ព័ត៌មានខ្មែរ

មន្ត្រីរដ្ឋបាល​ព្រៃឈើ​ខេត្តក្រចេះ បើកដៃ​ឲ្យ​ឈ្មួញ​ឈ្មោះ ចែ​មុំ ហៅ​ម៉ាប់ ដឹកជញ្ជូន​ឈើ​ទៅ​ស្រុក​យួន​យ៉ាង​ពេញបន្ទុក​

​ប្រភពពី​សមត្ថកិច្ច​ពា​ក់​ព័ន្ធ​ក្នុង​ក្រុង​ក្រចេះ ខេត្តក្រចេះ បាន​ឲ្យ​ដឹងថា បច្ចុប្បន្ន​ឈ្មួញ​ឈ្មោះ ចែ​មុំ ហៅ​ម៉ាប់ នៅតែ​បន្តសកម្មភាព​ប្រមូល​ទិញ​ឈើ​ក្នុងស្រុក​ចិត្រ​បុរី ដឹកជញ្ជូន​ឆ្លងកាត់​ក្រុង​ក្រចេះ ចេញទៅ​ស្រុក​យួន​តាម​ច្រកព្រំដែន​ក្នុងស្រុក​ស្នួល ខេត្តក្រចេះ យ៉ាង​រលូន​។ ប្រភព​បាន​ឲ្យ​ដឹង​ទៀតថា ក្នុង​មួយថ្ងៃៗ​ឈ្មួញ​ឈ្មោះ ចែ​មុំ ហៅ​ម៉ាប់ បាន​ប្រើប្រាស់​រថយន្ត​ម៉ាក​សាំ​យ៉ុង​យ៉ាងតិច​១០​គ្រឿង​ដឹកឈើ​ចេញពី​ចំណុច​ឃុំ​សំបុក ស្រុក​ចិត្រ​បុរី ឆ្លងកាត់​ក្រុង​ក្រចេះ ចូលទៅ​ស្រុក​ស្នួល ហើយ​យកទៅលក់​ឲ្យ​ឈ្មួញ​យួន​ដោយ​ពុំមាន​មន្ត្រីរដ្ឋបាល​ព្រៃឈើ​និង​សមត្ថកិច្ច​ដទៃទៀត​ចាត់វិធានការ​បង្ក្រាប​នោះទេ​។ សូម្បីតែ​លោក អ៊ិន ស៊ីណា​ង នាយផ្នែក​រដ្ឋបាល​ព្រៃឈើ​ក្រចេះ ក៏​រក្សា​ភាព​ស្ងៀមស្ងាត់​ដែរ ដើម្បី​រង់ចាំ​ទទួលផល​ប្រយោជន៍​ពី​ឈ្មួញ​ឈ្មោះ ចែ​មុំ ហៅ​ម៉ាប់ យ៉ាង​សុខ​ស្រួល​ហើយ​មិន​ខ្វល់​ពី​ការរិះគន់​អ្វី​ទាំងអស់​។

មន្ត្រី​អាជ្ញាធរ​ក្នុង​ក្រុង​ក្រចេះ បាន​ឲ្យ​ដឹងថា ឈ្មួញ​ឈ្មួញ​ឈ្មោះ ចែ​មុំ ហៅ​ម៉ាប់ ដែលមាន​លំនៅដ្ឋាន​ក្នុងភូមិ​អណ្ដែង​ដូន សង្កាត់​ក្រគរ ក្រុង​ក្រចេះ ខេត្តក្រចេះ បាន​ប្រមូល​ទិញ​ឈើ​ពី​តំបន់​ផ្សេងៗ​ដឹកជញ្ជូន​តាម​ទូក​ម​ក​ស្តុក​ទុក​នៅ​ចំណុច​ក្បែរ​វត្ត​សំបុក ឃុំ​សំបុក ស្រុក​ចិត្រ​បុរី ស្រេច​តែ​អំពើ​ចិត្ត​។ នៅពេល​ប្រមូល​ទិញ​បាន​គ្រប់​ចំនួន​ទើប​ឈ្មួញ​ឈ្មោះ ចែ​មុំ ហៅ​ម៉ាប់ ស្ទូច​ដាក់​រថយន្ត​ដឹកជញ្ជូន​ឆ្លងកាត់​ក្រុង​ក្រចេះ និង​ស្រុក​ស្នួល យកទៅលក់​ឲ្យ​ឈ្មួញ​យួន​យ៉ាង​រលូន​ព្រោះ​មន្ត្រីរដ្ឋបាល​ព្រៃឈើ​ក្នុង​ខេត្តក្រចេះ គិតតែ​ពី​រឿង​ប្រមូល​លុយ​ដាក់​ហោ​ប៉ោ​ប៉ុណ្ណោះ​។ នៅតាម​ផ្លូវ​ដែល​ឈ្មួញ​ឈ្មោះ ចែ​មុំ ហៅ​ម៉ាប់ ដឹកជញ្ជូន​ឈើ​ឆ្លងកាត់​គឺមាន​ប៉ុស្ដិ៍​ត្រួតពិនិត្យ​របស់​មន្ត្រីរដ្ឋបាល​ព្រៃឈើ មន្ត្រី​បរិស្ថាន និង​សមត្ថកិច្ច​ពាក់ព័ន្ធ​ដទៃទៀត​ជាច្រើន​កន្លែង តែ​សមត្ថកិច្ច​ទាំងនោះ​មិន​ចាត់វិធានការ​ទៅលើ​ឈ្មួញ​ឈ្មោះ ចែ​មុំ ហៅ​ម៉ាប់ ទាល់តែសោះ​។

