Don't Miss

KiMEDIA

មេធាវី៖ កឹម សុខា ត្រូវ​មាន​វត្តមាន​ក្នុង​សវនាការ​សាលាឧទ្ធរណ៍​ជា​ការ​ចាំបាច់

ប្រធាន​គណបក្ស​សង្គ្រោះ​ជាតិ លោក កឹម សុខា ថ្លែង​ទៅ​កាន់​សមាជិក​ក្រុមប្រឹក្សា​ឃុំ-​សង្កាត់ និង​ក្រុម​អ្នក​ឃោសនា ​នា​ទីស្នាក់ការ​សង្កាត់​ចាក់អង្រែលើ កាល​ពី​ព្រឹក​ថ្ងៃ​ទី​១៤ ខែ​មីនា ឆ្នាំ​២០១៧។ RFA/Cheu Sideth

ដោយ អាស៊ីសេរី RFA 2017-09-23

ក្រុម​មេធាវី​ការពារ​ក្ដី​ឱ្យ​លោក កឹម សុខា គ្រោង​នឹង​ដាក់​ពាក្យ​ស្នើ​សុំ​ឱ្យ​លោក កឹម សុខា ចូលរួម​នីតិវិធី​សវនាការ​សាលាឧទ្ធរណ៍​នៅ​ថ្ងៃ​ទី​២៦ ខែ​កញ្ញា ខាង​មុខ ជុំវិញ​បណ្ដឹង​សុំ​នៅ​ក្រៅ​ឃុំ​ជា​បណ្ដោះអាសន្ន។ ក្រុម​មេធាវី​អះអាង​ថា វត្តមាន​លោក កឹម សុខា ក្នុង​សវនាការ​សាលាឧទ្ធរណ៍​ជា​ការ​ចាំបាច់។

​ក្រុម​មេធាវី​នឹង​ដាក់​ពាក្យ​នេះ​ទៅ​សាលាឧទ្ធរណ៍ នៅ​ថ្ងៃ​ច័ន្ទ ទី​២៥ ខែ​កញ្ញា នេះ ដើម្បី​ឱ្យ​សាលាឧទ្ធរណ៍​ពិចារណា​អំពី​សិទ្ធិ​របស់​ជន​ត្រូវ​ចោទ​តាម​ផ្លូវ​ច្បាប់ ចំពោះ​ភាព​ចាំបាច់​នៃ​វត្តមាន​លោក កឹម សុខា នៅ​ពេល​សវនាការ។

លោក​មេធាវី សំ សុគង់ ថ្លែង​ប្រាប់​អាស៊ីសេរី កាល​ពី​ថ្ងៃ​​សុក្រ ទី​២២ ខែ​កញ្ញា ថា វត្តមាន​លោក កឹម សុខា ចំពោះ​មុខ​សវនាការ​ពិត​ជា​សំខាន់​ណាស់ ដែល​មិន​អាច​អវត្តមាន​បាន​ឡើយ។ ប្រសិនបើ​សាលាឧទ្ធរណ៍​មិន​នាំ​លោក កឹម សុខា មក​ចូលរួម​សវនាការ​ទេ នោះ​ជា​ករណី​រំលោភ​សិទ្ធិ​ជន​ត្រូវ​ចោទ​យ៉ាង​ធ្ងន់ធ្ងរ ហើយ​សវនាការ​នេះ​នឹង​គ្មាន​ន័យ៖ «ជា​គោលការណ៍​គ្រប់​សវនាការ​ទាំង​អស់​ត្រូវ​តែ​មាន​វត្តមាន​ជនជាប់ចោទ ដោយ​វត្តមាន​នេះ គឺ​គេ​ធានា​ចំពោះ​គោលការណ៍​តទល់​គ្នា​ចំពោះ​មុខ ហើយ​នឹង​គោលការណ៍​ចំពោះ​ជន​ត្រូវ​ចោទ​ដែល​ពួក​គាត់​នឹង​ឆ្លើយ​ដោះសា  ឬ​ក៏​គាត់​អាច​នឹង​មាន​ឱកាស​ក្នុង​ការ​បង្ហាញ​នៅ​ក្នុង​ពេល​សវនាការ»។

