ព័ត៌មានខ្មែរ

ភ្លៀង​កក់ខែ​នឹង​ចាប់ផ្ដើម​ធ្លាក់​ពីថ្ងៃ​១៩ ដល់​ថ្ងៃទី​២១ ខែមករា​ | មាតុភូមិ

ភ្លៀង​កក់ខែ​នឹង​ចាប់ផ្ដើម​ធ្លាក់​ពីថ្ងៃ​១៩ ដល់​ថ្ងៃទី​២១ ខែមករា​

photo_2016-01-27_13-10-5700020

​រាជធានី​ភ្នំពេញ ៖ យោងតាម​សេចក្ដីជូនដំណឹង​របស់​ក្រ​សូង​ធនធានទឹក និង ឧតុនិយម នៅ​ថ្ងៃទី​១៦ ខែ​កម​រា​ឆ្នាំ​២០១៨​នេះ បាន​ឲ្យ​ដឹងថា បន្ទាប់ពី​បាន​តាមដាន​លើ​ស្ថានភាព​អាកា​ធាតុ​រួម​មក ឃើញថា ព្រះរាជាណាចក្រ​កម្ពុជា បាន​កំពុង​ទទួលរង​ឥទ្ធិពល​ខ្យល់មូសុង

ឦ​សាន និង​ជ្រលង​សម្ពាធ​ខ្ពស់​ខ្សោយ​ពី​ប្រទេស​ចិន​។​
​លក្ខណៈ​បែប​នឹងធ្វើ​ឲ្យ​មាន​ភ្លៀង​កក់ខែ ចាប់ពី​ថ្ងៃ​១៩ ដល់​ថ្ងៃទី​២១ ខែមករា ឆ្នាំ​២០១៨ ពិសេស​បណ្ដា​ខេត្ត​ប៉ែ​ខាងកើត​ជាប់​ប្រទេស​វៀតណាម និង​បណ្ដា​រាជធានី​-​ខេត្ត​នៅ​ភាគខាងត្បូង​រួមមាន​ដូចជា រាជធានី​ភ្នំពេញ ខេត្ត​ត្បូងឃ្មុំ ព្រៃវែង ស្វាយរៀង កណ្ដាល តាកែវ កំពង់ស្ពឺ កំពង់ឆ្នាំង និង​ខេត្តកំពត​៕
​ព័ត៌មាន​លម្អិត​សូម​អាន​សេចក្ដីជូនដំណឹង​របស់​ក្រសួង​នៅ​ខាងក្រោម​៖

photo_2016-01-27_13-10-570002026805379_740291879496054_8837952689850043060_n

Source link

ការ​ពិនិត្យ​គុណភាព​ប្រេង​និង​បរិមាណ​លីត្រ​ប្រេង​សាំង​នៅ​ក្នុង​ក្រុង​ក្រចេះ មន្ត្រី​ជំនាញ​រកឃើញ​ស្ថានីយ៍​ប្រេងសាំង​6​កន្លែង​ដែល​មិន​មាន​ភាព​ស្មោះត្រង់​ជាមួយ​អតិថិជន​

ក្រចេះ ៖ មន្ត្រី​ជំនាញ​នៃ​អគ្គនាយដ្ឋាន​កាំកុងត្រូល​ផ្នែក​មន្ទីរពិសោធន៍​ចល័ត​-​ប្រេងឥន្ធនៈ បាន​ចុះ​ត្រួតពិនិត្យ​តាម​បណ្តា​ស្ថានីយ៍​ប្រេង​សាំង​ក្នុង​ក្រុង​ក្រចេះ សុទ្ធសឹង​ជា​យីហោ​ល្បីៗ ក្នុងនោះ​ប្រតិបត្តិការ​ពេញ​មួយ​ព្រឹក​ជំនាញ​បាន​រក​ឃើញ​កំហុស​គុណភាណ និង​កំហុស​បរិមាណ​លើ​ស្ថានីយ៍​ប្រេង​ចំនួន​6​ដែល​មិន​មាន​ភាពស្មោះត្រង់​ជាមួយ​អតិថិជន​របស់​ខ្លួន នេះ​បើ​តាម​លទ្ធផល​ពិនិត្យ​លើ​ស្ថានីយ៍​ប្រេង​ចំនួន​7​កន្លែង​ដោយ​បាន​ធ្វើ​តេស្ត​ជាមួយ​ឧបករណ៍​បច្ចេកទេស​ទំនើប សុក្រឹត្ត យុត្តិធម៌​បំផុត​។​

