ព័ត៌មានខ្មែរ

ល្បែង​បិតពួន​នយោបាយ​៖​លោក​សមរង្ស៊ី​ឲ្យ​រត់គេច​តេ​ជោ​សែន​ហៅ​ឲ្យ​ចូល​!!

​ភ្នំពេញ​៖​មេដឹកនាំ​នយោបាយ​បក្ស​កាន់អំណាច​និង​គណបក្សប្រឆាំង​ត្រូវបាន​គេ​មើលឃើញថា​កំពុង​លេងល្បែង​បិទពួន​ជាមួយ​អ្នកដើរ​តាម​នយោបាយ​ព្រោះ​មួយ​ហៅចូល​មួយទៀត​ឲ្យ​គេចចេញ​។​នៅ​ថ្ងៃទី​១៨​ខែវិច្ឆិកា ពី​ទីក្រុង​ឡូវ៉ែល រដ្ឋ​ម៉ាសាឈូសេត លោក សម រង្ស៊ី ដែល​ប្រកាស​ចូលរួម​នយោបាយ​ជាមួយ​គណបក្ស​ស​ង្គ្រាះ​ជាតិ​វិញ​មុន​ការរំលាយ​នោះ បាន​អំពាវនាវ​

ទៅ​សមាជិក​ក្រុមប្រឹក្សា ឃុំ សង្កាត់ គណបក្ស​សង្គ្រោះ​ជាតិ​គេចខ្លួន​បណ្ដោះអាសន្ន​ដើម្បី​គេច​ចេញពី​ការចុះ​ចូល​ជាមួយ​គណបក្ស​ប្រជាជន ក្រោម​រូបមន្ត ក​៣៖ «​កុំ​ចុះចូល កុំ​ចុះ​ញ៉ម កុំ​លក់ខ្លួន​»​។

លោក សម រង្ស៊ី បាន​ឲ្យ​យោបល់​ថា​៖​សមាជិក​ក្រុមប្រឹក្សា​គណបក្ស​សង្គ្រោះ​ជាតិ​គេចខ្លួន​ទៅ​ស្នាក់​នៅផ្ទះ​បងប្អូន ឬ​ទៅ​ទីកន្លែង​ណា​ដែល​ឆ្ងាយ​ដើម្បី​គេចចេញ​ពី​ក្រុមប្រឹក្សាឃុំ​សង្កាត់​គណបក្ស​ប្រជាជន​មក​លួងលោម​ឲ្យ​ចុះចូល​។

​លោក សម រង្ស៊ី អះអាង ថា សមាជិក​ក្រុមប្រឹក្សាឃុំ​សង្កាត់​គណបក្ស​សង្គ្រោះ​ជាតិ​ជាង​៥​ពាន់​នាក់​នៅតែ​ជា​តំណាង​ពលរដ្ឋ​ដោយ​ស្របច្បាប់ ព្រោះ​ពួកគេ​ទទួលបាន​ការបោះឆ្នោត​ផ្ដល់​សេចក្ដីទុកចិត្ត​ពី​ពលរដ្ឋ​។ ដូច្នេះ​ក៏មាន​តែ​ពលរដ្ឋ​ដែរ ទើប​អាច​ដក​សេចក្ដីទុកចិត្ត​នោះបាន​ដោយ​មិនមែន​រដ្ឋាភិបាល​ដឹកនាំ​ដោយ​គណបក្ស​ប្រជាជន​នោះទេ​។

