ព័ត៌មានខ្មែរ

ឧកញ៉ា ជ័យ នៅតែ​បន្តសកម្មភាព​ដឹកជញ្ជូន​ឈើ​ចេញពី​ស្រុក​សេ​សាន ខេត្តស្ទឹងត្រែង យ៉ាង​រលូន

ប្រភពពី​សមត្ថកិច្ច​តូចតាច​និង​មន្ត្រី​អាជ្ញាធរ​ក្នុងស្រុក​ស្នួល ខេត្តក្រចេះ បាន​ឲ្យ​ដឹងថា ក្នុងចំណោម​ឈ្មួញ​ដឹកជញ្ជូន​ឈើ​ចេញទៅ​ស្រុក​យួន​តាម​ច្រកព្រំដែន​ត្រពាំង​ស្រែ​-​វ៉ា​លឺ ស្រុក​ស្នួល ខេត្តក្រចេះ គឺមាន​មេ​ឈ្មួញ ម៉ឹក សុផាន់​ណា​រ៉េត ហៅ​ឧកញ៉ា ជ័យ ផងដែរ​។ ប្រភព​បាន​ឲ្យ​ដឹង​ទៀតថា ឧកញ៉ា ជ័យ បាន​កាប់​ឈើ​និង​ដឹកជញ្ជូន​ឈើ​ចេញពី​ស្រុក​សេសា​ន ខេត្តស្ទឹងត្រែង ចូល​ខេត្តក្រចេះ ដោយ​ប្រើប្រាស់​រថយន្ត​យី​ឌុប​ធំៗ​ហើយ​គ្មាន​មន្ត្រី​ជំនាញ ឬ​សមត្ថកិច្ច​ពាក់ព័ន្ធ​ណា​ហ៊ាន​ប៉ះពាល់​ឡើយ​។ ឈ្មួញ​តូចតាច​ខ្លះ​បាន​បង្ហើប​ឲ្យ​ដឹងថា​មេ​ឈ្មួញ ម៉ឹក សុផាន់​ណា​រ៉េត ហៅ​ឧកញ៉ា ជ័យ មាន​ខ្នងបង្អែក​រឹងមាំ​ទើប​មន្ត្រី​ជំនាញ និង​សមត្ថកិច្ច​តាម​ដងផ្លូវ​មិន​ហ៊ាន​ប៉ះពាល់ ហើយ​រក្សា​ភាព​ស្ងៀមស្ងាត់​ដោយ​មិន​ខ្វល់​ពី​ការរិះគន់​អ្វី​ទាំងអស់​។​

​ប្រភពពី​ប្រជា​សហគមន៍​ការពារ​ព្រៃឈើ​បាន​ឲ្យ​ដឹងថា កន្លងមក​ក្រោម​យីហោ​ក្រុមហ៊ុន ហួត ម៉េង​រីតា គឺ​មេ​ឈ្មួញ ម៉ឹក សុផាន់​ណា​រ៉េត ហៅ​ឧកញ៉ា ជ័យ បាន​កាប់​ឈើ​និង​ដឹកជញ្ជូន​ឈើ​ជិត​២០​ឆ្នាំ​ចេញពី​ស្រុក​អន្លង់វែង និង​ស្រុក​ត្រពាំង​ប្រាសាទ ខេត្តឧត្ដរមានជ័យ ធ្វើ​ឲ្យ​ព្រៃឈើ​ក្នុងស្រុក​ទាំង​២​នេះ ត្រូវ​ប្រឈម​នឹង​សេចក្ដី​វិនាស​។ បច្ចុប្បន្ន​មេ​ឈ្មួញ ម៉ឹក សុផាន់​ណា​រ៉េត ហៅ​ឧកញ៉ា ជ័យ កាប់​ឈើ​និង​ដឹកជញ្ជូន​ឈើ​ចេញពី​ស្រុក​សេសា​ន ខេត្តស្ទឹងត្រែង យ៉ាង​ពេញបន្ទុក ហើយ​មានការ​ឃុបឃិត​ពី​មន្ត្រី​អាជ្ញាធរ មន្ត្រី​ជំនាញ និង​សមត្ថកិច្ច​ពាក់ព័ន្ធ​ជាច្រើន​ស្ថាប័ន​ទើប​អ្វីៗ​អាច​ប្រព្រឹត្ត​ទៅដោយ​រលូន​។ មន្ត្រី​អាជ្ញាធរ​មូលដ្ឋាន​ក្នុងស្រុក​សេសា​ន បាន​ឲ្យ​ដឹងថា បច្ចុប្បន្ន​តំបន់​បាត​អាង​ទំនប់​វា​រី​អគ្គិសនី​សេ​សាន​ក្រោម​២ គ្មាន​នៅ​សេសសល់​ឈើ​សម្រាប់​កាប់​ធ្វើ​អាជីវកម្ម​តទៅទៀត​ទេ ហើយ​ឈើ​ដែល​មេ​ឈ្មួញ ម៉ឹក សុផាន់​ណា​រ៉េត ហៅ​ឧកញ៉ា ជ័យ ដឹកជញ្ជូន​ទៅ​ស្រុក​យួន​គឺជា​ឈើ​ដែល​កាប់​ចេញពី​ព្រៃ​ការពារ​និង​ព្រៃ​អភិរក្ស​នៅក្រៅ​តំបន់​បាត​អាង​ទំនប់​វា​រី​អគ្គិសនី​សេ​សាន​ក្រោម​២​។​

