ព័ត៌មានខ្មែរ

​កូរ៉េខាងជើង​អាច​អត់​ប្រេង​ប្រើប្រាស់ ? អាមេរិក​គ្រោង​ដាក់​បម្រាម​លើ​ការនាំចេញ​ប្រេង​ទៅកាន់​កូរ៉េខាងជើង​ក្នុង​រឿង​តេស្ត​សាកល្បង​គ្រាប់បែកនុយក្លេអ៊ែរ 

​ទីភ្នាក់ងារសារព័ត៌មាន Yonhap របស់​ប្រទេស​កូរ៉េខាងត្បូង​បាន​ផ្សព្វផ្សាយ​នៅ​ថ្ងៃទី​៣០ ខែមីនា ឆ្នាំ​២០១៧​នេះ​ឲ្យ​ដឹងថា សហរដ្ឋអាមេរិក​រួម​ទាំង​កូរ៉េខាងត្បូង​ផង​កំពុង​ពិចារណា​លើ​ការដាក់​បម្រាម​នៃ​ការនាំចេញ​ប្រេង​ទៅកាន់​ប្រទេស​កូរ៉េខាងជើង​ដែល​ចាត់ទុកថា …

[អានទាំងស្រុងនៅ WWW.DTN7.COM]

Source link

ទំនិញគេចពន្ធនិងទំនិញបង់ពន្ធមិនគ្រប់ ត្រូវឈ្មួញនាំចូលតាមច្រករបៀងក្នុងខេត្តស្វាយរៀង យ៉ាងពេញបន្ទុក

ប្រភពពីសមត្ថកិច្ចតូចតាចនិងមន្ត្រីពាក់ព័ន្ធក្នុងខេត្តស្វាយរៀង បានឲ្យដឹងថាសព្វថ្ងៃនេះទំនិញគេចពន្ធនិងទំនិញបង់ពន្ធមិនគ្រប់ត្រូវបានឈ្មួញនាំចូលតាមច្រករបៀងជាច្រើនកន្លែងក្នុងស្រុកចន្ទា្រ ក្រុងបាវិត ស្រុករមាសហែក ស្រុករំដួល ស្រុកកំពង់រោទ៍ ស្រុកស្វាយជ្រំ និងក្រុងស្វាយរៀង យ៉ាងពេញបន្ទុក។ មានការរិះគន់ចំៗថាប្រធានសាខាគយខេត្តស្វាយរៀង ក៏ដូចជាភ្នាក់ងារគយក្នុងខេត្តនេះ មិនចាត់វិធានការទប់ស្កាត់ទំនិញគេចពន្ធ ទំនិញខុសច្បាប់ និងទំនិញបង់ពន្ធមិនគ្រប់តាមតួនាទីរបស់ខ្លួនឡើយ។ ផ្ទុយទៅវិញពួកគេឃុបឃិតឲ្យឈ្មួញខិលខូចធ្វើអ្វីៗតាមអំពើចិត្តដើម្បីជាថ្នូរនឹងផលប្រយោជន៍ ដូច្នេះលោក គុណ ញឹម ដែលជាអគ្គនាយកគយ មិនគួរមើលរំលងតទៅទៀតឡើយ។

