ព័ត៌មានខ្មែរ

នគរបាល​ការពារ​ព្រំដែន​វរៈ​៦២៣​ចាំ​យកលុយ​ដឹកឈើ​នៅ​ច្រករបៀង​ភូមិ​ភិ​

​ខេត្តរតនគិរី​៖​នៅ​ខេត្ត​រតនៈគីរី​សកម្មភាព​ដឹកជញ្ជូន​ជួញ​ឈើប្រណិត​បាន​កក្រើក​ឡើង​វិញ​បន្ទាប់ពី​ស្ងាត់​មួយរយៈ​ដោយសា​ការដាក់​អន្ទាក់​ធើ​អ្នកកាសែត​បាន​៤​នាក់​។​ប៉ុន្តែ​បើតាម​ការសង្កេត​ពួក​ឈ្មួញ​ដែលមាន​មុខ​ដដែល​នៅ​ខេត្ត​រតនៈគីរី​បាន​ប្រើ​រូបភាព​ពី​ការដឹកជញ្ជូន​ទៅ​ស្រុក​យួន​ដោយ​រថយន្ត​មកជា​ដឹក​តាម​ម៉ូតូ​វិញ​ជា​ភាគច្រើន​។​​សេចក្តីរាយការណ៍​ឲ្យ​ដឹងថា

​គ្រានតែ​រយៈពេល​ពីរ​ថ្ងៃ​គឺ​ថ្ងៃទី​២៤-២៥​ខែ​កក្កដា​ឆ្នាំ​២០១៧​នេះ​មាន​ម៉ូតូ​ដឹកជញ្ជូន​ឈើ​ប្រមាណ​ជិត​៤០០ គ្រឿង​បានធ្វើ​សកម្មភាព​សម្រុក​ដឹកជញ្ជូន​ឈើ​ទាំងយប់​ទាំង​ថ្ងៃ​នៅ​ចំណុច​ឃុំ​ប៉ក់​ញ៉ៃ​ស្រុក​អូយ៉ាដាវ​ខាងលើ​យកទៅលក់​នៅ​ប្រទេស​វៀតណាម​តាម​ច្រករបៀង​ភូមិ​ភិ និង​ច្រក​​របៀង​លេខ​១៩​ដោយ​ឆ្លងកាត់​តាម​ទី​បញ្ជារ​ការដ្ឋាន​កង​វរៈ​សេ​​នា​តូ​ចនគ​បាល​ការពារ​ព្រំដែន​គោក​លេខ​៦២៣​។​

ដល់​ចឹ​ង​លោក ងួន សុ​វណ្ណា​(​ហៅ​អូ​ធំ​)​ដែលជា​មេ​​បញ្ជាការ​វៈ​សេនា​តូច​នគរបាល​ការពារ​ព្រំដែន​គោក​លេ​​ខ​៦២៣​ខេត្តរតនគិរី​ត្រូវគេ​រាយការណ៍​ថា​កាក់កប​ខ្លាំងណាស​និង​បទល្មើស​ដឹកជញ្ជូន​ឈើប្រណិត​តាម​ម៉ូតូ​ឆ្លងកាត់​អាណាចក្រ​ដែល​គាត់​គ្រប់គ្រង​។ ពួក​អ្នកស៊ីឈ្នួល​ដឹកឈើ​ឲ្យ​ដឹងថា​លោក ងួន សុ​វណ្ណា​(​ហៅ​អូ​ធំ​)​គាត់​បាន​យក
​យ​មនុស្ស​ស្និត​របស់ខ្លួន​ឲ្យ​ចង​ចង​អង្រឹង​ចាំ​ប្រមូល​លុយ​ឈើ​ម៉ូតូ​និង​រថយន្ត​នៅមុខ​វរ​សេនា​តូច​៦២៣​និង​ដាក់​កម្លាំង​អោយ​ដាក់កុង​ត្រួ​ល​ជរ​ជុៈ​ចាំ​យកលុយ​ពី​ម៉ូតូ​ឈើ​នៅ​ចំណុច​ច្រក​ល្បៀ​ង​ភូមិ​ភិ​តា​ម្រ៉​ង​។​សកម្មភាពដឹកជញ្ជូនឈើប្រណិតតាមម៉ូតូនៅតែមានជាបន្តដល់ពេលនេះ។

ពាក់ព័ន្ធ​ការ​ដេកចាំ​យកលុយ​ពី​ការដឹកជញ្ជូន​ឈើ​តាម​ម៉ូតូ​រាប់រយ​គ្រឿង​ស្មើ​និង​ឈើរ​ខ្ទង់រយ​ម៉ែត​គូប​ទៅ​លក់​នៅ​ប្រទេស​វៀតណាម​តាម​ច្រករបៀង​ភូមិ​ភិ​-​ច្រករ​បៀ​
​ង​លេខ​១៩​ខាងលើនេះ លោក ងួន សុ​វណ្ណា​(​ហៅ​អូ​ធំ​)​ប្រធាន​វរ​សេនា​តូ​ចនគ​បាល​ការពារ​ព្រំដែន​គោក​លេខ​៦២៣​និង​លោក អ៊ី ចំរើន ប្រធាន​ប៉ុស្តិ៍​ច្រកទ្វា​អន្តជាតិ​អូយ៉ាដាវ​មិនអាច​សុំ​ការបំភ្លឺ​បានទេ ។​

​ទោះជា​យ៉ាងណា លោក ម៉ា​វិ​ត្រ អភិបាលស្រុក​អូយ៉ាដាវ​បាន​និយាយប្រាប់​របៀបការ​ទូត​ប្រាប់​កាសែត​ជំវិញ​​ករណី​ការដឹកជញ្ជូន​ឈើ​តាម​ម៉ូតូ​រាប់រយ​គ្រឿងក្នុង​មួយថ្ងៃៗ​ខាងលើ​នេៈ ថា​លោក​បាន​ចាត់វិធានការ​អោយ​​កម្លាំង​ក្រោម​ឲ្យ​វ៉ាត​ទប់ស្កាត់​ហើយ តែ​កម្លាំង​របស់​​លោក​នៅ​មិនទាន់​រាយការណ៍​នៅឡើយ លោ​កថា​ចាំ​​សួរ​បញ្ចាក់​មន្ត្រី​លោក​សិន​(​ស៊ិ​ក​)​។​

