ព័ត៌មានខ្មែរ

ព្រះរាជ​ពិធីបុណ្យ​ច្រត់ព្រះនង្គ័ល​ឆ្នាំនេះ​នឹង​ប្រារព្ធ​​នៅ​ខេត្តព្រៃវែង​

​រាជធានី​ភ្នំពេញ​៖​រដ្ឋមន្ត្រីក្រសួង​ព័ត៌មាន លោក ខៀវ កាញារីទ្ធ បាន​សរសេរ​នៅលើ Facebook របស់លោក​ថា រាជរដ្ឋាភិបាល និង​ព្រះបរមរាជវាំង បាន​ឯកភាពគ្នា រើសយក​ខេត្តព្រៃវែង ជាទី​ប្រារព្ធ​ព្រះរាជ​ពិធីបុណ្យ​ច្រត់ព្រះនង្គ័ល សម្រាប់​ឆ្នាំ​២០១៧​។​


​គួរ​បញ្ជាក់ថា ព្រះរាជ​ពិធីបុណ្យ ច្រត់ព្រះនង្គ័ល​កាលពី​ឆ្នាំមុន ប្រារព្ធ​ឡើង នៅ​ទី​លានជល់ដំរី មុខ​ប្រាសាទអង្គរធំ ខេត្តសៀមរាប នា​ថ្ងៃទី​២៤ ខែឧសភា ឆ្នាំ​២០១៦ ខណៈដែល​ព្រះ​រាជពិធី​ដ៏​មាន​ប្រជាប្រិយភាព​នេះ ត្រូវបាន​ប្រជាពលរដ្ឋ​ខ្មែរ​មានជំនឿថា វិស័យ​កសិកម្ម​តាម​ឆ្នាំ​នីមួយៗ នឹងត្រូវ​បង្ហាញ​ឲ្យ​ដឹង​នៅក្នុង​ព្រះរាជ​ពិធី​ច្រត់ព្រះនង្គ័ល​នេះ​៕

fn-2017-02-23-11-30-40-0

Source link

អង្គ​ការ​​សមា​គម​​ខ្មែរ​​កម្ពុ​ជា​​ក្រោម នឹង​ប្រា​រព្ធ​​ខួប ១០ ​ឆ្នាំ​​នៃ​​ការ​​សុគត​​របស់​​ព្រះ​​តេជ​​ព្រះ​​គុណ អ៊ាង សុខធឿន

ដោយ ស៊ឺន ចែងចើន|VOKK

នៅថ្ងៃសៅរ៍ទី ២៥ កុម្ភៈ ២០១៧ ខាងមុខនេះ លេខាធិការដ្ឋាននៃអង្គការ សមាគមខ្មែរកម្ពុជាក្រោម នៅព្រះរាជាណាចក្រកម្ពុជា នឹងរៀបចំកម្មវិធីបង្សុកូលឧទ្ទិសកុសល ដល់ព្រះវិញ្ញាណក្ខន្ធ ព្រះតេជព្រះគុណ អ៊ាង សុខធឿន ដែលកាលពី ១០ ឆ្នាំមុន នៅថ្ងៃទី ២៧ ខែកុម្ភៈ ឆ្នាំ ២០០៧ ព្រះអង្គត្រូវជនមិនស្គាល់មុខធ្វើឃាត នៅក្នុងវត្តទ្រនំជ្រឹង ។ បន្ទាប់ព្រះអង្គបាននិមន្តចូលរួមបាតុកម្ម ជាមួយព្រះសង្ឃខ្មែរក្រោមរាប់សិបអង្គផ្សេងទៀត នៅមុខស្ថានទូតវៀតណាម ដើម្បីសុំឲ្យរដ្ឋការយួនផ្ដល់សិទ្ធិសេរីភាពដល់ពលរដ្ឋខ្មែរក្រោមម្ចាស់ស្រុក បានរស់នៅក្នុងនាមជាជនជាតិដើម ឲ្យមានសិទ្ធិពេញលេញ លើទឹកដីកំណើតរបស់ខ្លួនស្របច្បាប់ ។

លោក តាំង សារៈ ប្រធានសាខាសហព័ន្ធខ្មែរកម្ពុជាក្រោម ប្រចាំប្រទេសកម្ពុជា ។ រូបថតៈ ស៊ឺន ចែងចើន

លោក តាំង សារៈ ប្រធានសាខាសហព័ន្ធខ្មែរកម្ពុជាក្រោម ប្រចាំប្រទេសកម្ពុជា ។ រូបថតៈ ស៊ឺន ចែងចើន