​សូមបញ្ជាក់ថា​៖​នៅ​រសៀល​ថ្ងៃទី​១៦​វិច្ឆិកា​ឆ្នាំ​២០១៧​ក្រោយ​ពេលដែល​តុលាការ​កំពូល​ប្រកាស​រំលាយ​គណបក្ស​សង្គ្រោះ​ជាតិ​សម្តេចនាយក​រដ្ឋមន្ត្រី​តេ​ជោ ហ៊ុន សែន បានប្រកាស​ពន្យា​ពេល​ដោយ​ទុកពេល​ពីរ​សប្ដាហ៍​ថែមទៀត ដល់​ក្រុមប្រឹក្សាឃុំ​សង្កាត់​គណបក្សប្រឆាំង ដែល​ចង់​ចុះចូល​ជាមួយ​គណបក្ស​ប្រជាជន​។​នៅ​ថ្ងៃទី​១៩​វិច្ឆិកា​ឆ្នាំ​២០១៧​នេះដែរ​ក្នុង​ពិធី​ជួប​សំណេះសំណាល​ជាមួយ​កម្មករ​សម្តេច​តេ​ជោ​ក៏បាន​ប្រកាស​ឲ្យ​លោក​វន​ពៅ​ប្រធាន​សមាគម​សេដ្ឋកិច្ច​ក្រៅ​ប្រព​ន្ធ័​ដែល​ប្រុង​រត់​ឲ្យ​ចូលមក​ស្រុក​វិញ​ផងដែរ​ដោយ​សម្តេច​អះអាងថា​គ្មាន​អ្នកណា​ធើ​អី​ទេ​!​។​សូមបញ្ជាក់ថា​លោ​វន​ពៅ​គឺជា​សកម្មជន​ម្នាក់​ដែល​ដឹកនាំ​កម្លាំង​ធ្វើបាតុកម្ម​នៅ​ផ្លូវ​វ៉េងស្រេង​កាលពី​ឆ្នាំ​២០១៣​។​

​តុលាការ​កំពូល​បានសម្រេច​រំលាយ​គណបក្ស​សង្គ្រោះ​ជាតិ និង​ផ្អាក​សិទ្ធិ​ធ្វើ​នយោបាយ​របស់​មន្ត្រី​គណបក្ស​នេះ​ចំនួន​១១៨​នាក់​ផង​។​យោងតាម​ដិ​កា​នេះ​ក្រសួងមហាផ្ទៃ​បានចេញ​ប្រកាស​លុបចោល​គណបក្ស​សង្គ្រោះ​ជាតិ​និង​ឲ្យ​អាជ្ញា​ថ្នាក់​ក្រោ​មាន​វិធាន​ការដក​ស្លាក​និង​បញ្ឈប់​សកម្មភាព​មេខុំ​ចៅសង្កាត់​គណបក្ស​សង្គ្រោះ​ជាតិ ក្នុងករណី​ដែល​គណបក្ស​សង្គ្រោះ​ជាតិ​មិន​ព្រម​ធ្វើតាម​ការបង្គាប់បញ្ជា​របស់​សាលដីកា​ដូចជា​ការទម្លាក់​ស្លាក​គណបក្ស រំលាយ​អង្គការ​ចាត់តាំង ហើយ​បើសិន​អ្នក​ទាំង​១១៨​នាក់​បន្តសកម្មភាព​ន​យោ​បាយ​ទៀត​នោះ ពួកគេ​នឹង​ប្រឈម​បទល្មើស​មួយទៀត​។  

cnrp-communecnrp-commune1fn-2017-11-18-08-52-05-1

Source link

ទីស្នាក់​កណ្តាល CNRP នៅ​សង្កាត់​ចាក់អង្រែ​ក្រោម​ត្រូវបាន​ទម្លាក់​ស្លាក | មាតុភូមិ

ទីស្នាក់​កណ្តាល CNRP នៅ​សង្កាត់​ចាក់អង្រែ​ក្រោម​ត្រូវបាន​ទម្លាក់​ស្លាក

fn-2017-11-18-08-52-05-1

​រាជធានី​ភ្នំពេញ ៖ នៅ​ព្រឹក​ថ្ងៃទី​១៨ ខែវិច្ឆិកា ឆ្នាំ​២០១៧​នេះ ស្លាក​ទី​ស្នាក់​កណ្តាល​របស់​គណបក្ស​សង្គ្រោះ​ជាតិ នៅ​សង្កាត់​ចាក់អង្រែ​ក្រោម ខណ្ឌមានជ័យ រាជធានី​ភ្ន​ពេញ ត្រូវបាន​ចុះ​រុះរើ ទម្លាក់​ចេញ​ហើយ​ក្រោយ​តុលាការ កាត់ទោស​រំលាយចោល

