ព័ត៌មានខ្មែរ

នគរបាល​ចរាចរណ៍​ក្រោម​ការគ្រប់គ្រង​របស់លោក រុន រ័ត្ន​វាសនា បង្ក​ភាពអនាធិបតេយ្យ​ធ្វើ​ឲ្យ​ប្រជាពលរដ្ឋ​រិះគន់​កាន់តែខ្លាំង​

ចាប់តាំងពី​ចាប់ផ្ដើម​អនុវត្តន៍​ច្បាប់​ចរាចរណ៍​ផ្លូវគោក​ថ្មី ពីថ្ងៃ​ទី​០១ ខែមករា ឆ្នាំ​២០១៦ រហូតមក​គឺ​គ្រោះថ្នាក់​ចរាចរណ៍​នៅលើ​ដងផ្លូវ​ទូទាំងប្រទេស​ពុំមាន​ការថយចុះ​នោះទេ ផ្ទុយទៅវិញ​គ្រោះថ្នាក់​ចរាចរណ៍​កើតឡើង​កាន់តែច្រើន​ថែមទៀត​។ ប្រការនេះ​មកពី​លោក រុន រ័ត្ន​វាសនា ប្រធាន​នាយកដ្ឋាន​នគរ​បាលច​រាច​រណ៍ និង​សណ្ដាប់ធ្នាប់​សាធារណៈ នៃ​ក្រសួងមហាផ្ទៃ មិនបាន​ដាក់បទបញ្ជា​ឲ្យ​កូនចៅ​ក្រោម​ឱវាទ​របស់ខ្លួន​អនុវត្តន៍​តាមច្បាប់​ប្រកបដោយ​ប្រសិទ្ធភាព​នោះទេ​។ ទន្ទឹមនឹងនេះ​លោក រុន រ័ត្ន​វាសនា គិតតែ​ពី​រក​វិធី​ប្រមូល​ផលប្រយោជន៍​តាមរបៀប​ពុករលួយ​ដូចដែល​មន្ត្រី​ក្នុង​នាយកដ្ឋាន​នគរ​បាលច​រា​ចរណ៍​ទម្លាយ​ជា​សាធារណៈ​រួចទៅហើយ​។

ប្រជាពលរដ្ឋនៅក្នុង​រាជធានី​ភ្នំពេញ បាន​កត់សម្គាល់ថា មួយរយៈ​ពេល​ចុង​ក្រោយនេះ​នគរបាល​ចរាចរណ៍​រាជធានី​ភ្នំពេញ កំពុង​ប្រព្រឹត្ត​អំពើ​អនាធិបតេយ្យ​កាន់តែខ្លាំង​ឡើងៗ ជាពិសេស​នគរ​បាលច​រា​ចរណ៍​ឈរជើង​នៅ​ស្តុ​ប​អូរ​បែកក្អម​ផ្លូវ​២៧១​កែង​ផ្លូវ​២០០៤ និង​ក្រុមនគរបាល​ចរាចរណ៍​ឈរជើង​នៅ​គល់ស្ពាន​ស្ទឹងមានជ័យ កំពុង​ប្រព្រឹត្ត​មិន​ខុសពី​ក្រុមចោរប្លន់​នោះទេ​។ ក្រុមនគរបាល​ចរាច​រណ៍​ដែល​ឈរជើង​នៅ​ស្តុ​ប​អូរ​បែកក្អម មិនសូវ​យកចិត្តទុកដាក់​សម្រួល​ចរាចរណ៍​នៅពេល​កកស្ទះ​ឡើយ គឺ​ពួកគេ​មាន​ភ្នែក​ក្រឡាប់ចាក់​សម្លឹង​រកមើល​រថយន្ត​ដែលមាន​ឈៀក​ហួសកំណត់ អ្នកជិះ​ម៉ូតូ​មិន​ពាក់មួក​សុវត្ថិភាព និង​មិន​បំពាក់​កញ្ចក់​ជាដើម ដើម្បី​ជំរិត​យកលុយ​យ៉ាង​ក្រអឺតក្រទម​។ ប្រជាពលរដ្ឋ​បាន​រិះគន់ថា​ក្រុមនគរបាល​ចរាចរណ៍​ទាំងនោះ មិន​អនុវត្តន៍​ឲ្យ​បាន​ត្រឹមត្រូវ​តាម​តួនាទី​របស់ខ្លួន​ដូច​មានចែង​ក្នុង​ច្បាប់​ឡើយ ផ្ទុយទៅវិញ​ពួកគេ​បំពាន​ច្បាប់​ចរាចរណ៍​ផ្លូវគោក​ដើម្បី​ផលប្រយោជន៍​ដោយ​គ្មាន​សេចក្ដី​អៀនខ្មាស​។