​ការរកឃើញ​លទ្ធផល​បែបនេះ ខណៈ​មន្ត្រី​ជំនាញ បាន​ចុះ​សហការ​ជាមួយ​អាជ្ញាធរ​ដែនដី​មាន​លោក វ៉ា ថន អភិបាលរង​ខេត្ត​ចូលរួម​ដោយ​ផ្ទាល់ និង​មាន​ការសហការ​ល្អ​ជាមួយ​មន្ទីរជំនាញ សាខា​កាំកុងត្រូល​ខេត្ត នា​ព្រឹក​ថ្ងៃទី 15 ខែ មករា ឆ្នាំ 2018 ក្នុង​ទី​រួម​ក្រុង​ក្រចេះ ពិនិត្យ​ទៅលើ​ស្ថានីយ៍​ឯកជន និង ក្រុមហ៊ុន​។​

​ទន្ទឹម​និង​ការចុះ​ត្រួតពិនិត្យ​វិភាគ​យ៉ាង​ល្អន់​ដោយ​ឧបករណ៍​ទំនើប​បែប​បច្ចេកវិទ្យា​គួរឲ្យ​ទុកចិត្ត មន្ត្រី​ជំនាញ​បាន​បង្ហាញ​លទ្ធផល​ឲ្យដឹងថា បណ្តា​ស្ថានីយ៍​ប្រេង​ទាំង​7​ដែល​បាន​ពិនិត្យ មាន​ស្ថានីយ៍​ប្រេង មួយ​កន្លែង​ដែល​បាន​គោរព និង​អនុវត្ត​ភាពស្មោះត្រង់​ជាមួយ​អតិថិជន ដោយ​មិន​បាន​កេងចំណេញ​បរិមាណ​លីត្រ និង​គុណភាព​ប្រេង ដោយឡែក​ស្ថានីយ៍​ប្រេង​មួយ​កន្លែង​បាន​ប្រព្រឹត្ត​ខុស ទាំង​បរិមាណ​លីត្រ និង​គុណភាព ប៉ុន្តែ​ស្ថានីយ៍​ប្រេង​5​ផ្សេងទៀត ប្រព្រឹត្ត​ខុស​តែ បរិមាណ​លីត្រ តែប៉ុណ្ណោះ​។ បញ្ហា​ទាំងនោះ មន្ត្រី​ជំនាញ​បាន​អប់រំ ធ្វើ​កិច្ចសន្យា​ដើម្បី​កែលម្អ​ចំនុច​ខ្វះខាត​ឲ្យ​ត្រឹមត្រូវ​ឡើងវិញ សំដៅ​ឆ្លើយតប ការពារ​ផលប្រយោជន៍​អ្នកប្រើប្រាស់ និង​ការប្រកួតប្រជែង​ឋ​ដោយ​ភាពស្មោះត្រង់​។​

​គួរ​រម្លឹក​ដែរ​ថា ការត្រួតពិនិត្យ​ដោយ​មាន​ម៉ាស៊ីន​ទំនើប ពិនិត្យ​លើ​គុណភាព​ប្រេងសាំង ម៉ា​ស៊ុត និង​សាំង​ស៊ុប​ពែ តាម​បណ្តា​ស្ថានីយ៍​រក​កំហុស​បច្ចេកទេស និង​បរិមាណ​លីត្រ​ឲ្យ​ត្រឹមត្រូវ នេះ​ជា​លើកដំបូង ដោយ​អនុវត្ត​គ្រប់​ទីកន្លែង ទូទាំង​ប្រទេស ហើយ​មិន​ជួន​ដំណឹង​ដល់​ម្ចាស់​ស្ថានីយ៍​ប្រេង​ជា​មុន​ឡើយ​។​

​ចំណែក​លោក វ៉ា ថន អភិបាលរង​ខេត្ត ដែល​បាន​អញ្ជើញ​ចូលរួម​បាន​សំណូម​ដល់​ម្ចាស់​ស្ថានីយ៍​ប្រេង​មិន​ថា​ក្រុមហ៊ុន ឬ ផ្ទាល់ខ្លួន ត្រូវ​ចូលរួម​អនុវត្ត​ច្បាប់​ទាំងអស់គ្នា និង​រកស៊ី​ប្រកាន់​ភាពស្មោះត្រង់ ដើម្បី​ចូលរួម​ផលប្រយោជន៍​សង្គម និង​ការប្រកួតប្រជែង​ក្នុង​តំបន់ ពិភពលោក ព្រោះ​ប្រទេស​កម្ពុជា បាន​ចូល​ជា​សមាជិក​ពេញសិទ្ធិ​នៃ​អង្គការ​ពាណិជ្ជកម្ម​ពិភពលោក​៕ ដោយ កិះ ខន​

d180116bb1 d180116bb1 (3)