មានសេចក្តីរាយការណ៍ថា សមត្ថកិច្ចនគរបាលវរការពារព្រំដែនប៉ុស្តិ៍ច្រករបៀងស្រែបារាំង បានបើកដៃឲ្យឈ្មួញយួននាំក្បឿងពីស្រុកយួនឆ្លងតាមផ្លូវទឹកចូលមកក្រុងស្វាយរៀង ជាច្រើនទូកក្នុងមួយថ្ងៃៗ ហើយដាក់លក់នៅមាត់កំពង់ទឹកក្នុងក្រុងស្វាយរៀង តាមអំពើចិត្ត។ សកម្មភាពនេះត្រូវបានគេសង្ស័យថា មានការឃុបឃិតពីមន្ត្រីគយនិងសមត្ថកិច្ចពាក់ព័ន្ធដទៃ ផងដែរទើបគ្មានមន្ត្រីជំនាញរសមត្ថកិច្ចពាក់ព័ន្ធណាគិតគូរទប់ស្កាត់ឡើយ។ បញ្ហានេះលោក ម៉ែន វិបុល អភិបាលខេត្តស្វាយរៀង និងសមត្ថកិច្ចក្នុងខេត្តស្វាយរៀងមិនគួរមើលរំលងនោះទេ ក្នុងខណៈដែលនគរបាលវរការពារព្រំដែនកំពុងបើកដៃឲ្យឈ្មួញយួនដឹកក្បឿងមកលក់ លើទឹកដីខ្មែរយ៉ាងពេញបន្ទុក។

ប្រជាពលរដ្ឋរស់នៅក្បែរចំណតជលយានក្រុងស្វាយរៀង បានឲ្យដឹងថាមួយរយៈពេលកន្លងទៅនេះពួកគាត់សង្កេតឃើញឈ្មួញជនជាតិយួនដឹកក្បឿងក្បាច់ផលិតនៅស្រុកយួនតាមទូកប៉ុកចាយធំៗ ឆ្លងកាត់ច្រករបៀងស្រែបារាំង ឃុំបាសាក់ ស្រុកស្វាយជ្រំ តាមទន្លេវ៉ៃកូ មកចតនៅកំពង់កាណូតក្រុងស្វាយរៀងមួយថ្ងៃៗ៤ទៅ៥គ្រឿង។ ប្រភពបានឲ្យដឹងទៀតថា ក្នុងទូកប៉ុកចាយមួយគ្រឿងៗអាចផ្ទុកក្បឿងក្បាច់រាប់ម៉ឺនសន្លឹក យកមកដាក់លក់យ៉ាង ស្រួលៗហើយគ្មានមន្ត្រីគយឬសមត្ថកិច្ចពាក់ព័ន្ធផ្សេងទៀតចុះត្រួតពិនិត្យនៅឡើយបើទោះបីមានរថយន្តដឹកជញ្ជូនចែកចាយបន្តយ៉ាងអនាធិបតេយ្យក៏ដោយ។ បញ្ហានេះក្រសួងនិងស្ថា ប័នពាក់ព័ន្ធគួរចាត់វិធានការត្រួតពិនិត្យផងដែរ ព្រោះបើគ្មានការឃុបឃិតពីក្រុមមន្ត្រីពុករលួយទេនោះគឺឈ្មួញយួនមិនអាចធ្វើអ្វីៗតាមអំពើចិត្តបានឡើយ៕

IMG_0396 IMG_0397 IMG_0398

Source link

ក្រសួងមហាផ្ទៃ​នៅតែ​ជំទាស់​ការតែងតាំង​ក្បាលម៉ាស៊ីន​បក្សប្រឆាំង​

រាជធានី​ភ្នំពេញ​៖​ការពិភាក្សា​កាលពី​ម្សិលមិញ រវាង​ក្រសួងមហាផ្ទៃ និង​បក្ស​សង្គ្រោះ​ជាតិ​ហាក់​មិន​ទទួលបាន​ទទួលផល​អ្វី​នោះទេ ខណៈដែល​ក្រសួង​នៅតែ​ជំទាស់​រឿង​តែងតាំង​ក្បាលម៉ាស៊ីន​ដឹកនាំ​របស់​បក្សប្រឆាំង​មួយ​នេះ ។​


