ព័ត៌មានខ្មែរ

ជនជាតិ​យួន​ចូលមក​ឈូសឆាយ​ព្រៃ​លើទឹក​ដី​ខ្មែរ​តាម​តំបន់​ព្រំដែន​ក្នុងស្រុក​ពេ​ជ្រា​ដា ខេត្តមណ្ឌលគិរី មានការ​ឃុបឃិត​ជា​ប្រព័ន្ធ​

​កាលពី​ថ្ងៃទី​១២ ខែមករា ឆ្នាំ​២០១៨ ជនជាតិ​យួន​ចំនួន​៨​នាក់​ត្រូវបាន​សមត្ថកិច្ច​បញ្ជូន​ទៅ​សាលាដំបូង​ខេត្តមណ្ឌលគិរី ពាក់ព័ន្ធ​បទល្មើស​ប្រើ​គ្រឿងចក្រ​ឈូសឆាយ​ព្រៃឈើ​នៅក្នុង​តំបន់​ដែនជម្រកសត្វព្រៃ​ស្រែ​ពក ឃុំក្រង​តេះ ស្រុក​ពេ​ជ្រា​ដា ខេត្តមណ្ឌលគិរី​។ ករណី​ឃាត់ខ្លួន​ជនជាតិ​យួន​ទាំង​៨​នាក់​នោះ គឺ​មន្ត្រី​តុលាការខេត្ត​មណ្ឌលគិរី ដឹកនាំ​កម្លាំងចម្រុះ​ចុះទៅ​ឃាត់ខ្លួន​បញ្ជូនទៅ​សាកសួរ​នៅ​ស្នាក់ការ​ខណ្ឌ​រដ្ឋបាល​ព្រៃឈើ​ខេត្តមណ្ឌលគិរី បន្ទាប់មក​ត្រូវ​បញ្ជូនទៅ​សាលាដំបូង​ខេត្ត​ដើម្បី​ចាត់ការ​តាម​នីតិវិធី​។ ប្រភព​ខ្លះ​បាន​ឲ្យ​ដឹងថា ការដែល​ជនជាតិ​យួន​ទាំង​៨​នាក់​នោះ​អាច​ចូលមក​ធ្វើ​សកម្មភាព​ឈូសឆាយ​ព្រៃឈើ​នៅតាម​ព្រំដែន គឺមាន​ការឃុបឃិត​ជា​ប្រព័ន្ធ​ហើយ​ក្រុមហ៊ុន​ដួង​ស្រួច ក៏​អាចមាន​ជាប់​ពាក់ព័ន្ធ​យ៉ាងជ្រៅ​ផងដែរ​។

​ប្រភពពី​មន្ត្រី​អាជ្ញាធរ​ឃុំក្រង​តេះ ស្រុក​ពេ​ជ្រា​ដា បាន​ឲ្យ​ដឹងថា ច្រើន​ថ្ងៃ​មកហើយ​ដែល​ជនជាតិ​យួន​ជាច្រើន​នាក់​ប្រើ​គ្រឿងចក្រ​ធំៗ​ចំនួន​៣​គ្រឿង​ចូលមក​ឈូសឆាយ​ដីព្រៃ​និង​កាប់រំលំ​ដើមឈើ​រាប់ពាន់​ដើម​គរ​ទុក​នៅក្នុង​ព្រៃ​អូរ​ផ្លា​យ ឃុំក្រង​តេះ ស្រុក​ពេ​ជ្រា​ដា គឺ​នៅក្នុង​ដែនជម្រកសត្វព្រៃ​ស្រែ​ពក​។ ប្រភព​បាន​ឲ្យ​ដឹង​ទៀតថា ជនជាតិ​យួន​ទាំង​នោះបាន​ប្រើប្រាស់​គ្រឿងចក្រ​ដែលមាន​បិទ​ស្លាក​ក្រុមហ៊ុន​ដួង​ស្រួច​គ្រុប ធ្វើ​សកម្មភាព​ឈូសឆាយ​ដីព្រៃ ហើយ​សមត្ថកិច្ច​ចម្រុះ​បាន​រកឃើញ​គំនរ​ឈើ​ធំៗ​៧​កន្លែង​មាន​ឈើ​ប្រមាណ​ជិត​១០០០​ដើម​ដែល​គេ​កាត់​គល់​កាត់​ចុង​ពង្រាយ​នៅក្នុង​ព្រៃ​។ មន្ត្រី​អាជ្ញាធរ​មូលដ្ឋាន​បាន​បញ្ជាក់ថា ការដែល​ក្រុមហ៊ុន​ដួង​ស្រួច ជួល​ជនជាតិ​យួន​ឲ្យ​ចូលមក​កាប់​ឈើ​និង​ឈូសឆាយ​បំផ្លាញ​ព្រៃឈើ គឺជា​ការបំផ្លាញ​ធនធានធម្មជាតិ ធ្វើ​ឲ្យ​ប៉ះពាល់​ដល់​បរិស្ថាន​ធម្មជាតិ​យ៉ាង​មហន្តរាយ​។ ដូច្នេះ​លោក សាយ សំ​អាល់ រដ្ឋមន្ត្រី​ក្រសួងបរិស្ថាន មិនគួរ​បណ្ដែតបណ្ដោយ​តទៅទៀត​ទេ ព្រោះ​ព្រៃឈើ​នៅក្នុង​តំបន់​ដែនជម្រកសត្វព្រៃ​កំពុង​ប្រឈម​នឹង​ការបំផ្លាញ​យ៉ាង​រាលដាល​។