Source link

បទល្មើស​នេសាទ​ប្រើ​ឧបករណ៍​ខុសច្បាប់​ក្នុង​តំបន់​បឹង​ទន្លេសាប ខេត្តកំពង់ធំ នៅតែ​កើតឡើង​យ៉ាង​អនាធិបតេយ្យ​

ប្រភពពី​ប្រជា​នេសាទ​ក្នុង​ឃុំ​ផាត់​សណ្ដាយ ស្រុក​កំពង់ស្វាយ និង​ឃុំ​ពាម​បាង ស្រុក​ស្ទោង ខេត្តកំពង់ធំ បាន​ឲ្យ​ដឹងថា​រហូតមក​ដល់ពេលនេះ​បទល្មើស​នេសាទ​ប្រើ​ឧបករណ៍​ខុសច្បាប់​ទ្រង់ទ្រាយ​ធំ​នៅតែ​កើតឡើង​យ៉ាង​ពេញបន្ទុក ហើយ​ក្រុម​អ្នក​ប្រើ​ឧបករណ៍​ខុសច្បាប់​ទ្រង់ទ្រាយ​ធំ​យ៉ាង​គឃ្លើន​ភាគច្រើន​ជា​ជនជាតិ​យួន​។ មានការ​រិះគន់​ចំៗ​ថា លោក សុខ លូ អភិបាលខេត្ត​កំពង់ធំ និង​លោក ប៉ែន វណ្ណ​រឹទ្ធ នាយ​ខណ្ឌ​រដ្ឋបាល​ជល​ផល​ខេត្តកំពង់ធំ មិន​ខ្វល់​ពី​ការព្រមាន​របស់​ថ្នាក់ដឹកនាំ​ក្រសួងមហាផ្ទៃ ដែល​ជំរុញ​ឲ្យ​បង្ក្រាប​បទល្មើស​នេសាទ​ប្រកបដោយ​ប្រសិទ្ធភាព​នោះទេ​។ សូម្បីតែ​លោក វេ​ង សាខុន រដ្ឋមន្ត្រី​ក្រសួងកសិកម្ម និង​លោក អេង ជា​សាន អគ្គនាយក​រដ្ឋ​បាលជ​ល​ផល ក៏​រក្សា​ភាព​ស្ងៀមស្ងាត់​ដែរ​ក្នុងខណៈដែល​បទល្មើស​នេសាទ​ប្រើ​ឧបករណ៍​ខុសច្បាប់​ក្នុង​តំបន់​បឹង​ទន្លេសាប ខេត្តកំពង់ធំ នៅតែ​កើតឡើង​យ៉ាង​រាលដាល ហើយ​ធនធាន​មច្ឆជាតិ​កំពុង​ប្រឈម​នឹង​សេចក្ដី​វិនាស​។

មន្ត្រី​អាជ្ញាធរ​មូលដ្ឋាន​និង​សមត្ថកិច្ច​មូលដ្ឋាន​ក្នុងស្រុក​កំពង់ស្វាយ និង​ស្រុក​ស្ទោង ខេត្តកំពង់ធំ បាន​ឲ្យ​ដឹងថា លោក យ៉ាន់ វិសាក់ នាយផ្នែក​រដ្ឋបាល​ជល​ផល​ផាត់​សណ្ដាយ និង​បក្ខពួក​កំពុង​សប្បាយ​ប្រមូល​លុយ​ពីបទ​ល្មើស​នេសាទ​ដែល​កំពុង​កើតឡើង​យ៉ាង​ពេញបន្ទុក ហើយ​មាន​ជនជាតិ​យួន​ឈ្មោះ ង្វៀង យ៉ាំង​ហុង ហៅ​ហុង​ក្បាល​ដែក គឺជា​អ្នកប្រមូល​លុយ​ពីបទ​ល្មើស​នេសាទ​ទើប​ប្រគល់​ឲ្យ​ក្រុមមន្ត្រី​ពុករលួយ​ដើម្បី​ជា​ថ្នូរ​នឹង​ការមិន​បង្ក្រាប​។ លោក ធី​វ វណ្ណ​ធី ប្រធាន​មន្ទីរ​កសិកម្ម​ខេត្តកំពង់ធំ និង​លោក ប៉ែន វណ្ណ​រឹទ្ធ នាយ​ខណ្ឌ​រដ្ឋបាល​ជល​ផល​ខេត្តកំពង់ធំ ត្រូវបាន​គេ​ដឹងថា​ជា​មេខ្លោង​នៅ​ពីក្រោយ​បទល្មើស​នេសាទ​ប្រើ​ឧ​បរក​រណ៍​ខុសច្បាប់ ហើយ​ប្រមូល​លុយ​បាន​យ៉ាងច្រើន​យកទៅ​ចែកគ្នា​ធ្វើ​មាន​ធ្វើបាន​យ៉ាង​សុខ​ស្រួល​។