​លោក ប្រាក់ សំអឿន អគ្គនាយក​នៃ​អគ្គនាយកដ្ឋាន​រដ្ឋបាល ក្រសួងមហាផ្ទៃ​បាន​ថ្លែងថា ក្រសួង​នៅតែ​រក្សា​គោលជំហរ​របស់ខ្លួន មិន​ទទួលស្គាល់​ប្រធាន និង​អនុប្រធាន​ថ្មី របស់​គណបក្ស​សង្គ្រោះ​ជាតិ​ដដែល គឺ​ស្នើ​ឲ្យ​ដោះស្រាយ បញ្ហា​នេះ ព្រមទាំង​ស្នើ​ឲ្យ​ផ្លាស់ប្តូរ​ពាក្យស្លោក​នយោបាយ​របស់ខ្លួន​។ ដោយ​ព្រមាន​ថា ប្រសិនបើ​មិន​ដោះស្រាយ​បញ្ហា​នេះ​ទេ អាច ប្រឈម នឹង​បញ្ហា​ផ្លូវច្បាប់ ស្តីពី​គណបក្សនយោបាយ​។​
​ផ្អែក​តាម​ប្រការ​៤៧ នៃ​លក្ខន្តិកៈ​គណបក្ស​សង្គ្រោះ​ជាតិ​បាន ចែងថា ករណី​ប្រធាន​គណបក្ស​បាត់បង់​សមត្ថភាព​ដឹកនាំ​គណបក្ស ដែល​បញ្ជាក់​ដោយ​គណៈកម្មាធិកា​រ​នាយក បើ​៖ អាណត្តិ​នៅ​តិចជាង​១៨​ខែ អនុប្រធាន​គណបក្ស ត្រូវ​ទទួល​នាទី​ជា​ប្រធាន​គណបក្ស​ស្តីទី ហើយ​គណៈកម្មាធិការ​នា​យក ត្រូវ​ជ្រើសរើស អនុប្រធាន​គណបក្ស​ថ្មី​មួយរូប ក្នុង​រយៈពេល ៣០​ថ្ងៃ​យ៉ាងយូរ ពី​ក្នុងចំណោម​សមាជិក​របសខ្លួន ដើម្បី​ជួយ​ការងារ​ប្រធាន គណបក្ស​ស្តីទី រហូតដល់​ចប់​អាណត្តិ នា​ខែមេសា ឆ្នាំ​២០១៨​។​
​ប៉ុន្តែ​គណបក្ស​សង្គ្រោះ​ជាតិ បានធ្វើ​សមាជ​តែងតាំង​ក្បាលម៉ាស៊ីន​របស់ខ្លួន ដែ​មាន​ប្រធាន​១​រូប និង​អនុប្រធាន​៣​រូប កាលពី​ថ្ងៃទី​០២ ខែមីនា ឆ្នាំ​២០១៧ បន្ទាប់ពី​លោក សម រង្សី បាន​លា​ចេញពី​តំណែង​ជា​មេដឹកនាំ​គណបក្ស​នេះ នៅ​ថ្ងៃទី​១១ ខែកុម្ភៈ ឆ្នាំ​២០១៧ នោះ​។​
​គួររម្លឹកថា លោក ហង្ស ពុទ្ធា អ្នកនាំពាក្យ គ​.​ជ​.​ប ធ្លាប់បាន​បញ្ជាក់ថា គ​.​ជ​.​ប នឹង​លុបឈ្មោះ​គណបក្ស​សង្គ្រោះ​ជាតិ ចេញពី​បញ្ជី​បោះឆ្នោត ប្រសិនបើ​ក្រសួងមហាផ្ទៃ​ប្រកាសថា សមាជ​បក្ស​សង្គ្រោះ​ជាតិ​ខុសច្បាប់​៕

