Don't Miss

Author Archives: knmc

លោក ខៀវ កាញារីទ្ធ ៖ ការយល់ដឹង​អំពី​ការប្រែប្រួល​អាកាសធាតុ ពិត​ជា​សំខាន់​បំផុត​សម្រាប់​ប្រព័ន្ធ​ផ្សព្វផ្សាយ​

​ភ្នំពេញ ៖ រដ្ឋមន្ដ្រីក្រសួង​ព័ត៌មាន បាន​លើកឡើង​ថា ៖ ការ យល់ ដឹង​អំពី ការប្រែប្រួល​អាកាស ធាតុ​ជា​ការ​សំខាន់​បំផុត​សម្រាប់​ប្រព័ន្ធ​ផ្សព្វផ្សាយ ទាំង​អ្នកសារព័ត៌មាន​អ្នក​រាយ ការណ៍ ព័ត៌មាន ពិធីករ ពិធី​ការិនី វិទ្យុ ទូរទស្សន៍ ក្នុងការ បញ្ជ្រាប​ទៅ​ដល់​មហាជន​ឱ្យ​មាន​ការយល់ ដឹង​ពី​ការ ប្រែប្រួល អាកាសធាតុ​។​

​នេះ​ជា​ការលើកឡើង​របស់ លោក​ខៀវ កាញារីទ្ធ រដ្ឋមន្ត្រីក្រសួង​ព័ត៌មាន នៅក្នុង​សិក្ខាសាលា បណ្តុះបណ្តាល អ្នកសារព័ត៌មាន អ្នករាយការណ៍ អ្នកនិពន្ធ ពិធីករ ពិធី​ការិនី វិទ្យុ ទូរទស្សន៍ ស្តីពី​ការប្រែប្រួល​អាកាសធាតុ ក្រោម​ការរៀបចំ​ដោយ​ក្រសួង​ព័ត៌មាន​ស ហ​ការ​ជាមួយ​ក្រសួង​បរិស្ថាន កាលពី​ថ្ងៃ​អង្គារ​៦​កើត ខែ​ផល្គុន ឆ្នាំរកា​នព្វស័ក​ព​.​ស​២៥៦១  ត្រូវ​និង ថ្ងៃទី​២០ ខែ​កុម្ភៈ ឆ្នាំ​២០១៨ នៅ​សណ្ឋាគារ​សាន់វ៉េ​។​

​លោក ខៀវ កាញារីទ្ធ រដ្ឋមន្ដ្រីក្រសួង​ព័ត៌មាន បាន បញ្ជាក់ថា​៖ ការបណ្តុះបណ្តាល អ្នកសារព័ត៌មាន អ្នករាយការណ៍ អ្នកនិពន្ធ ពិធីករ ពិធី​ការិនី វិទ្យុ ទូរទស្សន៍​នេះ គឺ​ពិតជា​សំខាន់បំផុត​សម្រាប់ ប្រព័ន្ធ​ផ្សព្វផ្សាយ ក្នុង​ការបញ្ជ្រាប​ដល់​ម​ហា​ជន​ឱ្យ​មាន​ការ យល់ដឹង​អំពី​ការប្រែប្រួល​អាកាសធាតុ​នេះ​។​

​លោក​បាន​បន្តថា​៖ ក្នុងឆ្នាំនេះ​ការប្រែប្រួល​អាកាសធាតុ បាន​ជះឥទ្ធិពល​យ៉ាងច្រើន​ដល់​ការ អភិវឌ្ឍ នៃ​សង្គមមនុស្ស ដោយ​មើលឃើញ​ថា ទាំង​ផ្នែក សង្គមវិទ្យា ភូមិសាស្ត្រ ចាប់តាំងពី​ប៉ូល ខាងជើង ប៉ូល​ខាងត្បូង​ជួប​បញ្ហា​ប្រឈម​នឹង​ការប្រែប្រួល អាកាសធាតុ​ជា​បន្តបន្ទាប់​។​

​បច្ចុប្បន្ននេះ កំណើន​ប្រជាជន​កាន់តែ​ច្រើន ហើយ​បើ​តាម​ការស្រាវជ្រាវ​ក្នុងចំណោម​ប្រជាជន​១០​នាក់ មាន​៤​នាក់​គ្មាន​ទឹក​ប្រើប្រាស់ ដោយសារ​ការប្រែប្រួល​អាកាសធាតុ​នេះ​។​

