ព័ត៌មានខ្មែរ

លោក​អ៊ួ​ន​ឈិន​អតីត​អ្នកយក​ព​តិ​មាន​វិទ្យុ​អាស៊ីសេរី​ជា​តារាភាពយន្ត​ស៊ិ​ច​?!

​ភ្នំពេញ​៖​បន្ទាប់ពី​ត្រូវ​នាំយកទៅ​ឃុំខ្លួន​នៅ​គុក​ព្រៃ​ស​ក្រោម​បទ​ចោទថា​ពីបទ «​ប្រគល់​ឲ្យ​រដ្ឋ​បរទេស​នូវ​ព័ត៌មាន​ជាអាទិ៍​ដែល​បង្ក​ឲ្យ​មានការ​អន្តរាយ​ដល់​ការ​ការពារជាតិ​»​ដែល​អាច​ត្រូវ​ផ្តន្ទាទោស​ដាក់ពន្ធនាគារ​ពី​៧ (​ប្រាំពីរ​) ឆ្នាំ ទៅ​១៥ (​ដប់​ប្រាំ​) ឆ្នាំ​លោក​អ៊ួ​ន​ឈិន​អតីត​បុគ្គលិក​អាស៊ីសេរី​ត្រូវបាន​សម​ត្ត​កិច្ច​រកឃើញថា​ជា​តារាភាពយន្ត​ស៊ិ​ច​។​


​មន្ត្រីនគរបាល​ជាន់ខ្ពស់​នៃ​ក្រសួងមហាផ្ទៃ និង​ហ្វេ​ស​ប៊ុ​ក​ការពិត បាន​ទម្លាយ​រូបភាព រូបភាព និង​វីដេអូ​របស់ លោក អ៊ួ​ន ឈិន អតីត​បុគ្គលិក​អាស៊ីសេរី ដែល​បាន​ចូលរួម​ថត​វីដេអូ​សិច​ជាមួយ​បរទេស​នៅក្នុង​ប្រទេស​កម្ពុជា​។​

មន្ត្រីនគរបាល​ជាន់ខ្ពស់​ដដែល​នោះបាន​បញ្ជាក់ថា រូបភាព និង​វីដេអូ​សិច​របស់លោក អ៊ួ​ន ឈិន ដែល​ជួនកាល​លោក​ដើរតួ​ជា​អ្នក​ថត និង​ពេលខ្លះទៀត លោក​ដើរ​ជា​តួ​ប្រុស​ក្នុង​ការសម្តែង​នោះ ត្រូវបាន​សមត្ថកិច្ចរ​ក​ឃើញ នៅក្នុង​កុំព្យូទ័រ​របស់ លោក អួន ឈិន តែម្តង​ដែល​អាច​កំណត់​ជា​បទល្មើស​ថ្មី​មួយ​ផ្សេងទៀត ដែល​សហការ​ជាមួយ​បរទេស​ធ្វើឱ្យប៉ះពាល់​ដល់​សីលធម៌​ខ្មែរ​។
​សូមបញ្ជាក់ថា អតីត​បុគ្គលិក​អាស៊ីសេរី​២​រូប​គឺ​លោក អ៊ួ​ន ឈិន និង​លោក យាង សុជា​មេត្តា ត្រូវបាន​អាជ្ញាធរ​ឃាត់ខ្លួន​កាលពី​យប់​ថ្ងៃទី​១៤ ខែវិច្ឆិកា ឆ្នាំ​២០១៧ នៅផ្ទះ​សំណាក់​មួយ​ឈ្មោះ​ម៉ា​រ៉ា​ឌី ស្ថិតក្នុង​រាជធានី​ភ្នំពេញ​។​

​ក្នុងពេល​កំពុង​ត្រូវបាន​សមត្ថកិច្ច​ឃាត់ខ្លួន អ្នក​ទាំងពីរ​សុទ្ធតែ​បាន​បដិសេធថា ពួកគេ​មិនបាន​រាយការណ៍​ព័ត៌មាន​បញ្ជូនទៅ​ឲ្យ​វិទ្យុ​អាស៊ីសេរី​នៅ​រដ្ឋធានី​វ៉ាស៊ីនតោន​នោះទេ​។​អ្នកនាំពាក្យ​វិទ្យុ​អាស៊ីសេរី​ប្រចាំ​រដ្ឋធានី​វ៉ាស៊ីនតោន ប្រកាសថា វិទ្យុ​អាស៊ីសេរី​មិនបាន​បន្ត​កិច្ចសន្យា ឬ​ទទួល​ព័ត៌មាន​អ្វី​ពី​អតីត​បុគ្គលិក​ទាំងពីរ​រូបនេះ​ទេ និង​ថា អតីត​អ្នកសារព័ត៌មាន​ដែល​ត្រូវបាន​ឃាត់ខ្លួន​ទាំងពីរ​នាក់​នោះ លែងមាន​ទំនាក់ទំនង​ណាមួយ​ជាមួយ​វិទ្យុ​អាស៊ីសេរី​តទៅទៀត​ហើយ​។