​ថ្មីៗ​នេះ​សមត្ថកិច្ច​តូចតាច​ក្នុងស្រុក​សេ​សាន ខេត្តស្ទឹងត្រែង បាន​ឲ្យ​ដឹងថា​មេ​ឈ្មួញ ម៉ឹក សុផាន់​ណា​រ៉េត ហៅ​ឧកញ៉ា ជ័យ កំពុង​បំពាន​កាប់​ឈើ​នៅក្រៅ​តំបន់​ទំនប់​វា​រី​អគ្គិសនី​សេសា​ន​ក្រោម​២ ហើយ​ដឹក​ចូល​បរិវេណ​ទំនប់​វា​រី​អគ្គិសនី​ដើម្បី​ឲ្យ​ក្លាយជា​ឈើ​ស្របច្បាប់ រួច​ដឹកជញ្ជូន​ចេញទៅ​ស្រុក​យួន​យ៉ាង​រលូន​។ មួយរយៈ​កន្លងទៅនេះ​មេ​ឈ្មួញ ម៉ឹក សុផាន់​ណា​រ៉េត ហៅ​ឧកញ៉ា ជ័យ ប្រើប្រាស់​រថយន្ត​យី​ឌុប​ធំៗ​ដឹកឈើ​ចេញទៅ​ស្រុក​យួន​តាម​ច្រក​ត្រពាំង​ស្រែ ស្រុក​ស្នួល យ៉ាង​គគ្រឹកគគ្រេង​រហូត​ដល់​មាន​ករណី​រថយន្ត​យី​ឌុប​១​គ្រឿង​ត្រូវ​ក្រឡាប់​នៅលើ​ផ្លូវ​លេខ​៧៤ ភូមិ​ត្រពាំង​ស្រែ ឃុំ​២​ធ្នូ ស្រុក​ស្នួល ខេត្តក្រចេះ ទៀតផង​។ មន្ត្រី​ជំនាញ និង​សមត្ថកិច្ច​ក្នុង​ខេត្តស្ទឹងត្រែង និង​ខេត្តក្រចេះ ត្រូវបាន​ប្រជាពលរដ្ឋ​ទូទៅ​រិះគន់ថា ហ៊ាន​បង្ក្រាប​តែ​ប្រជាពលរដ្ឋ​ដឹកអុស និង​ដឹក​ជន្លង់ម្រេច​ប៉ុណ្ណោះ ចំណែក​មេ​ឈ្មួញ ម៉ឹក សុផាន់​ណា​រ៉េត ហៅ​ឧកញ៉ា ជ័យ មិនឃើញ​មាន​សមត្ថកិច្ច​ចម្រុះ​ណា​ហ៊ាន​ចាត់វិធានការ​បង្ក្រាប​ទាល់តែសោះ​៕

2017_10_06_06_28_01_2 IMG-20171006-WA0008-500x375 car-oknah-leak-1-475x500 2017_10_06_06_28_01

Source link

បទល្មើស​កាប់​ឈើ​និង​ដឹកជញ្ជូន​ឈើ​ចេញពី​ព្រៃ​ព្រះ​រកា គ្មាន​សមត្ថកិច្ច​ណា​បង្ក្រាប​

សេចក្ដីរាយការណ៍​ពី​ប្រជាពលរដ្ឋ​នៅ​ស្រុក​ជាំ​ក្សាន្ត ស្រុក​ឆែប និង​ស្រុក​ត្បែងមានជ័យ ខេត្តព្រះវិហារ បាន​ឲ្យ​ដឹងថា​បច្ចុប្បន្ន​បទល្មើស​កា​ប់​ឈើ​និង​ដឹកជញ្ជូន​ឈើ​ចេញពី​តំបន់​ព្រៃ​ព្រះ​រកា នៅតែ​កើតឡើង​យ៉ាង​ពេញបន្ទុក​ហើយ​មិនឃើញ​មន្ត្រី​បរិស្ថាន មន្ត្រីរដ្ឋបាល​ព្រៃឈើ និង​សមត្ថកិច្ច​ពាក់ព័ន្ធ​ចាត់វិធានការ​ទប់ស្កាត់​នោះឡើយ​។ លោក អ៊ុន ចាន់​ដា អភិបាលខេត្ត​ព្រះវិហារ និង​ប្រធាន​មន្ទីរ​បរិស្ថាន​ខេត្តព្រះវិហារ ត្រូវ​ប្រជាពលរដ្ឋ​ក្នុងស្រុក​ទាំង​៣​ខាងលើ​រិះគន់ថា មិន​យកចិត្តទុកដាក់​បង្ក្រាប​បទល្មើស​កាប់​ឈើ​ដែល​កើតឡើង​យ៉ាង​ពេញបន្ទុក​នៅ​តំបន់​ព្រៃ​ព្រះ​រកា​នោះទេ​។ ផ្ទុយទៅវិញ​មន្ត្រី​បរិស្ថាន​ការពារ​ព្រៃ​ព្រះ​រកា គឺជា​អ្នក​ឃុបឃិត​បើកដៃ​ឲ្យ​ឈ្មួញ​ចូល​កាប់​ឈើ​ដើម្បី​ជា​ថ្នូរ​នឹង​ផលប្រយោជន៍​ដោយ​គ្មាន​ញញើត​អ្វី​ឡើយ​។