ប្រតិកម្ម​របស់​មេធាវី​ការពារ​ក្តី​លោក កឹម សុខា ធ្វើ​ឡើង​ក្រោយ​ពី​មាន​លិខិត​ពី​មន្ត្រី​ពន្ធនាគារ​ត្រពាំងផ្លុង អំពី​បញ្ហា​សុវត្ថិភាព និង​សន្តិសុខ​ក្នុង​ការ​នាំ​ខ្លួន​លោក កឹម សុខា មក​សវនាការ​នៅ​ទីក្រុង​ភ្នំពេញ និង​ការ​លើក​ឡើង​របស់​អ្នក​ពាក្យ​សាលាឧទ្ធរណ៍ អំពី​សវនាការ​ដែល​មិន​ចាំបាច់​មាន​វត្តមាន​លោក កឹម សុខា។

លោក ទូច ថារិទ្ធិ អគ្គលេខាធិការ​រង និង​ជា​អ្នកនាំពាក្យ​សាលាឧទ្ធរណ៍ ថ្លែង​ប្រាប់​សារព័ត៌មាន​ក្នុងស្រុក​មួយ​កាល​ពី​ថ្ងៃ​ទី​២២ ខែ​កញ្ញា ថា តាម​ស្មារតី​សាលាឧទ្ធរណ៍ គឺ​ចង់​ឱ្យ​មាន​វត្តមាន​លោក កឹម សុខា ចូលរួម​សវនាការ​នៅ​ព្រឹក​ថ្ងៃ​ទី​២៦ ខែ​កញ្ញា ខាង​មុខ ប៉ុន្តែ​លោក​បញ្ជាក់​ថា ប្រសិនបើ​គ្មាន​វត្តមាន​លោក កឹម សុខា ក៏​មិន​ប៉ះពាល់​នីតិវិធី​ដែរ ព្រោះ​ជា​សវនាការ​មុន​អង្គ​សេចក្ដី ពាក់ព័ន្ធ​នឹង​ការ​ស្នើ​សុំ​នៅ​ក្រៅ​ឃុំ​តែប៉ុណ្ណោះ។

​ប៉ុន្តែ អ្នកច្បាប់​មិន​យល់​ស្របតាម​ការ​លើក​ឡើង​បែប​នេះ​ទេ។ មេធាវី​តំណាង​ជនរងគ្រោះ​នៅ​សាលាក្ដី​ខ្មែរក្រហម លោក ហុង គឹមសួន យល់​ឃើញ​ដូចគ្នា​នឹង​លោក​មេធាវី សំ សុគង់ អំពី​សារសំខាន់​នៃ​វត្តមាន​របស់​លោក កឹម សុខា នៅ​ក្នុង​សវនាការ ដើម្បី​និយាយ​ការពារ​សិទ្ធិ​របស់​គាត់​នៅ​ចំពោះ​មុខ​ចៅក្រម ដែល​ត្រូវ​ធានា​ដោយ​ច្បាប់។ លោក ហុង គឹមសួន ចោទ​ជា​សំណួរ​ថា បើ​ឃុំ​ខ្លួន​លោក កឹម សុខា នៅ​គុក​ត្រពាំងផ្លុង វា​ឆ្ងាយ​ពី​ភ្នំពេញ ហេតុ​ដូច​ម្ដេច​បាន​ជា​អាជ្ញាធរ​មិន​យក​គាត់​មក​ឃុំ​ខ្លួន​នៅ​ភ្នំពេញ ដើម្បី​សម្រួល​ដល់​ការ​ធ្វើ​ដំណើរ​មក​តុលាការ និង​កាត់​បន្ថយ​បញ្ហា​សន្តិសុខ​ផង៖ «បើ​មិន​ដូច្នេះ​ទេ គេ​យក​ជន​ត្រូវ​ចោទ​នឹង​មក​ដាក់​ភ្នំពេញ មក មាន​ពន្ធនាគារ​របស់ PJ (ប៉េ.ហ្សី) ក៏​នៅ​ជិត​ហ្នឹង ខេត្ត​កណ្ដាល​ក៏​នៅ​ជិត ព្រៃ​ស​នៅ​ជិត  អ៊ីចឹង​មាន​អ៊ី​នឹង​ពិបាក បើសិនជា​ខាង​សាលាឧទ្ធរណ៍​មាន​ឆន្ទៈ មាន​ចិត្ត​ចង់​យក​មក​ដាក់​អី​ហ្នឹង គេ​យក​មក​ទុក​មុន​មក សវនាការ វា​នៅ​ជិត​ផង មាន​ស្អី​ពិបាក»។