​ករណី​ចាប់ឃុំខ្លួន​អតីត​បុគ្គ​លឹក​វិទ្យុ​អាស៊ីសេរី​អ៊ួ​ន ឈិន និង​លោក យាង សុជា​មេត្តា​បាន​ថ្វើ​ឲ្យ​មានការ​អាណិតអាសូ​ពី​អ្នកកាសែត​នានា​មួយចំនួន​ដោយ​ពួកគេ​បាននាំគ្នា​ផ្តឹ​ត​មេដៃ​លើ​ញ្ញត្តិ​មួយ​សុំ​ឲ្យ​មានការ​ដោះលែង​អ្នក​ទាំងពីរ​។​អា​ឡូ​វ​ការរកឃើញ​ករណី​ដើ​តួ​ស៊ិ​ច​ចឹ​ង​មិនដឹងថា​ត្រូវ​គិត​យ៉ាងម៉េច​។​ទោះជា​យ៉ាងណា​គេ​មិនទាន់បាន​រកឃើញ​អ្វី​ពី​ករណី​លោក​យាង​សុ​មេត្តា​នោះទេ​។​

យោងតាម​មាត្រា​៤៤៥​នៃ​ក្រមព្រហ្មទណ្ឌ​ព្រះរាជាណាចក្រ​កម្ពុជា​ចែងថា​៖ បទ​ប្រគល់​ឲ្យ​រដ្ឋ​បរទេស​នូវ​ព័ត៌មាន​ជាអាទិ៍​ដែល​ធ្វើ​ឲ្យ​អន្តរាយ​ការការពារ​ជាតិ គឺជា​អំពើ​ប្រគល់ ឬ​ធ្វើ​ឲ្យ​ងាយស្រួល​ធ្លាក់​ដល់ដៃ​រដ្ឋ​បរទេស ឬ​ភ្នាក់ងារ​បរទេស​នូវ​ព័ត៌មាន វិធី វត្ថុ ឯកសារ ទិន្នន័យ​ព័ត៌មានវិទ្យា ឬ​សា​លាកប​ត្រ​ដែល​អាចធ្វើ​ឲ្យ​អន្តរាយ​ការការពារ​ជាតិ​។ អំពើ​នេះ​ត្រូវ​ផ្តន្ទាទោស​ដាក់ពន្ធនាគារ​ពី​៧ (​ប្រាំពីរ​) ឆ្នាំ ទៅ​១៥ (​ដប់​ប្រាំ​) ឆ្នាំ​។

asia-chhin2asia-sexasia-sex1

 

Source link

ថ្លើមធំ​ណាស់ ! ប្រធាន​រាជបណ្ឌិត្យសភា​វិជ្ជាជីវៈ​តុលាការ​ហ៊ាន​រំលោភបំពាន​នាយករដ្ឋមន្ត្រី​ក្នុង​រឿង​ប្រើប្រាស់​អក្សរ​ខ្មែរ​មិន​ត្រឹមត្រូវ​តាម​វចនានុក្រម

ក្រោយ​តុលាការ​កំពូល​វិនិច្ឆ័យ​សេចក្តី​ចេញ​សាលដីកា​លេខ​៣៤០(​ឆ​) ចុះ​ថ្ងៃទី​១៦ ខែវិច្ឆិកា ឆ្នាំ​២០១៧ សម្រេច​រំលាយ​គណបក្ស​សង្គ្រោះ​ជាតិ (CNRP) និង​ហាមឃាត់​បុគ្គល​ថ្នាក់ដឹកនាំ​គណបក្ស​សង្គ្រោះ​ជាតិ​ចំនួន​១១៨​នាក់ ធ្វើ​សកម្មភាព​នយោបាយ​រយៈ​ពេល​៥​ឆ្នាំ​ត្រឹមតែ​០១​ថ្ងៃ​ប៉ុណ្ណោះ …

[អានទាំងស្រុងនៅ WWW.DTN7.COM]
Source link

​សមត្ថកិច្ច​បង្ក្រាប​រថ​យន្ត​ដឹកឈើ​ល្មើសច្បាប់​ចំនួន​៩​គ្រឿង​ស្រុក​ឆ្លង​

​ក្រចេះ ៖​សមត្ថកិច្ច​ចម្រុះ​បញ្ជា​កម្លាំង​ដោយ លោក ជា សុភ​ក្រ័ ព្រះរាជអាជ្ញារង​សាលាដំបូង​ខេត្ត​ដោយ​មាន​កម្លាំង​ចូលរួម​សហការ​រួមមាន​នរគ​បាល​ស្រុក​ឆ្លូង ប៉ូលីស​សេដ្ឋកិច្ចនឹនិ​ង​សង្កាត់​រដ្ឋបាល​ព្រៃឈើ​ឆ្លូង​បាន ធ្វើការ​បង្ក្រាប​រថយន្ដ​ដឹកឈើ​ល្មើសច្បាប់​យ៉ាង​អាណាធិបតេយ្យ​បាន​ចំ នួន​៩​គ្រឿង នៅ​ចំនុច​ស្ពាន​ព្រែក​ឆ្លូង ភូមិ​ដី​ថ្មី ឃុំ​ព្រែក​សា​ម៉ាន់ ស្រុក​ឆ្លូង ខេត្តក្រចេះ​កាលពី​រំលងអធ្រាត្រ​ឈានចូល​ថ្ងៃទី​១៩​ខែវិច្ឆិកា​ឆ្នាំ​២០១៧​។​

