ព័ត៌មានខ្មែរ

បទល្មើស​ដឹកជញ្ជូន​ឈើ​ចេញពី​ស្រុក​រវៀង ឆ្លងកាត់​ស្រុក​ស្វាយ​លើ ចូល​ខេត្តសៀមរាប នៅតែ​កើតឡើង​យ៉ាង​គគ្រឹកគគ្រេង​

លោក ឆេង គឹម​ស៊ុន អគ្គនាយក​រដ្ឋបាល​ព្រៃឈើ ត្រូវបាន​ប្រជាពលរដ្ឋ​ក្នុងស្រុក​រវៀង ខេត្តព្រះវិហារ អំពាវនាវ​ឲ្យ​ចាត់វិធានការ​ទប់ស្កាត់​បទល្មើស​កាប់​ឈើ​និង​ដឹកជញ្ជូន​ឈើ​ចេញពី​មូលដ្ឋាន​របស់​ពួកគាត់​ជាបន្ទាន់ ព្រោះ​មន្ត្រីរដ្ឋបាល​ព្រៃឈើ​ក្នុង​ខេត្តព្រះវិហារ និង​ខេត្តសៀមរាប មិន​បង្ក្រាប​បទល្មើស​ឡើយ​។ ប្រជាពលរដ្ឋ​រស់នៅ​ឃុំ​ពោធិ៍ និង​ឃុំ​ប្រមេរ ស្រុក​រវៀង បាន​ជំរុញ​ឲ្យ​មានការ​ទប់ស្កាត់​បទល្មើស​ដឹកជញ្ជូន​ឈើ​ដែលមាន​សភាព​កាន់តែ​ខ្លាំងក្លា​មួយរយៈ​ពេល​ចុងក្រោយ​នេះ ព្រោះ​ក្រុម​ឈ្មួញ​មិន​ញញើត​នឹង​ច្បាប់​ឡើយ​។ ជាក់ស្ដែង​ក្នុង​មួយ​យប់ៗ​មាន​រថយន្ត​ដឹក​ក្ដារ​និង​ដឹកឈើ​អារ​រួច​ឆ្លងកាត់​ឃុំ​ប្រមេរ និង​ឃុំ​ពោធិ៍ ចូលទៅ​ស្រុក​ស្វាយ​លើ ខេត្តសៀមរាប ហើយ​យកទៅ​ចែកចាយ​ដល់​ក្រុង​សៀមរាប​យ៉ាង​រលូន​។

​ប្រភពពី​មន្ត្រី​អាជ្ញាធរ​មូលដ្ឋាន​ក្នុង​ឃុំ​ប្រមេរ និង​ឃុំ​ពោធិ៍ ស្រុក​រវៀង ក៏បាន​ឲ្យ​ដឹង​ដែរ​ថា ក្នុង​មួយ​យប់ៗ​មាន​រថយន្ត​ដឹក​ក្ដារ​ឈើ​គគីរ និង​ឈើ​អារ​រួច​ផ្សេងៗ​ទៀត តាម​បណ្ដោយ​ផ្លូវជាតិ​លេខ​៩ ឆ្លងកាត់​ក្រុង​ព្រះវិហារ ឆ្ពោះទៅ​ស្រុក​គូលែន និង​ស្រុក​ស្វាយ​លើ ទើប​ចូល​ដ​លើ​ក្រុង​សៀមរាប​។ ប្រជាពលរដ្ឋ​សង្ស័យថា​ក្រុម​ឈ្មួញ​ដឹកឈើ​មាន​ទំនាក់ទំនង​យ៉ាង​ល្អ​ជាមួយ​មន្ត្រីរដ្ឋបាល​ព្រៃឈើ​គ្រប់​លំដាប់ថ្នាក់ និង​សមត្ថកិច្ច​ពាក់ព័ន្ធ​ដទៃទៀត​ទើប​សកម្មភាព​របស់​ពួកគេ​ពុំមាន​ការរំខាន​ពី​សមត្ថកិច្ច​ឡើយ​។ រយៈពេល​ជាច្រើន​ខែ​កន្លងទៅនេះ​មិនឃើញ​មាន​មន្ត្រីរដ្ឋបាល​ព្រៃឈើ ឬ​សមត្ថកិច្ច​ពាក់ព័ន្ធ​បង្ក្រាប​បទល្មើស​ទេ ព្រោះ​ខ្លាច​បាត់បង់​ចំណូល​របស់​ពួកគេ ដូច្នេះ​មេៗ​នៅ​ខាងលើ​គួរពិនិត្យមើល​ភាព​អសកម្ម​របស់​កូនចៅ​ក្រោម​ឱវាទ​ផង​។

