សមត្ថកិច្ចតាមច្រកព្រំដែនក្នុងខេត្តឧត្តរមានជ័យ នៅតែរងការរិះគន់រឿងពុករលួយ

សមត្ថកិច្ចតាមច្រកព្រំដែនក្នុងខេត្តឧត្តរមានជ័យ ដូចជាច្រកអូរស្មាច់ ក្រុងសំរោង ច្រកជាំស្រងាំ ស្រុកអន្លង់វែង និងច្រកជប់គគីរ ស្រុកបន្ទាយអម្ពិល ជាដើមនៅតែត្រូវប្រជាពលរដ្ឋរិះគន់ទៅលើទង្វើមិនប្រក្រតីរបស់ពួកគេដែលគិតតែពីរឿងប្រមូលលុយដាក់ហោប៉ៅយ៉ាងក្រអឺតក្រទម។ ជាក់ស្តែងនៅច្រកអូរស្មាច់ មន្ត្រីគយកំពុងរងការរិះគន់ពីរឿងជំរិតយកលុយពី ឈ្មួញនិងអាជីវករតូចតាចតាមអំពើចិត្ត ហើយបែរជាបើកដៃឲ្យឈ្មួញធំៗនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់យ៉ាងពេញបន្ទុកធ្វើឲ្យរដ្ឋខាតបង់ចំណូលពន្ធយ៉ាងច្រើនក្នុងមួយខែៗ។ ជាងនេះទៅទៀតសមត្ថកិច្ចនគរបាលអន្តោប្រវេសន៍ប្រចាំច្រកអូរ ស្មាច់បានយកលុយថ្លៃធ្វើប័ណ្ណឆ្លងដែនលើសពីអ្វីដែលក្រសួងមហាផ្ទៃបានកំណត់ ដែលជាហេតុធ្វើឲ្យមជ្ឈដ្ឋាននានារិះគន់ឥតឈប់ឈរ។

នៅច្រកទ្វារអន្តរជាតិជាំស្រងាំ ស្រុកអន្លង់វែង ក៏កើតមានរឿងរ៉ាវមិនខុសពីអ្វីដែលកំពុងកើតមាននៅច្រកអូរស្មាច់ នោះដែរហើយរហូតមកដល់ពេលនេះលោក ស ថាវី អភិបាលខេត្តឧត្តរមានជ័យ មិនទាន់ចាត់វិធានការដោះស្រាយប្រកបដោយប្រសិទ្ធភាពនៅឡើយ។ ករណីមន្ត្រីគយ មន្ត្រីនគរបាលអន្តោប្រវេសន៍ និងសមត្ថកិច្ចពាក់ព័ន្ធដទៃទៀតនៅច្រកជាំស្រងាំ ត្រូវបានឈ្មួញ អាវជីករនិងប្រជាពលរដ្ឋតវ៉ាច្រើនលើកមកហើយ ក៏ប៉ុន្តែទាំងអាជ្ញាធរ ខេត្តឧត្តរមានជ័យ ក៏ដូចជាក្រសួងនិងស្ថាប័នពាក់ព័ន្ធធ្វើជាមិនដឹងមិនឮអ្វីទាំងអស់។ ហេតុនេះហើយទើបក្រុមសមត្ថកិច្ចជាច្រើនស្ថាប័ន ប្រចាំច្រកទ្វារអន្តរជាតិជាំស្រងាំ កាន់តែបានដៃក្នុងការឃុបឃិតគ្នាប្រព្រឹត្តអំពើពុករលួយគាបសង្កត់ប្រជាពលរដ្ឋយ៉ាងគឃ្លើន។

ចំណែកសមត្ថកិច្ចនៅច្រកជប់គគីរ ស្រុកបន្ទាយអម្ពិល ត្រូវបានប្រជាបលរដ្ឋរិះគន់ថា កំពុងឃុបឃិតបើកដៃឲ្យឈ្មួញនាំចូលប្រេងសាំងគេចពន្ធ ក៏ដូចជាទំនិញគេចពន្ធនិងទំនិញបង់ពន្ធមិនគ្រប់យ៉ាងអនាធិបតេយ្យដើម្បីជាថ្នូរនឹងផលប្រយោជន៍។ ប្រភពពីប្រជាពលរដ្ឋរស់នៅតំបន់ច្រកអូរស្មាច់ ច្រកជាំស្រងាំ និងច្រកជប់គគីរ បានឲ្យដឹងទៀតថានៅពេលអាជីករ និងពលរដ្ឋដឹកកសិផលដូចជាដំឡូងមី ពោត សណ្តែក ទៅលក់នៅស្រុកសៀមតែងតែត្រូវសមត្ថកិច្ចនិងមន្ត្រីជំនាញប្រចាំច្រកទាំង៣នេះជំរិតយកលុយថ្លែបាយថ្លៃទឹក តាមរបៀបពុក រលួយយ៉ាងកំរោលតែម្តង។ ដូច្នេះក្រសួងនិងស្ថាប័នពាក់ព័ន្ធមិនគួរមើលរំលងទង្វើមិនប្រក្រតី និងអំពើពុករលួយរបស់ក្រុមមន្ត្រីជំនាញនិងសមត្ថកិច្ចនៅច្រកអូរស្មាច់ ច្រកជាំស្រងាំ និងច្រក ជប់គគីរ តទៅទៀតទេព្រោះសព្វថ្ងៃនេះពួកគេកំពុងតែគាបសង្កត់ប្រជាពលរដ្ឋទន់ខ្សោយយ៉ាងពេញបន្ទុក៕

18051521_301869863567314_186270164_n 18052522_301869890233978_1245808988_n

Source link

x

Check Also

លោក​អ៊ួ​ន​ឈិន​អតីត​អ្នកយក​ព​តិ​មាន​វិទ្យុ​អាស៊ីសេរី​ជា​តារាភាពយន្ត​ស៊ិ​ច​?!

​ភ្នំពេញ​៖​បន្ទាប់ពី​ត្រូវ​នាំយកទៅ​ឃុំខ្លួន​នៅ​គុក​ព្រៃ​ស​ក្រោម​បទ​ចោទថា​ពីបទ «​ប្រគល់​ឲ្យ​រដ្ឋ​បរទេស​នូវ​ព័ត៌មាន​ជាអាទិ៍​ដែល​បង្ក​ឲ្យ​មានការ​អន្តរាយ​ដល់​ការ​ការពារជាតិ​»​ដែល​អាច​ត្រូវ​ផ្តន្ទាទោស​ដាក់ពន្ធនាគារ​ពី​៧ (​ប្រាំពីរ​) ឆ្នាំ ទៅ​១៥ ...

ថ្លើមធំ​ណាស់ ! ប្រធាន​រាជបណ្ឌិត្យសភា​វិជ្ជាជីវៈ​តុលាការ​ហ៊ាន​រំលោភបំពាន​នាយករដ្ឋមន្ត្រី​ក្នុង​រឿង​ប្រើប្រាស់​អក្សរ​ខ្មែរ​មិន​ត្រឹមត្រូវ​តាម​វចនានុក្រម

ក្រោយ​តុលាការ​កំពូល​វិនិច្ឆ័យ​សេចក្តី​ចេញ​សាលដីកា​លេខ​៣៤០(​ឆ​) ចុះ​ថ្ងៃទី​១៦ ខែវិច្ឆិកា ឆ្នាំ​២០១៧ សម្រេច​រំលាយ​គណបក្ស​សង្គ្រោះ​ជាតិ ...