​លោក​ឆុង តូ​រ៉ា​ន់​អធិការដ្ឋាន​នគរបាល​ស្រុក​ឆ្លូង​បានឲ្យដឹងថា  កម្លាំង​ចូលរួម​សហការ​មាន ប៉ូលីស​សេដ្ឋកិច្ច​ស្រុក​ឆ្លូង សង្កាត់រដ្ឋបាល​ព្រៃឈើ​ឆ្លូង នាង​ធ្វើការ​បង្ក្រាប​រថយន្ត​ដឹកឈើ​ឈើ​ល្មើសច្បាប់​ចំនួន​៩​គ្រឿង​ឈើ​ប្រភេទ​លេខ​១​និង​២ ។

​លោកនាយ​សង្កាត់រដ្ឋបាល​ព្រៃឈើ​ឆ្លូង​បាន​បញ្ជាក់​ឲ្យដឹងថា រថយន្ត​ដឹកឈើ​ល្មើសច្បាប់​ចំនួន​៩​គ្រឿង​រក្សាទុក​នៅ​សង្កាត់​រដ្ឋា​បាល​ព្រៃឈើ​ឆ្លូង​នឹង អនុវត្តន៍​តាម​ច្បាប់​រដ្ឋបាល​ព្រៃឈើ តែ​មិន​ទាន់​ដឹង​ចំនួន​ឈើ​នោះ​ទេ ព្រោះ​កម្លាំង​ជំនាញ​រដ្ឋបាល​ព្រៃឈើ​របស់​ធ្វើការ​វាស់វែង​មិន​ទាន់​រួច​ហើយ នឹង​ចាត់វិធានការ​តាម​ផ្លូវ​ច្បាប់​រដ្ឋបាល​ព្រៃឈើ​បន្ត ៕

 

wood171119-(1) wood171119-(6) wood171119-(5) wood171119-(4) wood171119-(3)

Source link

លោក​ ហ៊ុន សែន​ មិន​បារម្ភ​នឹង​ការ​កាត់​ជំនួយ​របស់​អាមេរិក និង​ស្វាគមន៍​ការ​កាត់​ជំនួយ​ទាំង​អស់


ក្រោយពីតុលាការ​កំពូល​រំលាយ​គណបក្ស​សង្រ្គោះ​ជាតិ ​តាម​បណ្តឹង​របស់​ក្រសួង​មហា​ផ្ទៃ​ ប្រទេស​មួយ​ចំនួន​បាន​ផ្ញើ​សារ​ដែល​ជា​ប្រតិកម្មខ្លាំងៗ​មក​រដ្ឋាភិបាល​កម្ពុជា ​ដោយ​ពួកគេ​បាន​សម្តែង​ការ​ព្រួយ​បារម្ភ​យ៉ាង​ខ្លាំង​ចំពោះ​ភាព​ស្រប​ច្បាប់​នៃ​ការ​បោះឆ្នោត​នៅ​ឆ្នាំ​២០១៨​ ខាង​មុខ​នេះ។ ​ក្នុង​នោះ​សហរ​ដ្ឋ​អាមេរិក​ក៏​បាន​ព្រមាន​ពី​ចំណាត់​ការ​ជាបន្ត​បន្ទាប់​ផង​ដែរ​ ក្រោយ​ពី​បាន​ប្រកាស​ផ្តាច់​ជំនួយ​ដល់​គណៈ​កម្មាធិការ​ជាតិ​រៀប​ចំ​ការ​បោះឆ្នោត​ (គ.ជ.ប.)។​ នៅ​ថ្ងៃ​នេះ ​លោក​នាយក​រដ្ឋមន្រ្តី ​ហ៊ុន សែន​បាន​អះអាង​ថា​ លោក​ស្វាគមន៍ការ​កាត់​ជំនួយ​នេះ ​ហើយ​ថាគួរតែកាត់​ជំនួយ​ទាំង​អស់​តែ​ម្តង។​

លោក​នាយក​រដ្ឋមន្រ្តី ​ហ៊ុន សែន​ នៅ​ថ្ងៃ​អាទិត្យ​នេះ​ បាន​ប្រកាស​ថា ​លោក​ស្វាគមន៍​ការ​កាត់​ជំនួយ​ទាំង​អស់​របស់​សហ​រដ្ឋ​អាមេរិក​ ដោយ​លោក​ថា ​អាមេរិក​កំពុង​តែ​សម្លាប់​លទ្ធិ​ប្រជា​ធិបតេយ្យ​នៅ​កម្ពុជា ​បន្ទាប់ពីផ្តួល​រូប​លោក​មិន​ដួល។​

ក្រោយ​ពី​តុលាការ​កំពូល​រំលាយ​គណបក្ស​សង្រ្គោះ​ជាតិ​កាល​ពី​ថ្ងៃ​ទី​១៦ ​ខែ​វិច្ឆិកា​ សហ​រដ្ឋ​អាមេរិក​បាន​ចេញ​សេចក្តីថ្លែង​ការណ៍​មួយ​ដោយ​បញ្ជាក់​ថា ​ខ្លួន​នឹង​មាន​វិធានការ​ជា​បន្តបន្ទាប់​មក​លើ​កម្ពុជា។ ​បើ​តាម​សេចក្តី​ថ្លែង​ការណ៍​នោះ​ ជំហាន​ដំបូង​ដែលអាមេរិក​នឹងធ្វើ​គឺ​បញ្ឈប់​ជំនួយ​ដល់​គណៈកម្មាធិការ​ជាតិ​រៀបចំ​ការ​បោះឆ្នោត​(គ.ជ.ប.)​ និង​ការ​រៀបចំ​ការ​បោះ​ឆ្នោត​ជាតិ​នៅ​ឆ្នាំ​២០១៨ ​ខាង​មុខ​នេះ។

