Don't Miss

លោក ទិ​ត្យ ណា​រ៉ុង ស្នងការ​នគរបាល​ខេត្តសៀមរាប នៅតែ​បណ្ដោយ​ឲ្យ​ល្បែងស៊ីសង​កើតឡើង​យ៉ាង​អនាធិបតេយ្យ​

ប្រជាពលរដ្ឋ​រស់នៅក្នុង​សង្កាត់​ស្លក្រាម ក្រុង​សៀមរាប ខេត្តសៀមរាប បាន​ឲ្យ​ដឹងថា​នៅក្នុង​មូលដ្ឋាន​ពួកគាត់​ល្បែង​កន្ទុយលេខ​និង​ល្បែងស៊ីសង​ផ្សេងៗ​ទៀត​ដូចជា បៀ​អាប៉ោង និង​ក្ដាម​ឃ្លោក​ជាដើម កើតឡើង​យ៉ាង​អនាធិបតេយ្យ​ធ្វើ​ឲ្យ​ប៉ះពាល់​យ៉ាងខ្លាំង​ដល់​សន្តិសុខ​សង្គម​។ មានការ​រិះគន់​ចំៗ​ថា​មេ​នគរបាល​ប៉ុស្ដិ៍​សង្កាត់​ស្លក្រាម ក​ក៏ដូចជា​អធិការនគរបាល​ក្រុង​សៀមរាប និង​លោក ទិ​ត្យ ណា​រ៉ុង ស្នងការ​នគរបាល​ខេត្តសៀមរាប មិន​យកចិត្តទុកដាក់​បង្ក្រាប​ល្បែងស៊ីសង​ដើម្បី​ពង្រឹង​សន្តិសុខ​សង្គម​ឲ្យ​ស្របទៅតាម​គោលនយោបាយ​ភូមិ​-​ឃុំ​មាន​សុវត្ថិភាព​ទាំង​៩​ចំណុច​របស់​រដ្ឋាភិបាល​នោះទេ​។ ដូច្នេះ​ថ្នាក់ដឹកនាំ​ក្រសួងមហាផ្ទៃ និង​នាយ​ឧ​ត្ត​ម​សេនីយ៍ នេ​ត សាវឿន អគ្គស្នងការ​នគរបាល​ជាតិ មិនគួរ​មើលរំលង​ភាព​អសកម្ម​របស់លោក ទិ​ត្យ ណា​រ៉ុង ស្នងការ​នគរបាល​ខេត្តសៀមរាប តទៅទៀត​ឡើយ​។

​តាម​ការអះអាង​របស់​ប្រជាពលរដ្ឋ​ក្នុងភូមិ​បឹង​ដូន​ប៉ា សង្កាត់​ស្លក្រាម ក្រុង​សៀមរាប បាន​ឲ្យ​ដឹងថា​នៅ​មិន​ឆ្លា​យ​ប៉ុន្មាន​ពី​ស្នាក់ការ​ប៉ុស្ដិ៍​រដ្ឋបាល​នគរបាល​ស​ង្កា​ត់​ស្លក្រាម មាន​គេ​បើក​ល្បែងស៊ីសង​យ៉ាង​អនាធិបតេយ្យ ដោយ​គ្មាន​មន្ត្រី​អាជ្ញាធរ​និង​សមត្ថកិច្ច​ក្នុង​មូលដ្ឋាន​ចាត់វិធានការ​បង្ក្រាប​ឡើយ​។ អ្នកបើក​ល្បែងស៊ីសង​ឈ្មោះ តុង នៅក្នុង​ភូមិ​បឹង​ដូន​ប៉ា មាន​ទំនាក់ទំនង​យ៉ាង​ជិតស្និទ្ធ​ជាមួយ​មេ​នគរបាល​សង្កាត់​ស្លក្រាម ក៏ដូចជា​អធិការនគរបាល​ក្រុង​សៀមរាប ទើប​អាច​បើក​ល្បែងស៊ីសង​ស្រេច​តែ​អំពើ​ចិត្ត​។ បញ្ហា​នេះ​គឺជា​រឿង​ដែល​លោក ឃឹម ប៊ុន​សុង អភិបាលខេត្ត​សៀមរាប មិនគួរ​បណ្ដែតបណ្ដោយ​តទៅទៀត​ទេ ព្រោះ​នៅ​ខេត្តសៀមរាប បច្ចុប្បន្ន​បទល្មើស​ផ្សេងៗ​ដូចជា ល្បែងស៊ីសង អំពើចោរកម្ម និង​បទល្មើស​ជួញដូរ​ចែកចាយ​ប្រើប្រាស់​គ្រឿងញៀន​រាលដាល​យ៉ាង​ពេញបន្ទុក​។

