Author Archives: knmc

សាក្សី​លន់​តួ​អង្វរ​ឲ្យ​សាលា​ឧទ្ធរណ៍​ដោះលែង​សកម្មជន​ដីធ្លី​អ្នកស្រី​ទេព វន្នី


សាក្សីមួយ​រូប​ក្នុង​ចំណោម​សាក្សី​បី​រូប​របស់​អ្នកស្រី​ ទេព វន្នី​ បាន​លត់​ជង្គង់​នៅមុខ​ក្រុម​ប្រឹក្សា​អង្គ​ជនុំ​ជម្រះ​ នៅក្នុង​សាល​សវនាការ​សាលាឧទ្ធរណ៍​ នា​រសៀលថ្ងៃ​ព្រហស្បតិ៍​នេះ​ អង្វរ​សុំ​ឲ្យ​តុលាការ​ដោះលែង​អ្នកស្រី ​ទេព​ វន្នី​ ឲ្យ​មាន​សេរីភាព​ពី​បទចោទ​ប្រកាន់​ថា​ បាន​បង្ក​ហិង្សា​ក្បែរ​ផ្ទះ​លោក​នាយក​រដ្ឋ​មន្ត្រី​ ហ៊ុន សែន​ ដែល​គេ​ដឹង​ថា​ មាន​ទ្រព្យ​សម្បត្តិ​ស្តុកស្តម្ភ។​

អ្នកស្រី​ បូ ឆវី​ សកម្មជន​ដីធ្លី​ក្នុង​តំបន់​បឹងកក់​ ត្រូវ​បាន​លោក​ ប៉ុល សំអឿន ប្រធាន​ក្រុមប្រឹក្សា​អង្គ​ជំនុំ​ជម្រះ សួរ​ដេញ​ដោល​អំពី​ហេតុ​ការណ៍​ហិង្សា​មួយ​ដែល​បាន​កើតឡើង​នៅ​ក្បែរ​ផ្ទះ​លោក​ ហ៊ុន សែន​ ក្នុង​សង្កាត់​ទន្លេ​បាសាក់​ ខណ្ឌ​ដូនពេញ​ រាជធានី​ភ្នំពេញ​ ​កាល​ពី​ខែ​មីនា​ ឆ្នាំ​២០១៣​ ដែល​កង​សន្តិសុខ​ពីរ​រូប​ក្នុង​ខណ្ឌ​ដូនពេញ​ អះអាង​ថា​ ពួកគេ​ត្រូវស្ត្រី​ពីរនាក់​ធ្វើ​ឲ្យ​មាន​របួស​ស្នាម​នៅ​ត្រង់​ក្បាល​ និង​ផ្ទៃមុខ។​ ក្នុង​ការ​សួរ​ដេញ​ដោល​នោះ​ ​អ្នកស្រី​ បូ ឆវី​ បាន​ប្រាប់​ក្រុម​ប្រឹក្សា​អង្គ​ជំនុំ​ជម្រះ​ថា​ អ្នកស្រី​ ទេព វន្នី​ មិន​បាន​ធ្វើ​សកម្មភាព​បង្ក​ហិង្សា​នោះទេ​ ហើយ​ក្រុម​ដែល​បង្ក​ហិង្សា​គឺ​កង​សន្តិសុខ។

ក្រោយ​ការ​សួរ​ដេញដោល​បាន​បញ្ចប់ ​អ្នកស្រី​ បូ ឆវី​ បាន​លត់ជង្គង់​ និង​លើកដៃ​សំពះ​អង្គ​ជំនុំ​ជម្រះ​ ហើយ​បានស្បថ​ថា​ ការ​ផ្តល់​ចម្លើយ​របស់​អ្នកស្រី​ដើម្បី​ការពារ​ភាព​ស្អាតស្អំ​របស់​អ្នកស្រី​ ទេព វន្នី​ គឺ​ជា​ការណ៍​ពិត​ ហើយ​បើមិន​ពិត​ទេ​នោះ​ សុំឲ្យ​ទេព្តា​បរា​មុខ​អ្នកស្រី។​

អ្នកស្រី​ ទេព​ វន្នី ​វ័យ​៣៧​ឆ្នាំ​ ត្រូវ​បាន​សាលា​ដំបូង​រាជធានី​ភ្នំពេញ​សម្រេច​ឃុំ​ខ្លួន​ក្នុង​ពន្ធនាគារ​កាល​ពី​ខែ​សីហា​ ឆ្នាំ​២០១៦​ ពាក់​ព័ន្ធ​នឹង​បទ​ហិង្សា​ដោយ​ចេតនា​មាន​ស្ថាន​ទម្ងន់​ទោស​ ឬ​ត្រូវ​មាន​ទោស​កម្រិត​ធ្ងន់។ ​ក្រោយ​ការ​ឃុំ​ខ្លួន​បណ្តោះ​អាសន្ន​នោះ​ សាលា​ដំបូង​រាជធានី​ភ្នំ​ពេញ​ ​នៅថ្ងៃ​ទី​២៣​ ខែ​កុម្ភៈ​ ឆ្នាំ​២០១៧​ ក៏​បាន​សម្រេច​កាត់​ទោស​អ្នក​ស្រី​ ទេព វន្នី​ ​ដែល​ជា​ជ័យ​លាភី​រង្វាន់​ស្ត្រី​ជា​អ្នក​ដឹក​នាំ​របស់​អង្គការ​ Vital Voices​ ឲ្យ​ជាប់​ក្នុង​ពន្ធនាគារ​រយៈពេល​២ឆ្នាំ​និង​៦​ខែ។​

