ព័ត៌មានខ្មែរ

ជួប សម្លាប់ ប្តឹង​ឧទ្ធរណ៍ ដោយ​យល់ថា​ទោស​ធ្ងន់​ពេក​ | មាតុភូមិ

ជួប សម្លាប់ ប្តឹង​ឧទ្ធរណ៍ ដោយ​យល់ថា​ទោស​ធ្ងន់​ពេក​

ang8551

​ភ្នំពេញ​៖ អឿ​ត អាង ហៅ​ជួប សម្លាប់ ឃាតក​សម្លាប់​លោក​កែម​ឡី​បា​នស​ម្រ​ច​ចិត្ត​ប្តឹង​ឧទ្ធរណ៍ ដើម្បី​ប្រឆាំងនឹង​សាលក្រម​សាលាដំបូង​រាជធានី​ភ្នំពេញ ដែល​ផ្តន្ទាទោស​ដាក់ពន្ធនាគារ​អស់​មួយជីវិត វា ធ្ងន់ធ្ងរ​ពេក ។​


​មេធាវី​ការពារ​ក្ដី​ជួប សម្លាប់ គឺ លោក យុង ផានិត ថ្លែងប្រាប់ នៅ​ព្រឹក​ថ្ងៃទី​២១ ខែមេសា ឆ្នាំ​២០១៧ ថា លោក​បានដាក់​ពាក្យបណ្ដឹង​ឧទ្ធរណ៍​កាលពី​ថ្ងៃទី​២០ ខែមេសា តាម​ឆន្ទៈ​របស់​កូនក្តី ។ លោក​មេធាវី អះអាងថា មូលហេតុ​នៃ​ការប្តឹង​ឧទ្ធរណ៍​នេះ ដោយសារ​ជួប សម្លាប់ យល់ថា ទោស​ជាប់ពន្ធនាគារ​អស់​មួយជីវិត គឺ ធ្ងន់ធ្ងរ​ពេក​ដែល​ធ្វើ​ឲ្យ​គេ​គ្មាន​ឱកាស​កែប្រែ​កំហុស ហើយ​គេ​សង្ឃឹមថា សាលាឧទ្ធរណ៍​នឹង​ផ្តល់​ស្ថានសម្រាលទោស​ដល់​រូបគេ ។​
​គួរ​បញ្ជាក់ថា ជនជាប់ចោទ ត្រូវបាន​សាលាដំបូង​រាជធានី​ភ្នំពេញ កាលពី​ថ្ងៃទី​២៣ ខែមីនា ឆ្នាំ​២០១៧ ផ្តន្ទាទោស​អស់​មួយជីវិត ពាក់ព័ន្ធ​ឃាតកម្ម​លើ​លោក​បណ្ឌិត កែម ឡី ក្រោម​ការចោទប្រកាន់​ពីបទ​ឃាតកម្ម​គិតទុក​ជាមុន និង​បទ​រក្សាទុក​អាវុធ​ខុសច្បាប់ តាម​មាត្រា​២០០​និង​មាត្រា​៤៩០​នៃ​ក្រមព្រហ្មទណ្ឌ ។​
​លោក យុង ផានិត ធ្លាប់​ថ្លែងប្រាប់​ក្រុម​អ្នកសារព័ត៌មាន​ថា តុលាការ​សម្រេច​បំបែកសំណុំរឿង​បន្ថែម ដើម្បី​ស៊ើបអង្កេត​រក​អត្តសញ្ញាណ​អ្នក​ដែល​ផ្តល់​អាវុធ​ដល់ ជួប សម្លាប់ និង អត្តសញ្ញាណ​អ្នក​ដែល​នាំ​ជួប សម្លាប់ ឲ្យ​ស្គាល់​បណ្ឌិត កែម ឡី ។​
​នា​សវនាការ​កន្លងទៅ ជនជាប់ចោទ អឿ​ត អាង ហៅ​ជួប សម្លាប់ នៅតែ​សារភាពថា ខ្លួន​ពិតជា​អ្នកបាញ់​សម្លាប់​លោក​បណ្ឌិត កែម ឡី ពិតប្រាកដ​មែន ហើយ​សកម្មភាព​នេះ គឺ ខ្លួន​ធ្វើ​តែម្នាក់ឯង ពុំមាន​អ្នក​នៅ​ពីក្រោយ​ខ្នង​នោះទេ បើទោះបីជា​ក្រុមគ្រួសារ​នៃ​សព​មិន​ជឿ​ក៏ដោយ ។​
​ជនជាប់ចោទ ជួប សម្លាប់ អះអាង​ទៀតថា មូលហេតុ​ដែល​ខ្លួន​សម្លាប់​លោក​បណ្ឌិត កែម ឡី ព្រោះ​ខឹង​នឹង​ជនរងគ្រោះ​ដែល​ជំពាក់​ប្រាក់​ចំនួន​៣០០០​ដុល្លារ មិន​ព្រម​សង ទើប​ខ្លួន​ធ្វើ​សកម្មភាព​បែបនេះ​តែម្តង ។​
​នៅក្នុងពេល​សវនាការ តុលាការ​ក៏បាន​បង្ហាញ​កាមេរ៉ា​សុវត្ថិភាព​នៅ​បរិវេណ​ក្នុង​ស្តារ​ម៉ា​ត រហូតដល់​ចំណុច​មុខ​វត្ត​ស្វាយ​ពពែ ដែល​បង្ហាញថា ក្នុង​អំពើ​ឃាតកម្ម​នេះ គឺ មានតែ​ជនជាប់ចោទ ជួប សម្លាប់ ម្នាក់​ប៉ុណ្ណោះ ។ រីឯ ក្រយៅដៃ​លើ​កាំភ្លើង ត្រូវបាន​លទ្ធផល​កោសល្យវិច័យ​បង្ហាញថា ពិតជា​ក្រយៅដៃ​របស់ ជួប សម្លាប់ ពិតប្រាកដ​មែន ។​
​អឿ​ត អាង ហៅ​ជួប សម្លាប់ ត្រូវបាន​សមត្ថកិច្ច​ឃាត់ខ្លួន​ភ្លាមៗ ក្រោយពី​បាញ់សម្លាប់​លោក​បណ្ឌិត កែម ឡី កាលពី​វេលា​ម៉ោង​៨៖៥០​នាទី ព្រឹក​ថ្ងៃទី​១០​ខែកក្កដា ឆ្នាំ​២០១៦ នៅ​ចំណុច​ក្នុង​ទីតាំង ស្តារ​ម៉ា​ត នៃ​ស្ថានីយប្រេងឥន្ធនៈ​កាល់​តិច បូកគោ ស្ថិតនៅ​កាច់ជ្រុង​មហាវិថី​ព្រះមុនីវង្ស និង មហាវិថី​ម៉ៅ​សេទុង ក្នុង​សង្កាត់​ទន្លេបាសាក់ ខណ្ឌចំការមន ៕

