ព័ត៌មានខ្មែរ

ចាំមើល​អង្គភាព​ប្រឆាំង​អំពើពុករលួយ ចាត់វិធានការ​បែបណា​ទៅលើ​ប្រធាន​មន្ទីរ​បរិស្ថាន​ខេត្តសៀមរាប និង​បក្ខពួក​?

រឿងអាស្រូវ​ពុករលួយ​របស់លោក ភួង លី​ណា ប្រធាន​មន្ទីរ​បរិស្ថាន​ខេត្តសៀមរាប លោក កេ​ត វណ្ណា អនុប្រធាន​មន្ទីរ និង​លោក ជុន ចំណាន ប្រធាន​រដ្ឋបាល​និង​ហិរញ្ញវត្ថុ នៃ​មន្ទីរ​បរិស្ថាន​ខេត្តសៀមរាប ត្រូវបាន​លាតត្រដាង​ជា​សាធារណៈ​រួចទៅហើយ​។ ជាងនេះទៅទៀត​សំណុំរឿង​អាស្រូវ​ពុករលួយ​មួយ​នេះ ក៏បាន​ទៅដល់​អង្គភាព​ប្រឆាំង​អំពើពុករលួយ ដែលមាន​លោក ឱម យ៉ិនទៀង ជា​ប្រធាន​ផងដែរ ដូច្នេះ​លោក ភួង លី​ណា និង​បក្ខពួក មិនអាច​បិទបាំង​រឿងអាស្រូវ​របស់ខ្លួន​តទៅទៀត​ឡើយ​។ ទន្ទឹមនឹងនេះ​មន្ត្រីរាជការ ក៏ដូចជា​ពលរដ្ឋ​ក្នុង​ខេត្តសៀមរាប កំពុង​តាមដាន​ដោយ​យកចិត្តទុកដាក់​ចំពោះ​ចំណាត់ការ​របស់​អង្គភាព​ប្រឆាំង​អំពើពុករលួយ ទៅលើ​លោក ភួង លី​ណា និង​បក្ខពួក​នៅពេល​ឆាប់ៗ​ខាងមុខ​។

ថ្មីៗ​កន្លងទៅនេះ​លិខិត​អនាមិក​មួយ​បាន​ធ្លាក់​ដល់ដៃ​អ្នកសារព័ត៌មាន ហើយ​នៅក្នុង​លិខិត​នោះបាន​បញ្ជាក់​យ៉ាងច្បាស់​ពី​រឿងអាស្រូវ​ពុករលួយ​របស់លោក ភួង លី​ណា លោក កេ​ត វណ្ណា និង​លោក ជុន ចំណាន ទាក់ទង​ទៅនឹង​ករណី​តម្រូវ​ឲ្យ​ប្រធានការិយាល័យ​ទាំងអស់​នៅក្រោម​បង្គាប់​យកលុយ​ពី​ឈ្មួញ​កាប់បំផ្លាញ​ព្រៃឈើ​ពី​១០០​ទៅ​១៥០​ដុល្លារ​ក្នុង​១​ខែ​សម្រាប់​ឈ្មួញ​ម្នាក់ៗ​។ ជាងនេះទៅទៀត​លោក ភួង លី​ណា និង​បក្ខពួក​ក៏បាន​ប្រមូល​លុយ​ពី​ការលក់​ឈើ​ដែល​បង្ក្រាបបាន ហើយ​ចែក​លុយ​គ្នា​ធ្វើ​មាន​ធ្វើបាន​ដោយ​គ្មាន​ញញើត​អ្វី​ទាំងអស់​។ រឿង​ទាំងនេះ​លោក សាយ សំ​អាល់ រដ្ឋមន្ត្រី​ក្រសួងបរិស្ថាន គួរពិនិត្យមើល​អំពើពុករលួយ​របស់​ម​ន្ត្រី​ធំៗ​នៅ​មន្ទីរ​បរិស្ថាន​ខេត្តសៀមរាប​ជាបន្ទាន់ ព្រោះ​សូម្បីតែ​លុយ​បេសកកម្ម​និង​ចំណូល​ចំណាយ​ផ្សេងៗ​ក៏ត្រូវ​ពួកគេ​កេងប្រវ័ញ្ច​ដែរ​។