ក្រោយមក ព្រះសពរបស់ព្រះអង្គត្រូវអាជ្ញាធរ និងគណៈកម្មការវត្តកប់ចោល នៅក្រោយរបងវត្តទ្រនំជ្រឹង និងយកដី ១ ឡានទៅចាក់លុបកប់ពីលើព្រះសព ដោយហាមប៉ះពាល់ និងមិនព្រមឲ្យ ធ្វើកោសល្យវិច័យឡើយ ។

រហូតមកដល់ពេលនេះ គឺមានរយៈពេល ១០ ឆ្នាំគត់ ដែលឃាតកបានអារកធ្វើគតព្រះតេជព្រះគុណ អ៊ាង សុខធឿន នៅមិនទាន់ចាប់បានឃាតក យកមកផ្តន្ទាទោស ដើម្បីស្វែងរកយុត្តិធម៌ ជូនក្រុមគ្រួសារព្រះអង្គ នៅឡើយទេ ។ ដើម្បីជ្រាបច្បាស់បន្ថែមជុំវិញរឿងនេះ លោក ស៊ឺន ចែងចើន នៃវិទ្យុសំឡេងកម្ពុជាក្រោម បានធ្វើបទសម្ភាសន៍ជាមួយលោក តាំង សារៈ ប្រធានសាខា សហព័ន្ធខ្មែរកម្ពុជាក្រោម ប្រចាំប្រទេសកម្ពុជា ដែលមានខ្លឹមសារទាំងស្រុង ដូចតទៅ៖




Source link

ការបោះឆ្នោតត្រូវប្រឈមនឹងផលប៉ះពាល់ដោយសារ វិសោធនកម្មច្បាប់ស្តីពីគណបក្ស នយោបាយ

ក្រោយពេលសមាជិកសភាគណបក្សប្រជាជនកម្ពុជា ដែលជាគណបក្រកាន់អំណាច ធ្វើវិសោធនកម្មច្បាប់ស្តីពីគណបក្សនយោបាយកាលពីថ្ងៃទី២០ ខែកុម្ភៈ ឆ្នាំ២០១៧ បានធ្វើឲ្យ មជ្ឈដ្ឋានជាតិនិងអន្តរជាតិព្រួយបារម្ភយ៉ាងខ្លាំងអំពីផលប៉ះពាល់ដល់បរិយាកាសនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ខែមិថុនា ឆ្នាំ២០១៧ និងការបោះឆ្នោតជាតិអាណត្តិទី៦ ឆ្នាំ២០១៨។ ក្រុមអ្នកតាមដានស្ថានភាពនយោបាយក្នុងប្រទេសកម្ពុជាបានវាយតម្លៃថា គណ បក្សប្រជាជនកម្ពុជា ដែលមានលោក ហ៊ុនសែន ជាប្រធានកំពុងព្រួយបារម្ភពីការចាញ់ឆ្នោត នៅក្នុងការបោះឆ្នោតជាបន្តបន្ទាប់ខាងមុខ។ ហេតុនេះហើយទើបគណបក្សប្រជាជនកម្ពុជាកំ ពុងរកគ្រប់វិធីដើម្បីបន្តគ្រប់គ្រងអំណាច ហើយការធ្វើវិសោធនកម្មច្បាប់ស្តីពីគណបក្សនយោ បាយគឺជាយុទ្ធសាស្រ្តដ៏សំខាន់មួយដើម្បីគាបសង្កត់លើគណបក្សប្រឆាំង។

ទាក់ទងនឹងបញ្ហាខាងលើនេះសហភាពអឺរ៉ុបបានលើកឡើងថា ការធ្វើវិសោធនកម្ម ច្បាប់ស្តីពីគណបក្សនយោបាយគឺជាការរឹតត្បិតយ៉ាងខ្លាំងដល់សកម្មភាពរបស់គណបក្ស នយោបាយនិងធ្វើឲ្យប៉ះពាល់ដល់បរិយាកាសនៃការបោះឆ្នោត។ នៅក្នុងសេចក្តីថ្លែងការណ៍ ចេញផ្សាយកាលពីថ្ងៃទី២២ ខែកុម្ភៈ ឆ្នាំ២០១៧ ប្រតិភូសហភាពអឺរ៉ុបបានលើកឡើងនូវសេច ក្តីបារម្ភអំពីស្ថានភាពនយោបាយបច្ចុប្បន្ននៅកម្ពុជា។ នៅក្នុងសេចក្តីថ្លែងការណ៍នោះបាន បញ្ជាក់ថា ការធ្វើវិសោធនកម្មច្បាប់ស្តីពីគណបក្សនយោបាយ ដែលត្រូវបានសមាជិកសភា គណបក្សប្រជាជនអនុម័តកាលពីថ្ងៃទី២០ ខែកុម្ភៈ ឆ្នាំ២០១៧ ជាការគំរាមកំហែងបំបិទសិទ្ធិ សេរីភាពលើគណបក្សនយោបាយនានានិងអាចឈានទៅដល់រំលាយគណបក្សនយោបាយផ្សេងទៀតផងដែរ។

