Don't Miss

ព័ត៌មានខ្មែរ

ឧកញ៉ា សុខ គង់ ពិតជា​ថ្លើមធំ​មែន ឬ​ជា​ល្បែង​? ក្រុមហ៊ុន Sokha Hotel ប្តូរ​ឈ្មោះ​រមណីយដ្ឋាន «​បូកគោ​» ទៅជា​រមណីយដ្ឋាន «​សុខា​» ផ្អើល​ដល់​នាយករដ្ឋមន្ត្រី

​ចាប់តាំងពី​ថ្ងៃទី​០១ ខែកញ្ញា ឆ្នាំ​២០១៧​កន្លងមក​ថ្មីៗ​នេះ ក្រុមហ៊ុន សុខា អូ​តែ​ល (Sokha Hotel Co.,Ltd.) មាន​លោក​ឧកញ៉ា សុខ គង់ ជា​អគ្គនាយក និង​ជា​ក្រុមហ៊ុន​ទទួលបាន​សិទ្ធិ​វិនិយោគ​រមណីយដ្ឋាន​ភ្នំ​បូកគោ​កាលពី​អំឡុង​ឆ្នាំ​២០០៨ ដោយ​ដាក់ឈ្មោះថា «​រមណីយដ្ឋាន ឋានសួគ៌​បូកគោ​» …

[អានទាំងស្រុងនៅ WWW.DTN7.COM]
Source link

បទល្មើស​ដឹកជញ្ជូន​ឈើ​ទៅ​លក់​ឲ្យ​ឈ្មួញ​យួន​តាម​តំបន់​ព្រំដែន​ក្នុងស្រុក​ពេ​ជ្រា​ដា កំពុង​កើតឡើង​យ៉ាង​ពេញបន្ទុក​

សេចក្ដីរាយការណ៍​ពី​សមត្ថកិច្ច​តូចតាច​ក្នុងស្រុក​ពេ​ជ្រា​ដា ខេត្តមណ្ឌលគិរី បាន​ឲ្យ​ដឹងថា​ប៉ុស្ដិ៍​៧៥១​ក្នុង​ទឹកដី​យួន​ត្រូវបាន​គេ​ឈូសឆាយ​ផ្លូវ​រួចជាស្រេច​ដើម្បី​ចាំ​ប្រមូល​ទិញ​ឈើ​ចេញពី​ទឹកដី​ខេត្តមណ្ឌលគិរី តាម​ប៉ុស្ដិ៍​លេខ​៤ និង​ប៉ុស្ដិ៍​លេខ​៥ ក្នុងស្រុក​ពេ​ជ្រា​ដា​។ ប្រភព​បាន​ឲ្យ​ដឹង​ទៀតថា បច្ចុប្បន្ន​ឈ្មួញ​ធំៗ​បាន​ប្ដូរ​រូបភាព​ពី​ការដឹកជញ្ជូន​ឈើ​តាម​ត្រាក់ទ័រ រថយន្ត​បង្កុង រថយន្ត​កែច្នៃ ទៅ​ដឹកឈើ​តាម​ម៉ូតូ​កែច្នៃ​ធ្វើជា​មធ្យោបាយ​ដឹកជញ្ជូន​ឈើ​ចេញទៅ​ស្រុក​យួន​តាម​ប៉ុស្ដិ៍​លេខ​៤ ប៉ុស្ដិ៍​លេខ​៥ របស់​ខ្មែរ និង​ប៉ុស្ដិ៍​៧៥១ របស់​យួន ដោយមាន​ការសម្របសម្រួល​រួចជាស្រេច​។ រហូតមកដល់​ពេលនេះ​លោក ស្វាយ សំ​អ៊ាង ជា​អភិបាលខេត្ត​មណ្ឌលគិរី និង​លោក អ៊ុក សំណាង ស្នងការ​នគរបាល​ខេត្តមណ្ឌលគិរី កំពុង​រក្សា​ភាព​ស្ងៀមស្ងាត់​បើទោះបី​បទល្មើស​ព្រៃឈើ​កំពុង​កើតឡើង​យ៉ាង​រាលដាល​ក៏ដោយ​។