​ទោះបីជា​តុលាការ​អនុវត្ត​នីតិវិធី​បែប​ណា ក៏​មន្ត្រី​ជាន់​ខ្ពស់​ផ្នែក​សិទ្ធិមនុស្ស នៃ​អង្គការ​ឃ្លាំមើល​សិទ្ធិមនុស្ស​អន្តរជាតិ យល់​ថា ការ​ចាប់​ខ្លួន​លោក កឹម សុខា ជា​ការ​បំពាន​ច្បាប់​តាំងតែ​ពី​ដំបូង​មក​ម្ល៉េះ។
នាយក​ប្រតិបត្តិ​ប្រចាំ​តំបន់​អាស៊ី នៃ​អង្គការ​ឃ្លាំមើល​សិទ្ធិមនុស្ស​អន្តរជាតិ យូមែន រ៉ៃត៍ វ៉ច្ឆ (Human Rights Watch) លោក ប្រ៊ែដ អាដាម (Brad Adams) គ្មាន​ជំនឿ​លើ​ប្រព័ន្ធ​តុលាការ​នៅ​កម្ពុជា ទាល់​តែ​សោះ។ លោក​ថា តុលាការ​ស្ថិត​ក្រោម​គំនាប​នយោបាយ៖ «ការ​ជំនុំជម្រះ​ក្តី​ណា​មួយ​ក៏ដោយ​លើ​លោក កឹម សុខា នឹង​គ្មាន​យុត្តិធម៌​នោះ​ឡើយ​នៅ​ក្នុង​ប្រព័ន្ធ​តុលាការ ដែល​ស្ថិត​ក្រោម​ការ​បញ្ជា​របស់​គណបក្ស​កាន់​អំណាច​បែប​នេះ។ ពិភពលោក​ថ្កោលទោស​លើ​ចំណាត់​ការ​របស់​រដ្ឋាភិបាល ដែល​ចាប់​ខ្លួន​លោក កឹម សុខា។ នរណា​ក៏​មើល​ឃើញ​ការ​ចាប់​ខ្លួន​នេះ​ថា​ជា​រឿង​នយោបាយ​ដែរ។  នីតិវិធី​តាំងពី​ដើម​ទី គឺ​បង្ហាញ​ឲ្យ​ឃើញ​ចេតនា​នយោបាយ​ទាំង​អស់។ និយាយ​រួម គ្មាន​ទេ​នីតិរដ្ឋ និង​ប្រជាធិបតេយ្យ​ក្នុង​របប​លោក ហ៊ុន សែន»។

ពាក់ព័ន្ធ​នឹង​វត្តមាន​របស់​លោក កឹម សុខា នៅ​ក្នុង​សវនាការ លោក​មេធាវី សំ សុគង់ បញ្ជាក់​ជំហរ​ថា កូន​ក្តី​របស់​លោក គឺ​លោក កឹម សុខា ពិតជា​ទាមទារ​ឲ្យ​មាន​វត្តមាន​ក្នុង​គ្រប់​ដំណាក់កាល​នៃ​កិច្ច​ដំណើរការ​នីតិវិធី។ លោក​អះអាង​ថា ក្រុម​មេធាវី​លោក​នឹង​ពិភាក្សា​គ្នា ថា​តើ​ត្រូវ​ធ្វើ​ពហិការ មិន​ចូល​រួម​សវនាការ ឬ​យ៉ាង​ណា ប្រសិនបើ​តុលាការ​សម្រេច​បើក​សវនាការ​នៅ​ថ្ងៃ​ខាង​មុខ ដោយ​គ្មាន​វត្តមាន​លោក កឹម សុខា?

​សវនាការ​លើ​បណ្ដឹង​ប្រឆាំង​នឹង​ការ​ឃុំ​ខ្លួន​លោក កឹម សុខា ជា​បណ្ដោះអាសន្ន នឹង​ធ្វើ​ឡើង​នៅ​ថ្ងៃ​ទី​២៦ ខែ​កញ្ញា នេះ៕

Source link

ប្រមុខ​ការទូត​ខ្មែរ៖ កម្ពុជា​រង​គ្រោះ​​ដោយ​សារ​​​​សិទ្ធិ​មនុស្ស​និងប្រជាធិបតេយ្យ​ជាង​២០​ឆ្នាំ​ហើយ