សូម​បញ្ចាក់​ថា​នៅ​ខេត្ត​រតនៈគីរី​ពិសេស​ក្នុងស្រុក​អូយ៉ាដាវ​ផ្លូវ​ទៅ​ស្រុក​យួន​មាន​សម​ត្ត​កិច្ច​មិន​ខ្វះ​តែ​មិនមែន​សម​ត្ត​កិច្ច​ចាប់​បង្ក្រាប​បទល្មើស​ព្រៃឈើ​ទេ​តែ​គឹជា​ពួក​សម​ត្ត​កិច្ច​ដូចជា​វរៈ​៦២៣​នគរបាល​ការពារ​ព្រំដែន​ចឹ​ង​គឺ​ដេកចាំ​យកលុយ​ពី​ឡាន​និង​ម៉ូតូ​ដឹកឈើ​។​ដល់​ចឹ​ង​បានដឹងថា​បទបញ្ជា​រនា​យក​រដ្ឋមន្ត្រី​រឿង​បង្ក្រាប​បទល្មើស​ព្រៃឈើ​នៅ​ភូមិភាគ​ឥ​សាន្ត​ដឹកនាំ​ដោយ​ផ្កាយ​៤​សៅ​សុខា​ឃ្សុយ​សាបឈឹង​នៅ​តំបន់​នោះ​៕

moto-timber-oya


Source link

កម្ពុជា​ជោគជ័យ​ក្នុងការ​សម្រេច​«ទិស​ដៅ​៩០-៩០-៩០‍»​នៃ​ការ​ប្រឆាំង​មេរោគ​អេដស៍


ប្រទេស​កម្ពុជា​បាន​សម្រេច​ទិសដៅ​ ៩០-៩០-៩០ ​ក្នុង​ការ​ធ្វើ​តេស្ត​រក​មេរោគ​អេដស៍​ និង​ផ្តល់​ការ​ព្យាបាល​បី​ឆ្នាំ​មុន​កាល​កំណត់​ ដែល​ជា​ជោគជ័យ​មួយ​ត្រូវ​បាន​អង្គការ​សហ​ប្រជាជាតិ​សាទរ។​ នេះ​បើ​យោង​តាម​សេចក្តី​ប្រកាស​ព័ត៌មាន​រួមគ្នា​រវាង​ ក្រសួង​សុខាភិបាល​នៃ​ប្រទេស​កម្ពុជា​ និង​អង្គការ​សហ​ប្រជាជាតិ​ប្រយុទ្ធ​នឹង​ជំងឺ​អេដស៍​ ចេញ​ផ្សាយ​ជា​សាធារណៈ​នៅថ្ងៃ​អង្គារ​នេះ​ និង​តាម​ការ​បញ្ជាក់​ពី​អ្នក​នាំពាក្យ​ក្រសួង​សុខាភិបាល។

ទិសដៅ​ ​៩០-៩០-៩០​ នេះ​មានន័យ​ថា​ ៩០​ភាគរយ​នៃ​អ្នក​ផ្ទុក​មេរោគ​អេដស៍​ដឹងពី​ស្ថានភាព​ផ្ទុក​មេរោគ​អេដស៍​របស់​ខ្លួន​ ៩០​ភាគរយ​នៃ​អ្នក​ផ្ទុក​មេរោគ​អេដស៍​ដែល​បាន​ដឹងពី​ស្ថានភាព​ឆ្លង​មេរោគ​អេដស៍​បាន​ទទួល​ការ​ព្យាបាល​ដោយ​ឱសថ​ប្រឆាំង​នឹង​មេរោគ​អេដស៍​ និង​៩០​ភាគរយ​នៃ​អ្នក​កំពុង​ទទួល​ការ​ព្យាបាល​ដោយ​ឱសថ​ប្រឆាំង​នឹង​មេរោគ​អេដស៍​ មាន​បន្ទុក​មេរោគ​អេដស៍​ក្នុង​ឈាម​ទាប​បំផុត។​

សេចក្តី​ប្រកាស​ព័ត៌មាន​រួមគ្នា​រវាង​ក្រសួង​សុខាភិបាល​នៃ​ប្រទេស​កម្ពុជា​ និង​អង្គការ​សហ​ប្រជាជាតិ​ប្រយុទ្ធ​នឹង​ជំងឺ​អេដស៍​ ដែល​ធ្វើ​ឡើង​ក្រោយ​សិក្ខាសាលា​ស្តីពី​ទិសដៅ​៩០​ទាំង​បី​ រៀបចំ​នៅទី​ក្រុង​ប៉ារីស​នេះ​ បាន​ឲ្យ​ដឹង​ថា​ ប្រទេស​កម្ពុជា​បាន​បេ្តជ្ញា​ឈាន​ទៅ​សម្រេច​ទិសដៅ​៩០-៩០-៩០​ ចាប់​ពី​ឆ្នាំ​២០១៣។​ ការណ៍​នេះ​បាន​ធ្វើឲ្យ​កម្ពុជា​ ក្លាយ​ជា​ប្រទេស​មាន​កម្រិត​គ្រប​ដណ្តប់​ខ្ពស់​បំផុត​ ក្នុង​ការ​ផ្តល់​ការ​ព្យាបាល​ដោយ​ឱសថ​ប្រឆាំង​នឹង​មេរោគ​អេដស៍​នៅក្នុង​តំបន់​អាស៊ី​ និង​ប៉ាស៊ីហ្វិក។

សេចក្តី​ប្រកាស​ព័ត៌មាន​ចុះថ្ងៃ​ទី​២៥​ ខែ​កក្កដា​ បាន​សរសេរ​ក្នុង​ន័យ​ដើម​ថា៖​

«ប្រទេស​កម្ពុជា​ជា​ប្រទេស​មួយ​ក្នុង​ចំណោម​ប្រទេស​៧​តែ​ប៉ុណ្ណោះ​លើ​ពិភពលោក​ ដែល​បាន​សម្រច​ទិសដៅ​៩០-៩០-៩០ ​ដោយ​៩០​ភាគរយ​នៃ​អ្នក​កំពុង​ទទួល​ការ​ព្យាបាល​ ដោយ​ឱសថ​ប្រឆាំង​នឹង​មេរោគ​អេដស៍​មាន​បន្ទុក​មេរោគ​ទាប​បំផុត»។​

អ្នកស្រី​ Vladanka Andreeva ​នាយិកា​អង្គការ​សហ​ប្រជាជាតិ​ប្រយុទ្ធ​នឹង​ជំងឺ​អេដស៍​ ប្រចាំ​នៅ​ប្រទេស​កម្ពុជា​ ត្រូវ​បាន​ដកស្រង់​សម្តី​ក្នុង​សេចក្តី​ប្រកាស​ព័ត៌មាន​ដដែល​នោះ​ក្នុង​ន័យ​ដើម​ថា៖​

«ប្រទេស​កម្ពុជា​ត្រូវ​ទទួល​បាន​នូវការ​កោត​សរសើរ​ដោយ​សម្រេច​បាន​នូវ​ទិសដៅ​៩០-៩០-៩០​នេះ​ បីឆ្នាំ​មុន​ពេល​កំណត់​របស់​ពិភពលោក។​ ជោគជ័យ​នេះ​បង្ហាញ​ឲ្យ​ឃើញ​ថា​ ភាពដឹកនាំ​ដ៏​ឈ្លាសវៃ​រួម​ និង​ការ​បេ្តជ្ញា​ចិត្ត​ ព្រម​ទាំង​ការ​រួមគ្នា​ធ្វើ​ការ​ជាមួយ​សហគមន៍​ បាន​នាំមក​នូវ​លទ្ធផល​គួរ​ជា​ទីមោទនៈ​នេះ។​ ក្នុង​នាម​ជា​ប្រទេស​មួយ​ ដែល​ចូលរួម​លុប​បំបាត់​ជំងឺ​អេដស៍​ក្នុង​ពិភពលោក​ ព្រះ​រាជាណា​ចក្រ​កម្ពុជា​កំពុង​ឈរ​នៅ​លើ​ស្ថានភាព​យ៉ាង​ពិសេស​មួយ​ក្នុង​ការ​នាំមុខ​គេ​លើរបៀប​វារៈមួយ​នេះ»។​

