នាំ​២០១៦ កន្លង​ទៅ រូប​លោក​បាន​ធ្វើ​ដំណើរ​ទៅ​មើល​ដី​ដែល​លោក​ធ្លាប់​កាន់​កាប់​ចំនួន ៤​ហិកតារ នៅ​ភូមិ​ព្រៃពាយ ឃុំ​ត្រពាំងភ្លាំង ស្រុក​ឈូក ខេត្ត​កំពត ប៉ុន្តែ​បែរ​ជា​ត្រូវ​ក្រុម​បក្ខពួក​របស់​បុគ្គល​ឈ្មោះ ហ៊ាង គុន្ធី ដែល​មាន​គ្នា ៥ ទៅ ៦​នាក់ ព្រួត​គ្នា​វាយ​ដំ និង​ចង​បង្ខាំង​លោក​ជាច្រើន​ម៉ោង។ លោក​អះអាង​ថា មូលហេតុ​នៃ​អំពើ​ហិង្សា​នេះ ដោយសារ​បក្ខពួក​របស់​បុគ្គល ហ៊ាង គុន្ធី ចោទ​លោក​ថា​បាន​ទៅ​រស់នៅ និង​ដាំ​ដុះ​នៅ​លើ​ដី​របស់​ពួក​គេ។

ក្រោយ​ហេតុការណ៍​នេះ លោក ហេង មិត្ត បាន​ដាក់​ពាក្យ​ប្ដឹង​ឈ្មោះ ហ៊ាង គុន្ធី និង​បក្ខពួក​មួយ​ចំនួន​ទៀត ពី​បទ​ប្រើ​អំពើ​ហិង្សា​លើ​រូប​លោក។

លោក​បញ្ជាក់​ថា តុលាការ​ខេត្ត​កំពត បាន​កោះ​ហៅ​រូប​លោក​ទៅ​បំភ្លឺ​លើ​ពាក្យ​បណ្ដឹង​នេះ​ជាច្រើន​លើក ក៏ប៉ុន្តែ​ស្រាប់​តែ​ដើម​ខែ​មេសា នេះ ព្រះរាជអាជ្ញា​អម​តុលាការ​ខេត្ត​កំពត លោក ឯក ឆេងហួត បាន​កោះ​ហៅ​រូប​លោក​ឲ្យ​ចូល​ទៅ​កាន់​អយ្យការ​អម​សាលា​ដំបូង​ខេត្ត ដើម្បី​សាកសួរ​ពី​ដំណើរ​រឿង​បរិហារ​កេរ្តិ៍ តាម​ពាក្យ​បណ្ដឹង​របស់​ឈ្មោះ ហ៊ាង គុន្ធី ទៅ​វិញ។

ករណី​បរិហារ​កេរ្តិ៍​ប្ដឹង​ដោយ​ចុង​ចោទ​លោក ហេង មិត្ត នេះ ត្រូវ​បាន​អង្គការ​សិទ្ធិ​មនុស្ស​ចាត់​ទុក​ថា ជា​ការ​បំបាក់​ស្មារតី​របស់​ពលរដ្ឋ។ លោក ហេង មិត្ត បាន​អំពាវនាវ​ឲ្យ​ស្ថាប័ន​អយ្យការ​អម​សាលា​ដំបូង​ខេត្ត​កំពត តម្កល់​សំណុំ​រឿង​នេះ​ទុក​ឥត​ចាត់ការ ព្រោះ​ការ​ចោទ​លោក​ថា បាន​បរិហារ​កេរ្តិ៍​នេះ មិន​មែន​ជា​ការពិត​នោះ​ទេ តែ​ការពិត គឺ​លោក​រង​ការ​គំរាម​កំហែង និង​វាយ​ដំ​ពី​ពួក​គេ​ទៅ​វិញ។

ទោះ​បី​ជា​យ៉ាង​ណា មន្ត្រី​តុលាការ​ខេត្ត​កំពត មួយ​រូប​ដែល​ថ្លែង​ក្នុង​លក្ខខណ្ឌ​មិន​បញ្ចេញ​ឈ្មោះ និង​សំឡេង បញ្ជាក់​ថា អយ្យការ​អម​សាលា​ដំបូង​ខេត្ត​កំពត កំពុង​ដំណើរការ​នីតិវិធី​បណ្ដឹង​បរិហារ​កេរ្តិ៍​នេះ ដោយ​មិន​មាន​ការ​តម្កល់​នោះ​ទេ។ ប្រភព​ដដែល​បន្ត​ថា ករណី​នេះ អាច​បញ្ចប់​ទៅ​បាន លុះត្រា​តែ​ភាគី​ដើម​បណ្ដឹង​សម្រេច​ដក​ពាក្យ​បណ្ដឹង​របស់​ខ្លួន។