អាមេរិក​បាន​បញ្ជាក់​ថា៖​

«នៅ​ក្នុង​សភាព​បែប​នេះ ​ការ​បោះឆ្នោត​នៅ​ឆ្នាំក្រោយនឹង​គ្មាន​ភាព​ស្របច្បាប់​ ត្រឹម​ត្រូវ ​គ្មាន​ភាព​សេរី ​ឬយុត្តិធម៌ឡើយ»។​

នៅ​ក្នុង​ពិធី​ជួប​សំណេះ​សំណាល​ជាមួយ​កម្មករ​នៅ​រាជធានី​ភ្នំពេញ ​នាព្រឹក​ថ្ងៃ​អាទិត្យ ​លោក ហ៊ុន សែន​បាន​ថ្លែង​ថា ​លោក​មិន​ខ្វល់​នឹង​ការ​ព្រមាន​កាត់​ជំនួយ​របស់​អាមេរិក​នោះ​ទេ។​ លោក​ក៏​បាន​ប្រកាស​ស្វាគមន៍​អាមេរិក​ឲ្យ​កាត់​ជំនួយ​ទាំង​អស់​មក​កម្ពុជា​ និង​ថា ​ការ​គំរាម​បិទ​ទីផ្សារ​កម្ពុជា​ក៏​មិន​អាច​ទៅ​រួច​នោះ​ដែរ។​

លោក​ហ៊ុន សែន​បាន​ថ្លែង​ថា៖​

«ឥឡូវ​មាន​អ្នក​ខ្លះ​គំរាម។​ គេ​ថា​ បិទ​ផ្សារ​អី​ចេះអីចុះ។​ អ្នក​ឯង​បិទ​លមើល​ អ្នក​ឯង​បិទ​ក៏​អ្នក​ឯង​ត្រូវ​ទទួល​ខុសត្រូវ​ចំពោះ​មុខ​វិស័យ​ឯកជន​របស់​អ្នក​ឯង​ដែល​បាន​ចុះ​កុងត្រា​ទិញ​រួច​ហើយ។​ ​ អ្នក​ឯង​បិទ​ បិទ​ជា​នយោបាយ។​ ក៏​ប៉ុន្តែ​អនុវត្ត ​អនុវត្ត​មិន​បាន​ទេ។ ​ហើយ​ខ្ញុំ​ស្វាគមន៍​ណាស់​ ស្វាគមន៍​អាមេរិក​កាត់​ជំនួយ ​ទៅ​ដល់​គណៈ​កម្មាធិការ​ជាតិ​រៀបចំ​ការ​បោះឆ្នោត។​ ខ្ញុំ​ស្វាគមន៍​តែ​ម្តង»។

លោក​ហ៊ុន សែន​បាន​បញ្ជាក់​បន្ថែម​ថា៖​

«បាន​សេចក្តី​ថា ​អ្នក​ឯង​និយាយ​ពី​លទ្ធិ​ប្រជា​ធិបតេយ្យ​ ហើយ​អ្នក​ឯង​កាត់​ជំនួយ​ពី​គណៈ​កម្មាធិការ​បោះ​ឆ្នោត។ ​ទន្ទឹម​នឹង​ផ្តួ​លខ្ញុំ​មិន​ដួល​ហើយ ​អ្នក​ឯង​បាន​រួម​ចំណែក​សម្លាប់​លទ្ធិ​ប្រជា​ធិបតេយ្យ​នៅ​កម្ពុជា ​ហើយ​យក​ល្អ​អំពាវនាវ​ឲ្យ​អាមេរិក​កាត់​ជំនួយ​ទាំង​អស់​តែ​ម្តង ​ព្រោះ​កាត់​ទៅ ​វា​ងាប់​អា​ NGOs ​នៅ​ក្នុង​ស្រុក​ទាំង​អស់!​ ទៅ​សម្លាប់​កូន​របស់​ឯង​តែ​ម្តង​ទៅ! ស្អី​ឡើង​កាត់! ស្អី​ឡើងកាត់! កាត់! កាត់​ទៅ!»​

VOA ​មិន​អាច​សុំ​ការ​ឆ្លើយ​តប​ពី​ស្ថានទូត​អាមេរិក​ប្រចាំ​នៅ​កម្ពុជា​បាន​នៅ​ឡើយ​ទេ។​

កាល​ពី​ខែ​មេសា​ឆ្នាំ​២០១៧ ​ទីភ្នាក់ងារ​សហ​រដ្ឋ​អាមេរិក​សម្រាប់​អភិវឌ្ឍ​អន្តរជាតិ​ (USAID)​ បានប្រកាស​ផ្ដល់​ថវិកា​១,៨​លាន​ដុល្លារ​អាមេរិក​ ដើម្បី​គាំទ្រ​ដល់គ.ជ.ប.​សម្រាប់រៀបចំ​ការ​បោះឆ្នោត​ក្រុម​ប្រឹក្សា​ឃុំ​សង្កាត់ ក្នុង​ឆ្នាំ​២០១៧ និង​ការ​បោះឆ្នោត​ថ្នាក់​ជាតិ​ឆ្នាំ​២០១៨។