​លោក​បាន​អះអាង​ថា ការ​ប្រែ​ប​រួល​នេះ​វា​ប៉ះពាល់​យ៉ាង​ច្រើន ហើយ​ការធ្វើ ឱ្យ​មនុស្ស​យល់​អំពី​ការ ថែរក្សា​បរិស្ថាន អំពី​ការរួមចំណែក​ទប់ស្កាត់ និង​បន្ស៊ាំ​ខ្លួន ទៅ​នឹង​ការប្រែប្រួល​អាកាសធាតុ​ជាការ ល្អ​ណាស់ ព្រោះ​មិន​អាច​ទប់ ធម្មជាតិ​បាន​ទេ​។​

​លោក ទិន ពន្លក អគ្គលេខាធិការ​ក្រុមប្រឹក្សា​ជាតិ​អភិវឌ្ឍន៍​ដោយ​ចីរភាព នៃ​ក្រសួង បរិស្ថាន ការបណ្ដុះ បណ្ដាល​ដល់​អ្នកសារព័ត៌មាន ពិធីករ ពិធី​ការិនី វិទ្យុ និង​ទូរទស្សន៍​នេះ ក្នុង​គោលបំណង បញ្ជ្រាប និង​លើកកម្ពស់​ការយល់ដឹង​ដល់​អ្នកសារព័ត៌មាន ក្នុង​ការសរសេរ ព័ត៌មាន ការរាយការណ៍ ព័ត៌មាន ការអធិប្បាយ​ព័ត៌មាន ទៅ​ក្នុង​វិជ្ជាជីវៈ សារព័ត៌មាន ដើម្បី​ផ្សព្វផ្សាយ​ព័ត៌មាន​ឱ្យបាន​ត្រឹមត្រូវ ច្បាស់លាស់ និង​ទាន់​ពេលវេលា ឆ្លើយតប​ទៅនឹង​ការប្រែប្រួល​អាកាសធាតុ និង​ការ​ប្រឈម​នានា រួមចំណែក​កសាង​សង្គម​មួយ​ដែល​បៃតង បញ្ចេញ​កាបូនិ​ចធន់​នឹង​ការប្រែប្រួល អាកាសធាតុ ដើម្បី​រួមចំណែក​កាត់បន្ថយ​ភាព​ងាយ​រងគ្រោះ​របស់​ប្រជាជន ជាពិសេស ក្រុម​អ្នក​ដែល​ងាយ​រងគ្រោះ​បំផុត និង​ប្រព័ន្ធ​សំខាន់ៗ​បណ្តាល​មក ពី​ផលប៉ះពាល់ ពី​ការប្រែប្រួល​អាកាសធាតុ ហើយ​បង្វែរ​ទៅរក​មាគ៌ា អភិវឌ្ឍន៍​បៃតង តាមរយៈ ការលើកកម្ពស់​ការអភិវឌ្ឍ​បញ្ចេញ​កាបូ​និច និង​បច្ចេកវិទ្យា​ពាក់ព័ន្ធ​៕

 

d180221a1 (5) d180221a1 (2)

Source link

លោក ស្វាយ សំ​អ៊ាង អភិបាលខេត្ត​មណ្ឌលគិរី ទទួលខុសត្រូវ​ធំជាងគេ​ក្នុងការ​ឃុបឃិត​លក់​ដី​សួនច្បារ​ឲ្យ​ឈ្មួញ​សាងសង់​ស្ថានីយ៍​ប្រេងសាំង​

សេចក្ដីរាយការណ៍​ពី​មន្ត្រីរាជការ​និង​ពលរដ្ឋ​ក្នុង​ក្រុង​សែន​មនោ​រម្យ ខេត្តមណ្ឌលគិរី បាន​ឲ្យ​ដឹងថា ដី​សួនច្បារ​កណ្ដាល​ក្រុង​សែន​មនោ​រម្យ ត្រូវបាន​អាជ្ញាធរខេត្ត ឃុបឃិត​លក់​ឲ្យ​ឈ្មួញ​ធ្វើជា​កម្មសិទ្ធិឯកជន ហើយ​ឈ្មួញ​កំពុង​សាងសង់​ស្ថានីយ៍​ប្រេងសាំង និង​អគារ​ពាណិជ្ជកម្ម​មួយផ្នែក​ផងដែរ​។ ប្រការនេះ​គឺជា​រឿង​ដែល​ក្រសួង​និង​ស្ថាប័ន​ពាក់ព័ន្ធ​មិនគួរ​មើលរំលង​តទៅទៀត​ទេ ព្រោះ​លោក ស្វាយ សំ​អ៊ាង អភិបាលខេត្ត​មណ្ឌលគិរី ជា​អ្នក​ឃុបឃិត​លក់​ដី​ឲ្យ​ឈ្មួញ​សាងសង់​ស្ថានីយ៍​ប្រេងសាំង និង​សាងសង់​អគារ​ពាណិជ្ជកម្ម​ដោយ​គ្មាន​ញញើត​អ្វី​ទាំងអស់​។ លោក ជា សុផារ៉ា រដ្ឋមន្ត្រីក្រសួង​រៀបចំ​ដែនដី​នគរូបនីយកម្ម សំណង់​និង​សុរិយោដី គួរពិនិត្យមើល​បញ្ហា​ខាងលើនេះ​ផងដែរ ព្រោះ​ដី​សួនច្បារ​ដែលជា​ដី​សាធារណៈ​របស់​រដ្ឋ​ក្នុង​ខេត្តមណ្ឌលគិរី ត្រូវបាន​គេ​ឃុបឃិត​លក់​ឲ្យ​ឈ្មួញ​ជា​បន្តបន្ទាប់​។