តាម​ការ​បង្ហើប​ពី​មន្ត្រីរាជការ​ក្នុង​មន្ទីរ​បរិស្ថាន​ខេត្តសៀមរាប បាន​ឲ្យ​ដឹងថា រហូតមកដល់​ពេលនេះ​លោក ភួង លី​ណា បានដឹង​យ៉ាងច្បាស់​ថា​សំណុំរឿង​អាស្រូវ​ពុករលួយ​របស់ខ្លួន បាន​ទៅ​ដល់ដៃ​អង្គភាព​ប្រឆាំង​អំពើពុករលួយ​ទៅហើយ​។ ប្រភព​បាន​ឲ្យ​ដឹង​ទៀតថា​លោក ភួង លី​ណា កំពុង​ព្យា​យម​រក​អន្តរាគមន៍​ពី​មន្ត្រីជាន់ខ្ពស់​នៅ​ក្រសួងបរិស្ថាន ដើម្បី​ជួយ​ការពារ​ខ្លួន​ព្រោះ​អំពើពុករលួយ​របស់​ពួកគេ​នាពេល​កន្លងមក​ក៏មាន​បែងចែក​ផលប្រយោជន៍​មួយផ្នែក​ដល់​មន្ត្រី​ធំៗ​ក្នុង​ក្រសួងបរិស្ថាន​ផងដែរ បញ្ហា​នេះហើយ​ដេ​ល​ប្រជាពលរដ្ឋ​រង់ចាំ​មើល​ចំណាត់ការ​របស់​អង្គភាព​ប្រឆាំង​អំពើពុករលួយ ទៅលើ​លោក ភួង លី​ណា និង​បក្ខពួក ហើយ​សង្ឃឹមថា​អង្គភាព​ប្រឆាំង​អំពើពុករលួយ និង​អនុវត្តន៍​ត្រឹមត្រូវ​តាមច្បាប់​ជាមិនខាន ព្រោះ​លោក ភួង លី​ណា និង​បក្ខពួក​ប្រព្រឹត្ត​អំពើពុករលួយ​ច្រើន​ឆ្នាំ​មកហើយ ដើម្បី​ផលប្រយោជន៍​ផ្ទាល់ខ្លួន និង​កឹ​ប​កេង​ថវិការដ្ឋ​តាម​អំពើ​ចិត្ត​៕

ppp-orm-yintieng-3-yinting-e1461649916491

លោក ឱម យ៉ិនទៀង ប្រធានអង្គភាពប្រឆាំងអំពើពុករលួយ

bas

Source link

ឈ្មួញ​ឈ្មោះ ធឹង លាង​ស្រេង បន្ត​ដឹកឈើ​ខុសច្បាប់​ចូល​ក្រុង​សៀមរាប​យ៉ាង​គគ្រឹកគគ្រេង​