ចាប់​តាំង​ពី​បង្កើត​ស្ថានទូត​អាមេរិក​នៅ​កម្ពុជា​ឡើង​វិញ​ក្នុង​ឆ្នាំ១៩៩៤ រដ្ឋាភិបាល​អាមេរិក​មាន​គោលដៅ​សំខាន់​គឺ​ដើម្បី​ស្ដារ​ទំនាក់ទំនង​ការទូត​ប្រទេស​ទាំងពីរ​ឡើងវិញ​ តាម​រយៈ​ការជួយ​អភិវឌ្ឍ​សេដ្ឋកិច្ច​ វិស័យ​អប់រំ ​សុខភាព​សាធារណៈ ​និង​ជំរុញ​ប្រព័ន្ធ​យុត្តិធម៌ ​និង​លទ្ធិ​ប្រជា​ធិបតេយ្យ​ជាដើម។ ​បើ​តាម​វេបសាយ​របស់​ក្រសួង​ការ​បរទេស​អាមេរិក ​ក្នុង​ឆ្នាំ​២០១៤​ រដ្ឋាភិបាល​អាមេរិក​បាន​ផ្តល់​ជំនួយ​មក​កម្ពុជា​ជាង​៧៧​លាន​ដុល្លារ​អាមេរិក​សម្រាប់​កម្មវិធី​មួយ​ចំនួន​ទាក់ទង​នឹង​សុខភាព​ ការ​អប់រំ ​អភិបាល​កិច្ច ​កំណើន​សេដ្ឋកិច្ច ​និង​ការ​បោស​សម្អាត​យុទ្ធភ័ណ្ឌ​មិន​ទាន់​ផ្ទុះ​នៅ​កម្ពុជា។​

លោក​នាយក​រដ្ឋមន្រ្តី ​ហ៊ុន សែន​បាន​លើក​ឡើង​ថា ​កម្ពុជា​មិនមាន​វិបត្តិ​នយោបាយ​នោះ​ទេ​ ហើយ​ក៏​គ្មាន​អ្នក​ទោស​នយោបាយដែរ​ គឺ​មាន​តែ​អ្នក​នយោបាយ​ដែល​មាន​ទោស។ ​លោក​បាន​បដិសេធ​ការ​ចោទ​ប្រកាន់​ដែល​ថា ​ការ​រំលាយ​គណបក្ស​សង្រ្គោះ​ជាតិ​គឺជា​រឿង​នយោបាយ។​

លោក​មាន​ប្រសាសន៍​ថា៖​

«សូម​ផ្តាំ​ទៅ​អ្នក​ការ​ទូត​មួយ​ចំនួន ​ឲ្យ​មើល​អង្គហេតុ​ និង​អង្គ​ច្បាប់​ពិត​ប្រាកដ។ ​រឿង​នេះ​មិន​មែន​រឿង​នយោបាយ​ទេ ​រឿងច្បាប់​សុទ្ធសាធ»។​

តាម​រយៈ​សេចក្តី​ថ្លែង​ការណ៍​កាល​ពី​ថ្ងៃ​ទី​១៦ ​ខែវិច្ឆិកា ​អាមេរិក​បាន​បញ្ជាក់​ថា ​រដ្ឋាភិបាល​កម្ពុជា​នៅ​មាន​ពេល​នៅ​ឡើយ​ក្នុង​ការ​បង្វែ​សកម្មភាព​របស់​ខ្លួន​មក​វិញ ​ក្នុង​នោះ​មាន​ការ​ដោះលែងប្រធាន​គណបក្ស​ប្រឆាំង​គឺ​លោក​កឹម សុខា ​ហើយ​អនុញ្ញាតឲ្យគណបក្ស​ប្រឆាំង​នានា ​សង្គមស៊ីវិល ​និងប្រព័ន្ធ​ផ្សព្វផ្សាយ​បន្ត​ធ្វើ​សកម្មភាព​ស្រប​ច្បាប់​របស់​ពួក​គេ​ត​ទៅ​ទៀត។​

អ្នកស្រី ​មូរ សុខហួរ ​អនុប្រធាន​គណបក្ស​សង្រ្គោះ​ជាតិ​ ដែល​ជាគណបក្សទើប​ត្រូវ​បាន​រំលាយ​ចោល​ មាន​ប្រសាសន៍​ថា ​អ្នកស្រី​មាន​ការ​ព្រួយ​បារម្ភ​ជា​ខ្លាំង​ទៅ​លើ​ទីផ្សារ​ទំនិញ​របស់​កម្ពុជា​នៅ​អឺរ៉ុប ​និង​ប្រទេស​ផ្សេងៗ​ នា​ពេល​ខាង​មុខ ​ដោយ​សារ​តែ​វិបត្តិ​នយោបាយ​ធ្ងន់ធ្ងរ​នៅ​កម្ពុជា។ ​អ្នកស្រី​បន្ត​ថា​ កម្ពុជា​នឹង​មាន​វិបត្តិ​សេដ្ឋកិច្ច​ ដោយ​សារ​ប្រទេស​ផ្សេងៗ​បាន​ផ្ញើ​សារ​ខ្លាំងៗ​រួច​ទៅ​ហើយ​ ក្រោយ​ការ​រំលាយ​គណបក្ស​សង្រ្គោះ​ជាតិ។​

