Don't Miss

KiMEDIA

Reader: សូមជូនក្មួយៗកម្មករនិងទាហានក្មេងៗ យកបទចម្រៀងនេះចាក់ឲ្យឪពុកម្ដាយស្តាប់…

សូមជូនក្មួយៗកម្មករនិងទាហានក្មេងៗយកបទចម្រៀងនេះចាក់ឲ្យឪពុកម្ដាយស្តាប់រួចប្រាប់ពួកគាត់ថា សម្តាចម៍កំពុងនាំយើងច្បាំងនឹងអាមេរិកទៀតហើយ

Source link

ក្រសួង​បរិស្ថាន អំពាវនាវ​ឲ្យ​មន្រ្តី​ឧទ្យានុរក្ស​បង្កើន​ការ​ថែ​រក្សា​សុខភាព ក្រោយ​មន្រ្តី​ពីរ​រូប​ស្លាប់ ដោយ​សារ​ជម្ងឺ​ឆ្លង

មន្រ្តី​ឧទ្យាន​នុរក្ស ដែល​បាន​​ចូ​ល​សម្រាក​ព្យាបាល​នៅ​មន្ទីរពេទ្យ កាល​ពី​ថ្ងៃ​ទី​១៥ ខែ​កញ្ញា ឆ្នាំ​២០១៧។ @FB/ក្រសួងបរិស្ថាន

ដោយ សរ ពិសី22/09/2017

ក្រសួង​បរិស្ថាន នៅ​ថ្ងៃ​នេះ បាន​ណែ​នាំ​មន្រ្តី​ឧទ្យានុរក្ស​ដែល​កំពុង​បំពេញ​ភារកិច្ច​នៅ​តាម​តំបន់​ការពារ​ធម្មជាតិ​ទាំង​អស់ ឲ្យ​បង្កើន​ការ​ប្រុង​ប្រយ័ត្ន​ខ្ពស់ ដោយ​កុំ​បរិភោគ​សាច់​សត្វ​ដែល​ចម្អិន​មិន​បាន​ឆ្អិន​ល្អ និង​ប្រុង​ប្រយ័ត្ន​ពី​ការ​យាយី​ពី​សត្វ​ចម្លង​ជម្ងឺ​នានា។ សេចក្តី​ណែ​នាំ​របស់​ក្រសួង​បរិស្ថាន​នា​ពេល​នេះ ធ្វើ​ឡើង ក្រោយ​មាន​ករណី​ផ្ទុះ​ឡើង​ជម្ងឺ​ហើម​សាច់​ដុំ និង​ជម្ងឺ​គ្រុន​ចាញ់ ដែល​បាន​បណ្តាល​ឲ្យ​មន្រ្តី​ពីរ​នាក់ បាត់​បង់​ជីវិត។

បើ​តាម​សេចក្តី​ណែ​នាំ​របស់​ក្រសួង​បរិស្ថាន ចុះ​ថ្ងៃ​ទី​២២ កញ្ញា ករណី​ផ្ទុះ​ឡើង​នូវ​ជម្ងឺ​ហើម​សាច់​ដុំ (ហើម​ដៃ ជើង​និង​បំពង់​ក) បណ្តាល​ឲ្យ​មន្រ្តី​ឧទ្យានុរក្ស​ចំនួន​១៣ នាក់ ប្រចាំ​ការ​នៅ​ដែន​ជម្រក​សត្វ​ព្រៃ «ព្រៃ​ឡង់» ដែល​ស្ថិត​នៅ​ភូមិសាស្រ្ត​ខេត្ត​កំពង់ធំ ត្រូវ​បាន​បញ្ជូន​ទៅ​កាន់​មន្ទីរពេទ្យ​នៅ​រាជធានី​ភ្នំពេញ។ ក្នុង​នោះ​មាន​មន្រ្តី​ឧទ្យានុរក្ស​ម្នាក់​បាន​ទទួល​មរណៈភាព កាល​ពី​ថ្ងៃ​ទី ២១ កញ្ញា។ ក្រសួង​​បរិស្ថាន អះអាង​ថា ជម្ងឺ​ហើម​សាច់​ដុំ​នេះ ក៏​បាន​និង​កំពុង​យាយី​ដល់​អាយុ​ជីវិត​របស់​ប្រជា​ជន​​​មួយ​ចំនួន​ផ្សេង​ទៀត​នៅ​ក្នុង​តំបន់​ព្រៃ​ឡង់​ផង​ដែរ។

តាម​រយៈ​ការ​សង្កេត និង​ការ​សន្និដ្ឋាន​បឋម​របស់​គ្រូពេទ្យ​ជំនាញ ជម្ងឺ​ហើម​សាច់​ដុំ​នេះ​ បង្ក​ឡើង​ដោយ​ប្រភេទ​ប៉ារ៉ាស៊ីត​ម្យ៉ាង ឆ្លង​ចូល​ទៅ​ក្នុង​ខ្លួន​មនុស្ស​តាម​រយៈ​ការ​បរិភាគ​សាច់​សត្វ ដែល​មិន​ចម្អិន​ល្អ រួម​ទាំង​ការ​ប្រើ​ប្រាស់​ទឹក​តាម​ដង​អូរ​ក្នុង​ព្រៃ ហើយ​ប៉ារ៉ាស៊ីត​ដ៏​កាច​សាហាវ​នេះ កំពុង​មាន​វត្តមាន​នៅ​ក្នុង​តំបន់​ព្រៃ​ឡង់។

ព្រម​ជាមួយ​គ្នា​នេះ ក្រសួង​បរិស្ថាន​ក៏​បាន​ក្រើន​រំឮក​ឲ្យ​មន្រ្តី​ក្រោម​ឱវាទ​ក្រសួង​ទាំង​អស់ ជា​ពិសេស​មន្រ្តី​ឧទ្យានុរក្ស ឲ្យ​ប្រុង​ប្រយ័ត្ន​ចំពោះ​ការ​ផ្ទុះ​ឡើង​នូវ​ករណី​ជម្ងឺ​គ្រុន​ចាញ់​ផង​ដែរ បន្ទាប់​ពី​មន្រ្តី​ឧទ្យានុរក្ស​នៅ​ខេត្ត​ស្ទឹង​ត្រែង។

ឆ្លើយ​តប​នឹង​បញ្ហា​នេះ​ ក្រសួង​បរិស្ថាន អំពាវនាវ​ឲ្យ​គ្រប់​ប្រធាន​មន្ទីរ​បរិស្ថាន ឲ្យ​ចាត់​វិធានការ​ជា​បន្ទាន់​ក្នុង​ការ​ជួយ​ដល់​ការ​ការពារ និង​ការ​ថែរក្សា​សុខភាព និង​សុវត្ថិភាព​មន្រ្តី​រាជការ​ក្រោម​ឱវាទ​របស់​ខ្លួន រួម​ទាំង​វិធានការ​ការពារ​គ្រោះ​ថ្នាក់​ចរាចរ។ ចំពោះ​មន្រ្តី​ឧទ្យានុរក្ស ដែល​កំពុង​ប្រចាំ​ការ​បំពេញ​ភារកិច្ច​នៅ​តំបន់​ការពារ​ធម្មជាតិ ក្រសួង​បរិស្ថាន​បាន​អំពាវនាវ​ឲ្យ​ពួក​គាត់ កុំ​បរិភោគ​សាច់​សត្វ​ដែល​ចម្អិន​មិន​បាន​ឆ្អិន​ល្អ ត្រូវ​បរិភោគ ទឹក​ដាំ​ពុះ​ដែល​ធានា​ថា​នឹង​មាន​សុវត្ថិភាព និង​ត្រូវ​ប្រុង​ប្រយ័ត្ន​ពី​ការ​យាយី​ពី​សត្វ​ចម្លង​ជម្ងឺ​នានា ជា​ពិសេស​មូស​ដែក​គោល ដែល​បង្ក​ឲ្យ​កើត​មាន​ជម្ងឺ​គ្រុន​ចាញ់៕