​មន្ត្រីរាជការ​និង​ប្រជាពលរដ្ឋ​ក្នុង​ខេត្តកំពង់ធំ បាន​អំពាវនាវ​ឲ្យ​ថ្នាក់ដឹកនាំ​ក្រសួងមហាផ្ទៃ ក៏ដូចជា​ថ្នាក់ដឹកនាំ​ក្រសួងកសិកម្ម ពិនិត្យមើល​ភាព​អសកម្ម​របស់​មន្ត្រី​អាជ្ញាធរ និង​មន្ត្រីរដ្ឋបាល​ជលផល​ក្នុង​ខេត្តកំពង់ធំ ជាបន្ទាន់​។ ដោយហេតុថា​សព្វថ្ងៃនេះ​បទល្មើស​នេសាទ​ប្រើ​ឧបករណ៍​ខុសច្បាប់​ប្រភេទរ​បាំងសាច់​អួន​ក្រឡា​ញឹក របាំង​ស្បៃ​មុង បណ​រ៉ាវ និង​ឆ្នុក​ភ្លើងពណ៌​ជាដើម នៅតែ​កើតឡើង​យ៉ាង​អនាធិបតេយ្យ​ហើយ​ជា​ប្រភព​ចំណូល​របស់លោក យ៉ាន់ វិសាក់ ហៅ​សែ និង​បក្ខពួក​សម្រាប់​យកទៅ​បែងចែក​ដល់​មន្ត្រី​ថ្នាក់លើ​ជាប្រចាំ​។ អាច​និយាយបានថា បទល្មើស​នេសាទ​ប្រើ​ឧ​បរក​រណ៍​ខុសច្បាប់​ក្នុង​តំបន់​បឹង​ទន្លេសាប កើតឡើង​ដោយសារតែ​មានការ​ឃុបឃិត​ជា​ប្រព័ន្ធ​រវាង​មន្ត្រីរដ្ឋបាល​ជលផល សមត្ថកិច្ច​ពាក់ព័ន្ធ និង​ក្រុម​ជនល្មើស​ប្រើ​ឧបករណ៍​ខុសច្បាប់​។ ប្រការនេះ​កំពុង​ធ្វើ​ឲ្យ​បទបញ្ជា​របស់​ថ្នាក់ដឹកនាំ​ក្រសួងមហាផ្ទៃ ក្លាយជា​រឿង​ឥតន័យ​ព្រោះ​សព្វថ្ងៃនេះ​នៅ​តំបន់​បឹង​ទន្លេសាប​ឃុំ​ផាត់​សណ្ដាយ ស្រុក​កំពង់ស្វាយ និង​ឃុំ​ពាម​បាង ស្រុក​ស្ទោង ខេត្តកំពង់ធំ នៅតែ​កើតមាន​បទល្មើស​នេសាទ​ប្រើ​ឧបករណ៍​ខុសច្បាប់​យ៉ាង​រាលដាល ហើយ​មន្ត្រីរដ្ឋបាល​ជល​ផល និង​សមត្ថកិច្ច​ពាក់ព័ន្ធ​ដទៃទៀត​គិតតែ​ពី​រឿង​ប្រមូល​លុយ​តាមរបៀប​ពុករលួយ​យ៉ាង​ក្រអឺតក្រទម​៕

26913735_408022486285384_1231258701_nលោក សុខ លូ អភិបាលខេត្តកំពង់ធំ
26913491_408022572952042_719656273_n 26857672_408022556285377_1772460759_n 26857245_408022519618714_1906649828_n

Source link

ថ្មីៗ​ក្ដៅៗ​មួយទៀត​ហើយ ឡាន​ដឹក​ឈើ​ខ្នាត​យក្ស​បើក​មក​ចាក់​ឈើ​ចោល​នៅមុខ​ច្រក​វ៉ា​លឺ ត្រពាំង​ស្រែ ឌី​សមត្ថកិច្ច​ស្រុក​ល្នួ​ល​ទាំ​ព្រឹក​ព្រលឹម​ទៀតហើយ​

