ព័ត៌មានខ្មែរ

គ្រឿងញៀន​និង​គ្រឿង​ស្រវឹង​ជា​ប្រភព​នៃ​អំពើ​ឃាតកម្ម​និង​បទឧក្រិដ្ឋ​គួរ​ឲ្យ​ភ័យខ្លាច​

រយៈពេល​ប៉ុន្មាន​ខែ​កន្លងទៅនេះ នៅក្នុង​រាជធានី​ភ្នំពេញ​ក៏ដូចជា​តាម​បណ្ដា​ខេត្ត​មួយចំនួន​អំពើ​ឃាតកម្ម និង​បទល្មើស​ផ្សេងៗ​កើត​ឡើងជា​បន្តបន្ទាប់​និង​ច្រើនជាង​មុន​នាំ​ឲ្យ​មានការ​កត់សម្គាល់ថា​សីលធម៌​រស់នៅ​ក្នុងសង្គម​កម្ពុជា​បច្ចុប្បន្នកំពុង​តែមាន​ការធ្លាក់ចុះ​យ៉ាងគំហុក​។ ជាក់ស្ដែង​ករណី​ប្ដី​ប្រពន្ធ​ចាក់​សម្លាប់​គ្នា​ឬ​កាប់សម្លាប់​គ្នា​ដោយ សារ​ទំនាស់​ក្នុង​គ្រួសារ​បានកើត​ឡើងជា​ច្រើន​ករណី ហើយ​ករណីខ្លះ​មាន​លក្ខណៈ​សាហាវព្រៃផ្សៃ​គួរ​ឲ្យ​រន្ធត់ ដែល​បញ្ហា​នេះ​កំពុង​ធ្វើ​ឲ្យ​មនុស្ស​ទូទៅ​ព្រួយបារម្ភ​កាន់តែខ្លាំង​ពី​ការធ្លាក់ចុះ​សីលធម៌​រស់នៅ​ក្នុងសង្គម​បច្ចុប្បន្ន​។ លើស​នេះ​ទៅទៀត​ករណី​កូនៗ​ប្រើ​អំពើហិង្សា​ធ្វើបាប​ឪពុកម្ដាយ​ឬ​កាប់សម្លាប់​ឪពុកម្ដាយ​នៅតែ​កើតឡើង​យ៉ាង​រាលដាល​ដូចដែល​បណ្ដាញ​ព័ត៌មាន​នានា បាន​ចុះផ្សាយ​ជា​សាធារណៈ​រួចទៅហើយ​។

គួរកត់សម្គាល់​ដែរ​ថា នៅ​ដើមខែ​មករា ឆ្នាំ​២០១៨​នេះ នៅក្នុង​រាជធានី​ភ្នំពេញ​អំពើ​ឃាតកម្ម​បាញ់សម្លាប់​មនុស្ស​នៅតាម​ដងផ្លូវ ករណី​ឃាតកម្ម​កាប់សម្លាប់​គ្នា​នៅតាម​ផ្ទះ​បានកើត​ឡើងជា​ច្រើន​ករ​ណី​ហើយ​រូបភាព​នៃ​អំពើ​ឃាតកម្ម​ទាំងនោះ​មាន​លក្ខណៈ​សាហាវព្រៃផ្សៃ​គួរ​ខ្លាច​។ នៅតាម​បណ្ដា​ខេត្ត​មួយចំនួន​ករណី​មនុស្ស​ប្រុស​ដែលមាន​វ័យ​ចំណាស់ៗ​ចាប់រំលោភ​កុមារី​តូចៗ​បានកើត​ឡើងជា​បន្តបន្ទាប់ ហើយ​មាន​ទាំង​ករណី​ជីតា​រំលោភ​ចៅស្រី​របស់ខ្លួន ឪពុក​បង្កើត​រំលោភ​កូនស្រី​របស់ខ្លួន​និង​ឪ​ចុង​ចាប់រំលោភ​កូនស្រី​របស់​ប្រពន្ធ​យ៉ាង​កំរោល​ជាដើម​។ បទល្មើស​ទាំងនេះ​បង្ហាញ​យ៉ាងច្បាស់​ថា​សីលធម៌​រស់នៅ​ក្នុងសង្គម​កម្ពុជា​កំពុង​ធ្លាក់ចុះ​គួរ​ឲ្យ​កត់សម្គាល់​ទើប​អំពើ​ឃាតកម្ម​និង​បទល្មើស​ផ្សេងៗ​រាលដាល​កាន់តែខ្លាំង ហើយ​នាំ​ឲ្យ​ប៉ះពាល់​ដល់​សន្តិសុខ​សង្គម​ផងដែរ​។ ករណីខ្លះ​មិត្តភក្ដិ​កាប់សម្លាប់​គ្នា​នៅក្នុង​វង់​ផឹកស៊ី​ដោយសារ​ទំនាស់​ពាក្យសំដី​បន្តិចបន្តួច ហើយ​បទឧក្រិដ្ឋ​បែបនេះ​កំពុងតែ​កើនឡើង​គួរ​ឲ្យ​ភ័យខ្លាច​ព្រោះ​មនុស្ស​កាន់តែច្រើន​កំពុង​បាត់បង់​សីលធម៌​រស់នៅ​គួរ​ឲ្យ​ព្រួយបារម្ភ​។