មន្ត្រី​ក្រៅ​រដ្ឋាភិបាល​បាន​ឲ្យ​ដឹងថា ព្រៃ​ព្រះ​រកា​ដែលមាន​ទំហំ​ប្រមាណ​៩៨០០០​ហិកតា​ជាប់​ភូមិសាស្ត្រ​ខេត្តកំពង់ធំ ខេត្តព្រះវិហារ និង​ខេត្តស្ទឹងត្រែង កំពុង​រង​ការបំផ្លាញ​យ៉ាង​ពេញបន្ទុក​ព្រោះ​ឈ្មួញ​ធំៗ​នៅតែ​អាច​ចូល​កាប់​ឈើ​និង​ដឹកជញ្ជូន​ឈើ​ចេញពី​ព្រៃ​ព្រះ​រកា​យ៉ាង​គគ្រឹកគគ្រេង​។ សកម្មជន​ព្រៃឈើ​និង​ប្រជា​សហគមន៍​ការពារ​ព្រៃឈើ​ក្នុងស្រុក​ឆែប បាន​ឲ្យ​ដឹងថា នៅពេល​ប្រជាពលរដ្ឋ​ចូល​ព្រៃ​កាប់​អុស​កាប់​ឈើ​បន្តិចបន្តួច​ត្រូវ​មន្ត្រី​បរិស្ថាន មន្ត្រីរដ្ឋបាល​ព្រៃឈើ និង​សមត្ថកិច្ច​ពាក់ព័ន្ធ​ដូចជា​នគរបាល អាវុធហត្ថ ចាត់វិធានការ​បង្ក្រាប​ដោយ​គ្មាន​ការយោគយល់​ឡើយ​។ ចំណែក​ក្រុមហ៊ុន​និង​ឈ្មួញ​មួយចំនួន​ដែល​កាប់​ឈើ​និង​ដឹកជញ្ជូន​ឈើ​ចេញពី​ព្រៃ​ព្រះ​រកា​ដោយ​ប្រើប្រាស់​រថយន្ត​ធំៗ មិនឃើញ​មន្ត្រី​ជំនាញ​និង​សមត្ថកិច្ច​ពាក់ព័ន្ធ​ចាត់វិធានការ​ទប់ស្កាត់​នោះទេ​។

ប្រជា​សហគមន៍​ការពារ​ព្រៃ​ព្រះ​រកា​ក្នុងស្រុក​ត្បែងមានជ័យ ក៏បាន​ឲ្យ​ដឹង​ដែរ​ថា ឈ្មួញ​និង​ក្រុម​ជនល្មើស​ដែលមាន​ការឃុបឃិត​ជាមួយ​មន្ត្រី​បរិស្ថាន​និង​សមត្ថកិច្ច​ពាក់ព័ន្ធ កំពុង​ធ្វើ​សកម្មភាព​កាប់​ឈើ​និង​ដឹកឈើ​ចេញពី​ព្រៃ​យ៉ាង​គគ្រឹកគគ្រេង ធ្វើ​ឲ្យ​ព្រៃ​ព្រះ​រកា​កំពុង​ប្រឈម​នឹង​សេចក្ដី​វិនាស​។ រីឯ​ប្រភពពី​ប្រជា​សហគមន៍​ការពារ​ព្រៃ​ព្រះ​រកា​នៅ​ស្រុក​ជាំ​ក្សាន្ត បាន​ឲ្យ​ដឹងថា ភាគ​ខាងជើង​ឆៀង​ខាងកើត​នៃ​ព្រៃ​ព្រះ​រកា​ក្នុង​មូលដ្ឋាន​ពួកគាត់​កំពុង​រង​ការបំផ្លាញ​យ៉ាង​មហន្តរាយ ហើយ​មាន​មន្ត្រី​យោធា​ខ្លះ​ជាប់​ពាក់ព័ន្ធ​នឹង​បទល្មើស​ព្រៃឈើ​ទៀតផង​។ ប្រការនេះ​ជា​រឿង​ដែល​លោក សាយ សំ​អាល់ រដ្ឋមន្ត្រី​ក្រសួងបរិស្ថាន និង​លោក អ៊ុន ចាន់​ដា អភិបាលខេត្ត​ព្រះវិហារ មិនគួរ​បណ្ដែតបណ្ដោយ​តទៅទៀត​ទេ ព្រោះ​ព្រៃ​ព្រះ​រកា​កំពុង​ប្រឈម​នឹង​សេចក្ដី​វិនាស​ហើយ​មន្ត្រី​បរិស្ថាន គឺជា​អ្នក​ឃុបឃិត​ឲ្យ​ឈ្មួញ​និង​ក្រុម​ជនល្មើស​កាប់​ឈើ​ខុសច្បាប់​យ៉ាង​ពេញបន្ទុក​៕