Source link

ហ៊ុន សែន អំពាវនាវ​ឲ្យ​ពលរដ្ឋ ចូល​រួម​ទប់​ទល់​រាល់​ឧបាយកល និង​ការ​ប៉ុន​ប៉ង​ឱ្យ​កម្ពុជា​ធ្លាក់​ក្នុង​ភាព​វឹក​វរ​ជា​ថ្មី

លោក ហ៊ុន សែន នាយករដ្ឋ​មន្ដ្រី​​កម្ពុជា REUTERS

ដោយ សរ ពិសី22/09/2017

លោក​នាយក​រដ្ឋមន្រ្តី ហ៊ុន សែន តាម​រយៈ​សារ​លិខិត​ចុះ​ថ្ងៃ​ទី ២១ កញ្ញា នា​ឱកាស​ទិវា​សន្តិភាព​អន្តរជាតិ បាន​អំពាវនាវ​ឲ្យ​ប្រជាពលរដ្ឋ​ខ្មែរ ចូល​រួម​ក្នុង​ការ​ថែរក្សា​សន្តិភាព ពង្រឹង​ឯកភាព​ជាតិ អនុវត្ត​វប្បធម៌​សន្ទនា។ ជា​ពិសេស​ចូល​រួម​ដោះ​ស្រាយ​បញ្ហា​ដោយ​សន្តិវិធី និង​ទប់​ស្កាត់​រាល់​ឧបាយកល រួម​ទាំង​ការ​ប៉ុន​ប៉ង​គ្រប់​រូប​ភាព​ដែល​ធ្វើ​ឲ្យ​កម្ពុជា ធ្លាក់​ក្នុង​សភាព​វឹកវរ និង​អស្ថេរភាព។

នៅ​ក្នុង​សារ​លិខិត​ដដែល​នេះ លោក​នាយក​រដ្ឋមន្រ្តី ហ៊ុន សែន បាន​បន្ត​លើក​ឡើង​ពី​ជំហរ​របស់​កម្ពុជា ក្នុង​កិច្ច​ខិត​ខំ​ប្រឹង​ប្រែង​លើក​កម្ពស់​លទ្ធិ​ប្រជាធិបតេយ្យ​ប្រកប​ដោយ​សន្តិភាព ផ្អែក​តាម​គោលការណ៍​គោរព​នីតិរដ្ឋ។ ព្រម​ជាមួយ​នឹង​ការ ប្រកាន់​ខ្ជាប់​របស់​កម្ពុជា​នូវ​គោលការណ៍​ជា​សកល​នៃ​ការ​គោរព​សិទ្ធិ​មនុស្ស​ជា​មូលដ្ឋាន។​

លោក ហ៊ុន សែន ក៏​បាន​លើក​ឡើង​ពី​ចេតនា​ក្នុង​ការ​ទប់​ស្កាត់​រាល់​សកម្មភាព ល្បិច​កិច្ច​កល ការ​ជ្រៀត​ជ្រែក​កិច្ច​ការ​ផ្ទៃ​ក្នុង ការ​អុច​អាល រើស​អើង​ពូជ​សាសន៍ ដែល​អាច​បង្ក​ហិង្សា ការ​បះ​បោរ និង​បំបែក​បំបាក់​សាមគ្គី​ភាព​ជាតិ​ក្រោម​ផ្លាក​លទ្ធិ​ប្រជាធិបតេយ្យ និង​សិទ្ធិ​មនុស្ស និង​បរទេស​ដែល​ចង់​ផ្លាស់​ប្តូរ​រាជ​រដ្ឋាភិបាល​ស្រប​ច្បាប់។ នៅ​ក្នុង​សារ​លិខិត​ចុះ​ថ្ងៃ​ទី ២១ កញ្ញា ដដែល ក៏​បាន​លើក​ឡើង​ផង​ដែរ ការ​រិះ​គន់ មួល​បង្កាច់​រដ្ឋាភិបាល​ដោយ​ឥត​ឈប់​ឈរ ដែល​លោក នាយក​រដ្ឋមន្រ្តី ហ៊ុន សែន ហៅ​ថា​ជា​ការ​ធ្វើ​ឡើង​ដោយ​លំអៀង និង​មើល​លើ​ហេតុការណ៍​តែ​មួយ​ជ្រុង និង​ការ​បន្ត​ទាម​ទារ​លទ្ធិ​ប្រជាធិបតេយ្យ​ផ្ទុយ​នឹង​គោលការណ៍​នីតិរដ្ឋ។

លោក ហ៊ុន សែន បន្ត​ប៉ាន់​ស្មាន​ថា បើ​សកម្មភាព​ដែល​បាន​រៀប​រាប់​ខាង​លើ​នេះ​ នៅ​តែ​បន្ត​កើត​ឡើង​នោះ វា​អាច​នឹង​បំផ្លិច​បំផ្លាញ​សន្តិភាព​ដែល​កម្ពុជា ទើប​តែ​បាន​ស្គាល់​មិន​ដល់​ទសវត្សរ៍​ផង​នោះ ឲ្យ​រលាយ​សាប​សូន្យ ដូច​ជា​ករណី​ប្រទេស​មួយ​ចំនួន​ដែល​ធ្លាក់​ចូល​ទៅ​ក្នុង​ភ្លើង​សង្គ្រាម​ដោយ​សារ​តែ​បដិវត្តន៍​ពណ៍ ដែល​ជ្រក​ក្រោម​ស្លាក​លទ្ធិ​ប្រជាធិបតេយ្យ។

ជា​ការ​កត់​សម្គាល់​ការ​ថ្លែង​សារ​របស់​ប្រមុខ​រដ្ឋាភិបាល​កម្ពុជា នា​ឱកាស​ទិវា​សន្តិភាព​អន្តរជាតិ​យ៉ាង​ដូច្នេះ ធ្វើ​ឡើង​បន្ទាប់​ពី​ប្រតិកម្ម​ពី​បក្ស​ប្រឆាំង អង្គការ​សង្គម​ស៊ីវិល ស្ថាន​ទូត​នានា​ប្រចាំ​នៅ​កម្ពុជា និង​សហគមន៍​អន្តរជាតិ បាន​ធ្លាក់​មក​ជា​បន្ត​បន្ទាប់ ក្រោយ​ការ​វិវត្តន៍​ស្ថានការណ៍​ចុង​ក្រោយ​ថ្មីៗ​នៅ​កម្ពុជា។ មាន​ជា​អាថ៍ ការ​ចាប់​ខ្លួន លោក កឹម សុខា ប្រធាន​គណបក្ស​សង្រ្គោះ​ជាតិ ការ​បិទ​វិទ្យុ​ក្នុង​ស្រុក​មួយ​ចំនួន​ដែល​ផ្សាយ​បន្ត​កម្មវិធី​វិទ្យុ​អាស៊ី​សេរី និង​វិទ្យុ​សម្លេង​សហរដ្ឋ​អាមេរិក ការ​បិទ​កាសែត​The Cambodia Daily ដែល​មាន​អាយុ​កាល​ជិត ២៥ ឆ្នាំ និង​ការ​បិទ​វិទ្យាស្ថាន​ជាតិ​ប្រជាធិបតេយ្យ NDI ជា​ដើម។