មាន​កត្តា​ជាច្រើន​ដែលជា​មូលហេតុ​ធ្វើ​ឲ្យ​សីលធម៌​រស់នៅ​ក្នុងសង្គម​កម្ពុជា​មានការ​ធ្លាក់ចុះ​កាន់តែ​ដុនដាប ហើយ​គ្រឿង​ស្រវឹង​ក៏​ជា​ផ្នែក​មួយ​ដែល​កំពុង​ធ្វើ​ឲ្យ​សីលធម៌​រស់នៅ​ក្នុងសង្គម​ធ្លាក់ចុះ​កាន់តែខ្លាំង​ហើយ​ពិបាក​នឹង​ស្ដារឡើងវិញ​។ ជាការ​ពិត​អំពើ​ឃាតកម្ម​កាប់ សម្លាប់​គ្នា អំពើហិង្សា​ក្នុង​គ្រួសារ​និង​បទឧក្រិដ្ឋ​ផ្សេងៗ​ដូចជា​ករណី​ចាប់រំលោភ​សេពសន្ថវៈ​ជាដើម​មួយផ្នែកធំ​កើតចេញពី​គ្រឿង​ស្រវឹង ដែល​កត្តា​បង្ហាញថា​គ្រឿង​ស្រវឹង​កំពុង​បំផ្លាញ​ធនធានមនុស្ស​យ៉ាង​ពេញបន្ទុក​។ សព្វថ្ងៃនេះ​យុវវ័យ​កម្ពុជា​មួយចំនួន​កំពុង​ត្រូវ​ពង្វក់​ដោយសារ​ស្រា​និង​ស្រា​បៀរ​ច្រើន​ប្រភេទ ហើយ​នៅ​តំបន់​ខ្លះ​សូម្បីតែ​កុមារ​តូចៗ​ក៏​គេ​ពង្វក់​ឲ្យ​ផឹកស្រា​បៀរ​និង​គ្រឿង​ស្រវឹង​ផ្សេងៗ​ដែរ​។ មានន័យថា​គ្រឿង​ស្រវឹង​កំពុង​បំផ្លាញ​ធនធានមនុស្ស​ក្នុងសង្គម​កម្ពុជា​កាន់តែ​ខ្លាំង​ឡើងៗ ហើយ​គ្មាន​វិធី​ណា​ដែល​អាច​ទប់ស្កាត់​ផល​ប៉ះ ពាល់​ពី​គ្រឿង​ស្រវឹង​នៅឡើយ​ទេ​។

ឥឡូវនេះ​គ្រឿងញៀន​គឺជា​ផ្នែក​មួយ​ដែល​នាំ​ឲ្យ​អំពើ​ឃាតកម្ម​និង​បទឧក្រិដ្ឋ​ក៏ដូចជា​បទល្មើស​ផ្សេងៗ​កើតឡើង​យ៉ាង​ពេញបន្ទុក ហើយ​គ្រឿងញៀន​កំពុង​ធ្វើ​ឲ្យ​សីលធម៌​រស់នៅ​ក្នុងសង្គម​កម្ពុជា​កាន់តែ​ធ្លាក់​ដុនដាប​ពិបាក​ស្រោចស្រង់​ឡើងវិញ​។ អំពើ​ឃាតកម្ម​កាប់សម្លាប់​គ្នា​តាមផ្លូវ​សាធារណៈ ករណី​បាញ់សម្លាប់​គ្នា យ៉ាង​សាហាវព្រៃផ្សៃ​ក៏ដូចជា​អំពើចោរកម្ម​លួច​ឆក់​ប្លន់​ភាគច្រើន​កើតចេញពី​ក្រុម​ជនសង្ស័យ​ដែល​ជាប់​ពាក់ព័ន្ធ​បទល្មើស​ជួញដូរ​ចែកចាយ​ប្រើប្រាស់​គ្រឿ ង​ញៀន​។ ជា​ការពិត​បច្ចុប្បន្ន​សម​ត្ថ​កិច្ច​នៅក្នុង​រាជធានី​ភ្នំពេញ​និង​តាម​បណ្ដា ខេត្ត​នានា​បង្ក្រាប​បទល្មើស​ជួញដូរ​ចែកចាយ​ប្រើប្រាស់​គ្រឿងញៀន​ក្នុង​មួយថ្ងៃៗ​បានជា​ច្រើន​ករណី​ហើយ​ឃាត់ខ្លួន​ជនសង្ស័យ​បាន​រាប់សិប​នាក់​យកទៅ​ចាត់វិធានការ​តាមផ្លូវ​ច្បាប់​។ ក៏ប៉ុន្តែ​ជាក់ស្ដែង​បទល្មើស​ជួញដូរ​ចែកចាយ​ប្រើប្រាស់​គ្រឿងញៀន​ហាក់ដូចជា​មិនទាន់មាន​ការថយចុះ​គួរ​ឲ្យ​កត់សម្គាល់​នោះទេ ហើយ​អំពើ​ឃាតកម្ម បទឧក្រិដ្ឋ​និង​បទល្មើស​ផ្សេងៗ​ដែល​កើតចេញពី​គ្រឿងញៀន​នៅតែ​ជា​រឿង​គួរ​ឲ្យ​ភ័យខ្លាច​។