23574051_1756461794649395_1892700262_n លោក អ៊ុន ចាន់​ដា អភិបាលខេត្ត​ព្រះវិហារ newsnews 8cb2a4ff-c218-4581-b44b-957d597a5a39

Source link

មេ​គយ​ច្រកទ្វារ​អន្តរជាតិ​ព្រំ ខេត្ត​ប៉ៃលិន លោក ទី ប៊ុន​ឡង់ ប្រព្រឹត្ត​អំពើពុករលួយ​គ្មាន​ញញើត​អ្វី​ទាំងអស់​

​ប្រភពពី​មន្ត្រី​នៅ​ច្រកទ្វារ​អន្តរជាតិ​ព្រំ ខេត្ត​ប៉ៃលិន បាន​ឲ្យ​ដឹងថា​រយៈពេល​២​ខែ​កន្លងទៅនេះ​លោក ទី ប៊ុន​ឡង់ ប្រធានការិយាល័យ​គយ​ច្រកទ្វារ​អន្តរជាតិ​ព្រំ ប្រព្រឹត្ត​អំពើពុករលួយ​ប្រមូល​លុយ​យក​ធ្វើ​មាន​ធ្វើបាន​ផ្ទាល់ខ្លួន​យ៉ាង​ក្រអឺតក្រទម​។ ប្រភពពី​មន្ត្រី​គយ​តូចតាច​ក្នុង​ខេត្ត​ប៉ៃលិន ក៏បាន​ឲ្យ​ដឹង​ដែរ​ថា​ដោយសារ​លោក ទី ប៊ុន​ឡង់ ចំណាយ​ដើមទុន​យ៉ាងច្រើន​ក្នុងការ​ទទួលបាន​តំណែង​ជា​ប្រធានការិយាល័យ​គយ​ច្រកទ្វារ​អន្តរជាតិ​ព្រំ ទើប​ខំប្រឹង​ស្រង់ដើម​យ៉ាង​ពេញបន្ទុក​។ មន្ត្រី​នៅ​ច្រកទ្វារ​អន្តរជាតិ​ព្រំ បាន​ឲ្យ​ដឹងថា​លោក ទី ប៊ុន​ឡង់ ឃុបឃិត​ឲ្យ​ឈ្មួញ​នាំចូល​ទំនិញគេចពន្ធ និង​ទំនិញ​បង់ពន្ធ​មិន​គ្រប់​កាន់តែ​ច្រើនឡើងៗ​ដើម្បី​ប្រមូល​លុយ​ធ្វើ​មាន​ធ្វើបាន​ផ្ទាល់ខ្លួន​។

ចំណែក​ប្រភពពី​ក្រុម​ឈ្មួញ​និង​អាជីវករ​មួយចំនួន​ដែល​រកស៊ី​នាំ​ទំនិញ​ពី​ប្រទេស​សៀម​ចូល​តាម​ច្រកទ្វារ​អន្តរជាតិ​ព្រំ ខេត្ត​ប៉ៃលិន បាន​អំពាវនាវ​ឲ្យ​លោក អូន ព័ន្ធមុនីរ័ត្ន ដែលជា​រដ្ឋមន្ត្រីក្រសួង​សេដ្ឋកិច្ច និង​ហិរញ្ញវត្ថុ ចាត់វិធានការ​ទប់ស្កាត់​អំពើពុករលួយ​របស់លោក ទី ប៊ុន​ឡង់ ប្រធានការិយាល័យ​គយ​ច្រកទ្វារ​អន្តរជាតិ​ព្រំ ជាបន្ទាន់​។ បើតាម​ក្រុម​ឈ្មួញ​និង​អាជីវករ​ទាំងនោះ​បានបញ្ជាក់​ថា​ពួកគេ​កំពុង​ពិចារណា​ឈប់​នាំចូល​ទំនិញ​តាម​ច្រកទ្វារ​អន្តរជាតិ​ព្រំ តទៅទៀត​ព្រោះ​លោក ទី ប៊ុន​ឡង់ មេ​គយ​យ​ច្រកទ្វារ​អន្តរជាតិ​ព្រំ​ដែល​មានការ​បើកដៃ​ពី​លោក សំ សុវណ្ណារិទ្ធ ប្រធាន​សាខាគយ​ខេត្ត​ប៉ៃលិន កំពុង​គាប​យកលុយ​លើ​តុ​ក្រោម​តុ​ពី​ពួកគេ​កាន់តែ​ច្រើនឡើងៗ​។ ជាងនេះទៅទៀត​សូម្បីតែ​ពលរដ្ឋ​ដែល​រកស៊ី​ដឹក​បន្លែបង្ការ​និង​ផ្លែឈើ​ចូល​តាម​ច្រកទ្វារ​អន្តរជាតិ​ព្រំ ក៏ត្រូវ​មន្ត្រី​គយ​ប្រចាំ​ច្រក​នេះ​ជំរិត​យកលុយ​យ៉ាង​កំរោល​ដែរ​។​