Source link

សាលា​ឧទ្ធរណ៍​ ​និង​អគ្គនាយក​ដ្ឋាន​ពន្ធនាគារ​ឆ្លើយ​ដាក់​គ្នា​ចំពោះ​រឿង​​នាំ​ខ្លួន​​ កឹម សុខា ​មក​សវនាការ​នៅ​សប្តាហ៍​ក្រោយ​

រូបឯកសារ៖ លោក កឹម សុខា ប្រធានគណបក្ស​សង្គ្រោះជាតិ បាន​បោះឆ្នោត​ជ្រើសរើស​ក្រុមប្រឹក្សា​ឃុំសង្កាត់ នៅខេត្ត​កណ្តាល កាលពីថ្ងៃទី៤ ខែមិថុនា ឆ្នាំ២០១៧។

កាន់ វិច្ឆិកា VOA Khmer 23 កញ្ញា 2017

នៅ​ថ្ងៃ​សុក្រ​នេះ​ សាលា​ឧទ្ធរណ៍​ ​និង​អគ្គនាយកដ្ឋាន​ពន្ធនាគារ​ ​បាន​ឆ្លើយ​ដាក់​គ្នា​ទៅវិញ​ទៅ​មក​ ​លើ​ការ​សម្រេច​នាំ​ខ្លួន​លោក​ កឹម សុខា​ ពី​ពន្ធនាគារ​ត្រពាំង​ផ្លុង​ទៅ​ចូលរួម​សវនាការ​សាលា​ឧទ្ធរណ៍​ ​នៅ​ថ្ងៃ​អង្គារ​ខាង​មុខ​ ​បន្ទាប់​ពី​អគ្គ​នាយកដ្ឋាន​ពន្ធនាគារ​បាន​បង្ហាញ​ការ​បារម្ភ​ពី​បញ្ហា​សន្តិសុខ​ សុវត្ថិភាព​របស់​លោក​ កឹម សុខា​ ក្នុង​ពេល​ដឹក​ជញ្ជូន​និង​វត្តមាន​នៅ​សាលា​ឧទ្ធរណ៍។

ភ្នំពេញ — អគ្គនាយកដ្ឋាន​ពន្ធនាគារ​បាន​ស្នើ​ឲ្យ​សាលា​ឧទ្ធរណ៍​ពិចារណា​លើ​ការ​បញ្ជូន​លោក​ កឹម សុខា​ ចូលរួម​សវនាការ​នៅ​សប្តាហ៍​ក្រោយ​ ​ដោយ​លើក​មូលហេតុ​ថា​ «បារម្ភ​ពី​សុវត្ថិភាព»​ ក្នុង​ការ​ដឹក​ជញ្ជូន​ ​និង​សន្តិសុខ​ពេល​កំពុង​សវនាការ។​ ការ​បារម្ភ​នេះ​ត្រូវ​បាន​មេធាវី​ការពារ​ក្តី​ឲ្យ​លោក​ កឹម សុខា​ ច្រាន​ចោល​ ​និង​ថា​ ​ការណ៍​ដែល​មិន​អនុញ្ញាត​ឲ្យ​លោក​ កឹម សុខា​ ចូលរួម​សវនាការ​ ​នឹង​ធ្វើ​ឲ្យ​លទ្ធផល​នៃ​ការ​ជំនុំ​ជម្រះ​នោះ​មិន​ត្រឹមត្រូវ​តាម​ច្បាប់។

នៅ​ថ្ងៃ​សុក្រ​នេះ​ សាលា​ឧទ្ធរណ៍​ ​និង​អគ្គនាយកដ្ឋាន​ពន្ធនាគារ​ ​បាន​ឆ្លើយ​ដាក់​គ្នា​ទៅវិញ​ទៅ​មក​ ​លើ​ការ​សម្រេច​នាំ​ខ្លួន​លោក​ កឹម សុខា​ ពី​ពន្ធនាគារ​ត្រពាំង​ផ្លុង​ទៅ​ចូលរួម​សវនាការ​សាលា​ឧទ្ធរណ៍​ ​នៅ​ថ្ងៃ​អង្គារ​ខាង​មុខ​ ​បន្ទាប់​ពី​អគ្គ​នាយកដ្ឋាន​ពន្ធនាគារ​បាន​បង្ហាញ​ការ​បារម្ភ​ពី​បញ្ហា​សន្តិសុខ​ សុវត្ថិភាព​របស់​លោក​ កឹម សុខា​ ក្នុង​ពេល​ដឹក​ជញ្ជូន​និង​វត្តមាន​នៅ​សាលា​ឧទ្ធរណ៍។

​ការ​ច្រាន​ដាក់​គ្នា​ទៅ​វិញ​ទៅ​មក​របស់​ស្ថាប័ន​មាន​សមត្ថកិច្ច​ខ្មែរ​ទាំង​ពីរ​ ​កើត​មាន​ឡើង​ក្រោយ​ពី​សាលា​ឧទ្ធរណ៍​សម្រេច​បើក​សវនាការ​ ​តាម​បណ្តឹង​ជំទាស់​ ​ចំពោះ​ការ​ឃុំ​ខ្លួន​ ​មេ​បក្ស​ប្រឆាំង​ ​លោក​ ​កឹម សុខា ជា​បណ្តោះអាសន្ន​ក្នុង​ពន្ធនាគារ​ ​និង​លិខិត​បញ្ជាក់​ពី​ក្តី​បារម្ភ​ចំពោះ ​«បញ្ហា​សន្តិសុខ​ ​និង​សុវត្ថិភាព»​ ក្នុង​ការ​ដឹក​ជញ្ជូន​រូប​លោក​ពី​ពន្ធនាគារ​ត្រពាំង​ផ្លុង​ ​មក​សាលា​ឧទ្ធរណ៍​ដើម្បី​សួរ​ដេញ​ដោល​ក្នុង​សវនាការ។​

ក្នុង​លិខិត​មួយ​ច្បាប់​របស់​អគ្គនាយកដ្ឋាន​ពន្ធនាគារ​នៃ​ក្រសួង​មហាផ្ទៃ​ ​ចេញ​កាលពី​ថ្ងៃ​ទី​១៨​ ​ខែ​កញ្ញា​ ​ស្នើ​ទៅ​អគ្គ​ព្រះរាជអាជ្ញា​សាលា​ឧទ្ធរណ៍​ ​ពិចារណា​ចំពោះ​ចំណាត់ការ​ ​នាំ​ខ្លួន​លោក​ កឹម សុខា​ ប្រធាន​គណបក្ស​សង្គ្រោះ​ជាតិ​ ​ទៅ​ចូល​រួម​សវនាការ​សាលា​ឧទ្ធរណ៍​ នៅ​ថ្ងៃ​ទី​២៦ ខែ​កញ្ញា​ខាង​មុខ។​

ក្នុង​លិខិតដែល​បោះត្រាដោយ​ ​លោក​ ចាន់ គឹមសេង​ អគ្គនាយក​នៃ​អគ្គនាយកដ្ឋាន​ពន្ធនាគារ​ ក្រសួង​មហាផ្ទៃ​ ផ្ញើ​ឲ្យ​អគ្គព្រះរាជអាជ្ញា​សាលា​ឧទ្ធរណ៍​ ​បាន​សរសេរ​ក្នុង​ន័យ​ដើម​ថា៖