​ប្រជា​សហគមន៍​ការពារ​ព្រៃឈើ​នៅ​ឃុំក្រង​តេះ ស្រុក​ពេ​ជ្រា​ដា ខេត្តមណ្ឌលគិរី បាន​ឲ្យ​ដឹងថា សកម្មភាព​របស់​ក្រុមហ៊ុន​ដួង​ស្រួច ក្នុង​ការជួល​ជនជាតិ​យួន​ឲ្យ​ចូលមក​កាប់​ឈើ​និង​ប្រើប្រាស់​គ្រឿងចក្រ​បំផ្លាញ​ព្រៃឈើ​យ៉ាង​កំរោល មិនមែនជា​ការប្រមូល​ផល អនុផល​ព្រៃឈើ​តាមច្បាប់​ដែល​បានកំណត់​នោះទេ​។ ផ្ទុយទៅវិញ​ក្រុមហ៊ុន​ដួង​ស្រួច កំពុង​ឈូសឆាយ​ទន្ទ្រាន​កាន់កាប់​ដីព្រៃ​ក្នុង​តំបន់​ដែនជម្រកសត្វព្រៃ​ស្រែ​ពក យ៉ាង​គឃ្លើន​ដោយ​គ្មាន​ញញើត​អ្វី​ទាំងអស់ ហើយ​ព្រៃឈើ​កំពុង​ប្រឈម​នឹង​សេចក្ដី​វិនាស​។ ដូច្នេះ​ពេលដែល​តុលាការខេត្ត​មណ្ឌលគិរី ចាត់វិធានការ​ទៅលើ​ជនជាតិ​យួន​៨​នាក់ ដែល​ចូលមក​កាប់​ឈើ​និង​ឈូសឆាយ​ដីព្រៃ​ក្នុង​ឃុំក្រង​តេះ ស្រុក​ពេ​ជ្រា​ដា គឺ​តុលា​ការគួរ​ចាត់វិធានការ​តាមច្បាប់​ទៅលើ​ក្រុមហ៊ុន​ដួង​ស្រួច​គ្រុប ដែល​កំពុង​បំផ្លាញ​ព្រៃឈើ​យ៉ាង​មហន្តរាយ​នោះ​ផងដែរ​។ ដោយហេតុថា មួយរយៈ​កន្លងទៅនេះ​ក្រុមហ៊ុន​ដួង​ស្រួច​គ្រុប កំពុង​បំផ្លាញ​ព្រៃឈើ​នៅ​ឃុំក្រង​តេះ និង​ឃុំ​ស្រែ​អំពូ​ម យ៉ាង​ពេញបន្ទុក​ហើយ​មន្ត្រី​បរិស្ថាន មន្ត្រីរដ្ឋបាល​ព្រៃឈើ និង​សមត្ថកិច្ច​ពាក់ព័ន្ធ​ដទៃទៀត មិន​ចាត់វិធានការ​ទប់ស្កាត់​បទល្មើស​ដែល​ក្រុមហ៊ុន​នេះ​កំពុង​ប្រព្រឹត្ត​នោះទេ​៕

26793670_406961053058194_36935635_n ថ-5-4-768x576 ថ-1-19-768x432 26855872_406961036391529_1622801361_n