ឃាតុករយំស្រែកថាពួកខ្លួនរងគ្រោះអស់រយៈជាង២០​ឆ្នាំ​ហើយដោយការណ៍វាយ​ប្រហាររបស់​អ្នក​រាយការណ៍​ពិសេស​អង្គការ​សហប្រជាជាតិនិងមហាអំណាច​ធំ​ៗ ~Reader

លោក​ប្រាក់ សុខុន ប្រមុខ​ការទូត​ខ្មែរ ថ្លែង​នៅ​ក្នុង​មហាសន្និបាត​អង្គការ​សហប្រជាជាតិ​នា​ទីក្រុងញ៉ូវយ៉ក ថ្ងៃ​ទី​២២ កញ្ញា ២០១៧UN.org

ដោយ អ៊ឹម រចនា23/09/2017 rfi

បញ្ហា​សិទ្ធិ​មនុស្ស​និង​ប្រជាធិបតេយ្យ​នៅ​កម្ពុជា​ គឺ​ជា​គោលដៅ​តាម​ដាន​របស់​ប្រទេស​មួយ​ចំនួន អង្គការ​ក្រៅ​រដ្ឋាភិបាល​អន្ដរជាតិ​មួយ​ចំនួន រួម​ទាំង​ទីភ្នាក់ងារ​អង្គការ​សហប្រជាជាតិ​ខ្លះ​ផង​។ នេះ​គឺ​ជា​អ្វី​ដែល​ប្រមុខ​ការទូត​ខ្មែរ លោក ប្រាក់ សុខុន ថ្លែងការណ៍​នា​​ឱកាស​មហា​សន្និបាត​អង្គការ​សហប្រជាជាតិ​ក្នុង​ទីក្រុង​ញ៉ូវយ៉ក កាល​ពីថ្ងៃ​ទី​២២​កញ្ញា​​ម្សិលមិញ​។ ប្រមុខ​ការទូត​ខ្មែរ បាន​សង្កត់​ធ្ងន់​ថា ​​បញ្ហា​សិទ្ធិ​មនុស្ស​និង​លទ្ធិ​ប្រជាធិបតេយ្យ​​នេះ ត្រូវ​បាន​យក​ទៅ​ប្រើ​ប្រាស់​ក្នុង​គោលដៅ​នយោបាយ​ ហើយ​កម្ពុជា​បាន​រង​គ្រោះ​ដោយ​សារ​បញ្ហា​នេះ ​អស់​រយៈ​ពេល​ជាង​២០​ឆ្នាំ​មក​ហើយ​​។

ថ្លែង​ជា​ភាសា​បារាំងរយៈ​ពេលជាង​​១៦នាទី លោក ប្រាក់ សុខុន បាន​គូស​បញ្ជាក់​ច្បាស់​ៗ​ថា កម្ពុជា​ប្រកាន់យក​គោលការណ៍​ជា​សកល​នៃ​សិទ្ធិ​មនុស្ស​ជា​មូលដ្ឋាន ដូច្នេះ​កម្ពុជា​គ្មាន​បញ្ហា​ជាមួយការ​ឃ្លាំ​មើល​កាតព្វកិច្ច​របស់​កម្ពុជា​លើ​បញ្ហា​សិទ្ធិ​មនុស្ស​​ឡើយ ប្រសិន​បើ​ការ​ឃ្លាំ​មើល​នោះ មិន​ត្រូវ​ធ្វើ​ឡើង​ដោយ​លម្អៀង ឬ​ដោយ​វិមតិ​សង្ស័យ​ប្រឆាំង​នឹង​រដ្ឋាភិបាល​ជាប់​ឆ្នោត​​។

បើ​តាមប្រមុខ​ការទូត​ខ្មែរ ការ​វាយ​តម្លៃ​លើ​ស្ថានភាព​សិទ្ធិ​មនុស្ស វា​អាស្រ័យ​ទៅ​លើ​ចំណាប់​អារម្មណ៍​ផ្នែក​នយោបាយ​របស់​ប្រទេស​មហា​អំណាច ដូច​គ្នា​ទៅ​នឹង​អង្គការ​ក្រៅ​រដ្ឋាភិបាល​ធំ​ៗ​ដែរ ដែល​របៀប​វារៈ​របស់​ពួក​គេ គឺ​ឃ្លាត​ឆ្ងាយ​ខ្លាំង​ណាស់​ពី​នយោបាយ​អព្យាក្រឹត។ លោក​ថា បញ្ហា​សិទ្ធិ​មនុស្ស​និង​លទ្ធិ​ប្រជាធិបតេយ្យ​ត្រូវ​បាន​លើក​ឡើង​តែ​នៅ​ពេល​ដែល​ផល​ប្រយោជន៍​របស់​មហាអំណាច​ធំ​ៗ​ស្ថិត​ក្នុង​គ្រោះ​ថ្នាក់ បើ​មិន​ដូច្នោះ​ទេ អ្វី​ដែល​គេ​បាន​ឮ គឺ​មាន​តែ​ភាព​ស្ងៀមស្ងាត់​ប៉ុណ្ណោះ។