​«ក្នុង​ការ​ចាត់​ចែង​នាំ​ជន​ត្រូវ​ចោទ​ឈ្មោះ​ កឹម សុខា​ មក​សាលា​ឧទ្ធរណ៍​ដើម្បី​បើក​ការ​ពិភាក្សា​ដេញ​ដោល​នៅ​ថ្ងៃ​ទី​២៦​ ​ខែ​កញ្ញា​ ​ឆ្នាំ​២០១៧​ ​អគ្គនាយកដ្ឋាន​ពន្ធនាគារ​មាន​ការ​បារម្ភ​ចំពោះ​បញ្ហា​សន្តិសុខ​ ​សុវត្ថិភាព​ដែល​អាច​កើត​ឡើង​ជា​យថាហេតុ​ នៅ​ពេល​ដឹកជញ្ជូន​ ​ក៏​ដូចជា​នៅ​ពេល​មាន​វត្តមាន​នៅ​សាលា​ឧទ្ធរណ៍»។

រូបឯកសារ៖ ប្រធាន​គណបក្ស​សង្គ្រោះ​ជាតិ​ លោក កឹម សុខា ត្រូវ​បាន​ចាប់​ខ្លួន​នៅ​រំលង​អាធ្រាត​ឈាន​ចូល​ថ្ងៃទី៣ ខែកញ្ញា​ នៅ​គេហដ្ឋាន​របស់​លោក ក្នុង​រាជធានី​ភ្នំពេញ​។​ ( រូបផ្តល់ឲ្យ)

លោក​ ​ទូច ថារិទ្ធ​ ​អ្នកនាំពាក្យ​សាលា​ឧទ្ធរណ៍​ប្រាប់​ VOA​ នា​រសៀល​ថ្ងៃ​សុក្រ​នេះ​ថា​ ​ការ​សម្រេច​ក្នុង​ការ​បញ្ជូន​លោក​ ​កឹម សុខា​ ​មក​កាន់​សវនាការ​ ​ឬ​អត់​ ​គឺ​ជា​សមត្ថកិច្ច​របស់​អគ្គនាយកដ្ឋាន​ពន្ធនាគារ។ ​លោក​បន្ថែម​ថា​ ​ដោយ​សារ​សំណុំ​រឿង​ពាក់ព័ន្ធ​នឹង​លោក​ កឹម សុខា​ ​គឺ​ជា​សំណុំ​រឿង​សុំ​នៅ​ក្រៅ​ឃុំ​ ​ដូច្នេះ​លោក​ថា​ ​សាលា​ឧទ្ធរណ៍​នៅ​តែ​ដំណើរការ​សវនាការ​ ​បើ​ទោះ​ជា​មិន​មាន​វត្តមាន​របស់​លោក​ កឹម សុខា​ ក្តី។

លោក​ ​ទូច ថារិទ្ធ​ មាន​ប្រសាសន៍​ថា៖​

«ចំពោះ​ការ​ដឹក​ជញ្ជូន​ជន​ល្មើស​ ​ជា​កិច្ច​ការងារ​របស់​អគ្គនាយកដ្ឋាន​ពន្ធនាគារ ដូច្នេះ​ចំពោះ​សាលា​ឧទ្ធរណ៍​ កិច្ច​ដំណើរការ​នីតិវិធី​នៅ​ថ្ងៃ​ទី​២៦​ហ្នឹង ​នៅ​តែ​ដំណើរការ​ដដែល ក៏​ប៉ុន្តែ​សាលា​ឧទ្ធរណ៍​ក៏​ចង់​ឲ្យ​មាន​វត្តមាន​ជនល្មើស​នៅ​ពេលសវនាការ​ដែរ​ ​ក៏​ប៉ុន្តែបើ​មិន​មាន​វត្តមាន​ជន​ល្មើស​នៅ​ពេល​សវនាការ​ទេ ដំណើរការ​នីតិវិធី​នៃ​តុលាការ​ក៏​មិន​មាន​ការ​រាំងស្ទះ​ដែរ»។

ទោះ​ជា​យ៉ាង​នេះ​ក៏​ដោយ​ ​លោក​ ចាន់ គឹមសេង​ អគ្គនាយក​នៃ​អគ្គ​នាយកដ្ឋាន​ពន្ធនាគារ​ក្រសួង​មហាផ្ទៃ​បញ្ជាក់​ប្រាប់​ VOA​ ថា​ ​លោក​មាន​ការ​បារម្ភ​ពី​សុវត្ថិភាព​ទូទៅ​ក្នុង​ពេល​កំពុង​ដឹក​ជញ្ជូន​លោក​ ​កឹម សុខា​ ​ពី​ពន្ធនាគារ​ទៅ​កាន់​តុលាការ និង​សន្តិសុខ​សុវត្ថិភាព​ក្នុង​ពេល​ចូលរួម​សវនាការ។​ ​លោក​បន្ថែម​ថា​ ​អគ្គនាយកដ្ឋាន​ពន្ធនាគារគ្រាន់​តែ​ជូន​ជា​យោបល់​ទៅ​អគ្គ​ព្រះរាជអាជ្ញា​សាលា​ឧទ្ធរណ៍​ ឲ្យ​ពិចារណា​ក្នុង​ការ​ចាត់​ចែង​សន្តិសុខ​ប៉ុណ្ណោះ។

លោក​ ​ចាន់ គឹមសេង​ បញ្ជាក់​ថា៖​

«ខាង​ខ្ញុំ​ មាន​សមត្ថកិច្ច​ដឹក​ជញ្ជូន​ ​ដល់​ហើយ​ ខ្ញុំ​គ្រាន់តែ​សម្តែង​ការ​បារម្ភ​ពាក់ព័ន្ធ​នឹង​សន្តិសុខ​សុវត្ថិភាព​ទូទៅ​ ​អាហ្នឹង​គឺ​ខ្ញុំ​គ្រាន់តែ​ជូន​ដំណឹង​អញ្ចឹង​ ​អន្តរាគមន៍​ទៅ​អង្គភាព​ពាក់ព័ន្ធ​ផ្សេង​ទៀត។​ ពិចារណា​ដើម្បី​គាត់​អាច​ទៅ​ខាង​ណា​ទៀត​ ​ឧបមា​ពាក់ព័ន្ធ​សមត្ថកិច្ច​រក្សា​សណ្តាប់​ធ្នាប់​សាធារណៈ អគ្គស្នងការ​នគរបាល​អី​អញ្ចឹង​ទៅ​ ​ឲ្យ​គេ​ចាត់​ចែង​សន្តិសុខ​សណ្តាប់ធ្នាប់​សាធារណៈ​យ៉ាងម៉េច​អី​យ៉ាង​ម៉េចទៅ គ្រាន់​ជូន​យោបល់​គាត់​តើ»។

ទោះ​ជា​យ៉ាង​ណា​ មិន​មាន​ការ​បញ្ជាក់​ច្បាស់​លាស់​ណាមួយ​ថា​ តើ​អគ្គនាយកដ្ឋាន​ពន្ធនាគារ​នឹង​បញ្ជូន​លោក​ កឹម សុខា​ ​ទៅ​ចូលរួម​សវនាការ​សាលា​ឧទ្ធរណ៍​នា​ថ្ងៃ​ទី​២៦ ខែ​កញ្ញា​ខាងមុខ​ ​ឬ​យ៉ាង​ណា​នោះ​ទេ​ ​ដោយ​លោក​ ​ចាន់ គឹមសេង​ បាន​ទម្លាក់​ទូរស័ព្ទ​ចុះ​ខណៈ​ដែល​ VOA​ ​មិន​ទាន់​បាន​បញ្ចប់​សំណួរ​នៅ​ឡើយ។​