ពេលឈរនៅ​មុខ​ក្រុម​ប្រឹក្សា​អង្គ​ជំនុំជម្រះ ​ក្នុង​សាល​សវនាការ​សាលា​ឧទ្ធរណ៍​នៅ​ថ្ងៃ​ព្រហស្បតិ៍​នេះ​ ​អ្នកស្រី​ ទេព វន្នី​ បាន​សំណូមពរ​ឲ្យ​តុលាការ​ផ្តល់​យុត្តិធម៌​ដល់​អ្នកស្រី​ និង​ដោះលែង​អ្នកស្រី​ឲ្យមាន​សេរីភាព​វិញ​ ដើម្បី​ជួប​ជុំ​កូនៗ​ និង​ម្តាយ​ចាស់ជរា​ ដែល​កំពុង​រស់​នៅ​ក្នុង​សភាព​ខ្វះខាត។​

នៅចុង​បញ្ចប់​សវនាការ​ លោក​ ​ប៉ុល សំអឿន​ ​ប្រធាន​ក្រុម​ប្រឹក្សា​អង្គជំនុំ​ជម្រះ​ បាន​សម្រេច​ថា​ តុលាការ​នឹង​ប្រកាស​សាលដីកា​លើ​បណ្តឹង​ជំទាស់​របស់​អ្នកស្រី​ ទេព វន្នី ​នៅថ្ងៃ​ទី​៨​ ខែ​សីហា​ខាង​មុខ។​

ការ​ឃុំ​ខ្លួន​ និង​ការ​កាត់​ទោស​កាលពី​ពេល​កន្លង​មក​នោះ​ធ្វើ​ឡើង​ ក្រោយ​ពី​សកម្មជន​ដីធ្លី​រូប​នេះ ​ដឹក​នាំ​យុទ្ធនាការ​ថ្ងៃ​ចន្ទ​ពណ៌​ខ្មៅ​យ៉ាង​សកម្ម​ទាម​ទារ​ឲ្យ​ដោះលែង​មន្ត្រី​សិទ្ធិ​មនុស្ស​បួន​រូប​របស់​សមាគម​ការពារ​សិទ្ធិ​មនុស្ស​អាដហុក​ និង​មន្ត្រី​ជាន់​ខ្ពស់​មួយ​រូប​របស់​គណៈ​កម្មាធិការ​ជាតិ​រៀបចំ​ការ​បោះឆ្នោត​ (គ.ជ.ប.)​ និង​ទាមទារ​យុត្តិធម៌​ជូន​លោក​ កែម ឡី​ អ្នក​វិភាគ​សង្គម​ និង​នយោបាយ​ដ៏​ល្បីល្បាញ​មួយ​រូប​ ដែល​ត្រូវ​គេ​បាញ់​សម្លាប់​កាល​ពី​ខែ​កក្កដា​ ឆ្នាំ​២០១៦​ ​នៅ​កណ្ដាល​ទី​ក្រុង​ភ្នំពេញ។​

រហូត​មក​ទល់​ពេល​នេះ​អ្នកស្រី​ ទេព វន្នី​ បាន​ជាប់​ក្នុង​ពន្ធនាគារ​រយៈពេល​៣៤៦​ថ្ងៃ។ ​ក្រុម​អ្នក​ឃ្លាំមើល​សិទ្ធិ​មនុស្ស​ដែល​ចូលរួម​សវនាការ​នៅ​សាលា​ឧទ្ធរណ៍​ មើល​មិន​ឃើញ​ពី​ភស្តុតាង​ដែល​អាច​គាំទ្រដល់​ការ​កាត់​ទោស​អ្នកស្រី​ ទេព វន្នី​នោះឡើយ៕

Source link

សាលាឧទ្ធរណ៍​ពន្យារ​ពេល​ប្រកាស​សាលដីកា​ករណី​អ្នកស្រី ទេព វន្នី ទៅ​ខែ​ក្រោយ

ពលរដ្ឋ​មាន​ជម្លោះ​រ៉ាំរ៉ៃ​ដោយ​សារ​ដី​ធ្លី នៃ​សហគមន៍​បុរីកីឡា ភ្នំបាត បឹងកក់ និង​សហគមន៍​ឡពាង​ពី​ខេត្ត​កំពង់ឆ្នាំង លើក​បដា​តវ៉ា ទាមទារ​ឲ្យ​តុលាការ​លើកលែង​ការ​ចោទ​ប្រកាន់​លើ​អ្នកស្រី ទេព វន្នី នៅ​មុខ​សាលាឧទ្ធរណ៍​នៅ​ថ្ងៃ​ទី២៧ ខែ​កក្កដា ឆ្នាំ​២០១៧។ RFA/Rann Samnang

ដោយ ប្រាជ្ញ ចេវ RFA 2017-07-27

ចៅក្រម​សភា​ស៊ើបសួរ​សាលាឧទ្ធរណ៍ ពន្យារ​ពេល​ប្រកាស​សាលដីកា ទៅ​ខែ​ក្រោយ​គឺ​ថ្ងៃ​ទី៨ ខែ​សីហា លើ​សំណុំ​រឿង​អ្នកស្រី ទេព វន្នី សកម្មជន​ដីធ្លី​តំបន់​បឹងកក់ ដែល​តុលាការ​ក្រុង​ភ្នំពេញ​ផ្ដន្ទាទោស​ដាក់​ពន្ធនាគារ​២​ឆ្នាំ​កន្លះ ជុំវិញ​ហិង្សា​លើ​សន្តិសុខ​សាលា​ខណ្ឌ​ដូនពេញ កាល​ពី​ឆ្នាំ​២០១៣។