ផ្ដើមចេញពី​គ្រឿងញៀន​និង​គ្រឿង​ស្រវឹង​កំពុង​ធ្វើ​ឲ្យ​អំពើ​ឃាតកម្ម បទឧក្រិដ្ឋ​និង​បទល្មើស​ផ្សេងៗ​កើតឡើង​យ៉ាង​រាលដាល ហើយ​ក្នុងនោះ​គ្រឿង​ស្រវឹង​និង​គ្រឿងញៀន​កំពុង​បង្ក​ឲ្យ​មាន​បញ្ហា​ជាច្រើន​នៅក្នុង​សង្គម​កម្ពុជា​និង​ប៉ះពាល់​ដល់​សន្តិសុខ​សង្គម​ទៀតផង​។ កាលពីមុន​ពលរដ្ឋ​កម្ពុជា​ដែល​រស់នៅ​ក្នុងភូមិ​ផង​របង​ជាមួយគ្នា​នៅពេល​មាន​ជម្លោះ​កើតឡើង​បន្តិចបន្តួច​តែងមាន​ការយោគយល់​គ្នា​ហើយ​ដោះស្រាយ​ដោយ​សន្តិវិធី​និង​ចេះ​ជួយ​ធុរៈ​គ្នា​ក្នុងនាម​ជា​ញាតិ​ជិតខាង​យ៉ាង​កក់ក្ដៅ​។ ប៉ុន្តែ​បច្ចុប្បន្ន​ត្រឹម​ព្រំដី​មួយ​ចំអាម​ក៏​បង្កើត​ទៅ ជា​រឿង​ជម្លោះ​ប្ដូរស្លាប់ប្ដូររស់ ហើយ​ជួនកាល​សូម្បីតែ​បងប្អូន​បង្កើត​នឹង​គ្នា​ក៏​ឈ្លោះ​គ្នា​កាប់សម្លាប់​គ្នា​ព្រោះតែ​រឿង​ព្រំដី រឿង​ស្រវឹងស្រា​និង​ទំនាស់​ពាក្យសំដី​តិចតួច​ទៅវិញ​។ ប្រការ​នេះហើយ​ដែល​នាំ​ឲ្យ​អំពើ​ឃាតកម្ម​និង​បទឧក្រិដ្ឋ​ក៏​ជា​ដូចជា​បទល្មើស​ផ្សេងៗ​មានការ​កើនឡើង​យ៉ាងគំហុក ក្នុងខណៈដែល​សីលធម៌​រស់នៅ​ក្នុងសង្គម​កម្ពុជា​ត្រូវ​គ្រឿងញៀន​និង​គ្រឿង​ស្រវឹង​ទន្ទ្រាន​បំផ្លាញ ឲ្យ​ធ្លាក់ចុះ​កាន់តែខ្លាំង​ឡើងៗ​ពីមួយថ្ងៃ​ទៅមួយថ្ងៃ​ដោយ​គ្មាន​វិធី​ទប់ទល់​បានឡើយ​៕

download cda6040d-84ed-4f1c-9471-901d6c6af5f2

Source link

កូនដំរី​ជាប់ផុង​ដំបូក​សត្វ​ក​ណ្ឌៀ​ស្លាប់​នៅក្នុង​ព្រៃ​កែវ​សីមា​

​ខេត្តមណ្ឌលគិរី​៖​កូនដំរី ព្រៃ​ញី​០១​ក្បាល​បាន​ស្លាប់ ដោយសា​ជាប់​ផុងជើង​ទៅ​និង​ដ​ម្បូ​ក​សត្វ​កណ្តៀ​នៅក្នុង​ព្រៃ​ស្រុក​កែវ​សីមា​ខេត្ត​មណ្ឌល​គី​រី​។​លោក​ឌិន ស៊ី​ធឿន នាយក​ដែនជម្រកសត្វព្រៃ​កែវ​សីមា ថាៈ​កម្លាំង​ល្បាត​របស់លោក​បាន​ប្រទះឃើញ​កូនដំរី​ព្រៃ​ញី​០១​ក្បាល​តាម​ការសន្និដ្ឋាន​អាយុ​ប្រហែល​មួយឆ្នាំ​ឃើញ​ជា​ប់ដ​ម្បូ​កក​ណ្តៀ​ពាក់កណ្តាល​ចង្កេះ ដេកស្លាប់​កាលពី​ថ្ងៃ​៧​