ទាក់ទង​នឹង​បញ្ហា​នេះ​មជ្ឈដ្ឋាន​នានា​បាន​ជំរុញ​ឲ្យ​លោក រុន រ័ត្ន​វាសនា ប្រធាន​នាយកដ្ឋាន​នគរ​បាលច​រាច​រណ៍ និង​សណ្ដាប់ធ្នាប់​សាធារណៈ​ក្រសួងមហាផ្ទៃ ពិនិត្យឡើងវិញ​ចំពោះ​ទង្វើ​មិន​ប្រក្រតី​របស់​នគរបាល​ចរាច​រណ៍​ក្នុង​រាជធានី​ភ្នំពេញ​។ អ្វីដែល​ធ្វើ​ឲ្យ​មហាជន​រិះគន់​នោះ គឺ​នៅពេល​រថយន្ត​សណ្ដោង​រ៉ឺម៉ក​វែងៗ​ចូល​កណ្ដាល​រាជធានី​ទាំង​ថ្ងៃ ក៏ដូចជា​រថយន្ត​ដឹក​ខ្សាច់​ដឹក​ថ្ម​ធំៗ​បង្ក​ឲ្យ​កកស្ទះ​ចរាចរណ៍ គេ​មិនដែល​ឃើញ​នគរបាល​ចរាចរណ៍​ចាត់វិធានការ​តាមច្បាប់​ឡើយ​។ ជាពិសេស​នគរ​បាលច​រា​ចរណ៍​ឈរជើង​នៅ​ស្តុក​អូរ​បែកក្អម​កំពុង​ប្រើ​គ្រប់​វិធី​ដើម្បី​ប្រមូល​លុយ​ចែកគ្នា​ធ្វើ​មាន​ធ្វើបាន​យ៉ាង​គឃ្លើន​បំផុត​។

មជ្ឈដ្ឋាន​ខ្លះ​បាន​រិះគន់ថា​ដោយសារ​លោក រុន រ័ត្ន​វាសនា ជា​មេ​កើយ​គិតគូរ​តែ​រឿង​រក​វិធី​ប្រមូល​លុយ​តាមរបៀប​ពុករលួយ​ទើប​បណ្ដោយ​ឲ្យ​កូនចៅ​ក្រោម​ឱវាទ​ប្រព្រឹត្ត​បំពាន​ច្បាប់​ដើម្បី​ផលប្រយោជន៍ ដោយ​មិន​ខ្វល់​ពី​ការរិះគន់​របស់​ប្រជាពលរដ្ឋ​។ ប្រជាពលរដ្ឋ​បាន​រិះគន់ថា នៅពេល​មានការ​កកស្ទះ​ចរាចរណ៍​តាម​ផ្លូវធំៗ​ក្នុង​រាជធានី​ភ្នំពេញ ជាពិសេស​នៅក្នុង​ទឹកដី​ខណ្ឌទួលគោក គឺ​មិនដែល​ឃើញ​នគរបាល​ចរាចរណ៍​ចេញមក​សម្រួល​សណ្ដាប់ធ្នាប់​ដើម្បី​បញ្ចៀស​ការកកស្ទះ​នោះទេ​។ ផ្ទុយទៅវិញ​នៅពេល​អនុវត្តន៍​ច្បាប់​ចរាចរណ៍​តាម​ដងផ្លូវ គឺ​បែរ​ជាមាន​មន្ត្រីនគរបាល​ចរាចរ​ណ៍​ជាច្រើន​នាក់​ឈរ​ជា​ជួរៗ​ដើម្បី​ចាំ​ផាកពិន័យ​ទៅលើ​ប្រជាពលរដ្ឋ​ដែលមាន​កំហុស ហើយ​នគរបាល​ចរាចរណ៍​ខ្លះ​បាន​ប្រើប្រាស់​ពាក្យសំដី​អសុរោះ​ទៅលើ​ប្រជាពលរដ្ឋ​គួរ​ឲ្យ​ស្អប់ខ្ពើម​ទៀតផង​។ ដូច្នេះ​ថ្នាក់ដឹកនាំ​ក្រសួងមហាផ្ទៃ ក៏ដូចជា​លោក នេ​ត សាវឿន អគ្គស្នងការ​នគរបាល​ជាតិ និង​លោក រុន រ័ត្ន​វាសនា ប្រធាន​នាយកដ្ឋាន​នគរ​បាលច​រាច​រណ៍ គួរ​ពិនិត្យឡើងវិញ​ជាបន្ទាន់ ព្រោះ​នគរបាល​ចរាចរណ៍​ក្នុង​រាជធានី​ភ្នំពេញ​មួយចំនួន ជាពិសេស​ក្រុម​ឈរជើង​នៅ​ស្តុ​ប​អូរ​បែកក្អម​ផ្លូវ​២៧១​កែង​ផ្លូវ​២០០៤ កំពុង​ធ្វើ​ឲ្យ​ប្រជាពលរដ្ឋ​រិះគន់​កាន់តែខ្លាំង​ឡើងៗ​ហើយ​៕