នៅក្នុងសេចក្តីថ្លែងការណ៍របស់សហភាពអឺរ៉ុប បានសម្តែងសេចក្តីព្រួយបារម្ភថា ការអនុម័ត ច្បាប់ស្តីពីគណបក្សនយោបាយនឹងជះឥទ្ធិពលអាក្រក់ដល់ដំណើការបោះឆ្នោតជ្រើសរើស ក្រុមប្រឹក្សាឃុំ-សង្កាត់ និងការបោះឆ្នោតជាតិនាពេលខាងមុខ ហើយនាំឲ្យមានមន្ទិលសង្ស័យ អំពីភាពស្របច្បាប់នៃការបោះឆ្នោត។ ជាមួយគ្នានេះសហភាពអឺរ៉ុប បានអំពាវនាវឲ្យរដ្ឋាភិ បាលកម្ពុជាធានាឲ្យមានបរិយាកាសនយោបាយល្អប្រសើរមួយដោយអនុញ្ញាតឲ្យគណបក្សប្រឆាំងនិងក្រុមសង្គមស៊ីវិលអាចចូលរួមក្នុងដំណើរការបោះឆ្នោតដោយសេរីនិងគ្មានការបំភិតបំភ័យ។ ក្រុមអ្នកវិភាគនយោបាយបានលើកឡើងថា សហភាពអឺរ៉ុបដែលជម្ចាស់ជំនួយដ៏ សំខាន់សម្រាប់កម្ពុជាគួរជួយសម្របសម្រួលបញ្ហានេះ ដើម្បីឲ្យការបោះឆ្នោតជាបន្តបន្ទាប់ ខាងមុខអាចប្រព្រឹត្តទៅដោយសេរីត្រឹមត្រូវនិងយុត្តិធម៌ ហើយប្រជាពលរដ្ឋកម្ពុជាអាចជ្រើស រើសមេដឹកនាំថ្នាក់មូលដ្ឋាននិងថ្នាក់ដឹកនាំជាតិតាមឆន្ទៈរបស់ខ្លួន៕

ប្រជាពលរដ្ឋចូលរួមបោះឆ្នោតកន្លងមក

ប្រជាពលរដ្ឋចូលរួមបោះឆ្នោតកន្លងមក

ប្រជាពលរដ្ឋចូលរួមបោះឆ្នោតកន្លងមក

ប្រជាពលរដ្ឋចូលរួមបោះឆ្នោតកន្លងមក

Source link

សូម្បីតែនាយប៉ុស្តិ៍នគរបាលរដ្ឋបាលឃុំស្រែគរ ស្រុកសេសាន ក៏ជាប់ពាក់ព័ន្ធបទល្មើសព្រៃ ឈើដែរ

នៅក្នុងប្រតិបត្តិការរបស់សមត្ថកិច្ចចម្រុះកាលពីថ្ងៃទី២២ ខែកុម្ភៈ ឆ្នាំ២០១៧ ដែល ឡោមព័ទ្ធផ្ទះលោក ថាយ ស៊ុនអ៊ី នាយប៉ុស្តិ៍នគរបាលរដ្ឋបាលឃុំស្រែគរ ស្រុកសេសាន គឺ សមត្ថកិច្ចចម្រុះបានរកឃើញឈើប្រណីតចំនួន៤៥០ដុំ។ ការរកឃើញបែបនេះបានធ្វើឲ្យពល រដ្ឋក្នុងឃុំស្រែគរ និងមជ្ឈដ្ឋាននានាមានការហួសចិត្តយ៉ាងខ្លាំងព្រោះលោក ថាយ ស៊ុនអ៊ី ជាសមត្ថកិច្ចដែលមានតួនាទីបង្ក្រាបបទល្មើសព្រៃឈើនិងបទល្មើសផ្សេងៗទៀតនៅក្នុងឃុំ ស្រែគរ ទាំងមូលប៉ុន្តែលោក ថាយ ស៊ុនអ៊ី បែរជាហ៊ានប្រព្រឹត្តបទល្មើសដោយខ្លួនឯងទៅ វិញ។ ប្រជាពលរដ្ឋរង់ចាំមើលចំណាត់ការរបស់អធិការនគរបាលស្រុកសេសាន និងចំណាត់ ការ របស់ស្នងការនគរបាលខេត្តស្ទឹងត្រែង ទៅលើលោក ថាយ ស៊ុនអ៊ី ក្នុងពេលឆាប់ៗ។

