លោក ប៉ុល ហំម បញ្ជាក់ថា គណបក្សសង្រ្គោះជាតិមិនមែនចេះតែសន្យាចោលទេ គឺមានអ្នកជំនាញគ្រប់គ្រាន់សម្រាប់ដឹកនាំឃុំ-សង្កាត់ ឲ្យរីកចម្រើន

អនុប្រធានគណបក្សសង្រ្គោះជាតិ លោក ប៉ុល ហំម នៅថ្ងៃនេះបានបញ្ជាក់ថា គណបក្សសង្រ្គោះជាតិមិនមែនចេះតែសន្យាចោលដើម្បីគ្រាន់តែចង់ទាក់ទាញការគាំទ្រប៉ុណ្ណោះទេ គឺគណបក្សមានគោលនយោ បាយច្បាស់លាស់ និងមានមន្រ្តីគណបក្សដែលមានសមត្ថភាពជាអ្នកជំនាញពិតប្រាកដដែលអាចធ្វើឲ្យគោលនយោបាយដែលដាក់ចេញដោយគណបក្សសង្រ្គោះជាតិនឹងអាចអនុវត្តន៍ដោយប្រសិទ្ធភាពខ្ពស់។

លោក ប៉ុល ហំម បានពន្យល់ថា គណបក្សសង្រ្គោះជាតិ មានមន្រ្តីនិងអ្នកជំនាញដែលក្នុងនោះមានទាំងអ្នកសេដ្ឋកិច្ច អ្នកច្បាប់ អ្នកពាណិជ្ជកម្ម សង្គម រដ្ឋបាល និងការទូតជាដើមដែលធ្វើឲ្យគណបក្សសង្រ្គោះជាតិរឹងមាំនិងអនុវត្តន៍គោលនយោបាយរបស់ខ្លួនដែលបានផ្សព្វផ្សាយកន្លងមកនោះអនុវត្តន៍ទៅរួចនិងទទួលបានលទ្ធផលជាក់ស្តែង។ លោក ប៉ុល ហំម បានសង្កត់ធ្ងន់ថា មន្រ្តីមានសមត្ថភាពក្នុងជួររដ្ឋាភិបាលបច្ចុប្បន្នទាំងថ្នាក់ជាតិ និងថ្នាក់ក្រោមជាតិក៏ចង់ធ្វើការជាមួយគណបក្សសង្រ្គោះជាតិផងដែរ។

សព្វថ្ងៃនេះមានការយល់ឃើញពីរផ្ទុយគ្នាគឺមួយយល់ថាការអភិវឌ្ឍបច្ចុប្បន្នគឺគ្រប់គ្រាន់ហើយរីឯមតិមួយទៀតយល់ថាមិនទាន់គ្រប់គ្រាន់នោះទេដែលត្រូវតែធ្វើការផ្លាស់ប្តូរ។ ចំពោះមុខបញ្ហាខាងលើនេះលោក ប៉ុល ហំម បានពន្យល់ថា សំខាន់ពលរដ្ឋបោះឆ្នោតចង់ឲ្យមានការផ្លាស់ប្តូរមានការកើនឡើងដែលបង្ហាញច្បាស់ថាការដឹកនាំបច្ចុប្បន្នមិនត្រឹមត្រូវទើបធ្វើឲ្យប្រជាពលរដ្ឋចង់បានការផ្លាស់ប្តូរមេដឹកនាំថ្មី។

ជុំវិញបញ្ហាខាងលើនេះ លោក ប៉ុល ហំម អនុប្រធានគណបក្សសង្រ្គោះជាតិ មានប្រសាសន៍ថាសូមប្រជាពលរដ្ឋខ្មែរកុំមានការព្រួយបារម្ភរឿងបោះឆ្នោតហើយមានសង្រ្គាម ព្រោះគណបក្សសង្រ្គោះជាតិប្រកាន់ខ្ជាប់នូវវប្បធម៌សន្តិភាព និងអហិង្សា ដូច្នេះប្រជាពលរដ្ឋមិនត្រូវចាញ់សម្លុតឬការបំភិតបំភ័យរបស់ក្រុមអ្នកកាន់អំណាចបច្ចុប្បន្នឡើយ។ លោក ប៉ុល ហំម បានបន្ថែមថា បើមានសង្រ្គាមតើគេធ្វើសង្រ្គាមជាមួយអ្នកណា បើគណបក្សសង្រ្គោះជាតិគ្មានទ័ពនិងគ្មានអាវុធផងនោះ ហើយគណបក្សសង្រ្គោះជាតិក៏ចង់បានអំណាចតាមរយៈការបោះឆ្នោតដោយយុត្តិធម៌ ដើម្បីដឹកនាំប្រទេសកម្ពុជាឆ្ពោះទៅរកភាពសម្បូររុងរឿង៕

18600714_1165095680303391_570715442_n

Source link

x

Check Also

លោក ទី ប៊ុន​ឡង់ អាងខ្នង​បង្អែក​ធំ​ជាង​អគ្គនាយក​គយ ទើប​ហ៊ាន​ប្រព្រឹត្ត​អំពើពុករលួយ ដោយ​គ្មាន​ញញើត​អ្វី​ទាំងអស់​

មួយរយៈ​កន្លងទៅនេះ​ក្រុម​ឈ្មួញ​និង​អាជីវករ​មួយចំនួន​ដែល​រកស៊ី​នាំ​ទំនិញ​ពី​ប្រទេស​សៀម​ចូល​តាម​ច្រកទ្វារ​អន្តរជាតិ​ព្រំ ខេត្ត​ប៉ៃលិន បាន​អំពាវនាវ​ឲ្យ​លោក អូន ព័ន្ធមុនីរ័ត្ន ...

លោក ប៊ុន សេង មេបញ្ជាការ​យោធា​យោធភូមិភាគ​៥ រង​ការ​រិះគន់ថា​បើកដៃ​ឲ្យ​ឧ​ត្ត​ម​សេនីយ៍​យោធា​ឈ្មោះ ឃួន ជឿន និង​បក្ខពួក​ធ្វើ​អ្វីៗ​តាម​អំពើ​ចិត្ត​

ប្រភពពី​ប្រជាពលរដ្ឋ​នៅ​ឃុំ​អូរ​បី​ជាន់ ស្រុក​អូរជ្រៅ ខេត្តបន្ទាយមានជ័យ បាន​ឲ្យ​ដឹង ថា​មកដល់ពេលនេះ​ឈ្មួញ​នៅតែ​អាច​នាំចូល​ទំនិញគេចពន្ធ​និង​ទំនិញ​ខុសច្បាប់​ចូល​តាម​ច្រក​អូរ​បី​ជាន់ ...