លោក អ៊ិន ស៊ីណា​ង នាយផ្នែក​រដ្ឋបាល​ព្រៃឈើ​ក្រចេះ ត្រូវបាន​គេ​ដឹងថា ជា​អ្នក​ឃុបឃិត​បើកដៃ​ឲ្យ​ឈ្មួញ​ឈ្មោះ ចែ​មុំ ហៅ​ម៉ាប់ ដឹកជញ្ជូន​ឈើ​ចេញទៅ​ស្រុក​យួន​យ៉ាង​គឃ្លើន​ដើម្បី​ជា​ថ្នូរ​នឹង​ផលប្រយោជន៍ ហើយក៏​មាន​អ្នក​ជួយ​រត់ការ​បើកផ្លូវ​ឲ្យ​ឈ្មួញ​ឈើ​ម្នាក់នេះ​អាច​ដឹកឈើ​ទៅដល់​គោលដៅ​យ៉ាង​រលូន​។ ប្រភពពី​សមត្ថកិច្ច​តូចតាច​មួយចំនួន​បាន​ឲ្យ​ដឹងថា​ឈ្មួញ​ឈ្មោះ ចែ​មុំ ហៅ​ម៉ាប់ មាន​មេបញ្ជាការរង​កងរាជអាវុធហត្ថ​ខេត្តក្រចេះ ម្នាក់​ជា​ខ្នងបង្អែក​យ៉ាងរឹងមាំ​ហេតុនេះហើយ​ទើប​ចែ​មុំ អាច​ដឹកជញ្ជូន​ឈើ​ទៅដល់​គោលដៅ​ប្រកបដោយ​ប្រសិទ្ធភាព ចៀស​ផុតពី​ការបង្ក្រាប​យ៉ាង​ក្រអឺតក្រទម​។ ប្រភព​ខ្លះ​បាន​ឲ្យ​ដឹងថា សមត្ថកិច្ច​តាម​ដងផ្លូវ​ដូចជា មន្ត្រីរដ្ឋបាល​ព្រៃឈើ មន្ត្រី​បរិស្ថាន នគរបាល​ប្រឆាំង​បទល្មើស​សេដ្ឋកិច្ច និង​សមត្ថកិច្ច​អាវុធហត្ថ​ជាដើម មិន​ហ៊ាន​បង្ក្រាប​ឈ្មួញ​ឈើ​ឈ្មោះ ចែ​មុំ នោះទេ​ហើយ​ចាត់ទុក​ជំនួញ​ឈើ​របស់​ចែ​មុំ ជា​ប្រភព​ចំណូល​របស់​ពួកគេ​ទៅវិញ​៕

26804096_407672172987082_1267638375_n 26942795_407672246320408_835358737_n 26855514_407672262987073_1306360350_n 26857295_407672189653747_254810721_n

Source link

​ឃាត់ខ្លួន​ជនសង្ស័យ​ម្នាក់​ដែល​រត់គេច​ខ្លួន​រយៈពេល​៨​ឆ្នាំ​ពាក់ព័ន្ធ​នឹង​ករណី​ប្លន់​

ខេត្ត​ស្វាយរៀង ៖ កម្លាំង​អធិការនគរបាល ស្រុក​ត្រពាំង​ប្រា សាទ ខេត្ត​ឧត្តរមានជ័យ បាន​ធ្វើ​ស្រាវ ជ្រាវ និង​ឃាត់ខ្លួន ជនសង្ស័យ​ម្នាក់ ជា​មុខសញ្ញា​ប្លន់ តាម​ដី​ការចាប់ខ្លួន​លេខ​៦៨ ចុះ​ថ្ងៃ​ទី​២២ ខែមិថុនា ឆ្នាំ​២០១០ របស់​ចៅក្រម​ស៊ើបសួរ នៃ​សាលាដំបូង​ខេត្ត​ស្វាយរៀង​។​