និង​ការចេញ​សេចក្តីប្រកាស​របស់​ក្រសួងមហាផ្ទៃ​។

សូមបញ្ជាក់ថា ​ក្រសួងមហាផ្ទៃកាលពីថ្ងៃទី​១៧ ខែវិច្ឆិកា ឆ្នាំ​២០១៧​នេះ បានចេញ​លិខិត​មួយទៀត បង្គាប់​ឲ្យ​អាជ្ញាធរ គ្រប់​រាជធានី​-​ខេត្ត ចាប់ផ្ដើម​ចុះ​អនុវត្ដ​សាលដីកា របស់​តុលាការ​កំពូល ដោយ​ទម្លាក់​ស្លាក​, បដា និង​ពាក្យស្លោក​ផ្សេងៗ របស់​គណបក្ស​សង្គ្រោះ​ជាតិ នៅ​ទូទាំងប្រទេស ក្រោយពី​គណបក្ស​នេះ​ត្រូវបាន​តុលាការ​កាត់ទោស​រំលាយចោល​៕

fn-2017-11-18-08-52-05-1fn-2017-11-18-08-52-05-0

Source link

គ្រាន់តែ​តម្លើង​សម្ភារៈ​ស្ទុយ​ឌី​យោ​ជាប់ចោទ​ពីបទ​«​ប្រគល់​ឲ្យ​រដ្ឋ​បរទេស​នូវ​ព័ត៌មាន​ជាអាទិ៍​ដែល​បង្ក​ឲ្យ​មានការ​អន្តរាយ​ដល់​ការ​ការពារជាតិ​»​អាច​ជាប់គុក​១០​ឆ្នាំ​??!!!

​ភ្នំពេញ ៖​អតីត​អ្នកសារព័ត៌មាន​វិទ្យុ​អាស៊ីសេរី​ពីររូប​គឺ​លោក អ៊ួ​ន ឈិន អតីត​អ្នក​ថតរូប និង​វីដេអូ និង​លោក យាង សុធារិន ហៅ យាង សុជា​មេត្តា​នៅ​ថ្ងៃទី​១៨​វិច្ចិកា​ឆ្នាំ​២០១៧​នេះ​ត្រូវបាន​អយ្យការ​អម​សាលាដំបូង​រាជធានី​ភ្នំពេញ​ចោទប្រកាន់​ជា​ផ្លូវការ​ ពីបទ «​ប្រគល់​ឲ្យ​រដ្ឋ​បរទេស​នូវ​ព័ត៌មាន​ជាអាទិ៍​ដែល​បង្ក​ឲ្យ​មានការ​អន្តរាយ​ដល់​ការ​ការពារជាតិ​»​។

ក្រោយពី​ការ​ចោទ​អតីត​អ្ន​កាសែត​២​រូបនេះ​ត្រូវបាន​បញ្ជូនទៅ​គុក​ព្រៃ​ស​។​បើតាម​លោក​លោក លី សុ​ផា​ណា អ្នកនាំពាក្យ​សាលាដំបូង​រាជធានី​ភ្នំពេញ​បាន ប្រាប់​អ្នកសារព័ត៌មាន ថា​៖«​បន្ទាប់ពី​បាន​ពិនិត្យ​សំណុំរឿង រួមទាំង​ឆ្លងកាត់​ការស្រាវជ្រាវ​ស៊ើបអង្កេត ដោយបាន​ពិនិត្យ​ភស្តុតាង និង​ផ្ទៀងផ្ទាត់​ចម្លើយ​ជនសង្ស័យ​រួចមក ព្រមទាំង​យល់ឃើញថា​មាន​មូលដ្ឋាន​គ្រប់គ្រាន់​ឲ្យ​តំណាង​អយ្យការ​អម​សាលាដំបូង​រាជធានី​ភ្នំពេញ ធ្វើការ​ចោទប្រកាន់​ដោយ​បើក​ការ​ស៊ើបសួរ ពីបទ​ប្រគល់​ឲ្យ​រដ្ឋ​បរទេស​នូវ​ព័ត៌មាន​ជាអាទិ៍​ដែល​បង្ក​ឲ្យ​មានការ​អន្តរាយ​ដល់​ការការពារ​ជាតិ តាម​បញ្ញត្តិ​មាត្រា​៤៤៥ នៃ​ក្រមព្រហ្មទណ្ឌ​ព្រះរាជាណាចក្រ​កម្ពុជា ហើយ​បញ្ជូនទៅ​ចៅក្រម​ស៊ើបសួរ​នៃ​សាលាដំបូង​រាជធានី​ភ្នំពេញ​ដើម្បី​ចាត់ការ​បន្ត​តាម​នីតិវិធី​»​។​