ang8551
 

Source link

លោកឧកញ៉ាលក្សណ៍ បន្តដឹកជញ្ជូនឈើប្រណីតទៅលក់នៅប្រទេសយួនដោយគ្មានសមត្ថកិច្ចណាហ៊ានទប់ស្កាត់

ក្រុមហ៊ុនឧកញ៉ា អ៊ឹង តាន់វីរៈ ហៅលក្សណ៍ ត្រូវបានប្រជាពលរដ្ឋខេត្តមណ្ឌលគិរី បញ្ជាក់ថាថ្មីៗនេះ បានសម្រុកដឹកជញ្ជូនឈើទៅគរស្តុកទុក ហើយធ្វើការដឹកជញ្ជូនទៅលក់នៅប្រទេសយួនដោយមិនមានមន្ត្រីជំនាញឬសមត្ថកិច្ច ណាហ៊ានធ្វើការត្រួតពិនិត្យ ឬបង្ក្រាបនោះឡើយ។ ប្រភពដដែលបានបញ្ជាក់ថា ឈើភាគច្រើនជាឈើដែលសមត្ថកិច្ចជំនាញបង្រ្កាបបានពីឈ្មួញផ្សេងៗ ហើយប្រមូលលក់ឲ្យឧកញ៉ា លក្សណ៍ ដែលមានឥទ្ធិពលខ្លាំង។

