លោក សម រង្ស៊ី ពន្យល់ពីអត្ថន័យពាក្យ ផ្លាស់ប្តូរ សម្រាប់ប្រទេសកម្ពុជាយើងចាប់ពីឆ្នាំ ២០១៧ នេះទៅ

ក្នុងពេលដែលដំណើរការបោះឆ្នោតឃុំ-សង្កាត់ និងការបោះឆ្នោតថ្នាក់ជាតិ ឆ្នាំ២០១៧ និងឆ្នាំ២០១៨ នៅកម្ពុជាកាន់តែខិតជិតមកដល់នោះ លោក សម រង្ស៊ី អតីតប្រធានគណបក្សសង្គ្រោះជាតិ បានបញ្ជាក់ជាថ្មីថា ប្រជាពលរដ្ឋខ្មែរនិងពិភពលោកទាំងមូលនឹងមើលឃើញការផ្លាស់ប្តូរតាមបែបប្រជាធិបតេយ្យនៅប្រទេសកម្ពុជានាពេលខាងមុខនេះមិនខានឡើយ។

លោក សម រង្ស៊ី បានបញ្ជាក់ថា អ្វីគ្រប់យ៉ាងដែលកើតឡើងមិនល្អនៅប្រទេសកម្ពុជានឹងត្រូវបញ្ចប់ ហើយប្រទេសកម្ពុជានិងប្រជាពលរដ្ឋកម្ពុជា ស័ក្តិសមនឹងទទួលបាននូវភាពជាអ្នកដឹកនាំ និងអ្នកដឹកនាំល្អជាងពេលបច្ចុប្បន្ននេះ ហើយថាការផ្លាស់ប្តូរខាងមុខនេះគឺជាឆន្ទៈរបស់ប្រជាពលរដ្ឋខ្មែរភាគច្រើនដែលគ្មានអ្នកណាអាចទប់ស្កាត់បានឡើយ។

អតីតប្រធានគណបក្សសង្រ្គោះជាតិ លោក សម រង្ស៊ី បានពន្យល់ថា បញ្ហាជីវភាពរបស់ពលរដ្ឋ សេដ្ឋកិច្ចជាតិ អំពើពុករលួយ សេវាសាធារណៈ សន្តិសុខ និងសណ្តាប់ធ្នាប់សាធារណៈជាដើមនឹងត្រូវបានដោះស្រាយ និងជំរុញឲ្យកាន់តែមានភាពប្រសើរឡើងក្រោយពីមានការផ្លាស់ប្តូរមេដឹកនាំបច្ចុប្បន្នចេញដែលឈានទៅរកការជំរុញឲ្យប្រទេសកម្ពុជា និងប្រជាពលរដ្ឋកម្ពុជាទទួលបានការអភិវឌ្ឍលើផ្លូវត្រឹមត្រូវ។

ជុំវិញបញ្ហាខាងលើនេះ លោក សម រង្ស៊ី បានសង្កត់ធ្ងន់ថា ការកែទម្រង់ការបោះឆ្នោត និងឆន្ទៈចង់ផ្លាស់ប្តូររបស់ប្រជាពលរដ្ឋ គឺជាមូលដ្ឋានគ្រឹះជំរុញឲ្យមានការផ្លាស់ប្តូរនៅក្នុងប្រទេសមួយចំនួននៅជុំវិញពិភពលោក ហើយករណីនេះក៏មិនខុសពីប្រទេសកម្ពុជាដែរ ព្រោះការកែទម្រង់ការបោះឆ្នោត និងទឹកចិត្តប្រជាពលរដ្ឋនឹងជំរុញឲ្យមានការផ្លាស់ប្តូរនៅប្រទេសកម្ពុជាក្នុងដំណើរការបោះឆ្នោតឆ្នាំ២០១៧ និងឆ្នាំ២០១៨ មិនខាន៕

IMG_0653

Source link

x

Check Also

អភិបាលខេត្តកំពត បណ្តោយឲ្យ លោក ស៊ីវ ផេង អភិបាលស្រុកដងទង់ រំលោភកាន់កាប់ដីរដ្ឋយកធ្វើជាកម្មសិទ្ធិ

មានការអំពាវនាវឲ្យលោក ចាន់ ចេស្តា អភិបាលខេត្តកំពត ចាត់វិធានការទប់ស្កាត់ទង្វើមិនប្រក្រតីរបស់លោក ...

ពិធី​ប្រកាស​ផ្ទេរ​ភារកិច្ច តែងតាំង​មុខតំណែង​និង​បំពាក់​ឋានន្តរ​សក្កិ មន្ត្រីនគរបាល​ជាតិ នៃ​ស្នងការដ្ឋាន នគរបាល​ខេត្ត​បាត់ដំបង

បាត់ដំបង ៖ ព្រឹក​ថ្ងៃ​ទី ២២ ខែ​មិថុនា​ឆ្នាំ​២ ...