​បើតាម​ការ​បង្ហើប​ពី​មន្ត្រី​គយ​នៅក្នុង​អគ្គនាយកដ្ឋាន​គយ និង​រដ្ឋាករ មួយចំនួន​បាន​បង្ហើប​ឲ្យ​ដឹងថា ដោយ​អាង​មាន​ខ្នងបង្អែក​រឹងមាំ​លោក ទី ប៊ុន​ឡង់ ប្រធានការិយាល័យ​គយ​និង​រដ្ឋាករ​ច្រកទ្វារ​អន្តរជាតិ​ព្រំ ខេត្ត​ប៉ៃលិន ហ៊ាន​ប្រព្រឹត្ត​អំពើពុករលួយ គាបសង្កត់​ប្រជាពលរដ្ឋ​តូចតាច​យ៉ាង​ពេញបន្ទុក​។ ផ្ទុយទៅវិញ​បែរជា​លោក ទី ប៊ុន​ឡង់ បាន​ឃុបឃិត​បើកដៃ​ឲ្យ​ឈ្មួញ​ធំៗ​នាំ​ទំនិញគេចពន្ធ ទំនិញ​បង់ពន្ធ​មិន​គ្រប់​និង​ទំនិញ​ខុសច្បាប់​ចូល​តាម​ច្រកទ្វារ អន្តរជាតិ​ព្រំ យ៉ាង​គគ្រឹកគគ្រេង​ដើម្បី​ជា​ថ្នូរ​នឹង​ផលប្រយោជន៍​ដោយ​គ្មាន​ញញើត​អ្វី​ទាំងអស់​។ ប្រភព​ខ្លះ​បាន​ឲ្យ​ដឹងថា លោក គុណ ញឹម អគ្គនាយក​នៃ​អគ្គនាយកដ្ឋាន​គយ​និង​រដ្ឋាករ គឺជា​អ្នក​បើកដៃ​ឲ្យ​លោក ទី ប៊ុន​ឡង់ ធ្វើ​អ្វីៗ​តាម​អំពើ​ចិត្ត ហេតុនេះ​លោក អូន ព័ន្ធមុនីរ័ត្ន ដែលជា​រដ្ឋមន្ត្រីក្រសួង​សេដ្ឋកិច្ច និង​ហិរញ្ញវត្ថុ គួរ​ចាត់វិធានការ​ទប់ស្កាត់​ជាបន្ទាន់​។ ដោយហេតុថា​ករណី​ឈ្មួញ​នាំចូល​ទំនិញគេចពន្ធ ទំនិញ​បង់ពន្ធ​មិន​គ្រប់ និង​ទំនិញ​ខុសច្បាប់​តាម​ច្រកទ្វារ​អន្តរជាតិ​ព្រំ ខេត្ត​ប៉ៃលិន កំពុង​ធ្វើ​ឲ្យ​រដ្ឋ​ខាតបង់​ចំណូល​ពន្ធ​យ៉ាងច្រើន​សន្ធឹកសន្ធាប់​ក្នុង​មួយខែៗ ហើយ​ផលប្រយោជន៍​បាន​ទៅលើ​លោក ទី ប៊ុន​ឡង់ និង​បក្ខពួក​យ៉ាង​សុខ​ស្រួល​បំផុត​៕

_19989675_1578520262221430_8927290018770413391_nលោក គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករ
IMG_2498

Source link

មេ​រដ្ឋបាល​ជលផល​ខេត្តកំពង់ធំ បណ្ដោយ​ឲ្យ​បទល្មើស​ប្រើ​ឧបករណ៍​ខុសច្បាប់​កើតឡើង​យ៉ាង​រាលដាល​

​រយៈពេល​៤​ខែ​កន្លងទៅនេះ​បទល្មើស​នេសាទ​ប្រើ​ឧបករណ៍​ខុសច្បាប់​ក្នុង​តំបន់​បឹង​ទន្លេសាប​នៃ​ឃុំ​ពាម​បាង ស្រុក​ស្ទោង និង​ឃុំ​ផាត់​សណ្ដាយ ស្រុក​កំពង់ស្វាយ ខេត្តកំពង់ធំ កើតឡើង​យ៉ាង​ពេញបន្ទុក​ហើយ​មិនឃើញ​មន្ត្រីរដ្ឋបាល​ជលផល និង​សមត្ថកិច្ច​ពាក់ព័ន្ធ​ចាត់វិធានការ​ទប់ស្កាត់​ប្រកបដោយ​ប្រសិទ្ធភាព​នោះទេ​។ លោក ប៉ែន វណ្ណ​រឹទ្ធ នាយ​ខណ្ឌ​រដ្ឋបាល​ជល​ផល​ខេត្តកំពង់ធំ ត្រូវ​ប្រជាពលរដ្ឋ​រិះគន់ថា​ជា​អ្នក​បណ្ដោយ​ឲ្យ​មន្ត្រីរដ្ឋបាល​ជលផល​នៅ​ឃុំ​ពាម​បាង ស្រុក​ស្ទោង និង​ឃុំ​ផាត់​សណ្ដាយ ស្រុក​កំពង់ស្វាយ ធ្វើ​អ្វីៗ​តាម​អំពើ​ចិត្ត​ដើម្បី​ជា​ថ្នូរ​នឹង​ផលប្រយោជន៍​។ សូម្បីតែ​លោក អេង ជា​សាន អគ្គនាយក​រដ្ឋ​បាលជ​ល​ផល ក៏​រក្សា​ភាព​ស្ងៀមស្ងាត់​ដែរ ក្នុងខណៈដែល​បទល្មើស​ប្រើ​ឧបករណ៍​ខុសច្បាប់​ក្នុង​តំបន់​បឹង​ទន្លេសាប​នៃ​ខេត្តកំពង់ធំ រាលដាល​កាន់តែខ្លាំង​ឡើងៗ​ធ្វើ​ឲ្យ​ធនធាន​មច្ឆជាតិ​ត្រូវ​ប្រឈម​នឹង​សេចក្ដី​វិនាស​អន្តរាយ​។