VOA ​ព្យាយាម​សុំការ​អធិប្បាយ​ពីលោក​ ម៉ម ប៊ុនហេង​ រដ្ឋមន្ត្រី​ក្រសួង​សុខាភិបាល​ នៅ​ថ្ងៃ​អង្គារ​នេះ​ តែទូរសព្ទ​លោក​រោទិ៍​គ្មាន​អ្នក​ទទួល។​

យ៉ាងណា​ក៏ដោយ​ អ្នកស្រី ​ឱ វណ្ណឌីន ​អ្នក​នាំពាក្យ​ក្រសួង​សុខាភិបាល​ ថ្លែង​ប្រាប់​ VOA ​នៅថ្ងៃ​អង្គារ​នេះ​ថា​ រដ្ឋាភិបាល​កម្ពុជា​បាន​ប្រឹងប្រែង​យ៉ាង​សកម្ម​ក្នុង​ការ​ប្រយុទ្ធ​ និង​បង្កាការ​រីករាល​ដាល​នៃ​ការ​ឆ្លង​មេរោគ​អេដស៍​តាំង​ពី​ទសវត្សរ៍​១៩៩០។​ អ្នកស្រី​លើក​ឡើង​ថា​ កិច្ច​ប្រឹងប្រែង​ ដែល​ចេះតែ​បន្ត​ បាន​ធ្វើ​ឲ្យ​កម្ពុជា​សម្រេច​គោល​ដៅ​៩០​ទាំងបី​នេះ​មុន​កាល​កំណត់។​

«អីចឹង​នេះ​គឺ​ជា​ចំណុច​សំខាន់​ណាស់​ ដែល​បង្ហាញ​នូវ​ជោគ​ជ័យ​របស់​ព្រះ​រាជាណាចក្រ​កម្ពុជា​របស់​យើង​ ហើយ​ដែល​អន្តរជាតិ​ លោក​មាន​ការ​កោត​សរសើរ​ នៅ​ក្នុង​កិច្ច​ប្រជុំ​នៅក្នុង​ទីក្រុង​ប៉ារីស​របស់​យើង​កន្លង​ទៅ​នេះ»។​

សិក្ខាសាលា​ស្តីពី​ទិសដៅ​៩០​ទាំងបី​បាន​ប្រព្រឹត្ត​ទៅ​នៅ​ប្រទេស​បារាំង​ កាលពី​ថ្ងៃទី​២២​ ដល់​ថ្ងៃ​ទី​២៣​ខែ​កក្កដា។​ រដ្ឋមន្ត្រី​ និង​មន្ត្រីជាន់​ខ្ពស់​ទទួល​បន្ទុក​សុខាភិបាល​មក​ពី​ប្រទេស​ជាច្រើន​បាន​ចូលរួម​ក្នុង​សិក្ខាសាលា​នោះ ​ក្នុង​នោះ​មាន​ប្រទេស​កម្ពុជា​ ​Botswana Lesotho ​និង​ ប្រទេស ​Panama។ ​មេដឹកនាំ​សុខភាព​ពិភពលោក​ហើយ​នឹង​ក្រុម​អ្នក​តស៊ូ​មតិ​ក្នុង​ការ​ប្រយុទ្ធ​នឹង​ជំងឺ​អេដស៍​ ក៏​បាន​ជួប​ជុំ​ក្នុង​សិក្ខាសាលា​នោះ​ផង​ដែរ។​

លោក ជួប សុខចំរើន នាយក​ប្រតិបត្តិ​អង្គការ​ Khana ដែល​ធ្វើការ​លើកិច្ច​ការ​ ការថែទាំ​ គាំទ្រ​ និង​ព្យាបាល​មេរោគអេដស៍​ បាន​បញ្ជាក់​ប្រាប់​ VOA ​តាមរយៈ​សារ​អេឡិចត្រូនិក ឬ Email ​នៅថ្ងៃអង្គារ​នេះ​ថា​ អង្គការ​សង្គមស៊ីវិល​នានា​ដែល​ធ្វើការក្នុង​វិស័យ​ប្រយុទ្ធ​នឹង​មេរោគ​អេដស៍​នេះ​ មាន​ក្តីរីករាយ​ដែល​កម្ពុជា​បាន​ឈាន​មុខគេ​ក្នុង​ពិភពលោក​ និង​តំបន់​ ដោយ​សម្រេច​បាន​ទិសដៅ​៩០​ទាំងបីនេះ។

លោក​បាន​សរសេរ​ក្នុង​ន័យដើម​ថា៖​

«យើង​ជឿជាក់​យ៉ាង​ខ្លាំង​ថា​ សន្ទុះនេះ​នឹង​អាច​រក្សាបាន​ ដើម្បី​គាំទ្រ​ដល់​ប្រទេស​កម្ពុជា​ ក្នុង​ការ​លុបបំបាត់​ការ​ឆ្លង​មេរោគ​អេដស៍​ថ្មី​ និង​ ឬក៏​មិនឲ្យ​មាន​ករណី​ឆ្លង​ថ្មី​ច្រើន​ជាង​ ៣០០​ករណី​ក្នុង​មួយ​ឆ្នាំ​ នៅ​ត្រឹមឆ្នាំ​ ២០២៥»។

អ្នកស្រី ឱ វណ្ណឌីន អ្នក​នាំពាក្យ​ក្រសួង​សុខាភិបាល​មាន​ប្រសាសន៍​បន្ថែម​ថា​ ទោះបី​កម្ពុជា​ សម្រេច​បាន​ទិសដៅ​៩០​ទាំងបី​នេះ​ក្តី​ រដ្ឋាភិបាល​នៅ​បារម្ភ​ចំពោះ​និរន្តរភាព​នៃ​ការ​កាត់​បន្ថយ​ការ​ឆ្លង​មេរោគ​អេដស៍​ និង​ការ​ផ្តល់​សេវា​ព្យាបាល​មេរោគអេដស៍ ដោយ​ហេតុ​ថា​ ប្រទេស​ម្ចាស់​ជំនួយ​បាន​ផ្តើម​បន្ថយ​ជំនួយ​របស់​ខ្លួន​យ៉ាង​គំហុក​មក​ដល់​កម្ពុជា។ អ្នកស្រី​ពន្យល់​ថា​ ការ​បន្ថយ​ជំនួយ​នេះ​ កើត​មាន​ឡើង​ នៅគ្រា​ដែល​សេដ្ឋកិច្ច​កម្ពុជា​មាន​ការ​កើន​ឡើង។

«បច្ចុប្បន្ន​ហ្នឹង​ យើង​មាន​បញ្ហា​ប្រឈម​រឿង​និរន្តរភាព​ ​និង​គុណភាព​នៃ​សេវា​ជំងឺ​អេដស៍​ នៅក្នុង​បរិបទ​ដែលជំនួយ​ពីខាង​ក្រៅ​ ត្រូវបាន​កាត់​បន្ថយ​ជា​គំហុក។​ ឥឡូវ​យើង​ឃើញ​ហើយ​ ជំនួយ​គាត់​កាត់​បន្ថយ​ច្រើន​ ដោយសារ​សេដ្ឋកិច្ច​កម្ពុជា​យើង​ក៏កើន​ យើង​ធានា​បាន​នូវ​ការ​អភិវឌ្ឍ​ ហើយ​និង​កំណើន​នៃ​សេដ្ឋកិច្ច​របស់​យើង​នេះ​ អីចឹង​ដៃគូ​របស់​យើង​គាត់​បាន​ កាត់​បន្ថយ​នូវ​ជំនួយហ្នឹង​»។