ពលរដ្ឋ​បាន​រាយការណ៍​អោយដឹងថា នៅវេលា​ម៉ោង ៥,៤៥​នាទី​ព្រឹក ថ្ងៃទី​១៥ មករា ២០១៨ នេះ រថយន្ដ ម៉ាក V១ ខ្នាត​យក្ស​មួយគ្រឿង របស់លោក ឧ​កញ្ញ៉ា ជ័យ ដឹកឈើ​ពេញ​ពេញ​បំ​រ៉ុង​ឆ្លងដែន​ទៅ​ប្រទេស​វៀតណាម ប៉ុន្តែ​ជា​ចៃ​ដ​ន្ត​ឡាន​នោះ​ក៏​ក្រឡាប់​ផ្ងា​ជើងចាក់​ឈើ​ឈ្លី​ចលាំង​ឃ្លុំ ធ្លាក់​ខ្ចាត់ខ្ចាយ​រាយប៉ាយ​ពេញ​ចញ្ចើមផ្លូវ ស្ថិត​នៅ​ចំណុច ជិត​បន​កាស៊ីណូ ហេង ហេង  វ៉ា​លឺ ទល់មុខ​ច្រកព្រំដែន​ត្រពាំង​ស្រែ វ៉ា​លឺ ស្រុក​ស្នួល ខេត្ត​ក្រចេះ  ។​

​ហេតុការណ៍​គ្រោះថ្នាក់​នេះ​បាន ធ្វើអោយ​មាន​ការភ្ញាក់ផ្អើល​ទាំង​ព្រឹក​ពី​សំណាក់
​ប្រជាពលរដ្ឋ និង​អ្នកធ្វើដំណើរ នៅ​តំបន់​នោះ​យ៉ាង​ខ្លាំង​។​

​អ្នកវិភាគ​មួយ​ចំនួន បាន​ធ្វើ​ការរិះគន់​ចំៗ​ទៅលើ​សមត្ថកិច្ច​ស្រុក​ស្នួល​ថា ទោះជា​មាន​ឡាន​ដឹកឈើ​ក្រឡាប់ចាក់​ពេញ​ផ្លូវ​នៅ​នឹង​មុខ​ដូច្នេះ​ក៏ដោយ អស់លោក បែរ​ជា​សំងំ​ចឺន មិន​រវល់​ចោល​ភ្នែក​ក្រឡេកមើល ឬ​មាន​វិធានការណ៍​អ្វី ដែល​នេះ​ធ្វើអោយ​មាន​ការសង្ស័យថា សមត្ថកិច្ច អាច​និង​បាន​ទទួល​ផល​ទេ​ដឹង បាន​វា​អីចឹង ? ៕

 

h1801161e

Source link

នាយ​សង្កាត់រដ្ឋបាល​ជ​ល​ផល​មោង​ប្ញ​ស្សី លោក នឹ​ន សោម ប្រើ​អំណាច​ប្រព្រឹត្ត​អំពើពុករលួយ​យ៉ាង​ងងើល​

ប្រភពពី​ប្រជាពលរដ្ឋ​រស់នៅ​តំបន់​បឹង​ទន្លេសាប​នៃ​ស្រុក​មោង​ប្ញ​ស្សី ខេត្តបាត់ដំបង បាន​ឲ្យ​ដឹងថា​បច្ចុប្បន្ន​បទល្មើស​នេសាទ​ប្រើ​ឧបករណ៍​ខុសច្បាប់​ទ្រង់ទ្រាយ​ធំ​កំពុង​កើតឡើង​យ៉ាង​ពេញបន្ទុក ហើយ​លោក នឹ​ន សោម នាយ​សង្កាត់រដ្ឋបាល​ជ​ល​ផល​មោង​ប្ញ​ស្សី មិន​ចាត់វិធានការ​បង្ក្រាប​នោះទេ​។ ប៉ុន្តែ​នៅពេល​ប្រជាពលរដ្ឋ​ប្រើ​ឧបករណ៍​ខុសច្បាប់​តិចតួច​ដើម្បី​ចាប់​ត្រី បែរជា​លោក នឹ​ន សោម ប្រើ​អំណាច​គាបសង្កត់​ជំរិត​យកលុយ​យ៉ាង​កំរោល ហើយ​បំផ្លាញ​ឧបករណ៍​នេសាទ​របស់​ពលរដ្ឋ​ចោល​ទៀតផង​។ បញ្ហា​នេះ​គឺជា​រឿង​ដែល​លោក អេង ជា​សាន អគ្គនាយក​រដ្ឋ​បាលជ​ល​ផល គួរ​ពិនិត្យឡើងវិញ​ជាបន្ទាន់​ព្រោះ​លោក ជួង សុភា នាយ​ខណ្ឌ​រដ្ឋបាល​ជល​ផល​ខេត្តបាត់ដំបង គឺជា​អ្នក​ឃុបឃិត​បើកដៃ​ឲ្យ​មន្ត្រីក្រោមឱវាទ​ប្រព្រឹត្ត​អំពើពុករលួយ​ដើម្បី​ចែក​ផលប្រយោជន៍​គ្នា​យ៉ាង​សុខ​ស្រួល​។