មន្ត្រីរដ្ឋបាល​ព្រៃឈើ​តូចតាច និង​សមត្ថកិច្ច​ពាក់ព័ន្ធ​ក្នុង​ខេត្តសៀមរាប បាន​ឲ្យ​ដឹងថា បច្ចុប្បន្ននេះ​ឈ្មួញ​ឈ្មោះ ធឹង លាង​ស្រេង នៅតែ​បន្តសកម្មភាព​ដឹកជញ្ជូន​ឈើ​ពី​ខេត្តព្រះវិហារ ឆ្លងកាត់​ស្រុក​អន្លង់វែង ចូលមក​ចែកចាយ​តាម​ដេប៉ូ​ក្នុង​ក្រុង​សៀមរាប​យ៉ាង​រលូន​។ រថយន្ត​ដឹកជញ្ជូន​ឈើ​របស់​ឈ្មួញ​ឈ្មោះ ធឹង លាង​ស្រេង បាន​បើក​ឆ្លងកាត់​ស្នាក់ការ​រដ្ឋបាល​ព្រៃឈើ​ជាច្រើន​កន្លែង​ក្នុង​ខេត្តព្រះវិហារ ស្រុក​អន្លង់វែង និង​ខេត្តសៀមរាប ហើយ​មិនឃើញ​មាន​មន្ត្រីរដ្ឋបាល​ព្រៃឈើ ឬ​សមត្ថកិច្ច​ពាក់ព័ន្ធ​ធ្វើការ​បង្ក្រាប​ឡើយ​។ លោក ទា គឹម​សុទ្ធ នាយ​ខណ្ឌ​រដ្ឋបាល​ព្រៃឈើ​ខេត្តសៀមរាប កំពុង​ប្រឈម​នឹង​ការសង្ស័យថា ជា​អ្នក​ឃុបឃិត​បើកដៃ​ឲ្យ​ឈ្មួញ​ឈ្មោះ ធឹង លាង​ស្រេង បន្ត​ដឹកជញ្ជូន​ឈើ​ខុសច្បាប់​ដើម្បី​ជា​ថ្នូរ​នឹង​ផលប្រយោជន៍​។

ប្រភព​ដែល​ស្និទ្ធ​ជាមួយ​ឈ្មួញ​ឈ្មោះ ធឹង លាង​ស្រេង បាន​ឲ្យ​ដឹងថា ការដែល​ឈ្មួញ​ម្នាក់នេះ​អាចធ្វើ​អ្វីៗ​តាម​អំពើ​ចិត្ត គឺ​ដោយសារ​មានការ​ឃុបឃិត​ជាមួយ​មន្ត្រីរដ្ឋបាល​ព្រៃឈើ​ធំៗ​ក្នុង​ខេត្តសៀមរាប និង​សមត្ថកិច្ច​ពាក់ព័ន្ធ​ដទៃទៀត​ដោយមាន​ការបែងចែក​ផលប្រយោជន៍​ជាប្រចាំ​។ ហេតុនេះហើយ​ជួនកាល​ឈ្មួញ​ឈ្មោះ ធឹង លាង​ស្រេង ប្រើ​ច្បាប់​អនុញ្ញាត​មួយ​សន្លឹក​ដឹកជញ្ជូន​ឈើ​ដល់​ទៅ​ជាង​១០​ជើង​ក៏​គ្មាន​មន្ត្រី​ជំនាញ និង​សមត្ថកិច្ច​ណា​ប៉ះពាល់​ឡើយ​។ មិនតែប៉ុណ្ណោះ​ឈ្មួញ​ឈ្មោះ ធឹង លាង​ស្រេង អួត​ក្អេងក្អាង​ប្រាប់​គេឯង​ថា ការដឹកជញ្ជូន​ឈើ​ឆ្លងកាត់​ស្នាក់កា​រដ្ឋបាល​ព្រៃឈើ​ច្រើន​កន្លែង ហើយ​មិន​ប្រឈម​នឹង​ការបង្ក្រាប​នោះ គឺ​ដោយសារ​ខ្លួន​មានច្បាប់​អនុញ្ញាត​ត្រឹមត្រូវ​និង​មាន​បង់ពន្ធ​ជូន​រដ្ឋ​រួចរាល់​ទៀតផង​។