តាម​ប្រភពពី​មន្ត្រីរាជការ​ក្នុង​សាលាខេត្ត​មណ្ឌលគិរី មួយចំនួន​បាន​ឲ្យ​ដឹងថា តាម​គម្រោង​ដី​សួនច្បារ​ធំ​ល្វឹងល្វើយ​កណ្ដាល​ក្រុង​សែន​មនោ​រម្យ គឺ​ត្រូវ​សាងសង់​សួនច្បារ​ថ្នាក់ជាតិ​ដ៏​ធំ​មួយ​នៅ​កណ្ដាល​ក្រុង​សែន​មនោ​រម្យ តែម្តង​។ ប៉ុន្តែ​ជាក់ស្ដែង​បច្ចុប្បន្ន​អាជ្ញាធរខេត្ត​មណ្ឌលគិរី ដែលមាន​លោក ស្វាយ សំ​អ៊ាង ជា​អភិបាលខេត្ត ក៏ដូចជា​មន្ទីរ​ពាក់ព័ន្ធ​បាន​ឃុបឃិត​ជាមួយ​គណៈកម្មការ​សាងសង់​សួនច្បារ ហើយ​លក់​ដី​សួនច្បារ​មួយផ្នែក​ឲ្យ​ឈ្មួញ​សាងសង់​ស្ថានីយ៍​ប្រេងសាំង​និង​សាងសង់​អគារ​ពាណិជ្ជកម្ម​ជា​បន្ត​បន្ទាប់​។ បញ្ហា​នេះ​កំពុង​ធ្វើ​ឲ្យ​មន្ត្រីរាជការ​និង​ប្រជាពលរដ្ឋ​ក្នុង​ខេត្តមណ្ឌលគិរី មានការ​ចាប់អារម្មណ៍​យ៉ាងខ្លាំង​ប៉ុន្តែ​លោក ស្វាយ សំ​អ៊ាង អភិបាលខេត្ត​មណ្ឌលគិរី បែរជា​រក្សា​ភាព​ស្ងៀមស្ងាត់​ដើម្បី​ទទួលផល​ប្រយោជន៍​យ៉ាង​ត្រជាក់​ល្ហឹម​។

បើតាម​ការ​បង្ហើប​ពី​មន្ត្រីរាជការ​នៅក្នុង​សាលាខេត្ត​មណ្ឌលគិរី បាន​ឲ្យ​ដឹងថា តាមរយៈ​ការឃុបឃិត​លក់​ដី​សួនច្បារ​កណ្ដាល​ក្រុង​សែន​មនោ​រម្យ ឲ្យ​ឈ្មួញ​សាងសង់​ស្ថានីយ៍​ប្រេងសាំង​និង​អគារ​ពាណិជ្ជកម្ម ប្រហែល​លោក ស្វាយ សំ​អ៊ាង ទទួលបាន​ផលប្រយោជន៍​យ៉ាងច្រើន​។ ប្រការនេះ​ថ្នាក់ដឹកនាំ​ក្រសួងមហាផ្ទៃ និង​ក្រសួង​ពាក់ព័ន្ធ​ដទៃទៀត គួរពិនិត្យមើល​ឡើងវិញ​ផងដែរ ព្រោះ​នៅតាម​បណ្ដា​ខេត្ត​ផ្សេងៗ​គេ​កំពុង​អនុវត្តន៍​គម្រោង​ពង្រីក​សួនច្បារ​ដើម្បី​បង្កើន​សោភ័ណភាព​ក្នុង​ក្រុង​ឲ្យ​កាន់តែ​ស្រស់ត្រកាល​។ ដោយឡែក​ក្នុង​ខេត្តមណ្ឌលគិរី បែរជា​លោក ស្វាយ សំ​អ៊ាង ជា​អភិបាលខេត្ត ឃុបឃិត​លក់​ដី​សួនច្បារ​កណ្ដាល​ក្រុង​សែន​មនោ​រម្យ ឲ្យ​ឈ្មួញ​សាងសង់​ស្ថានីយ៍​ប្រេងសាំង​និង​អគារ​ពាណិជ្ជកម្ម​ដោយ​គ្មាន​ញញើត​ទាំងអស់​។ ប្រការ​នេះហើយ​ដែល​ធ្វើ​ឲ្យ​ពលរដ្ឋ​និង​មន្ត្រីរាជការ​ក្នុង​ខេត្តមណ្ឌលគិរី រិះគន់​យ៉ាងខ្លាំង​ទៅលើ​លោក ស្វាយ សំ​អ៊ាង ជា​អភិបាលខេត្ត ដែល​គិតតែ​ពី​ផលប្រយោជន៍​ផ្ទាល់ខ្លួន​យ៉ាង​គឃ្លើន ហើយ​មិន​គិតពី​ផលប្រយោជន៍​ជាតិ​និង​ផលប្រយោជន៍​ប្រជាពលរដ្ឋ​នោះទេ​៕