អាស៊ីសេរី មិន​អាច​រក​ប្រភព​ទាក់ទង​ដើម​បណ្ដឹង​ឈ្មោះ ហ៊ាង គុន្ធី និង​អ្នក​ពាក់ព័ន្ធ​ផ្សេង​ទៀត​បាន​ទេ មក​ទល់​នឹង​ថ្ងៃ​ទី​២០ មេសា ដើម្បី​សុំ​ការ​បកស្រាយ​បន្ថែម​អំពី​រឿង​នេះ។

ជុំវិញ​រឿង​នេះ មន្ត្រី​ស៊ើប​អង្កេត​សមាគម​អាដហុក (ADHOC) ខេត្ត​កំពត លោក ហេង ភារៈ ថ្លែង​ថា ការ​វាយ​ដំ និង​ចាប់​ចង​ពលរដ្ឋ​នេះ គឺ​ជា​បទល្មើស​ព្រហ្មទណ្ឌ​ធ្ងន់ធ្ងរ ដែល​គួរ​តែ​តុលាការ​ពន្លឿន​ករណី​នេះ ដើម្បី​រក​យុត្តិធម៌​ជូន​ជន​រងគ្រោះ។ លោក​ថា ការ​យឺតយ៉ាវ​វែក​មុខ​ចាប់​ជន​បង្ក និង​បក្ខពួក​យក​មក​ផ្ដន្ទាទោស​បែប​នេះ ជះ​ឥទ្ធិពល​អាក្រក់​ដល់​សុវត្ថិភាព​របស់​ពលរដ្ឋ​នៅ​ក្នុង​មូលដ្ឋាន។

លោក ហេង ភារៈ បញ្ជាក់​ថា សមាគម​អាដហុក​បន្ត​ជួយ​ជ្រោមជ្រែង​ផ្នែក​ច្បាប់​ដល់​ជន​រងគ្រោះ​ក្នុង​ករណី​នេះ ទាំង​ក្នុង​បណ្ដឹង​រឿង​ហិង្សា និង​បណ្ដឹង​បរិហារ​កេរ្តិ៍៖ «ដោយសារ​តែ​ចំណាត់ការ​រឿង​ព្រហ្មទណ្ឌ​ហ្នឹង​សម្រាប់​ជន​រងគ្រោះ​មាន​ភាព​យឺតយ៉ាវ អ៊ីចឹង​ធ្វើ​ឲ្យ​ជន​ប្រព្រឹត្តិ និង​បក្ខពួក​មិន​មាន​ការ​ខ្លាចរអា​ច្បាប់​ទេ។ ជា​បន្តបន្ទាប់ យើង​តែង​ទទួល​ការ​រាយការណ៍​ពី​ពលរដ្ឋ​អំពី​ការ​វាយ​ដំ ដុត​ព្រៃ ដុត​ខ្ទម ដុត​ផ្ទះ ឬ​ក៏​មាន​ករណី​ឈូស​ឆាយ​បំផ្លាញ​ដំណាំ​របស់​ពួក​គាត់​នៅ​តែ​បន្ត។ នេះ​ហើយ​វា​ធ្វើ​ឲ្យ​ប៉ះពាល់​ដល់​ពលរដ្ឋ និង​សន្តិសុខ​នៅ​តំបន់​កើត​ហេតុ​ហ្នឹង ដោយសារ​តែ​ចំណាត់ការ​របស់​តុលាការ​មាន​ភាព​យឺតយ៉ាវ»។