​តាម​ប្រភពពី​ប្រជា​សហគមន៍​ការពារ​ព្រៃឈើ​ក្នុងស្រុក​ពេ​ជ្រា​ដា ខេត្តមណ្ឌលគិរី បាន​ឲ្យ​ដឹងថា ថ្មីៗ​នេះ​មាន​ម៉ូតូ​ជិត​៥០០​គ្រឿង​សម្រាប់​ត្រៀម​ដឹកជញ្ជូន​ឈើ​ចេញពី​ស្រុក​ពេ​ជ្រា​ដា ចំណុច​ប៉ុស្ដិ៍​លេខ​៤ ប៉ុស្ដិ៍​លេខ​៥ ដោយ​ម៉ូតូ​១​គ្រឿង​ដឹកឈើ​បាន​ប្រហាក់ប្រហែល​នឹង​ត្រាក់ទ័រ​១​គ្រឿង​តាមរយៈ​ការកែច្នៃ​។ តាម​គម្រោង​ម៉ូតូ​ជិត​៥០០​គ្រឿង​នោះ​ត្រៀម​ចូលទៅ​ដឹកឈើ​កាលពី​ថ្ងៃទី​២២ ខែកញ្ញា និង​ថ្ងៃទី​២៣ ខែកញ្ញា ឆ្នាំ​២០១៧​នេះ ប៉ុន្តែ​ត្រូវ​អាក់ខាន​ដោយសារ​ភ្លៀង​ធ្លាក់​ពិបាក​ចូល ក៏ដូចជា​មាន​ឧបសគ្គ​ក្នុងការ​ដឹកជញ្ជូន​។ ទោះជា​យ៉ាងណា​មិនឃើញ​មាន​មន្ត្រីរដ្ឋបាល​ព្រៃឈើ មន្ត្រី​បរិស្ថាន និង​សមត្ថកិច្ច​ពាក់ព័ន្ធ​ដទៃទៀត​ចុះទៅ​ត្រួតពិនិត្យ​សកម្មភាព​ដឹកជញ្ជូន​ឈើ​ពី​ទឹកដី​ខ្មែរ​ចេញទៅ​ស្រុក​យួន​តាម​ច្រក​៧៥១​របស់​យួន​នោះទេ​។​

មន្ត្រី​អាជ្ញាធរ​មូលដ្ឋាន​និង​សមត្ថកិច្ច​មូលដ្ឋាន​ក្នុងស្រុក​ពេ​ជ្រា​ដា បាន​ឲ្យ​ដឹងថា លោក សំរិទ្ធ ណ​យ មេ​ប៉ុស្ដិ៍​លេខ​៧ ឬ​ប៉ុស្ដិ៍​ណាំ​លៀ គឺជា​អ្នក​ជាប់​ពាក់ព័ន្ធ​យ៉ាងជ្រៅ​ក្នុងការ​បើកដៃ​ឲ្យ​ឈ្មួញ​ដឹកជញ្ជូន​ឈើ​ចេញទៅ​ស្រុក​យួន​យ៉ាង​ពេញបន្ទុក​។ បញ្ហា​នេះ​លោក ស្វាយ សំ​អ៊ាង អភិបាលខេត្ត​មណ្ឌលគិរី និង​លោក អ៊ុក សំណាង ស្នងការ​នគរបាល​ខេត្តមណ្ឌលគិរី មិនគួរ​បណ្ដែតបណ្ដោយ​តទៅទៀត​ទេ ព្រោះ​បទល្មើស​កាប់​ឈើ​និង​ដឹកជញ្ជូន​ឈើ​ខុសច្បាប់​កំពុង​កើតឡើង​យ៉ាង​ពេញបន្ទុក ហើយ​សូម្បីតែ​ប៉ុស្ដិ៍​លេខ​៤ ប៉ុស្ដិ៍​លេខ​៥ តាម​ព្រំដែន​ខ្មែរ​ក៏មាន​ឈ្មួញ​យួន​រង់ចាំ​ទិញ​ឈើ​ពី​ឈ្មួញ​ខ្មែរ​យ៉ាង​រលូន​ដែរ​។ រដ្ឋមន្ត្រី​ក្រសួងកសិកម្ម លោក វេ​ង សាខុន គួរពិនិត្យមើល​ភាព​អសកម្ម​របស់​មន្ត្រីរដ្ឋបាល​ព្រៃឈើ​ក្នុង​ខេត្តមណ្ឌលគិរី​ខ្លះ​ផង ព្រោះ​បច្ចុប្បន្ន​បទល្មើស​កាប់​ឈើ​ខុសច្បាប់​និង​សកម្មភាព​ដឹកជញ្ជូន​ឈើ​ចេញទៅ​ស្រុក​យួន​ពុំមាន​ការថយចុះ​ឡើយ​៕