1469584452

លោក រុន រ័ត្នវាសនា ប្រធាននាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ

traffic-police-ppp-%e1%9e%94%e1%9f%89%e1%9e%bc%e1%9e%9b%e1%9e%b7%e1%9e%9f%e1%9e%85%e1%9e%9a%e1%9e%b6%e1%9e%85%e1%9e%9a%e1%9e%8e%e1%9f%8d ae965bd8c97e82cc731909905e020b2848d4a62e

Source link

គណបក្ស​សង្គ្រោះ​ជាតិ​កំពុង​យកចិត្តទុកដាក់​ខ្ពស់​លើ​ដំណើរការ​ចុះឈ្មោះ​បោះឆ្នោត​

តំណាងរាស្ត្រ និង​ជា​មន្ត្រីជាន់ខ្ពស់​គណបក្ស​សង្គ្រោះ​ជាតិ លោកស្រី កែ សុវណ្ណ​រតន៍ ថ្មីៗ​នេះ​បាន​បញ្ជាក់ថា គណបក្ស​សង្គ្រោះ​ជាតិ​តាមរយៈ​តំណាងរាស្ត្រ​របស់ខ្លួន និង​សកម្មជន​តាម​បណ្តា​ខេត្ត​កំពុង​យកចិត្តទុកដាក់​ខ្ពស់​លើ​ដំណើរការ​ចុះឈ្មោះ​បោះឆ្នោត​ដែលមាន​រយៈពេល​៣​ខែ​។ ការចុះឈ្មោះ​បោះឆ្នោត ត្រូវបាន​មន្ត្រីជាន់ខ្ពស់​គណបក្ស​ស​ង្គ្រោះ​ជាតិ​ចាត់ទុកថា ជា​ផ្នែក​មួយ​ដ៏​សំខាន់​ក្នុង​ដំណើរការ​បោះឆ្នោត​ផងដែរ ព្រោះ​បើ​ការចុះឈ្មោះ​បោះឆ្នោត​ដែលមាន​លក្ខណៈ​ជា​ប្រវត្តិសាស្ត្រ​នេះ​មាន​ភាពមិនប្រក្រតី នោះ​លទ្ធផល​បោះឆ្នោត​ក៏​អាច​នឹងមាន​ភាពមិនប្រក្រតី​ផងដែរ ដូចនេះ​គណបក្ស​សង្គ្រោះ​ជាតិ​ត្រូវ​យកចិត្តទុកដាក់​ខ្ពស់​។​