អ្នកស្រី​បាន​បញ្ជាក់​បន្ត​ទៀត​ថា​ រដ្ឋាភិបាល​នៅ​តែ​អំពាវនាវ​ ឲ្យ​ប្រទេស​ម្ចាស់​ជំនួយ​ផ្តល់​ការ​គាំទ្រ​ដល់​កម្មវិធី​នានា​ដែល​ផ្តល់​សេវា​ថែទាំ​ដល់​អ្នក​ផ្ទុក​មេរោគអេដស៍​នៅ​កម្ពុជា​ ពីព្រោះ​សន្ទុះ​កំណើន​សេដ្ឋកិច្ច​កម្ពុជា​បច្ចុប្បន្ន ​មិន​ទាន់​អាច​ឆ្លើយតប​បាន​គ្រប់​គ្រាន់​នូវ​តម្រូវ​ការ​សេវាព្យាបាល​មេរោគ​អេដស៍​នេះ​ទេ។

លោក ជួប សុខចំរើន ​នាយក​ប្រតិបត្តិ​អង្គការ​ Khana ​ក៏​បាន​យល់​ឃើញ​ថា​ កង្វះ​ហិរញ្ញ​វត្ថុ​គឺ​ជា​បញ្ហា​ប្រឈម​របស់​កម្ពុជា​ក្នុង​ការ​ប្រយុទ្ធ​នឹង​ជំងឺ​អេដស៍​ ព្រោះ​ថា​ សព្វថ្ងៃ​នេះ​ មាន​តែ​ម្ចាស់​ជំនួយ​ធំៗ​ពីរ​តែ​ប៉ុណ្ណោះ​ ដែល​បន្តជួយ​កម្ពុជា។​ ម្ចាស់​ជំនួយ​ទាំងពីរ​នោះ​រួមមាន​ទីភ្នាក់​ងារ​សហរដ្ឋ​អាមេរិក​សម្រាប់​អភិវឌ្ឍន៍​អន្តរជាតិ​ (USAID) ​និង​ មូលនិធិ​សកល​ប្រយុទ្ធ​នឹង​ជំងឺ​អេដស៍​ (Global Fund to Fight AIDS)។ លោក​បន្ត​ថា​ ទោះជា​កម្ពុជា​ប្រឈម​នឹង​បញ្ហា​ហិរញ្ញវត្ថុ​នេះ​ក៏​ដោយ​ ក៏​រដ្ឋាភិបាល​បាន​ផ្តើម​ឧបត្ថម្ភ​ការ​ព្យាបាល​មេរោគ​អេដស៍​នេះ​ តាំងពី​ឆ្នាំ​២០១៥​ ហើយ​បាន​បេ្តជ្ញា​ថា ​នឹង​បន្ត​ឧបត្ថម្ភ​ដល់​ការ​ព្យាបាល​ពី​ឆ្នាំ​២០១៨​ ដល់​ឆ្នាំ​២០២០។

របាយ​ការណ៍​អង្កេត​មួយ​ចេញ​កាលពី​ខែ​ឧសភា​ ឆ្នាំ​២០១៥ ដោយ​មជ្ឈមណ្ឌល​ជាតិ​ប្រយុទ្ធ​នឹង​ជំងឺ​អេដស៍​នៃ​ក្រសួង​សុខាភិបាល​កម្ពុជា​ បាន​ឲ្យ​ដឹង​ថា អត្រា​នៃ​ការ​ឆ្លង​មេរោគ​អេដស៍​ក្នុង​ចំ​ណោម​មនុស្ស​ទូទៅ​ បាន​ធ្លាក់​ចុះ​ពី​០,៤៨%​នៅ​ឆ្នាំ​២០១០​ មក​ត្រឹម​០,២៨%​ ក្នុង​ឆ្នាំ​២០១៤។​ មក​ដល់​ឆ្នាំ​២០១៦​ អត្រានេះ​បាន​ធ្លាក់​មក​ត្រឹម​តែ​០,៦%។

បើទោះបី​ជា​អត្រា​នៃ​ការ​ឆ្លង​មេរោគ​អេដស៍​ក្នុង​ចំណោម​មនុស្ស​ទូទៅ​បាន​បន្ត​ធ្លាក់​ចុះ​យ៉ាង​នេះ​ក្តី​ ​អ្នក​ធ្វើ​ការ​ក្នុង​វិស័យ​ប្រយុទ្ធ​នឹង​ជំងឺ​អេដស៍​រំពឹង​ថា​ កម្ពុជា​នឹង​បន្ត​ពង្រឹង​ការ​អប់រំ​អំពី​មេរោគ​អេដស៍​ ការ​បង្កា​ ការ​ថែទាំ ​ការ​គាំទ្រ​ និង​សេវា​ព្យាបាល​សម្រាប់​ប្រជាជន​ ដូចជា​បុរស​ដែល​រួមភេទ​ជាមួយ​បុរស​ មនុស្ស​ដែល​ប្តូរភេទ​ ស្ត្រី​បម្រើ​សេវា​កំសាន្ត​ និង​មនុស្ស​ដែល​ចាក់​ថ្នាំញៀន​ ខណៈដែល​ពួក​គេ​ទាំងអស់​នេះ​មាន​កម្រិត​នៃ​ការ​ឆ្លង​មេរោគ​អេដស៍​ខ្ពស់​ជាង​មនុស្ស​ទូទៅ។​

រដ្ឋាភិបាល​កម្ពុជា​មាន​ទិស​ដៅ​លុប​បំបាត់​ឲ្យ​បាន​នូវ​ការ​ឆ្លង​ថ្មី​នៃ​មេរោគ​អេដស៍​នៅ​ឆ្នាំ​២០២៥​ខាង​មុខ។ ក៏​ប៉ុន្តែ​ទិសដៅ​នេះ​ស្ថិត​ក្រោម​ការ​សង្ស័យរបស់​ក្រុម​អ្នក​រិះគន់នៅ​ឡើយ​ ​ក្រោយ​ពេល​មាន​ករណី​ផ្ទុះ​មេរោគ​អេដស៍​នៅ​ក្នុង​ឃុំរការ​ខេត្ត​បាត់ដំបង​ដែល​ឈាន​ដល់​ការ​ផ្តន្ទា​ទោស​គ្រូពេទ្យ​តាម​ភូមិ​ម្នាក់​ ​និង​ករណី​សង្ស័យ​ឆ្លង​មេរោគ​អេដស៍​របស់​មនុស្ស​ជាច្រើន​នាក់​ក្នុង​ភូមិពាម​ ឃុំ​សំបួរ​មាស​ ​ខេត្ត​កណ្តាល។​ ករណី​ទាំង​ពីរ​នេះ​បាន​កើតឡើងកាលពី​ឆ្នាំ​២០១៥​ និង​២០១៦​កន្លង​ទៅ៕