មេ​រដ្ឋបាល​ព្រៃឈើ​ក្នុងស្រុក​រវៀង ខេត្តព្រះវិហារ ក៏ដូចជា​ស្រុក​ស្វាយ​លើ និង​ស្រុក​គូលែន ខេត្តសៀមរាប ត្រូវបាន​គេ​ដឹងថា​ជា​អ្នកទទួលផល​ប្រយោជន៍​ពី​ក្រុម​ឈ្មួញ​ដឹកជញ្ជូន​ឈើ​ខុសច្បាប់ ទើប​ពួកគេ​បណ្ដោយ​ឲ្យ​បទល្មើស​កាប់​ឈើ​និង​ដឹកជញ្ជូន​ឈើ​នៅតែ​បន្ត​កើតឡើង​យ៉ាង​រាលដាល​។ ជាក់ស្ដែង​រយៈពេល​ប៉ុន្មាន​ថ្ងៃ​កន្លងទៅនេះ​សកម្មភាព​ដឹកឈើ​ចេញពី​ខេត្តព្រះវិហារ ឆ្លងកាត់​ស្រុក​គូលែន និង​ស្រុក​ស្វាយ​លើ ចូលមក​ចែកចាយ​តាម​ដេប៉ូ​ធំៗ​ក្នុង​ក្រុង​សៀមរាប កំពុង​កើតឡើង​យ៉ាង​ពេញបន្ទុក ហើយ​លោក ទា គឹម​សុទ្ធ នាយ​ខណ្ឌ​រដ្ឋបាល​ព្រៃឈើ​ខេត្តសៀមរាប សម្ងំស្ងៀម​ដើម្បី​ទទួលផល​ប្រយោជន៍​ធ្វើ​មាន​ធ្វើបាន​។ ដូច្នេះ​លោក ឆេង គឹម​ស៊ុន អគ្គនាយក​រដ្ឋបាល​ព្រៃឈើ និង​លោក វេ​ង សាខុន រដ្ឋមន្ត្រី​ក្រសួងកសិកម្ម គួរ​ចាត់វិធានការ​ទប់ស្កាត់​ជាបន្ទាន់ ព្រោះ​បច្ចុប្បន្ន​ព្រៃឈើ​ក្នុងស្រុក​រវៀង ស្រុក​ឆែប ស្រុក​ត្បែងមានជ័យ ស្រុក​គូលែន និង​ស្រុក​ជាំ​ក្សាន្ត ខេត្តព្រះវិហារ កំពុង​ប្រឈម​នឹង​ការបំផ្លាញ​យ៉ាង​មហន្តរាយ​៕

2525251

លោក ឆេង គឹមស៊ុន អគ្គនាយករដ្ឋបាលព្រៃឈើ

vihar-2 vihar-1

Source link

ពាក្យបណ្ដឹង​ប្រឆាំង​រដ្ឋាភិបាល​កម្ពុជា​នៅ​តុលាការ​ព្រហ្មទណ្ឌ​អន្តរជាតិ អាច​ត្រូវបាន​យកទៅ​ពិនិត្យ​

កាលពី​ថ្ងៃទី​១៥ ខែកញ្ញា ឆ្នាំ​២០១៦ រដ្ឋអាជ្ញា​តុលាការ​ព្រហ្មទណ្ឌ​អន្តរជាតិ​(ICC) បានចេញ​សេចក្ដីប្រកាស​ស្ដីពី​ឯកសារ​លំអិត​គោលនយោបាយ​ថ្មី​ជុំវិញ​ការជ្រើសរើស​បណ្ដឹង​និង​ការដាក់​សំណុំរឿង​ជា​អាទិភាព​។ ទាក់ទង​នឹង​បញ្ហា​នេះ​តំណាង​ក្រុម​មេធាវី​គ្លូ​ប​ល​ឌី​លី​ជិន​(Global Diligence) លោក រី​ឆាត រ៉ូ​ជឺ ដែល​បានដាក់​ពាក្យ​ប្ដឹង​រដ្ឋាភិបាល​លោក ហ៊ុន សែន កាលពី​ឆ្នាំ​២០១៤ ស្ដីពី​បទឧក្រិដ្ឋ​កម្ម​ប្រឆាំង​មនុស្សឃាត​បាន​សាទរ​ទៅនឹង​ការផ្សាយ​សេចក្ដីប្រកាស​របស់​តុលាការ​ព្រហ្មទណ្ឌ​អន្តរជាតិ​។ លោក រី​ឆាត រ៉ូ​ជឺ បាន​បញ្ជាក់ថា វា​ជា​ភ្លើង​ខៀវ​ក្នុង​ការសើរើ​បណ្ដឹង​រប​ស់លោក​មក​ជំនុំជម្រះ ហើយក៏​ជា​អវសាន​នៃ​អ្នករំលោភ​សិទ្ធិមនុស្ស និង​រំលោភ​ដីធ្លី​ក្នុងប្រទេស​កម្ពុជា​ផងដែរ​។