​សមត្ថកិច្ច​នគរបាល​ស្រុក​ត្រពាំង​ប្រា សាទ បានអោយដឹង​ថា​ជនសង្ស័យ​ឈ្មោះ អោ រ័ត្ន ហៅ ង៉ោ​ល ភេទ​ប្រុស អាយុ ៣៤​ឆ្នាំ ស្រុកកំណើត នៅ​ភូមិ​បុស្ស ឃុំ​ត្រល់ ស្រុក​រមាស​ហែក ខេត្ត​ស្វាយរៀង ហើយ​ត្រូវបាន​ឃាត់ខ្លួន​នៅ​វេលា​ម៉ោង​៦ និង​៣០​នាទី ល្ងាច​ថ្ងៃ ទី​១៣ ខែ​មករា ឆ្នាំ​២០១៨ ខណៈពេល​ជនសង្ស័យ​កំពុង​ជិះ​រថយន្តឈ្នួល ។​

​អធិការនគរបាល​ស្រុក​ត្រពាំង​ប្រាសាទ​បាន​អោយដឹងថា ជនសង្ស័យ​ខាងលើ​បាន រត់គេចខ្លួន ពី​ខេត្ត​ស្វាយរៀង​តាំងពី​បាន​ធ្វើ​សកម្មភាព​ប្លន់​កាលពី​ឆ្នាំ​២០១០ ដោយ​បន្តធ្វើ សកម្មភាព​លួច និង​កាច់​សោ​ម៉ូតូ​ជា​បន្តរ​បន្ទាប់​នៅ​ខេត្ត​ផ្សេងៗ ហើយ​ជា​ចុងក្រោយ ក៍មក​ស្នាក់​នៅ​បណ្តោះអាសន្ន ក្នុង​ភូមិ​អូរ​ក្រូច ឃុំ​និង​ស្រុក​ត្រពាំង​ប្រាសាទ ខេត្ត​ឧត្តរមានជ័យ អស់​រយៈពេល​ជាង​១​ឆ្នាំ​មកហើយ  ។​

​សមត្ថកិច្ច​បន្តថា ដោយ​មាន​ការសហការ​ជាមួយ​អធិការ ស្រុក​ត្រពាំង​ប្រាសាទ​ខេត្ត ឧត្តរមានជ័យ និង​អធិការ​ស្រុក​រមាស ហែក ខេត្ត​ស្វាយរៀង ក៏​ឈាន​ដល់កំ ណ​ត់ មុខសញ្ញា​ចាប់ខ្លួន​ជនសង្ស័យ​ខាងលើ ឃាត់ខ្លួន​នៅ​ល្ងាច​នា​ថ្ងៃទី​១៣ ខែ​មករា ឆ្នាំ​២០១៨ ខណៈពេល​ជន កំពុង​ជិះ​រថយន្តឈ្នួល ហើយ​ក៏​ប្រគល់​ទៅ​អោយ​កម្លាំង​នគរបាល​ស្រុក​រមាស​ហែក ខេត្ត​ស្វាយរៀង​វិញ​ដើម្បី​ចាត់ការ​តាម និតិ​វិធី ៕
​ដោយ ៖ មាឃ សុខា​

 

h180115a3

Source link

សមត្ថកិច្ច​ច្រករបៀង​អូរ​បី​ជាន់ នៅតែ​ឃុបឃិត​ឲ្យ​ឈ្មួញ​នាំចូល​ជ្រូក មាន់ និង​គោ តាម​អំពើ​ចិត្ត​

ប្រភពពី​មន្ត្រី​អាជ្ញាធរ​មូលដ្ឋាន​និង​ប្រជាពលរដ្ឋ​នៅ​ភូមិ​អូរ​បី​ជាន់ ឃុំ​អូរ​បី​ជាន់ ស្រុក​អូរជ្រៅ ខេត្តបន្ទាយមានជ័យ បាន​ឲ្យ​ដឹងថា​បច្ចុប្បន្ន​ឈ្មួញ​នៅតែ​អាច​នាំចូល​ជ្រូក​រស់ មាន់​រស់ និង​គោ ពី​ប្រទេស​សៀម ចូល​តាម​ច្រក​នេះ​យ៉ាង​ពេញបន្ទុក​ដោយសារ​មានការ​ឃុបឃិត​បើកដៃ​ពី​សំណាក់​មន្ត្រី​ជំនាញ និង​សមត្ថកិច្ច​ពុករលួយ​។ ចំណែក​លោក សួន បវរ អភិបាលខេត្ត​បន្ទាយមានជ័យ និង​លោក​ឧ​ត្ត​ម​សេនីយ៍​ទោ អាត់ ខែម ស្នងការ​នគរបាល​ខេត្តបន្ទាយមានជ័យ មិន​យកចិត្តទុកដាក់​ទប់ស្កាត់​បទល្មើស​ឆ្លងដែន​ឲ្យ​ស្របទៅតាម​បទបញ្ជា​របស់​ថ្នាក់ដឹកនាំ​ក្រសួងមហាផ្ទៃ​នោះទេ​។ ប្រភព​ខ្លះ​សង្ស័យថា លោក អាត់ ខែម ស្នងការ​នគរបាល​ខេត្តបន្ទាយមានជ័យ និង​លោក សួន បវរ អភិបាលខេត្ត​បន្ទាយមានជ័យ គិតតែ​ពី​រឿង​ផលប្រយោជន៍​ទើប​បណ្ដោយ​ឲ្យ​បទល្មើស​ឆ្លងដែន​កើតឡើង​យ៉ាង​ពេញបន្ទុក​ទាំង​នៅ​ច្រករបៀង​អូរ​បី​ជាន់ និង​ច្រករបៀង​ច្រើន​កន្លែង​ទៀត​ក្នុងស្រុក​អូរជ្រៅ ស្រុក​ម៉ាឡៃ ស្រុក​ថ្មពួក និង​ស្រុក​ស្វាយចេក​។