ក្នុង​ដំណើរ​ត្រួតពិនិត្យ និង​តាមដាន​ដំណើរការ​ចុះឈ្មោះ​បោះឆ្នោត​នៅ​ខេត្តកំពង់ធំ​កាលពីពេល​ថ្មីៗ​នេះ លោកស្រី កែ សុវណ្ណ​រតន៍ តំណាងរាស្ត្រ​និង​ជា​មន្ត្រីជាន់ខ្ពស់​គណបក្ស​សង្គ្រោះ​ជាតិ​បាន​បញ្ជាក់ថា ប្រធាន​ក្រុមការងារ​គណបក្ស​សង្គ្រោះ​ជាតិ​ប្រចាំ​ខេត្តកំពង់ធំ គប្បី​ដឹកនាំ​កិច្ចប្រជុំ​ប្រចាំខែ​ក្រុមការងារ ក្រុម​ទ្រទ្រង់ និង​គណៈកម្មាធិការ​ប្រតិបត្តិ​ខេត្ត​-​ស្រុក ពាក់ព័ន្ធ​ការចុះឈ្មោះ​ឆ្នោត ដែល​កិច្ច​ការសំខាន់ៗ​រួមមានៈ ទី​១-​ត្រួតពិនិត្យ​ទិន្នន័យ​ការចុះឈ្មោះ​បោះឆ្នោត ប្រមូល​បញ្ហា​ភាពមិនប្រក្រតី​ក្នុង​ដំណើរការ​ចុះឈ្មោះ​បោះឆ្នោត​។ ទី​២-​ដាក់​ផែនការ​ជំរុញ និង​តាមដាន​ការចុះឈ្មោះ​បោះឆ្នោត​បន្ថែម និង​ដោះស្រាយ​បញ្ហា​ផ្សេងៗ​ទៀតផង​ដែរ​។​

សូមបញ្ជាក់ថា ការចុះឈ្មោះ​បោះឆ្នោត​មាន​រយៈពេល​៣​ខែ គឺ​ចាប់​ពីថ្ងៃ​០១ ខែកញ្ញា ដល់​ថ្ងៃទី​២៩ ខែវិច្ឆិកា ឆ្នាំ​២០១៦ ដោយ​មិនមាន​ការឈប់​សម្រាក​ក្នុង​ថ្ងៃ​សៅរ៍ និង​ថ្ងៃអាទិត្យ ឡើយ​។ ទន្ទឹមនឹងនេះ គណៈកម្មាធិការ​ជាតិ​រៀបចំ​ការបោះឆ្នោត បានសម្រេច​ចុះឈ្មោះ​បោះឆ្នោត នៅ​ថ្ងៃទី​០២​ខែតុលា ឆ្នាំ​២០១៦ ដែលជា​ថ្ងៃ​ឈប់សម្រាក​ក្នុង​ពិធីបុណ្យ​ភ្ជុំបិណ្ឌ ផងដែរ​។​

ជុំវិញ​បញ្ហា​ខាងលើនេះ លោក អេង ឆៃអ៊ាង មន្ត្រីជាន់ខ្ពស់​គណបក្ស​សង្គ្រោះ​ជាតិ បាន​បញ្ជាក់ថា ដំណើរការ​ចុះឈ្មោះ​បោះឆ្នោត​មាន​សារៈសំខាន់​ណាស់ ហើយ​ប្រសិនបើ​មាន​ភាពមិនប្រក្រតី​ធ្ងន់ធ្ងរ​វា​នឹង​ប៉ះពាល់​ដល់​លទ្ធផល​បោះឆ្នោត​មិន​ខាន​។ ដូចនេះ​សកម្មជន​គណបក្ស​សង្គ្រោះ​ជាតិ​នៅ​មូលដ្ឋាន គប្បី​ចូលរួម​សហការ​ជាមួយ​មន្ត្រី​ពាក់ព័ន្ធ​ផ្សេងៗ​ទៀត​ឲ្យ​សកម្ម ដើម្បី​តាមដាន​ត្រួតពិនិត្យ​ដោយ​យកចិត្តទុកដាក់​ក្នុង​ដំណើរការ​ចុះឈ្មោះ​បោះឆ្នោត ៕

14359140_687218388096979_2363095074443440201_n

Source link

ប្រព័ន្ធតុលាការ​នៅ​កម្ពុជា​ធ្វើ​ឲ្យ​ស្ថានភាព​នៃ​អំពើ​រំលោភសិទ្ធិ​មនុស្ស​កាន់តែ​អាក្រក់​