រោច​ខែបុស្ស​ឆ្នាំរកា  ព​.​ស ២៥៦១​ត្រូវ​នឹង​ថ្ងៃទី​៨​មករា គ​.​ស ២០១៨​។ ក្រុមការងារ​ដែនជម្រកសត្វព្រៃ​កែវ​សីមា​សន្និដ្ឋានថាៈ​កូនដំរី​ញី​នេះ​ជា​កូនដំរី​ញី​អាចមក​ស៊ី​ដី​ច្រាប​នេះ​(​ដីដំបូក​មាន​ជាតិ​ប្រៃ​)​តាម​មេ​វា​ដែរ​ក៍រ​អឹ​ល​ជើង​ផុង​ចូល​រូង​កណ្តៀ​ដែល​ហ្វូង​សត្វ​ឯទៀត​ផ្សេងៗ​ស៊ី​ជា​យូ​មកហើយ​។

​មេ​ដំរី​ក្រោយពេល​ឃើញ​កូន​វា​ផុង​មេ​វាក៍​ដើរ​ក្រ​វ៉ែល​ជំវិញ​ដើម្បី​ឲ្យ​កូន​តោង​តែ​ចៃដន្យ​អាក្រក់​ដី​ដ​ម្បូ​ក​នោះ​បាក់​ស្រុក​ស្ងួត​រឹង​បណ្តាល​ឲ្យ​ជាប់​កូន​របស់​ដំរី​នេះ​ស្លាប់​តែម្តង​។ កូនដំរី​នេះ​បាន​ស្លាប់​ប្រហែល​០១​យប់​ហើយ​នៅ​ចំ​(​ហៅ​ណុ​ច​ចំការចេក​)​ប៉ុ​ស្តិ៏​អូរ​ជុំ និយាម​ការ ០៧០៨៩៥៧,១៣៣៧៣០៧ ឯ​ទំ​ហ៊ំ​ក្នុង​រណ្តៅ​មាន​១​ម​×១​ម ជម្រៅ​០,៧០​ស​.​ម ដែល​ធ្វើ​ឲ្យ​ជើង​ក្រោយ​ទាំងពីរ​ផុង​ចូលក្នុង​ដ​ម្បូ​ក​សំបុក​កណ្តៀ គាប​ជាប់​មិនអាច​រើ​បំរាស់​រួច​។

សូមបញ្ជាក់ថា​កាលពីដើមឆ្នាំ​២០១៧​នៅក្នុង​ព្រៃ​ស្រុក​កែវ​សីមា​នេះដែរ​មាន​ហ្វូង​ដំរី​មួយក្រុម​មាន​តូចធំ​ជាង​១០​ក្បាល​បាន​ធ្លាក់​ក្នុង​រណ្តៅ​គ្រាប់​បេ​៥២​ដែរ​តែ​ត្រូវបាន​មន្ត្រី​បរិស្ថាន​ជួយសង្គ្រោះ​ទាន់ពេល​។​​កូនដំរី​ន​ស្លាប់​ត្រូវបាន​ដឹក​មក​ក្លាស្សេ​ទុក​ដើម្បី​បញ្ជូនទៅ​ក្រសួង​ន​បរិស្ថាន​៕

a-ele2a-elea-ele1

Source link

ពលរដ្ឋខ្មែរទូទាំងប្រទេសត្រូវគោរពនិងអនុវត្តន៍បទចរាចរណ៍ទាំងអស់គ្នាដើម្បីសុវត្ថិភាពនៅលើដងផ្លូវ

ឥឡូវនេះសមត្ថកិច្ចក្នុងរាជធានីភ្នំពេញ បានចាត់វិធានការដោយយកចិត្តទុកដាក់ចំពោះបញ្ហាអនុវត្តន៍ច្បាប់ចរាចរណ៍ ដើម្បីរៀបចំសណ្ដាប់ធ្នាប់សាធារណៈនៅតាមដងផ្លូវក៏ដូចជាកាត់បន្ថយគ្រោះថ្នាក់ចរាចរណ៍ប្រកបដោយប្រសិទ្ធភាពផងដែរ។ នៅពេលដែលសមត្ថកិច្ចចាប់ផ្ដើមអនុវត្តន៍ច្បាប់ចរាចរណ៍ គឺជាពេលវេលាមួយដែលប្រជាពលរដ្ឋទូទៅត្រូវគិតគួរឡើងវិញអំពីការគោរពច្បាប់ចរាចរណ៍ទាំងអស់គ្នានៅពេលបើកបររថយន្តម៉ូតូនិងយានយន្តផ្សេងៗទៀតនៅលើដងផ្លូវ។ ដោយហេតុថាបញ្ហាអនុវត្តន៍ច្បាប់ចរាចរណ៍គឺជាកត្តាសំខាន់បំផុតដើម្បីសុវត្ថិភាពនៅលើដងផ្លូវ ហើយប្រសិនបើពលរដ្ឋខ្មែរទូទាំងប្រទេសគិតគូរពីរឿងអនុវត្តន៍ច្បាប់ចរាចរណ៍ទាំងអស់គ្នានោះគឺគ្រោះថ្នាក់ចរាចរណ៍មិនកើតឡើងយ៉ាងពេញបន្ទុកគួរឲ្យភ័យខ្លាចដូចសព្វថ្ងៃនេះឡើយ។