លោក ស្វាយ សំអ៊ាង អភិបាលខេត្តមណ្ឌលគិរី


Source link

ល្បែងស៊ីសង​ច្រើន​ប្រភេទ​រាលដាល​ពេញបន្ទុក​ក្នុង​ក្រុង​ប៉ោយប៉ែត ធ្វើ​ឲ្យ​ប៉ះពាល់​យ៉ាងខ្លាំង​ដល់​សន្តិសុខ​សង្គម​

​ប្រភពពី​ប្រជាពលរដ្ឋ​រស់នៅ​តា​បណ្ដា​សង្កាត់​នានា​ក្នុង​ក្រុង​ប៉ោយប៉ែត ខេត្តបន្ទាយមានជ័យ បាន​ឲ្យ​ដឹងថា បច្ចុប្បន្ន​ល្បែងស៊ីសង​ដូចជា កន្ទុយលេខ និង​ល្បែងភ្នាល់​តាម​ប្រព័ន្ធ​អ៊ី​ន​ធឺ​ណេ​ត​ឬ​អន​ឡាញ​ជ្រក​ក្រោម​ស្លាក​កាស៊ីណូ កំពុង​រាលដាល​កាន់តែខ្លាំង​ឡើងៗ​។ ប្រជាពលរដ្ឋ​បាន​រិះគន់ថា អភិបាលក្រុង​ប៉ោយប៉ែត ក៏ដូចជា​អធិការនគរបាល​ក្រុង​ប៉ោយប៉ែត និង​មេបញ្ជាការ​កងរាជអាវុធហត្ថ​ក្រុង​ប៉ោយប៉ែត មិន​ចាត់វិធានការ​បង្ក្រាប​ល្បែងស៊ីសង​ដែល​រាលដាល​គ្រប់​ច្រកល្ហក​នោះទេ​។ សូម្បីតែ​លោក សួន បវរ អភិបាលខេត្ត​បន្ទាយមានជ័យ និង​លោក​ឧ​ត្ត​ម​សេនីយ៍​ទោ អាត់ ខែម ស្នងការ​នគរបាល​ខេត្តបន្ទាយមានជ័យ ក៏​រក្សា​ភាព​ស្ងៀមស្ងាត់​បណ្ដោយ​ឲ្យ​ល្បែងស៊ីសង​កើតឡើង​យ៉ាង​ពេញបន្ទុក ផ្ទុយ​ពី​គោលនយោបាយ​ភូមិ​-​ឃុំ​មាន​សុវត្ថិភាព​ទាំង​៩​ចំណុច​ទៅវិញ​។