​លោក​ ​កឹម សុខា​ ​ប្រធាន​គណបក្ស​សង្គ្រោះ​ជាតិ​ ​ត្រូវ​បាន​អាជ្ញាធរ​សម្រុក​ចូល​ចាប់ខ្លួន​ចេញ​ពី​ផ្ទះ​របស់​លោក​ក្នុង​រាជធានី​ភ្នំពេញ ​ទាំង​កណ្ដាល​យប់​រំលង​អធ្រាត្រ​ចូល​ថ្ងៃ​ទី​៣ ខែ​កញ្ញា​ ​ក្រោម​បទ​ចោទ​ប្រកាន់​ថា​ ​លោក​ ​«ក្បត់ជាតិ»។​ អាជ្ញាធរ​ ​បាន​ចោទ​ថា​ ​លោក​បាន​រៀបចំ​ផែនការ​សម្ងាត់​ ​ដោយ​មាន​សហរដ្ឋ​អាមេរិក​នៅ​ពី​ក្រោយ​ ​ដើម្បី​ផ្ដួល​រំលំ​រដ្ឋាភិបាល​បច្ចុប្បន្ន​ ​ដែល​ដឹកនាំ​ដោយ​លោក​នាយករដ្ឋមន្ត្រី​ ​ហ៊ុន សែន។​ ​តុលាការ​បាន​បញ្ជូន​លោក​ ​កឹម សុខា​ ​ទៅ​ឃុំ​ក្នុង​ពន្ធនាគារ​ត្រពាំង​ផ្លុង​ ​នៅ​ខេត្ត​ត្បូងឃ្មុំ​ ​ជាប់​ព្រំ​ដែន​វៀតណាម។

ពាក់ព័ន្ធ​នឹងសវនាការ​នៅ​សាលា​ឧទ្ធរណ៍​ ​នា​ថ្ងៃ​ទី​២៦ ខែ​កញ្ញា​ ​ខាង​មុខ​នេះ​ ​លោក​ ​សំ សុគង់​ ​មេធាវី​មួយ​រូប​ក្នុង​ចំណោម​មេធាវី​ប្រាំបីរូប​ ​ដែល​ការពារ​ក្តី​ឲ្យ​លោក​ កឹម សុខា​ ​ប្រាប់​ថា ​ជា​សវនាការ​លើ​បណ្តឹង​របស់​ក្រុម​មេធាវី​ដែល​ប្រឆាំង​ទៅ​នឹង​ការ​សម្រេច​របស់​សាលាដំបូង​រាជធានី​ភ្នំពេញ​ ​ក្នុង​ការ​ឃុំ​ខ្លួន​ ​លោក​ កឹម សុខា​ ​ជា​បណ្តោះអាសន្ន​ក្នុង​ពន្ធនាគារ​ ​មិនមែន​ជា​បណ្តឹង​សុំ​នៅ​ក្រៅ​ឃុំ​នោះ​ទេ។​ លោក​បន្ថែម​ថា​ ការ​ព្រួយ​បារម្ភ​របស់​អគ្គនាយក​នៃ​អគ្គនាយកដ្ឋាន​ពន្ធនាគារ​លើ​សុវត្ថិភាព​នៃ​ការ​បញ្ជូន​លោក​ ​កឹម សុខា​ ​ទៅ​ចូលរួម​សវនាការ​សាលា​ឧទ្ធរណ៍​ខាងមុខ​ គឺ​ជា​ការ​បារម្ភ​ដែល​មិន​សម​ហេតុផល​ ​និង​មិន​អាច​ទទួល​យក​បាន។

លោក​ ​សំ សុគង់​ ​បន្ថែម​ថា​ ​លោក​ ​កឹម សុខា​ ​បាន​ប្រាប់​មេធាវី​ថា​ ​លោក​ចង់​ចូលរួម​គ្រប់​នីតិវិធី​តុលាការ​ដើម្បី​បង្ហាញ​ពី​ភាព​ស្អាតស្អំ​ ​និង​ស្វែង​រក​យុត្តិធម៌​សម្រាប់​ខ្លួន​ឯង​ ​ដូច្នេះ​លោក សំ សុគង់ ​ថា​ ​ប្រសិន​បើ​លោក​ កឹម សុខា​ ​មិន​បាន​ចូល​រួម​ក្នុង​សវនាការ​ ​នោះ​នឹង​បង្ហាញ​ថា​ ​សវនាការ​នោះ​នឹងមិន​ត្រឹមត្រូវ​តាម​ច្បាប់។​

លោក​ ​សំ សុគង់​ ​បញ្ជាក់​ថា៖​

«នៅ​ក្នុង​នីតិវិធី​ច្បាប់​ ​ក៏​ដូចជា​គោលការណ៍​ទាក់ទង​នឹង​សិទ្ធិ​របស់​ជន​ត្រូវ​ចោទ​ហ្នឹងគឺ ជន​ត្រូវ​ចោទ​ហ្នឹង​ត្រូវ​តែ​មាន​វត្តមាន​នៅ​ក្នុង​បន្ទប់​សវនាការ។​ ហើយ​ទាក់ទង​នឹង​ការ​ព្រួយ​បារម្ភ​ពី​បញ្ហា​សុវត្ថិភាព​ បញ្ហា​សន្តិសុខ ឬ​បញ្ហា​អី​ផ្សេងៗ​ហ្នឹង​ ខ្ញុំ​គិត​ថា ​វា​មិន​ជា​បញ្ហា​ទេ ដោយសារ​ការ​ការពារ​សន្តិសុខ​របស់​ជន​ត្រូវ​ចោទ​ហ្នឹង គឺ​ជា​កាតព្វកិច្ច​របស់​រដ្ឋាភិបាល​ដែល​ត្រូវ​ធ្វើ​ជា​ដាច់ខាត»។

កាល​ពី​ថ្ងៃ​ទី​១១ ខែ​កញ្ញា ​ក្រុម​មេធាវី​ការពារ​ក្ដី​ឲ្យ​លោក ​កឹម សុខា​ ​ចំនួន​ប្រាំ​បី​នាក់​ ​បាន​ប្ដឹង​ទៅតុលាការ​សុំ​ឲ្យ​លោក​ ​កឹម សុខា​ ​នៅ​ក្រៅ​ឃុំ​បណ្ដោះ​អាសន្ន។​ នៅ​ថ្ងៃ​ទី​១៥ ខែ​កញ្ញា​ ​ក្រុម​មេធាវី​ទាំង​នោះ​ ក៏​បាន​ដាក់​ពាក្យ​ស្នើ​សុំ​ទៅ​លោក​ គី ឫទ្ធី​ ចៅក្រម​ស៊ើបសួរ​សាលា​ដំបូង​រាជធានី​ភ្នំពេញ​ឲ្យ​ដក​កាមេរ៉ា​សុវត្ថិភាព​ ​និង​ឧបករណ៍​ស្រូប​សំឡេង​ចេញ​ពី​បន្ទប់​ឃុំឃាំង​ ​និង​ឲ្យ​លោក​ ​កឹម សុខា​ ​បាន​ស្ដាប់​វិទ្យុ ព្រម​ទាំង​ស្នើ​អនុញ្ញាត​ឲ្យ​ក្រុម​មេធាវី​យក​ឯកសារ​ច្បាប់​ ​និង​សំណុំ​រឿង​ចូល​ជួប​ពិគ្រោះ​យោបល់​រវាង​មេធាវី​ ​និង​កូន​ក្ដី​ជាដើម។​ ​ទោះ​ជា​យ៉ាង​ណា​ លោក​ សំ សុគង់​ លើក​ឡើង​ថា ​រហូត​មក​ដល់​ពេល​នេះ តុលាការ​មិនទាន់​បាន​ឆ្លើយ​តប​លើ​ការ​ស្នើ​សុំ​ណា​មួយ​នៅ​ឡើយ។