ប្រភពពីប្រជាពលរដ្ឋក្នងឃុំស្រែគរ មួយចំនួនបានបង្ហើបឲ្យដឹងថា ការពិតលោក ថាយ ស៊ុនអ៊ី គឺជាឈ្មួញប្រមូលទិញឈើប្រណីតស្តុកទុកលក់ឲ្យឈ្មួញជាយូរមកហើយ ដោយអាងអំណាចខ្លួនជាមេប៉ុស្តិ៍នគរបាលឃុំស្រែគរ គ្មាននរណាហ៊ានប៉ះពាល់។ ការដែល លោក ថាយ ស៊ុនអ៊ី អាចធ្វើអ្វីៗតាមអំពើចិត្តគឺអាចមានការឃុបឃិតជាមួយមន្ត្រីជំនាញ និងសមត្ថកិច្ចពាក់ព័ន្ធផងដែរ ជាពិសេសមន្ត្រីរដ្ឋបាលព្រៃឈើ មន្ត្រីបរិស្ថាន និងនគរបាល ប្រឆាំងបទល្មើសសេដ្ឋកិច្ចជាដើម។ ដូច្នេះកម្លាំងសមត្ថកិច្ចចម្រុះដែលចុះឆែកឆេររកឃើញ ឈើធ្នង់ជាង៤០០ដុំនៅក្នុងបរិវេណផ្ទះលោក ថាយ ស៊ុនអ៊ី កាលពីថ្ងៃទី២២ ខែកុម្ភៈ ឆ្នាំ ២០១៧ គួរវែកមុខអ្នកជាប់ពាក់ព័ន្ធយកទៅចាត់ការតាមច្បាប់ កុំចាត់ការប្រមូលតែឈើយក ទៅលក់ហើយទុកឲ្យជនល្មើសត្រូវរួចខ្លួន។

សមត្ថកិច្ចដែលចូលរួមក្នុងការឆែកឆេរផ្ទះលោក ថាយ ស៊ុនអ៊ី មេប៉ុស្តិ៍នគរបាលឃុំ ស្រែគរ បានឲ្យដឹងថា នៅពេលឆែកឆេរគឺបានរកឃើញឈើឆ្នង់ជាច្រើនដែលដាក់នៅតាម គុម្ពោតព្រៃជាច្រើនកន្លែងក្នុងបរិវេណផ្ទះនោះ។ បន្ទាប់មកសមត្ថកិច្ចចម្រុះបានធ្វើកំណត់ហេតុ ដកហូតឈើទាំងនោះដោយមានការទទួលស្គាល់ពីម្ចាស់ផ្ទះផងដែរ ប៉ុន្តែសមត្ថកិច្ចមិនបាន បញ្ជាក់អំពីវិធានការផ្លូវច្បាប់លើ លោក ថាយ ស៊ុនអ៊ី ដែលជាមេប៉ុស្តិ៍នគរបាលឃុំស្រែគរ នោះទេ។ ប្រការនេះហើយទើបប្រជាពលរដ្ឋគ្មានជំនឿលើសមត្ថកិច្ចចម្រុះក្នុងការបង្ក្រាប បទល្មើសព្រឈើនៅឃុំស្រែគរ ព្រោះជាក់ស្តែងសមត្ថកិច្ចបានត្រឹមតែដឹកជញ្ជូនឈើប្រ ណីត៤៥០ដុំ ពីផ្ទះលោក ថាយ ស៊ុនអ៊ី ទៅរក្សាទុកនៅថ្នាលបណ្តុះកូនឈើសង្កាត់ក្បាល រមាស -ស្រែគរ ឲ្យល្អមើលតែប៉ុណ្ណោះ៕