Source link

បទល្មើស​ឈូសឆាយ​ទន្ទ្រានព្រៃ​លិច​ទឹក​នៅ​ស្រុក​កំពង់លែង ខេត្តកំពង់ឆ្នាំង មានការ​ឃុបឃិត​ជា​ប្រព័ន្ធ

​ប្រភពព័ត៌មាន​ពី​ប្រជាពលរដ្ឋ​រស់នៅក្នុង​ឃុំ​ពោធិ៍ និង​ឃុំ​ច្រ​ណូ​ក ស្រុក​កំពង់លែង ខេត្តកំពង់ឆ្នាំង បាន​ឲ្យ​ដឹងថា​សកម្មភាព​ឈូសឆាយ​ទន្ទ្រាន​កាន់កាប់​ដីព្រៃ​លិច​ទឹក​ក្នុង​តំបន់​៣​នៃ​មូលដ្ឋាន​របស់​ពួកគាត់​នៅតែ​បន្ត​កើតឡើង​យ៉ាង​ពេញបន្ទុក​។ ប្រភព​បាន​ឲ្យ​ដឹង​ទៀតថា ដីព្រៃ​លិច​ទឹក​ក្នុង​តំបន់​៣​រាប់រយ​ហិកតា​ត្រូវ​អ្នកមានអំណាច អ្នកមាន​លុយ ទន្ទ្រាន​កាន់កាប់​យ៉ាង​រលូន​រួចទៅហើយ ដោយសារតែ​លោក ឈួ​រ ច័ន្ទ​ឌឿ​ន អភិបាលខេត្ត​កំពង់ឆ្នាំង មិន​ចាត់វិធានការ​ទប់ស្កាត់​។ បញ្ហា​នេះ​ជា​រឿង​ដែល​ក្រសួង​និង​ស្ថាប័ន​ពាក់ព័ន្ធ​មិនគួរ​មើលរំលង​តទៅទៀត​ទេ ព្រោះ​មន្ត្រី​អាជ្ញាធរខេត្ត​កំពង់ឆ្នាំង និង​មន្ទីរ​ពាក់ព័ន្ធ​ក្នុង​ខេត្តកំពង់ឆ្នាំង នៅតែ​បណ្ដោយ​ឲ្យ​បទល្មើស​កើតឡើង​យ៉ាង​អនាធិបតេយ្យ​។

​មន្ត្រី​អាជ្ញាធរ​មូលដ្ឋាន​ក្នុង​ឃុំ​ច្រ​ណូ​ក និង​ឃុំ​ពោធិ៍ ស្រុក​កំពង់លែង បាន​ឲ្យ​ដឹងថា​មួយផ្នែក​នៃ​ដីព្រៃ​លិច​ទឹក​ក្នុង​តំបន់​៣​កំពុង​គ្រប់គ្រង​និង​កាន់កាប់​ដោយ​លោក ចេង ញ៉ា​ន់ អភិបាលរង​ខេត្តកំពង់ឆ្នាំង និង​កូនប្រុស​ឈ្មោះ ចេង ចាន់​ដូ​ណា ដែលជា​អភិបាលរង​ស្រុក​កំពង់លែង​។ ប្រភព​បាន​ឲ្យ​ដឹង​ទៀតថា ដីព្រៃ​លិច​ទឹក​តំបន់​៣​ចំណុច​គោក​ព្រះ ចំណុច​កំពង់​តា​យ៉ា ក្នុង​ឃុំ​ចំណូក ស្រុក​កំពង់លែង ត្រូវបាន​អ្នកមានអំណាច អ្នកមាន​លុយ ឈូសឆាយ​ទន្ទ្រាន​កាន់កាប់​យក​ធ្វើជា​កម្មសិទ្ធិ​ដោយ​គ្មាន​ញញើត​អ្វី​ទាំងអស់​។ ក្រុមការងារ​ចម្រុះ​របស់​សាលាខេត្ត​កំពង់ឆ្នាំង កន្លងមក​បង្ក្រាប​តែ​ប្រជាពលរដ្ឋ​ដែល​ទន្ទ្រាន​កាន់កាប់​ដីព្រៃ​លិច​ទឹក​បន្តិចបន្តួច​ដើម្បី​ដាំពោត​សណ្ដែក​ប៉ុណ្ណោះ ចំណែក​អ្នកមានអំណាច អ្នកមាន​លុយ ទន្ទ្រាន​កាន់កាប់​ដីព្រៃ​លិច​ទឹក​រាប់រយ​ហិកតា​គ្មាន​នរណា​ទប់ស្កាត់​ឡើយ​។

ប្រជា​សហគមន៍​នេសាទ​ក្នុង​ឃុំ​ច្រ​ណូ​ក និង​ឃុំ​ពោធិ៍ ស្រុក​កំពង់លែង ខេត្តកំពង់ឆ្នាំង បាន​ឲ្យ​ដឹងថា​បច្ចុប្បន្ន​ដីព្រៃ​លិច​ទឹក​ប្រមាណ​ជិត​១០០០​ហិកតា​ត្រូវបាន​អ្នកមានអំណាច អ្នកមាន​លុយ ទន្ទ្រាន​កាន់កាប់​យក​ធ្វើជា​កម្មសិទ្ធិ​រួចជាស្រេច​។ ចំណែក​លោក ឈួ​រ ច័ន្ទ​ឌឿ​ន អភិបាលខេត្ត​កំពង់ឆ្នាំង បាន​រក្សា​ភាព​ស្ងៀមស្ងាត់​បណ្ដោយ​ឲ្យ​បទល្មើស​កើតឡើង​យ៉ាង​ពេញបន្ទុក​ធ្វើ​ឲ្យ​ដីព្រៃ​លិច​ទឹក​ជម្រក​ត្រី​ពង​កូន​កំពុង​ប្រឈម​នឹង​សេចក្ដី​វិនាស​។ បើតាម​ប្រភព​ខ្លះ​បាន​លើកឡើងថា ប្រសិនបើ​គ្មាន​ការឃុបឃិត​បើកដៃ​ពី​លោក ឈួ​រ ច័ន្ទ​ឌឿ​ន អភិបាលខេត្ត​កំពង់ឆ្នាំង​ទេនោះ គឺ​អ្នកមានអំណាច អ្នកមាន​លុយ មិន​ហ៊ាន​ធ្វើ​អ្វីៗ​តាម​អំពើ​ចិត្ត​ឡើយ​ហើយ​ទាល់តែ​មានការ​ឃុបឃិត​ជា​ប្រព័ន្ធ​ទើប​ដីព្រៃ​លិច​ទឹក​ជិត​១០០០​ហិកតា ត្រូវបាន​គេ​ទន្ទ្រាន​កាន់កាប់​យក​ធ្វើជា​កម្មសិទ្ធិឯកជន​យ៉ាង​ស្រួលៗ​៕