ការ​ចាប់​ខ្លួន​លោក​ កឹម សុខា​ ​ទាំង​កម្រោល​ ​និង​បញ្ជូន​លោក​ទៅ​ឃុំ​នៅ​ពន្ធនាគារ​ ​បាន​ធ្វើ​ឲ្យ​ស្ថាប័ន និង​អង្គការ​អន្តជាតិ​យ៉ាង​ច្រើន​ប្រតិកម្ម​ ​និង​សម្តែង​នូវ​ការ​ព្រួយ​បារម្ភ​យ៉ាង​ខ្លាំង។​ ក្នុង​នោះ​គេ​ក៏​ឃើញ​មាន​ការ​ធ្វើ​បាតុកម្ម​ ​និង​គម្រោង​បាតុកម្ម​ជាច្រើន​របស់​ជនជាតិ​ខ្មែរ​មួយ​ចំនួន​នៅ​បរទេស​ ​ទាមទារ​ឲ្យ​ដោះលែង​លោក​ កឹម សុខា​ ជា​បន្ទាន់។​ បើ​យោង​តាម​បណ្តាញ​សង្គម​ Twitter ​របស់​កញ្ញា ​កឹម មនោវិទ្យា​ កូនស្រី​របស់​លោក​ កឹម សុខា​ ​បាន​បង្ហោះ​ក្នុង​សប្តាហ៍​នេះ គម្រោង​ធ្វើ​បាតុកម្ម​ជាច្រើន​នឹង​ត្រូវ​ធ្វើ​ជា​បន្ត​បន្ទាប់​នៅ​តាម​បណ្តា​ប្រទេស​ជាច្រើន​ ​រួមមាន​បណ្តា​ប្រទេស​ក្នុង​សហគមន៍​អឺរ៉ុប​ អាមេរិក អូស្រ្តាលី​ ​និង​កូរ៉េ​ខាង​ត្បូង​ជា​ដើម៕

Source link

Cambodians protesting against Hun Sen at the United Nations in New York

ពលរដ្ឋ​ខ្មែរ​អាមេរិក​កាំង​ធ្វើ​បាតុកម្ម​នៅ​បូរីញូយ៉ក​។ Source: គឹមលី ឆេង




Source link

លោក​ ហ៊ុន​ សែន​ ប្ដេជ្ញា​ចិត្ត​ទប់ស្កាត់​ក្រុម​អ្នក​រិះគន់​ទាំងឡាយ​ណា​ដែល​ប៉ុនប៉ង​នាំ​មក​នូវ​ការ​ផ្លាស់ប្ដូរ​ជា​វិជ្ជមាន​ក្នុង​សង្គម​កម្ពុជា​

ប្រធាន​គណបក្ស​ប្រជាជន​កម្ពុជា លោក​នាយក​រដ្ឋមន្ត្រី ហ៊ុន សែន (ស្ដាំ) និង​ប្រធាន​កិត្តិយស​នៃ​គណបក្ស​ប្រជាជន​កម្ពុជា លោក ហេង សំរិន (ឆ្វេង) ក្នុង​ពិធី​អបអរ​សាទរ​ខួប​លើក​ទី​៦៤ នៃ​ការ​បង្កើត​គណបក្ស​ប្រជាជន​កម្ពុជា នៅ​ថ្ងៃ​ទី​២៨ ខែ​មិថុនា ឆ្នាំ​២០១៥។ RFA/Brach Chev

ដោយ មាន ឫទ្ធិ RFA 2017-09-22

ស្រប​ពេល​ដែល​ពិភពលោក​ប្រារព្ធ​ទិវា​សន្តិភាព​អន្តរជាតិ​កាល​ពី​ថ្ងៃ​ទី​២១​ ខែ​កញ្ញា​ ម្សិលមិញ​នេះ​ លោក​នាយករដ្ឋមន្ត្រី​ ហ៊ុន សែន​ បញ្ចេញ​សារ​ប្ដេជ្ញាចិត្ត​ ក្នុង​អត្ថន័យ​ហាក់​បង្កប់​ដោយ​អំពើ​ហិង្សា​ ដើម្បី​ទប់ស្កាត់​ក្រុម​អ្នក​រិះគន់​ទាំងឡាយ​ណា​ដែល​ប៉ុនប៉ង​នាំ​មក​នូវ​ការ​ផ្លាស់ប្ដូរ​ជា​វិជ្ជមាន​ក្នុង​សង្គម​កម្ពុជា។​ អ្នក​ឃ្លាំមើល​នយោបាយ​យល់ឃើញ​ថា​ រដ្ឋាភិបាល​បរាជ័យ​ក្នុង​ការ​ផ្ដល់​ជូន​នូវ​សន្តិភាព​ពិត​ប្រាកដ​សម្រាប់​ពលរដ្ឋ​ទាំងអស់​គ្នា​ ខណៈ​មាន​ការ​កើន​ឡើង​ខ្ពស់​នៃ​អំពើ​អយុត្តិធម៌​សង្គម។

លោក​ ហ៊ុន​ សែន​ បាន​អំពាវនាវ​ដល់​ប្រជាពលរដ្ឋ​ខ្មែរ​ទាំងអស់​ ឲ្យ​ចូលរួម​ក្នុង​ការ​ថែរក្សា​សន្តិភាព​ ពង្រឹង​ឯកភាព​ជាតិ​ អនុវត្ត​វប្បធម៌​សន្ទនា​ គោរព​ច្បាប់​ និង​ដោះស្រាយ​បញ្ហា​ដោយ​សន្តិវិធី។​ លោក​ ហ៊ុន​ សែន​ បន្ត​ថា​ ដោយ​មាន​ការ​យល់ដឹង​ពី​តម្លៃ​ដែល​ពុំ​អាច​កាត់​ថ្លៃ​បាន​ និង​សារៈសំខាន់​នៃ​សន្តិភាព​ កម្ពុជា​ចូលរួម​ជាមួយ​ពិភពលោក​ក្នុង​ទិវា​សន្តិភាព​នេះ​ ដើម្បី​លើក​កម្ពស់​ ការ​យល់ដឹង​ពី​អត្ថន័យ​នៃ​សន្តិភាព​ឲ្យ​កាន់​តែ​ទូលំ​ទូលាយ​ ពង្រឹង​សាមគ្គីភាព​ ឯកភាព​ជាតិ​ដើម្បី​ថែរក្សា​ឲ្យ​បាន​គង់វង្ស​នូវ​សុខ​សន្តិភាព​នេះ​ ដែល​លោក​ថា​ ជា​មូលដ្ឋាន​គ្រឹះ​ដ៏​ចាំបាច់​ ដើម្បី​បន្ត​ការអភិវឌ្ឍន៍​ និង​ការ​រីកចម្រើន។​

សារ​អំពាវនាវ​របស់​លោក​ ហ៊ុន​ សែន​ ពី​ខាង​លើ​នេះ​ ហាក់​មាន​ភាព​ផ្ទុយ​គ្នា​ស្រលះ​ទៅ​នឹង​ស្ថានការណ៍​វិវត្តន៍​ចុងក្រោយ​នៅ​កម្ពុជា​ ខណៈ​ដែល​រដ្ឋាភិបាល​របស់​លោក​ ហ៊ុន​ សែន​ បន្ត​ការ​គំរាមកំហែង​ និង​ធ្វើ​ទុក្ខ​បុក​ម្នេញ​ឥត​ឈប់ឈរ​ដល់​បណ្ដា​ក្រុម​អ្នក​រិះគន់​ មន្ត្រី​គណបក្ស​ប្រឆាំង​ សង្គម​ស៊ីវិល​ជាតិ​ និង​អន្តរជាតិ​ និង​ប្រព័ន្ធ​ផ្សព្វផ្សាយ​ឯករាជ្យ។​
ក្នុង​ន័យ​បង្កប់​ដោយ​អត្ថន័យ​ហិង្សា​និយម​ លោក ហ៊ុន សែន មិន​ភ្លេច​លើក​ឡើង​ពី​ការ​ប្ដេជ្ញា​ចិត្ត​ខ្ពស់​ របស់​លោក​ដើម្បី​ទប់ស្កាត់​រាល់​ឧបាយកល​ និង​ការ​ប៉ុនប៉ង​តាម​គ្រប់​រូបភាព​ ដែល​លោក​ថា​ ធ្វើ​ឡើង​ក្នុង​គោលបំណង​ធ្វើ​ឲ្យ​ប្រទេស​ជាតិ​ធ្លាក់​ក្នុង​សភាព​វឹកវរ​ និង​អស្ថិរភាព។​