Source link

ស្ត្រី​សកម្មជន​អតីត​បក្ស​សង្គ្រោះ​ជាតិ​ម្នាក់​ត្រូវ​ជាប់ពន្ធនាគារ​មួយ​ឆ្នាំ​រឿង​ជេរប្រមាថ​

​រាជធានី​ភ្នំពេញ ៖ ស្ត្រី​ម្នាក់​ជា​សកម្មជន អតីត​គណបក្ស​សង្គ្រោះ​ជាតិ ត្រូវបាន​តុលាការ សម្រេច​ផ្តន្ទាទោស​ឲ្យ​ជាប់ពន្ធនាគារ​រយៈពេល​មួយឆ្នាំ ករណី​ជេរ​ប្រមាថ​សម្តេច ហ៊ុន សែន និង​ក្រុមគ្រួសារ​តាម​បណ្តាញ​សង្គម Facebook ថា ជា​ឃាតករ​សម្លាប់​បណ្ឌិត​កែម ឡី រួម​ទាំង​ការពិន័យ​ជា​ប្រាក់​១​លាន​រៀល​ថែម​ទៀត ។​

​ស្ត្រី​ជាប់ចោទ​នោះ​មានឈ្មោះ ហ៊ិ​ន វ៉ាន់​ស្រី​ពៅ ហៅ ហេង លក្ខិណា អាយុ​៣៧​ឆ្នាំ ត្រូវបាន​តំណាង​អយ្យការ​ចោទប្រកាន់​ពីបទ «​ញុះញង់​ឲ្យ​ប្រព្រឹត្ត​បទឧក្រិដ្ឋ​ជាអាទិ៍​» ខណ​ដែល​ស្ត្រី​រូបនេះ ត្រូវ​សមត្ថកិច្ច​ឃាត់ខ្លួន កាលពី​ថ្ងៃ​ទី​១២ ខែកក្កដា ឆ្នាំ​២០១៧ នៅ​បេនឡាន​រិទ្ធិ​មុនី ។​

​សូមជម្រាបថា មុន​ការចាប់ខ្លួន​ស្ត្រី​រូប​នេះ​បាន​បង្ហោះ​វីដេអូ​តាម​គណនី​ហ្វេ​សប៊ុក​ឈ្មោះ ហេង លក្ខិណា កាលពី​ថ្ងៃ​ទី​៩ ខែកក្កដា ដោយ​ចោទ​សម្តេច ហ៊ុន សែន និង​ក្រុម​គ្រួសារ​ថា សុទ្ធតែ​ជា​ឃាតក ក្នុង​អំឡុង​ពេល​នាង កំពុង​ស្ថិត​ក្នុង​ពិធីបុណ្យ​រំលឹក​ខួប​មួយឆ្នាំ នៃ​ការបាញ់​សម្លាប់​លោក​បណ្ឌិត កែម ឡី ដែល​រៀបចំឡើង​នៅ​ភូមិ​អង្គ​តាកុប ឃុំ​លាយ​បូរ ស្រុក​ត្រាំកក់ ខេត្តតាកែវ​៕

 

d180112c1

Source link

កម្ពុជា​គ្រោង​សាងសង់​ព្រលានយន្តហោះ​អន្តរជាតិ​ខ្នាត​ធំ​នៅ​ខេត្តកណ្តាល​

រាជធានី​ភ្នំពេញ ៖ តាម​ព័ត៌មាន​ទទួលបាន​កម្ពុជា គ្រោង​នឹង​សាងសង់​ព្រលានយន្តហោះ​អន្តរជាតិ ថ្មី​មួយទៀត ដែល​នឹង​ចំណាយ​ថវិកា​រហូតដល់​១៥០០​លាន​ដុល្លារ​អាមេរិក​ឯណោះ ។ ចំណែក​ទីតាំង​ដែល​គ្រោង​នឹង​សាងសង់​ព្រលានយន្តហោះ​ខ្នាត