បុគ្គល​ឈ្មោះ ហ៊ាង គុន្ធី និង​បក្ខពួក ត្រូវ​បាន​ប្រជាពលរដ្ឋ​ភូមិ​ព្រៃពាយ ឃុំ​ត្រពាំងភ្លាំង ស្រុក​ឈូក ខេត្ត​កំពត ចោទ​ថា​ជា​អ្នក​តែង​គំរាម​កំហែង និង​ប្រើ​ហិង្សា​បង្ខំ​ពលរដ្ឋ​ឲ្យ​ចាកចេញ​ពី​ផ្ទះ​សម្បែង និង​ដីធ្លី​របស់​ពួក​គាត់។ អ្នក​ភូមិ​ក៏​អះអាង​ដែរ​ថា ពួក​គេ​នេះ​ហើយ​គឺ​ជា​ឈ្មួញ​ដី​នៅ​ពី​ក្រោយ​អ្នក​មាន​ឈ្មោះ​ក្នុង​បញ្ជី​ក្បាល​ដី​ត្រូវ​ទទួល​បាន​ប័ណ្ណ​កម្មសិទ្ធិ ដែល​នាំ​ឲ្យ​អ្នក​ភូមិ​ផ្ទុះ​ការ​តវ៉ា​ទាមទារ​ឲ្យ​អាជ្ញាធរ​ជំនាញ ចុះ​ដោះស្រាយ​បញ្ហា​នេះ​បន្ទាន់ ដើម្បី​កុំ​ឲ្យ​ពួក​គាត់​បាត់បង់​ដីធ្លី៕

Source link

ក្រុមហ៊ុន​វៀតណាម​ វិនិយោគ ​$២០០​ លាន​នៅ​បាវិត

អ្នក​ដំណើរ​កំពុង​ជិះ​ម៉ូតូ​កាត់​មុខ​កាស៊ីណូ​នៅ​ក្រុង​បាវិត ជាប់​ព្រំដែន​ជាមួយ​វៀត​ណាម​។ រូបថត ភ្នំពេញ ប៉ុស្តិ៍

Kali Kotoski  ភ្នំពេញ​ប៉ុស្តិ៍ Thu, 20 April 2017

ភ្នំពេញៈ ក្រុមហ៊ុន​វិនិយោគ​វៀតណាម ដែល​មិន​សូវ​ល្បី​ឈ្មោះ​គ្រោង​បង្កើត​ការ​អភិវឌ្ឍ​ចម្រុះ​ដ៏​ធំ​ក្នុង​តម្លៃ​ ២០០​ លាន​ដុល្លារ ដែល​រួម​មាន​សណ្ឋាគារ កាស៊ីណូ រមណីយដ្ឋាន និង​សួន​ទឹក​នៅ​ក្នុង​ក្រុង​បាវិត​ជាប់​ព្រំដែន​កម្ពុជា តាម​រយៈ​ក្រុមហ៊ុន​បុត្រ​សម្ព័ន្ធ​ម៉ាឡេស៊ី​របស់​ខ្លួន​។ នេះ​បើ​តាម​មន្ដ្រី​រដ្ឋាភិបាល​បញ្ជាក់ ​កាលពី​ម្សិលមិញ​។

ដំណាក់​កាល​ដំបូង​នៃ​គម្រោង​នេះ មាន​ឈ្មោះ​ថា Empire World City នឹង​ត្រូវ​បាន​សាងសង់​លើ​ផ្ទៃ​ដី​ទំហំ​ប្រហែល​ ៥០​ ហិកតា ដឹក​នាំ​ដោយ​ក្រុមហ៊ុន Virtue Resources របស់​វៀតណាម ដែល​ប្រតិបត្តិការ​តាម​រយៈ​ក្រុមហ៊ុន​បុត្រ​សម្ព័ន្ធ​របស់​ខ្លួន VR Capital Holding Sdn. Bhd ជា​ក្រុមហ៊ុន​មួយ​ដែល​មាន​ចំណាប់​អារម្មណ៍​លើ​ការ​រុករក​រ៉ែ​នៅ​ក្នុង​ប្រទេស​ម៉ាឡេស៊ី និង​ការ​អភិវឌ្ឍ​សណ្ឋាគារ​នៅ​កោះ​ត្រល់​។ នេះ​បើ​យោង​តាម​គេហទំព័រ​របស់​ក្រុមហ៊ុន​។

លោក រស់ ភីរុណ អនុ​ប្រធាន​នាយកដ្ឋាន​ឧស្សាហកម្ម​ហិរញ្ញវត្ថុ​នៅ​ក្រសួង​សេដ្ឋកិច្ច និង​ហិរញ្ញវត្ថុ (MEF) បាន​បញ្ជាក់ ​កាលពី​ម្សិលមិញ​ថា គម្រោង​នេះ​ត្រូវ​បាន​ផ្ដល់​ការ​យល់​ព្រម​ដោយ​ក្រសួង​រៀបចំ​ដែនដី នគរូបនីយកម្ម និង​សំណង់ (MLMUPC) និង​ក្រុម​ប្រឹក្សា​អភិវឌ្ឍន៍​កម្ពុជា​(CDC)​រួច​ហើយ​។