ការនាំឈើចេញដោយមិនមានការកែច្នៃ ទៅប្រទេសយួនត្រូវបានរដ្ឋាភិបាលបញ្ឈប់ ប៉ុន្តែឧកញ៉ាលក្សណ៍ នៅតែមានឥទ្ធិពលខ្លាំង ក្នុងការនាំឈើចេញទៅបានដោយគ្មានសមត្ថកិច្ចណាទប់ស្កាត់ឡើយ។ សកម្មជនព្រៃឈើនៅខេត្តមណ្ឌលគិរី បានបញ្ជាក់ថា ការបង្រ្កាបបទល្មើសព្រៃឈើនៅក្នុងខេត្តខាងលើបង្រ្កាបបានតែឈ្មួញតូចតាចគ្មានបក្ខពួក ឬសូកលុយឲ្យមន្រ្តីជំនាញមិនគ្រប់ប៉ុណ្ណោះ ចំណែកឈ្មួញមានឥទ្ធិពលដូចជាឧកញ៉ា លក្សណ៍ នៅតែអាចធ្វើសកម្មភាពដឹកជញ្ជូនឈើយកទៅលក់ឲ្យឈ្មួញយួននៅព្រំដែនបានដដែល។

ច្រករបៀងនៅតាមព្រំដែនក្នុងភូមិសាស្រ្តខេត្តមណ្ឌលគិរី ត្រូវបានប្រជាពលរដ្ឋបញ្ជាក់ថា ភាគច្រើនជាកន្លែងរកស៊ីរបស់ឈ្មួញឈើ និងមន្រ្តីខិលខូចដែលឃុបឃិតជាមួយឈ្មួញនាំចូលទំនិញគេចពន្ធពីប្រទេសយួនផងដែរ។ ជាក់ស្តែងឈើរបស់ឧកញ៉ា លក្សណ៍ កំពុងតែធ្វើសកម្មភាពដឹកជញ្ជូនយកទៅលក់ឲ្យឈ្មួញយួនតាមច្ររបៀងព្រំដែននានាយ៉ាងរលូន ហើយករណីខ្លះមានសមត្ថកិច្ចជួយការពារផងដែរ។

ជុំវិញបញ្ហាខាងលើនេះ ប្រជាពលរដ្ឋបានស្នើថារដ្ឋាភិបាលគប្បីធានាថាការបង្រ្កាបបទល្មើសព្រៃឈើត្រូវតែប្រព្រឹត្តទៅដោយយុត្តិធម៌ មិនមែនបង្រ្កាបបានតែរាស្រ្តតូចតាច ចំណែកឈ្មួញធំៗនៅតែអាចប្រព្រឹត្តបទល្មើសបានយ៉ាងងាយស្រួលដដែល។ ប្រភពដដែលបានរិះគន់ថា សព្វថ្ងៃនេះមានឈើមួយចំនួនដែលបានមកពីការបង្រ្កាបបទល្មើសមិនបានដាក់ដេញថ្លៃលក់ត្រឹមត្រូវនោះទេ គឺមានតែការឃុបឃិតលក់យកលុយចែកគ្នាយ៉ាងសុខស្រួល៕

IMG_0655

Source link

​អ្នកធំ​គ្រាក់ៗ​សម្រាន្ត​លក់ ?  ព្រៃឈើ​ចុងក្រោយ​នៅ​ឃុំ​អូរ​សោម ស្រុក​វាលវែង ខេត្តពោធិ៍សាត់ រង​ការកាប់បំផ្លាញ​យ៉ាង​រង្គាល​

