លោក សម រង្ស៊ី បញ្ជាក់ថា មេឃុំ និងចៅសង្កាត់អនុវត្តន៍តាមគោលនយោបាយបានល្អនឹងបន្តជោគជ័យថែមទៀត

អតីតប្រធានគណបក្សសង្រ្គោះជាតិ លោក សម រង្ស៊ី បានបញ្ជាក់កាលពីពេលថ្មីៗនេះថា គណបក្សសង្រ្គោះជាតិទទួលបានការគាំទ្ររហូតដល់សព្វថ្ងៃនេះក៏ដោយសារតែគណបក្សសង្រ្គោះជាតិបានដាក់ចេញនូវគោលនយោបាយដឹកនាំប្រទេសល្អៗឆ្លើយតបនឹងតម្រូវការរបស់ប្រជាពលរដ្ឋ។ តែបើគោលនយោបាយទាំងនោះមិនត្រូវបានយកទៅអនុវត្តន៍ទេ គណបក្សសង្រ្គោះជាតិអាចនឹងធ្វើឲ្យប្រជាពលរដ្ឋខកចិត្ត ដូច្នេះមន្រ្តីគណបក្សសង្រ្គោះជាតិត្រូវបន្តផ្សព្វផ្សាយគោលនយោបាយទាំងនោះ និងយកទៅអនុវត្តន៍តាមលទ្ធភាពផងដែរ។

លោក សម រង្ស៊ី អតីតប្រធានគណបក្សសង្គ្រោះជាតិ បានផ្តែផ្តាំឱ្យមេឃុំនិងចៅសង្កាត់ទើបជាប់ឆ្នោតថ្មីគោរពតាមគោលនយោបាយដែលបានដាក់ចេញក្នុងអំឡុងពេលឃោសនា ហើយខិតខំបម្រើពលរដ្ឋនៅក្នុងមូលដ្ឋានរបស់ខ្លួន។ លោក សម រង្ស៊ី បានសង្កត់ធ្ងន់ថា ដោយសាតែមេឃុំនិងចៅសង្កាត់មកពីគណបក្សកាន់អំណាចធ្វើឲ្យប្រជាពលរដ្ឋខកចិត្តនោះហើយ ទើបប្រជាពលរដ្ឋឈប់បោះឆ្នោតគាំទ្រគណបក្សកាន់អំណាច ដូច្នេះមន្រ្តីគណបក្សសង្រ្គោះជាតិត្រូវយល់ពីបញ្ហាទាំងនេះហើយដោះស្រាយឲ្យមានប្រសិទ្ធភាព។

យ៉ាងណាក្តីមន្រ្តីជាន់ខ្ពស់គណបក្សសង្រ្គោះជាតិ ថ្មីៗនេះបានពន្យល់ទៅកាន់ប្រជាពលរដ្ឋនិងសាធារណមតិថា គោលនយោបាយមួយចំនួនដែលផ្សព្វផ្សាយដោយគណបក្សសង្រ្គោះជាតិកន្លងមកមិនទាន់អាចយកទៅអនុវត្តន៍តាំងស្រុងបានទេ ដរាបគណបក្សសង្រ្គោះជាតិ មិនទាន់បានកាន់អំណាចដឹកនាំរដ្ឋាភិបាលនិងប្រទេសជាតិ ។ ដូច្នេះសូមកុំមានការភ័ន្តច្រឡំថា គណបក្សសង្រ្គោះជាតិ សន្យាឬដាក់ចេញនូវគោលនយោបាយតែមិនបានយកទៅអនុវត្តន៍ ខណៈដែលបច្ចុប្បន្នគណបក្សសង្រ្គោះជាតិនៅជាគណបក្សជំទាស់នៅឡើយ។

មន្រ្តីជាន់ខ្ពស់គណបក្សសង្រ្គោះជាតិ បានសង្កត់ធ្ងន់ថា គោលនយោបាយដែលដាក់ចេញដោយគណបក្សសង្រ្គោះជាតិ គឺត្រឹមត្រូវស្របតាមស្ថានភាពសេដ្ឋកិច្ច នយោបាយ និងសង្គមនៅកម្ពុជា ទើបទទួលបានការគាំទ្រពីប្រជាពលរដ្ឋ។ ដូច្នេះបើមន្រ្តីជាន់ខ្ពស់គណបក្សសង្រ្គោះជាតិអនុវត្តន៍គោលនយោបាយទាំងនោះបានល្អ និងមានប្រសិទ្ធភាព វាមិនត្រឹមតែទទួលការគាំទ្រពីប្រជាពលរដ្ឋនោះទេ តែក៏ជួយជំរុញឲ្យប្រទេសកម្ពុជា និងជីវភាពប្រជាពលរដ្ឋកម្ពុជារីកចម្រើនលើផ្លូវត្រឹមត្រូវ និងវិជ្ជមានយ៉ាងឆាប់រហ័សផងដែរ៕

IMG_2355

Source link

x

Check Also

បទល្មើស​ព្រៃឈើ​ក្នុង​ខេត្តក្រចេះ សមត្ថកិច្ច​បង្ក្រាប​មិនចេះ​អស់​

កាលពី​យប់​ថ្ងៃទី​១៨ ខែតុលា ឆ្នាំ​២០១៧ កម្លាំង​អាវុធហត្ថ​ខេត្តក្រចេះ បាន​បង្ក្រាប​បទល្មើស​ព្រៃ​ឈើ​មួយ​ករណី ...

សហភាព​អន្តរ​សភា​ព្រមាន​បក្ស​កាន់អំណាច​កុំ​ឱ្យ​រំលាយ​បក្ស​សង្គ្រោះជាតិ

គណៈកម្មាធិការ​ទទួល​បន្ទុក​សិទ្ធិ​មនុស្ស​នៃ​ក្រុម​អ្នក​តំណាងរាស្ត្រ​របស់ ​IPU ​ក៏​បាន​បង្ហាញ​នូវ​ក្ដី​បារម្ភ​អំពី​ស្ថាន​ការណ៍​អ្នក​តំណាង​រាស្ត្រ​បក្ស​សង្គ្រោះ​ជាតិ​ក្នុង សេចក្ដី​ថ្លែង​ហេតុ​ប្រាប់​សម័យ​ប្រជុំ​ពេញ​អង្គ​របស់ IPU ...