​អន្តរជាតិ​នោះ ត្រូវបាន​បង្ហើប​ឲ្យ​ដឹងថា នៅ​ខេត្តកណ្តាល ចន្លោះ​ស្រុក​កណ្តាលស្ទឹង និង​ក្រុង​តាខ្មៅ ។ ចំណែក​ផ្ទៃដី​ដែល​ត្រូវ​សាងសង់​មាន​រហូតដល់​២៦០០​ហិកតា ៕

a6_largefn-2018-01-12-11-04-42-0

Source link

​នគរបាល​ស័ក្តិ​៤​ដែល​ធាក់​មន្ដ្រី​ចរាចរណ៍​ប្រឈម​ជាប់​ពន្ធនាគារ​ពី​២​ទៅ​៥​ឆ្នាំ​

​រាជធានី​ភ្នំពេញ ៖ ព្រះរាជអាជ្ញារង​អម​សាលាដំបូង​រាជធានី​ភ្នំពេញ បានសម្រេច​ចោទប្រកាន់​ចំនួន​២​បទល្មើស ទៅលើ​មន្ត្រីនគរបាល​ពាក់​ស័ក្តិ​៤ ដែល​លើកជើង​ធាក់​មន្ត្រី​នគរបាល​ចរាច​រណ៍ ជាប់​កិច្ចសន្យា​របស់​សាលា​រាជធានី​ភ្នំពេញ​។​

​តាម​ព័ត៌មាន​ទទួលបាន​ព្រះរាជអាជ្ញា​បាន​ចោទ​ជន សង្ស័យ​រូប​នោះ​ពីបទ «​ហិង្សា​ដោយ​ចេតនា​មាន​ស្ថាន​ទម្ងន់​ទោស និង​ប្រើប្រាស់​ដោយ​គ្មាន សិទ្ធិ​នូវ​សញ្ញា​សម្គាល់ ដែល​កំណត់ ដោយ​អាជ្ញាធរ​សាធារណៈ​» ប្រព្រឹត្តទៅ​នៅ​ចំណុច ផ្លូវ​លេខ​៥៩៨ កែ​ផ្លូវ​លេខ​៣១៥ សង្កាត់​ភ្នំពេញ​ថ្មី ខណ្ឌ​សែន​សុខ កាលពី​ថ្ងៃ​ទី​៩ ខែ​មករា ឆ្នាំ​២០១៨ តាម​បញ្ញត្តិ​មាត្រា​២១៨ និង​មាត្រា​៦១៤ នៃ​ក្រម​ព្រហ្មទណ្ឌ ។​

​បើ​តាម​ការចោទប្រកាន់​នោះ មន្ត្រីនគរបាល​ដែល​ជា​ជនសង្ស័យ​ត្រូវ​ប្រឈម​ជាប់ពន្ធនាគារ ពី​២​ឆ្នាំទៅ​៥​ឆ្នាំ ពិន័យ​ជា​ប្រាក់​ពី​៤​លាន ទៅ​១០​លាន សម្រាប់​មាត្រា​២១៨ និង​មាត្រា​៦១៤ ដែល​ប្រឈម​ជាប់​ពន្ធនាគារ​ពី​១​ខែ ទៅ​១​ឆ្នាំ ពិន័យ​ជា​ប្រាក់​ពី ១០​ម៉ឺន ទៅ​២​លាន​រៀល​។​

​គួ​រម្លឹកថា ជនដៃដល់​ដែល​ប្រើ​ហិង្សា​ទៅលើ​មន្ដ្រី​ចរាច​រណ៍​ជាប់​កិច្ចសន្យា​នោះ​ឈ្មោះ សៅ បញ្ញា អាយុ​៣៣​ឆ្នាំ បម្រើ​ការងារ​នៅ​ការិយាល័យ​រដ្ឋបាល​សរុប នៃ​នាយកដ្ឋាន​ប្រឆាំ​បទល្មើស​បច្ចេកវិទ្យា របស់​អគ្គស្នងការដ្ឋាន​នគរបាលជាតិ ៕

 

d180112c2

Source link

ចាប់​យួន​៨​នាក់​ដែល​ប្រើ​ស្លាក​ក្រុមហ៊ុន​ដួង​ស្រួច​ឈូសឆាយ​ផ្លូវ​ក្នុង​តំបន់​ជម្រក​សត្វព្រៃ​ស្រែ​ពក​!