លោក​ប្រាក់ សុខុន សង្កត់​ធ្ងន់​ទៀត​ថា បញ្ហា​សិទ្ធិ​មនុស្ស​និង​លទ្ធិ​ប្រជាធិបតេយ្យ​ត្រូវ​បាន​យក​ទៅ​ប្រើ​ប្រាស់​ក្នុង​គោលដៅ​នយោបាយ​ ហើយ​កម្ពុជា​បាន​រង​គ្រោះ​ដោយ​សារ​បញ្ហា​នេះ ​អស់​រយៈ​ពេល​ជាង​២០​ឆ្នាំ​មក​ហើយ​​៖ រង​គ្រោះ​ព្រោះ​តែ​សេចក្ដី​រាយការណ៍​របស់​អ្នក​រាយការណ៍​ពិសេស​អង្គការ​សហប្រជាជាតិ ដែល​តែង​តែ​សរសេរ​វាយ​ប្រហារ​រដ្ឋាភិបាល​កម្ពុជា ដោយ​គ្មាន​ការ​វិនិច្ឆ័យ, ថ្កោល​ទោស​រដ្ឋាភិបាល ហើយ​លើក​តម្កើង​បក្ស​ប្រឆាំង​ថា​ជា​អ្នក​គោរព​សិទ្ធិ​មនុស្ស​។ ប៉ុន្តែចំពោះ​ការ​ប្រព្រឹត្ត​ខុស​ច្បាប់​របស់​បក្ស​ប្រឆាំង​វិញ គេ​មិន​ដែល​មាន​ឃើញ​មាន​សរសេរ​នៅ​ក្នុង​របាយការណ៍​នោះឡើយ​ បើ​ទោះ​បី​ជា​បក្ស​ប្រឆាំង​នោះ ពន្យុះ​ឲ្យ​ពលរដ្ឋ​ទៅ​ដក​បង្គោល​ព្រំដែន ញុះញង់​បង្កើត​ភាព​ស្អប់​ខ្ពើម​ជាតិសាសន៍ និង​ផ្សព្វផ្សាយ​សន្ធិសញ្ញា​ព្រំដែន​ក្លែងក្លាយ​ក៏​ដោយ​។

រដ្ឋមន្ដ្រី​ក្រសួង​ការបរទេស​ខ្មែរ បាន​លើក​ឡើង​ថា ថ្មី​ៗ​នេះ កម្ពុជា​ត្រូវ​រង​ការ​វាយ​ប្រហារ​ដោយ​សារ​តែ ខ្លួន​បិទ​វិទ្យាស្ថាន​អន្ដរជាតិ​មួយ​ដែល​មាន​ចេតនា​គាំទ្រ​បក្ស​ប្រឆាំង​និង​រំលោភ​ច្បាប់, ប្រាប់​ឲ្យ​កាសែត​បង់​ពន្ធ​​ជូន​រដ្ឋ, និង​ចាប់​ខ្លួន​មន្ដ្រី​បក្ស​ប្រឆាំង​ម្នាក់​ដែល​សារភាព​ថា​បាន​ទទួល​ការ​បណ្ដុះ​បណ្ដាល​ពី​មហា​អំណាច ដើម្បី​ផ្ដួល​រំលំរដ្ឋាភិបាល​។ ចំពោះ​រឿង​អស់​នេះ ​លោក​រដ្ឋ​មន្ដ្រី​ចោទ​សួរ​ថា តើ​រដ្ឋាភិបាល​ប្រទេស​ណា ដែល​អត់ឱនឲ្យ​​នោះ​?