​ទាំង​ប្រជាពលរដ្ឋ ទាំង​អាជ្ញាធរ​មូលដ្ឋាន​បាន​សម្តែង​នូវ​ការព្រួយបារម្ភ​យ៉ាងខ្លាំង​ទៅនឹង​សកម្មភាព​កាប់​រុករាន​ដីព្រៃ​យ៉ាង​រង្គាល​យក​ដី​ធ្វើជា​កម្មសិទ្ធិ​នៅក្នុង​ភូមិសាស្ត្រ​ឃុំ​អូរ​សោម ស្រុក​វាលវែង ខេត្តពោធិ៍សាត់ ពី​សំណាក់​ក្រុមមនុស្ស​អាង​ខ្នងបង្អែក​អ្នកមានអំណាច …

[អានទាំងស្រុងនៅ WWW.DTN7.COM]

Source link

លោក សម រង្ស៊ី ពន្យល់ពីអត្ថន័យពាក្យ ផ្លាស់ប្តូរ សម្រាប់ប្រទេសកម្ពុជាយើងចាប់ពីឆ្នាំ ២០១៧ នេះទៅ

ក្នុងពេលដែលដំណើរការបោះឆ្នោតឃុំ-សង្កាត់ និងការបោះឆ្នោតថ្នាក់ជាតិ ឆ្នាំ២០១៧ និងឆ្នាំ២០១៨ នៅកម្ពុជាកាន់តែខិតជិតមកដល់នោះ លោក សម រង្ស៊ី អតីតប្រធានគណបក្សសង្គ្រោះជាតិ បានបញ្ជាក់ជាថ្មីថា ប្រជាពលរដ្ឋខ្មែរនិងពិភពលោកទាំងមូលនឹងមើលឃើញការផ្លាស់ប្តូរតាមបែបប្រជាធិបតេយ្យនៅប្រទេសកម្ពុជានាពេលខាងមុខនេះមិនខានឡើយ។

លោក សម រង្ស៊ី បានបញ្ជាក់ថា អ្វីគ្រប់យ៉ាងដែលកើតឡើងមិនល្អនៅប្រទេសកម្ពុជានឹងត្រូវបញ្ចប់ ហើយប្រទេសកម្ពុជានិងប្រជាពលរដ្ឋកម្ពុជា ស័ក្តិសមនឹងទទួលបាននូវភាពជាអ្នកដឹកនាំ និងអ្នកដឹកនាំល្អជាងពេលបច្ចុប្បន្ននេះ ហើយថាការផ្លាស់ប្តូរខាងមុខនេះគឺជាឆន្ទៈរបស់ប្រជាពលរដ្ឋខ្មែរភាគច្រើនដែលគ្មានអ្នកណាអាចទប់ស្កាត់បានឡើយ។

អតីតប្រធានគណបក្សសង្រ្គោះជាតិ លោក សម រង្ស៊ី បានពន្យល់ថា បញ្ហាជីវភាពរបស់ពលរដ្ឋ សេដ្ឋកិច្ចជាតិ អំពើពុករលួយ សេវាសាធារណៈ សន្តិសុខ និងសណ្តាប់ធ្នាប់សាធារណៈជាដើមនឹងត្រូវបានដោះស្រាយ និងជំរុញឲ្យកាន់តែមានភាពប្រសើរឡើងក្រោយពីមានការផ្លាស់ប្តូរមេដឹកនាំបច្ចុប្បន្នចេញដែលឈានទៅរកការជំរុញឲ្យប្រទេសកម្ពុជា និងប្រជាពលរដ្ឋកម្ពុជាទទួលបានការអភិវឌ្ឍលើផ្លូវត្រឹមត្រូវ។

ជុំវិញបញ្ហាខាងលើនេះ លោក សម រង្ស៊ី បានសង្កត់ធ្ងន់ថា ការកែទម្រង់ការបោះឆ្នោត និងឆន្ទៈចង់ផ្លាស់ប្តូររបស់ប្រជាពលរដ្ឋ គឺជាមូលដ្ឋានគ្រឹះជំរុញឲ្យមានការផ្លាស់ប្តូរនៅក្នុងប្រទេសមួយចំនួននៅជុំវិញពិភពលោក ហើយករណីនេះក៏មិនខុសពីប្រទេសកម្ពុជាដែរ ព្រោះការកែទម្រង់ការបោះឆ្នោត និងទឹកចិត្តប្រជាពលរដ្ឋនឹងជំរុញឲ្យមានការផ្លាស់ប្តូរនៅប្រទេសកម្ពុជាក្នុងដំណើរការបោះឆ្នោតឆ្នាំ២០១៧ និងឆ្នាំ២០១៨ មិនខាន៕