ប៉ុន្មានថ្ងៃកន្លងទៅនេះសមត្ថកិច្ចក្នុងរាជធានីភ្នំពេញ បានកំពុងតែអនុវត្តន៍ច្បាប់ចរាចរណ៍ ដូចជាចាប់ផាកពិន័យទៅលើអ្នកជិះម៉ូតូមិនពាក់មួកសុវត្ថិភាព មិនបំពាក់កញ្ចក់មើលក្រោយ គ្មានស្លាកលេខនិងបើកបរបញ្ច្រាសទិស មិនគោរពសិទ្ធិអាទិភាពជាដើម។ បញ្ហានេះកំពុងធ្វើឲ្យប្រជាពលរដ្ឋភាគច្រើនចាប់ផ្ដើមគិតគូរពីរឿងគោរពច្បាប់ចរាចរណ៍និងអនុវត្តន៍ច្បាប់ចរាចរណ៍ ដើម្បីអាចចៀសផុតពីចំណាត់ការរបស់សមត្ថកិច្ចក៏ដូចជាការពារអាយុជីវិតរបស់ខ្លួន។ អ្នកបើកបរម៉ូតូមិនពាក់មួកសុវត្ថិភាពមិនបំពាក់កញ្ចក់មើលក្រោយនិងបើកបរបញ្ច្រាសទិសដៅ ត្រូវបានសមត្ថកិច្ចចាត់វិធានការតាមច្បាប់ដោយពុំមានការយោគយល់នោះទេ ហើយម៉ូតូរាប់ពាន់គ្រឿងត្រូវបានសមត្ថកិច្ចចាប់យកទៅពិន័យតាមច្បាប់ជាធរមាន។ នៅពេលដែលសមត្ថកិច្ចអនុវត្តន៍ច្បាប់ចរាចរណ៍គឺប្រជាពលរដ្ឋទូទៅ មិនគួរមានសេចក្ដីខឹងសម្បាទៅលើសមត្ថកិច្ចនោះទេហើយគួរពិនិត្យកំហុសខ្លួនឯងដែលមិនគោរពច្បាប់ចរាចរណ៍និងត្រូវកែប្រែឥរិយាបថរបស់ខ្លួនជាបន្ទាន់។

គួរកត់សម្គាល់ដែរថា ការដែលសមត្ថកិច្ចកំពុងតែអនុវត្តន៍ច្បាប់ចរាចរណ៍ គឺដោយសារកន្លងមកគ្រោះថ្នាក់ចរាចរណ៍មានការកើនឡើងយ៉ាងគំហុក ហើយអ្នកដែលជិះម៉ូតូមិនពាក់មួកសុវត្ថិភាពត្រូវស្លាប់បាត់បង់ជីវិតឬរងរបួសធ្ងន់នៅពេលមានគ្រោះថ្នាក់ចរាចរណ៍កើតឡើង។ ដូច្នេះការពាក់មួកសុវត្ថិភាពពេលបើកបរនៅតាមដងផ្លូវហើយមានបំពាក់កញ្ចក់មើលក្រោយព្រមទាំងយកចិត្តទុកដាក់គោរពច្បាប់ចរាចរណ៍ថែមទៀតនោះគឺអាចកាត់បន្ថយហានិភ័យនៃគ្រោះថ្នាក់ចរាចរណ៍បានកាន់តែច្រើន។ លើសនេះទៅទៀតនៅពេលដែលពលរដ្ឋទូទៅគោរពច្បាប់ចរាចរណ៍និងអនុវត្តន៍ច្បាប់ចរាចរណ៍ទាំងអស់គ្នា ហើយឈប់បើកបរយានយន្តបញ្ច្រាសទិសតទៅទៀតគឺគ្មានបញ្ហាកកស្ទះចរាចរណ៍នៅលើដងផ្លូវក្នុងរាជធានីភ្នំពេញដូចសព្វថ្ងៃនេះទេ។ មិនតែប៉ុណ្ណោះអាចធ្វើឲ្យសណ្ដាប់ធ្នាប់ចរាចរណ៍តាមដងផ្លូវធំៗក្នុងរាជធានីភ្នំពេញមានសណ្ដាប់ធា្នប់កាន់តែប្រសើរនៅពេលធ្វើដំណើរតាមដងផ្លូវ គ្មានសេចក្ដីព្រួយបារម្ភអំពីគ្រោះថ្នាក់ចរាចរណ៍ដូចសព្វថ្ងៃនេះទៀតឡើយ។