សូមបញ្ជាក់ថា​លោក រី​ឆាត រ៉ូ​ជឺ តំណាង​មេធាវី​ក្រុម​គ្លូ​ប​ល​ឌី​លី​ជីន បាន​សាទរ​ភ្លាមៗ​ចំពោះ​សេចក្ដីប្រកាស​របស់​តុលាការ​ព្រហ្មទណ្ឌ​អន្តរជាតិ ដែលមាន​មូលដ្ឋាន​នៅ​ទី​ក្រុងឡាអេ ប្រទេស​ហូ​ឡង់​។ សេចក្ដីប្រកាស​នោះ​ចេញ​ដោយ​លោកស្រី​រដ្ឋអាជ្ញា ហ្វា​ទូ បេន​ស៊ូ​ដា គឺ​បានបង្ហាញ​ពី​គោលនយោបាយ​ក្នុងការ​ជ្រើសរើស​បណ្ដឹង​អាទិភាព​យកទៅ​ចាត់ការ​។ នៅក្នុង​សេចក្ដីប្រកាស​កម្រាស់​១៨​ទំព័រ​បានបង្ហាញ​អំពី​កា​រវិ​វ​ត្តិ​នៃ​មូលដ្ឋានគ្រឹះ​តាម​នីតិវិធីតុលាការ ដោយ​នីតិវិធី​នោះ​យោងតាម​បទពិសោធន៍​នៃ​ការអនុវត្ត​ជាក់ស្ដែង​ក្នុង​ការិយាល័យ​នៃ​រដ្ឋអាជ្ញា​ជាង​១៤​ឆ្នាំកន្លងមក ដោយ​បូក​រួមទាំង​ការអនុវត្ត​ក្នុង​តុលាការជាតិ និង​តុលាការអន្តរជាតិ​ផងដែរ​។ តាមរយៈ​សេចក្ដីប្រកាស​នោះ​លោក រី​ឆាត រ៉ូ​ជឺ បានលើកឡើង​ក្នុង​សេចក្ដីថ្លែងការណ៍​របស់​លោក​ដែលមាន​ចំណងជើង​ថា​«​អវសាន​របស់​អ្នករំលោភ​ដីធ្លី​នៅ​កម្ពុជា​នឹង​បញ្ចប់​ក្នុង​តុលាការ​ទីក្រុង​ឡាអេ​»​។

លោក​មេធាវី រី​ឆាត រ៉ូ​ជឺ បានលើកឡើង​ទៀតថា នីតិវិធី​របស់​តុលាការ​ព្រហ្មទណ្ឌ​អន្តរជាតិ នឹង​ជួប​បិទ​បញ្ចប់​ភាព​គ្មាន​ទោសពៃរ៍​នៅ​កម្ពុជា​ដែល​បាន​ប្រព្រឹត្ត​ឧក្រិដ្ឋកម្ម​អន្តរជាតិ​ក្នុងអំឡុងពេល​ដែលមាន​សន្តិភាព​។ ម្យ៉ាងទៀត​គឺជា​ការចាប់ផ្ដើម​បើក​សំណុំរឿង​ដែល​លោក​បាន​ប្ដឹង​បក្ខពួក​អ្នក​មាននៃ​គណបក្សកាន់អំណាច​នៅ​កម្ពុជា ដែល​បាន​ធ្វើទុក្ខបុកម្នេញ​លោក​ជនរងគ្រោះ​ក្នុងប្រទេស​ខ្លួន​ដូចជា ការបាញ់សម្លាប់​សកម្ម​ជន ឬ​ការបណ្ដេញ​ប្រជាពលរដ្ឋ​ចេញពី​លំនៅដ្ឋាន​ដោយ​បង្ខំ​។ ទាក់ទង​នឹង​បញ្ហា​នេះ​ក្រុមមន្ត្រី​អង្គការសិទ្ធិមនុស្ស និង​អ្នកសង្កេតការណ៍​ឯករាជ្យ ក៏ដូចជា​ក្រុមអ្នកតាមដាន​បញ្ហា​សង្គម​នៅ​កម្ពុជា បាន​លើកឡើងថា ប្រសិនបើ​តុលាការ​ព្រហ្មទណ្ឌ​អន្តរជាតិ​លើកយក​ពាក្យបណ្ដឹង​រប​ស់លោក រី​ឆាត រ៉ូ​ជឺ តំណាង​ពលរដ្ឋ​ខ្មែរ​រងគ្រោះ​យកទៅអនុវត្ត​ន៍​នោះ គឺអាច​បញ្ចប់​វប្បធម៌​គ្មាន​ទោសពៃរ៍​នៅ​កម្ពុជា ហើយ​ក្រុម​អ្នកមាន​លុយ អ្នកមានអំណាច មិន​ហ៊ាន​ធ្វើ​អ្វីៗ​ស្រេច​តែ​អំពើ​ចិត្ត​របស់ខ្លួន​តទៅទៀត​ទេ​៕

richard-rogers

លោក រី​ឆាត រ៉ូ​ជឺ

19 image kammakor-03-jan-2013
​ ​

Source link

ធនាគារអភិវឌ្ឍន៍ជនបទគ្រោងស្នើសុំការសម្រេចពីប្រមុខរាជរដ្ឋាភិបាល បញ្ចេញប្រាក់អន្តរាគមន៍ការធ្លាក់តម្លៃស្រូវ

ប្រភពព័ត៌មានស្និទ្ធនឹងធនាគារអភិវឌ្ឍន៍ជនបទ (RDB) បានឲ្យដឹងថា ធនាគារគ្រោងលើកសំណើសុំការសម្រេចពីសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ដើម្បីបញ្ចេញទឹកប្រាក់អន្តរាគមន៍ទៅនឹងការធ្លាក់ចុះនៃតម្លៃស្រូវរបស់ប្រជាកសិករនៅលើទីផ្សារ ។