​ក្នុងខណៈដែល​ល្បែងស៊ីសង​កំពុង​កើតឡើង​យ៉ាង​រាលដាល ធ្វើ​ឲ្យ​ប្រជាពលរដ្ឋ​ក្នុង​ក្រុង​ប៉ោយប៉ែត ព្រួយបារម្ភ​កាន់តែខ្លាំង​ពី​បញ្ហា​អសន្តិសុខ​សង្គម ហើយ​កូនចៅ​របស់​ពួកគាត់​មួយចំនួន​នាំគ្នា​គេចវេះ​មិន​ទៅ​សាលារៀន​ដោយ​នាំគ្នា​ចូលទៅ​លេង​ហ្គេម​តាម​អ៊ី​ន​ធឺ​ណេ​ត​តាម​អន​ឡាញ​យ៉ាង​វក់វី​តែម្តង​។ ប្រជាពលរដ្ឋ​បាន​លើកឡើងថា ដោយសារតែ​ល្បែង​កន្ទុយលេខ​និង​ល្បែងភ្នាល់​តាម​ប្រព័ន្ធ​អ៊ី​ន​ធឺ​ណេ​ត តាម​ប្រព័ន្ធ​អន​ឡាញ​កើតឡើង​យ៉ាង​ពេញបន្ទុក ទើប​បច្ចុប្បន្ន​នៅក្នុង​ក្រុង​ប៉ោយប៉ែត មាន​បទល្មើស​ផ្សេងៗ​កើតឡើង​គួរ​ឲ្យ​ភ័យខ្លាច​ដូចជា អំពើចោរកម្ម​លួច​ប្លន់ អំពើ​ឃាតកម្ម និង​បទល្មើស​ជួញដូរ​ចែកចាយ​ប្រើប្រាស់​គ្រឿងញៀន​ជាដើម​។ ប្រភព​ខ្លះ​បាន​លើកឡើងថា មន្ត្រី​អាជ្ញាធរ​មូលដ្ឋាន​និង​សមត្ថកិច្ច​ក្នុង​ក្រុង​ប៉ោយប៉ែត ចាត់ទុក​ល្បែងស៊ីសង​ជា​ប្រភព​ចំណូល​របស់​ពួកគេ​ទើប​មិន​ចាត់វិធានការ​បង្ក្រាប ហើយ​ទីតាំង​ល្បែងភ្នាល់​ខ្លះ​មាន​មន្ត្រីនគរបាល និង​មន្ត្រី​អាវុធហត្ថ មានបុណ្យ​ស័ក្ដិធំៗ​ជា​អ្នកកាង​យ៉ាង​ក្រអឺតក្រទម​ទៀតផង​។

ប្រជាពលរដ្ឋ​ក្នុងភូមិ​ក្បាលស្ពាន​២ ក៏ដូចជា​ប្រជាពលរដ្ឋ​នៅ​ភូមិ​បា​លិ​លេ​យ្យ​២ សង្កាត់​ប៉ោយប៉ែត ក្រុង​ប៉ោយប៉ែត បាន​អំពាវនាវ​ឲ្យ​លោក សួន បវរ អភិបាលខេត្ត​បន្ទាយមានជ័យ និង​លោក អាត់​ខែម ស្នងការ​នគរបាល​ខេត្តបន្ទាយមានជ័យ ចាត់វិធានការ​លុបបំបាត់​ល្បែងភ្នាល់​តាម​ប្រព័ន្ធ​អន​ឡាញ​នៅក្នុង​មូលដ្ឋាន​ពួកគាត់​ជាបន្ទាន់​។ ដោយហេតុថា ក្នុង​មូលដ្ឋាន​ពួកគាត់​មាន​គេ​បើក​លេងល្បែង​ភ្នាល់​តាម​ប្រព័ន្ធ​អន​ឡាញ​ទ្រង់ទ្រាយ​ធំ​យ៉ាង​ពេញបន្ទុក ហើយ​អ្នកបើក​ល្បែងស៊ីសង​ខុសច្បាប់​សុទ្ធតែជា​អ្នកមាន​លុយ អ្នកមានអំណាច​ធំៗ អ្នកមាន​តួនាទី​ក្នុង​កងកម្លាំងប្រដាប់អាវុធ​ធ្វើ​ឲ្យ​មន្ត្រី​អាជ្ញាធរ​និង​សមត្ថកិច្ច​ក្នុង​មូលដ្ឋាន​មិន​ហ៊ាន​ប៉ះពាល់​ពួកគេ​ឡើយ​។ ប្រជាពលរដ្ឋ​បាន​អំពាវនាវ​ឲ្យ​ថ្នាក់ដឹកនាំ​ក្រសួងមហាផ្ទៃ និង​នាយ​ឧ​ត្ត​ម​សេនីយ៍ នេ​ត សាវឿន ពិនិត្យមើល​ភាព​អសកម្ម​របស់​មន្ត្រី​អាជ្ញាធរ និង​សមត្ថកិច្ច​នគរបាល​ក្នុង​ខេត្តបន្ទាយមានជ័យ ផងដែរ ព្រោះ​បច្ចុប្បន្ន​ល្បែងស៊ីសង​កំពុង​រាលដាល​ពេញ​ក្រុង​ប៉ោយប៉ែត ហើយ​អភិបាលខេត្ត និង​ស្នងការ​នគរបាល​ខេត្តបន្ទាយមានជ័យ មិនទាន់​ចាត់វិធានការ​បង្ក្រាប​នៅឡើយ​ទេ​៕