មន្ត្រីរាជការ​និង​ប្រជាពលរដ្ឋ​ក្នុង​ខេត្តបន្ទាយមានជ័យ បាន​ឲ្យ​ដឹងថា លោក ហ៊ុយ ទូច ប្រធានការិយាល័យ​ផលិតកម្ម​និង​បសុព្យាបាល​នៃ​មន្ទីរ​កសិកម្ម​ខេត្តបន្ទាយមានជ័យ ឬ​ហៅថា​ប្រធាន​ពេទ្យសត្វ​ខេត្តបន្ទាយមានជ័យ​នោះ កំពុង​កាក់កប​ក្នុងការ​ប្រមូល​លុយ​ពី​ឈ្មួញ​នាំចូល​ជ្រូក​រស់ មាន់​រស់ និង​គោ​ពី​ប្រទេស​សៀម ចូល​ស្រុក​ខ្មែរ តាម​ច្រករបៀង​អូរ​បី​ជាន់ ស្រុក​អូរជ្រៅ​។ ប្រសិនបើ​គ្មាន​ការឃុបឃិត​បើកដៃ​ពី​សំណាក់​លោក ហ៊ុយ ទូច ទេនោះ​គឺ​គ្មាន​ឈ្មួញ​ណា​អាច​នាំចូល​ជ្រូក​រស់ មាន់​រស់ គោ និង​ផលិតផល​ពីស​ត្វ​ច្រើន​ប្រភេទ​តាម​ច្រករបៀង​អូរ​បី​ជាន់ ស្រុក​អូរជ្រៅ ខេត្តបន្ទាយមានជ័យ បានឡើយ​។ ប្រធាន​មន្ទីរ​កសិកម្ម​ខេត្តបន្ទាយមានជ័យ កំពុង​សម្ងំ​ទទួលផល​ប្រយោជន៍​យ៉ាង​សុខ​ស្រួល​ពី​សំណាក់​លោក ហ៊ុយ ទូច ប្រធាន​ពេទ្យសត្វ​ខេត្តបន្ទាយមានជ័យ ហើយ​បណ្ដោយ​ឲ្យ​លោក ហ៊ុយ ទូច ធ្វើ​អ្វីៗ​តាម​អំពើ​ចិត្ត​។

មន្ត្រី​យោធា​និង​មន្ត្រីនគរបាល​ជាច្រើន​នាក់ ត្រូវបាន​គេ​ដឹងថា​ជា​អ្នក​ឃុបឃិត​បើក​ច្រករបៀង​អូរ​បី​ជាន់ ឲ្យ​ឈ្មួញ​នាំចូល​ជ្រូក​រស់ មាន់​រស់ គោ និង​ផលិតផល​ពីស​ត្វ​ច្រើន​ប្រភេទ​ទៀត ដើម្បី​ជា​ថ្នូរ​នឹង​ផលប្រយោជន៍ ហើយក៏​មាន​ករណី​ឈ្មួញ​នាំចូល​រថយន្ត​ចង្កូត​ស្ដាំ ម៉ូតូ​គេចពន្ធ និង​ទំនិញគេចពន្ធ តាម​ច្រក​អូរ​បី​ជាន់​នេះដែរ​។ ដូច្នេះ​ថ្នាក់ដឹកនាំ​ក្រសួងមហាផ្ទៃ ជាពិសេស​នាយ​ឧ​ត្ត​ម​សេនីយ៍ នេ​ត សាវឿន អគ្គស្នងការ​នគរបាល​ជាតិ គួរពិនិត្យមើល​បញ្ហា​ខាងលើនេះ​ផង ព្រោះ​លោក សួន បវរ អភិបាលខេត្ត​បន្ទាយមានជ័យ និង​លោក អាត់ ខែម ស្នងការ​នគរបាល​ខេត្តបន្ទាយមានជ័យ មិន​អនុវត្តន៍​តាម​បទបញ្ជា​របស់​ថ្នាក់ដឹកនាំ​ក្រសួងមហាផ្ទៃ​នោះទេ​។ ថ្មីៗ​កន្លងទៅនេះ​ថ្នាក់ដឹកនាំ​ក្រសួងមហាផ្ទៃ បានចេញ​បទបញ្ជា​ឲ្យ​បិទ​ច្រករបៀង​តាម​តំបន់​ព្រំដែន​ខ្មែរ​-​សៀម ទាំងអស់​នៅក្នុង​ខេត្តបន្ទាយមានជ័យ ក៏ប៉ុន្តែ​ជាក់ស្ដែង​ច្រករបៀង​អូរ​បី​ជាន់ ស្រុក​អូរជ្រៅ និង​ច្រករបៀង​ចម្ការ​គ ស្រុក​ស្វាយចេក នៅតែ​ដំណើរ​យ៉ាង​រលូន​។ មិនតែប៉ុណ្ណោះ​សមត្ថកិច្ច​នៅ​ច្រករបៀង​អូរ​បី​ជាន់ កំពុង​បើកដៃ​ឲ្យ​ឈ្មួញ​នាំចូល​ជ្រូក​រស់ មាន់​រស់ គោ ព្រមទាំង​ទំនិញគេចពន្ធ និង​ទំនិញ​ខុសច្បាប់​យ៉ាង​ពេញបន្ទុក​តែម្តង ហើយ​ប្រមូល​លុយ​តាមរបៀប​ពុករលួយ​ដោយ​គ្មាន​ញញើត​អ្វី​ឡើយ​៕