កន្លងមកតាមផ្លូវធំៗមួយចំនួនដូចជាផ្លូវម៉ៅសេទុង ផ្លូវកម្ពុជាក្រោម ផ្លូវសហព័ន្ធរុស្ស៊ី ផ្លូវលេខ២៧១ និងផ្លូវវេងស្រេង ជាដើមមានអ្នកបើកបររថយន្តនិងម៉ូតូបញ្ច្រាសទិសច្រើនជាងអ្នកបើកបរយានយន្តដែលគោរពតាមច្បាប់។ សូម្បីតែតាមផ្លូវនៅខាងមុខភូមិគ្រឹះលោកនាយករដ្ឋមន្ត្រី ហ៊ុន សែន ដែលជាប្រមុខរាជរដ្ឋាភិបាលក៏មានអ្នកបើកបររថយន្តនិងម៉ូតូបញ្ច្រាសទិសដែរ ដោយពួកគេមិនគោរពនិងមិនអនុវត្តន៍តាមច្បាប់ចរាចរណ៍ឲ្យបានត្រឹមត្រូវឡើយ។ ដូច្នេះនៅពេលសមត្ថកិច្ចចាប់ផ្ដើមអនុវត្តន៍ច្បាប់ចរាចរណ៍នៅពេលនេះគឺជាប្រការសំខាន់បំផុតដើម្បីឲ្យអ្នកបំពានច្បាប់ចរាចរណ៍ទាំងឡាយងាកមកគិតគូរពីការគោរពច្បាប់ចរាចរណ៍ដើម្បីសុវត្ថិភាពអាយុជីវិតខ្លួនឯងនិងអាយុជីវិតអ្នកដទៃនៅលើដងផ្លូវផងដែរ។ ទន្ទឹមនឹងនេះសមត្ថកិច្ចក្នុងរាជធានីភ្នំពេញត្រូវអនុវត្តន៍ច្បាប់ចរាចរណ៍ជាប្រចាំដើម្បីកុំឲ្យមានអ្នកបំពានច្បាប់ចរាចរណ៍នៅតាមដងផ្លូវយ៉ាងអនាធិបតេយ្យដូចកាលពីមុនទៀត ហើយអ្នកប្រព្រឹត្តខុសច្បាប់ត្រូវតែទទួលពិន័យតាមច្បាប់ជាធរមាន៕

26694444_1589701027790148_1491780207_n 26794299_1589701057790145_499548679_n 26694661_1589701021123482_1410448428_n

Source link

​ក្លិនស្អុយ​បានបញ្ជាក់​ថា ក្រុមហ៊ុន (​លឹម រ៉ូយ៉ាល់​) មិន​គោរព​ច្បាប់ កាប់បំផ្លាញ​ព្រៃ​អភិរក្ស​ដឹក​ចូល​ក្រុមហ៊ុន អស់ល័ក្ខ​ជាប់​អន្ទាក់​សមត្ថកិច្ច​

ខេត្ដ​រតនគីរី ៖ មាន​មោទនភាព​លើកទីមួយ​ហើយ​! ដែល​កម្លាំង​សមត្ថកិច្ច​ចម្រុះ​ខេត្ត​ភូមិភាក​ឥ​សាន្ដ សហការ​គ្នា​ចុះ​បង្ក្រាប​ឈើ​ខុសច្បាប់ របស់​មេ​ឈ្មួញ​ដ៏​មាន​ឥទ្ធិពល ជា​តំណាង​ក្រុមហ៊ុន (​ក្រុមហ៊ុន លឹម រ៉ូយ៉ាល់​)​កំពង់​ល្បី​រន្ទឺ​ខាង​កាប់​បំផ្លាញ​ព្រៃឈើ ដែល​លោក​ស្វាយ សំ​អ៊ាង​អភិបាលខេត្ត មណ្ឌល​គី​រី សម្ងំ​នៅ​ស្ងៀម មិន​ឆ្លើយ មិន​ឆ្លង មិន​បកស្រាយ មិន​ស្រាវជ្រាវ មិន​មាន​ចំណាត់ការ ដែល​រង​ការរិះគន់​ពី​ប្រជាពលរដ្ឋ​យ៉ាងខ្លាំង ។​

​ប្រតិបត្តិការ​ចុះ​បង្ក្រាប​នេះ នៅ​ល្ងាច​ថ្ងៃទី​០៧ ខែ​មករា ឆ្នាំ​២០១៨ ក្រោម​បញ្ជា​ផ្ទាល់​ពី​លោក​ងួន គឿន ស្នងការដ្ឋាន​នគ​បាល​ខេត្ត​សហការ​ជាមួយ​ទា​ហ៊ាន​ប្រតិបត្តិការ​សឹក​រង​ខេត្ត នគរបាល​ស្រុក​លំផាត់ និង​មន្ត្រី​បរិស្ថាន​ដែន​អភិរក្ស​ជីវ​:​ចម្រុះ​លំផាត់ បង្ក្រាប​ទទួលបាន​លិទ្ធិ​ផល​រួមមាន​៖ ប្រភេទ​ឈើ​សុ​ក្រំ​ចំនួន​113​កំណាត់​មុខកាត់​40×40×4​ម៉ែត្រ ដែល​ក្រុម​ឈ្មួញ​ដឹក​លាក់ទុក នៅ​ចំណុច​គីឡូម៉ែត្រ​លេខ​255 ស្ថិតក្នុង​ភូមិ​ថ្មី ឃុំ​ជ័យ​ឧត្តម ស្រុក​លំផាត់ ខេត្ត​រតនគីរី ។​