IMG_2160 IMG_2161 IMG_2162

Source link

អង្គការឃ្លាំមើលសិទ្ធិមនុស្សអន្តរជាតិ រិះគន់ខ្លាំងៗលើគណបក្សកាន់អំណាចនៅកម្ពុជា

ការដែលសមាជិកសភាគណបក្សប្រជាជនកម្ពុជា អនុម័តគាំទ្រវិសោធនកម្មច្បាប់ស្តី ពីគណបក្សនយោបាយកាលពីថ្ងៃទី២០ ខែកុម្ភៈ ឆ្នាំ២០១៧ ត្រូវប្រឈមនឹងការរិះគន់យ៉ាង ខ្លាំងក្លាពីមជ្ឈដ្ឋានជាតិនិងអន្តរជាតិ ព្រោះគេដឹងថាជាយុទ្ធសាស្ត្ររបស់គណបក្រប្រជាជន ក្នុងការបន្តគ្រប់គ្រងអំណាច។ អង្គការឃ្លាំមើលសិទ្ធិមនុស្សអន្តរជាតិបានចាត់ទុកការអនុម័ត របស់សមាជិកសភាគណបក្សប្រជាជនទៅលើច្បាប់នោះថា ជាជ័យជំនះរបស់អំណាចផ្តាច់ ការលើសន្ធិសញ្ញាសន្តិភាពទីក្រុងប៉ារីស ថ្ងៃទី២៣ ខែតុលា ឆ្នាំ១៩៩១។ នៅក្នុងសេចក្តីប្រ កាសកាលពីថ្ងៃទី២០ ខែកុម្ភៈ ឆ្នាំ២០១៧ នាយករងប្រចាំតំបន់អាស៊ីនៃអង្គការឃ្លាំមើលសិទ្ធិ មនុស្សអន្តរជាតិ លោក ភីល រ៉ូបឺតសុន បានចាត់ទុកវិសោធនកម្មច្បាប់ស្តីពីគណបក្សនយោ បាយ ថាគោលបំណងនៃច្បាប់នេះគឺភ្ជង់តម្រង់ទៅកាន់គណបក្សសង្គ្រោះជាតិ។

លោក ភីល រ៉ូបឺតសុន ដែលតាមដានយ៉ាងដិតដល់ចំពោះស្ថានភាពនយោបាយនៅ កម្ពុជាបានលើកឡើងថា ក្នុងខណៈដែលការបោះឆ្នោតកាន់តែខិតជិតមកដល់យុទ្ធសាស្ត្រ របស់លោក ហ៊ុន សែន បានបង្ហាញឲ្យឃើញកាន់តែច្បាស់តាមរយៈការបំភ័យសម្លុត ស្ថាប័ន ប្រជាធិបតេយ្យនិងអង្គការសង្គមស៊ីវិលនានាដោយប្រើប្រាស់ច្បាប់ក្នុងការបំបិទសំឡេងទាំង អស់នេះនិងតាមរយៈតុលាការដែលស្ថិតក្រោមអំណាចរបស់ខ្លួន។ បញ្ហានេះកំពុងធ្វើឲ្យប្រ ទេសកម្ពុជាដើរសំដៅទៅរកប្រជាធិបតេយ្យមួយដែលមានតែឈ្មោះប៉ុណ្ណោះនៅថ្ងៃខាងមុខ។ ក្រុមអ្នកតាមដានស្ថានភាពនយោបាយក្នុងប្រទេសកម្ពុជាបានទទួលស្គាល់ថា ទស្សនៈរបស់ លោក ភីល រ៉ូបឺតសុន ស្របទៅនឹងស្ថានកាណ៍នយោបាយនៅកម្ពុជា ដែលមជ្ឈដ្ឋានជាតិនិង អន្តរជាតិបានដឹងឮអស់ទៅហើយ។