​លោក អ៊ួ​ន ឈិន និង​លោក យាង សុធារិន ហៅ​យាង​សុជា​មេត្តា ត្រូវបាន​អាជ្ញាធរ​ឃាត់ខ្លួន​កាលពី​យប់​ថ្ងៃ​អង្គារ ក្នុង​សណ្ឋាគារ​មួយកន្លែង​នៅ​រាជធានី​ភ្នំពេញ ដោយ​រង​ការសង្ស័យថា បាន​រាយការណ៍​ព័ត៌មាន​បញ្ជូនទៅ​ស្នាក់ការ​កណ្តាល​វិទ្យុ​អាស៊ីសេរី នៅ​សហរដ្ឋអាមេរិក​។ អ្នក​ទាំងពីរ​ធ្លាប់បាន​ធ្វើការ​ឲ្យ​វិទ្យុ​អាស៊ីសេរី​ដែលមាន​ការិយាល័យ​នៅ​ភ្នំពេញ មុនពេល​វិទ្យុ​នេះ​ប្រកាស​ផ្អាក​ប្រតិបត្តិការ​របស់ខ្លួន​នៅ​កម្ពុជា​ទាំង​បង្ខំ កាលពីដើម​ខែកញ្ញា​។

ក្នុងពេល​កំពុង​ត្រូវបាន​សមត្ថកិច្ច​ឃាត់ខ្លួន អ្នក​ទាំងពីរ​សុទ្ធតែ​បាន​បដិសេធថា ពួកគេ​មិនបាន​រាយការណ៍​ព័ត៌មាន​បញ្ជូនទៅ​ឲ្យ​វិទ្យុ​អាស៊ីសេរី​នៅ​រដ្ឋធានី​វ៉ាស៊ីនតោន​នោះទេ​។​អ្នកនាំពាក្យ​វិទ្យុ​អាស៊ីសេរី​ប្រចាំ​រដ្ឋធានី​វ៉ាស៊ីនតោន ប្រកាសថា វិទ្យុ​អាស៊ីសេរី​មិនបាន​បន្ត​កិច្ចសន្យា ឬ​ទទួល​ព័ត៌មាន​អ្វី​ពី​អតីត​បុគ្គលិក​ទាំងពីរ​រូបនេះ​ទេ និង​ថា អតីត​អ្នកសារព័ត៌មាន​ដែល​ត្រូវបាន​ឃាត់ខ្លួន​ទាំងពីរ​នាក់​នោះ លែងមាន​ទំនាក់ទំនង​ណាមួយ​ជាមួយ​វិទ្យុ​អាស៊ីសេរី​តទៅទៀត​ហើយ​។​

​លោក កែវ វ៉ា​ន្នី មេធាវី​ការពារ​ក្តី​ឲ្យ​អតីត​អ្នកសារព័ត៌មាន​វិទ្យុ​អាស៊ីសេរី​ទាំង​ពីររូប​ចាត់ទុកថា ការឃាត់ខ្លួន​កូនក្តី​របស់លោក​រយៈពេល​យូរ និង​សម្រេច​ចោទប្រកាន់​ទាំង​ថ្ងៃ​សៅរ៍​បែបនេះ គឺជា​ការចោទប្រកាន់​ខុស​នឹង​និតិ​វិធី​ច្បាប់​។  

«​វា​មិន​យុត្តិធម៌​សម្រាប់​កូនក្តី​ខ្ញុំបាទ ដោយសារតែ​កូនក្តី​ខ្ញុំ​ពុំបាន​ប្រព្រឹត្ត​បទល្មើស​ដូច​ការចោទប្រកាន់​។ តាមច្បាប់​បានចែង​ហើយ​កំណត់​ពី​អំពើ​ណា​ជា​បទល្មើស ហើយ​អំពើ​ណា​ប្រព្រឹត្ត​បទល្មើស និង​ទោស​យ៉ាងណា​នោះ​។ ប៉ុន្តែ​សំខាន់​គឺ​ទំហំ​នៃ​ការទទួលខុសត្រូវ ទង្វើរ​សកម្មភាព​រប​ស់​កូនក្តី​ខ្ញុំ​ហ្នឹង វា​ចូលក្នុង​មាត្រា​ប៉ុន្មាន​? វា​ចូលក្នុង​អត្ថន័យ​នៃ​បទល្មើស​ហ្នឹង​អត់​?»​។​