ទោះជា​យ៉ាងណា​មន្ត្រីរដ្ឋបាល​ព្រៃឈើ​តូចតាច​ក្នុង​ខេត្តសៀមរាប បាន​បង្ហើប​ឲ្យ​ដឹងថា លោក ទា គឹម​សុទ្ធ នាយ​ខណ្ឌ​រដ្ឋបាល​ព្រៃឈើ​ខេត្តសៀមរាប គឺជា​ខ្នងបង្អែក​ដ៏​រឹងមាំ​របស់​ឈ្មួញ​ឈ្មោះ ធឹង លាង​ស្រេង ទើប​ឈ្មួញ​ម្នាក់នេះ​ហ៊ាន​អួតអាង​ថា ឈើ​របស់ខ្លួន​ជា​ឈើ​មានច្បាប់​ត្រឹមត្រូវ​។ មិនតែប៉ុណ្ណោះ​ដេប៉ូ​ទិញ​ឈើ​ទាំងឡាយណា​ដែល​ទទួល​ទិញ​ឈើ​ពី​ឈ្មួញ​ឈ្មោះ ធឹង លាង​ស្រេង មិន​ប្រឈម​នឹង​ការបង្ក្រាប​ពី​សំណាក់​មន្ត្រីរដ្ឋបាល​ព្រៃឈើ និង​សមត្ថកិច្ច​ពាក់ព័ន្ធ​ដទៃទៀត​នោះទេ ព្រោះ​ពួកគេ​ឃុបឃិត​ជា​ប្រព័ន្ធ​រួចទៅហើយ​។ ជាក់ស្ដែង​ក្នុង​ច្បាប់​អនុញ្ញាត​១​សន្លឹក​ឈ្មួញ​ឈ្មោះ ធឹង លាង​ស្រេង អាច​ដឹកជញ្ជូន​ឈើ​ដល់​ទៅ​ជាង​១០​ជើង ហើយ​គ្មាន​មន្ត្រី​ជំនាញ ឬ​សមត្ថកិច្ច​ណា​ហ៊ាន​ប៉ះពាល់​ទេ ព្រោះ​គេ​ដឹងថា​លោក ទា គឹម​សុទ្ធ ជា​ខ្នងបង្អែក​របស់​ឈ្មួញ​ម្នាក់នេះ​យូរ​មកហើយ​។ ចំណែក​មន្ត្រី​អាជ្ញាធរ​ខេត្តសៀមរាប ជាពិសេស​លោក ឃឹម ប៊ុន​សុង ជា​អភិបាលខេត្ត អាចពាក់ព័ន្ធ​នឹង​ផលប្រយោជន៍​ពី​ឈ្មួញ​ឈ្មោះ ធឹង លាង​ស្រេង ទើប​បណ្ដោយ​ឲ្យ​ឈ្មួញ​ម្នាក់នេះ​ធ្វើ​អ្វីៗ​តាម​អំពើ​ចិត្ត​៕

dr-1 dr

Source link

សមត្ថកិច្ច​ក្នុង​ខេត្តពោធិ៍សាត់ ខេត្តកំពង់ឆ្នាំង និង​ខេត្តកំពង់ធំ បង្ក្រាប​តែ​បទល្មើស​នេសាទ​តូចតាច​

ថ្មីៗ​នេះ​មន្ត្រី​ជំនាញ​នៃ​អធិការដ្ឋាន​ជលផល​ខាងត្បូង និង​ខាងជើង​បឹង​ទន្លេសាប បាន​សហការ​ជាមួយ​កម្លាំង​រដ្ឋ​បាលជ​ល​ផល​ខេត្តពោធិ៍សាត់ ខេត្តកំពង់ឆ្នាំង និង​ខេត្តកំពង់ធំ ដើម្បី​បង្ក្រាប​បទល្មើស​ទ្រង់ទ្រាយ​ធំ​ក្នុង​បឹង​ទន្លេសាប​។ ក៏ប៉ុន្តែ​ប្រជា​នេសាទ​ក្នុង​ខេត្ត​ទាំង​៣​នេះ បាន​លើកឡើងថា ការបង្ក្រាប​កាលពី​ថ្ងៃទី​០២ ខែធ្នូ ឆ្នាំ​២០១៦ គឺ​សមត្ថកិច្ច​បង្ក្រាប​បានតែ​បទល្មើស​តូចតាច​ប៉ុណ្ណោះ​ដូចជា របាំង​សាច់​អួន និង​ឧបករណ៍​ខុសច្បាប់​ផ្សេងៗ​ទៀត​។ ចំណែក​បទល្មើស​ធំៗ​ដែល​ប្រើ​របាំង​អួន​ក្រឡា​ញឹក​មាន​ប្រវែង​បណ្ដោយ​ពី​៣០០​ទៅ​៥០០​ម៉ែត្រ​រហូតដល់​រាប់ពាន់​ម៉ែត្រ​មិនទាន់​ឃើញ​សមត្ថកិច្ច​ចាត់វិធានការ​បង្ក្រាប​ឡើយ​។