download លោក ស្វាយ សំអ៊ាង អភិបាលខេត្តមណ្ឌលគិរីfn-2017-07-03-15-33-08-1លោក អ៊ុក សំណាង ស្នងការនគរបាលខេត្តមណ្ឌលគិរី​

Source link

ពលរដ្ឋ​ខ្មែរ​១៨​នាក់​ត្រូវ​សមត្ថកិច្ច​ថៃ​ចាប់ខ្លួន​និង​ដាក់ពន្ធនាគារ​ចោទ​ពីបទ​កាប់ឈើ​

​បន្ទាយមានជ័យ ៖ យោងតាម​របាយការណ៍​របស់​សមត្ថកិច្ច​កង​រាជ​អាវុធហត្ថ​ស្រុក​អូរជ្រៅ​ខេត្តបន្ទាយមានជ័យ​បាន​ឲ្យ​ដឹង​នៅ​ព្រឹក​ថ្ងៃទី​២២​ខែកញា​២០១៧​នេះ​ថា​កាលពី​នៅ​ថ្ងៃទី ១៨​ខែកញ្ញា​ឆ្នាំ​២០១៧​កន្លង​ទៅនោះ សមត្ថកិច្ច​ថៃ​បាន​ចាប់ខ្លួន​ពលករ​