លោក​ ហ៊ុន​ សែន​ ថា​ រដ្ឋាភិបាល​របស់​លោក​នឹង​ទប់ស្កាត់​នូវ​រាល់​សកម្មភាព​ ល្បិច​កិច្ចកល​ ការ​ជ្រៀតជ្រែក​កិច្ចការ​ផ្ទៃ​ក្នុង​ ការ​អុចអាល​រើសអើង​ពូជសាសន៍​ ដែល​អាច​បង្ក​ហិង្សា​ ការ​បះបោរ​ និង​បំបែក​បំបាក់​សាមគ្គីភាព​ជាតិ​ ជ្រក​ក្រោម​ផ្លាក​លទ្ធិ​ប្រជាធិបតេយ្យ​ និង​សិទ្ធិ​មនុស្ស​ ដែល​មាន​គោលបំណង​បម្រើ​ផលប្រយោជន៍​នយោបាយ​របស់​បុគ្គល​ ឬ​ក្រុម​មនុស្ស​មួយ​ក្ដាប់​តូច​ និង​បរទេស​ដែល​ចង់​ផ្លាស់ប្ដូរ​រដ្ឋាភិបាល​ស្រប​ច្បាប់។​

លោក​ ហ៊ុន​ សែន​ ព្រមាន​ថា​ ការ​រិះគន់​ មួលបង្កាច់​រដ្ឋាភិបាល​ដោយ​ឥត​ឈប់ឈរ​ ដែល​ធ្វើ​ឡើង​ដោយ​លំអៀង​ និង​មើល​លើ​ហេតុការណ៍​តែ​មួយ​ជ្រុង​ និង​ការ​បន្ត​ទាមទារ​លទ្ធិ​ប្រជាធិបតេយ្យ​ផ្ទុយ​នឹង​គោលការណ៍​នីតិរដ្ឋ​ ពិត​ជា​មិន​មែន​នាំ​មក​នូវ​សុខ​លទ្ធិ​ប្រជាធិបតេយ្យ​ប្រកប​ដោយ​សន្តិភាព​នោះ​ទេ។​ ប៉ុន្តែ​ផ្ទុយ​ទៅ​វិញ​ វា​អាច​បំផ្លាញ​សន្តិភាព​ ដែល​កម្ពុជា​ទើប​តែ​បាន​ស្គាល់​មិន​ដល់​ ២​ ទសវត្សរ៍​ផង​នោះ​ឲ្យ​រលាយ​សាប​សូន្យ​ ដូច​ករណី​ប្រទេស​មួយ​ចំនួន​ដែល​ធ្លាក់​ចូល​ក្នុង​ភ្លើង​សង្គ្រាម​ ដោយសារ​បដិវត្តន៍​ពណ៌​ ដែល​ជ្រក​ក្រោម​ស្លាក​លទ្ធិ​ប្រជាធិបតេយ្យ។​

សម្រាប់​អ្នក​វិភាគ​ និង​ឃ្លាំមើល​នយោបាយ​នៅ​កម្ពុជា​ លោក​បណ្ឌិត​ មាស​ នី​ លោក​យល់​ឃើញ​ថា​ សន្តិភាព​ក្នុង​សង្គម​កម្ពុជា​បច្ចុប្បន្ន​នេះ​ មាន​តែ​សម្រាប់​ក្រុម​មនុស្ស​អ្នក​មាន​អំណាច​ និង​ក្រុម​អ្នក​មាន​តែ​ប៉ុណ្ណោះ។​ ដោយឡែក​ សម្រាប់​ប្រជាពលរដ្ឋ​ទូទៅ​ និង​ក្រុម​អ្នក​ដែល​មាន​ទស្សនៈ​មិន​យល់​ស្រប​ជាមួយ​នឹង​រដ្ឋាភិបាល​ ពិបាក​នឹង​ប្រាកដ​ថា​ពួក​គេ​កំពុង​ទទួល​បាន​នូវ​សន្តិភាព​ពេញ​លេញ​នោះ​ឡើយ​ ពោល​គឺ​ទាំង​សន្តិភាព​ផ្លូវ​ចិត្ត​ សុខភាព​ និង​យុត្តិធម៌​សង្គម។​

លោក​បណ្ឌិត​ ​មាស​ នី​ ថា​ លោក​មើល​ឃើញ​ពី​ភាព​ខុស​គ្នា​នៃ​ការ​យល់ឃើញ​អំពី​ពាក្យ​សន្តិភាព​នៅ​ក្នុង​សង្គម​កម្ពុជា។​ នៅ​ស្រុក​ខ្មែរ​ លោក​ថា​ រដ្ឋាភិបាល​គិត​ត្រឹម​តែ​សន្តិភាព​ក្នុង​សង្គម​មួយ​ដែល​មិន​មាន​សង្គ្រាម​ប្រដាប់​អាវុធ​តែ​ប៉ុណ្ណោះ។​ ប៉ុន្តែ​ រដ្ឋាភិបាល​បាន​ទទួល​បរាជ័យ​ក្នុង​ការ​រក្សា​ឲ្យ​មាន​យុត្តិធម៌​សង្គម​ដែល​ត្រឹមត្រូវ​ មិន​មាន​អ្នក​មាន​អំណាច​មក​ជិះជាន់​អ្នក​តូច​តាច​ ហើយ​មនុស្ស​គ្រប់​រូប​ទាំង​មន្ត្រី​ថ្នាក់​តូច​ ថ្នាក់​ធំ​ត្រូវ​រស់​នៅ​ក្រោម​សំណាញ់​ច្បាប់​ទាំងអស់​គ្នា។​

លោក​បណ្ឌិត​ មាស​ នី៖​ «​អញ្ចឹង​នៅ​ក្នុង​ស្ថានភាព​បែប​ហ្នឹង​ គឺ​ដរាប​ណា​រដ្ឋាភិបាល​ គាត់​គិត​ថា​សន្តិភាព​ដែល​មាន​ត្រឹម​តែ​ការ​មិន​មាន​ការ​ប្រឈម​នឹង​កម្លាំង​ប្រដាប់​អាវុធ​ តែ​មិន​គិត​អំពី​យុត្តិធម៌​សង្គម​នោះ​ទេ​ ខ្ញុំ​គិត​ថា​ សង្គម​ខ្មែរ​នឹង​ស្ថិត​ក្នុង​ស្ថានភាព​បែប​នេះ​រហូត។​ ប៉ុន្តែ​មួយ​វិញ​ទៀត​ ក៏​មាន​បង​ប្អូន​យើង​ខ្លះ​​ ក៏​គាត់​គិត​ដែរ​ថា​ ប្រហែល​ជា​រដ្ឋាភិបាល​ មន្ត្រី​ជាន់ខ្ពស់​ រដ្ឋាភិបាល​ហ្នឹង​ គាត់​គិត​ថា​ សន្តិភាព​ហ្នឹង​គឺ​មាន​សម្រាប់​តែ​គ្រួសារ​គាត់​ ឬ​ក៏​បក្ខ​ពួក​របស់​គាត់​ ដែល​គាត់​អាច​មាន​អំណាច​ក្នុង​ការ​ប្រើប្រាស់ ​ឬ​ក៏​ពេល​ខ្លះ​ អាច​នៅ​ពី​លើ​ច្បាប់​បាន…។​ »​