03_29_2017_07_05_351

Source link

បទល្មើសទន្ទ្រានកាន់កាប់ដីព្រៃសហគមន៍ក្នុងខេត្តមណ្ឌលគិរី នៅតែកើតមានឥតឈប់ឈរ

លោក ស្វាយ សំអ៊ាង អភិបាលខេត្តមណ្ឌលគិរី និងប្រធានមន្ទីរបរិស្ថានក្នុងខេត្តនេះត្រូវបានមន្ត្រីរាជការ មន្ត្រីអង្គការក្រៅរដ្ឋាភិបាល និងប្រជាពលរដ្ឋរិះគន់ថា មិនយកចិត្តទុក ដាក់ក្នុងការទប់ស្កាត់បទល្មើសទន្ទ្រានកាន់កាប់ដីព្រៃសហគមន៍ដែលកំពុងតែកើតឡើងយ៉ាងរាលដាលនោះទេ។ ជាក់ស្តែងតំណាងសហគមន៍ជនជាតិដើមភាគតិចព្នង មានគម្រោងប្តឹងទៅតុលាការនៅក្នុងករណីក្រុមជនល្មើសលួចឈូសឆាយដីតំបន់ភ្នំដោះក្រមុំយកធ្វើជាកម្មសិទ្ធិឯកជន ហើយមន្ត្រីអាជ្ញាធរនិងមន្ទីរពាក់ព័ន្ធមិនចាត់វិធានការទប់ស្កាត់។ តំណាងជនជាតិដើមភាគតិចព្នង បានអះអាងថា ការទន្ទ្រានកាន់កាប់ដីតំបន់ភ្នំដោះក្រមុំគឺបំពានទៅលើ សេចក្តីសម្រេចរបស់ទីស្តីការគណៈរដ្ឋមន្ត្រីដែលរក្សាទុកដីតំបន់នេះជាតំបន់វប្បធម៌បូជនីយកិច្ចរបស់ជនជាតិដើមភាគតិច។

ប្រភពពីតំណាងសហគមន៍ជនជាតិដើមភាគតិចព្នង បានឲ្យដឹងថាថ្មីៗនេះមានជនល្មើសយកគ្រឿងចក្រទៅឈូសឆាយដីព្រៃប្រមាណ៤ហិកតានៅចំណុចខាងកើតភ្នំដោះក្រមុំហើយមន្ត្រីអាជ្ញាធរនិងមន្ទីរពាក់ព័ន្ធមិនចាត់វិធានការទប់ស្កាត់នោះទេ។ នៅពេលមានបទល្មើសកើតឡើងនោះតំណាងសហគមន៍ប្រមាណ១០នាក់បានទៅរារាំងឲ្យអ្នកប្រព្រឹត្តបទល្មើសផ្អាកសកម្មភាព ក្នុងខណៈដែលអភិបាលក្រុងបានលុង លោក ឡុង វិបុល មិនចាត់វិធានការទប់ស្កាត់បទល្មើសនៅឡើយ។ ប្រការនោះក្រសួងបរិស្ថាន និងលោក ស្វាយ សំអ៊ាង អភិបាលខេត្តមណ្ឌលគិរី មិនគួរបណ្តែតបណ្តោយតទៅទៀតទេ ព្រោះបទល្មើសទន្ទ្រានកាន់កាប់ដីសហគមន៍និងដីព្រៃរបស់រដ្ឋយកធ្វើជាកម្មសិទ្ធិក្នុងខេត្តនេះនៅតែបន្តកើតឡើងយ៉ាងរាលដាលគ្មានទីបញ្ចប់នៅឡើយ។