លោក សួន បវរ អភិបាលខេត្តបន្ទាយមានជ័យ


Source link

អាមេរិក​ប្រកាស​មិន​ផ្ដល់​ទិដ្ឋាការ​ដល់​អ្នកស្រី សៀង ចាន់ហេង ចូល​ទឹក​ដី​អាមេរិក

អ្នកស្រី សៀង ចាន់ហេង ប្រធាន​ក្រុមហ៊ុន ហេង អភិវឌ្ឍន៍។Photo: RFA

អ្នកស្រី សៀង ចាន់ហេង ប្រធាន​ក្រុមហ៊ុន ហេង អភិវឌ្ឍន៍។Photo: RFA ដោយ អាស៊ីសេរី RFA 2018-02-19

ប្រធាន​ក្រុមហ៊ុន ហេង អភិវឌ្ឍន៍ គឺ​អ្នកស្រី សៀង ចាន់ហេង ត្រូវ​បាន​សហរដ្ឋអាមេរិក​ប្រកាស​មិន​ផ្ដល់​ទិដ្ឋាការ​ចូល​ទឹកដី​សហរដ្ឋអាមេរិក​ឡើយ ដោយសារ​តែ​ក្រុមហ៊ុន​របស់​អ្នកស្រី អភិវឌ្ឍន៍​រំលោក​លើ​ដីធ្លី​ពលរដ្ឋ និង​ធ្វើ​ឲ្យ​ពលរដ្ឋ​រង​នូវ​ភាព​អយុត្តិធម៌។

អ្នកស្រី សៀង ចាន់ហេង គឺ​ជា​អ្នក​ជំនួញ​ទី១​ហើយ ដែល​អាមេរិក​ផ្អាក​មិន​ឲ្យ​ផ្ដល់​ទិដ្ឋាការ​ចូល​ទឹក​ដី​អាមេរិក ក្រៅ​ពី​មន្ត្រី​រដ្ឋាភិបាល​ខ្មែរ និង​ក្រុម​គ្រួសារ ដែល​ចូលរួម​បំផ្លាញ​ប្រជាធិបតេយ្យ​នៅ​កម្ពុជា៕

Source link

ស្រី​ផ្កាយ​មួយ​នគរបាល​ម្នាក់​ធ្វើអត្តឃាត​ដោយ​សាក់​ខ្លួន​និង​កាំបិត​!

​ភ្នំពេញ​៖​ស្ត្រី​ជាម​ន្ត្រី​ជាន់ខ​ញ​បស់​នគរបាល​អត្តសញ្ញាណ​កម្ម​ម្នាក់​បានធ្វើ​អត្តឃាត​ចាក់​សម្លាប់ខ្លួន​ប​នៅក្នុង​បន្ទប់​អាសនៈ​ផ្ទះ​របស់ខ្លួន ទាំង​ព្រលឹម​ថ្ងៃទី​២២ ខែកុម្ភៈ ឆ្នាំ​២០១៨ នៅផ្ទះ​លេខ​១៦ ផ្លូវ​លេខ​១២ ភូមិ​ទួលគោក​ខណ្ឌឫស្សីកែវ រាជធានី​ភ្នំពេញ​។​​សមត្ថកិច្ច​ឲ្យ​ដឹងថា​៖ ស្ត្រី​ដែល​ចាក់​សម្លាប់ខ្លួន​ឈ្មោះ ច័ន្ទ ក្រេ​ក​គៀង អាយុ​៤៦​ឆ្នាំ ជនជាតិខ្មែរ មាន​តួនាទី​ជា​អនុប្រធាន​

អត្តសញ្ញាណ​ប​ណ្ណ័​សញ្ជាតិ​ខ្មែរ នៃ​អគ្គនាយក​ដ្នា​ន​អត្តសញ្ញាណ​កម្ម​ក្រសួងមហាផ្ទៃ​។​

​ប្តី​ជនរងគ្រោះ​បាន​ឲ្យ​ដឹងថា នៅ​ថ្ងៃទី​២២ ខែកុម្ភៈ ឆ្នាំ​២០១៨ ម៉ោង​ប្រហែល​២៖០០​នាទី​រំលង​អា​ធ្រា​ត្រ ជនរងគ្រោះ​មាន​អាកា​រៈ មិន​ស្រួលខ្លួន​ថប់ៗ​ដង្ហើម ទើប​កូន​របស់គាត់ ឈ្មោះ ស្រ៊ុន តា​រ៉ាវ​តី និង​ប្តី​ជនរងគ្រោះ ឈ្មោះ ស្រ៊ុន តារា បាន​ជូន​ជនរងគ្រោះ ទៅពិនិត្យ​ជំងឺ​នៅ​គ្លីនិក យីហោ​អរុណរះ ស្ថិតក្នុង​សង្កាត់​អូរ​បែកក្អម ខណ្ឌ​សែន​សុខ ។ ជនរងគ្រោះ​មាន​ជំងឺ​បេះដូង (​ជំងឺ​ប្រចាំកាយ​)​។ ពេល​ពិនិត្យ​រួច​ក៏បាន​ជូន​ជន​ង​គ្រោះ​មក​ផ្ទះ​វិញ​។​