IMG_0653

Source link

ចែច្រឹប ហៅ វ៉ាន់ ចាន្នី នៅតែឈ្មួញដែលអាចដឹកឈើទៅស្រុកយួនតាមអំពើចិត្ត

សេចក្តីរាយការណ៍ពីប្រជាពលរដ្ឋរស់នៅតាមតំបន់ព្រំដែនក្នុងស្រុកអូរយ៉ាដាវ ខេត្ត រតនគិរី បានឲ្យដឹងថារហូតមកដល់ពេលនេះឈ្មួញឈើឈ្មោះ វ៉ាន់ ចាន្នី ហៅ ចែច្រឹប នៅតែ អាចដឹកជញ្ជូនឈើទៅស្រុកយួនយ៉ាងរលូនដដែល។ ប្រភពពីសមត្ថកិច្ចតូចតាចក្នុងស្រុកអូរ យ៉ាដាវ ក៏បានឲ្យដឹងដែរថា ចែច្រឹបអាងមានប្តីឈ្មោះ មិន ថុន ហៅ ខ្លាធំ ដែលជាមេប៉ុស្តិ៍ច្រក របៀងខ្លាធំ ជាអ្នកកាងនិងសម្របសម្រួកជាមួយមន្ត្រីជំនាញនិងសមត្ថកិថ្ចពាក់ព័ន្ធដទៃទៀត ទើបអាចបន្តសកម្មភាពដឹកឈើទៅស្រុកយួនដោយគ្មានញញើតអ្វីទាំងអស់។ ជាងនេះទៅ ទៀតមន្ត្រីជំនាញនិងសមត្ថកិច្ចពាក់ព័ន្ធដូចជាមន្ត្រីរដ្ឋបាលព្រៃឈើ មន្ត្រីបរិស្ថាន នគរបាល ប្រឆាំងបទល្មើសខេត្ត និងសមត្ថកិច្ចអាវុធហត្ថ ជាដើមមិនហ៊ានបង្ក្រាបឈ្មួញឈើឈ្មោះ ចែច្រឹប នោះទេព្រោះខ្លាចបាត់បង់ចំណូលប្រចាំអាទិត្យឬប្រចាំខែ។

ប្រភពពីសមត្ថកិច្ចតូចតាចក្នុងខេត្តរតនគិរី បានឲ្យដឹងថា ចាប់តាំងពីថ្ងៃទី០៥ ខែមេសា ឆ្នាំ២០១៧ ឈ្មួញឈើឈ្មោះ វ៉ាន់ ចាន្នី ហៅចែច្រឹប ដែលមានប្តីឈ្មោះ មិន ថុន ហៅខ្លាធំ មេប៉ុស្តិ៍ច្រករបៀងខ្លាធំ បានដឹកជញ្ជូនឈើចេញទៅស្រុកយួនជាច្រើនរថយន្តធំៗដោយពុំមាន មន្ត្រីជំនាញឬសមត្ថកិច្ចពាក់ព័ន្ធណាបង្ក្រាបឡើយ។ ប្រភពបានឲ្យដឹងទៀតថា ឈើទាំងនោះ ត្រូវបានគេកាប់នៅតំបន់ត្រពាំងចំបក់ ភូមិកែវសាន ឃុំសេដា ស្រុកលំផាត់ ជាពិសេសគឺដឹក ចេញពីតំបន់ដែនជម្រកសត្វព្រៃលំផាត់ ខេត្តរតនគិរី ដោយមានការឃុបឃិតជាមួយមន្ត្រីបរិ ស្ថាន មន្ត្រីរដ្ឋបាលព្រៃឈើនិងសមត្ថកិច្ចពាក់ព័ន្ធដទៃទៀត។ ក្នុងនោះលោក កែប កត់ នាយ ខណ្ឌរដ្ឋបាលព្រៃឈើខេត្ររតនគិរី ត្រូវបានគេដឹងថាជាខ្នងបង្អែករឹងមាំរបស់ ចែច្រឹប ហើយ ចាត់ទុក ចែច្រឹប ជាប្រភពចំណូលដ៏សំខាន់របស់ខ្លួនជាយូរមកហើយ។