ខេត្ត​មណ្ឌល​គី​រី ៖​ជនជាតិ​វៀតណាម​ចំនួន​៨​នាក់​ដែល​មក​ធ្វើ​សកម្មភាព​ឈូសឆាយ​ផ្លូវ​ឲ្យ​ក្រុមហ៊ុន​ដួង​ស្រួច ត្រូវបាន​កម្លាំង​ចម្រុះ​ដែល​ដឹកនាំ​ដោយ​លោក ម៉ម វណ្ណដា ព្រះរាជអាជ្ញារ​រង​អម​សាលាដំបូង​ខេត្ត  ធ្វើការ​ឃាត់ខ្លួន​យកទៅ​សាកសួរ​នៅ​ខណ្ឌ​រដ្ឋបាល​ព្រៃឈើ​មណ្ឌលគិរី កាលពី​រសៀល​ថ្ងៃ​ទី​១០ មករា ២០១៨ នៅ​តំបន់​ដែនជម្រកសត្វព្រៃ​ស្រែ​ពក ក្នុងភូមិ​ឡៅ ល្មៀត​ឃុំក្រង់​តេះ ស្រុក​ពេជ្រា​ដា​ខេត្ត​មណ្ឌលគីរី​។​

​ប្រភព​បានឲ្យដឹងថា អស់​រយៈពេល​ប្រមាណ​ជាង​១​សប្តាហ៏​មក​ហើយ គេ​បាន​ឃើញ​មាន​ក្រុម​ជនជាតិ​វៀតណាម​ជាច្រើន​នាក់ បាន​ប្រើប្រាស់​គ្រឿងចក្រ​ធំៗ​បី​គ្រឿង ឈូសឆាយ​ដី​ព្រៃ នឹង​កាប់រំលំ​ដើមឈើ​រាប់ពាន់​ដើម គរ​ទុក​ក្នុងព្រៃ​ជិត​ចំណុច​អូរ​ផ្លាយ ក្នុង​ភូមិសាស្ត្រ​ខាងលើ​។​

​ប្រភព​បន្តថា ជនជាតិ​វៀតណាម​ដែល​បាន​ធ្វើ​សកម្មភាព​កាប់​ផ្តួលរំលំ​ដើមឈើ​រាប់ពាន់​ដើម​នោះ បាន​ប្រើប្រាស់​គ្រឿងចក្រ​ដែល​មាន​បិទ​ស្លាករ​បស់​ក្រុមហ៊ុន ដួង ស្រួច គ្រុប ។​នៅពេល​សមត្ថកិច្ច​ចុះ​ទៅ​ដល់​ទីតាំង​នោះ គេ​បាន​ប្រទះ​ឃើញ​គំនរ​ឈើ​ធំៗ​ចំនួន​៧​កន្លែង ដែល​មាន​ឈើ​ប្រមាណ​ជិត​មួយ​ពាន់​ដើម ដែល​ត្រូវបាន​គេ​កាត់​គល់​កាត់​ចុង រាយប៉ាយ​ពេញ​ព្រៃ​។ ទោះជា​យ៉ាងណា​រហូតមក​ដល់​នឹង​វេលា​ម៉ោង​៥​ល្ងាច អ្នក​សា​ពត៌មាន​យើង​នៅ​មិនទាន់​បាន​ដឹង​ពី​ចំណាត់ការ​របស់​សមត្ថ​កិច្ច​ចំពោះ​ជនជាតិ​វៀតណាម​ទាំងនោះ​នៅ​ឡើយ​ទេ​។​

​ចំណែក​លោក ម៉ម វណ្ណដា ព្រះរាជអាជ្ញារ​រង​ខេត្ត​បាន​ថ្លែងថា យើង​នៅ​មិនទាន់មាន​វិធានការ​យ៉ាងណា​នោះ​ទេ ចំពោះ​ពួកគេ​ទាំង​៨​នាក់ ដោយ​នៅ​ពេល​នេះ​សមត្ថកិច្ច​ជំនាញ​កំពុង​ធ្វើ​ការសាកសួរ នឹង​យក​ឯកសារ​នានា​ដែល​មាន​មក​ផ្ទៀងផ្ទាត់​ថា​តើ​សកម្មភាព​របស់​ក្រុម​ជន​ទាំងនោះ​ខុស​ច្បាប់​បែបណា​?​។​ចំពោះ​មតិ​មហាជន​បាន​លើកឡើង​ថា ក្រុមហ៊ុន ដួង​ស្រូ​ចគ្រប់ ជា​ក្រុមហ៊ុន​របស់​ខ្មែរ​យើង តែ​នៅ​ពេល​សមត្តកិច្ច​ចុះ​ទៅដល់​កន្លែង ឃើញ​តែ​ជនជាតិ​វៀតណាម ធ្វើ​សកម្មភាព ឈួសឆាយ​នឹង​កាត់​ឈើ​តែ​ប៉ុន​នោះ​។​