អ្នកស្រី​មាន​ប្រសាសន៍​ថា៖​

«សេចក្តី​ថ្លែង​ការណ៍​គេ​ថ្មីៗ​នេះ ​ទុកពេល​វេលា​ជូន​ទៅដល់​សម្តេច​នាយក​រដ្ឋមន្រ្តី​ដើម្បី​ឲ្យ​លោក​គិត​ពិចារណា​ ឲ្យ​ដោះស្រាយ​បញ្ហា​វិបត្តិ​នយោបាយ​នេះ ​ដែល​បង្ក​ឡើង​ដោយ​សារ​អំណាច​របស់​សម្តេច​នាយក​រដ្ឋមន្រ្តី។​ អាហ្នឹង​ច្បាស់​ណាស់។​ អីចឹង​លោក​ហ៊ុន​ សែន ​គាត់​ត្រូវ​ពិចារណា​ទៅ​មុខ​ទៀត​ថា​ តើ​ភាពស្របច្បាប់​នេះ​ ប្រទេស​ចិន​អាច​ផ្តល់​ជូន​គាត់​បាន​ទេ?​ ប្រទេស​រុស្ស៊ី​ជូន​គាត់​បានទេ?​ ប្រទេស​វៀតណាម​ជូនគាត់​បាន​ទេ​ ភាពស្រប​ច្បាប់​ហ្នឹង!»

ទំនាក់ទំនង​កម្ពុជា​អាមេរិក​មាន​ភាព​មិន​ល្អ​នឹង​គ្នា ​ខណៈ​លោក​ហ៊ុន សែន​បាន​ប្រតិកម្ម​នឹង​អាមេរិក​ពី​រឿង​ទម្លាក់​គ្រាប់​បែក​លើ​កម្ពុជា​កាល​ពី​អតីតកាល ​និង​ការ​ចោទ​ថា​ អាមេរិក​លូកដៃ​ចូល​ក្នុង​កិច្ចការ​ផ្ទៃ​ក្នុង​របស់​កម្ពុជា។ ​ចុងក្រោយ​នេះ ​អាមេរិក​ត្រូវ​បាន​ចោទ​ប្រកាន់​ថា ​នៅ​ក្រោយ​គណបក្ស​សង្រ្គោះ​ជាតិ​ក្នុង​គម្រោង​ផ្តួល​រំលំ​រដ្ឋាភិបាល​របស់​លោក​ហ៊ុន សែន​តាម​ទម្រង់​បដិវត្តន៍​ពណ៌។​

លោក​ហ៊ុន សែន​ក៏​បាន​ប្រកាសនៅ​ថ្ងៃ​អាទិត្យ​ដែរថា​ ក្រោយ​រដ្ឋាភិបាល​អាមេរិក​បាន​លើក​ឡើង​ពី​ការផ្តាច់​ជំនួយ​លើការ​ដោះ​មីន​នៅ​កម្ពុជា​ ប្រទេស​ចិន​ក៏​បាន​ប្រកាស​ថា ​នឹង​ជួយ​លើ​បញ្ហា​នេះ ​តាម​សំណើ​របស់​រដ្ឋាភិបាល​កម្ពុជា។​

ក្រោយ​ការ​រំលាយ​គណបក្ស​សង្គ្រោះ​ជាតិ​ ប្រទេស​មហា​អំ​ណាច​មួយ​ចំនួន​ក៏​បាន​ចាប់​ផ្តើម​ព្រមាន​កម្ពុជា ​ក្នុង​នោះរួម​ទាំង​ការ​ដក​ចេញ​នូវ​ការ​អនុ​គ្រោះ​ពន្ធ​ដល់​ទីផ្សារ​នាំ​ចេញ​ធំ​បំផុត​របស់​កម្ពុជា​ ហើយ​មន្រ្តី​ជាន់ខ្ពស់​រដ្ឋាភិបាល​កម្ពុជា​ទាំង​អស់​អាច​នឹង​ត្រូវ​បាន​ហាម​ប្រាមការ​ធ្វើ​ពាណិជ្ជ​កម្ម​ជាមួយ​ក្រុម​ហ៊ុន​នានា​របស់​អាមេរិក។​

នៅ​ក្នុ​ង​សេចក្តី​ថ្លែង​ការណ៍​មួយ​ចេញ​ផ្សាយ​ក្រោយ​គណបក្ស​សង្រ្គោះជាតិ​ត្រូវ​បាន​រំលាយ​ លោក​ Phil Robertson​ អនុប្រធាន​ទទួល​បន្ទុក​តំបន់​អាស៊ី​របស់​អង្គការ​សិទ្ធិ​មនុស្ស​ Human Rights Watch ​មាន​ប្រសាសន៍​ថា ការ​រំលាយ​បក្ស​ប្រឆាំង​គឺ​ជា​គម្រោង​សម្ងាត់​របស់​លោក​ ​ហ៊ុន សែន ​ដើម្បី​ធានា​ជោគជ័យ​របស់​លោក​សម្រាប់​ការ​បោះឆ្នោត​នៅ​ឆ្នាំ​ក្រោយ។ លោក​បញ្ជាក់​ថា ​ការ​លើក​ឡើង​អំពី​បដិវត្តន៍​ពណ៌គឺ​ជា​រឿង​និទាន ​ដែល​សរសេរ​ដោយ​គណបក្ស​ប្រជាជន​កម្ពុជា ​ហើយ​មាន​លក្ខណៈ​នយោបាយ។​