សម្រាប់​លោក ប្រាក់ សុខុន ប្រវត្តិសាស្ត្រ​បាន​បង្រៀន​កម្ពុជា​​​ថា ការ​ជ្រើស​រើស​ផ្លូវ​ដើរ​តាម​ការ​កំណត់​របស់​ប្រទេស​លោក​ខាង​លិច​មួយ​ចំនួន ធ្វើ​ឲ្យ​កម្ពុជា​ធ្លាក់​ទៅ​ក្នុង​គ្រោះ​មហន្តរាយ​ដ៏​អាក្រក់ ហើយការ​អនុវត្ត​​ខ្លះ​ពី​ខាង​ក្រៅ ជា​រឿយ​ៗ​បាន​ក្លាយ​ទៅ​ជា​បញ្ហា មិន​មែន​ជា​ដំណោះ​ស្រាយ​នោះ​ទេ​។ កម្ពុជា​ត្រូវ​គេ​ចោទ​ថា​រំលោភ​លទ្ធិ​ប្រជាធិបតេយ្យ ដោយ​សារ​តែ​នៅ​ក្រោម​ច្បាប់​ជាធរមាន កម្ពុជា​កំពុង​កាត់​ទោស​និង​ដាក់​ទោសទណ្ឌ​លើ​អ្នក​ដែល​បំពាន​ច្បាប់​ទាំង​នោះ​។ នេះ​បើ​តាម​ប្រមុខ​ការទូត​កម្ពុជា​។

ទាក់ទង​នឹង​បញ្ហា​សិទ្ធិ​មនុស្សនិង​លទ្ធិប្រជាធិបតេយ្យ​​ដដែល​នេះ ប្រមុខ​ការទូត​ខ្មែរ​បញ្ជាក់​ថា ការ​ចរចារវាង​រដ្ឋាភិបាលមួយ​ចំនួន នឹង​មាន​លក្ខណៈ​សម​ហេតុផល​និង​គួរ​ឲ្យ​ទុក​ចិត្ត​បាន ដរាប​ណា​ប្រទេស​ទាំង​នោះ អនុវត្ត​ស្តង់ដារ​ដូច​គ្នា​ ដោយ​ចំពោះ​ការ​វាយ​តម្លៃ ការ​រិះគន់ និង​ការ​ថ្កោល​ទោស​របស់​ពួក​គេ​៕

Source link

ប្រាក់-សុខុន ជនក្នុងបញ្ជីខ្មៅ

Source link

Tieng Narith: Source of Khmer Nation's Death




Source link

‹‹ស្ពានអាកាស››ស្ទឹងមានជ័យ និងទស្សនីយភាពក្រោមស្ពាន…

Source link

អ្នកជេរ ហុន សែននៅលើបណ្ដាញសង្គម​ Facebookម្នាក់ទៀតត្រូវបានចាប់ខ្លួន

(ភ្នំពេញFN)៖ ឧត្តមសេនីយ៍ទោ​ លន់​ សុផាត​ ស្នងការនគរបាលខេត្តក្រចេះ​ បានថ្លែងប្រាប់បណ្តាញព័ត៌មាន Fresh News ឲ្យដឹងនៅមុននេះបន្តិចនារសៀលថ្ងៃទី២២​ ខែកញ្ញា ឆ្នាំ២០១៧នេះថា​ សមត្ថកិច្ច​នគរបាល​ខេត្ត​ក្រចេះ​បានឃាត់ខ្លួនបុរសម្នាក់ឈ្មោះ​ ហ៊ុយ​ ឧត្ដម​ ភេទប្រុស​ អាយុ​២៩​ឆ្នាំ​ នៅភូមិ​ឬស្សី​កែវ​ ឃុំ​ប្ញស្សី​កែវ​ ស្រុក​ព្រែក​ប្រសព្វ​ ខេត្ត​ក្រចេះ​ ពាក់ព័ន្ធនឹងការជេរប្រមាថ ថ្នាក់ដឹកនាំប្រទេស គឺសម្តេចតេជោ ហ៊ុន សែន នៅលើបណ្ដាញសង្គម​ Facebook។​

លោកស្នងការ លន់ សុផាត បានបញ្ជាក់បន្ថែមថា សមត្ថកិច្ច​កំពុងសួរចម្លើយដើម្បីកសាងសំណុំរឿងបញ្ជូនទៅសាលាដំបូងខេត្តក្រចេះ​ នឹងត្រៀមបញ្ជូនទៅតុលាការ។ ចំណែកបុរសពូកែជេរប្រមាថនេះមានស្រុកកំណើតនៅស្រុកអង្គស្នួល ខេត្តកណ្តាល៕

Source link