<img …

rice
[អានទាំងស្រុងនៅ WWW.DTN7.COM]

Source link

លោក នង សុខុម ប្រធាន​គយ​ច្រក​បាវិត​ឃុ​ប​ឃឹ​ត​ជាមួយ​ឈ្មួញ​រក​ចំណូល​ផ្ទុយ​ពី​ច្បាប់​ប្រឆាំង​អំពើពុករលួយ

លោក នង សុខុម ប្រធាន​គយ​ច្រក​បាវិត​ឃុ​ប​ឃឹ​ត​ជាមួយ​ឈ្មួញ​រក​ចំណូល​ផ្ទុយ​ពី​ច្បាប់​ប្រឆាំង​អំពើពុករលួយ

custom bavit5

​ស្វាយរៀង​៖ មាន​សេចក្តីរាយការណ៍​ពី​អ្នករកស៊ី​រត់​ឯកសារ​មក​ថា​៖​មន្ត្រី​គយ ច្រកទ្វារព្រុំដែន​អន្តរជាតិ បាវិត​ក្រោម​ការដឹកនាំ​របស់លោក​នង​សុខុម​ដែល​ទើប​ត្រូវបាន​តម្លើង​តួនាទី​ជា​មេ​គយ​បាវិត​ប៉ុន្មាន​ខែ​កន្លងមកនេះ​នៅតែ​បន្ត​ប្រព្រឹត្ត​អំពើពុករលួយ​ប្រមូល​លុយ​ធ្វើ​មាន​ធ្វើបាន​

ផ្ទាល់ខ្លួន​យ៉ាង​ក្រអឺតក្រទម ដែលជា​ហេតុ​ធ្វើ​ឲ្យ​រដ្ឋ​ត្រូវ​ខាតបង់​ចំណូល​ពន្ធ​យ៉ាងច្រើន​សន្ធឹកសន្ធាប់​ក្នុង​មួយខែៗ​។​ការពិត​អង្គភាព​គយ​ច្រកទ្វារ​បាវិត​ម៉ុក​បាយ​នេះ​កាលពី​ប៉ុន្មាន​ខែ​មុននេះ​ក៏​ធ្លាប់​ត្រូវបាន​លោក​អូ​នព​ន្ធ័​មុនីរ​ត្ន័​ទេស​ស​រដ្ឋមន្ត្រី​រដ្ឋមន្ត្រី​ក្រួ​ង​សេដ្ឋកិច្ច​និង​ហិរញ្ញវត្ថុ​បាន​ចុះទៅពិនិត្យ​ការអនុវត្តន៍​គោល នយោបាយ​កែទម្រង់​ស៊ីជម្រៅ​ក្នុង​ស្ថាប័នគយ​ដែល​លោក​បានដាក់​ចេញ​នៅ​អង្គភាព​គយ​ច្រកទ្វារព្រុំដែន​បាវិត​ម៉ុក​បាយ​ដែរ​តែ​វត្តមាន​លោក​អូ​នព​ន្ធ័​មុនីរ​ត្ន័​ហាក់បីដូចជា​គ្មាន​ប្រសិទ្ធភាព​ព្រោះ​គ្មាន​យន្តការ​ទប់ស្កាត់​បទល្មើស​ពុករលួយ​ឲ្យ​បានច្បាស់លាស់​។

​តាម​ប្រភពពី​មន្ត្រី​គយ នៅ​ខេត្តស្វាយរៀង បាន​ឲ្យ​ដឹងថា​លោក នង សុខុម​ដែលមាន​អតីត​ភាពជា​អនុប្រធាន​គយ​ច្រក​ត្រពាំង​ផ្លុ​ង បាន​និង កំពុង​ហើយ​នៅតែ​បន្ត​ប្រើ​ជំនាញ​កែ​ឯកសារ​បន្លំ​ប្រភេទ​ទំនិញ​ដែល​ឈ្មួញ​នាំចូល ដើម្បី​ជា​ថ្នូរ​នឹង​ផលប្រយោជន៍​ដូច​មេ​គយ​បាវិត​មុន​ដដែល​។ ប្រភពពី​អ្នក​កាន់​ឯកសារ​ក្រុមហ៊ុន​និយាយថា​៖​ការកែ​ឯកសារ​បន្លំ​ប្រភេទ​ទំនិញ ជាពិសេស​ឯកសារ​ប្រតិវេទ​គយ​ទៅលើ​មុខទំនិញ​វិនិយោគ​នាំចេញ​នាំចូល​ផ្នែក​វាយ​ន​ភណ្ឌ​រោងចក្រ ក្នុង​ឯកសារ​ប្រតិវេទ​គយ​មួយច្បាប់​ត្រូវ​បង់​ពី​៧០​ទៅ​១០០​ដុល្លារ​ឬ​ច្រើនជាង​នេះ​តាម​ការជាក់ស្តែង​នៃ​មុខទំនិញ​ជូន​គយ​លោក​នង​សុខុម​។