កម្ពុជា​ចំនួន​០៩​នាក់​នៅ​ចំណុច ឧទ្យាន​ជាតិ​ថាប់​ឡាន​ទី​៣​ខ្នង​ង​ម៉ាន់ តំបន់​ខូ​ក​គ្រះ​ឆាយ​ស្រុក​ខន​បុរី ខេត្ត នគររាជ​សី​ម៉ា ខណៈដែល​ពលករ​កម្ពុ​ជា កំពុងតែ​កាប់​ឈើ និង​ជញ្ជូន​ឈើ​នៅក្នុង​ដែន​ឧទ្យាន​ជាតិ របស់​ព្រះរាជាណាចក្រ​ថៃ រហូតមកដល់​ថ្ងៃទី​២០​ខែ កញ្ញា ឆ្នាំ​២០១៧​សមត្ថកិច្ច​ថៃ​ដដែល​បាន​បន្ត​ចាប់ខ្លួន​ពលរដ្ឋ​ខ្មែរ​បាន​បន្ថែមទៀត​ចំនួន​៩​នាក់ នៅ​ចំណុច​ដូចខាងលើ​សរុប​១៨​នាក់ ដែល​ត្រូវបាន​ចាប់ខ្លួន​ដោយ​សមត្ថកិច្ច​របស់​ថៃ ។​
​ប្រភព​បាន​បង្ហើប​មក​ថា ពលករ​កម្ពុជា​ចំនួន​១៨​នាក់​នោះបាន​ឆ្លើយ​សារភាព​នៅ​ចំពោះមុខ​សមត្ថកិច្ច​ថៃ​ថា​ក្រុម​របស់​ពួកគាត់ មាន​គ្នា​ទាំងអស់​ចំនួន​៤៥​នាក់​ហើយ​បាន​រត់គេចខ្លួន​អស់​ចំនួន​២៧​នាក់​តាម​ច្រក​ធម្មជាតិ​ស្រុក​អារញ្ញ​ខេត្ត​ស្រះកែវ ដែល​ប្រឈម​និង​ខេត្តបន្ទាយមានជ័យ ។ ពលករ​ទាំង​១៨​នាក់​ដែល​រងគ្រោះ​នោះបាន​បន្តថា​កាលពី​ថ្ងៃទី​១៤​ខែកញ្ញា​ឆ្នាំ​២០១៧​ពួកគាត់​ត្រូវបាន​មេខ្យល់​កម្ពុជា​រៀបចំ​ស្បៀង​ទុក​ជូន​ពួកខ្លួន​ចំនួន​៤៥​នាក់​ដើម្បី​ធ្វើ​សកម្មភាព​ឡើងទៅ​ប្រទេស​ថៃ ជាមួយគ្នានេះ មាន​មេខ្យល់​ជនជាតិ​ថៃ​ចំនួន​២​នាក់ ជា​អ្នក​នាំ​ផ្លូវ នៅ​ទឹកដី​ថៃ​ហើយ បច្ចុប្បន្ន​សមត្ថកិច្ច​ថៃ​កំពុង​រុករក​មេខ្យល់​ថៃ​នោះ​ទៀតផង​ដែរ ។ ប្រភព​ថា ពលករ​ចំនួន​៤៥​នាក់​នោះ បានធ្វើ​ដំណើ​ចេញទៅ​កាប់​ឈើ​ក្រញូង​និង​ជញ្ជូន​ឈើ​តាម​ច្រក​សេះ​ងាប់ ក្នុង​តំបន់​(​ភ្នំ​ឆ័​ត្រ​) ស្ថិតនៅ​ក្នុងភូមិ ចំការ​គរ​ឃុំ​ស្វាយចេក ស្រុក​ស្វាយចេក ខេត្តបន្ទាយមានជ័យ ដែលមាន​ព្រំប្រទល់​ជាប់​នឹង​ភូមិ​ខ្វៅ​រ៉ៃ ឃុំ​តាប់​ផា​យ៉ា ស្រុក​តាប់​ផា​យ៉ា ខេត្ត​ស្រះកែវ ប្រទេស​ថៃ​។​
​ពាក់​ព​ន្ធ័​និង​ករណី​ខាងលើ​មាន​ប្រភព​ច្បាស់ការ​ពី​ក្រុម​អ្នករកស៊ី​ដឹកជញ្ជូន​ឈើ​ក្រ​ញ៉ូ​ង​តាម​ខ្សែបន្ទាត់​ព្រំដែន​ខ្មែរ​ថៃ​បាន​បង្ហើប​មក​ថា មេខ្យល់​ដែល​តែងតែ​ដឹកជញ្ជូន​ពលករ​ឲ្យ​ចូល​កាប់​ឈើ​ក្រ​ញ៉ូ​ង​នោះ​គឺជា​មន្ត្រី​យោធា​តំបន់​ផ្នែក​សឹក​រង​ស្រុក​អូរជ្រៅ​ទៀតផង ហើយ​មន្ត្រី​យោធា​រូបនោះ​បាន​ធើ្វ​សកម្មភាព​ជាច្រើន​ឆ្នាំ​ហើយ​ដែរ គេ​សង្ស័យថា លោក​ឧ​ត្ត​ម​សេនី​យ៏ ត្រី យោធា​ម្នាក់​ទំនងជា​ដឹង​រឿង​ករណីនេះ​ច្បាស់​ប៉ុន្តែ​ហាក់​ទើសដៃទើសជើង ព្រោះ​កន្លងទៅ មេ​យោធា​រូបនោះ​ក៏មាន​រឿង​ច្រើន​បង្គួរ​លើ​ករណី​ឈើ​ក្រ​ញ៉ូ​ង​ដូចគ្នានេះដែរ តែ​ព័ត៌មាន​មិន​ត្រូវបាន​បែកធ្លាយ​ច្រើន ។ 
​យ៉ាង​ក៏ដោយ​នៅ​ថ្ងៃទី​២២​កញ្ញា​នេះ​លោក​ឧ​ត្ត​ម​សេនីយ៍ ភ្ល​ន់ តារា​មេបញ្ជាការ​តំបន់សឹករង​ខេត្តបន្ទាយមានជ័យ អ្នកសារព័ត៌មាន​យើង មិនអាច​សុំ​ឲ្យ​លោក​ប្រតិកម្ម​លើ​ករណី​ខាងលើ​បាន​នៅឡើយ​ទេ  ព្រោះ​មិនអាច​ទាក់ទង​បាន​។ 
​ដោយឡែក លោក វរ​សេនី​យ៏ ឯក បោ​ន បិ​ន​មេបញ្ជាការ​បញ្ជាការដ្ឋាន​កងរាជអាវុធហត្ថ​ខេត្ត​បន្ទាយ​មា​ន័យ នា​រសៀល​ថ្ងៃ​ដដែល​នេះ លោ​ល​មិនអាច​ធើ្វ​ការអធិប្បាយ​ជុំវិញ​ករណី​ខាងលើ​បានទេ ដោយ​លោក​ប្រាប់ថា​មាន​ភារកិច្ច​ផ្ទាល់ខ្លួន​។ ចំណែក​លោក​ឧ​ត្ត​ម​សេនីយ៍​ទោ ពេ​ជ្យ វណ្ណា ប្រធានការិយាល័យ​ទំនាក់​ទំនាក់​ព្រំដែន​កម្ពុជា​ថៃ ទៀតសោត នៅ​ព្រឹក​ដដែល​នេះ​ក៏​មិនអាច​ស៊ំ​កិច្ច​អន្តរា​គម​ន៏​បាន​យ៉ាងណា​នោះ​នៅឡើយ​ទេ ជុំវិញ​ករណី​ពលរដ្ឋ​កម្ពុជា​ត្រូវ​សមត្ថកិច្ច​ថៃ​ចាប់ខ្លួន ខណៈ​ឆ្លងដែន​ខុសច្បាប់​ទៅ​កាប់​ឈើ​នៅ​ដី​នោះ ៕