ប្រជា​នេសាទ​រស់នៅក្នុង​តំបន់​ក្បាលជ្រោយ​ផ្កាយ ស្ថិតនៅ​ព្រំប្រទល់​៣​ខេត្ត គឺ​ខេត្តពោធិ៍សាត់ ខេត្តកំពង់ឆ្នាំង និង​ខេត្តកំពង់ធំ បាន​ឲ្យ​ដឹងថា ក្នុងការ​បង្ក្រាប​កាលពី​ថ្ងៃទី​០២ ខែធ្នូ សមត្ថកិច្ច​បង្ក្រាបបាន​របាំង​សាច់​អួន​(​ប​) ប្រវែង​ចំនួន​៨៥០​ម៉ែត្រ​ស្មើនឹង​៤​ខ្សែ បង្គោល​ចំនួន​២៥០​ដើម​និង​ចាក់​ត្រី​ចូល​បឹង​ទន្លេសាប​វិញ​២៥​គីឡូ​។ ប្រតិបត្តិការ​របស់​ស​ម​ត្ថ​កិច្ច​រដ្ឋបាល​ជល​ផល​បានធ្វើ​ឲ្យ​ប្រជា​នេសាទ​ហួសចិត្ត​យ៉ាងខ្លាំង ព្រោះ​បទល្មើស​ប្រើ​ឧបករណ៍​ខុសច្បាប់​កំពុង​កើតឡើង​យ៉ាង​ពេញបន្ទុក ហើយ​ការបង្ក្រាប​បែរជា​ធ្វើឡើង​តាម​របៀង​លេងសើច​ឥតប្រយោជន៍​។ ជាងនេះទៅទៀត​មន្ត្រីរដ្ឋបាល​ជលផល បែរជា​ត្អូញត្អែរ​ពី​ផលវិបាក​ដោយ​លើកឡើងថា ទឹករលក​ខ្លាំង ហើយ​មាន​គ្នា​តិច​វិបាក​ធ្វើការ​បង្ក្រាប​ប្រកបដោយ​ប្រសិទ្ធភាព​។

​ប្រជា​នេសាទ​រស់នៅក្នុង​តំបន់​បឹង​ទន្លេសាប ស្រុក​ក្រគរ ខេត្តពោធិ៍សាត់ បាន​លើកឡើងថា នៅក្នុង​មូលដ្ឋាន​របស់​ពួកគាត់​បទល្មើស​ប្រើ​ឧបករណ៍​ខុសច្បាប់​ប្រព្រឹត្ត​ដោយ​ជនជាតិ​យួន​នៅតែ​កើតឡើង​យ៉ាង​ពេញបន្ទុក ហើយ​ការបង្ក្រាប​របស់​សមត្ថ​កិច្ច​ពីថ្ងៃ​ទី​០១​ដល់​ថ្ងៃទី​០៣ ខែធ្នូ ឆ្នាំ​២០១៦ មើលទៅ​គ្មាន​លទ្ធផល​អ្វី​គួរ​ឲ្យ​ចាប់អារម្មណ៍​នោះទេ​។ ចំណែក​ប្រជា​នេសាទ​រស់នៅ​ស្រុក​បរិបូរណ៍ និង​ស្រុក​កំពង់ស្វាយ ខេត្តកំពង់ធំ ក៏បាន​ឲ្យ​ដឹង​ដែរ​ថា​បទល្មើស​នេសាទ​ប្រើ​ឧបករណ៍​ខុសច្បាប់​ទ្រង់ទ្រាយ​ធំ​មិន​ត្រូវបាន​មន្ត្រី​ជំនាញ រដ្ឋបាល​ជលផល​ចាត់វិធានការ​បង្ក្រាប​ឡើយ ហើយ​បង្ក្រាប​បានតែ​បទល្មើស​តូចតាច​ថត​យកទៅ​ផ្សព្វផ្សាយ​យ៉ាង​គគ្រឹកគគ្រេង​។ ប្រជា​នេសាទ​បាន​អំពាវនាវ​ឲ្យ​លោក អេង ជា​សាន អគ្គនាយក​រដ្ឋ​បាលជ​ល​ផល ពិនិត្យឡើងវិញ​ជាបន្ទាន់ ចំពោះ​ការបង្ក្រាប​បទល្មើស​នេសាទ​តាមរបៀប​លេងសើច​របស់​មន្ត្រីរដ្ឋបាល​ជលផល​ក្នុង​ខេត្ត​ទាំង​៣​ខាងលើ ក្នុងខណៈដែល​បទល្មើស​ធំៗ​កំពុង​កើតឡើង​យ៉ាង​រាលដាល​៕