ប្រភព​បាន​ឲ្យ​ដឹង​ទៀតថា ក្នុង​មួយថ្ងៃៗ​ទំនិញ​វិនិយោគ​នាំចូល​តាម​ច្រក​បាវិត​យ៉ាងតិច​មាន​១០០​ជើង ដូច្នេះ​លោក នង សុខុម ក៏​អាច​កែប​ន្លំ​ឯកសារ​ប្រភេទ​ទំនិញ​ដើម្បី​ជា​ថ្នូរ​នឹង​ផលប្រយោជន៍​យ៉ាងច្រើន​សន្ធឹកសន្ធាប់​យ៉ាងតិច ពី​៥០០០​ទៅ​១០០០០​ដុល្លារ​ឯណោះ​ក្នុង​មួយថ្ងៃៗ​។​ព្រោះ ថា​ទំនិញ​ដែល​ឈ្មួញ​នាំ​ពី​ប្រទេស​វៀតណាម​ចូល​ស្រុក​ខ្មែរ​មានដូចជា គ្រឿង​អេ​ឡិច​ត្រូ​និ​ច គ្រឿងបន្លាស់​រថយន្ត និង​ទំនិញ​ជាច្រើន​ប្រភេទ​ទៀត​ដែល​ត្រូវ​បង់ពន្ធ​ក្នុង​កម្រិត​ខ្ពស់​បើ​មិនត្រូវ​ជាមួយ​លោក នង សុខុម​ឲ្យ​ជួយ​កែ ឯកសារ​ប្រតិវេទ​ដាក់ថា​ជា​ទំនិញ​វិនិយោគ​ដើម្បី​ជា​ថ្នូរ​នឹង​ផលប្រយោជន៍​ទេ​នឹងត្រូវ​បង់ពន្ធ​ក្នុងតម្លៃ​ខ្ពស់​ជាមិនខាន​។​

ក្រៅពី​ឃុ​ប​ឃឹ​ត​គ្នា​កែសម្រួល​ឯកសា​ទំនិញ​នាំចូល​ថា​ជា​ទំនិញ​វិនិយោគ​ដែល​មិន​យកពន្ធ​ឬ​បង់ពន្ធ​តិច​នោះ​មន្ត្រី​គយ​របស់លោក​នង​សុខុម​នៅ​ត្រូវ​គ្នា​ជាមួយ​ក្រុម​រថយន្តក្រុង​ដឹក​អ្នកដំណើរ​ដែល​លួច​ផ្ទុកទំនិញ​គេចពន្ធ​ផងដែរ​។​ពួក​រថយន្តក្រុង​ឆ្លងកាត់​ច្រកទ្វារ​បាវិត​ម៉ុក​បាយ​មាន​មិនតិច​ជា​១០​ក្រុមហ៊ុន​ទេ​ហើយ​គ្មាន​ឡាន​ណាមួយ​មិនមាន​ផ្ទុកទំនិញ​នាំចូល​នោះឡើយ​។​ពួកនេះ​មិនដែល​ហ៊ាន​រំលង​មន្ត្រី​គយ​របស់លោក​នង​សុខុម​នោះឡើយ​ដោយ​គ្រាន់​ឡានក្រុង​ដឹកទំនិញ​ខ្លះ​មាន​លិខិត​បង​ពន្ធគយ​តែ​បង់​តិច​ហើយ​ខ្លះ​រាប់​ក្បាល​ឡាន​គិតលុយ​តែម្តង​។​ករណីនេះ​លោក​នង​សុខុម​ធ្លាប់បាន​និយាយប្រាប់​កាសែត​ថា​គ្មាន​ទំនិញ​ណា​ដែល​ឆ្លងកាត់​ដោយ​មិនបាន​បង់ពន្ធ​នោះទេ​!​។​

ការពិត​មិន​ខុស​ទេ​ព្រោះ​គ្មាន​អ្នកណា​ហ៊ាន​នាំ​ទំនិញ​ចូល​ដោយ​មិន​បង់លុយ​ឲ្យ​គយ​លោ​កនង​សុខុម​នោះឡើយ​គ្រាន់តែ​ថា​វា​ចូល​រដ្ឋ​ឬ​អត់​វា​ជា​រឿង​មួយទៀត​។​ទោះជា​យ៉ាងណា​រឿងនេះ​គយ​មិន​អាចធ្វើ​តែម្នាក់ឯង​បានឡើយ​គឺ​ត្រូវ​ឃុ​ប​ឃឹ​ត​ជាមួយ​មន្ត្រីនគរបាល​ច្រកទ្វារ​ផងដែរ​។​ដូច្នោះ​បើតាម​សេចក្តីរាយការណ៍​នេះ​បង្ហាញថា​៖​ទង្វើ​របស់លោក នង សុខុម​មេ​គយ​ច្រក​បាវិត ធ្វើ​ឲ្យ​រដ្ឋ​ត្រូវ​ខាត់​បង់​ចំណូល​ពន្ធ​យ៉ាងច្រើន​សន្ធឹកសន្ធាប់​ក្នុង​មួយខែៗ ។