លោក​ថ្លែង​ថា​៖ «​រដ្ឋាភិបាល​បាន​ផ្ដល់​ការ​យល់​ព្រម​ដល់​ពួក​គេ​ក្នុង​ការ​ចាប់​ផ្ដើម​ការ​សាងសង់​ពី​ការ​អភិវឌ្ឍ ហើយ​ក្រុមហ៊ុន​នឹង​ចាំបាច់​ត្រូវ​ទាក់ទង MEF នៅ​ពេល​ខ្លួន​ស្វែងរក​អាជ្ញាប័ណ្ណ​កាស៊ីណូ​»​។
លោក​បន្ថែម​ថា ក្រុមហ៊ុន​នេះ​មិន​ទាន់​ដាក់​ឯកសារ​អាជ្ញាប័ណ្ណ​កាស៊ីណូ​នៅ​ឡើយ​ទេ​។

ក្រុមហ៊ុន Virtue Resources និង​ក្រុមហ៊ុន VR Capital Holding Sdn. Bhd មិន​អាច​ទាក់ទង​ដើម្បី​សុំ​ការ​ធ្វើ​អត្ថាធិប្បាយ​បាន​ទេ​កាលពី​ថ្ងៃ​ម្សិលមិញ​។

លោក ភីរុណ មិន​អាច​ផ្ដល់​ព័ត៌មាន​អំពី​ក្រុមហ៊ុន​នេះ ឬ​ប្រភព​មូលនិធិ​របស់​ខ្លួន​បាន​ទេ ដោយ​លើក​ឡើង​ថា វា​មិន​ស្ថិត​ក្រោម​យុត្តាធិការ MEF របស់​លោក​នោះ​ទេ​។

ប៉ុន្តែ ព័ត៌មាន​ក្នុង​ស្រុក​បាន​រាយការណ៍​ កាលពី​ថ្ងៃ​ម្សិលមិញ​ថា ក្រុមហ៊ុន​នេះ​បាន​ចុះ​ហត្ថលេខា​លើ​កិច្ច​ព្រម​ព្រៀង​២​កាលពី​សប្ដាហ៍​មុន ដែល​កិច្ច​ព្រម​ព្រៀង​មួយ​មាន​តម្លៃ ​២០០​ លាន​ដុល្លារ ជាមួយ​ក្រុមហ៊ុន​ស្ថាបត្យកម្ម​ពិភពលោក​ 3Ti Progetti Asia Ltd ហើយ​កិច្ច​ព្រម​ព្រៀង​ផ្សេង​ទៀត​មាន​តម្លៃ​ ៥០​ លាន​ដុល្លារ​ដើម្បី​ទិញ​ដី​ពី​ជនជាតិ​កម្ពុជា​ពីរ​រូប​គឺ​លោក ម៉ៅ វណ្ណី និង​លោក ឈុន បូនី​។

គម្រោង​នេះ​នឹង​ត្រូវ​បញ្ចប់​ពេញ​លេញ​ក្នុង​រយៈពេល​១០​ឆ្នាំ ហើយ​នឹង​ធ្វើ​ជា​មជ្ឈមណ្ឌល​កាស៊ីណូ​អន​ឡាញ​សម្រាប់​តំបន់​នេះ​។ នេះ​បើ​តាម​របាយការណ៍​។

ពេល​សួរ​ថា​ហេតុ​អ្វី​បាន​ជា​ក្រុមហ៊ុន​វៀតណាម​វិនិយោគ​ដ៏​ច្រើន​បែប​នេះ​ក្នុង​វិស័យ​កាស៊ីណូ​នៅ​កម្ពុជា​ខណៈ​ប្រទេស ​វៀតណាម​ កាលពី​ខែ​មករា ទើប​តែ​បាន​ដក​បម្រាម​ដែល​បាន​ហាម​ពលរដ្ឋ​ខ្លួន​ពី​ការ​លេង​ល្បែង​ក្នុង​ប្រទេស​នោះ លោក រស់ ភីរុណ ឲ្យ​ដឹង​ថា នៅ​ក្នុង​រយៈពេល​ ១០​ ឆ្នាំ​ នឹង​អនុញ្ញាត​ឲ្យ​ក្រុមហ៊ុន​វាស់វែង​ពី​កំណើន​អនាគត​ក្នុង​ទីផ្សារ​នេះ​៕ LA