145 146 26913490_407672299653736_967672113_n

Source link

បទល្មើស​កាប់​ឈើ​ក្នុង​តំបន់​ដែន​ឧទ្យាន​ជាតិ​អូរ​យ៉ា​ដាវ កំពុង​កើតឡើង​យ៉ាង​មហន្តរាយ​

ប្រភពពី​ប្រជាពលរដ្ឋ​៤​ភូមិ ក្នុង​ឃុំ​យ៉ា​ទុង ស្រុក​អូរ​យ៉ា​ដាវ ខេត្តរតនគិរី បាន​ឲ្យ​ដឹងថា ព្រៃឈើ​ក្នុង​តំបន់​ដែន​ឧទ្យាន​ជាតិ​អូ​រយ៉ា​ដាវ កំពុង​រង​ការបំផ្លាញ​យ៉ាង​ពេញបន្ទុក ហើយ​មន្ត្រី​បរិស្ថាន មន្ត្រី​អាជ្ញាធរ​មូលដ្ឋាន និង​សមត្ថកិច្ច​ពាក់ព័ន្ធ​មិន​ចាត់វិធានការ​ទប់ស្កាត់​នោះទេ​។ មន្ត្រី​បរិស្ថាន​ប្រចាំ​តំបន់​ឧទ្យាន​ជាតិ​អូ​រយ៉ា​ដាវ ត្រូវបាន​សកម្មជន​ព្រៃឈើ​និង​មន្ត្រី​អង្គការក្រៅរដ្ឋាភិបាល រិះគន់ថា​គឺជា​អ្នក​ឃុបឃិត​ឲ្យ​ឈ្មួញ​កាប់​ឈើ​ប្រណីត​និង​ឈើ​ប្រភេទ​លេខ​១​ដឹកជញ្ជូន​ចេញទៅ​ស្រុក​យួន​យ៉ាង​ពេញបន្ទុក​ដើម្បី​ជា​ថ្នូរ​នឹង​ផលប្រយោជន៍​។ ការដែល​មន្ត្រី​បរិស្ថាន​ប្រចាំ​ឧទ្យាន​ជាតិ​អូរ​យ៉ា​ដាវ ហ៊ាន​បើកដៃ​ឲ្យ​ឈ្មួញ​កាប់​ឈើ​និង​ដឹកជញ្ជូន​ឈើ​ចេញទៅ​ស្រុក​យួន​យ៉ាង​រាលដាល គឺអាច​មានការ​ឃុបឃិត​បើកដៃ​ពី​សំណាក់​ប្រធាន​មន្ទីរ​បរិស្ថាន​ខេត្តរតនគិរី ផងដែរ​ទើប​អ្វីៗ​អាច​ប្រព្រឹត្ត​ទៅដោយ​រលូន​។