លោក​មាន​ប្រសាសន៍​ថា៖​

«នេះ​ជា​ការ​ស្លាប់​នៃ​លទ្ធិ​ប្រជាធិបតេយ្យ​នៅ​កម្ពុជា ​ហើយ​វា​ជា​នយោបាយ​សម្លាប់​គោល​ការណ៍​កិច្ច​ព្រមព្រៀង​ទីក្រុង​ប៉ារីស​ដែល​ថា​ កម្ពុជា​គួរ​តែ​មាន​ការ​គោរព​សិទ្ធិ​មនុស្ស​ ​និង​មាន​ប្រជា​ធិបតេយ្យ​ពហុបក្ស»៕

Source link

​និស្សិត​ស្ដ្រី​ខ្មែរ​ឥស្លាម​១៦ នាក់ បាន​បញ្ចប់​វគ្គ​ហ្វឹកហ្វឺន​ការងារ​ផ្នែក​មីក្រូហិរញ្ញវត្ថុ​បែប​ឥស្លាម​នៅ​ម៉ាឡេស៊ី ដើម្បី​ត្រៀម​ដំណើរ​ការងារ​ហិរញ្ញវត្ថុ​ដំបូង​នៅ​កម្ពុជា

ភ្នំពេញ​៖  និស្សិត​ស្ត្រី​ខ្មែរឥស្លាម​ចំនួន​១៦ នាក់ ដែល បាន បញ្ចប់​វគ្គ​បណ្តោះ​បណ្តាល​ហ្វឹកហាត់​ការងារ​ផ្នែក​មីក្រូ ហិរញ្ញវត្ថុ​បែប​ឥស្លាម​ដោយ​ជោគជ័យ នៅ​ប្រទេស ម៉ាឡេស៊ី​ចំនួន​៤៩​ថ្ងៃ បាន​ត្រឡប់​មក​ដល់​មាតុប្រទេស​វិញ ដើម្បី ដំណើការ​គ្រឹះស្ថាន​មីក្រូហិរញ្ញវត្ថុ បែប​ឥស្លាម ដំបូង នៅ​កម្ពុជា គ្រឹះស្ថាន​នេះ ផ្ដួចផ្ដើមឡើង​ដោយ​លោក អូស្មាន ហាស្សាន់ ប្រធាន​អង្គការ​មូលនិធិ​អភិវឌ្ឍ​ន៏​មុស្លិម​កម្ពុជា និង​ប្រទេស​ម៉ាឡេស៊ី ។

​នៅ​ឯអាកាស​យាន្តដ្ឋាន​អន្តរជាតិ​ភ្នំពេញ នៅ​រសៀល​ថ្ងៃ​ទី ១៩ វិច្ឆិកា ឆ្នាំ​២០១៧ លោកស្រី កុ​ប ម៉ា​រី​យ៉ះ រដ្ឋលេខាធិការ​ក្រសួង​កិច្ចការនារី និង លោកស្រី ម៉ាន ណាវី ក្នុង​តំណាង លោក  អូស្មាន ហាស្សាន់ រដ្ឋមន្ត្រី​ប្រតិភូ​អម​នាយករដ្ឋមន្ត្រី បាន​អញ្ជើញ​ទទួល​ដំណើរ​មក​ដល់ ក៏​បាន​ចូលរួម​អបអរ សាទរ​ចំពោះ​ប្អូនៗ ដែល​បាន​បញ្ចប់​ការសិក្សា​រយៈ ពេល​៤៩ ថ្ងៃ នៅ​ប្រទេស​ម៉ាឡេស៊ី ប្រកបដោយ​ជោគជ័យ ហើយ​ត្រឡប់​មក​កម្ពុជា​វិញ​ដើម្បី​ចូលរួម​បំពេញ​ការងា​រក​ក្នុង គ្រឹះ ស្ថាន មីក្រូហិរញ្ញវត្ថុ​បែប​ឥស្លាម​ដំបូង​គេ​នៅ​កម្ពុជា ជា​សាខា​គ្រឹះស្ថាន​មីក្រូហិរញ្ញវត្ថុ​បែប​ឥស្លាម នៃ​ប្រទេស​ម៉ាឡេស៊ី​ដ៏​ធំ​មួយ​ដែល​មានឈ្មោះ​ថា Amana Ikhtiar Microfinan ce ដែល​គ្រោង​នឹង​ដំណើរការ​នា​ដើមឆ្នាំ​២០១៨ ខាងមុខនេះ​។​