21912896_1935257883379439_893528442_n21942411_1935257896712771_16226826_n

Source link

សេចក្តីថ្លែងការណ៍របស់គណបក្សសង្រ្គោះជាតិ ថ្ងៃទី២៣ ខែកញ្ញា ឆ្នាំ២០១៧

20170923_Statement

Source link

ឃាត់ខ្លួន​ជនសង្ស័យ​ម្នាក់ ដកហូត​បាន​ថ្នាំ ១០០ គ្រាប់​សង្ស័យ​មាន​សារធាតុ​ញៀន​

កាល​ថ្ងៃទី ២១.០៩.២០១៨ វេលា​ម៉ោង​១៣៖០០​នាទី ដោយ​មាន​ការចង្អុលបង្ហាញ​ពី​ឯកឧត្តម ឧត្តមសេនីយ៍ទោ អ៊ុច សុខុន ស្នងការ​នគរបាល​ខេត្ត​បាត់ដំបង ដឹកនាំ​បញ្ជា​ផ្ទាល់​ពី លោក​វរសេនីយ៍ទោ សុង សុភ័ក្ត្រ អធិការនគរបាល​ស្រុក​ភ្នំព្រឹក  លោក​វរសេនីយ៍ត្រី សា​រ៉​ត វិសេ​ដ្ឋ  និង​លោក​អនុសេនីយ៍ទោ ហេង បារាំង  អធិការរង​នគរបាល​ស្រុក បាន​ដឹកនាំ កម្លាំង​ជំនាញ នៃ​អធិការដ្ឋាន​នគរបាល​ស្រុក​ភ្នំព្រឹក សហការ​ជាមួយ​កម្លាំង​ប៉ុស្តិ៍នគរបាល​រដ្ឋបាល​ពេជ្រ​ចិន្តា បាន​ធ្វើ​ការបង្ក្រាប​ជាក់ស្តែង​ករណី​រក្សាទុក​ដឹកជញ្ជូន ឬ​ជូ​ញ​ដូរ​នូវ​សា​ធាតុ​ញៀន​ខុសច្បាប់ ចំនួន​១​លើក នៅ​ចំណុច​ភូមិ​អូរ ឃុំ​ពេជ្រ​ចិន្តា ស្រុក​ភ្នំព្រឹក ដោយ​សមត្ថកិច្ច​យើង​ឃាត់ខ្លួន​ជនសង្ស័័យ​ចំនួន​០១​នាក់ ៖
១. ឈ្មោះ ជរ ផេន ភេទ​ស្រី អាយុ​៤០​ឆ្នាំ មុខរបរ ចំការ មាន​ទីលំនៅ​ភូមិ ឃុំ​ខាងលើ​។​
​សមត្ថកិច្ច​យើង​ដកហូត​វត្ថុតាង​រួមមាន​៖
១. ថ្នាំ​គ្រាប់​រាង​មូល​សំប៉ែត​ពណ៌​ស្លា​ទុំ មាន​អក្សរ​បរទេស​លើ​គ្រាប់​ថ្នាំ​សញ្ញា Wy ចំនួន​១០០​គ្រាប់  សង្ស័យ​មាន​សារធាតុ​ញៀន ។​
២. ទូរស័ព្ទដៃ​ម៉ាក​ណូគា​ចំនួន​១​គ្រឿង​