​មន្ត្រី​អង្គការក្រៅរដ្ឋាភិបាល​និង​អ្នកសង្កេតការណ៍​ឯករាជ្យ​មួយចំនួន​បាន​មើលឃើញថា ប្រព័ន្ធតុលាការ​ត្រូវបាន​គេ​ប្រើប្រាស់​ជា​ឧបករណ៍​សម្រាប់​ផលប្រយោជន៍​នយោបាយ និង​ជំរុញ​ឲ្យ​មាន​អំពើ​រំលោភសិទ្ធិ​មនុស្ស​កាន់តែ​អាក្រក់​ថែមទៀត​។ ការប្រកាស​កែទម្រង់​តុលាការ​របស់លោក អង្គ វង្សវឌ្ឍានា រដ្ឋមន្ត្រី​ក្រសួងយុត្តិធម៌ នាពេល​កន្លងមក​គឺជា​រឿង​ឥតន័យ ព្រោះ​បច្ចុប្បន្ន​ប្រព័ន្ធតុលាការ​នៅតែ​ញាំញី​ដោយ​អំពើពុករលួយ​យ៉ាង​ពេញបន្ទុក ហើយ​ប្រជាពលរដ្ឋ​ស្លូតត្រង់ មន្ត្រី និង​សកម្មជន​គណបក្សប្រឆាំង ក៏ដូចជា​មន្ត្រី​សិទ្ធិមនុស្ស និង​មន្ត្រី​គណៈកម្មាធិការ​ជាតិ​រៀបចំ​ការបោះឆ្នោត​ជាដើម កំពុង​រងគ្រោះ​ដោយសារ​តុលាការ​ដែលជា​ឧបករណ៍​បម្រើ​ប្រយោជន៍​នយោបាយ​។

ថ្មីៗ​នេះ​អង្គការ​លើកលែងទោស​អន្តរជាតិ​( Amnesty International ) បានចាត់ទុក​ការផ្ដន្ទាទោស​ស្ត្រី​សកម្មជន​បង្កក់​៤​នាក់​កាលពី​ថ្ងៃទី​១៩ ខែកញ្ញា ឆ្នាំ​២០១៦​ថា ជាការ​យក​ប្រព័ន្ធតុលាការ​មក​ធ្វើជា​ឡប់ឡែ​ដើម្បី​ធ្វើទុក្ខបុកម្នេញ​លើ​អ្នក​តវ៉ា​សិទ្ធិ​លំនៅដ្ឋាន​។ សេចក្ដីថ្លែងការណ៍​កាល​ពីថ្ងៃ​ទី​២០ ខែកញ្ញា ឆ្នាំ​២០១៦ របស់​អង្គការ​លើកលែងទោស​អន្តរជាតិ បាន​លើកឡើងថា​ការផ្ដន្ទាទោស​នោះ កាន់តែ​បង្កើត​ឲ្យ​មាន​បញ្ហា​ច្រើនឡើងៗ​បន្ថែម​លើ​បញ្ហា​ដែលមាន​ស្រាប​ពាក់ព័ន្ធ​នឹង​ភាព​គ្មាន​ឯករាជ្យ ក៏ដូចជា​ភាពខ្វះ​សុចរិត​ភាព​របស់​តុលាការ​កម្ពុជា​។ បញ្ហា​នេះហើយ​ដែល​ធ្វើ​ឲ្យ​មជ្ឈដ្ឋាន​ជាតិ និង​អន្តរជាតិ មើលឃើញថា​ប្រព័ន្ធតុលាការ​កម្ពុជា​បច្ចុប្បន្ន​ពុំមាន​ភាព​ឯករាជ្យ​ឡើយ ហើយ​ត្រូវ​អ្នកមានអំណាច​ប្រើប្រាស់​ជា​ឧបករណ៍​បម្រើ​ផលប្រយោជន៍​នយោបាយរ​បស់​ខ្លួន​យ៉ាង​ពេញបន្ទុក​តែម្តង​។