k-agri-cheng-nhanh

k-agria-500x375 k-agria3 k-agria1

Source link

ឈ្មួញ​ឈើ​ក្នុង​ខេត្តកំពង់ស្ពឺ តែងតែ​គេច​ផុតពី​ការបង្ក្រាប​របស់​សមត្ថ​កិច្ច​

​កាលពី​ថ្ងៃទី​២៤ ខែកក្កដា ឆ្នាំ​២០១៧ មន្ត្រីរដ្ឋបាល​ព្រៃឈើ​ដែលមាន​ការចូលរួម​ពី​មន្ត្រី​តុលាការ​បាន​បង្ក្រាប​ទីតាំង​ស្តុក​ឈើ​ធ្នង់​១​កន្លែង​នៅក្នុង​ភូមិ​ធ្នង់ សង្កាត់​ច្បារមន ក្រុង​ច្បារមន ខេត្តកំពង់ស្ពឺ ហើយ​នៅក្នុង​ការបង្ក្រាប​នោះ​សមត្ថកិច្ច​រកឃើញ​វត្ថុតាង​ឈើ​ធ្នង់​ជាច្រើន​កំណាត់​។ ក៏ប៉ុន្តែ​ម្ចាស់ផ្ទះ​ឈ្មោះ យ៉េត គ​ន្ធា ភេទ​ស្រី អាយុ​៥២​ឆ្នាំ បានគេច​ខ្លួន​យ៉ាង​ស្រួលៗ​មុនពេល​សមត្ថកិច្ច​ទៅដល់​។ បញ្ហា​នេះហើយ​ទើប​ប្រជាពលរដ្ឋ​ក្នុង​ខេត្តកំពង់ស្ពឺ គ្មាន​ជំនឿ​លើ​សមត្ថកិច្ច​ក្នុងការ​បង្ក្រាប​បទល្មើស​ព្រៃឈើ ព្រោះ​ភាគច្រើន​នៃ​ការបង្ក្រាប​គឺ​ឈ្មួញ​ម្ចាស់​ឈើ​តែងតែ​គេច​ផុតពី​សំ​ណា​ច់​ច្បាប់​។

​ប្រភពពី​សមត្ថកិច្ច​ដែល​ចូលរួម​ក្នុងការ​បង្ក្រាប​កន្លែង​ស្តុក​ឈើ​នៅក្នុង​បរិវេណ​ផ្ទះ​ដែលមាន​ម្ចាស់​ឈ្មោះ យ៉េត គ​ន្ធា បាន​ឲ្យ​ដឹងថា ឈ្មើ​ទាំងនោះ​ត្រូវ​ឈ្មួញ​ដឹក​ចូល​ជា​រៀងរាល់​យប់​តាម​រថយន្ត​តួ​រី​ស​និង​រថយន្ត​សាំ​យ៉ុង មកពី​តំបន់​ដែនជម្រកសត្វព្រៃ​ភ្នំ​ឱ​រ៉ា​ល់​ដោយ​ប្រើ​រូបភាព​បង្កប់​ក្រោម​អុស​។ នៅក្នុង​ប្រតិបត្តិការ​នោះ​សមត្ថកិច្ច​រកឃើញ​ឈើ​ធ្នង់​ចំនួន​៧១​កំណាត់​និង​អុស​ជាច្រើន​ម៉ែត្រត្រីគុណ ហើយ​សមត្ថកិច្ច​ដកហូត​ឈើ​ធ្នង់​ទាំងនោះ​ទៅ​រក្សាទុក​នៅ​ស្នាក់ការ​ខណ្ឌ​រដ្ឋបាល​ព្រៃឈើ​ខេត្តកំពង់ស្ពឺ ដើម្បី​ចាត់ការ​តាម​នីតិវិធី​។ ចំពោះ​ម្ចាស់ផ្ទះ​ជាទី​តាំង​ស្តុក​ឈើ​ដែល​គេចខ្លួន​អស់នោះ​មិនដឹងថា​សមត្ថកិច្ច​ត្រូវ​តាម​ចាប់ខ្លួន​ដើម្បី​រៀបចំ​ឯកសារ​ចាត់ការ​តាម​នីតិវិធី​ឬ​យ៉ាងណា​នោះឡើយ បញ្ហា​នេះ​ត្រូវ​ប្រជាពលរដ្ឋ​តាមដាន​ដោយ​យកចិត្តទុកដាក់​។

​តាម​ប្រភពពី​សមត្ថកិច្ច​ពាក់ព័ន្ធ​ក្នុង​ខេត្តកំពង់ស្ពឺ បាន​ឲ្យ​ដឹងថា​មកដល់ពេលនេះ​ឈ្មួញ​មួយចំនួន​នៅតែ​បន្ត​ទិញ​ឈើ​និង​ដឹកជញ្ជូន​ឈើ​ពី​តំបន់​ដែនជម្រកសត្វព្រៃ​ភ្នំ​ឱ​រ៉ា​ល់​មក​ស្តុក​ទុក​តាម​ទីតាំង​មួយចំនួន​ក្នុង​ក្រុង​ច្បារមន និង​នៅ​ស្រុក​ភ្នំស្រួច​។ នៅពេល​ប្រមូល​ទិញ​ឈើ​បាន​គ្រប់​ចំនួន​ទើប​ឈ្មួញ​ទាំងនោះ​ដឹកជញ្ជូន​ឈើ​ចេញទៅ​ស្រុក​យួន​តាម​ច្រកព្រំដែន​ក្នុង​ខេត្តតាកែវ និង​ខេត្តកំពត ព្រោះ​មានការ​ឃុបឃិត​ជាមួយ​មន្ត្រីរដ្ឋបាល​ព្រៃឈើ និង​សមត្ថកិច្ច​ពុករលួយ​ជាច្រើន​ស្ថាប័ន​ដែល​គិតតែ​ពី​រឿង​ប្រមូល​លុយ​ដាក់​ហោប៉ៅ​។ បញ្ហា​នេះ​លោក វេ​ង សាខុន រដ្ឋមន្ត្រី​ក្រសួងកសិកម្ម និង​លោក សាយ សំ​អាល់ រដ្ឋមន្ត្រី​ក្រសួងបរិស្ថាន មិនគួរ​បណ្ដែតបណ្ដោយ​តទៅទៀត​ទេ​ព្រោះ​បទល្មើស​កាប់​ឈើ​និង​ដឹកជញ្ជូន​ឈើ​ខុសច្បាប់​ចេញពី​តំបន់​ដែនជម្រកសត្វព្រៃ​ភ្នំ​ឱ​រ៉ា​ល់ នៅតែ​បន្ត​កើតឡើង​យ៉ាង​ពេញបន្ទុក​៕

េេ-768x576 ាស-17-768x576

 

Source link

សមត្ថកិច្ច​ខេត្តស្ទឹងត្រែង បង្ក្រាប​ទីតាំង​កែច្នៃ​ឈើ​ខុសច្បាប់​ដោយសារ​មិនបាន​ទទួលផល​ប្រយោជន៍​