​យោងតាម​មាត្រា​៤៤៥​នៃ​ក្រមព្រហ្មទណ្ឌ​ព្រះរាជាណាចក្រ​កម្ពុជា​ចែងថា​៖ បទ​ប្រគល់​ឲ្យ​រដ្ឋ​បរទេស​នូវ​ព័ត៌មាន​ជាអាទិ៍​ដែល​ធ្វើ​ឲ្យ​អន្តរាយ​ការការពារ​ជាតិ គឺជា​អំពើ​ប្រគល់ ឬ​ធ្វើ​ឲ្យ​ងាយស្រួល​ធ្លាក់​ដល់ដៃ​រដ្ឋ​បរទេស ឬ​ភ្នាក់ងារ​បរទេស​នូវ​ព័ត៌មាន វិធី វត្ថុ ឯកសារ ទិន្នន័យ​ព័ត៌មានវិទ្យា ឬ​សា​លាកប​ត្រ​ដែល​អាចធ្វើ​ឲ្យ​អន្តរាយ​ការការពារ​ជាតិ​។ អំពើ​នេះ​ត្រូវ​ផ្តន្ទាទោស​ដាក់ពន្ធនាគារ​ពី​៧ (​ប្រាំពីរ​) ឆ្នាំ ទៅ​១៥ (​ដប់​ប្រាំ​) ឆ្នាំ​។​

​អ្នកជំនាញ​ផ្នែក​ច្បាប់​លើកឡើងថា ការដាក់​ការសង្ស័យ​ពីបទ «​ផ្តល់ព័ត៌មាន​សម្ងាត់​ទៅ​បរទេស​» ក្នុង​មាត្រា​៤៤៥ លុះត្រាតែ​ព័ត៌មាន​នោះ​ជា​ព័ត៌មាន​សម្ងាត់ ហើយ​ត្រូវ​បញ្ជូនទៅ​ឲ្យ​ប្រទេស​បច្ចាមិត្ត​។​

 
​នាយក​ប្រតិបត្តិ​ក្រុម​អភិបាល​ការផ្សាយ​របស់​សហរដ្ឋ​អាមេរិក បានចេញ​សេចក្តីថ្លែងការណ៍​មួយ​កាលពី​ថ្ងៃ​សុក្រ ដោយ​និយាយថា ការចាប់ខ្លួន​អតីត​អ្នកសារព័ត៌មាន​វិទ្យុ​អាស៊ីសេរី​ទាំងពីរ​រូប គឺជា​សកម្មភាព​បំភិតបំភ័យ និង​បង្ក​ឲ្យ​មានការ​ភ័យខ្លាច​ដល់​ក្រុម​អ្នកសារព័ត៌មាន​ដែល​ផ្តល់ព័ត៌មាន​ពិត មិន​លំអៀង​។ នាយក​ប្រតិបត្តិ​ក្រុម​អភិបាល​ការផ្សាយ​របស់​សហរដ្ឋ​អាមេរិក បាន​បន្ថែម​ដោយ​សង្ឃឹមថា អ្នក​ទាំងពីរ​នឹងត្រូវ​បាន​ដោះលែង​ដោយ​គ្មាន​គ្រោះថ្នាក់ និង​ជាបន្ទាន់​ដើម្បី​ឲ្យ​ពួកគេ​បាន​ជួបជុំ​គ្រួសារ​វិញ​។​

asia-f1asia-f2

 

Source link

លោកស្រី​ម៉ែន សំអន​៖ វប្បធម៌​កម្ពុជា កាន់តែ​ល្បី​រន្ទឺ​នៅ លើ​ឆាក​អន្ដរជាតិ តាមរយៈ​ការប្រកួតប្រជែង​បវរកញ្ញា​ពិភពលោក ខណៈ​កម្ពុជា​ធ្វើ​ម្ចាស់ផ្ទះ

ភ្នំពេញ ៖ លោកស្រី ម៉ែន សំអន បានបញ្ជាក់​ថា​៖ វប្បធម៌​កម្ពុជា កាន់តែ​ល្បី​រន្ទឺ​នៅលើ​ឆាក​អន្ដរជាតិ តាមរយៈ​ការប្រកួតប្រជែង​បវរ កញ្ញា​ពិភពលោក ខណៈ​កម្ពុជា​ធ្វើជា​ម្ចាស់ផ្ទះ ជាពិសេស ស្នាម​ញញឹញ រីករាយ​រាក់ទាក់ ស្មោះស្ម័គ្រ របស់​ប្រជាជន​កម្ពុជា​យើង​ទៅ​កាន់​ពិភព លោក​។