មន្ត្រី​អង្គការក្រៅរដ្ឋាភិបាល​បាន​ឲ្យ​ដឹងថា ឧទ្យាន​ជាតិ​អូ​រយ៉ា​ដាវ ដែលមាន​ទំហំ​ជាង​១០​ម៉ឺន​ហិកតា​ស្ថិតនៅក្នុង​ឃុំ​យ៉ា​ទុង ស្រុក​អូរ​យ៉ា​ដាវ ខេត្តរតនគិរី កំពុង​កើតមាន​បទល្មើស​កាប់​ឈើ​និង​ដឹកជញ្ជូន​ឈើ​ចេញទៅ​ស្រុក​យួន​យ៉ាង​ពេញបន្ទុក​តែម្តង​។ ឈ្មួញ​ធំៗ​ដែលមាន​ខ្នងបង្អែក​រឹងមាំ​នៅក្នុង​ខេត្តរតនគិរី កំពុង​បង្កើន​សកម្មភាព​កាប់​ឈើ​និង​ដឹកជញ្ជូន​ឈើ​ចេញទៅ​ស្រុក​យួន​តាម​អំពើ​ចិត្ត ព្រោះ​មានការ​ឃុបឃិត​បើកដៃ​ពី​សំណាក់​មន្ត្រី​បរិស្ថាន មន្ត្រី​អាជ្ញាធរ​ស្រុក​អូរ​យ៉ា​ដាវ និង​មន្ត្រីរដ្ឋបាល​ព្រៃឈើ ព្រមទាំង​សមត្ថកិច្ច​ពាក់ព័ន្ធ​ដទៃទៀត​ដែល​គិតតែ​ពី​រឿង​ប្រមូល​លុយ​តាមរបៀប​ពុករលួយ​។ បញ្ហា​នេះ​លោក សាយ សំ​អាល់ រដ្ឋមន្ត្រី​ក្រសួងបរិស្ថាន មិនគួរ​បណ្ដែតបណ្ដោយ​តទៅទៀត​ទេ ក្នុងខណៈដែល​ព្រៃឈើ​ក្នុង​តំបន់​ឧទ្យាន​ជាតិ​អូ​រយ៉ា​ដាវ កំពុង​ប្រឈម​នឹង​សេចក្ដី​វិនាស​នាពេល​ឆាប់ៗ​ខាងមុខ​។

​ប្រជា​សហគមន៍​ការពារ​ព្រៃឈើ​ក្នុងស្រុក​អូ​រយ៉ា​ដាវ បាន​លើកឡើងថា មិនមែន​តែ​នៅក្នុង​ឧទ្យាន​ជាតិ​អូរ​យ៉ា​ដាវ​ប៉ុណ្ណោះ​ទេ ដែល​បទល្មើស​កាប់​ឈើ​និង​ដឹកជញ្ជូន​ឈើ​ចេញទៅ​ស្រុក​យួន​កំពុង​កើតឡើង​យ៉ាង​អនាធិបតេយ្យ ហើយ​គ្មាន​ការបង្ក្រាប​ពី​មន្ត្រី​ជំនាញ មន្ត្រី​អាជ្ញាធរ និង​សមត្ថកិច្ច​ពាក់ព័ន្ធ​។ សូម្បី​តែព្រៃ​អភិរក្ស ព្រៃ​ការពារ និង​ព្រៃ​សក្ការៈ​របស់​ជនជាតិដើម​ភាគតិច​ក្នុងស្រុក​អូ​រយ៉ា​ដាវ ជាពិសេស​ព្រៃឈើ​តាម​តំបន់​ព្រំដែន​ខ្មែរ​-​យួន​កំពុង​ប្រឈម​នឹង​ការបំផ្លាញ​យ៉ាង​មហន្តរាយ​មួយរយៈ​ពេល​ចុងក្រោយ​នេះ​។ ប្រជា​សហគមន៍​ការពារ​ព្រៃឈើ​ក្នុងស្រុក​អូ​រយ៉ា​ដាវ ស្រុក​លំផាត់ ស្រុក​វ៉ើ​ន​សៃ ស្រុក​អណ្ដូង​មាស ស្រុក​បរ​កែវ ស្រុក​តា​វែង និង​ស្រុក​កូន​មុំ បាន​ឲ្យ​ដឹងថា លោក ថង សាវុន អភិបាលខេត្ត​រតនគិរី ក៏ដូចជា​ប្រធាន​មន្ទីរ​បរិស្ថាន​ខេត្តរតនគិរី និង​ប្រធាន​មន្ទីរ​កសិកម្ម​ខេត្តរតនគិរី មិន​គិតគូរ​ចាត់វិធានការ​បង្ក្រាប​ប​ទ​ល្មើស​បំផ្លាញ​ព្រៃឈើ​ដែល​កំពុង​កើតឡើង​យ៉ាង​ពេញបន្ទុក​នោះទេ ហើយ​កំពុង​សប្បាយ​ប្រមូល​លុយ​ពីបទ​ល្មើស​ព្រៃឈើ​យ៉ាង​ក្រអឺតក្រទម​៕
26857123_407672499653716_1756919197_n 26914019_407672809653685_1670584016_n 26913677_407672642987035_710792088_n 26914169_407672546320378_11754374_n

Source link

កូនប្រសា​មេ​ឈ្មួញ គង់ ក្រឹ​ង ឈ្មោះ សុះ កំពុង​ល្បី​ខាង​ប្រមូល​ទិញ​ឈើ​និង​ដឹកជញ្ជូន​ឈើ​ចេញទៅ​ស្រុក​យួន​