​កាលពី​ថ្ងៃទី​២៣ ខែកក្កដា ឆ្នាំ​២០១៧ ទីតាំង​ស្តុក​ឈើ​និង​កែច្នៃ​ឈើ​ប្រណីត​មួយកន្លែង​ក្នុង​សង្កាត់​ស្ទឹងត្រែង ត្រូវ​កម្លាំង​រដ្ឋបាល​ព្រៃឈើ​ខេត្តស្ទឹងត្រែង សហការ​ជាមួយ​កម្លាំង​នគរបាល​ប្រឆាំង​បទល្មើស​សេដ្ឋកិច្ច​ខេត្តស្ទឹងត្រែង និង​មន្ត្រី​តុលាការ​ចាត់វិធានការ​បង្ក្រាប​។ ទីតាំង​ស្តុក​ឈើ​នោះ​ស្ថិតនៅ​ផ្ទះមួយ​កន្លែង​មាន​ចម្ការ​ក្រូច​ទល់មុខ​ចម្ការ​ស្វាយចន្ទី​ខាងត្បូង​វរ​សេនា​ធំ​កាំភ្លើង​ធំ​ចម្ងាយ​ប្រហែល​១០០​ម៉ែត្រ ស្ថិតនៅ​ក្នុងភូមិ​រាជា​នុ​កូ​ល សង្កាត់​ស្ទឹងត្រែង ក្រុង​ស្ទឹងត្រែង ខេត្តស្ទឹងត្រែង​។ ប្រភពពី​មន្ត្រី​អាជ្ញាធរ​មូលដ្ឋាន​សង្កាត់​ស្ទឹងត្រែង បាន​បង្ហើប​ឲ្យ​ដឹងថា​ប្រហែល​មកពី​ម្ចាស់​ទីតាំង​ស្តុក​ឈើ​កែច្នៃ​ឈើ មិន​បង់លុយ​ឲ្យ​មន្ត្រីរដ្ឋបាល​ព្រៃឈើ​និង​សមត្ថកិច្ច​ពាក់ព័ន្ធ​ដទៃទៀត​ទើបត្រូវ​ប្រឈម​នឹង​ការបង្ក្រាប​។

​សេចក្ដីរាយការណ៍​ពី​មន្ត្រី​មូលដ្ឋាន​និង​សមត្ថកិច្ច​ពាក់ព័ន្ធ​បាន​ឲ្យ​ដឹងថា ទីតាំង​ស្តុក​ឈើ​នោះ​ជា​ផ្ទះ​ដែល​ម្ចាស់​បាន​ទុកចោល​ជា​យូរ​មកហើយ ក្រោយមក​ទើប​មាន​ជនជាតិ​យួន​មក​ជួល​ដាក់​ឈើ​កែច្នៃ​រួច​លើកដាក់​រថយន្ត​ដឹកចេញទៅ​លក់​នៅ​ស្រុក​យួន​នៅពេល​យប់​។ ប្រភព​បាន​ឲ្យ​ដឹង​ទៀតថា សមត្ថកិច្ច​បង្ក្រាប​ទីតាំង​ស្តុក​ឈើ​កាលពី​ថ្ងៃទី​២៣ ខែកក្កដា ហើយ​ដល់​ថ្ងៃទី​២៤ ខែកក្កដា ទើប​ដឹកឈើ​ចេញ​ហើយ​មានការ​រឹបអូស​ម៉ាស៊ីន​ច្រៀក​កែច្នៃ​ឈើ​ទៅ​រក្សាទុក​នៅ​ស្នាក់ការ​ខណ្ឌ​រដ្ឋបាល​ព្រៃឈើ​ខេត្ត​ផងដែរ​។ ជាងនេះទៅទៀត​ទីតាំង​ខាងលើ​ត្រូវ​មន្ត្រីរដ្ឋបាល​ព្រៃឈើ​និង​សមត្ថកិច្ច​ហាមឃាត់​មិន​ឲ្យ​បន្ត​អាជីវកម្ម​តទៅទៀត​ឡើយ​។

​ប្រភពពី​សកម្មជន​ព្រៃឈើ​និង​ប្រជាពលរដ្ឋ​ក្នុង​ក្រុង​ស្ទឹងត្រែង បាន​លើកឡើងថា​ការបង្ក្រាប​បទល្មើស​ព្រៃឈើ​ក្នុងករណី​ខាងលើនេះ គឺជា​ការព្រមាន​ដល់​ឈ្មួញ​ដទៃទៀត​កុំ​ឲ្យ​មើលរំលង​ក្នុងការ​ផ្ដល់​ផលប្រយោជន៍​ដល់​មន្ត្រី​ជំនាញ​និង​សមត្ថកិច្ច​តាម​ការកំណត់​។ ដោយហេតុថា​បច្ចុប្បន្ន​ឈ្មួញ​មួយចំនួន​នៅ​បន្តសកម្មភាព​ដឹកជញ្ជូន​ឈើ​ពី​ស្រុក​សៀម​ប៉ាង តាម​រថយន្ត​និង​ម៉ូតូ​ឆ្លងកាត់​ក្រុង​ស្ទឹងត្រែង យ៉ាង​គគ្រឹកគគ្រេង​ហើយ​ឈ្មួញ​ខ្លះ​ដឹកជញ្ជូន​ឈើ​ចេញទៅ​ស្រុក​យួន​តាម​អំពើ​ចិត្ត​ដោយ​គ្មាន​សមត្ថកិច្ច​ណា​ទប់ស្កាត់​នោះទេ​។ ដូច្នេះ​លោក វេ​ង សាខុន ដែលជា​រដ្ឋមន្ត្រីក្រសួង​កសិកម្ម គួរ​ចាត់វិធានការ​ទប់ស្កាត់​បទល្មើស​ព្រៃឈើ​នៅក្នុង​ខេត្តស្ទឹងត្រែង ខ្លះ​ផង​ព្រោះ​អី​សមត្ថកិច្ច​ក្នុង​ខេត្តស្ទឹងត្រែង បង្ក្រាប​តែ​ឈ្មួញ​ដែល​មិន​បង់លុយ​តាម​ការកំណត់​តែប៉ុណ្ណោះ ចំណែក​ឈ្មួញ​ដែល​បង់លុយ​ជាប្រចាំ​តែងតែ​គេច​ផុតពី​ការបង្ក្រាប​ហើយ​ដឹកឈើ​ទៅដល់​គោលដៅ​ដោយ​គ្មាន​ការរំខាន​៕

ដដ-2-768x768 ដ-12-768x768 ាស-16-768x768 ាា-1-768x768

Source link

គំនរ​ឈើប្រណិត ប្រភេទ​ឈើ​ចម្រុះ​ថ្លឹង​គី​ឡូ ឈ្មួញ​ជើង​ខ្លាំង​ប្រចាំ​ភូមិ​ម្នាក់​កៀងគរ​គ្រប់​ច្រកល្ហក់​មកស្ត​​ក​ទុក​បម្រុង​លក់​ចេញ​បន្ត​ទៅ​អោយ​ឈ្មួញ​ផ្សេងៗ ត្រូវបាន​កម្លាំង​នគរបាល​មូលដ្ធាន ធ្វើការ​បង្ក្រាប​​នៅ​ស្រុក​កូន​មុំ​