សង្ឃឹមថា​៖​លោក អូន ព័ន្ធមុនីរ័ត្ន ដែលជា​រដ្ឋមន្ត្រីក្រសួង​សេដ្ឋកិច្ច និង​ហិរញ្ញវត្ថុ នឹងមិន​មើលរំលង​ភាពមិនប្រក្រតី​នៃ​ការ​ឃុបឃឹតជាមួួយឈ្មួញនាំចូល​ទំនិញ​នៅ​ច្រក​បាវិត​នោះទេ ព្រោះ លោក នង សុខុម ប្រធានការិយាល័យ​គយ​ច្រក​បាវិត កំពុង​ប្រព្រឹត្ត​អំពើពុករលួយ​ប្រមូល​លុយ​ធ្វើ​មាន​ធ្វើបាន​ផ្ទាល់ខ្លួន​ដោយ​គ្មាន​ញញើត​អ្វី​ឡើយ​។​
​សូមបញ្ជាក់ថា​នៅ​ច្រក​បាវិត​ម៉ុក​បាយ​នេះ​ឈ្មួញ​នាំ​ទំនិញ​ចូល​ត្រូវ​ចាយលុយ​សេវា​ឲ្យ​ស្ថាប​ន័​មាន​សម​ត្ត​កិច្ច​ប្រមាណ​១០​ស្ថាប​ន័​ក្នុងនោះ​គយ​និង​នគរបាល​អន្តោរ​ប្រវេសន៍​ខ្លាំងជាងគេ​។​មិនដឹងថា​តើ​អង្គភាព​ប្រឆាំង​អំពើពុករលួយ​ចាប់អារម្មណ៍​ទង្វើ​ប្រឆាំង​ច្បា់​ពុករ​លូ​យ​នៅ​ច្រកទ្វារ​បាវិត​ម៉ុក​បាយ​ដែល​ឬ​អត់​នោះទេ​?៕custom bavit5custom bavit oun porncustom bavit2custom bavit6

Source link

​គណបក្ស​សង្គ្រោះ​ជាតិ​រំពឹងទុក​ថា​បាតុកម្ម​នាពេលខាងមុខ​នឹង​អាច​ប្រព្រឹត្តទៅបាន​រលូន​ល្អ​

តំណាងរាស្ត្រ និង​ជា​មន្ត្រីជាន់ខ្ពស់​គណបក្ស​សង្គ្រោះ​ជាតិ លោក អេង ឆៃអ៊ាង នៅ​ចុង​សប្តាហ៍​នេះ បាន​បញ្ជាក់ថា មហា​បាតុកម្មអហិង្សា​ដែល​ទាមទារ​ឲ្យ​មាន​ដំណោះស្រាយ​នយោបាយ និង​បញ្ឈប់​ការគាបសង្កត់​លើ​គណបក្សជំទាស់ និង​អង្គការ​សង្គម​ស៊ីវិល ដែល​ដឹកនាំ​ដោយ​គណបក្ស​សង្គ្រោះ​ជាតិ​នាពេលខាងមុខ​នេះ​អាច​នឹង​ប្រព្រឹត្ត​ទៅដោយ​រលូន​ល្អ​។ លោក អេង ឆៃអ៊ាង បាន​បញ្ជាក់ថា មហា​បាតុកម្មអហិង្សា​គឺជា​សិទ្ធិសេរីភាព​របស់​ប្រជាពលរដ្ឋ​ខ្មែរ​ដែលមាន​ចែង​ក្នុង​រដ្ឋធម្មនុញ្ញ​កម្ពុជា ដូចនេះ​វា​មិនគួរ​មានការ​ហាមឃាត់ ឬ​បង្ក្រាប​ពី​សមត្ថកិច្ច​ឡើយ​។​

លោក អេង ឆៃអ៊ាង បាន​ថ្លែង​ទៅកាន់​អ្នកសារព័ត៌មាន​ថា គណបក្ស​សង្គ្រោះ​ជាតិ ពិតជា​មិន​ចង់​ធ្វើ​មហា​បាតុកម្ម​នោះទេ តែដោយសារ​ការគាបសង្កត់​លើ​គណបក្ស​សង្គ្រោះ​ជាតិ​ពី​សំណាក់​រដ្ឋាភិបាល​មាន​កម្រិត​កាន់តែ​ធ្ងន់ធ្ងរ​ឡើងៗ​ដែល​ប៉ះពាល់​យ៉ាងខ្លាំង​ដល់​ដំណើរការ​លទ្ធិប្រជាធិបតេយ្យ ពិសេស​សំណើរ​ការបោះឆ្នោត​នាពេលខាងមុខ​។ លោក អេង ឆៃអ៊ាង បាន​បញ្ជាក់ថា គម្រោង​នៃ​ការធ្វើ​មហា​បា​តុម្ម​នេះ​គឺជា​ជម្រើស​ចុងក្រោយ​របស់​គណបក្ស​ស​ង្គ្រោះ​ជាតិ ដើម្បី​តស៊ូ​មតិ​ដោយ​អហិង្សា និង​ដោះស្រាយ​វិបត្តិ​នយោបាយ​ឲ្យ​វិល​ទៅរក​ប្រក្រតីភាព​ឡើងវិញ​។​