សកម្មជនព្រៃឈើនិងមន្ត្រីអង្គការក្រៅរដ្ឋាភិបាលនៅខេត្តរតនគិរី បានឲ្យដឹងថាឈ្មោះ វ៉ាន់ ចាន្នី ហៅ ចែច្រឹប គឺជាឈ្មួញរកស៊ីដឹកជញ្ជូនឈើដ៏ល្បីល្បាញក្នុងខេត្តរតនគិរី ហើយមិន ដែមមានមន្ត្រីជំនាញឬសមត្ថកិច្ចពាក់ព័ន្ធណាហ៊ានប៉ះពាល់នោះទេ។ ប្រភពខ្លះបានឲ្យដឹងថា ក្រោយពេលប្តីរបស់ខ្លួនឈ្មោះ មិន ថុន ហៅខ្លាធំ ទទួលបានតួនាទីជាមេប៉ុស្តិ៍ច្រករបៀងខ្លាធំ ស្រុកអូរយ៉ាដាវ គឺឈ្មួញឈ្មោះ ចែច្រឹប ក៏ធ្វើសកម្មភាពកាប់ឈើនិងដឹកជញ្ជូនឈើចេញទៅ ស្រុកយួនកាន់តែខ្លាំងថែមទៀត។ អភិបាលស្រុកអូរយ៉ាដាវ ក៏ដូចជាលោក ថង សាវុន ដែល ជាអភិបាលខេត្តរតនគិរី ព្រមទាំងមន្ត្រីរដ្ឋបាលព្រៃឈើគ្រប់លំដាប់ថ្នាក់ មិនបង្ក្រាបឈ្មួញឈើ ឈ្មោះ វ៉ាន់ ចាន្នី ហៅ ចែច្រឹបឡើយបើទោះបីឈ្មួញម្នាក់នេះបន្តសកម្មភាពបំពានទៅនឹងបទ បញ្ជារបស់លោកនាយករដ្ឋមន្ត្រី ហ៊ុន សែន យ៉ាងគឃ្លើនបែបណាក៏ដោយ៕

ឈ្មួញឈើឈ្មោះ វ៉ាន់ ចាន្នី ហៅចែច្រឹប

ឈ្មួញឈើឈ្មោះ វ៉ាន់ ចាន្នី ហៅចែច្រឹប

18051888_302405093513791_569847178_n 18072687_302405063513794_2102652058_n

Source link

​អ្នកឯកទេស​យោធា​អន្តរជាតិ ៖ អាមេរិក​អាច​កម្ទេច​កូរ៉េខាងជើង​ទាំងស្រុង​ជាមួយនឹង​មី​ស៊ី​ល​វាយលុក Tomahawk ៧០០​គ្រាប់​បាញ់​ចេញពី​នាវាមុជទឹក 

​អ្នកឯកទេស​យោធា​ម្នាក់ និង​ជា​និពន្ធ​នាយក​ទស្សនា​វ​ដ្តី National Defense គឺ​លោក Igor Korotchenko បាន​ថ្លែងប្រាប់​បណ្តាញ​ទូរ​ស្សន៍​ក្នុង​កម្មវិធី​ពិសេស​មួយ​ឲ្យ​ដឹងថា ប្រសិនបើ​លោក​ប្រធានាធិបតី​សហរដ្ឋអាមេរិក Donald Trump អត់ធ្មត់​លែង​បាន​ទៅនឹង​ភាព​គឃ្លើន​របស់​មេដឹកនាំ​កូរ៉េខាងជើង Kim Jong-un …

[អានទាំងស្រុងនៅ WWW.DTN7.COM]

Source link