ការ​ប្រកាស​ពន្យារ​ពេល​នេះ ធ្វើ​ឡើង​បន្ទាប់​ពី​សាលាឧទ្ធរណ៍​បើក​សវនាការ​នៅ​រសៀល​ថ្ងៃ​ទី២៧ កក្កដា លើ​បណ្ដឹង​ជំទាស់​របស់​អ្នកស្រី ទេព វន្នី ប្រឆាំង​នឹង​ការ​សម្រេច​របស់​ចៅក្រម​សាលាដំបូង​រាជធានី​ភ្នំពេញ។

ចំណែក​នៅ​ខាង​ក្រៅ​របង​នៃ​សាលាឧទ្ធរណ៍ ពលរដ្ឋ​មាន​ជម្លោះ​រ៉ាំរ៉ៃ​ដោយ​សារ​ដី​ធ្លី ប្រមាណ​១០០​នាក់ មក​ពី​សហគមន៍​បុរីកីឡា ភ្នំបាត បឹងកក់ និង​សហគមន៍​ឡពាង​ពី​ខេត្ត​កំពង់ឆ្នាំង បាន​នាំ​គ្នា​លើក​បដា​តវ៉ា ទាមទារ​ឲ្យ​តុលាការ​លើកលែង​ការ​ចោទ​ប្រកាន់​លើ​អ្នកស្រី ទេព វន្នី។

កាល​ពី​ថ្ងៃទី២៣ កុម្ភៈ សាលាដំបូង​រាជធានី​ភ្នំពេញ សម្រេច​ផ្ដន្ទាទោស អ្នកស្រី ទេព វន្នី ដាក់​ពន្ធនាគារ​ចំនួន ២​ឆ្នាំ​កន្លះ និង​ពិន័យ​​ប្រាក់​បង់​ចូល​រដ្ឋ​ចំនួន​៥លានរៀល និង​សង​​ជំងឺ​ចិត្ត​សន្តិសុខ​ពីរ​នាក់​ជា​ដើម​បណ្ដឹង ចំនួន​៩​លាន​រៀល ក្រោម​បទ​ចោទ​ ប្រើ​ហិង្សា នៅ​ក្បែរ​ផ្ទះ​លោក​នាយករដ្ឋមន្ត្រី ហ៊ុន សែន កាល​ពី​ខែ​មីនា ឆ្នាំ​២០១៣ តាម​មាត្រា​ ២១៧ និង​២១៨ នៃ​ក្រម​ព្រហ្មទណ្ឌ។

សូម​​ស្ដាប់​ព័ត៌មាន​ពិស្ដារ៖

Source link

រដ្ឋមន្ត្រីក្រសួង​រ៉ែ​ថា​នឹង​ចេញ​លិខិត​ឲ្យ​ក្រុមហ៊ុន​រ៉ុង​ឆេង​រើចេញ​ពី​ដី​រ៉ែ​មាស​សគម​ន៍​ចុង​ផ្លាស​បើ​រកឃើញថា​រំលោភ​មែន​!

​មណ្ឌលគិរី ៖ រដ្ឋមន្ដ្រីក្រសួង​រ៉ែ និង​ថាមពល ឯក​ឩ​ត្ត​ម ស៊ុយ សែម បាន​ប្រាប់ ការ​សែត មាតុភូមិ នៅ​ព្រឹក​ថ្ងៃទី ២៧ ខែកក្កដា ឆ្នាំ​២០១៧ ថា ឯក​ឩ​ត្ត​ម បាន​ចាត់​ឲ្យ​មន្ដ្រី​ជំនាញ រួមមាន​ជាមួយ​មន្ទីរ​រ៉ែ និង​ថាមពល​ខេត្តមណ្ឌលគិរី ចុះទៅ​ដោះស្រាយ​ជម្លោះ​រវាង​ប្រជាពលរដ្ឋ​នៅ​សហគមន៍​រ៉ែ​មាស​ចុង​ផ្លាស់ និង​ក្រុមហ៊ុន​ចិន «​រ៉ុង​ឆេង​» ពាក់ព័ន្ធ​ទៅនឹង​ការធ្វើការ​អាជីវកម្ម​រ៉ែ

​មាស រំលោភ​ដែនដី​គ្នា​នៅក្នុង​តំបន់​នោះ​។

​ឯក​ឩ​ត្ត​ម បាន​បន្តថា លោក​កំពុង​ឲ្យ​ខាង​ជំនាញ​ស្រាវជ្រាវ ឯកសារ និង រាយការណ៍​ឲ្យ​ថ្នាក់​ដឹង​នាំ​ក្រសួង ពិនិត្យ​និង​សំរេច​បញ្ហា​ហ្នឹងហើយ​។ ឯក​ឩ​ត្ត​ម ស៊ុយ សែម បាន​សង្កត់ធ្ងន់ថា បើសិនជា​មន្ដ្រី​ជំនាញ​របស់លោក​រកឃើញ​ថា ក្រុមហ៊ុន​ពិតជា​បានធ្វើ​សកម្មភាព​ជីក​រក​រ៉ែ​មាស រំលោភ​ទៅក្នុង​ដី​សហគមន៍ ក្រសួង​នឹង​សរសេរ​លិខិត​ជាបន្ទាន់​ឲ្យ​ក្រុមហ៊ុន​ដកចេញ ហើយ​បើ​មិន​ស្ដាប់​នឹងត្រូវ​ចាត់វិធានការ​។​