​អ្នកតាមដាន​ស្ថានភាព​សិទ្ធិមនុស្ស​ក្នុងប្រទេស​កម្ពុជា បាន​កត់សម្គាល់ថា មន្ត្រី​តុលាការ​មាន​ភាពលំអៀង​យ៉ាងខ្លាំង​ក្នុង​រឿង​ទំនាស់​ដីធ្លី ហើយ​បច្ចុប្បន្ន​មាន​ប្រជាពលរដ្ឋ​ជាច្រើន​នាក់​ត្រូវ​ជាត់​ឃុំ​ក្នុង​ពន្ធនាគារ​ដោយសារ​ជម្លោះដីធ្លី ចំណែក​មន្ត្រីជាន់ខ្ពស់ ឈ្មួញ អ្នកមាន​លុយ អ្នកមានអំណាច ដែល​ឆក់​ប្លន់​ដីធ្លី​ប្រជាពលរដ្ឋ​ត្រូវ​រួច​ផុតពី​សំណាញ់​ច្បាប់​យ៉ាង​ក្រអឺតក្រទម​។ ក្រុមអ្នកវិភាគ​ឯករាជ្យ​ក៏បាន​លើកឡើង​ដែរ​ថា ប្រព័ន្ធតុលាការ​ត្រូវបាន​គេ​ប្រើប្រាស់​ដើម្បី​កាត់ទោស​សកម្មជន​ដីធ្លី និង​អ្នក​តវ៉ា​ដែល​ប្រើ​សិទ្ធិ​របស់ខ្លួន​ស្របតាម​រដ្ឋធម្មនុញ្ញ ដូច្នេះហើយ​ទើប​ពលរដ្ឋ​ទូទៅ​គ្មាន​ជំនឿ​លើ​ប្រព័ន្ធតុលាការ​។ មិនតែប៉ុណ្ណោះ​កន្លងមក​អង្គការ​តម្លាភាព​កម្ពុជា បាន​រកឃើញថា​ប្រព័ន្ធតុលាការ​ក្នុងប្រទេស​កម្ពុជា គឺជា​ស្ថាប័ន​ជាប់​ពាក់ព័ន្ធ​នឹង​អំពើពុករលួយ​យ៉ាងខ្លាំង បើ​ធៀប​ជាមួយ​ស្ថាប័ន​ដទៃទៀត​៕

ang_vong_vathana_3201

លោក​ អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌

94824ac0-9eb9-4772-9ab9-460a37d90ae8

Source link

​មានតែ​គណបក្ស​សង្គ្រោះ​ជាតិ​មួយគត់​ដែល​អាច​ជំរុញ​ឲ្យ​មានការ​ផ្លាស់ប្តូរ​នៅ​កម្ពុជា​

​ប្រធានស្តីទី​គណបក្ស​ស​ង្គ្រោះ​ជាតិ លោក កឹម សុខា ជាថ្មី​ម្តងទៀត​នៅក្នុង​សប្តាហ៍​នេះ បាន​បញ្ជាក់ថា បើទោះជា​បច្ចុប្បន្ននេះ​មាន​គណបក្សនយោបាយ​តូចៗ​បាន​បង្កើត​ថ្មី​ជាច្រើន​ក៏ដោយ ក៏​គណបក្សនយោបាយ​ទាំងនោះ​មិន​អាចជា​កម្លាំង​ជំរុញ​ឲ្យ​មានការ​ផ្លាស់ប្តូរ​នៅ​កម្ពុជា​បានឡើយ គឺ​មានតែ​គណបក្ស​សង្គ្រោះ​ជាតិ​មួយគត់​ដែល​អាចមាន​សមត្ថភាព​ពេញលេញ​ជំរុញ​ឲ្យ​មានការ​ផ្លាស់ប្តូរ​ជា​វិជ្ជមាន​តាមរយៈ​ការបោះឆ្នោត​នៅ​កម្ពុជា​នាពេល​ខាងមុខនេះ​។​

លោក កឹម សុខា ប្រធានស្តីទី​គណបក្ស​ស​ង្គ្រោះ​ជាតិ បាន​ពន្យល់ថា គណបក្ស​សង្គ្រោះ​ជាតិ​មាន​គោលដៅ ធ្វើដំណើរ​ឆ្ពោះទៅរក​ការបោះឆ្នោត​ដើម្បី​នាំមក​នូវ​ការផ្លាស់ប្ដូរ​ជា​វិជ្ជមាន ហើយ​ជាការ​បោះឆ្នោត​មួយ​ដែល​ឆ្លុះបញ្ចាំង​អំពី​ឆន្ទៈ​ប្រជាពលរដ្ឋ​ក្នុងការ​សម្រេច​ជោគវាសនា​របស់ខ្លួន​តា​ម​បែប​ប្រជាធិបតេយ្យ​សេរី​ពហុបក្ស​។ លោក កឹម សុខា បាន​សង្កត់ធ្ងន់ថា ពិសេស​បំផុត​នោះ​ក្នុង​បរិបទ​នយោបាយ​នៅ​កម្ពុជា​បច្ចុប្បន្ន​មតិ​ជាតិ និង​អន្ដរជាតិ​ដឹង​ច្បាស់​ថា គឺ​មានតែ​គណបក្ស​សង្គ្រោះ​ជាតិ​មួយគត់ ដែលជា​គូប្រកួត​ពិតប្រាកដ ជាមួយ​គណបក្សកាន់អំណាច​បច្ចុប្បន្ន និង​ដែល​អាច​នាំមក​នូវ​ការផ្លាស់ប្ដូរ​ជា​វិជ្ជមាន​បាន​។​