ថ្មីៗ​នេះ​ប្រភពពី​ប្រជាពលរដ្ឋ​បាន​ឲ្យ​ដឹងថា​លោក នឹ​ន សោម បាន​គាបសង្កត់​ជំរិត​យកលុយ​ពី​ពួកគាត់​១,៥​លាន​រៀល ហើយ​ថែមទាំង​បំផ្លាញ​ឧបករណ៍​នេសាទ​របស់​ប្រជាពលរដ្ឋ​យ៉ាង​កំរោល​គ្មាន​ការយោគយល់​អ្វី​ឡើយ​។ ចំណែក​ក្រុម​ជនល្មើស​ប្រើ​ឧបករណ៍​ខុសច្បាប់​ទ្រង់ទ្រាយ​ធំ​បំផ្លាញ​ធនធាន​មច្ឆជាតិ​យ៉ាង​មហន្តរាយ បែរជា​លោក នឹ​ន សោម នាយ​សង្កាត់រដ្ឋបាល​ជ​ល​ផល​មោង​ប្ញ​ស្សី មើលរំលង​ហើយ​បណ្ដោយ​ឲ្យ​បទល្មើស​កើតឡើង​កាន់តែខ្លាំង​ជាង​មុន​ទៅទៀត​។ ហេតុនេះហើយ​ទើប​ប្រជាពលរដ្ឋ​រស់នៅ​តំបន់​បឹង​ទន្លេសាប​នៃ​ស្រុក​មោង​ប្ញ​ស្សី អំពាវនាវ​ឲ្យ​លោក ងួន រតនៈ អភិបាលខេត្ត​បាត់ដំបង ចាត់វិធានការ​ទប់ស្កាត់​អំពើពុករលួយ​របស់លោក នឹ​ន សោម នាយ​សង្កាត់រដ្ឋបាល​ជ​ល​ផល​មោង​ប្ញ​ស្សី​ជាបន្ទាន់​។

ប្រភពពី​ប្រជា​នេសាទ​ក្នុងស្រុក​មោង​ប្ញ​ស្សី បាន​ឲ្យ​ដឹងថា​លោក នឹ​ន សោម ប្រព្រឹត្ត​អំពើពុករលួយ​ជា​យូរ​មកហើយ ដោយសារ​តែមាន​ការបើក​ដៃ​ពី​សំណាក់​លោក ជួង សុភា នាយ​ខណ្ឌ​រដ្ឋបាល​ជល​ផល​ខេត្តបាត់ដំបង ដែល​គិតតែ​ពី​រឿង​ប្រមូល​លុយ​តាមរបៀប​ពុករលួយ ហើយ​បណ្ដោយ​ឲ្យ​បទ​លើ្ម​ស​កើតឡើង​យ៉ាង​ពេញបន្ទុក​។ មន្ត្រីរដ្ឋបាល​ជលផល​ក្នុង​ខេត្តបាត់ដំបង មួយចំនួន​បាន​ឲ្យ​ដឹងថា​លោក នឹ​ន សោម ធ្លាប់ប្រើ​អំណាច​ប្រព្រឹត្ត​អំពើពុករលួយ​តាំងពី​នៅ​ធ្វើជា​មន្ត្រីរដ្ឋបាល​ជលផល​ក្នុង​ឃុំ​ព្រៃ​ចាស់ ស្រុក​ឯក​ភ្នំ មកម្ល៉េះ​។ នៅពេល​ទទួលបាន​តំណែង​ជា​នាយ​សង្កាត់រដ្ឋបាល​ជ​ល​ផល​មោង​ប្ញ​ស្សី គឺ​លោក នឹ​ន សោម ប្រព្រឹត្ត​អំពើពុករលួយ​តាមរបៀប​ជិះសេះ​លែងដៃ​តែម្តង​រហូត​ប្រជាពលរដ្ឋ​អត់ទ្រាំ​តទៅទៀត​លែង​បាន​ក៏​បើក​កកាយ​រឿងអាស្រូវ​ពុករលួយ​របស់​បុគ្គល​នេះ​ជា​សាធារណៈ​។ ដូច្នេះ​ប្រជាពលរដ្ឋ​សង្ឃឹមថា​លោក ងួន រតនៈ អភិបាលខេត្ត​បាត់ដំបង និង​លោក អេង ជា​សាន អគ្គនាយក​រដ្ឋ​បាលជ​ល​ផល​នៅ​ក្រសួងកសិកម្ម មិន​បណ្ដោយ​ឲ្យ​មន្ត្រី​ពុករលួយ​ដូចជា លោក នឹ​ន សោម ប្រើ​អំណាច​ធ្វើបាប​ប្រជាពលរដ្ឋ​តាម​អំពើ​ចិត្ត​តទៅទៀត​នោះទេ​៕