ប្រភពពី​ប្រជា​នេសាទ​ជា​លក្ខណៈ​គ្រួសារ​នៅក្នុង​ឃុំ​ផាត់​សណ្ដាយ ស្រុក​កំពង់ស្វាយ ខេត្តកំពង់ធំ បាន​ឲ្យ​ដឹងថា​នៅក្នុង​មូលដ្ឋាន​ពួកគាត់​បទល្មើស​នេសាទ​ប្រើ​ឧបករណ៍​ខុសច្បាប់​ច្រើន​ប្រភេទ​នៅតែ​បន្ត​កើតឡើង​យ៉ាង​ពេញបន្ទុក​ដោយ​គ្មាន​មន្ត្រី​ជំនាញ ឬ​សមត្ថកិច្ច​ពាក់ព័ន្ធ​ណា​ចាត់វិធានការ​ទប់ស្កាត់​នោះទេ​។ លោក យ៉ាន់ វិសាក់ ហៅ​សែ នាយផ្នែក​រដ្ឋបាល​ជល​ផល​ផាត់​សណ្ដាយ ត្រូវបាន​ប្រជាពលរដ្ឋ​និង​មន្ត្រី​អាជ្ញាធរ​មូលដ្ឋាន​រិះគន់ថា ជា​អ្នក​ឃុបឃិត​បើកដៃ​ឲ្យ​ក្រុម​ជនល្មើស​ប្រើ​ឧបករណ៍​ខុសច្បាប់​យ៉ាង​ពេញបន្ទុក​ដើម្បី​ជា​ថ្នូរ​នឹង​ផលប្រយោជន៍​។ ប្រភព​ខ្លះ​បាន​រាយការណ៍​ថា​ក្នុងរ​បាំងសាច់​អួន​ក្រឡា​ញឹក ឬ​របាំង​ស្បៃ​មុង​១​កន្លែង​ត្រូវ​បង់​ឲ្យ​មន្ត្រីរដ្ឋបាល​ជលផល ២០០​ដុល្លារ​ឬ​៨០​ម៉ឺន​រៀល​ដើម្បី​ចៀស​ផុតពី​ការបង្ក្រាប ហើយ​លោក យ៉ាន់ វិសាក់ និង​បក្ខពួក​អាច​ប្រមូល​លុយ​បាន​យ៉ាងច្រើន​។

ចំណែក​សេចក្ដីរាយការណ៍​ពី​ប្រជា​នេសាទ​នៅ​ឃុំ​ពាម​បាង ស្រុក​ស្ទោង ខេត្តកំពង់ធំ ក៏បាន​ឲ្យ​ដឹង​ដែរ​ថា​នៅក្នុង​មូលដ្ឋាន​ពួកគាត់​ឧបករណ៍​នេសាទ​ខុសច្បាប់​ដូចជា ឆ្នុក​ភ្លើងពណ៌ របាំង​ណរ​រ៉ា​យ​ក្រឡា​ញឹក​រាប់រយ​ខ្សែ​ដែលមាន​ប្រវែង​បណ្ដោយ​ពី​៣០០​ម៉ែត្រ​ទៅជា​ង​១០០០​ម៉ែត្រ ត្រូវ​ក្រុម​ជនល្មើស​ប្រើប្រាស់​សម្រាប់​ចាប់​ត្រី​យ៉ាង​អនាធិបតេយ្យ​។ ប្រភព​បាន​ឲ្យ​ដឹង​ទៀតថា មន្ត្រីរដ្ឋបាល​ជលផល​ក្នុង​តំបន់​ពាម​បាង មិន​ចាត់វិធានការ​បង្ក្រាប​ប​ទ​ល្មើស​នេសាទ​ដែល​កំពុង​កើតឡើង​យ៉ាង​ពេញបន្ទុក​នោះទេ ហើយ​លោក ហួន ផល មេ​រដ្ឋបាល​ជលផល​ពាម​បាង កំពុង​សប្បាយ​ប្រមូល​លុយ​ពី​ក្រុម​ជនល្មើស​ប្រើ​ឧបករណ៍​ខុសច្បាប់​យ៉ាង​ក្រអឺតក្រទម​។ បញ្ហា​នេះ​ជា​រឿង​ដែល​ក្រសួង​និង​ស្ថាប័ន​ពាក់ព័ន្ធ​មិនគួរ​បណ្ដែតបណ្ដោយ​តទៅទៀត​នោះទេ ជាពិសេស​លោក វេ​ង សាខុន រដ្ឋមន្ត្រី​ក្រសួងកសិកម្ម រុក្ខាប្រមាញ់​និង​នេសាទ គួរ​ចាត់វិធានការ​បង្ក្រាប​ប​ទ​ល្មើស​នេសាទ​នៅក្នុង​តំបន់​បឹង​ទន្លេសាប​នៃ​ខេត្តកំពង់ធំ ប្រកបដោយ​ប្រសិទ្ធភាព​៕