​សូមបញ្ជាក់​ផង​ដែលថា កាលពី​ថ្ងៃទី​១៩ ខែកក្កដា ឆ្នាំ​២០១៧ ប្រជាពលរដ្ឋ​នៅ​សហគមន៍​រ៉ែ​មាស​ចុង​ផ្លាស់ ប្រមាណ ៥០០ គ្រួសារ ដែល​ប្រកប​រប​រកស៊ី​ជីក​រ៉ែ​មាស​នៅ​តំបន់​ចុង​ផ្លាស់ ស្ថិតនៅ​ឃុំ​ចុង​ផ្លាស់ ស្រុក​កែវ​សី​ម៉ា ខេត្តមណ្ឌលគិរី បាននាំគ្នា​តវ៉ា​នៅមុខ​សាលាឃុំ ដោយ​ចោទប្រកាន់​ក្រុមហ៊ុន​ចិន​មួយ​ឈ្មោះ «​រ៉ុង ឆេង​» ថា​បាន​រំលោភ​លី​ដី​សហគមន៍​ដើម្បី​ធ្វើ​អាជីវកម្ម​រ៉ែ​មាស ។​

​តំណាង​ប្រជាពលរដ្ឋនៅក្នុង​សហគមន៍​មួយ​នេះ បាន​និយាយថា ពួកគាត់​ដែល​បាន​រកស៊ី​របប​មួយ​នេះ តាំងពីដើម​រៀងមក​នោះ​បានទទួល​គោលការណ៍​ពី​ក្រសួង​រ៉ែ ធ្វើ​អាជីវកម្ម​លើ​ទំហំ​ដី​៤៣​ហិកតា ហើយ​ក្នុង​រយៈពេល​ប៉ុន្មាន​ឆ្នាំ​មកនេះ ក្រុមហ៊ុន​ចិន ដែល​ទទួលបាន​សិទ្ធិ​ធ្វើ​អាជីវកម្ម​លើ​ផ្ទៃដី​ជាង​២​ពាន់​ហិកតា តែងតែបាន​រំលោភ​ដែនដី​របស់​សហគមន៍ ហើយ​ក្នុង​រយៈពេល​ចុងក្រោយ​នេះ ខាង​ក្រុមហ៊ុន ចិន​តែងតែ​រំលោភ​នៅក្នុង​អណ្ដូងរ៉ែ​ចំនួន​៤ អណ្ដូង​ទើប​ពួកគាត់​នាំគ្នា​មក​តវ៉ា​តែម្ដង​។​

សម្រាប់​ការតវ៉ា​នេះ​ដែល ប្រជាពលរដ្ឋ​ក្រៅពី​សុំ​ឲ្យ​ថ្នាក់ដឹកនាំ ជួយ​ដោះស្រាយ​បញ្ហា​របស់​ក្រុមហ៊ុន​រំលោភ អណ្ដូងរ៉ែ​របស់ខ្លួន ពួកគាត់​ក៏​សុំ​ឲ្យ​សម្ដេច​តេ​ជោ ហ៊ុន សែន នាយករដ្ឋមន្ដ្រី​នៃ​កម្ពុជា ចេញ​គោលការណ៍ អនុញ្ញាតិ​ឲ្យ​ពួកគាត់​ជីក​រក​រ៉ែ​ក្នុង​ជម្រៅ​ជាង​២០​ម៉ែត្រ តាម​លទ្ធភាព​ដែល​ពួកគាត់​អាចធ្វើ​ទៅបាន ខណៈដែល​ក្រសួង​បានកំណត់​ត្រឹមតែ​២០​ម៉ែត្រ​នោះទេ​។​

​ឆ្លើយតប​ការលើកឡើង​របស់​ប្រជាពលរដ្ឋ​ខាងលើនេះ លោក​រដ្ឋមន្ដ្រី ស៊ុយ សែម បាន​បញ្ជាក់ថា ទីតាំង​ធ្វើ​អាជីវកម្ម​រ៉ែ​មាស​នៅ​តំបន់​នោះ ក្រសួង​មាន​ផែនទី​ច្បាស់លាស់ សម្រាប់​កំណត់​ឲ្យ​ក្រុមហ៊ុន និង​សហគមន៍ ដោយ​មិន​អាចមាន​ភាគី​ណា រំលោភ​ភាគី​ណា​នោះឡើយ «​តែបើ​មន្ដ្រី​រកឃើញ​ក្រុមហ៊ុន​រំលោភ​សហគមន៍ គឺ​ក្រុមហ៊ុន​ត្រូវតែ​ដកចេញ​ភ្លាម ។​
​ចំពោះ​ការស្នើសុំ​ជីក​រក​រ៉ែ លើស​ជំ​ម្រៅ​ពី​២០​ម៉ែត្រ​នោះ លោក​រដ្ឋមន្ដ្រី បាន​ឆ្លើយតប​ថា ការកំណត់​ឲ្យ​ត្រឹម​ជីក​២០​ម៉ែត្រ គឺ​វា​ស្របទៅតាម​បច្ចេកទេស ដែល​មន្ដ្រី​ជំនាញ​បាន​សិក្សា ដែល​ត្រូវ​ទៅនឹង​ការងារ​សិប្បកម្ម​របស់​ពួកគាត់ ហើយ​បើ​ក្រសួង​អនុញ្ញាតិ​ឲ្យ​លើសពី​២០​ម៉ែត្រ​នោះ វា​អាច​ប្រឈម​នឹង​គ្រោះថ្នាក់​ដោយ​ប្រការ​ណាមួយ​ដល់​ពួកគាត់ ដូចដែល​ករណីនេះ ធ្លាប់​កើតឡើង​នាពេល​កន្លងទៅ ពេលនោះ​ក្រសួង​នឹងត្រូវ​ទទួលខុស​ត្រូវជា​ក់​ជាមិនខាន​ឡើយ ៕

suy-sem-cppchong-plas1chong-plas
​    ​

Source link

​រឿង​«​កូន​កើតមុន​ឪ ព​តា​ដើរលេង​» ! ចេញ​លិខិត​កោះប្រជុំ​ថ្ងៃទី​២៩ តែ​កាលបរិច្ឆេទ​ប្រជុំ​កំណត់​ថ្ងៃទី​០១ ខែ​ដដែល