151 152

Source link

ក្រុមហ៊ុន​លឹម​រ៉ូយ៉ាល់​គ្រុប កំពុង​បំផ្លាញ​ព្រៃឈើ​ក្នុងស្រុក​កោះ​ញែក ខេត្តមណ្ឌលគិរី ឲ្យ​រលត់រលាយ​

ប្រភពពី​សកម្មជន​ព្រៃឈើ​និង​មន្ត្រី​អង្គការក្រៅរដ្ឋាភិបាល​នៅ​ខេត្តមណ្ឌលគិរី បាន​ឲ្យ​ដឹងថា ចាប់តាំងពី​ដើមខែ​មករា ឆ្នាំ​២០១៨ រហូតមក​ក្រុមហ៊ុន​លឹម​រ៉ូយ៉ាល់​គ្រុប កំពុង​ធ្វើ​សកម្មភាព​កាប់​ឈើ​និង​ដឹកជញ្ជូន​ឈើ​ចេញពី​តំបន់​ព្រៃ​ការពារ ព្រៃ​អភិរក្ស និង​តំបន់​ដែនជម្រកសត្វព្រៃ​ភ្នំ​ព្រេច​យ៉ាង​ពេញបន្ទុក​។ ប្រភពពី​ប្រជាពលរដ្ឋ​ក្នុង​ឃុំ​សុខសាន្ត ស្រុក​កោះ​ញែក បាន​ឲ្យ​ដឹងថា ការដែល​ក្រុមហ៊ុន​លឹម​រ៉ូយ៉ាល់​គ្រុប បង្កើន​សកម្មភាព​កាប់​ឈើ​និង​ដឹកជញ្ជូន​ឈើ​ចេញពី​តំបន់​ព្រៃ​ការពារ​និង​ព្រៃ​អភិរក្ស​យ៉ាង​ពេញបន្ទុក គឺមាន​ការឃុបឃិត​បើកដៃ​ពី​សំណាក់​មន្ត្រី​បរិស្ថាន មន្ត្រីរដ្ឋបាល​ព្រៃឈើ និង​សមត្ថកិច្ច​ពាក់ព័ន្ធ​ជាច្រើន​ស្ថាប័ន​ទៀត​។ ប្រសិនបើ​គ្មាន​ការឃុបឃិត​ជា​ប្រព័ន្ធ​ទេនោះ គឺ​ក្រុមហ៊ុន​លឹម​រ៉ូយ៉ាល់​គ្រុប មិនអាច​កាប់​ឈើ​និង​ដឹកជញ្ជូន​ឈើ​ចេញពី​ស្រុក​កោះ​ញែក យកទៅលក់​នៅ​ស្រុក​យួន​តាម​ច្រកទ្វារ​អន្តរជាតិ​អូរ​យ៉ា​ដាវ ស្រុក​អូរ​យ៉ា​ដាវ ខេត្តរតនគិរី បានឡើយ​។