​ករណី​នេះ​សមត្ថកិច្ច​យើង​កំពុង​កសាង​សំណុំរឿង​បញ្ជូន​ខ្លួន​ជនសង្ស័យ​ទាំង​០១​នាក់  និង​វត្ថុតាង ទៅ​សាលាដំបូង​ខេត្ត​បាត់ដំបង ដើម្បី​ចាត់ការ​តាម​នីតិវិធី​ច្បាប់ ៕

 

img20170923p1 (1) img20170923p1 (2)

Source link

មន្ត្រីនគរបាល​ក្នុង​ក្រុង​ស្ទឹងត្រែង មួយចំនួន​ប្រើ​អំណាច​ប្រមូល​លុយ​ពី​អ្នក​ដឹកជញ្ជូន​ឈើ​

មានការ​អំពាវនាវ​ឲ្យ​លោក ម៉ៅ តារា ស្នងការ​នគរបាល​ខេត្តស្ទឹងត្រែង ចាត់វិធានការ​ទៅលើ​មន្ត្រីនគរបាល​ក្នុង​ក្រុង​ស្ទឹងត្រែង មួយចំនួន​ដែល​ប្រើ​អំណាច​ប្រមូល​លុយ​ពី​ពលរដ្ឋ​ដឹកជញ្ជូន​ឈើ​តាម​ម៉ូតូ ហើយ​ធាក់​ផ្ដួល​ម៉ូតូ​ពលរដ្ឋ​ដែល​មិន​ឈប់​បង់លុយ​។ ជាមួយគ្នានេះ​សេចក្ដីរាយការណ៍​ពី​ប្រជាពលរដ្ឋ​ក្នុង​ក្រុង​ស្ទឹងត្រែង បាន​ឲ្យ​ដឹងថា សកម្មភាព​ដឹកជញ្ជូន​ឈើ​ខុសច្បាប់​ពី​ស្រុក​សៀម​ប៉ាង និង​ស្រុក​សេ​សាន ឆ្លងកាត់​ក្រុង​ស្ទឹងត្រែង នៅតែ​បន្ត​កើតមាន​យ៉ាង​ពេញបន្ទុក​ព្រោះ​គ្មាន​មន្ត្រី​ជំនាញ​ឬ​សមត្ថកិច្ច​ពាក់ព័ន្ធ​ណា​ចាត់វិធានការ​បង្ក្រាប​ទាល់តែសោះ​។ ផ្ទុយទៅវិញ​មន្ត្រី​ជំនាញ​និង​សមត្ថកិច្ច​ពាក់ព័ន្ធ​គិតតែ​ពី​រឿង​ប្រមូល​លុយ​ពីបទ​ល្មើស​ព្រៃឈើ​ចែកគ្នា​ធ្វើ​មាន​ធ្វើបាន​យ៉ាង​សុខ​ស្រួល ក្នុងខណៈដែល​ព្រៃឈើ​នៅ​សេសសល់​ក្នុង​ខេត្តស្ទឹងត្រែង កំពុងតែ​ប្រឈម​នឹង​សេចក្ដី​វិនាស​។