Source link

ឧទ្ធរណ៍​នៅ​តែ​មិន​ឲ្យ​លោក​ នី ចរិយា​ នៅ​ក្រៅ​ឃុំ

លោក នី ចរិយា ពេល​នាំ​ខ្លួន​ទៅ​សាលា​ឧទ្ធរណ៍​ពី​ពេល​កន្លង​មក​។ ផា លីណា

គឹម សារុំ ភ្នំពេញ​ប៉ុស្តិ៍ Thu, 20 April 2017

 ភ្នំពេញៈ លោក​ នី ចរិយា អគ្គលេខាធិការរង គជប ដែល​ក៏​ជា​​អតីត​មន្ត្រី​សិទ្ធិ​មនុស្ស​ល្បី​ឈ្មោះ​ម្នាក់​ផង​នោះ​កាលពី​ម្សិលមិញ​ត្រូវ​បាន​សាលា​ឧទ្ធរណ៍​បដិសេធ​ភ្លាមៗ​មិន​ឲ្យ​នៅ​ក្រៅ​ឃុំ​ជា​លើក​ទី​ ៣ ក្នុង​សំណុំ​រឿង​សូកប៉ាន់​សាក្សី​ជា​សំណុំ​រឿង​ដែល​​ត្រូវ​បាន​មជ្ឈដ្ឋាន​ជាតិ​ និង​​អន្តរជាតិ​ជាច្រើន​ចាត់​ទុក​ថា​ ជា​រឿង​នយោបាយ។

ការ​បដិសេធ​មិន​ឲ្យ​នៅ​ក្រៅ​ឃុំ​​​ជា​លើក​ទី​ ៣ ​នេះ​គឺ​ធ្វើ​ឡើង​បន្ទាប់ពី​សាលា​ឧទ្ធរណ៍​បាន​បើក​សវនាការ​ប្រមាណ​ជា​ជាង​មួយ​ម៉ោង​ដែល​​មាន​ចៅក្រម​បី​រូប​គឺ លោក សួស សំអាត ប្រធាន​ក្រុម​ប្រឹក្សា​ជំនុំជម្រះ លោក ងួន អ៊ីម និង​លោក ភៅ ពៅស៊ុន និង​តំណាង​​មហា​អយ្យការ​លោក ជា ម៉េត។

លោក នី ចរិយា​ ដែល​ក៏​ត្រូវ​បាន​ចោទប្រកាន់​ពី​បទ​ញុះញង់​​ក្នុង​រឿង​វិវាទ​ដីធ្លី​របស់​ប្រជាពលរដ្ឋ​នៅ​ខេត្ត​សៀមរាប​ផង​នោះ​ត្រូវ​បាន​កង​អនុរក្ស​​ពន្ធនាគារ​បណ្តើរ​​ចុះ​ពី​​លើ​រថយន្ត​​យ៉ាង​ប្រញាប់ប្រញាល់​ចូល​ទៅ​ក្នុង​បន្ទប់​សវនាការ​ដោយ​​​មាន​​ការ​យាមកាម​​យ៉ាង​​តឹងតែង​​នៅ​ក្រៅ​​បន្ទប់​សវនាការ​​នោះ​​មិនមាន​ឱកាស​និយាយ​អ្វី​​​សូម្បី​តែ​មួយ​ម៉ាត់​ទៅ​កាន់​​អ្នក​​កាសែត​ឡើយ​។
ទោះ​យ៉ាង​ណា​លោក សំ សុគង់​ មេធាវី​ការពារ​សិទ្ធិ​ឲ្យ​លោក នី ចរិយា ​បាន​ប្រាប់​ភ្នំពេញ​ប៉ុស្តិ៍​នៅ​ក្រៅ​​បន្ទប់​សវនាការ​ បន្ទាប់ពី​ប្រកាស​សាលដីកា​ថា ​សំណុំ​រឿង​របស់​​លោក ចរិយា​ ដែល​ចោទ​ពី​បទ​ «​សូកប៉ាន់​សាក្សី​» ​នោះ​ត្រូវ​សភា​ស៊ើបសួរ​នៃ​សាលា​ឧទ្ធរណ៍​បដិសេធ​​មិន​អនុញ្ញាត​​ឲ្យ​កូនក្តី​លោក​បាន​នៅ​ក្រៅ​ឃុំ​ទេ​។​