មន្ត្រី​អាជ្ញាធរ​មូលដ្ឋាន​និង​សមត្ថកិច្ច​តូចតាច​ក្នុងស្រុក​កោះ​ញែក បាន​ឲ្យ​ដឹងថា មេ​ឈ្មួញ​ឈ្មោះ ស្រេង ម៉េង ហៅ​ម៉េង​៣​ពូថៅ ដែលជា​មេការ​ក្រុមហ៊ុន​លឹម​រ៉ូយ៉ាល់​គ្រុប កំពុង​ប្រមូល​បក្ខពួក​កូនចៅ​របស់​ខ្លួន​ឲ្យ​កាប់​ឈើ​និង​ប្រមូល​ទិញ​ឈើ​ក្នុងស្រុក​កោះ​ញែក យ៉ាង​ពេញបន្ទុក​តែម្តង​។ ប្រការ​នេះហើយ​ដែល​ធ្វើ​ឲ្យ​ព្រៃឈើ​ក្នុង​តំបន់​ដែនជម្រកសត្វព្រៃ​ភ្នំ​ព្រេច តំបន់​អ​ន្ទ្រ​ង និង​តំបន់​ដែនជម្រកសត្វព្រៃ​ស្រែ​ពក កំពុង​ប្រឈម​នឹង​សេចក្ដី​វិនាស​ចៀស​មិន​ផុត​ឡើយ ព្រោះ​សូម្បីតែ​លោក ស្វាយ សំ​អ៊ាង អភិបាលខេត្ត​មណ្ឌលគិរី និង​ប្រធាន​មន្ទីរ​បរិស្ថាន​ខេត្តមណ្ឌលគិរី ក៏​រក្សា​ភាព​ស្ងៀមស្ងាត់​ដែរ​។ ទន្ទឹមនឹងនេះ​មន្ត្រី​បរិស្ថាន មន្ត្រីរដ្ឋបាល​ព្រៃឈើ និង​សមត្ថកិច្ច​ពាក់ព័ន្ធ​ដទៃទៀត កំពុង​សម្ងំ​ទទួលផល​ប្រយោជន៍​ពី​ក្រុមហ៊ុន​លឹម​រ៉ូយ៉ាល់​គ្រុប យ៉ាង​ស្ងប់ស្ងៀម​ហើយ​បណ្ដោយ​ឲ្យ​បទល្មើស​កាប់​ឈើ​រាលដាល​កាន់តែខ្លាំង​ជាង​មុន​។

តាម​ការ​បង្ហើប​ពី​ឈ្មួញ​តូចតាច​មួយចំនួន​បាន​ឲ្យ​ដឹងថា បច្ចុប្បន្ន​ក្រុមហ៊ុន​លឹម​រ៉ូយ៉ាល់​គ្រុប ដែលមាន​ឈ្មួញ​ឈ្មោះ ស្រេង ម៉េង ហៅ​ម៉េង​៣​ពូថៅ ជា​មេការ កំពុង​សម្រុក​កាប់​ឈើ​និង​ដឹកជញ្ជូន​ឈើ​ចេញពី​ស្រុក​កោះ​ញែក ទាំងយប់​ទាំង​ថ្ងៃ​ដោយ​គ្មាន​ញញើត​អ្វី​ឡើយ​។ ប្រភព​បាន​ឲ្យ​ដឹង​ទៀតថា ឈ្មួញ​ឈ្មោះ ស្រេង ម៉េង បាន​ប្រើប្រាស់​រថយន្ត​យី​ឌុប​ធំៗ​ចំណុះ​រាប់សិប​តោន​ដឹកឈើ​ចេញពី​ស្រុក​កោះ​ញែក ឆ្លងកាត់​ក្រុង​បាន​លុង ខេត្តរតនគិរី យកទៅលក់​ឲ្យ​ឈ្មួញ​យួន​តាម​ច្រកទ្វារ​អន្តរជាតិ​អូ​រយ៉ា​ដាវ​។ មួយផ្នែក​នៃ​ឈើ​នោះ​ត្រូវបាន​ឈ្មួញ​ឈ្មោះ ស្រេង ម៉េង ដឹកជញ្ជូន​តាមរ​ថយ​ន​ត្ត​យី​ឌុប​ធំៗ​ចេញទៅ​ស្រុក​យួន​តាម​ច្រក​ត្រពាំង​ស្រែ​-​វ៉ា​លឺ ស្រុក​ស្នួល ខេត្តក្រចេះ ដោយមាន​ការសម្របសម្រួល​ពី​សមត្ថកិច្ច​នៅតាម​ដងផ្លូវ​និង​សមត្ថកិច្ច​នៅតាម​ច្រកព្រំដែន​។ មន្ត្រី​គណៈកម្មការ​បង្ក្រាប​និង​ទប់ស្កាត់​បទល្មើស​ព្រៃឈើ​ដែល​ឈរជើង​ក្នុង​ខេត្តមណ្ឌលគិរី និង​ខេត្តក្រចេះ មិន​ហ៊ាន​ចាត់វិធានការ​បង្ក្រាបរ​ថ​យន្ត​ដឹកជញ្ជូន​ឈើ​របស់​ឈ្មួញ​ឈ្មោះ ស្រេង ម៉េង ដែលជា​មេការ​ក្រុមហ៊ុន​លឹម​រ៉ូយ៉ាល់​គ្រុប នោះទេ​ព្រោះ​ខ្លាច​បាត់បង់​ផលប្រយោជន៍​៕
26940463_408022932952006_1964431865_n 26913879_408023046285328_7433085_n 26857212_408023002951999_929427545_n 25497440_408022966285336_646185000_n

Source link