លោក សម រង្ស៊ី បញ្ជាក់ថា ការដឹកនាំប្រទេសតាមរបបកុម្មុយនិស្ត បានគំរាមកំហែងកម្ពុជា

ថ្មីៗនេះលោក សម រង្ស៊ី អតីតប្រធានគណបក្សសង្រ្គោះជាតិ បានបញ្ជាក់ថា ឡេនីន (មេដឹកនាំកុម្មុយនិស្តមុនគេ នៅសហភាពសូវៀត) ៖ ” សុខចិត្តផ្តន្ទាទោសមនុស្សស្លូតត្រង់១០០នាក់ ជាជាងឲ្យខ្មាំងម្នាក់រួចខ្លួន “។ ចាប់តាំងពីឆ្នាំ ១៩១៧ (ឆ្នាំបដិវត្តន៍កុម្មុយនិស្តនៅប្រទេសរុស្ស៊ី ដែលក្លាយទៅជាសហភាពសូវៀត) របបកុម្មុយនិស្តទាំងអស់ក្នុងពិភពលោកពី ស្តាលីន ដល់ ប៉ុល ពត និង ហ៊ុន សែន បានធ្វើតាមដំបូន្មាន របស់ឡេនីន។

លោក សម រង្ស៊ី បានពន្យល់ថា ការដែលមិនបានដឹកនាំប្រទេសកម្ពុជាតាមគន្លងប្រជាធិបតេយ្យនឹងអាចធ្វើឲ្យប្រទេសកម្ពុជាធ្លាក់ចូលទៅក្នុងរបបដឹកនាំប្រទេសតាមបែបផ្តាច់ការឬកុម្មុយនិស្ត ហើយទំនាក់ទំនងជាមួយមហាអំណាចប្រជាធិបតេយ្យក៏មិនបានរឹងមាំដែលបញ្ហាទាំងនេះបានគំរាមកំហែងដល់ការអភិវឌ្ឍប្រទេសកម្ពុជា ព្រោះមហាអំណាចប្រជាធិបតេយ្យជាម្ចាស់ជំនួយដ៏សំខាន់សម្រាប់កម្ពុជា។

អតីតប្រធានគណបក្សសង្រ្គោះជាតិ លោក សម រង្ស៊ី បានសង្កត់ធ្ងន់ថា ការដឹកនាំប្រទេសតាមរបបកុម្មុយនិស្តបានគំរាមកំហែងកម្ពុជា ជាក់ស្តែងក្នុងប្រវត្តិសាស្រ្តបង្ហាញថានៅពេលកម្ពុជាកាន់របបកុម្មុនិស្តប្រទេសជាតិអន្តរាយ និងប្រជាពលរដ្ឋក៏អន្តរាយផងដែរ។ ដូច្នេះមានតែប្រទេសកាន់លទ្ធិប្រជាធិបតេយ្យនៅលោកខាងលិចទេ ដែលអាចជួយប្រទេសកម្ពុជាបាន ក្នុងការពង្រឹងលទ្ធិប្រជាធិបតេយ្យនិងការអភិវឌ្ឍបានល្អ។

ចំណែកលោក អេង ឆៃអ៊ាង អនុប្រធានគណបក្សសង្រ្គោះជាតិ ក៏បានបញ្ជាក់ដែរថា របបដឹកនាំប្រទេសកម្ពុជា និងក្រុមមេដឹកនាំប្រទេសកម្ពុជាសព្វថ្ងៃនេះមិនទាន់ដើរតាមគន្លងលទ្ធិប្រជាធិបតេយ្យនៅឡើយទេដែលបញ្ហានេះហើយគឺជាឧបសគ្គរាំងស្ទះដល់ការអភិវឌ្ឍប្រទេសកម្ពុជាលើគ្រប់វិស័យ។ ដូច្នេះប្រទេសមហាអំណាចប្រជាធិបតេយ្យជាច្រើន រួមទាំងអង្គការសហប្រជាជាតិផងនោះ ក៏បានសន្យាជួយអភិវឌ្ឍន៍ប្រទេសកម្ពុជាតាមគន្លងប្រជាធិបតេយ្យផងដែរ៕

IMG_0632

Source link

x

Check Also

លោក​អ៊ួ​ន​ឈិន​អតីត​អ្នកយក​ព​តិ​មាន​វិទ្យុ​អាស៊ីសេរី​ជា​តារាភាពយន្ត​ស៊ិ​ច​?!

​ភ្នំពេញ​៖​បន្ទាប់ពី​ត្រូវ​នាំយកទៅ​ឃុំខ្លួន​នៅ​គុក​ព្រៃ​ស​ក្រោម​បទ​ចោទថា​ពីបទ «​ប្រគល់​ឲ្យ​រដ្ឋ​បរទេស​នូវ​ព័ត៌មាន​ជាអាទិ៍​ដែល​បង្ក​ឲ្យ​មានការ​អន្តរាយ​ដល់​ការ​ការពារជាតិ​»​ដែល​អាច​ត្រូវ​ផ្តន្ទាទោស​ដាក់ពន្ធនាគារ​ពី​៧ (​ប្រាំពីរ​) ឆ្នាំ ទៅ​១៥ ...

ថ្លើមធំ​ណាស់ ! ប្រធាន​រាជបណ្ឌិត្យសភា​វិជ្ជាជីវៈ​តុលាការ​ហ៊ាន​រំលោភបំពាន​នាយករដ្ឋមន្ត្រី​ក្នុង​រឿង​ប្រើប្រាស់​អក្សរ​ខ្មែរ​មិន​ត្រឹមត្រូវ​តាម​វចនានុក្រម

ក្រោយ​តុលាការ​កំពូល​វិនិច្ឆ័យ​សេចក្តី​ចេញ​សាលដីកា​លេខ​៣៤០(​ឆ​) ចុះ​ថ្ងៃទី​១៦ ខែវិច្ឆិកា ឆ្នាំ​២០១៧ សម្រេច​រំលាយ​គណបក្ស​សង្គ្រោះ​ជាតិ ...