​សមត្ថកិច្ច​ដែល​ចុះ​ទៅ​បង្ក្រាប​ផ្ទាល់​ន​ប្រាប់​បាន​អ្នក​ព័ត៌មាន​ឲ្យដឹងថា ៖ ឈើ​ជាង​មួយរយ​កំណាត់​មាន​មុខកាត់​ធំៗ ដែល​សមត្ថកិច្ច រឹបអូស​បាន​នោះ នៅពេលនេះ ដឹក​រក្សាទុក​នៅ​ស្នាក់ការ​បរិស្ថាន ដែន​ជំរក​សត្វព្រៃ​លំផាត់ ដើម្បី​បន្ត​និតិ​វិធី​តាម​ផ្លូវច្បាប់​ស្ដីពី​ព្រៃឈើ ប៉ុន្ដែ​មិន​ទាន់​វាស់វែង​ដឹង​ចំនួន​ម៉ែត្រ​គីប​ពិតប្រាកដ​នៅឡើយ​ទេ​។​

​ប្រភព​ដដែល​បាន​បន្តទៀតថា ឈើ​ប្រណិត​១១៣​កំណាត់ ដែល​ត្រូវបាន​សមត្ថកិច្ច​បង្ក្រាប​នេះ ត្រូវបាន​ប្រជាពលរដ្ឋ​ស្គាល់​ម្ចាស់​ឈ្មោះ ស្រៀ​ង ម៉េង ជា​មេ​ទា​ហ៊ាន​មាន​ឋានៈ​ផ្កាយ​១ និង​ជា​តំណាង​ក្រុមហ៊ុន​(​លឹម រ៉ូយ៉ាល់​) ដែល​ល្បី​ខាង​បំផុស​ប្រជាពលរដ្ឋ​រាប់រយ​នាក់​កាន់រ​ណា​យន្ដ ចូល​កាត់​បំផ្លាញ​ព្រៃឈើ​តំបន់​អន្ទ្រ​ង និង​ព្រៃ​ដែន​អភិរក្ស​បរិស្ថាន​ភ្នំ​ព្រិច ស្ថិត​ស្រុក​កោះ​ញែក ដឹក​ចូល​ក្រុមហ៊ុន និង​កាត់​PC​សិប្ប​និមិត្ត​ដឹកជញ្ជូន​តាម​រថយន្ដ​ធុន​យក្ស​ឆ្លងដែន​ទៅ​ប្រទេ​វៀតណាម​ដោយ​រលូន​ជ្រក​ក្រោម​រូបភាព​ឈើ​ក្រុមហ៊ុន លោត ឆ័ត ចូល​កាប់​ឈើ​ក្នុង​ដែន​ជំរក​សត្វព្រៃ​លំផាត់ ខេត្ត​រតនគីរី ព្រំប្រទល់​ជាប់​ស្រុក​កោះ​ញែក ខេត្ត​មណ្ឌល​គី​រី អស់ល័​ក្ខ​ត្រូវ​ជាប់អន្ទាក់​របស់​សម​ត្ថ​កិច្ច​តែម្ដង ៕

 

h180109a3 h180109a2 h180109a1

Source link

មេគយច្រកកំពង់ពពឹល ស្រុកបុរីជលសា លោក កែវ វណ្ណឌី កំពុងល្បីល្បាញខាងពុករលួយ

រឿងអាស្រូវពុករលួយរបស់លោក កែវ វណ្ណឌី ប្រធានការិយាល័យគយនិងរដ្ឋាករច្រកព្រំដែនកំពង់ពពឹល ស្រុកបុរីជលសា កំពុងត្រូវបានមន្ត្រីប្រចាំច្រកនេះបើកកកាយជាសាធារណៈដើម្បីឲ្យលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ក៏ដូចជាលោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា បានជ្រួតជ្រាប។ ដោយហេតុថា ច្រើនឆ្នាំកន្លងទៅនេះលោក កែវ វណ្ណឌី ប្រព្រឹត្តអំពើពុករលួយកាន់តែខ្លាំងឡើងៗតាមរយៈការបើកដៃឲ្យឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់តាមច្រកកំពង់ពពឹល។ សូម្បីតែអាជីវករនិងពលរដ្ឋខ្មែរដឹកជញ្ជូនស្រូវទៅលក់ឲ្យឈ្មួញយួនតាមច្រកកំពង់ពពឹល និងនាំឈើចេញតាមច្រកនេះក៏ជាប្រភពចំណូលយ៉ាងកាក់កបរបស់លោក កែវ វណ្ណឌី ប្រធានការិយាល័យគយច្រកកំពង់ពពឹលផងដែរ។ ដូច្នេះលោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករ មិនគួរបណ្ដែតបណ្ដោយឲ្យលោក កែវ វណ្ណឌី ធ្វើអ្វីៗស្រេចតែអំពើចិត្តទៀតឡើយ។