​រឿងនេះ​បានកើត​ឡើង​នា​អំឡុង​ឆ្នាំ​២០១៥​តាំងពី​ជំនាន់​លោក គួច ចំរើន នៅ​កាន់តំណែង​ជា​អភិបាល​នៃ​គណៈ​អភិបាលខណ្ឌ​ដូនពេញ និង​លោក អ៊ុក សាកល នៅ​កាន់តំណែង​ជា​នាយក​រដ្ឋបាល​សាលាខណ្ឌ​ដូនពេញ រាជធានី​ភ្នំពេញ​នៅឡើយ ប៉ុន្តែ​វា​ជា​រឿង​ហួសចិត្ត​មួយ​របៀប «​កូន​កើតមុន​ឪ ព​តា​ដើរលេង​» …

[អានទាំងស្រុងនៅ WWW.DTN7.COM]
Source link

ចៅ​អធិការ​វត្ត​ច្បារអំពៅ​នឹង​ដាក់​បណ្ដឹង​ទៅ​ក្រសួង​មហាផ្ទៃ​ប្រឆាំង​លោក ខឹម វាសនា

ព្រះតេជព្រះគុណ ហោ សុខុន ព្រះ​គ្រូ​ចៅអធិការ​វត្ត​ច្បារអំពៅ (រូប​កណ្ដាល) មាន​ថេរដីកា​នៅ​ក្នុង​សន្និសីទ​កាសែត​ស្ដីពី​បណ្ដឹង​ប្រឆាំង​លោក ខឹម វាសនា កាល​ពី​ថ្ងៃ​ទី​២៧ ខែ​កក្កដា ឆ្នាំ​២០១៧។ RFA/Morm Moniroth

ដោយ ម៉ម មុនីរតន៍ RFA 2017-07-27

ព្រះ​គ្រូ​ចៅអធិការ​វត្ត​ច្បារអំពៅ ដែល​ស្ថិត​នៅ​ក្នុង​ខណ្ឌ​ច្បារអំពៅ ក្រុង​ភ្នំពេញ បាន​អំពាវនាវ​ទទួល​ស្នាម​មេដៃ​ពី​ប្រជាពលរដ្ឋ និង​ព្រះសង្ឃ​ទូទាំង​ប្រទេស ដើម្បី​ស្នើ​ទៅ​​ក្រសួង​មហាផ្ទៃ ចាត់​វិធានការ​ប្រឆាំង​មេ​គណបក្ស​សម្ព័ន្ធ​ដើម្បី​ប្រជាធិបតេយ្យ។ ព្រះតេជព្រះគុណ ហោ សុខុន បាន​ចាត់​ទុក​លោក ខឹម វាសនា ថា ជា​អ្នក​នយោបាយ​ដែល​មិន​គោរព​អង្គ​ព្រះមហាក្សត្រ ជា​ពិសេស​ជាន់​ឈ្លី​ព្រះពុទ្ធ​សាសនា និង​ជាតិ​សាសន៍​ខ្លួន​ឯង។

បណ្ដឹង​ប្រឆាំង​លោក ខឹម វាសនា នេះ​ ត្រូវ​បាន​ព្រះគ្រូ​ចៅ​អធិការ​វត្ត​ច្បារអំពៅ មាន​ថេរដីកា​ថា មុន​នឹង​ដាក់​ទៅ​តុលាការ​ដែល​ជា​ជម្រើស​ចុង​ក្រោយ​នោះ គឺ​បណ្ដឹង​ដែល​មាន​ខ្លឹមសារ​ដូច​គ្នា​នេះ ត្រូវ​ដាក់​ទៅ​ក្រសួង​មហាផ្ទៃ រដ្ឋ​សភា និង​រដ្ឋាភិបាល​ជា​មុន​សិន។

មាន​ថេរដីកា​នៅ​ក្នុង​សន្និសីទ​កាសែត កាល​ពី​រសៀល​ថ្ងៃ​ទី​២៧ ខែ​កក្កដា នៅ​វត្ត​ច្បារអំពៅ ព្រះតេជព្រះគុណ ហោ សុខុន យល់​ឃើញ​ថា លោក ខឹម វាសនា កាន់​តែ​ប្រព្រឹត្ត​បទល្មើស​ធ្ងន់ធ្ងរ​ទៅៗ ជា​ពិសេស​ក្នុង​ដំណាក់កាល​ចុង​ក្រោយ​នេះ នៅ​ពេល​បក្ស​សម្ព័ន្ធ​ដើម្បី​ប្រជាធិបតេយ្យ​ចាញ់​ឆ្នោត។ ព្រះអង្គ​បន្ត​ថា ព្រះអង្គ​នឹង​មិន​ប្តឹង​ដើម្បី​ឲ្យ​រំលាយ​គណបក្ស​នេះ​ទេ ប៉ុន្តែ​ការ​អំពាវនាវ​នេះ​គឺ​ស្នើ​ឲ្យ​អាជ្ញាធរ​ចាត់​វិធានការ​តាម​ផ្លូវ​ច្បាប់​ប្រឆាំង​ចំពោះ​លោក ខឹម វាសនា វិញ៖ «ទាក់ទង​នឹង​ស្ថាន​ទម្ងន់​ទោស​របស់​គាត់​ដែល​អាត្មា​ប្ដឹង​ចោទ​ប្រកាន់​នេះ សូម​ឲ្យ​ស្ថាប័ន​ពាក់ព័ន្ធ ស្ថាប័ន​អ្នក​កាន់​ច្បាប់ និង​អនុវត្ត​ច្បាប់ សូម​ដាក់​ឲ្យ​កម្រិត​ទោស​គាត់​ប៉ុណ្ណា ដាក់​ប៉ុណ្ណឹង»។