លោក​ថ្លែង​​ថា ​រឿង​នេះ ​​សាលា​ឧទ្ធរណ៍​ប្រកាស​តម្កល់​ដីកា​សម្រេច​មិន​ព្រម​ដោះលែង​របស់​សាលា​ដំបូង​រាជធានី​​ភ្នំពេញ​ទុក​ជា​បាន​ការ​ដដែល​។ នៅ​ក្នុង​​សំណុំ​រឿង​សូកប៉ាន់​សាក្សី​នេះ​មាន​ជន​ជាប់​ចោទ​ដែល​ជា​មន្ត្រី​សិទ្ធិមនុស្ស​ចំនួន​​ ៤ រូប​ផ្សេង​ទៀត​។​

លោក​បញ្ជាក់​​ថា​៖ ​«​ការ​ដែល​តុលាការ​មិន​ឲ្យ​លោក នី​ ចរិយា​ នៅ​ក្រៅ​ឃុំ​ដោយសារ​តុលាការ​សំអាង​ថា​លោក ចរិយា​ មាន​តួនាទី​នៅ​ក្នុង​សង្គម​ច្រើន​ហើយ​បើ​នៅ​ក្រៅ​ឃុំ​វា​អាច​ប៉ះពាល់​សន្តិសុខ​»​។

លោក សុគង់ ឲ្យ​ដឹង​ដែរ​ថា​ ក្នុង​​សវនាការ​ កាលពី​ម្សិលមិញ​ លោក​បាន​លើក​ពី​​ភ័ស្តុតាង​​បញ្ហា​សុខភាព​ការ​ដាក់​ប្រាក់​ធានា​​​ចំនួន​ ២ ​លាន​រៀល​ និង ​សុំ​តម្កល់​​លិខិត​​ឆ្លងដែន​ក៏​ដូចជា​ កូនក្តី​​លោក​ក៏​ជា​អគ្គលេខាធិការរង​នៃ​ គជប ដើម្បី​ឲ្យ​កូនក្តី​លោក​បាន​នៅ​ក្រៅ​ឃុំ​​។​ ប៉ុន្តែ​​ត្រូវ​បាន​តុលាការ​​បដិសេធ​​ដោយ​សំអាង​​ថា​ ការ​លើក​​ឡើង​នេះ​​មាន​លក្ខណៈ​ត្រឹមត្រូវ​ហើយ​ ប៉ុន្តែ​តុលាការ​ថា​ បើ​មាន​ការ​ដោះលែង​លោក នី​ ចរិយា ​​ទៅ​​វា​​អាច​នឹង​ប៉ះពាល់​​ដល់​នីតិវិធី​​ផ្សេងៗ​ទៀត​។​

លោក​ សុគង់ ​បញ្ជាក់​​ថា​៖ ​«​ការ​សម្រេច​មិន​ព្រម​ដោះលែង​នេះ​តុលាការ​លើក​សំអាង​ហេតុ​ថា​ទី​ ១​ គឺ​បទ​ចោទ​របស់​លោក នី ចរិយា​ ជា​បទឧក្រិដ្ឋ​ដែល​​ទាក់ទង​នឹង​សូកប៉ាន់​សាក្សី​។​ ទី ២ ​រក្សា​​ជន​ត្រូវ​​ចោទ​ដើម្បី​ឲ្យ​តុលាការ​​ធ្វើការ​ព្រោះ​រឿង​ក្តី​នេះ​កំពុង​ដំណើរការ​ស៊ើបសួរ​នៅ​ឡើយ ​និង​ចំណុច​មួយ​ទៀត​ខ្លាច​ជន​ត្រូវ​ចោទ​ត្រូវ​រ៉ូវ​គ្នា​ជាមួយ​ជនជាប់ចោទ​ដទៃ​ទៀត​ដូចជា​ការ​​គាប​សង្កត់​លើ​សាក្សី​ជាដើម​»​​។

លោក​ នី ចរិយា ត្រូវ​បាន​​អង្គភាព​ប្រឆាំង​អំពើ​​ពុករលួយ​​ចាប់​ខ្លួន​​កាលពី​ថ្ងៃ​ទី ២៨ ខែ​មេសា​ឆ្នាំ​ ២០១៦ ដែល​រហូត​មក​ដល់​ពេល​នេះ​នៅ​សល់​តែ​ ៨ ​ថ្ងៃ​ទៀត​ទេ​មាន​រយៈពេល​មួយ​ឆ្នាំ​ហើយ​៕

Source link