លោក​បណ្ឌិត​ មាស​ នី​ ស្នើ​ឲ្យ​កម្ពុជា​ចេះ​យក​គម្រូ​តាម​ប្រទេស​ជិត​ខាង​ដែល​អាច​ដោះស្រាយ​ស្ថានការណ៍​នយោបាយ​បាន​ដោយ​រលូន​ និង​មិន​ប៉ះពាល់​ដល់​សេដ្ឋកិច្ច​ជាតិ​ ហើយ​ថា​ ជាតិ​សាសន៍​ទាំង​នោះ​មិន​ដែល​យក​ពាក្យ​សង្គ្រាម​មក​គំរាម​គ្នា​ ឬ​ចាប់ចង​ដាក់​ពន្ធនាគារ​ក្រុម​អ្នក​ប្រឆាំង​នោះ​ទេ។​ លោក​ថា​ សង្គម​កម្ពុជា​បច្ចុប្បន្ន​មិន​ទាន់​មើល​ឃើញ​សន្តិភាព​ក្នុង​អត្ថន័យ​ដូច​គ្នា​នៅ​ឡើយ​ទេ។​

លោក​បណ្ឌិត​ មាស​ នី​៖​ «បើ​យើង​មាន​អយុត្តិធម៌​សង្គម​នេះ​យូរ​ ច្រើន​ពេក​ទៅ​ ធ្វើ​ឲ្យ​អស្ថេរភាព​ហើយ។​ បើ​ដូច​រដ្ឋាភិបាល​គាត់​មាន​ការ​ព្រួយបារម្ភ​ពី​រឿង​បដិវត្ត​ពណ៌​អី​ហ្នឹង​ ការ​ព្រួយបារម្ភ​របស់​គាត់​គឺ​ត្រូវ​ហើយ​ ព្រោះ​កាលណា​មាន​អយុត្តិធម៌​កើត​ច្រើន​ មនុស្ស​មិន​សប្បាយចិត្ត​ ពេល​នោះ​គេ​នឹង​បង្ហាញ​កំហឹង​របស់​គេ។​ អញ្ចឹង​វា​ធ្វើ​ឲ្យ​មាន​ការ​ព្រួយបារម្ភ​មួយ​ដល់​រដ្ឋាភិបាល​ អំពី​ការ​ធ្វើ​បដិវត្ត​ពណ៌​នេះ។​ ហើយ​ការ​ធ្វើ​បដិវត្ត​ពណ៌​នេះ​ មិន​មែន​ជា​ការ​ដោះស្រាយ​ជាមួយ​បដិវត្ត​ពណ៌​ដោយ​ធ្វើ​ការ​គំរាម​តែ​មួយ​មុខ​ប៉ុណ្ណឹង​ទេ។​ គឺ​ត្រូវការ​ដោះស្រាយ​នូវ​បញ្ហា​អយុត្តិធម៌​សង្គម​ ដែល​កំពុង​កើត​មាន​…​ ធ្វើ​ឲ្យ​មនុស្ស​ហ្នឹង​ គេ​ថា​មាន​ភាព​សុខដុមរមនា​នៅ​ក្នុង​ចិត្ត​ទៅ​ កុំ​ឲ្យ​មាន​បញ្ហា​សង្គម​អី​ វា​មិន​មែន​ថា​អត់​សោះ​នោះ​ទេ។​ ប៉ុន្តែ​កុំ​ឲ្យ​វា​ហួស​ហេតុ​ពេក​ អា​ហ្នឹង​ បដិវត្ត​ពណ៌​មិន​ចាំបាច់​ភ័យ​ទេ។​ វា​មិន​អាច​កើត​មាន​ឡើង​ទៅ​រួច​នោះ​ទេ​ បាទ!​»

ក្រៅ​ពី​សារ​ប្ដេជ្ញា​របស់​លោក​ ហ៊ុន​ សែន​ ខាង​លើ​នេះ​ លោក​ក៏​មិន​បាន​បំភ្លេច​លើក​ឡើង​ពី​ការ​ចូលរួម​ចំណែក​របស់​កម្ពុជា​ជាមួយ​សហគមន៍​អន្តរជាតិ​ក្នុង​ការ​ជួយ​ស្វែងរក​សន្តិភាព​ ដល់​ប្រទេស​ដែល​កំពុង​មាន​ជម្លោះ​ ក្រោម​ក្របខ័ណ្ឌ​នៃ​កិច្ច​សហប្រតិបត្តិការ​ថែរក្សា​សន្តិភាព​របស់​អង្គការ​សហប្រជាជាតិ។​ លោក​ ហ៊ុន​ សែន​ ថា​ ចាប់​ពី​ឆ្នាំ​២០០៦​ រហូត​មក​ដល់​បច្ចុប្បន្ន​ កម្ពុជា​បាន​បញ្ជូន​កង​កម្លាំង​ជាង​ ៤៧០០​ នាក់​ រួម​ទាំង​ស្ត្រី​ និង​បុរស​ បម្រើ​ការ​បេសកកម្ម​រក្សា​សន្តិភាព​ ដូចជា​ការ​បោសសំអាត​មីន​ កម្ទេច​គ្រាប់​មិន​ទាន់​ផ្ទុះ​ តម្រួត​យោធា​ វិស្វកម្ម​ និង​សំណង់​ សេនាធិការ​ និង​សង្កេតការណ៍​ ទៅ​ក្នុង​ប្រទេស​ចំនួន​ ០៨​ នៅ​លើ​ពិភពលោក​ រួម​មាន​ ស៊ូដង់​ ស៊ូដង់​ខាង​ត្បូង​ ឆាដ​ អាហ្វ្រិក​កណ្ដាល​ លីបង់​ សាយព្រឹស​ ស៊ីរី​ និង​ម៉ាលី។​

ក្នុង​សារ​ជា​វីដេអូ​ផ្ញើ​ជូន​ប្រជាជាតិ​នានា​នៅ​ទូទាំង​សាកលលោក​សម្រាប់​ទិវា​សន្តិភាព​ពិភពលោក​នេះ​ អគ្គលេខាធិការ​អង្គការ​សហប្រជាជាតិ​លោក​ អង់តូនីញ៉ូ​ ហ្គោទែរ៉េស​ (Antonio Guterres) បាន​អំពាវនាវ​ឲ្យ​មាន​បទ​ឈប់​បាញ់​ជា​សាកល។​ លោក​មាន​ប្រសាសន៍​ថា​ សន្តិភាព​គឺ​ជា​សិទ្ធិ​ និង​សេចក្ដី​ប្រាថ្នា​ចង់​បាន​របស់​ប្រជាពលរដ្ឋ​ទាំងអស់​ ហើយ​ជា​មូលដ្ឋាន​គ្រិះ​សម្រាប់​ការវិវឌ្ឍន៍​ សុខុមាលភាព​ និង​វិបុលភាព​ក្នុង​សង្គម​នីមួយៗ។​​ លោក​ថា​ គ្មាន​ផលប្រយោជន៍​ក្រុម​ណាមួយ​ មហិច្ឆតា​ជាតិសាសន៍​ណាមួយ​ ​ឬ​ភាព​ខុសប្លែក​គ្នា​ណាមួយ​ គួរ​ត្រូវ​អនុញ្ញាត​ ដែល​នាំ​ឲ្យ​មាន​ហានិភ័យ​ដល់​សន្តិភាព​នោះ​ឡើយ៕

Source link