អ្នក​នយោបាយ​​ដែល​មាន​ប្រភព​ចេញ​ពី​តួកុន​នេះ ពុំ​មែន​ទើប​តែ​មាន​បណ្ដឹង​ថ្មីសន្លាង​នៅ​ពេល​នេះ​ឡើយ។ កាល​ពី​ឆ្នាំ​២០១៥ គណៈ​សង្ឃ​នាយក​បាន​ដាក់​បណ្ដឹង​ម្ដង​រួច​ហើយ​ដែរ​​ទៅ​លោក ហ៊ុន សែន។ កាល​ពី​ខែ​មិថុនា ឆ្នាំ​២០១៧ ក៏​មាន​បណ្តឹង​ដាច់​ដោយ​ឡែក​មួយ​ថ្មី​ទៀត របស់​លោក សុច សឿង ជា​ចាងហ្វាង​កាសែត​ផ្កាយព្រឹក ដាក់​ទៅ​តុលាការ​ក្រុង​ភ្នំពេញ ប្រឆាំង​នឹង​លោក ខឹម វាសនា នេះ​ដែរ។
មាន​ថេរដីកា​ទៅ​កាន់​ក្រុម​អ្នក​កាសែត ព្រះគ្រូ​ចៅ​អធិការ​វត្ត​ច្បារអំពៅ អង្គ​នេះ​បញ្ជាក់​ថា បណ្ដឹង​នេះ​គ្រោង​នឹង​ដាក់​ទៅ​ក្រសួង​មហាផ្ទៃ នៅ​ក្នុង​អំឡុង ២ ឬ ៣​ថ្ងៃ​ខាង​មុខ​ទៀត ក្រោយ​ទទួល​បាន​ញត្តិ​គ្រប់គ្រាន់។ ព្រះអង្គ​បន្ត​ថា រាល់​ពាក្យ​បណ្ដឹង​ត្រូវ​មាន​ភាព​ស្អាតស្អំ ហើយ​អ្នក​ដែល​ប្ដឹង​ត្រូវ​សុំ​ថត​រូប​មួយ​ប៉ុស្តិ៍​ទុក​ផង។ ព្រះអង្គ​បន្ត​ថា បណ្ដឹង​ប្រឆាំង​មេ​បក្ស​សម្ព័ន្ធ​ដើម្បី​ប្រជាធិបតេយ្យ​នេះ ពុំ​មែន​រៀបចំ​ឡើង​សម្រាប់​តែ​ក្នុង​ប្រទេស​ទេ ពោល​នៅ​បណ្ដា​ប្រទេស​មួយ​ចំនួន​ទៀត​ ក៏​រៀបចំ​យុទ្ធនាការ​ស្នាម​មេដៃ និង​ញត្តិ​ដូច​គ្នា​នេះ​ដែរ។

លោក ខឹម វាសនា រង​ការ​រិះគន់​ថា ជា​អ្នក​នយោបាយ​ដែល​បណ្ដុះ​វប្បធម៌​ជេរ និង​ប្រមាថ​ជាតិ​សាសន៍​ខ្លួន​ឯង​ដោយ​មិន​សំចៃ​មាត់។ មិន​ត្រឹម​តែ​ប៉ុណ្ណោះ ជា​អ្នក​នយោបាយ​ដែល​ប្រមាថ​ព្រះចេស្ដា​ព្រះមហាក្សត្រ ដែល​គាំពារ​ដោយ​រដ្ឋធម្មនុញ្ញ​ថែម​ទៀត​ផង។ មាត្រា ៧ នៃ​រដ្ឋធម្មនុញ្ញ​ចែង​ថា អង្គ​ព្រះ​មហាក្សត្រ​ពុំ​អាច​នរណា​រំលោភ​បំពាន​បាន​ឡើយ។

កាល​ពី​ថ្ងៃ​ទី​២៣ ខែ​មិថុនា តុលាការ​ក្រុង​ភ្នំពេញ បាន​ចាត់​ការ​លើ​បណ្ដឹង​ប្រឆាំង​លោក ខឹម វាសនា នេះ​ម្ដង​រួច​ហើយ​ដែរ។ ព្រះរាជអាជ្ញា​រង​នៃ​តុលាការ​ក្រុង​ភ្នំពេញ លោក ស៊ិន វីរៈ បាន​កោះ​ហៅ​ដើម​បណ្ដឹង​ឈ្មោះ សុច សឿង ដែល​ប្ដឹង​លោក ខឹម វាសនា ពី​បទ​ជេរ​ប្រមាថ និង​មើល​ងាយ​ពូជសាសន៍​ខ្មែរ​នេះ ហើយ​សន្យា​ថា នឹង​ចាត់​វិធានការ​តាម​ផ្លូវ​ច្បាប់​នៅ​ពេល​ក្រោយ។

អគ្គលេខាធិការ​គណបក្ស​សម្ព័ន្ធ​ដើម្បី​ប្រជាធិបតេយ្យ លោក ជិន ថុន អះអាង​ថា គណបក្ស​ហាក់​មិន​បារម្ភ​ចំពោះ​ពាក្យ​បណ្ដឹង​នេះ​ទេ ហើយ​បញ្ហា​នេះ​ក៏​មិន​ធ្វើ​ឲ្យ​ប៉ះពាល់​ដល់​ដំណើរការ​របស់​គណបក្ស​ដែរ។ ជាង​នេះ​ទៀត គណបក្ស​របស់​លោក​ស្វាគមន៍​ជានិច្ច និង​ព្យាយាម​ដោះស្រាយ​គ្រប់​ដំណាក់កាល៖ «បើ​និយាយ​ពី​ជំហរ​របស់​គណបក្ស គណបក្ស​ដូច​តែ​រឿង​មុន​អ៊ីចឹង។ យើង​ឲ្យ​ដំណើរ​ការ​ព្រះអង្គ​ធ្វើ​អី ឲ្យ​ព្រះអង្គ​ធ្វើ​មុន​ទៅ។ គណបក្ស​ចាំ​តែ​ទៅ​តាម​ក្រោយ​ដូច​លោក សុច សឿង ដែល​បាន​ប្ដឹង​មុន​អ៊ីចឹង»។