ប្រជាសហគមន៍ជនជាតិដើមភាគតិចព្នងបានឲ្យដឹងថា ភ្នំដោះក្រមុំ មានទីទាំងនៅចំ កណ្តាលក្រុងសែនមនោរម្យ ភូមិស្វាយចេក សង្កាត់សុខដុម មានទំហំប្រមាណ១០២ហិកតា តែសព្វថ្ងៃនៅសល់តែប្រមាណ៧០ហិកតា ដោយសារអ្នកមានលុយអ្នកមានអំណាចទន្ទ្រានកាន់កាប់យកធ្វើជាកម្មសិទ្ធិជាបន្តបន្ទាប់។ នៅពេលដែលបទល្មើសកើតឡើងគឺអាជ្ញាធរ សង្កាត់សុខដុម អាជ្ញាធរក្រុងសែនមនោរម្យ និងអាជ្ញាធរខេត្តមណ្ឌលគិរី មិនចាត់វិធានការទប់ ស្កាត់ប្រកបដោយប្រសិទ្ធភាពនោះទេ ហេតុនេះហើយទើបមានការចោទប្រកាន់ថាមន្ត្រីអាជ្ញាធរជាអ្នកនៅពីក្រោយបទល្មើស។ ដោយហេតុថា បើមន្ត្រីអាជ្ញាធរនិងមន្ទីរពាក់ព័ន្ធចាត់វិធានការទប់ស្កាត់បទល្មើសឲ្យបានទាន់ពេលវេលា គឺអ្នកមានលុយអ្នកមានអំណាចមិនអាចទន្ទា្រន កាន់កាប់ដីសហគមន៍ភ្នំដោះក្រមុំ ស្រេចតែអំពើចិត្តបានឡើយ៕

លោក ស្វាយ សំអ៊ាង អភិបាលខេត្តមណ្ឌលគិរី

លោក ស្វាយ សំអ៊ាង អភិបាលខេត្តមណ្ឌលគិរី

IMG_0400

Source link

កាស៊ីណូតាមព្រំដែនក្នុងឃុំកក់ ស្រុកពញាក្រែក ខេត្តត្បូងឃ្មុំ បើកឲ្យជនជាតិខ្មែរចូលលេងយ៉ាងគគ្រឹកគគ្រេង

ប្រជាពលរដ្ឋក្នុងភូមិអន្លង់ជ្រៃ ឃុំកក់ ស្រុកពញាក្រែក ខេត្តត្បូងឃ្មុំ បានអំពាវនាវឲ្យ លោក បែន រ័ត្ន ស្នងការនគរបាលខេត្តត្បូងឃ្មុំ និងលោក ប្រាជ្ញ ចន្ទ អភិបាលខេត្តត្បូងឃ្មុំ ពិនិត្យមើលចំពោះភាពមិនប្រក្រតីដែលកើតឡើងក្នុងកាស៊ីណូនៅក្នុងមូលដ្ឋានពួកគាត់ខ្លះផង។ ដោយហេតុថាម្ចាស់កាស៊ីណូ បានបំពានទៅលើបម្រាមរបស់ក្រសួងមហាផ្ទៃហើយអនុញ្ញាតឲ្យជនជាតិខ្មែរចូលលេងល្បែងស៊ីសងកាន់តែច្រើនឡើងៗ ជាពិសេសសមត្ថកិច្ចនគរបាលប្រចាំកាស៊ីណូជាអ្នកឃុបឃិតជាមួយថៅកែកាស៊ីណូដើម្បីជាថ្នូរនឹងផលប្រយោជន៍។ នាយ ឧត្តមសេនីយ៍ នេត សាវឿន អគ្គស្នងការនគរបាលជាតិ គួរពិនិត្យមើលភាពមិនប្រក្រតីក្នុងកាស៊ីណូ នៅស្រុកពញាក្រែកខ្លះផងព្រោះជនជាតិខ្មែរចូលលេងល្បែងកាន់តែច្រើនឡើងៗ។