​តាម​ការបញ្ជាក់ ពី​លោក សុះ សេន ប្រធាន​គម្រោង របស់​អង្គការ​មូលនិធិ​អភិវឌ្ឍន៍មុស្លិ​មក​ម្ពុ​ជា ដែល​ជា​ភាគី​ដៃគូ ម្ចាស់ផ្ទះ បាន​បង្ហើប​អោយដឹងថា​៖  តាម​ការគ្រោង គឺ​គ្រឹះ ស្ថាន​មួយ​នេះ នឹង​ចាម​ផ្តើម​ដំណើរការ​នៅ​កម្ពុជា ពី​ដើម​ឆ្នាំ​២០១៨​ទៅ ដោយ​សិក្ខាកាម​ទាំង​១៦​រូបនេះ គឺជា​បុគ្គលិក ស្ថាបនិក​ដំបូង​គេ​នឹង​ត្រូវ​ជ្រើស​អោយ​បំ ពេញ​ការងារបុរ​ចាំការ ហើយ​ពេលនេះ​ផងដែរ អ្នក​ទាំង​១៦​រូប​នឹង​ចាប់ផ្តើម ស្វែង រក​អតិថិជន​ជាក់ស្តែង​ជា​បណ្តើរៗ​។

​លោកស្រី កុ​ប ម៉ា​រី​យ៉ះ រដ្ឋលេខាធិការ​ក្រសួង​កិច្ចការនារី  បានបញ្ជាក់​ថា​៖   តាមពិត នេះ​ជា​គម្រោង​ផ្តល់ប្រាក់ ឥណទាន​បែប​អង្គការ​ដែល​មិន​រក​ប្រាក់ចំណូល ហើយ​គ្រឹះស្ថាន​នេះ ផ្តល់​អទ្ធិភាព​ដល់​អតិថិជន​ដែល​ជា​ស្ត្រី សំដៅលើ​ជនក្រីក្រ ដែល​ខ្វះខាត​ដើមទុន​ដើម្បី​ពង្រីក​មុខរបរ អោយ​កាន់តែ​ប្រសើរឡើង ដែល​ភាគច្រើន​គឺជា​ប្រភេទ​អាជីវកម្ម​ខ្នាតតូច​តែប៉ុណ្ណោះ ដែល​គ្រឹះស្ថាន​មាន​គម្រោង​ផ្តល់​ជូន ពី​៥០០​ដុល្លារ ដល់​១​ម៉ឺន​ដុល្លារ តែប៉ុណ្ណោះ​។ លក្ខណៈ​ពិសេស​នៃ​ការ​ផ្តល់​ឥណទាន​បែបនេះ គឺ​មិន​ត្រូវ​បាន​គិត​ការប្រាក់​នោះទេ តែ​ជំនួស​ដោយ​កម្រៃ​សេវាកម្ម​កម្រិត​ទាប​បំផុត​។

​សូមបញ្ជាក់​ថា​៖ Amana Ikhtiar Microfinance គឺ​ជា​គ្រឹះស្ថាន​មីក្រូហិរញ្ញវត្ថុ​បែប​ឥស្លាម នៃ​ប្រទេស​ម៉ាឡេស៊ី​ដ៏​ធំ​មួយ បានចាប់ផ្តើម​បោះទុន​វិនិយោគ​នៅ​កម្ពុជា ដោយ​នៅ​ថ្ងៃ​ទី​១២ ខែ​មេសា ឆ្នាំ​២០១៧ បាន​ចុះហត្ថលេខា​លើ​អនុសារណៈ​នៃ​ការយោគយល់​(MOU) រវាង Aman aIkhtiar Microfinance ដឹកនាំ​ដោយ Dr.ZubirHar un ជាមួយ​អង្គការ​មូលនិធិ​អភិវឌ្ឍន៍មុស្លិ​មក​ម្ពុ​ជា ដឹកនាំ​ដោយ លោក អូស្មាន ហាស្សាន់ ផ្ទាល់​ដោយសារ​លោក មើ​ក​ឃើញ ពី​តម្រូវការ​ចំ​បាច់ របស់​បងប្អូន ប្រជាពលរដ្ឋ នាពេល​បច្ចុប្បន្ន​នេះ​ផង​ដែរ ៕

 

i171119d4b i171119d4c i171119d4d i171119d4a

Source link

ត្រៀម​ចូល​អង្គុយ​កៅអី​រដ្ឋសភា ! គ​.​ជ​.​ប ប្រកាស​ជូនដំណឹង​ដល់​គណបក្សនយោបាយ​ចំនួន​៦​ឲ្យ​ចូលរួម​អនុវត្ត​បែងចែក​អាសនៈ​រដ្ឋសភា​សល់​ទំនេរ​ពី CNRP ដែល​ត្រូវបាន​រំលាយ

កាលពី​ថ្ងៃទី​១៨ ខែវិច្ឆិកា ឆ្នាំ​២០១៧​ម្សិលមិញ​នេះ គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​) បានចេញ​សេចក្តីប្រកាស​ព័ត៌មាន​ដល់​គណបក្សនយោបាយ​ចំនួន​៦​ដែល​បាន​ចូលរួម​ការបោះឆ្នោត​ជ្រើសតាំង​តំណាងរាស្ត្រ​នីតិកាល​ទី​៥​ឆ្នាំ​២០១៣ តែ​មិន​ទទួលបាន​អាសនៈ​នៅក្នុង​រដ្ឋសភា …

[អានទាំងស្រុងនៅ WWW.DTN7.COM]
Source link