តំណាងរាស្ត្រ និង​ជា​មន្ត្រីជាន់ខ្ពស់​គណបក្ស​សង្គ្រោះ​ជាតិ លោក អេង ឆៃអ៊ាង បាន​សម្តែង​ក្តី​សង្ឃឹមថា មហា​បាតុកម្ម​ដែល​រៀបចំ​ដោយ​គណបក្ស​សង្គ្រោះ​ជាតិ ជា​គណបក្សជំទាស់ នាពេល​មុខ នឹងមិន​មានការ​បង្ក្រាប​ពី​សំណាក់​សមត្ថកិច្ច​ឡើយ​។ លោក អេង ឆៃអ៊ាង សង្កត់ធ្ងន់ៗ​ថា លោក​មិន​ជឿថា​កងកម្លាំងប្រដាប់អាវុធ​មក​បាញ់សម្លាប់ មក​បង្ក្រាប ចំពោះ​បាតុកម្ម ដែលមាន​ដៃទទេ​នោះទេ​។ លោក​មិន​ជឿ​ទេ ព្រោះ​ពួកគាត់​ដែលជា​សមត្ថកិច្ច​ក៏​ជា​ខ្មែរ​ផងដែរ​។​

ជុំវិញ​បញ្ហា​ខាងលើនេះ លោក សម រង្ស៊ី បាន​សង្កត់ធ្ងន់ថា បើទោះជា​គណបក្ស​សង្គ្រោះ​ជាតិ​ជា​គណបក្ស​ប្រជាធិបតេយ្យ​ប្រកាន់ខ្ជាប់​នូវ​គោលការណ៍​អហិង្សា​ក៏ដោយ ក៏​គណបក្ស​សង្គ្រោះ​ជាតិ​មិន​អនុញ្ញាត​ឲ្យ​អ្នកកាន់អំណាច​បច្ចុប្បន្ន​ធ្វើ​អ្វី​តាម​អំពើ​ចិត្ត និង​ដឹកនាំ​ប្រទេស​លើផ្លូវ​ខុស​បានឡើយ​។ លោក សម រង្ស៊ី បាន​សង្កត់ធ្ងន់ថា មានតែ​គណបក្ស​សង្គ្រោះ​ជាតិ​តែមួយគត់ អាច​ជំរុញ​ឲ្យ​មានការ​ផ្លាស់ប្តូរ​ជា​វិជ្ជមាន​នៅ​កម្ពុជា​តាមរយៈ​ការបោះឆ្នោត​ដោយ​យុត្តិធម៌ ហើយ​កម្លាំង​ស្នូល​ដែល​ជំរុញ​ឲ្យ​មានការ​ផ្លាស់ប្តូរ គឺ​យុវជន​ខ្មែរ​ដែល​យល់ច្បាស់​ពី​តម្លៃ​នៃ​ការផ្លាស់ប្តូរ​៕

14237573_1458360004181294_2265556913507125365_n

Source link

ល្បែងស៊ីសង​និង​គ្រឿងញៀន​រាលដាល​ក្នុង​ខណ្ឌ​សែន​សុខ ធ្វើ​ឲ្យ​ប៉ះពាល់​សន្តិសុខ​សង្គម​

ប្រជាពលរដ្ឋ​រស់នៅ​តាម​បណ្ដា​សង្កាត់​មួយចំនួន​ដូចជា សង្កាត់​ទឹកថ្លា សង្កាត់​ក្រាំងធ្នង់ និង​សង្កាត់​មួយចំនួនទៀត នៃ​ខណ្ឌ​សែន​សុខ បាន​រិះគន់ថា​លោក លី សា​វេត អភិបាលខណ្ឌ​សែន​សុខ និង​លោក ម៉ក់ ហុង អធិការនគរបាល​ខ​ណ្ឌ​សែន​សុខ មិនសូវ​យកចិត្តទុកដាក់​បង្ក្រាប​បទល្មើស​ផ្សេងៗ​ដូចជា អំពើចោរកម្ម លួច​ឆក់​ប្លន់ បទល្មើស​ចែកចាយ​ជួញដូរ​ប្រើប្រាស់​គ្រឿងញៀន និង​ល្បែងស៊ីសង​នោះទេ​។ ហេតុនេះហើយ​ទើប​បទល្មើស​ជួញដូរ​ចែកចាយ​គ្រឿងញៀន​នៅ​ភូមិ​ត្រពាំង​ឈូក សង្កាត់​ទឹកថ្លា ខណ្ឌ​សែន​សុខ កើតឡើង​ឥតឈប់ឈរ​ហើយ​ក្នុង​សង្កាត់​ភ្នំពេញ​ថ្មី និង​សង្កាត់​ក្រាំងធ្នង់​ជាដើម ល្បែងស៊ីសង​គ្រប់​ប្រភេទ​ដូចជា កន្ទុយលេខ បៀ​អាប៉ោង ភ្នាល់​បាល់ទាត់ និង​ល្បែង​តាម​ប្រព័ន្ធ​អ៊ី​ន​ធឺ​ណេ​ត រាលដាល​កាន់តែខ្លាំង​។