អាស៊ីសេរី ពុំ​អាច​ស្នើ​សុំ​ការ​បំភ្លឺ​ជុំវិញ​បញ្ហា​នេះ​ពី​ភាគី​ក្រសួង​មហាផ្ទៃ បាន​ទេ នៅ​ថ្ងៃ​ទី​២៧ ខែ​កក្កដា។

បើ​ទោះ​ជា​បែប​ណា អ្នក​ជំនាញ​ផ្នែក​អភិបាលកិច្ច និង​វិទ្យាសាស្ត្រ​នយោបាយ​លោក​បណ្ឌិត ចាន់ វិបុល យល់​ឃើញ​ថា ប្រជាពលរដ្ឋ​មាន​សិទ្ធិ និង​កាតព្វកិច្ច​ធ្វើ​បណ្ដឹង​បាន​ដូច​គ្នា ផ្អែក​ទៅ​តាម​គោលការណ៍​ច្បាប់។ លោក​បន្ត​ថា មូលហេតុ​ដែល​ឈាន​ទៅ​ការ​ប្ដឹងផ្ដល់​នេះ អាច​មក​ពី​អ្នក​ធ្វើ​ការ​សម្រេច​ក្នុង​គោលនយោបាយ មិន​ខ្វល់​ពី​អ្នក​នយោបាយ​ដែល​ធ្វើ​ឲ្យ​ប៉ះពាល់​ជាតិ និង​សង្គម។ ជាង​នេះ​ទៀត ប្រសិន​បើ​ភាគី​ណា​មួយ​នៅ​តែ​ឆ្លៀត​កេង​ចំណេញ​ពី​ការ​ធ្វើ​នយោបាយ​មិន​ស្មោះត្រង់​នេះ​ទៀត នោះ​ការ​ដោះស្រាយ​នៅ​តែ​ពុំ​មាន​ប្រសិទ្ធភាព៖ «ប្រសិន​បើ​ក្នុង​ករណី​នេះ អ្នក​នយោបាយ​ផ្សេង​ទៀត​នៅ​ប្រើប្រាស់​ផលប្រយោជន៍​នេះ​ទេ ខ្ញុំ​យល់​ឃើញ​ថា ប្រហែល​ជា​ប្រសិទ្ធភាព​ក្នុង​ការ​ទទួល​ការ​ឆ្លើយ​តប ឬ​ការ​ដោះស្រាយ ឬ​ក៏​ការ​សម្របសម្រួល​ណា​មួយ​ប្រហែល​ជា​នឹង​មិន​បាន​ទៅ​តាម​អ្វី​ដែល​ជា​ការ​ចង់​បាន​នោះ​ទេ»។

ព្រះតេជព្រះគុណ ហោ សុខុន ព្រមាន​ថា ប្រសិន​ក្រសួង​មហាផ្ទៃ មិន​ចាត់​វិធានការ​តាម​សំណើ​លើ​មេ​បក្ស​សម្ព័ន្ធ​ដើម្បី​ប្រជាធិបតេយ្យ​ទេ មាន​ញត្តិ​បន្ត​ទៀត​នឹង​រុញ​ទៅ​រដ្ឋាភិបាល។យុទ្ធនាការ​ប្រមូល​ញត្តិ​នេះ ព្រះតេជព្រះគុណ ហោ សុខុន មាន​សុទិដ្ឋិនិយម​ថា ប្រសិន​បើ​រដ្ឋាភិបាល​ព្រងើយកន្តើយ បញ្ហា​នេះ​អាច​នឹង​ធ្វើ​ឲ្យ​បក្ស​កាន់​អំណាច​ត្រូវ​បាត់បង់​សំឡេង​គាំទ្រ​មួយ​កម្រិត​ថែម​ទៀត៕

Source link

ឈ្មួញ​បន្តសកម្មភាព​ដឹកជញ្ជូន​ឈើ​ចេញទៅ​ស្រុក​យួន​តាម​ច្រករបៀង​ភូមិ​ភិ​យ៉ាង​ពេញបន្ទុក