​មកដល់​ផ្ទះ​កូន និង​ប្តី​បាន​ជូន​ជនរងគ្រោះ ចូល​សំរាក​ក្នុង​បន្ទប់​ជាន់​ទី​១ តែ​ជនរងគ្រោះ​មិន​ព្រម​ចូល​សំរាក ដោយ​និយាយថា ពិបាក​ក្នុង​ខ្លួន​ណាស់​មិន​ចង់​រស់ រួច​ជនរងគ្រោះ​បាន​ចូលទៅក្នុង​បន្ទប់​មួយទៀត​មាន​ដាក់​អាសនៈ ហើយ​ដាក់​គន្លឹះទ្វារ​ខាងក្នុង ភ្លាមនោះ​កូន និង​ប្តី​បានគាស់​ទ្វារ​ចូល​មើលឃើញ​ជនរងគ្រោះ​ចាក់​សម្លាប់​ខ្លួនឯង ស្លាប់​ក្នុង​បន្ទប់ទឹក ស្ថិតក្នុង​បន្ទប់​ដាក់​អាសនៈ​ទៅហើយ​!៕

a-police-diea-police-diea-police-die1

Source link

សមត្ថកិច្ច​និង​មន្ត្រី​អាជ្ញាធរ​ខណ្ឌចំការមន ឃុបឃិត​គ្នា​បណ្ដោយ​ឲ្យ​ល្បែងស៊ីសង​កើតឡើង​យ៉ាង​រាលដាល​

ថ្មីៗ​នេះ​មានការ​អំពាវនាវ​ជា​បន្តបន្ទាប់​ឲ្យ​លោក ជួន សុវណ្ណ ស្នងការ​នគរបាល​រាជធានី​ភ្នំពេញ ចាត់វិធានការ​បង្ក្រាប​ល្បែងស៊ីសង​ក្នុង​ទឹកដី​ខណ្ឌចំការមន ជាបន្ទាន់​ព្រោះ​បច្ចុប្បន្ន​ល្បែងស៊ីសង​ច្រើន​ប្រភេទ​កំពុង​រាលដាល​យ៉ាង​ពេញបន្ទុក​នាំ​ឲ្យ​ប៉ះពាល់​យ៉ាងខ្លាំង​ដល់​សន្តិសុខ​សង្គម​។ លោក យិន សាន អធិការនគរបាល​ខ​ណ្ឌ​ចំការមន ក៏ដូចជា​លោក ព្រុំ សំខាន់ អភិបាលខណ្ឌ​ចំការមន ត្រូវ​ប្រជាពលរដ្ឋ​រិះគន់ថា ជា​អ្នក​ឃុបឃិត​ឲ្យ​មាន​បើក​លេង​ល្បែងស៊ីសង​ដើម្បី​ជា​ថ្នូរ​នឹង​ផលប្រយោជន៍ ហេតុនេះហើយ​ទើប​ល្បែងស៊ីសង​កើតឡើង​នៅ​គ្រប់​សង្កាត់​ក្នុង​ទឹកដី​ខណ្ឌចំការមន​។ សង្កាត់​បឹង​កេងកង​៣ សង្កាត់​បឹងត្របែក សង្កាត់​ទួល​ស្វាយព្រៃ​១ សង្កាត់​ទួល​ទំពូង​១ និង​សង្កាត់​ទំនប់ទឹក​ជាដើម មាន​ល្បែងស៊ីសង​កើតឡើង​យ៉ាង​រាលដាល ហើយ​មន្ត្រី​អាជ្ញាធរ​និង​សមត្ថកិច្ច​មូលដ្ឋាន​សម្ងំ​ទទួលផល​ប្រយោជន៍​យ៉ាង​សុខ​ស្រួល​។