as-8-768x432 as-2-1-768x432 as-6-768x432 as-7-768x432

Source link

មន្ត្រី​ជំនាញ និង​សមត្ថកិច្ច​ពាក់ព័ន្ធ​ជា​អ្នក​នៅ​ពីក្រោយ​បទល្មើស​កាប់​ឈើ​ក្នុងស្រុក​វាលវែង ខេត្តពោធិ៍សាត់

តាម​ប្រភពពី​ប្រជាពលរដ្ឋ​នៅ​ឃុំ​ប្រមោយ ស្រុក​វាលវែង ខេត្តពោធិ៍សាត់ បាន​ឲ្យ​ដឹងថា បទល្មើស​កាប់​ឈើ​និង​ដឹកជញ្ជូន​ឈើ​ក្នុង​មូលដ្ឋាន​របស់​ពួកគាត់​នៅតែ​បន្ត​កើតមាន​យ៉ាង​ពេញបន្ទុក ព្រោះ​មន្ត្រីរដ្ឋបាល​ព្រៃឈើ មន្ត្រី​បរិស្ថាន និង​សមត្ថកិច្ច​ពាក់ព័ន្ធ​ដទៃទៀត គិតតែ​រឿង​ផលប្រយោជន៍​ប៉ុណ្ណោះ​។ ថ្មីៗ​នេះ​គេ​បាន​រកឃើញ​គំនរ​ឈើ​អារ​ប្រភេទ​លេខ​១​ដែល​ក្រុម​ឈ្មួញ​យកមក​ស្តុក​ទុក​ក្នុងព្រៃ ដើម្បី​លើកឡើង​រថយន្ត​ដឹកជញ្ជូន​ឆ្លងកាត់​ស្រុក​ភ្នំក្រវាញ ឆ្ពោះទៅ​ស្រុក​ក្រគរ និង​ក្រុង​ពោធិ៍សាត់​។ បញ្ហា​ដែល​ធ្វើ​ឲ្យ​ប្រជាពលរដ្ឋ​ចាប់អារម្មណ៍​នោះ គឺ​គំនរ​ឈើ​យ៉ាងច្រើន​នោះ​នៅ​មិន​ឆ្លា​យ​ពី​ស្នាក់ការ​សង្កាត់រដ្ឋបាល​ព្រៃឈើ​ប្រមោយ និង​ស្នាក់ការ​ផ្នែក​រដ្ឋបាល​ព្រៃឈើ​វាលវែង​នោះទេ​។ ​