តាមសេចក្តីរាយការណ៍ពីប្រជាពលរដ្ឋរស់នៅភូមិអន្លង់ជ្រៃ បានឲ្យដឹងថាកាស៊ីណូ នៅខាងក្រោយសណ្ឋាគារភូមិយើង មានបើកលេងល្បែងជាច្រើនប្រភេទដូចជាបៀ ឡុកឡាក់ បញ្ជល់មាន់ ជាដើមហើយមានភ្នាល់ចាក់លុយច្រើនៗក្នុងមួយថ្ងៃៗមានអ្នកចាញ់ល្បែងមិនតិចនាក់នោះទេ។ ប្រភពបានឲ្យដឹងទៀតថា សម្រាប់ការបញ្ជល់មាន់មួយគូៗគេដាក់ដើមថាន់ពី១លានរហូតដល់៤០លានរៀល ហើយបើគូពិសេសគេដាក់ពី៥០០០ដុល្លារទៅ២០០០០ដុល្លារ។ អ្នកចូលលេងល្បែងក្នុងកាស៊ីណូនេះមកពីគ្រប់ទីកន្លែងដែលភាគច្រើនជាខ្មែរគឺមិនសូវមានជនជាតិយួនឬជនបរទេសផ្សេងៗទៀតឡើយ។ កាស៊ីណូនេះមិនទាន់ដំណើរការបាន២ខែនៅឡើយទេប៉ុន្តែមានអ្នកចូលលេងល្បែងយ៉ាងច្រើនកុះករ សឹងរកកន្លែងចតម៉ូតូនិងរថយន្តមិនបាន ហើយតាមដឹងមានអ្នកចាញ់ច្រើនជាងអ្នកឈ្នះ។

ដោយសារតែកាស៊ីណូនៅក្នុងឃុំកក់ ស្រុកពញាក្រែក ខេត្តត្បូងឃ្មុំ បើកឲ្យជនជាតិខ្មែរចូលលេងដោយសេរីបែបនេះ ធ្វើឲ្យប្រជាពលរដ្ឋព្រួយបារម្ភយ៉ាងខ្លាំងពីបញ្ហាអសន្តិសុខសង្គម ព្រោះអ្នកចាញ់ល្បែងអាចបង្កបញ្ហាសព្វបែបយ៉ាងរាប់តាំងពីអំពើហិង្សាក្នុងគ្រួសានិងបទល្មើសផ្សេងៗទៀត។ ជាពិសេសថៅកែកាស៊ីណូនោះកំពុងតែប្រព្រឹត្តខុសច្បាប់ដោយអនុញ្ញាតឲ្យជនជាតិខ្មែរចូលលេងយ៉ាងអនាធិបតេយ្យ ហេតុនេះអាជ្ញាធរនិងសមត្ថកិច្ចក្នុងខេត្តត្បូងឃ្មុំ ក៏ដូចជាថ្នាក់ដឹកនាំក្រសួងមហាផ្ទៃព្រមទាំងលោក នេត សាវឿន អគ្គស្នងការនគរបាលជាតិ មិនគួរបណ្តែតបណ្តោយតទៅទៀតទេ។ ក្នុងនោះអគ្គស្នងការនគរបាលជាតិ គួរពិនិត្យទៅលើភាពអសកម្មរបស់សមត្ថកិច្ចនគរបាលប្រចាំកាស៊ីណូមួយនោះដែលឃុបឃិតជាមួយម្ចាស់កាស៊ីណូហើយបើកឲ្យជនជាតិខ្មែរចូលលេងល្បែងស៊ីសងក្នុងកាស៊ីណូយ៉ាង ពេញបន្ទុកដើម្បីជាថ្នូរនឹងផលប្រយោជន៍ផ្ទាល់ខ្លួន៕

លោក ប្រាជ្ញ ចន្ទ អភិបាលខេត្តត្បូងឃ្មុំ

លោក ប្រាជ្ញ ចន្ទ អភិបាលខេត្តត្បូងឃ្មុំ

IMG_0402

Source link

លោក សម រង្ស៊ី នៅតែសង្ឃឹមថា យុត្តិធម៌នឹងមានសម្រាប់បាតុករនៅថ្ងៃណាមួយឬក្នុងពេលឆាប់ៗនេះ