ប្រភពពី​ប្រជាពលរដ្ឋ​រស់នៅក្នុង​ភូមិ​ភិ ឃុំ​ប៉ក់​ញ៉ៃ ស្រុក​អូរ​យ៉ា​ដាវ ខេត្តរតនគិរី បាន​ឲ្យ​ដឹងថា​រយៈពេល​ប៉ុន្មាន​ថ្ងៃ​កន្លងទៅនេះ​ឈ្មួញ​មួយចំនួន​បាន​បន្តសកម្មភាព​ដឹកជញ្ជូន​ឈើ​ចេញទៅ​ស្រុក​យួន​យ៉ាង​ពេញបន្ទុក ដោយ​ពួកគេ​ជួល​ប្រជាពលរដ្ឋ​ឲ្យ​ដឹកឈើ​តាម​ម៉ូតូ​ចេញទៅ​ស្រុក​យួន​ក្នុង​មួយ​យប់ៗ​រាប់រយ​គ្រឿង​។ មន្ត្រី​អាជ្ញាធរ​មូលដ្ឋាន​ក្នុង​ឃុំ​ប៉ក់​ញ៉ៃ បាន​ឲ្យ​ដឹងថា​ឈ្មួញ​ឈើ​ទាំងនោះ​ជា​ឈ្មួញ​មុខ​ដដែលៗ ប៉ុន្តែ​ពួកគេ​ប្ដូរ​រូបភាព​ពី​ដឹកឈើ​តាម​រថយន្ត​មក​ជួល​ប្រជាពលរដ្ឋ​ដឹកឈើ​តាម​ម៉ូតូ​ចេញទៅ​ស្រុក​យួន​តាម​ច្រករបៀង​ភូមិ​ភិ​យ៉ាង​រលូន​។ នគរបាល​វរ​ការពារ​ព្រំដែន​គោក​លេខ​៦២៣ ត្រូវបាន​គេ​ដឹងថា​ចាំ​ប្រមូល​លុយ​ពីបទ​ល្មើស​ដឹកជញ្ជូន​ឈើ​ចេញទៅ​ស្រុក​យួន​តាម​ច្រករបៀង​ភូមិ​ភិ ហើយ​មិន​ចាត់វិធានការ​បង្ក្រាប​ប​ទ​ល្មើស​ឡើយ​។

មន្ត្រី​អាជ្ញាធរ​មូលដ្ឋាន​និង​សមត្ថកិច្ច​ក្នុង​មូលដ្ឋាន​ក្នុង​ឃុំ​ប៉ក់​ញ៉ៃ បាន​ឲ្យ​ដឹងថា​គ្រាន់តែ​នៅក្នុង​ថ្ងៃទី​២៤​និង​ថ្ងៃទី​២៥ ខែកក្កដា ឆ្នាំ​២០១៧ ឈ្មួញ​ជួល​ប្រជាពលរដ្ឋ​ដឹកឈើ​ចេញទៅ​ស្រុក​យួន​មិនតិចជាង​៤០០​ម៉ូតូ​នោះទេ ដោយមាន​ការឃុបឃិត​ពី​មន្ត្រី​ជំនាញ​និង​សមត្ថកិច្ច​ពាក់ព័ន្ធ​។ ប្រភព​បាន​ឲ្យ​ដឹង​ទៀតថា ច្រករបៀង​ភូមិ​ភិ និង​ច្រករបៀង​លេខ​១៩ ដែល​ឆ្លង​កាត់មុខ​ទីបញ្ជាការ​នគរបាល​វរ​ការពារ​ព្រំដែន​លេខ​៩២៣ គឺជា​ចំណុច​ដែលមាន​សកម្មភាព​ដឹកជញ្ជូន​ឈើ​ចេញទៅ​ស្រុក​យួន​ទាំងថ្ងៃទាំងយប់​។ ក្នុងនោះ​លោក ងួន សុ​វណ្ណា ហៅ​អូរ​ធំ មេបញ្ជាការ​នគរបាល​វរ​ការពារ​ព្រំដែន​លេខ​៦២៣ ត្រូវ​ប្រជាពលរដ្ឋ​រិះគន់ថា ជា​អ្នក​ឃុបឃិត​បើកដៃ​ឲ្យ​ឈ្មួញ​ដឹកជញ្ជូន​ឈើ​ចេញទៅ​ស្រុក​យួន​យ៉ាង​ពេញបន្ទុក​ដើម្បី​ជា​ថ្នូរ​នឹង​ផលប្រយោជន៍​យ៉ាង​សុខ​ស្រួល​។

តាម​ប្រភពព័ត៌មាន​ខ្លះ​បាន​ឲ្យ​ដឹងថា លោក ងួន សុ​វណ្ណា បាន​បញ្ជា​ឲ្យ​កូនចៅ​របស់គាត់​ចាំ​ប្រមូល​លុយ​ពី​អ្នកដឹកឈើ​តាម​ម៉ូតូ​និង​តាម​រថយន្ត​ឆ្លង​កាត់មុខ​ស្នាក់ការ​វរ​សេនា​តូច​លេខ​៦២៣ និង​មាន​ដាក់​កម្លាំង​តាម​កុងត្រូលជជុះ​ដើម្បី​ប្រមូល​លុយ​ពី​ម៉ូតូ​ដឹកឈើ​នៅ​ច្រករបៀង​ភូមិ​ភិ​តែម្តង​។ ប្រសិនបើ​គ្មាន​ការបើក​ដៃ​ពី​លោក ងួន សុ​វណ្ណា ហៅ​អូរ​ធំ ដែលជា​មេបញ្ជាការ​នគរបាល​វរ​ការពារ​ព្រំដែន​លេខ​៦២៣​ទេនោះ គឺ​ឈ្មួញ​មិនអាច​ដឹកជញ្ជូន​ឈើ​ចេញទៅ​ស្រុក​យួន​តាម​ច្រករបៀង​ភូមិ​ភិ និង​ច្រករបៀង​លេខ​១៩​បានឡើយ​។ បញ្ហា​នេះ​លោក ងួន គឿន ស្នងការ​នគរបាល​ខេត្តរតនគិរី ក៏​អាច​ជាប់​ពាក់ព័ន្ធ​នឹង​ផលប្រយោជន៍​ផងដែរ ទើប​បណ្ដោយ​ឲ្យ​លោក ងួន សុ​វណ្ណា មេបញ្ជាការ​នគរបាល​វរ​ការពារ​ព្រំដែន​លេខ​៦២៣ ឃុបឃិត​បើកដៃ​ឲ្យ​ឈ្មួញ​ដឹកជញ្ជូន​ឈើ​ចេញទៅ​ស្រុក​យួន​យ៉ាង​គគ្រឹកគគ្រេង​៕

Pic01 moto-timber-oya

Source link