ខេត្ត​រតនគិរី ៖ គំនរ​ឈើប្រណិត​ចម្រុះ ប្រមាណ​ជាង​ពីរ​តោន គរ​នៅ​គ្រោមផ្ទះ​ជា​ចំហរ គ្មាន​បា​រម្ម​ខ្លាចក្រែង​ទៅលើ​ការបង្ក្រាប​ពី​សមត្ថកិច្ច​ជំនាញ​ផ្នែក​ណាមួយ​នោះឡើយ​។​  ការចុះ​បង្ក្រាប ទីតាំង​ស្តុក​ឈើ​ខាងលើ​គឺ​ធ្វើឡើង​កាលពី​ព្រឹក​ថ្ងៃ​ទី​២៤​ខែកក្កដា​ឆ្នាំ​២០១៧​វេលា​ម៉ោង​៦​និង​៣០​នាទី​នៅ​  ត្រង់ចំណុច ខាងកើត​សាលា​បថ​ម​សិក្សា​ទើប​សាងសង់​ថ្មី​ហៅថា​(​សាលា​បថ​ម​សិក្សា​ត្រពាំង​ក្រហម )​ស្ថិតក្នុង​ភូមិ​២ ឃុំ ត្រពាំង​ក្រហម ស្រុក កូន​មុំ ខេត្ត​រតនគិរី ។

​សមត្ថកិច្ច​ដែល​ចុះបង្ក្រាប​រួមមាន : កម្លាំង​ប៉ុស្ថិនគរបាល​ឃុំ​ត្រពាំង​ក្រហម គ្រោម​បទបញ្ជ​ផ្ទាល់​ពី​លោក ភោគ បូរិទ្ធិ​អធិការដ្ធាន​នគរបា​ល​ស្រុក​កូនមុំ​។​

​តាម​ប្រភព​ពី​ប្រជា​ពលរដ្ធ​ដែល​រស់នៅ​ក្បែរ​គំនរ​ឈើ​ខាងលើ បានអោយដឹងថា ម្ចាស់​ឈើ​ត្រូវបាន​គេ​ស្គាល់ឈ្មោះ គឿន ជា​អាជីវករ​លក់​សាច់​ជ្រូក​នៅ​ផ្សារ​ត្រពាំង​ក្រហម ជា​ឈ្មួញ​ដុះ​ស្លែ​មួយរូប​ប្រចាំ​ភូមិ មាន​អត្ត​ចរិក​ក្អេងក្អាង​បំផុត យក​អំណាច​សមត្ថកិច្ច​ជំនាញ​ពាក់ព័ន្ធ​ក្នុង​មូលដ្ធាន​មក​កាង​បទល្មើ​សរប​ស់​ខ្លួន​ដើម្បី​ជា​ឈ្នាន់  ក្នុង​ការរកស៊ី​បទល្មើស ព្រៃឈើ​តាំងពី​យូរ​មក​ហើយ​។​

​ប្រភព​បន្តថា គំនរ​ឈើ​របស់​ឈ្មួញ​រូបនេះ​គឺ​មាន​ជា​ច្រើន​កន្លែង ទុក​លាក់ តាម​ទីតាំង​ខុសៗ​គ្នា  មាន​ដូចជា​នៅ​ខាងក្រោយ​ផ្ទះ​ស្នាក់​នៅ​ប្រចាំថ្ងៃ​(​ផ្ទះ​លក់​សាច់​ជ្រូក​)​នេះ​ជាដើម​។​

​ដោយឡែក គំនរ​ឈើ​ដែល​រង​ការបង្ក្រាប​ពី​ក្រុម​សមត្ថកិច្ច​ខាងលើនេះ​ត្រូវ​មជ្ឈដ្ធាន​ជា​ច្រើនដាក់​ការរិះគន់​ចំៗ​ចំពោះ​ស្ថាប័ន្ត​មាន​សមត្ថ​កិច្ចក្នង​មូល​ដ្ធា​ន ជាពិសេស​លោក​នាយ​ប៉ុស្ថិនគរបាល​ត្រពាំង​ក្រហម ដែល​មានឈ្មោះ ប៉ាក  ពៅ  នេះ​តែម្តង​ដូចជា មានការ​រា​រ៉ែ​ក​យឺតយ៉ាវ បំពេញការងារ ពុំ​មាន​ឆន្ទះ ក្នុង​ការចុះ​បង្ក្រាប គំនរ​ឈើ​ខាងលើ ទោះជា​មាន​បទបញ្ជា​យ៉ាង​ម៉ឺង​មាត់​ពី លោក អធិការនគរបាល​ស្រុក​កូន​មុំ ភោគ បូរិទ្ធិ  ក៍ដោយ​។​

​ជាក់ស្តែង កាលពី​យប់​ថ្ងៃ​ទី​២៣ ខែកក្កដា​ឆ្នាំ  ២០១៧ បន្ទាប់​ពី​មាន​ការរាយការណ៍​ពី​ក្រុម​អ្នក​សារព័តិមាន​បាន​តេ​ទៅ​លោក ភោគ​បូរិទ្ធិ​. អធិកា​ស​ស្រុក​កូន​មុំ​ពាក់ព័ន្ធ​ករណីយ៍​គំនរ​ឈើ  ហើយ​លោក អធិកា​រក៍បាន ដាក់​បទបញ្ជា​អោយ​កម្លាំង​​ប៉ុស្ថិ​ចុះ​ត្រួតពិនិត្យយាម​កាមគំន​រ​ឈើ កុំអោយ​បាត់បង់​សូម្បី​១​កំណាត់​. តែ​ផ្ទុយទៅវិញ បែរ  ជា​លោក នាយប៉ុស្ថិ ប៉ាក  ពៅ ទៅ​ជា​បណ្តែតបណ្តោយ​ខ្ជះខ្ជាយ​ពេលវេលា អោយ​ឈ្មួញ​ឈ្មោះ គឿន ម្ចាស់​គំនរ​ឈើ នាំ​កម្លាំង​ទៅ​រំដោះ​ឈើ ចេញ​ពី​គំនរ   អស់​ជាង​ពាក់កណ្តាល ជញ្ជូន​ទៅ​លាក់​ក្នុង​ប្រឡាយ និង​តាម​គម្ពោធ​ព្រៃ នានា​ទៅ​វិញ​។​លុះ​ព្រឹក​ឡើង​ថ្ងៃទី​២៤​ខែកក្កដា​ឆ្នាំ​២០១៧ វេលា​ម៉ោង​៦,៣០​នាទី កម្លាំង បាន​ដើរ​ប្រមែប្រមូល​កំណាត់ឈើ​ដែល​ឈ្មួញ​រំដោះ​ចេញ​លាក់​នៅ​តាម​ប្រឡាយ​ទឹក និង​កម្ពោធ​ព្រៃ​នោះ​យក ត្រឡប់​មក​វិញ​ហើយ​ដឹកជញ្ជូន​តាម​រថយន្ត​មួយ​បាំង​កន្លះ​បាន​ចំនួន​ពីរ​គ្រឿង​ពេញ​ណែន​នាំមក​រក្សាទុក​នៅ​អធិការ​ដើម្បី​បំពេញ​សំណុំបែបបទ ។ តាម​របាយការណ៍​របស់​សមត្ថកិច្ច  បានអោយដឹងថា​: ឈើ​ដែល​រិបអូស​បាន​មាន​ចំនួ​ន​២៥០​កំណាត់ ប្រមាណ​ជាង​២​តោន​៕

 

img20170726p1-(4) img20170726p1-(3) img20170726p1-(2) img20170726p1-(1)

Source link