ប្រភពពីមន្ត្រីប្រចាំច្រកកំពង់ពពឹល បានឲ្យដឹងទៀតថា ភាគច្រើននៅទំនិញដែលឈ្មួញធំៗនាំចូលពីស្រុកយួនតាមច្រកកំពង់ពពឹល គឺបង់ពន្ធជូនរដ្ឋត្រឹមតែ២០ទៅ៣០ភាគរយប៉ុណ្ណោះ ហើយទំនិញគេចពន្ធដែលឈ្មួញនាំចូលមានដូចជា គ្រឿងសំណង់ ដែកស៊ីម៉ងត៍ ឥដ្ឋការ៉ូ និងទំនិញចាប់ហួយជាដើម។ ឈ្មួញបានដឹកជញ្ជូនទំនិញតាមសាឡង់ឬទូកធំៗឆ្លងកាត់ប្រឡាយ០១ស្ថិតក្នុងភូមិសាស្ត្រស្រុកបុរីជលសា និងស្រុកត្រែង ដោយត្រូវបង់លុយតាមការកំណត់របស់លោក កែវ វណ្ណឌី គឺជាការស្រេច។ ប្រភពបានឲ្យដឹងទៀតថា ការដែលលោក កែវ វណ្ណឌី ប្រធានការិយាល័យគយច្រកកំពង់ពពឹល អាចធ្វើអ្វីៗតាមអំពើចិត្ត គឺមានការឃុបឃិតបើកដៃពីសំណាក់លោក កែវ វ៉ាន្នី ប្រធានសាខាគយខេត្តតាកែវផងដែរ ដែលជាហេតុធ្វើឲ្យរដ្ឋត្រូវខាតបង់ចំណូលពន្ធយ៉ាងច្រើនក្នុងមួយខែៗ។ លើសនេះទៅទៀតឈ្មួញមួយចំនួនបាននាំឈើប្រណីតចេញតាមច្រកកំពង់ពពឹល យ៉ាងរលូនដោយសារមានការឃុបឃិតពីសំណាក់លោក កែវ វណ្ណឌី និងសមត្ថកិច្ចពាក់ព័ន្ធដទៃទៀត។

ប្រភពពីមន្ត្រីនិងភ្នាក់ងារគយក្នុងខេត្តតាកែវ មួយចំនួនបានឲ្យដឹងថា លោក កែវ វណ្ណឌី កាន់តំណែងជាប្រធានការិយាល័យគយច្រកកំពង់ពពឹល ជាយូរមកហើយដោយពុំមានផ្លាស់ប្ដូរទៅណានោះទេ ព្រោះអីលោក កែវ វណ្ណឌី មានខ្នងបង្អែកយ៉ាងរឹងមាំ។ ប្រភពខ្លះបានឲ្យដឹងថា រាល់ចំណូលពីអំពើពុករលួយគឺលោក កែវ វណ្ណឌី បញ្ជូនទៅឲ្យមេៗនៅថ្នាក់លើជាប្រចាំ ហេតុនេះហើយទើបលោក កែវ វណ្ណឌី នៅតែអាចកាន់តំណែងយ៉ាងដុះស្លែនៅច្រកកំពង់ពពឹល ស្រុកបុរីជលសា ហើយបណ្ដោយឲុ្យឈ្មួញនាំចូលទំនិញគេចពន្ធនិងទំនិញបង់ពន្ធមិនគ្រប់ស្រេចតែអំពើចិត្ត។ ហេតុនេះលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ គួរបើកការស៊ើបអង្កេតទៅលើរឿងអាស្រូវពុករលួយរបស់លោក កែវ វណ្ណឌី ប្រធានការិយាល័យគយច្រកកំពង់ពពឹលជាបន្ទាន់ ព្រោះច្រើនឆ្នាំំមកហើយដែលមន្ត្រីគយរូបនេះប្រើតួនាទីនិងអំណាចប្រព្រឹត្តអំពើពុករលួយយ៉ាងគឃ្លើនដោយគ្មានញញើតអ្វីទាំងអស់៕

W-0701N កែវ-វណ្ណឌីលោក កែវ វណ្ណឌី W-0701N1

Source link

គ.ជ.ប.​កំណត់​លេខ​រៀង​គណបក្ស​នយោបាយ​ និង​អាសនៈ​សម្រាប់​ការបោះឆ្នោត​ព្រឹទ្ធ​សភា​ដោយ​គ្មាន​គណបក្ស​ប្រឆាំង


គ.ជ.ប.​បាន​កំណត់​លេខ​រៀង​គណបក្ស​ប្រជាជន​កម្ពុជា ​និង​គណបក្ស​នយោបាយ​ចំនួន​៣​ដែល​យក​អាសនៈ​របស់​គណបក្ស​សង្គ្រោះ​ជាតិ​ សម្រាប់​ការ​បោះឆ្នោត​ព្រឹទ្ធ​សភា។ ​អ្នក​វិភាគ​យល់​ថា​ ការ​បោះឆ្នោត​នេះ​គឺគ្រាន់​តែ​បង្គ្រប់នីតិវិធី​តែ​ប៉ុណ្ណោះក្រោយ​ពី​ការ​រំលាយ​គណ​បក្ស​សង្គ្រោះ​ជាតិ។

Source link