23519364_786514964889050_4472999632560438137_nលោក យ៉ាន់ វិសាក់ នាយផ្នែករដ្ឋបាលជលផលផាត់សណ្ដាយ
23434733_786514918222388_3848132926898204796_n 23473142_786514164889130_7156123330737667770_n 23456653_786514141555799_2686553444740850442_o

Source link

ស្លាប់​៧​នាក់ និង​របួស​១៣​នាក់ ក្នុង​គ្រោះថ្នាក់​ចរាចរណ៍​ម្សិលមិញ​

រាជធានី​ភ្នំពេញ ៖ នៅ​ថ្ងៃទី​១៣ ខែវិច្ឆិកា ឆ្នាំ​២០១៧​ម្សិលមិញ​នេះ​មាន​ករណី​គ្រោះថ្នាក់​ចរាចរណ៍ នៅ​ទូទាំងប្រទេស​កើតឡើង​ចំនួន​១២​លើក បណ្ដាល​ឲ្យ​មនុស្ស​ស្លាប់​៧​នាក់​, របួសស្រាល​៨​នាក់ និង​របួសធ្ងន់​៥​នាក់​។ នេះ​បើ​យោងតាម​របាយការណ៍​

នាយកដ្ឋាន​នគរ​បាលច​រាច​រណ៍ និង​សណ្ដាប់ធ្នាប់​សាធារណៈ នៃ​អគ្គស្នងការដ្ឋាន​នគរ​បាល​ជាតិ​។​
​របាយការណ៍​ដដែល​ប​ញ្ជា​ក់ថា នៅក្នុង​ហេតុការណ៍ គ្រោះថ្នាក់​ចរាចរណ៍​ទាំង​១២​លើក​នេះ បណ្ដាល​ឲ្យ​ខូ​ត​ខាត​ម៉ូតូ​ចំនួន​៨​គ្រឿង រថយន្ត​តូច​៦​គ្រឿង​, រថយន្ដ​ធុន​ធំ​៤​គ្រឿង និង​កង់​១​គ្រឿង​។ មូល​ហេតុដែល​បណ្ដាល​ឲ្យ​កើត មាន​គ្រោះថ្នាក់​ចរាចរណ៍ រួមមាន​ល្មើស​ល្បឿន​, មិន​គោរព​សិទ្ធិ​, ស្រវឹង និង​មិន​ប្រកាន់​ស្ដាំ​៕

fn-2017-11-11-13-05-53-0

Source link

អាជ្ញាធរ​រាជធានី​ភ្នំពេញ​បើក​ការដ្ឋាន​ដាក់លូ​ទំហំ​១​ម៉ែត្រ​កន្លះ​ជិត​១០​គីឡូម៉ែត្រ​នៅ​អម​សងខាង​ផ្លូវ​១៩៦២ ក្នុង​ខណ្ឌ​សែន សុខ ដើម្បី​រំដោះ​ការលិចលង់

ភ្នំពេញ ៖ អាជ្ញាធរ​រាជធានី​ភ្នំពេញ បើក​ការដ្ឋាន​ដាក់លូ​ទំហំ​១​ម៉ែត្រ​កន្លះ​ជិត​១០​គីឡូម៉ែត្រ​នៅ​អម​សងខាង​ផ្លូវ​១៩៦២ ស្ថិត​ក្នុង​ខណ្ឌ​សែន សុខ ដែល​ពិធី​នេះ​ធ្វើឡើង នៅ​ព្រឹក​ថ្ងៃទី​១៣ វិច្ឆិកា ឆ្នាំ​២០១៧ ក្រោម​អធិបតីភាព​លោក​ឃួង ស្រេង អភិបាល​រាជធានី​ភ្នំពេញ និង​អាជ្ញាធរ​ដែនដី ចូលរួម​យ៉ាងច្រើន ។​

​លោក សាំ ពិសិដ្ឋ ប្រធាន​មន្ទីរ​សាធារណការ​និង​ដឹក ជញ្ជូន​រាជធានី​ភ្នំពេញ បានអោយដឹងថា​៖ រដ្ឋបាល​រាជធានី ភ្នំពេញ កន្លងមក​បាន​ស្ថាបនា​លូ​បាន​ជាង​៤២០​គីឡូម៉ែត្រ និង បាន​ពង្រីក​ផ្លូវ​បាន​ជា​ច្រើន​ខ្សែ​ផងដែរ ។ ជាក់ស្តែង​សំរាប់​ផ្លូវ​១៩៦២ ស្ថិតក្នុង​សង្កាត់​ក្រាំង​ធ្នង់ ខណ្ឌ​សែន សុខ​វិញ ដោយ​ផ្លូវ​មាន​លក្ខណៈ​តូច​និង​មិន​មាន​បណ្តាញ​លូ ទើប​រដ្ឋបាល​រាជធានី​សម្រេច​ស្ថាបនា​លូ​ប្រវែង​៩៤០០​ម៉ែត្រ ទំហំ​មួយ​ម៉ែត្រ​កន្លះ គឺជា​យុទ្ធសាស្ត្រ​កាត់បន្ថយ​ការលិចលង់ នៅ​តំបន់​នេះ ស្របតាម​អនុសាសន៍​សម្តេច តេជោ​ហ៊ុន សែន​។​