តាម​ការ​បង្ហើប​ពី​ឈ្មួញ​តូចតាច​មួយចំនួន​បាន​ឲ្យ​ដឹងថា ឥឡូវនេះ​មាន​ឈ្មួញ​ម្នាក់​ឈ្មោះ សុះ កំពុង​ធ្វើ​សកម្មភាព​ប្រមូល​ទិញ​ឈើ​នៅ​ចំណុច​រលួស ស្រែ​ចៀស និង​ស្រែ​ចារ ហើយ​ដឹកជញ្ជូន​ចេញទៅ​ស្រុក​យួន​ដោយ​គ្មាន​សមត្ថកិច្ច​ណា​ប៉ះពាល់​ឡើយ​។ ប្រភព​បាន​ឲ្យ​ដឹង​ទៀតថា ឈ្មួញ​ឈ្មោះ សុះ គឺជា​មន្ត្រី​យោធា​ដែលមាន​តួនាទី​ជា​មេបញ្ជាការរង​វរ​ការពារ​ព្រំដែន​លេខ​២០៤ ស្រុក​ស្នួល ខេត្តក្រចេះ និង​ជា​កូនប្រសា​របស់​មេ​ឈ្មួញ គង់ ក្រឹ​ង ដែល​ល្បីល្បាញ​ខាង​ដឹកជញ្ជូន​ឈើ​ចេញទៅ​ស្រុក​យួន​ជា​យូរ​មកហើយ​។ ប្រការនេះ​គឺជា​រឿង​ដែល​ក្រសួង​និង​ស្ថាប័ន​ពាក់ព័ន្ធ​មិនគួរ​មើលរំលង​នោះទេ ព្រោះ​បច្ចុប្បន្ន​ឈ្មួញ​ឈ្មោះ សុះ ដែលជា​កូនប្រសា​មេ​ឈ្មួញ គង់ ក្រឹ​ង កំពុង​ល្បី​ខាង​ដឹកជញ្ជូន​ឈើ​ចេញទៅ​ស្រុក​យួន​មិន​ចាញ់​ឪពុកក្មេក​របស់ខ្លួន​នោះឡើយ​។

មន្ត្រី​អាជ្ញាធរ​និង​សមត្ថកិច្ច​មូលដ្ឋាន​ក្នុងស្រុក​ស្នួល ខេត្តក្រចេះ បាន​ឲ្យ​ដឹងថា បច្ចុប្បន្ន​ឈ្មួញ​ឈ្មោះ សុះ កំពុង​បង្កើន​សកម្មភាព​ប្រមូល​ទិញ​ឈើ​ពី​តំបន់​នានា​ក្នុង​ខេត្តក្រចេះ ហើយ​ដឹកជញ្ជូន​ចេញទៅ​ស្រុក​យួន​តាម​ច្រករបៀង​និង​ច្រកព្រំដែន​ក្នុងស្រុក​ស្នួល ខេត្តក្រចេះ ដោយ​គ្មាន​សមត្ថកិច្ច​ណា​ហ៊ាន​ប៉ះពាល់​នោះទេ​។ សមត្ថកិច្ច​មួយចំនួន​មានការ​យោគយល់​ដល់​មេ​ឈ្មួញ គង់ ក្រឹ​ង ដែលជា​ឧកញ៉ា និង​ជា​ឧ​ត្ត​ម​សេនីយ៍​យោធា ទើប​មិន​ហ៊ាន​ប៉ះពាល់​ឈ្មួញ​ឈ្មោះ សុះ ដែល​ត្រូវជា​កូនប្រសា​របស់​ឧកញ៉ា គង់ ក្រឹ​ង​។ សកម្មភាព​ប្រមូល​ទិញ​ឈើ​និង​ដឹកជញ្ជូន​ឈើ​ចេញទៅ​ស្រុក​យួន​របស់​ឈ្មួញ​ឈ្មោះ សុះ អាច​ប្រព្រឹត្តទៅ​យ៉ាង​រលូន​ព្រោះ​សមត្ថកិច្ច​តាម​ដងផ្លូវ​ក្នុង​ខេត្តក្រចេះ ក៏ដូចជា​សមត្ថកិច្ច​តាម​ច្រកព្រំដែន​និង​ច្រករបៀង​ក្នុងស្រុក​ស្នួល ខេត្តក្រចេះ គិតតែ​ពី​រឿង​ប្រមូល​លុយ​តាមរបៀប​ពុករលួយ​។