​លោកស្រី ម៉ែន សំអន ឧបនា​យ​រដ្ឋមន្ត្រី រដ្ឋមន្ត្រីក្រសួង​ទំនាក់ទំនង​ជាមួយ​រដ្ឋ​សភាព​-​ព្រឹទ្ធសភា និង​អធិការកិច្ច បាន​បញ្ជាក់​បែប​នេះ ខណៈ​លោកស្រី​បាន​ចូលរួម ផ្ដល់​កិ​តិ្ដ យស លើក​ទឹកចិត្ដ បញ្ចប់​ការប្រកួតប្រជែង​បវរ កញ្ញា​ពិភពលោក ឆ្នាំ​២០១៧  ខណៈ​ព្រះរាជាណាចក្រ​កម្ពុជា​ធ្វើជា​ម្ចាស់ផ្ទះ ការប្រកួត​វគ្គ​ផ្តាច់ព្រ័ត្រ នៅ​រាត្រី​ថ្ងៃទី ១៧ វិច្ឆិកា ឆ្នាំ​២០១៧ នៅ​មជ្ឈមណ្ឌល​កោះ​ពេជ្រ ។ ក្នុងឱកាស​នោះ ក៏​មាន​ការចូលរួម​ពី លោក ខៀវ កញ្ញា​រី​ទ្ធ រដ្ឋមន្ត្រី​ក្រសួង​ព័ត៍មាន លោកស្រី ភឿង ស​ក័ន្នា រដ្ឋមន្ដ្រី​កនរ​សួង​វប្បធម៌​និង​វិចិត្រសិល្បៈ ផងដែរ ។

​លោកស្រី​ឧបនាយករដ្ឋមន្ត្រី ម៉ែន សំអន បាន​សម្តែង​នូវ​ការ​កោត​សើរ និង​គាំទ្រ ចំពោះ​គំនិត​ផ្តួចផ្តើម និង​កិច្ចខិតខំ​ប្រឹងប្រែង​ដែល​បាន​បង្កើត​រៀបចំ​នូវ​កម្មវិធីដ៍​មាន​អត្ថន័​យ​នេះឡើង ដើម្បី​ស្វាគមន៍​ដល់​ក្រុម​បវរកញ្ញា​ពិភព លោក​ឆ្នាំ ២០១៧​ក្នុងនាម​កម្ពុជា​ធ្វើជា​ម្ចាស់ផ្ទះ ។

​លោកស្រី បន្តថា​៖  នេះ​ជា​លើក​ទី​១​ហើយ ដែល​កម្ពុជា មាន​មោទនភាព​ធ្វើ​ម្ចាស់ផ្ទះ​ការទទួល​ព្រឹត្តិការណ៍​Miss Global២០១៧ ដ៍​មាន​សារៈសំខាន់​នេះ​។​

​ព្រឹត្តិការណ៍​នេះ​ធ្វើឡើង​មាន​គោលបំណង មិន​ត្រឹមតែ​ជា​ការបង្ហាញ​សម្រស់​និង​សមត្ថភា​ពបេ​ក្ខ​នារី​មកពី​ប្រទេស​ផ្សេងៗ​តាមរយៈ​ការបង្ហាញ ស្នាមញញឹម​ដ៍​ស្រស់ស្អាត ក្នុង​សំលៀកបំពាក់​ប្រពៃណី និង​សម័យ និង​ការបញ្ចេញ សមត្ថភាព​ជំនាញ​ផ្សេងៗ ប៉ុណ្ណោះ​ទេ ហើយ​ថែមទាំង​ជាការ លើកកម្ពស់ ការផ្លាស់ប្តូរ​វ​ប្បធ​ម៍ សិល្បៈ និង​បង្កើន​ស្មារតី សាមគ្គីភាព មិត្តភាព​ក្នុង​ចំណោម​បេ​ក្ខ​នារីនៃ​បណ្តា​ប្រទេស​ដែល​បាន​ចូលរួម​ផង​ដែរ​។  ព្រឹត្តិការណ៍​នេះ គឺជា​សក្ខីភាព មួយ​បញ្ជាក់ នូវ​ការយកចិត្តទុកដាក់​ខ្ពស់​របស់ រាជរដ្ឋាភិបាល ក្រោម​ការដឹកនាំ​ប្រកបដោយ​គិតិបណ្ឌិត​របស់​សម្តេច​អគ្គ មហា​សេនាបតី តេ​ជោ ហ៊ុន​សែន នៃ​ព្រះរាជាណាចក្រ​កម្ពុជា លើ​ការផ្លាសប្តូរ​វ​ប្បធ​ម៍ សប្បូ​បែប​ជាមួយ​បណ្តា​ប្រទេស​នៅលើ​ពិភពលោក​។