កាលពី​យប់​ថ្ងៃទី​១៣ ខែកញ្ញា ឆ្នាំ​២០១៦ នគរបាល​ព្រហ្មទណ្ឌ​ខណ្ឌ​សែន​សុខ និង​នគរបាល​ប៉ុស្ដិ៍​រដ្ឋបាល​សង្កាត់​ក្រាំងធ្នង់ បាន​បើក​ប្រតិបត្តិ​ការបង្ក្រាប​ល្បែង​បៀ​អាប៉ោង​ដុះ​ស្លែ​មួយកន្លែង​នៅ​ភូមិ​សំរោង​ទាវ សង្កាត់​ក្រាំងធ្នង់ ដោយ​ឃាត់ខ្លួន​មនុស្ស​ប្រុស​ស្រី​ចំនួន​៩​នាក់ និង​វត្ថុតាង​ជាច្រើន​ថែមទៀត​។ ប្រតិបត្តិការ​របស់​ស​ម​ត្ថ​កិច្ច​មានការ​គាំទ្រ​ពី​ប្រជាពលរដ្ឋ​យ៉ាងខ្លាំង​ក្លា ហើយ​ប្រជាពលរដ្ឋ​អំពាវនាវ​ឲ្យ​បង្ក្រាប​កន្លែង​លេងល្បែង​ស៊ីសង​ជាច្រើន​ទៀត​តាម​បណ្ដា​សង្កាត់​នានា ដើម្បី​ពង្រឹង​សន្តិសុខ​សង្គម​។ ប្រភពពី​ប្រជាពលរដ្ឋ​មួយចំនួន​បាន​បង្ហើប​ឲ្យ​ដឹងថា នៅក្នុង​ផ្សារ​ដី​ហុយ និង​ផ្សារ​មួយចំនួនទៀត​នៃ​ទឹកដី​ខណ្ឌ​សែន​សុខ មាន​កន្លែង​បើក​លេងល្បែង​កន្ទុយលេខ និង​ល្បែងភ្នាល់​បាល់​យ៉ាង​ពេញបន្ទុក ដូច្នេះ​លោក លី សា​វេត ជា​អភិបាលខណ្ឌ និង​លោក ម៉ក់ ហុង ជា​អធិការនគរបាល​ខណ្ឌ​សែន​សុខ គួរ​ស៊ើបអង្កេត​និង​ចាត់វិធានការ​បង្ក្រាប​ប្រកបដោយ​ប្រសិទ្ធភាព​។

​ប្រជាពលរដ្ឋ​ក្នុង​ខណ្ឌ​សែន​សុខ ក៏បាន​អំពាវនាវ​ឲ្យ​លោក ជួន សុវណ្ណ ស្នងការ​នគរបាល​រាជធានី​ភ្នំពេញ ចាត់វិធានការ​ពង្រឹង​សន្តិសុខ​ក្នុង​ខណ្ឌ​សែន​សុខ​ជាបន្ទាន់ ព្រោះ​មួយ​រយៈពេល​កន្លងទៅនេះ​ករណី​ចោរឆក់ ចោរប្លន់​ប្រដាប់អាវុធ និង​ចោរ​គាស់​ផ្ទះ​ប្រជាពលរដ្ឋ​យក​ទ្រព្យសម្បត្តិ​បាន​កើតឡើង​ឥតឈប់ឈរ​។ ជាពិសេស​ប្រជាពលរដ្ឋ​នៅ​តំបន់​ត្រពាំង​ឈូក សង្កាត់​ទឹកថ្លា បាន​អំពាវនាវ​ឲ្យ​អាជ្ញាធរ និង​សមត្ថកិច្ច​រាជធានី​ភ្នំពេញ បង្ក្រាប​បទល្មើស​គ្រឿងញៀន​ក្នុងភូមិ​ត្រពាំង​ឈូក​ឲ្យ​ដល់​រិះ​គល់ ព្រោះ​រយៈពេល​ជាង​៨​ខែ​កន្លងទៅនេះ​សមត្ថកិច្ច​បង្ក្រាប​រាប់សិប​លើក តែ​សកម្មភាព​ជួញដូរ​ចែកចាយ​ប្រើប្រាស់​គ្រឿងញៀន​ក្នុងភូមិ​ត្រពាំង​ឈូក នៅតែ​កើតឡើង​យ៉ាង​ពេញបន្ទុក​។ ប្រជាពលរដ្ឋ​បាន​រិះគន់​ចំៗ​ថា សមត្ថកិច្ច​និង​មន្ត្រី​អាជ្ញាធរ​មូលដ្ឋាន​ក្នុង​សង្កាត់​ទឹកថ្លា ខណ្ឌ​សែន​សុខ ពុំមាន​សមត្ថភាព​បង្ក្រាប​បទល្មើស​គ្រឿងញៀន ល្បែងស៊ីសង និង​អំពើចោរកម្ម លួច​ឆក់​ប្លន់ ដើម្បី​ផ្ដល់​ភាពកក់ក្ដៅ​ដល់​ប្រជាពលរដ្ឋ​ឡើយ​៕

img-20150930-wa0115

លោក ម៉ក់ ហុង អធិការនគរបាល​ខ​ណ្ឌ​សែន​សុខ

pic248 pic249

Source link