​លោក សុខ សេ​រ៉ា នាយ​យក​រង​សាលាខេត្ត​បានឲ្យ​ដឹង​នៅ​វេលា​ម៉ោ​៥•៣០​នាទី​ល្ងាច​នេះ​ថា​ក្រុមហ៊ុន​ខាងលើ​នោះ​ពិតជា​មាន​ច្បាប់​ដី សម្បទាន​សង្គមកិច្ច​ពិតប្រាកដ​មែន​តែ​ការ​ឈួសឆា​យរបស់​ក្រុមហ៊ុន ត្រឹមត្រូវ​តាម​ទីតាំង រឺ​មិន​ត្រឹមត្រូវ​ខ្ញុំ​មិន​ដឹង​ទេ​? ចំណែក​ជនជាតិ​វៀតណាម​មក​ធ្វើកា​នោះ​ស្រប​ច្បាប់ រឺ​មិន​ស្របច្បាប់​នោះ​ជា​រឿង​របស់​ក្រុមហ៊ុន​ ​ទាក់ទិន ។​

​បើតាម​សម្ដី​របស់​លោក ប៊ុន លី នាយ​សង្កាត់រដ្ឋបាល​ព្រៃឈើ​ឃុំក្រង់​តេះ​បាន​ប្រា​ប ឲ្យដឹង​ថា​ខ្ញុំ​ធ្លាប់បាន​ចូលរួម​ប្រជុំ​ជា​ថ្នាក់​ស្រុក​ដែរ​ពាក់​ពទ្ធ័​នឹង​កាងា​របស់​ក្រុមហ៊ុន តែ​កា​ឈូស​ឆាយ​នេះ​មិន​ត្រូវ​តាម​ទីតាំង​នឹង​ផែនទី​របស់​ក្រុមហ៊ុន​នោះ​ទេ​មិន​តែប៉ុណ្ដោះ​គ្រឿងចក្រ​នេះ​ផែ​មទាំង​ឈួសឆាយបះ​ពាល់​ដល់ដី​ប្រជាពលរដ្ឋ ដែល​គាត់​មាន​ប្លង់​រឹង​របស់​ក្រុមនិសិត្យ​ដែល​បាន​វាស់វែង​កាល​ឆ្នាំ​មក ចំណែក​លោក ជ័យ សុខា នាយ​ផ្នែក​រដ្ឋបាល​ក្រុង​សែន​មនោ​រម្យ​បានឲ្យដឹង​ថា​ជនជាតិ​វៀតណាម​ទាំង​៨​នាក់​នោះ​ត្រូវបាន​ឃាត់ខ្លួន​បណ្ដោះអាសន្ន​ន់​នៅ​ទីបញ្ជាកាដ្ឋានកង​រាជ​អាវុធអត្ថ​ខេត្ត​ដើម្បី សាកសួរ​បន្ត​នៅ​ថ្ងៃនេះ​។​

​មតិ​មហាជន​ភាគច្រើន​បាន​លើកឡើថា តំបន់​ចំណុច​អួរ​ផ្លាយ​នេះ​ជា​តំបន់​អេកូ​ទេសចរ​ធម្មជាតិ​ទី​ពីរ​ដែល​ហួ​ធ្លាក់​មកពីរ​បន្តាប់ពីរ​ទឹកធ្លាក់​ប៊ូ​ស្រា​មិនគួរមក​ឈួសឆាយ​កំទេច​នោះទេ ៕

d180112c7 d180112c11 d180112c10 d180112c9 d180112c8

Source link

កូនច្បង​របស់​លោក ហ៊ុន សែន ថ្លែង​ការពារ​ឪពុក​របស់​ខ្លួន​និង​គណបក្ស​កាន់អំណាច


លោក ហ៊ុន មាណែត នៅ​សប្តាហ៍​នេះ បាន​ថ្លែង​ការពារ​ស្នាដៃ​របស់​ឪពុក​ខ្លួន​នឹង​គណបក្ស​កាន់​អំណាច។ ​មេ​បញ្ជាកា​វ័យ​ក្មេង​រូប​នេះ​ក៏​បាន​អំពាវ​នាវ​ឱ្យ​កងទ័ព​ខ្មែរ​ការពារ​មិន​ឱ្យ​មាន​ការ​ផ្តួល​រំលំ​រដ្ឋាភិបាល​របស់​ឪពុក​ខ្លួន។

Source link