​លោកស្រី​បាន​បន្ដថា​៖ ព្រឹត្តិការណ៍​Miss Global២០១៧ ដ៍​មាន​សារៈសំខាន់​នេះ ពិ​ជា​អស្ចារ្យ  ដោយសារ​យើង​បាន​ចម្រាញ់​ចេញ​យក​បវរកញ្ញា ដែល​មាន​សមត្ថភាព​ចំនួន​៦០ ប្រទេស​មក​ប្រកួត​ដណ្ដើម​រាជ​នី​សម្រស់ និង​សមត្ថភាព នេះ​គឺ​ពិត​ជា​ការលំបាក ព្រោះ​សម្រស់​នារី​ទាំង​៦០ ប្រទេស​នេះ មាន​សម្រស់​ស្មើរៗ​គ្នា ៕

 

i171118d1a i171118d1a-(4) i171118d1c i171118d1b

Source link

កញ្ញាឯក​មកពី​ប្រទេសប្រេ​ស៊ីល​គ្រង​ម្កុដ​បវ​កញ្ញា Miss Global ឆ្នាំ​២០១៧

​ភ្នំពេញ​៖ ជា​មោទភាព ដែល​កម្ពុជា​បាន​រៀបចំ​ធ្វើជា​ម្ចាស់ផ្ទះ​នៃ​កម្មវិធី​ប្រកួត​កញ្ញា ឯក​កម្រិត​ពិភពលោក Miss Global Internatoinal2017​។ ក្រោយ​ការប្រកួត និង​ក្រោម​ការ​ដាក់​ពិន្ទុ​ពី​គណកម្មការ គឺ​កញ្ញាឯក​មកពី​ប្រទេសប្រេ​ស៊ីល​គ្រង​ម្កុដ​បវ​កញ្ញា Miss Global​ប្រចាំឆ្នាំ​២០១៧​នេះ ខណៈ ដែល​កញ្ញាឯក មក​ពី​កម្ពុជា​បាន​ឈាន​ទៅ​ដល់​វគ្គ​១១​នាក់ ចុងក្រោយ​។​

​ព្រឹត្តិការណ៍​ប្រកួត​សម្រស់​កញ្ញាឯក​លំដាប់​ពិភព លោក​«Miss Global Internatoinal 2017» ដែល​បាន​ប្រព្រឹត្ត​ទៅ​នា​យប់​ថ្ងៃ​ទី​១៧ ខែវិច្ឆិកា ឆ្នាំ​២០១៧ នៅ​សាល​មហោស្រព​កោះ​ពេជ្រ​ដែល​កម្ពុជា​បាន​ទទួល​សិទ្ធិ​ធ្វើ​ជា​ម្ចាស់ផ្ទះ​
​។​

​ក្នុងឱកាស​នៃ​ពី​ធី​បើក​ការប្រកួត​វគ្គ​ផ្ដាច់ព្រ័ត្រ​នេះ គេ​បាន​ឃើញ​វត្ត​មាន​ជា​អធិបតី​ពី​សំណាក់​លោក​ស្រី​ឧបនាយករដ្ឋមន្ត្រី ម៉ែន សំអន រដ្ឋមន្ត្រីក្រសួង​ទំនាក់ទំនង​ជាមួយ​រដ្ឋ​សភា​-​ព្រឹទ្ធសភា​និង​អធិការកិច្ច​បាន​អញ្ជើញ​ចូលរួម​ក្នុង​នោះ ក៏​មាន​វត្តមាន​លោកស្រី​ភឿង សកុណា រដ្ឋមន្ត្រីក្រសួង​វប្បធម៌​និង​វិចិត្រសិល្បៈ​, លោក​ខៀវ កា​ញ៉ា​រី ទ្ធ រដ្ឋមន្ត្រីក្រសួង​ព័ត៌មាន និង​លោក លោកស្រី​ជា​ថ្នាក់​ដឹកនាំ​ជា​ច្រើន​នាក់​ទៀត​។​