ថ្មីៗនេះសមាជិកសភាអឺរ៉ុប សមាជិកសភាអាស៊ី និងសមាជិកសភាអាមេរិក សុទ្ធតែ បានរិះគន់ខ្លាំងៗទៅលើសមាជិកសភាគណបក្សប្រជាជនកម្ពុជា ក្នុងការអនុម័តវិសោធនកម្ម ច្បាប់ស្តីពីគណបក្សនយោបាយ។ ក្រុមអ្នកវិភាគនយោបាយបានលើកឡើងថា ប្រសិនបើការ បោះឆ្នោតជាបន្តបន្ទាប់ខាងមុខប្រព្រឹត្តទៅដោយសេរីត្រឹមត្រូវនិងយុត្តិធម៌ គឺគណបក្សប្រជា ជនកម្ពុជារបស់លោក ហ៊ុន សែន មិនអាចយកឈ្នះគណបក្សប្រឆាំងបានឡើយព្រោះអំពើ ទាំងឡាយរបស់មេដឹកនាំនិងមន្ត្រីជាន់ខ្ពស់គណបក្សប្រជាជន ត្រូវបានប្រជាពលរដ្ឋម្ចាស់ ឆ្នោតនៅទូទាំងប្រទេសដឹងច្បាស់អស់ទៅហើយ។ ហេតុនេះហើយទើបលោក ហ៊ុន សែន កំពុងរកគ្រប់វិធីដើម្បីបន្តក្តោបក្តាប់អំណាចតាមការគ្រោងទុក ជាក់ស្តែងប៉ុន្មានថ្ងៃកន្លងទៅ នេះលោក ហ៊ុន សែន បានគំរាមជាបន្តបន្ទាប់ទៅលើអ្នកដែលចង់កម្ចាត់រដ្ឋាភិបាល ហើយ ការគំរាមរបស់លោក ហ៊ុន សែន កំពុងប្រឈមនឹងការរិះគន់យ៉ាងខ្លាំង៕

លោក ភីល រ៉ូបឺតសុន

លោក ភីល រ៉ូបឺតសុន

IMG_2157

Source link

តំបន់ដែនជម្រកសត្វព្រៃកែវសីមា ខេត្តមណ្ឌលគិរី នៅតែរងការកាប់ធ្វើអាជីវកម្មពីសំណាក់ឈ្មួញខិលខូច

សកម្មជនព្រៃឈើនៅខេត្តមណ្ឌលគិរី បានរាយការណ៍មកថា ព្រៃឈើនៅក្នុងដែនជម្រកសត្វព្រៃកែវសីមា ខេត្តមណ្ឌលគិរី នៅតែរងការកាប់ធ្វើអាជីវកម្មពីសំណាក់ឈ្មួញខិលខូច។ ប្រភពដដែលបានបញ្ជាក់ថា ឈ្មួញដែលចូលកាប់ឈើក្នុងតំបន់អភិរក្សខាងលើមានទាំងជនជាតិខ្មែរ និងជនជាតិយួនផងដែរ។

ព្រៃឈើដែលត្រូវឈ្មួញចូលកាប់នោះត្រូវគេដឹងថាភាគច្រើនយកទៅលក់ឲ្យឈ្មួញយួន និងមួយចំនួនទៀតបានកែច្នៃលក់តាមទីផ្សារក្នុងស្រុក។ ប្រជាពលរដ្ឋខេត្តមណ្ឌលគិរី បានរិះគន់ថា សមត្ថកិច្ចជំនាញមិនបានចាត់វិធានការទប់ស្កាត់ឲ្យមានប្រសិទ្ធភាពឡើយ ទើបឈ្មួញអាចកាប់ឈើតាមអំពើចិត្ត។

សព្វថ្ងៃនេះនៅខេត្តមណ្ឌលគិរី គេសង្កេតឃើញថាគ្មានឈើច្រើនដូចពីអតីតកាលឡើយ តែឈ្មួញនៅតែបន្តកាប់ឈើដែលនៅសេសសល់តិចតួចក្នុងតំបន់អភិរក្ស។ សកម្មជនព្រៃឈើនៅខេត្តមណ្ឌលគិរី បានបញ្ជាក់ថា បើព្រៃឈើនៅក្នុងតំបន់អភិរក្សនៅបន្តរងការកាប់ធ្វើអាជីវកម្ម និងការកាប់ឈើរានយកដីបន្តទៀត នោះអនាគតព្រៃឈើនៅប្រទេសកម្ពុជាអាចនឹងបាត់បង់ទាំងស្រុង និងមានផលវិបាកដល់ការអភិវឌ្ឍជាតិ។

ជុំវិញបញ្ហាខាងលើនេះ ប្រជាពលរដ្ឋខេត្តមណ្ឌលគិរី បានស្នើដល់អាជ្ញាធរខេត្តមណ្ឌលគិរី និងសមត្ថកិច្ចជំនាញគប្បីសហការគ្នាទប់ស្កាត់បទល្មើសព្រៃឈើឲ្យមានប្រសិទ្ធភាព។ ប្រភពដដែលបានបញ្ជាក់ថា អ្នកចូលកាប់ឈើមួយចំនួនមានសមត្ថកិច្ចជួយការពារ និងផ្តល់កិច្ចសហការគ្នាជាមួយឈ្មួញទៀតផង៕

IMG_2165

Source link