ប្រភពពី​ប្រជាពលរដ្ឋនៅក្នុង​សង្កាត់​បឹង​កេងកង​៣ បាន​ឲ្យ​ដឹងថា ហាង​កាហ្វេ​មួយកន្លែង​នៅតាម​បណ្ដោយ​ផ្លូវ​លេខ​១៤២ កែង​នឹង​ផ្លូវ​លេខ​៣៧៦ សង្កាត់​បឹង​កេងកង​៣ កំពុងបើក​លេងល្បែង​ភ្នាល់​បាល់ទាត់​និង​ល្បែងស៊ីសង​ច្រើន​ប្រ​ភេ​ទៀត​ដែល​ផ្សាយ​ចេញពី​កាស៊ីណូ​តាម​ប្រព័ន្ធ​អន​ឡាញ​។ សេចក្ដីរាយការណ៍​បាន​ឲ្យ​ដឹង​ទៀតថា ទីតាំង​ល្បែងស៊ីសង​ខុសច្បាប់​ខាងលើនេះ​បើ​មើ​លពី​ខាងក្រៅ គឺជា​ហាង​កាហ្វេ​ធម្មតា​ប៉ុន្តែ​បើ​ចូលដល់​ក្នុង​ទើប​ឃើញ​មាន​អ្នកញៀន​ល្បែង​ទាំងចាស់ទាំងក្មេង​ចូល​លេងល្បែង​យ៉ាង​កុះករ​ដោយ​អ្នកខ្លះ​ហ៊ាន​ភ្នាល់​លុយរាប់​រយ រាប់ពាន់ ឬ​ឈានដល់​រាប់ម៉ឺន​ដុល្លារ​ទៀតផង​។ មន្ត្រី​អាជ្ញាធរ​និង​សមត្ថកិច្ច​ក្នុង​សង្កាត់​បឹង​កេងកង​៣ សុទ្ធតែ​ដឹង​រឿង​ពី​ហាង​កាហ្វេ​នោះ​បើក​លេងល្បែង​ភ្នាល់​ច្រើន​ប្រភេទ ក៏ប៉ុន្តែ​ពួកគេ​មិន​ចាត់វិធានការ​បង្ក្រាប​នោះទេ​ព្រោះ​ខ្លាច​បាត់បង់​ផលប្រយោជន៍​។

​គួរ​រំលឹក​ដែរ​ថា​កន្លងមក​ថ្នាក់ដឹកនាំ​ក្រសួងមហាផ្ទៃ ក៏ដូចជា​នាយ​ឧ​ត្ត​ម​សេនីយ៍ នេ​ត សាវឿន អគ្គស្នងការ​នគរបាល​ជាតិ បានចេញ​បទបញ្ជា​ជា​បន្តបន្ទាប់​ឲ្យ​សមត្ថកិច្ច​នគរបាល​ទូទាំងប្រទេស​ចាត់វិធានកា​រ​បង្ក្រាប​បទល្មើស​ផ្សេងៗ​ដូចជា ល្បែងស៊ីសង គ្រឿងញៀន និង​អំពើចោរកម្ម​ជាដើម ដើម្បី​ពង្រឹង​សន្តិសុខ​សង្គម​។ បើទោះបី​នាយ​ឧ​ត្ត​ម​សេនីយ៍ នេ​ត សាវឿន អគ្គស្នងការ​នគរបាល​ជាតិ ចេញ​បទបញ្ជា​ឲ្យ​សមត្ថកិច្ច​នគរបាល​ទូទាំងប្រទេស​ចាត់វិធានកា​រ​ពង្រឹង​សន្តិសុខ​សង្គម​យ៉ាងណាក៏ដោយ ក៏​លោក យិន សាន អធិការនគរបាល​ខ​ណ្ឌ​ចំការមន និង​លោក ជួន សុវណ្ណ ស្នងការ​នគរបាល​រាជធានី​ភ្នំពេញ មិនទាន់​ចាត់វិធានការ​បង្ក្រាប​ប​ទ​ល្មើស​ផ្សេងៗ​ដើម្បី​ពង្រឹង​សន្តិសុខ​សង្គម​នោះទេ​។ ផ្ទុយទៅវិញ​លោក យិន សាន អធិការនគរបាល​ខ​ណ្ឌ​ចំការមន និង​លោក ព្រុំ សំខាន់ អភិបាលខណ្ឌ​ចំការមន កំពុង​ឃុបឃិត​ឲ្យ​មាន​ល្បែងស៊ីសង​កើតឡើង​យ៉ាង​អនាធិបតេយ្យ​ក្នុង​ទឹកដី​ខណ្ឌចំការមន ដោយ​មិន​ខ្វល់​ពី​ការរិះគន់​អ្វី​ទាំងអស់​៕

លោក ជួន សុវណ្ណ ស្នងការនគរបាលរាជធានីភ្នំពេញ


Source link