​មន្ត្រី​អាជ្ញាធរ​មូលដ្ឋាន​ឃុំ​ប្រមោយ សង្ស័យថា​ឈ្មួញ​ឈើ​មាន​ទំនាក់ទំនង​ជាមួយ​មន្ត្រី​រដ្ឋបាល​ព្រៃឈើ​ក្នុងស្រុក​វាលវែង ទើប​គេ​អាច​ដឹកជញ្ជូន​ឈើ​ទៅ​គរ​ទុក​នៅក្បែរ​ស្នាក់ការ​សង្កាត់​រដ្ឋបាល​ព្រៃឈើ​ប្រមោយ និង​ស្នាក់ការ​ផ្នែក​រដ្ឋបាល​ព្រៃឈើ​វាលវែង​តែម្តង ដើម្បី​កុំ​ឲ្យ​សមត្ថកិច្ច​ដទៃទៀត​មក​ប៉ះពាល់​។ ទីតាំង​គំនរ​ឈើ​អារ​ប្រភេទ​លេខ​១​នោះ គឺ​នៅ​ចំណុច​អូរ​ដេ​កា​ក្បែរផ្លូវ​ជាតិ​លេខ​៥៥​លើដី​ចម្ការ​ក្បែរ​ផ្ទះ​ឈ្មោះ អឿន នៅ​ភូមិ​ស្ទឹង​ថ្មី ឃុំ​ប្រមោយ ស្រុក​វាលវែង ខេត្តពោធិ៍សាត់​។ ឈើ​ទាំងនោះ​មានដូចជា ឈើ​កកោះ ឡាំង​ជា​ជ្រុង មានមុខ​កាត់​០,៣០​ម៉ែត្រ​ទៅ​០,៥០​ម៉ែត្រ ប្រវែង​បណ្ដោយ​៣​ទៅ​៤​ម៉ែត្រ និង​ឈើ​ក្ដារ​សន្លឹក​ជាច្រើន​ទៀត​។ ឈើ​ទាំងនោះ​ត្រូវ​ឈ្មួញ​គ្រោង​ដឹកចេញទៅ​លក់​ក្នុងពេល​ឆាប់ៗ ព្រោះ​មន្ត្រីរដ្ឋបាល​ព្រៃឈើ និង​មន្ត្រី​បរិស្ថាន មិន​ចាត់វិធានការ​បង្ក្រាប​ឡើយ​។

ប្រជាពលរដ្ឋ​ក្នុងភូមិ​ស្ទឹង​ថ្មី ឃុំ​ប្រមោយ ស្រុក​វាលវែង សង្ស័យថា​សរុប​ឈើ​ទាំងនោះ​មិន​ក្រោម​៣០​ម៉ែត្រគូប​ទេ ហើយ​ការដែល​ឈ្មួញ​អាច​ប្រមូល​ទិញ​ឈើ​យកមក​គរ​ទុក​ក្បែរ​ស្នាក់ការ​រដ្ឋបាល​ព្រៃឈើ គឺអាច​មានការ​ឃុបឃិត​ជាមួយ​លោក ជា ហួត នាយផ្នែក​រដ្ឋបាល​ព្រៃឈើ​វាលវែង​ផងដែរ​។ ជាមួយគ្នានេះ​មន្ត្រី​អង្គការក្រៅរដ្ឋាភិបាល និង​សកម្មជន​ព្រៃឈើ​ក្នុង​ខេត្តពោធិ៍សាត់ បានកត់សម្គាល់​ថា​កន្ល​ង​មក​មន្ត្រី​ជំនាញ និង​សមត្ថកិច្ច​ពាក់ព័ន្ធ​បង្ក្រាប​តែ​ពលរដ្ឋ​ដែល​ដឹកជញ្ជូន​ឈើ​បន្តិចបន្តួច​ទៅ​ជួសជុលផ្ទះ​សម្បែង ឬ​ពលរដ្ឋ​ដែល​ចូល​ព្រៃ​កាប់​អុស​ដឹក​តាម​រទេះ​គោក្របី​ប៉ុណ្ណោះ​។ ចំណែក​ឈ្មួញ​ធំៗ​ដែល​ដឹកជញ្ជូន​ឈើ​តាម​រថយន្ត​កូរ៉េ ឬ​រថយន្ត​យី​ឌុប ផ្ទុក​ឈើ​ប្រណីត​ឬ​ឈើ​ប្រភេទ​លេខ​១​រាប់សិប​ម៉ែត្រគូប​តែង​ចៀស​ផុតពី​ការបង្ក្រាប ហេតុនេះហើយ​ទើប​បទល្មើស​កាប់​ឈើ​ក្នុង​តំបន់​ជួរ​ភ្នំក្រវាញ និង​តំបន់​ដែនជម្រកសត្វព្រៃ​ភ្នំ​ឱ​រ៉ា​ល់ នៅតែ​បន្ត​កើតឡើង​យ៉ាង​មហន្តរាយ​៕

