លោក សម រង្ស៊ី បញ្ជាក់ថា ប្រជាពលរដ្ឋខេត្តបាត់ដំបង សង្ឃឹមនិងជឿជាក់លើគណបក្សសង្គ្រោះជាតិ

អតីតប្រធានគណបក្សសង្រ្គោះជាតិ លោក សម រង្ស៊ី បានបញ្ជាក់នៅថ្ងៃនេះថា ប្រជាពលរដ្ឋឃុំតាគ្រាម ស្រុកបាណន់ ខេត្តបាត់ដំបង បានសម្តែងក្តីសង្ឃឹមនិងជឿជាក់លើគណបក្សសង្គ្រោះជាតិ ដើម្បីជួយស្រោចស្រង់ និងសង្គ្រោះពួកគាត់ឲ្យចាកចេញពីភាពក្រីក្រនិងចំណាកស្រុក។

ប្រជាពលរដ្ឋខេត្តបាត់ដំបង បានពន្យល់ថាមូលហេតុដែលពួកគាត់បានសម្តែងក្តីសង្ឃឹម និងជឿជាក់លើគណបក្សសង្គ្រោះជាតិ ដើម្បីជួយស្រោចស្រង់និងសង្គ្រោះពួកគាត់ចាកចេញពីភាពក្រីក្រ និងចំណាកស្រុក ក៏ដោយសារតែពួកគាត់អស់សង្ឃឹមលើគណបក្សប្រជាជនកម្ពុជាដែលជាគណបក្សកាន់អំណាច ហើយពួកគាត់មានក្តីសង្ឃឹមតែមួយគត់ទៅលើគណបក្សសង្រ្គោះជាតិក្នុងការដឹកនាំប្រទេស។

អំពើពុករលួយ អភិបាលកិច្ចមិនល្អ កសិកម្មអន់ថយ ភាពក្រីក្រ អត់ការងារធ្វើ និងបញ្ហាចំណាកស្រុកទៅធ្វើការនៅប្រទេសសៀមកាន់តែច្រើនឡើងជាដើម គឺជាមូលហេតុដែលធ្វើឲ្យប្រជាពលរដ្ឋខេត្តបាត់ដំបងអស់ក្តីសង្ឃឹមទៅលើក្រុមអ្នកកាន់អំណាចបច្ចុប្បន្ន។ ប្រជាពលរដ្ឋបានបញ្ជាក់ថា ពួកគាត់ពិតជាអស់ក្តីសង្ឃឹមទៅលើគណបក្សកាន់អំណាច ព្រោះដឹកនាំប្រទេសរាប់សិបឆ្នាំមកហើយតែប្រជាពលរដ្ឋនៅតែក្រីក្រដដែល។

ក្នុងពេលដែលសង្គមកម្ពុជាត្រូវគេសង្កេតឃើញថាមានប្រជាពលរដ្ឋក្រីក្រភាគច្រើន ហើយកម្រិតជីវភាពរវាងអ្នកមាននិងអ្នកក្រមានគម្លាតឆ្ងាយពីគ្នានោះ លោក សម រង្ស៊ី បានបញ្ជាក់ថា គណបក្សសង្គ្រោះជាតិនឹងតស៊ូជាមួយប្រជាពលរដ្ឋក្រីក្រ ពិសេសកសិករក្រីក្រ ដើម្បីការពារផលប្រយោជន៍របស់ប្រជាពលរដ្ឋក្រីក្រ និងជំរុញឲ្យមានយុត្តិធម៌នៅក្នុងសង្គមដែលកំពុងញាំញីដោយភាពអយុត្តិធម៌និងការឈឺចាប់។

អតីតប្រធានគណបក្សសង្រ្គោះជាតិ លោក សម រង្ស៊ី បានសង្កត់ធ្ងន់ថា និន្នាការនៃការផ្លាស់ប្តូរមិនអាចទប់ស្កាត់បានឡើយ ព្រោះអីប្រជាពលរដ្ឋខ្មែរភាគច្រើនចង់បានការផ្លាស់ប្តូរជាវិជ្ជមានតាមរយៈការបោះឆ្នោត ។ មូលហេតុដែលជំរុញឲ្យប្រជាពលរដ្ឋចង់ឃើញការផ្លាស់ប្តូរនៅកម្ពុជានោះរួមមានជាអាទិ៍ អំពើពុករលួយ អំពើអយុត្តិធម៌ ភាពក្រីក្រ សេដ្ឋកិច្ច កសិកម្ម ពាណិជ្ជកម្មទន់ខ្សោយ បញ្ហាចំណាកស្រុក និងបញ្ហាប្រជាពលរដ្ឋអត់ការងារធ្វើដែលធ្វើឲ្យប្រជាពលរដ្ឋអស់ជំនឿចិត្តលើក្រុមអ្នកកាន់អំណាចបច្ចុប្បន្ន៕

IMG_0255

Source link

x

Check Also

ដោយសារ​មាន​ខ្នងបង្អែក​រឹងមាំ​ទើប​មេ​ឈ្មួញ សឹង សំអុល អាច​បន្តសកម្មភាព​ដឹកជញ្ជូន​ឈើ​ចេញទៅ​ស្រុក​យួន​យ៉ាង​ពេញបន្ទុក​

ប្រភពពី​សមត្ថកិច្ច​ពា​ក់​ព័ន្ធ​ក្នុង​ខេត្តមណ្ឌលគិរី បាន​ឲ្យ​ដឹងថា បច្ចុប្បន្ន​មេ​ឈ្មួញ សឹង សំអុល ...

មេ​ឈ្មួញ គង់ ក្រឹ​ង កំពុង​ធ្វើ​ឲ្យ​ព្រៃឈើ​នៅ​តំបន់​ភូមិភាគ​ឦសាន​ប្រឈម​នឹង​សេចក្ដី​វិនាស

​ប្រភពពី​ប្រជាពលរដ្ឋ​រស់នៅ​តាម​តំបន់​ព្រំដែន​ក្នុង​ឃុំ​២​ធ្នូ ស្រុក​ស្នួល ខេត្តក្រចេះ បាន​ឲ្យ​ដឹងថា​បច្ចុប្បន្ន​មេ​ឈ្មួញ គង់ ...