ជុំវិញ​បញ្ហា​ខាងលើនេះ ប្រធានស្តីទី​គណបក្ស​ស​ង្គ្រោះ​ជាតិ លោក កឹម សុខា បាន​ពន្យល់ថា បើសិនជា អ្នកកាន់អំណាច​បច្ចុប្បន្ន​គេ​ធ្វើទុក្ខបុកម្នេញ​ដូចជា ការប្រើប្រាស់​ប្រព័ន្ធតុលាការ និង​ស្ថាប័នរដ្ឋ​ផ្សេងៗ​ទៀត​ជា​ឧបករណ៍​នយោបាយ ដើម្បី​ឲ្យ​មេដឹកនាំ​គណបក្ស​សង្គ្រោះ​ជាតិ​មិនអាច​ធ្វើ​សកម្មភាព​នយោបាយ​ដោយ​សេរី និង​ស្មើភាព​បាន​នោះ ហាក់បីដូចជា ចងដៃ​ចងជើង​គូប្រកួត​ម្ខាង ហើយ​បបួល​ចូល​ប្រកួត​ដូច្នេះ​លោក​យល់ថា សហគមន៍​អន្ដរជាតិ ក៏ដូចជា​ប្រជាពលរដ្ឋ​ខ្មែរ​ភាគច្រើន​មិនអាច​ទទួលយក​ការបោះឆ្នោត​នេះ​បានឡើយ​៕

14330059_1465371420146819_4183055226921622341_n

Source link

ប្រជាពលរដ្ឋ​ខ្មែរ​២,៩៣៧,៧៦១​នាក់​ហើយ​បាន​ទៅ​ចុះឈ្មោះ​បោះឆ្នោត​

​រាជធានី​ភ្នំពេញ​៖​តាម​ប្រកាស​ព័ត៌មាន​គណៈកម្មាធិការ​ជាតិ​រៀបចំ​ការបោះឆ្នោត គ​.​ជ​.​ប បាន​ឲ្យ​ដឹងថា  គិត​ត្រឹម​ម៉ោង​៦​ល្ងាច​ថ្ងៃទី​២១ ខែកញ្ញា ឆ្នាំ​២០១៦​ម្សិលមិញ​នេះ​មាន​ប្រជាពលរដ្ឋ​ខ្មែរ​ចំនួន ២,៩៣៧,៧៦១​នាក់​ហើយ​បាន​ទៅ​ចុះឈ្មោះ​បោះឆ្នោត​៕

fn-2016-09-22-09-23-19-0

Source link

វីវរហើយ ! ស្ថានីយ៍អវកាសរបស់ចិននឹងដាំក្បាលចុះធ្លាក់មកភពផែនដីនៅឆ្នាំ២០១៧

ទីបំផុត​ មន្ត្រីជាន់ខ្ពស់​ចិន​ទទួល​បន្ទុក​កម្មវិធី​អវកាស​បាន​ទទួលស្គាល់​ថា​ ស្ថានីយ៍​អវកាស​ដំបូង​របស់​ខ្លួន​នឹង​ធ្លាក់​ចុះ​មក​ភព​ផែនដី​វិញ​ ក្រោយ​បញ្ចប់​តួនាទី​កាលពី​ខែមីនា​ ឆ្នាំ​២០១៦​កន្លង​ទៅ​ ។​

<img …

China-Feeds-
[អានទាំងស្រុងនៅ WWW.DTN7.COM]

Source link