​លោក​បាន​បញ្ជាក់ថា​៖  ការដ្ឋាន​នេះ​នឹង ប្រើ​រយះពេល​ចំនួន​៨​ខែ​ក្នុង​ការស្ថាបនា ហើយ​ក្រោយ​ការស្ថាបនា​រួច វា​នឹង​អាច​រំដោះ​ទឹក​ចេញពី លើ​ផ្លូវ​លេខ ២០១១ ពី​តំបន់​ចំការ​ព្រីង ដោយ​ហូរ​ចូល​មក​ប្រឡាយ​ទូល​សំពៅ និង​មួយ​ផ្នែក ទៀត​ពី​វត្ត​ជុំ ទៅ​ប្រឡាយ​ទូ​សំពៅ ស្របពេល​ដែល​ស្ថានីយ​ទួល​សំពៅ បាន​ស្ថាបនា​អោយ​មាន​កម្លាំង​បូម​ខ្លាំង​ជាង​មុន ។​

​លោក​សាំ ពិសិដ្ឋ ក៏​បាន​ស្នើសុំ​អោយ​ប្រជាពលរដ្ឋ មេត្តា​យោគយល់​និង​ចូលរួម​ជាមួយ​ក្រុមការងា​រ ដើម្បី​អោយ​ការដ្ឋាន​នេះ​បាន​សម្រេច​ជោគជ័យ ។

​លោក ឃួ​ង ស្រេង  ក៏​បាន​ជម្រុញ​ឲ្យ​មន្ត្រី​ជំនាញ​របស់ រដ្ឋបាល​រាជធានី​ភ្នំពេញ ស្រង់​ស្ថិតិ​ឲ្យបាន​ច្បាស់លាស់ ចំពោះ ប្រជាពលរដ្ឋ និង​អ្នកមានអំណាច មួយចំនួន ដែល​រំលោភ​យក​ដី​ចំណី​ប្រឡាយ ចាក់​ដី​ក្នុង​ប្រឡាយ​និង​បញ្ជាក់​ពី​ទំហំ​ប្រឡាយ​ឲ្យបាន​ច្បាស់ ពី​ចំណុច មួយ​ទៅ​ចំណុច​មួយ ផ្ញើរ ទៅ​ឲ្យ​លោក​ជា​បន្ទាន់ ដើម្បី​ឲ្យ​លោក​អាច​ជម្រុញ ការងារ​នេះ​បាន​លឿន បំពេញ​ទៅតាម​សំណូមពរ ដែល ប្រជា​ពល រដ្ឋ​ចង់បាន​។​

​លោក ឃួ​ង ស្រេង  បានបញ្ជាក់​ថា​៖ សព្វថ្ងៃ​នេះ​រដ្ឋបាល​រាជធានី​ភ្នំពេញ បាន និង​កំពុង​ជំរុញ​ដល់ ការអភិវឌ្ឍ ហេដ្ឋារចនាសម្ព័ន្ធ ដើម្បី​បន្ត​ចូលរួម​ក្នុង​សកម្មភាព​ការងារ សង្គម​ឱ្យបាន​ច្រើន​ថែមទៀត ដើម្បី​បំរើ​ផលប្រយោជន៍​ប្រជាជន និង​សង្គមជាតិ​ទាំងមូល ពិសេស​ចូលរួម អនុវត្ត​តាម​អនុ​សាន៍​ណែនាំ​ដ៏​ខ្ពង់ខ្ពស់​របស់​ប្រមុខ​រាជរដ្ឋាភិបាល​កម្ពុជា ដែល​បាននិងកំពុង​ចុះ​ជួប​សំណេះសំណាល​ជាមួយ​បងប្អូន​កម្មករ កម្មការិនី និយោជិត​ដែល​បំរើ​ការងារ​ក្នុង​វិស័យ​ការត់ដេរ និង​វាយណភ័ណ្ឌ ដើម្បី​បាន​ដឹង​កាន់តែ​ច្បាស់​ថែម​ទៀត​អំពី​សុខទុក្ខ​និង​សេចក្តីត្រូវការ​របស់​ពួកគាត់ ពោល​គឺ​ធ្វើ​យ៉ាងណា​ឱ្យ​ប្រទេស​ជាតិ​មាន​សុខសន្តិភាព មាន​ការអភិវឌ្ឍន៍ និង​ប្រជាជន​មាន​ជីវភាព​ធូរធារ​ជា​លំដាប់​៕

 

img171113d4a img171113d4-(6) img171113d4-(5) img171113d4b

Source link