3-4 1-7

Source link

​វ៉ៃខ្នោះ​ប្តីកំណាច​ជះ​ទឹក​អាស៊ីត​លើ​ប្រពន្ធ ព្រោះរឿង​ប្រច័ណ្ឌ 

ខេត្តកំពង់ចាម​៖​បុរស​ម្នាក់​ធ្វើការ​ស្រាវជ្រាវ​ស៊ើបសួរ​រហូតដល់​ធ្វើការ​ឃាត់ខ្លួន​កាលពី​ល្ងាច​ថ្ងៃទី ១ ខែធ្នូ ឆ្នាំ​២០១៦ បន្ទាប់​ជនសង្ស័យ​រូបនេះ​បាន​ប្រើល្បិច​ធ្វើជា​មកជួយ​ប្រពន្ធ ហើយក៏​ជះ​ទឹក​អាស៊ីត​លើ​ប្រពន្ធ​របស់ខ្លួន​រងរបួស​ត្រូវបាន​គេ​ដឹក​ទៅយក​សង្គ្រោះ​នៅ​មន្ទីរ

ពេទ្យបង្អែក​ស្រុក​ស្រី​សន្ធរ​។​
​សមត្ថកិច្ច​បាន​ឲ្យ​ដឹងថា ជនសង្ស័យ​មានឈ្មោះ សេង ប៊ុន​ណាត អាយុ​៤២​ឆ្នាំ ត្រូវបាន​សមត្ថកិច្ច​កំពុងធ្វើការ​សាកសួរ ដើម្បី​ចាត់ការ​តាម​នីតិវិធី ប៉ុន្តែ​រហូតដល់​ព្រឹក​ថ្ងៃទី​២ ខែវិច្ឆិកា នេះ ម្តាយ​របស់​ជនសង្ស័យ​បាន​សុំ​អង្វរ​ស្ត្រី​រងគ្រោះ​ដែលជា​កូនប្រសា​ដើម្បី​ធ្វើ​ការដក​ពាក្យបណ្តឹង​។​
​គួរ​បញ្ជាក់ថា ករណី​ជះ​ទឹក​អាស៊ីត​លើ​ជនរងគ្រោះ​ដែលមាន​ឈ្មោះ នង់ សុខ​ឡេង អាយុ​៣៩​ឆ្នាំ កើតឡើង​កាលពី​វេលា​ប្រហែល​ម៉ោង​៥​ទៀបភ្លឺ​ថ្ងៃទី​១​ធ្នូ ស្ថិត​ភូមិ​ទី​១០ ឃុំ​ព្រែក​តាន​ង់ ស្រុក​កោះសូទិន ខេត្តកំពង់ចាម​៕

naren15241254_1754745994851319_9026642828483392918_n-copy

Source link

ក្រុមប្រឹក្សា​ឃ្លាំមើល​កម្ពុជា​ អំពាវនាវ​ឲ្យ​មានការ​ដោះ​លែង​អ្នកទោស​មនសិការ​ទាំងអស់​ ដើម្បី​ទទួល​បាន​សេរីភាព​វិញ​

​ពី​ប្រទេស​ន័​រវេ​ស៍​ នៅ​ថ្ងៃ​ទី​០៣​ ខែធ្នូ​ ឆ្នាំ​២០១៦​នេះ​ ក្រុមប្រឹក្សា​ឃ្លាំមើល​កម្ពុជា​(CWC)​ ដែល​មាន​លោក​ ម៉ែ​ន​ ណាត​ ជា​ប្រធាន​ បាន​ចេញ​សេចក្តីថ្លែងការណ៍​មួយ​អំពាវនាវ​ឲ្យ​មានការ​ដោះ​លែង​អ្នកទោស​មនសិការ​ទាំងអស់​ឲ្យ​មាន​សេរីភាព​វិញ​ បន្ទាប់​ពី​មានការ​លើកលែងទោស​ឯកឧត្តម​ …

cwc-feeds
[អានទាំងស្រុងនៅ WWW.DTN7.COM]

Source link