ប្រភពពី​មន្ត្រី​យោធា​នៅក្នុង​អង្គភាព​វរ​ការពារ​ព្រំដែន​លេខ​២០៤ ស្រុក​ស្នួល ខេត្តក្រចេះ មួយចំនួន​បាន​បង្ហើប​ឲ្យ​ដឹងថា បច្ចុប្បន្ន​ឈ្មួញ​ឈ្មោះ សុះ មិនសូវ​មក​បំពេញការងារ​តាម​តួនាទី​របស់ខ្លួន​ដែលជា​មេបញ្ជាការរង​យោធា​វរ​ការពារ​ព្រំដែន​លេខ​២០៤​នោះទេ ហើយ​ផ្ទុយទៅវិញ​ឈ្មួញ​ឈ្មោះ សុះ បាន​ប្រើប្រាស់​អំណាច​និង​តួនាទី​របស់ខ្លួន​ទៅ​ប្រមូល​ទិញ​ឈើ​ហើយ​ដឹកជញ្ជូន​ឈើ​ចេញទៅ​ស្រុក​យួន​យ៉ាង​ពេញបន្ទុក​មិន​ចាញ់​មេ​ឈ្មួញ គង់ ក្រឹ​ង ដែលជា​ឪពុកក្មេក​របស់ខ្លួន​នោះឡើយ​។ ប្រការនេះ​កំពុងតែ​ធ្វើ​ឲ្យ​ព្រៃឈើ​ដែល​នៅ​សេសសល់​ក្នុង​ខេត្តស្ទឹងត្រែង ខេត្តក្រចេះ និង​ខេត្តមណ្ឌលគិរី ត្រូវ​ប្រឈម​នឹង​សេចក្ដី​វិនាស​ព្រោះ​ឈ្មួញ​ឈ្មោះ សុះ និង​ឪពុកក្មេក​ឈ្មោះ គង់ ក្រឹ​ង បង្កើន​សកម្មភាព​ដឹកជញ្ជូន​ឈើ​ចេញទៅ​ស្រុក​យួន​យ៉ាង​គគ្រឹកគគ្រេង​។ ចំណែក​មន្ត្រី​ជំនាញ​និង​សមត្ថកិច្ច​ពាក់ព័ន្ធ​ព្រមទាំង​មន្ត្រី​គណៈកម្មការ​បង្ក្រាប​និង​ទប់ស្កាត់​បទល្មើស​ព្រៃឈើ​ដែល​ឈរជើង​នៅ​ខេត្តក្រចេះ នាំគ្នា​សម្ងំស្ងៀម​ធ្វើ​មិនដឹងមិនឮ​អ្វី​ទាំងអស់ ហើយ​ទុក​ឲ្យ​ឈ្មួញ​ឈ្មោះ សុះ និង​ឪពុកក្មេក​ឈ្មោះ គង់ ក្រឹ​ង បង្កើន​សកម្មភាព​ដឹកជញ្ជូន​ឈើ​ចេញទៅ​ស្រុក​យួន​យ៉ាង​ពេញបន្ទុក​តែម្តង​៕

26994698_407672882987011_988297956_n 26941073_407672972987002_1517367486_n 26855745_407672936320339_698322767_n 26856005_407672906320342_2102191741_n

Source link

ចោរឆក់​២​នាក់​ត្រូវ​ប្រជាពលរដ្ឋ​ស្វាគមន៍​យ៉ាង​ចាស់ដៃ មុន​ដល់​សមត្ថកិច្ច​

រាជធានី​ភ្នំពេញ ៖ ប្រជាពលរដ្ឋ​នាំគ្នា​ចាប់ និង​ស្វាគមន៍​ចោរឆក់​២​នាក់ រួច​ប្រគល់ជូន សមត្ថកិច្ច បន្ទាប់ពី​ក្រុមចោរឆក់​ទាំង​២​នាក់ នោះ​ធ្វើ​សកម្មភាព ឆក់​កាបូប​ពី​ជនបរទេស កាលពី​វេលា​ម៉ោង​១១ និង​៥០​នាទី យប់​ថ្ងៃទី ១៤ ខែ មករា ឆ្នាំ ២០១៧ ក្នុង​

ស​ង្គា​ត់​ចតុមុខ ខណ្ឌដូនពេញ ។​
​តាម​ប្រជាពលរដ្ឋ​ដែល​ឃើញ​ហេតុការណ៍​បាន​ឲ្យ​ដឹងថា ដំបូង​ឡើយ​ជនសង្ស័យ​ទាំងពីរ​នាក់​មានឈ្មោះ ជា ពិ​សិទ្ធ អាយុ​១៨​ឆ្នាំ រស់នៅ សង្កាត់​ព្រែក​លាភ និង​ម្នាក់ទៀត មានឈ្មោះ ជួន សុ​ភី អាយុ​១៨​ឆ្នាំ​ដូចគ្នា សង្កាត់​ទួល​សង្កែ ខណ្ឌ​ឬ​ស្សី​កែវ​។ ជនសង្ស័យ​ទាំងពីរ​នាក់ បានធ្វើ​សកម្មភាព​ឆក់​ទូរស័ព្ទ ពី​ជនបរទេស​ពីរ​នាក់​ដែល កំពុង​ដើរ និយាយ​ទូរស័ព្ទ នៅ​ម្តុំ​ផ្សារកណ្តាល ។ ប៉ុន្តែ​ភ្លាមៗ​នោះ​ប្រជាពលរដ្ឋ​បាន​នាំ​ដេញចាប់ ហើយ​បាន​ស្វាគមន៍​យ៉ាង​ចាស់ដៃ ទើប​ប្រគល់​ឲ្យ​សមត្ថកិច្ច ខណ្ឌដូនពេញ​៕

379

Source link