ថ្មីៗ​នេះ​អ្នករកស៊ី​ដឹកឈើ​តាម​ម៉ូតូ​មួយក្រុម​ត្រូវបាន​មន្ត្រីនគរបាល​ម្នាក់​ជិះ​ម៉ូតូ​ដេញតាម​ពីក្រោយ ហើយ​ធាក់​ម៉ូតូ​១​គ្រឿង​បណ្ដាល​ឲ្យ​រេ​ចង្កូត​ធ្លាក់​ប្រឡាយ​និង​វាយ​ទៅលើ​អ្នកបើក​ម៉ូតូ​រងរបួស​ជាច្រើន​កន្លែង​។ ហេតុការណ៍​នេះ​កើតឡើង​កាលពី​វេលា​ម៉ោង​៨​និង​៣០​នាទី​យប់ ថ្ងៃទី​២១ ខែកញ្ញា ឆ្នាំ​២០១៧ នៅលើ​ភ្នំ​ធាតុ ភូមិ​ព្រែក ក្រុង​ស្ទឹងត្រែង ខេត្តស្ទឹងត្រែង​។ មន្ត្រីនគរបាល​ដែល​តាម​ជំរិត​យកលុយ​ពី​អ្នកដឹកឈើ​តាម​ម៉ូតូ​នោះ ត្រូវបាន​គេ​ស្គាល់​ថា​ឈ្មោះ សូ ជុំ ជា​មន្ត្រីនគរបាល​ក្រុង​ស្ទឹងត្រែង ហើយ​ជនរងគ្រោះ​ឈ្មោះ តាំ មានមុខរ​បរជា​អ្នករកស៊ី​ដឹកឈើ​តាម​ម៉ូតូ​។ មជ្ឈដ្ឋាន​នានា​បាន​លើកឡើងថា បើទោះបី​ជនរងគ្រោះ​ដឹកឈើ​ខុសច្បាប់​យ៉ាងណាក៏ដោយ ក៏​មន្ត្រីនគរបាល​ឈ្មោះ សូ ជុំ មិន​គួរប្រើ​អំពើហិង្សា​ដែល​នាំ​ឲ្យ​មាន​គ្រោះ​ថ្នាក់លើ​ជនរងគ្រោះ​បែបនេះ​ឡើយ​។

មន្ត្រីរាជការ​និង​ប្រជាពលរដ្ឋ​ក្នុង​ក្រុង​ស្ទឹងត្រែង បាន​រិះគន់​ចំៗ​ថា​កន្លងមក​សមត្ថកិច្ច​នគរបាល​ខេត្តស្ទឹងត្រែង ក្រោម​ការគ្រប់គ្រង​រប​ស់លោក ម៉ៅ តារា កំពុង​បង្កបញ្ហា​ច្រើនយ៉ាង ហើយ​សមត្ថកិច្ច​ទាំងនោះ​មិន​ចាត់វិធានការ​បង្ក្រាប​ឈ្មួញ​ដឹកជញ្ជូន​ឈើ​តាម​រថយន្ត​សាំ​យ៉ុង​ទាំង​ខ្សែៗ​ពី​ខេត្តស្ទឹងត្រែង ចូល​ខេត្តក្រចេះ និង​ខេត្តរតនគិរី​នោះទេ​។ ផ្ទុយទៅវិញ​ពួកគេ​ប្រើ​អំណាច​គាបសង្កត់​ជំរិត​យកលុយ​ពី​អ្នក​ដឹកជញ្ជូន​ឈើ​តាម​ម៉ូតូ​យ៉ាង​ក្រអឺតក្រទម ហើយ​បើ​អ្នកណា​មិន​បង់លុយ​ត្រូវគេ​ធាក់​ផ្ដួល​ម៉ូតូ​ដឹកឈើ​យ៉ាង​កំរោល​តែម្តង​។ ដូច្នេះ​លោក ម៉ៅ តារា ស្នងការ​នគរបាល​ខេត្តស្ទឹងត្រែង គួរ​ចាត់វិធានការ​ទប់ស្កាត់​ជាបន្ទាន់​ដើម្បី​កុំ​ឲ្យ​មន្ត្រីនគរបាល​មួយចំនួន​តូច​ណា​នោះ ប្រព្រឹត្ត​ទង្វើ​មិន​ប្រក្រតី​ស្រេច​តែ​អំពើ​ចិត្ត​តទៅទៀត​៕

t6-1-1-1024x575លោក ម៉ៅ តារា ស្នងការនគរបាលខេត្តស្ទឹងត្រែង
sss-768x432

Source link