​បន្ទាប់​ពី​កម្មវិធី​បាន​ដំណើរការ​ទៅ​អស់​រយៈពេល​ជាច្រើន​ម៉ោង​គណៈកម្មការ​បាន​រក​ឃើញបេ​ក្ខ​នារី​ឆ្នើម​ដើម្បី​គ្រង​មកុដ (Miss Global 2017) ប្រចាំឆ្នាំ​២០១៧​នេះ​។ ក្នុងនោះ​កញ្ញាឯក​ដែល​មាន​វាសនា​ខ្ពស់​បាន​គ្រង​តំណែង​នេះ​គឺ​បាន​ទៅលើ​កញ្ញាឯក​មកពី​ប្រទេសប្រេ​ស៊ីល​ខណៈ​លេខ​២​បាន​ទៅលើ​កញ្ញាឯក​មកពី​ប្រទេស​ប៉ា​ណា​ម៉ា​, លេខ​៣​បាន​ទៅលើ​កញ្ញាឯក​មកពី​ប្រទេស​អាល្លឺម៉ង់​, លេខ​៤​បាន​ទៅលើ​កញ្ញាឯក​មកពី​ប្រទេស​សូ​ម៉ាលី​យ៉ានិ​ង​លេខ​៥​បាន​ទៅលើ​កញ្ញាឯក​មកពី​ប្រទេស​ចិន​។​
​សូមបញ្ជាក់​ថា កញ្ញាឯក​ទាំងអស់​ទោះបីជា​ទទួលបាន​ជយលាភី ឬ​មិន​ទទួលបាន​ជយលាភី​តំណាង​ទាំង​៦០​ប្រទេស​នេះ នឹង​បាន​ពាំនាំ​ជួយ​ផ្សព្វផ្សាយ​ពី​តំបន់​ទេសចរណ៍​ដ៏​សម្បូរ​បែប​របស់​កម្ពុជា ទៅកាន់​ពិភពលោក​ឲ្យបាន​ដឹង​ពី​សក្តានុពល​ជាច្រើន​នៅក្នុង​ប្រទេស​កម្ពុជា ដែល​ជា​ប្រទេស​មួយ​ពោរពេញ​ទៅដោយ​សម្បត្តិ​វប្បធម៌​និង​ធម្មជាតិ​ដ៏​ស្រស់បំព្រង​។​

​គួរ​បញ្ជាក់ដែរថា កញ្ញា​យស ប៉ូ​លី​ណា​អាយុ​២៥​ឆ្នាំ​កូនកាត់​ខ្មែរ​អាមេរិក​បាន​ក្លាយជា​Miss Global កម្ពុជា ២០១៧ តំណាង​ឲ្យ​កម្ពុជា​។ កញ្ញា​មាន​បងប្អូន​៤​នាក់​ហើយ​កញ្ញា​ក៏​ជា​កូនច្បង ដែល​មាន​ឪពុក​ម្តាយ​មាន​ស្រុកកំណើត​ក្នុង​ខេ​ត្ ត​បាត់ដំបង​ប៉ុន្តែ​កញ្ញា​យស ប៉ូ​លី​ណា​មិន​មាន​កំណើត​នៅ ប្រទេស​កម្ពុជា​ឡើយ​គឺ​នៅក្នុង​ទីក្រុង​សាន់​ហ្វ្រា​ន់​សុ​ី​ស្កូរដ្ឋ​កាលីហ្វ័​រញ៉ា​សហរដ្ឋអាមេរិក ៕​

 

i171118d6a-(7) i171118d6a-(5) i171118d6a-(1)

Source link

​តុលាការ​ចោទ​អតីតអ្នក​សារព័ត៌មាន​អាស៊ី​សេរីពីរ​រូប​ ​ពី​បទចារកម្ម​​ឱ្យ​បរទេស​


មេធាវី​ការពារ​ក្តី​ឲ្យ​អ្នក​ទាំងពីរ​ ​និង​អ្នកឃ្លាំមើល​ស្ថានការណ៍​សង្គម​យល់​ថា​ ​ការ​ចោទ​ប្រកាន់​នេះ​ជា​រឿង​អយុត្តិធម៌​សម្រាប់​អ្នក​ទាំង​ពីរ។

Source link