​ប្រជាពលរដ្ឋនៅក្នុង​សង្កាត់​ស្វាយដង្គំ ក្រុង​សៀមរាប ក៏បាន​ឲ្យ​ដឹង​ដែរ​ថា​នៅក្នុង​មូលដ្ឋាន​ពួកគាត់​មាន​បើក​ល្បែងស៊ីសង​បៀ​អាប៉ោង និង​ក្ដាម​ឃ្លោក​ទ្រង់ទ្រាយ​ធំ​នៅក្នុង​អតីត​ហាង​យីហោ​៨៨៨៨ ខាងក្រោយ​ស្តា​ត​ចាស់​ហើយ​មិនទាន់​ឃើញ​លោក ដេ​ត មេ​ប៉ុស្ដិ៍នគរបាល​សង្កាត់​ស្វាយដង្គំ ចាត់វិធានការ​ទប់ស្កាត់​នោះទេ​។ ប្រជាពលរដ្ឋ​សង្ស័យថា​មេ​ប៉ុស្ដិ៍នគរបាល​សង្កាត់​ស្វាយដង្គំ និង​អធិការនគរបាល​ក្រុង​សៀមរាប ព្រមទាំង​លោក ទិ​ត្យ ណា​រ៉ុង ស្នងការ​នគរបាល​ខេត្តសៀមរាប ជាប់​ពាក់ព័ន្ធ​ផលប្រយោជន៍​ទើប​មិន​បង្ក្រាប​ល្បែងស៊ីសង​តាម​តួនាទី​របស់ខ្លួន​។ ជុំវិញ​បញ្ហា​នេះ​ប្រជាពលរដ្ឋ​អំពាវនាវ​យ៉ាងទទូច​ឲ្យ​ថ្នាក់ដឹកនាំ​ក្រសួងមហាផ្ទៃ និង​អគ្គស្នងការ​នគរបាល​ជាតិ ចាត់វិធានការ​ពង្រឹង​សន្តិសុខ​សង្គម​នៅ​ខេត្តសៀមរាប ជាបន្ទាន់​ជាពិសេស​គឺ​នៅ​ក្រុង​សៀមរាប ព្រោះ​កន្លងមក​ការបង្ក្រាប​របស់​សមត្ថ​កិច្ច​ក្នុង​ខេត្តសៀមរាប គ្រាន់តែ​ធ្វើ​ឲ្យ​ល្អមើល​ខ្លះៗ​ប៉ុណ្ណោះ ក្នុងខណៈដែល​ល្បែងស៊ីសង​ច្រើន​ប្រភេទ​នៅតែ​កើតមាន​យ៉ាង​អនាធិបតេយ្យ​៕

police-tong-242x500លោក ទិត្យ ណារ៉ុង ស្នងការនគរបាលខេត្តសៀមរាប
game-t-d-375x500 game-tong-500x375 game-tong1-500x375

Source link

x

Check Also

​បញ្ជូន​យោធា​ម្នាក់​ប្រើប្រាស់​រថយន្ត​ព័ណ៌​ត្រីអ៊ី និង​ក្លែង​ស្លាក​លេខ​ទៅ​តុលាការ​

រាជធានី​ភ្នំពេញ ៖ នៅ​ព្រឹក​ថ្ងៃទី​២១ ខែ​កុម្ភៈ ឆ្នាំ​២០១៨​នេះ​សមត្ថកិច្ច​បាន​បញ្ជូន​ខ្លួន​ជនសង្ស័យ​ម្នាក់ ...

បទល្មើស​ជួញដូរ​ចែកចាយ​ប្រើប្រាស់​គ្រឿងញៀន​កំពុង​បំផ្លាញ​សន្តិសុខ​សង្គម​គួរ​ឲ្យ​ភ័យខ្លាច​

ប្រជាពលរដ្ឋ​ខ្មែរ​ទូទាំងប្រទេស​កំពុង​មាន​សេចក្ដី​ព្រួយបារម្ភ​យ៉ាងខ្លាំង​ពី​បញ្ហា​អសន្តិសុខ​សង្គម​ដែល​កើតចេញពី​បទល្មើស​គ្រឿងញៀន បើទោះបី​សមត្ថកិច្ច​នៅ​ទូទាំងប្រទេស​កំពុង​អនុវត្តន៍​យុទ្ធនាការ​ប្រយុទ្ធប្រឆាំង​គ្រឿងញៀន​យ៉ាងណាក៏ដោយ​។ រយៈពេល​ជាង​មួយឆ្នាំ​កន្លងទៅនេះ​សមត្ថកិច្ច​ក្នុង​រាជធានី​ភ្នំពេញ និង​តាម​បណ្ដា​ខេត្ត​នានា​ចាត់វិធានការ​បង្ក្រាប​ប​ទ​ល្មើស​ជួញដូរ​ចែកចាយ​ប្រើប្រាស់​គ្រឿងញៀន​បាន​រាប់ពាន់​ករណី​ហើយ​ឃាត់ខ្លួន​ជនសង្ស័យ​សរុប​រាប់ម៉ឺន​នាក់​និង​រឹបអូស​វត្ថុតាង​គ្រឿងញៀន​បាន​យ៉ាងច្រើន​ផងដែរ​។ ទោះជា​យ៉ាងណា​មកដល់​បច្ចុប្បន្ន​បទល្មើស​ជួញដូរ​ចែកចាយ​ប្រើប្រាស់​គ្រឿងញៀន​ហាក់ដូចជា​មិនទាន់មាន​ការថយចុះ​នៅឡើយ​ទេ ...