តាមរយៈការសន្ទនាក្នុងបណ្ដាញសង្គមវីដេអូខន់ហ្វេរែន (Conference) អតីតប្រធានគណបក្សសង្រ្គោះជាតិ លោក សម រង្សី បានរំលឹកពីព្រឹត្តិការណ៍នៃការតវ៉ាទាមទារសេរីភាពរបស់កម្មករ ដែលត្រូវបានរងការគប់គ្រាប់បែកយ៉ាងព្រៃផ្សៃ។ លោក សម រង្ស៊ី បានសង្កត់ធ្ងន់ថា លោកនៅតែសង្ឃឹមថា យុត្តិធម៌នឹងមានសម្រាប់បាតុករនៅថ្ងៃណាមួយឬក្នុងពេលឆាប់ៗនេះ។

ការបញ្ជាក់របស់ លោក សម រង្ស៊ី ខាងលើនេះគឺបានធ្វើឡើងនៅព្រឹកថ្ងៃទី៣០មីនាឆ្នាំ២០១៧នេះ ជាថ្ងៃដែលគណបក្សសង្គ្រោះជាតិ បានរៀបចំពិធីបង្សុកូលជូនដល់អ្នកស្លាប់ដោយសារករណីគប់គ្រាប់បែកនៅក្បែរមន្ទីររដ្ឋសភាចាស់កាលពីថ្ងៃទី៣០ ខែមីនា ឆ្នាំ១៩៩៧។

ចំណែក លោក យឹម សុវណ្ណ មន្រ្តីអ្នកនាំពាក្យគណបក្សសង្រ្គោះជាតិ បានរំលឹកថា ថ្ងៃទី៣០ មីនា ឆ្នាំ១៩៩៧ លោកប្រធាន សម រង្ស៊ី បានដឹកនាំមហាបាតុកម្មមួយ ដើម្បីទាមទារការកែទំរង់ប្រព័ន្ធតុលាការ ។ លោក យឹម សុវណ្ណ បានបន្តថា ឃាតកមិនស្គាល់មុខបានគប់គ្រាប់បែក៤គ្រាប់ទៅលើលើហ្វូងអ្នកចូលរួមបាតុកម្មនោះ ។ លោកប្រធាន សម រង្ស៊ី បានរងរបួសយ៉ាងធ្ងន់ ។ អ្នកសេ្នហាជាតិប្រមាណ១៦នាក់បាត់បង់ជីវិតនិងប្រមាណ២០០ នាក់រងរបួស ។ មកទល់ថ្ងៃនេះ២០ឆ្នាំហើយ អ្នកបានលាចាកលោកនេះ អ្នករងរបួស និង អ្នកពិការដោយសារអំពើឃោរឃៅព្រៃផ្សៃនេះមិនទាន់ទទួលបានយុតិ្តធម៌នៅឡើយ ។

លោក យឹម សុវណ្ណ បានលើកជាសំណួរថា នណារជាឃាតក និងអ្នកនៅពីក្រោយខ្នង ? តើពួកគេធ្វើទង្វើនេះដើម្បីអី្វ ? សំណួរនេះ មិនទាន់មានចម្លើយនៅឡើយ ហើយលោកចងចាំសោកនាដកម្មនេះក្នុងឆាកជីវិត។ លោក យឹម សុវណ្ណ បានបញ្ជាក់ថា លោកតែងតែគោរពវិញ្ញាណក្ខន្ធបងប្អូនជនរងគ្រោះ រៀងរាល់ថ្ងៃ៣០ មីនា និងចងចាំជានិច្ចនូវវីរភាពដ៏អង់អាចក្លាហានរបស់បងប្អូនវីរបាតុករ ដែលជាគម្រូដ៏មានតម្លៃសម្រាប់ការតស៊ូរបស់បងប្អូនប្រជាពលរដ្ឋខ្មែរ ដែលស្រឡាញ់យុត្តិធម៌ សិទ្ធិសេរីភាព និងលទ្ធិប្រជាធិបតេយ្យ៕

IMG_0403 IMG_0404 IMG_0405

Source link