លោក កឹម សុខា បញ្ជាក់ថា ស្រ្តីជាភេទទន់ខ្សោយជាងបុរស តែអាចមានសមត្ថភាពការងារលើបុរស

ថ្មីៗនេះលោក កឹម សុខា ប្រធានគណបក្សសង្រ្គោះជាតិ បានបញ្ជាក់ថា បើទោះជាស្រ្តីជាភេទទន់ខ្សោយជាងបុរសពិសេសខាងកាយសម្បទាក៏ពិតមែន តែស្រ្តីមួយចំនួនអាចមានសមត្ថភាពលើបុរសទៀតផង ពិសេសសមត្ថភាពការងារខាងប្រើបញ្ញាជាដើម។ ដូចនេះហើយទើបគណបក្សសង្រ្គោះជាតិមានគោលនយោបាយលើកទឹកចិត្តដល់ស្រ្តីឲ្យចូលរួមការងារនយោបាយ សេដ្ឋកិច្ច និងសង្គមជាដើម។

លោក កឹម សុខា បានពន្យល់ថា បច្ចុប្បន្ននេះស្រ្តីមិនត្រូវបានក្រុមអ្នកកាន់អំណាចបច្ចុប្បន្នលើកទឹកចិត្តឲ្យបានទូលំទូលាយនោះទ ហើយមានករណីខ្លះស្រ្តីត្រូវបានគេបំបិទសិទ្ធសេរីភាពរំលោភបំពានទាំងផ្លូវកាយនិងផ្លូវចិត្ត។ ជាក់ស្តែងជនរងគ្រោះក្នុងជម្លោះដីធ្លី ការតស៊ូមតិផ្នែកបរិស្ថាន និងនយោបាយនាពេលកន្លងមក សមត្ថកិច្ចក្រោមការគ្រប់គ្រងរបស់រដ្ឋាភិបាលបានវាយបង្រ្កាបដោយហិង្សាក៏មានដែរ។

ចំពោះមុខបញ្ហាខាងលើនេះមន្រ្តីជាន់ខ្ពស់គណបក្សសង្រ្គោះជាតិកន្លងមក បានថ្លែងប្រាប់អ្នកសារព័ត៌មានថា បច្ចុប្បន្នស្រ្តីជាច្រើនបានចេញមុខតវ៉ាដោយសន្តិវិធីទាមទារសិទ្ធិដីធ្លី សិទ្ធិនយោបាយ និងសិទ្ធិស៊ីវិលផ្សេងៗទៀតជាច្រើន តែមិនត្រូវបានគាំទ្រដោយរដ្ឋាភិបាលគណបក្សប្រជាជនកម្ពុជានោះទេ។ ផ្ទុយទៅវិញស្រ្តីទាំងនោះត្រូវបានរារាំងគ្រប់រូបភាព និងមានការចាប់ដាក់ពន្ធនាគារយ៉ាងអយុត្តិធម៌ផងដែរ នោះក៏ដោយសារតែស្រ្តីទាំងនោះរិះគន់ពីកំហុសឆ្គងរបស់រដ្ឋាភិបាល។

មានការកត់សម្គាល់ទៀតថា សិទ្ធិរបស់ស្រ្តីគឺមានមួយឆ្នាំពេញមិនមែនមានតែថ្ងៃសិទ្ធិនារីនោះទេ ដូច្នេះការផ្តល់អំណោយបន្តិចបន្តួច ឬធ្វើពិធីជប់លៀងផ្សេងៗនោះ វាមិនមែនជាការផ្តល់តម្លៃឲ្យស្រ្តីឲ្យបានពេញលេញនោះទេ។ ជាក់ស្តែងនៅប្រទេសកម្ពុជាមានស្រ្តីច្រើនណាស់ដែលកំពុងតែជួបបញ្ហា គឺទាមទារឲ្យ រដ្ឋាភិបាលដោះស្រាយឲ្យមានទាន់ពេលវេលានិងមានប្រសិទ្ធភាព។ ទន្ទឹមនឹងនេះប្រទេសមួយដែលមានលទ្ធិប្រជាធិបតេយ្យរឹងមាំ និងមានការអភិវឌ្ឍយូរអង្វែង គឺច្រើនតែឲ្យតម្លៃខ្ពស់ទៅលើស្រ្តី ផ្តល់ឱកាសដល់ស្រ្តីក្នុងការចូលរួមសកម្មភាពនយោបាយ ការងារសង្គម និងសេដ្ឋកិច្ចដោយគ្មានការគាបសង្កត់៕

18579436_1165100953636197_770040984_n

Source link

x

Check Also

រឿង​កំប្លែង ! បង្ក្រាប​សង្វៀន​បញ្ជល់មាន់​គ្រប់គ្រង​ដោយ​ក្មួយ​ប្រសា​នាយករដ្ឋមន្ត្រី​ដែល​ដំណើរការ​ជាង​១​ឆ្នាំ​មកហើយ ដូច​បំបាក់មុខ​សមត្ថកិច្ច​មូលដ្ឋាន​

​កាលពី​ថ្ងៃទី​០៤ ខែធ្នូ ឆ្នាំ​២០១៧​កន្លងទៅ​ថ្មីៗ​នេះ សមត្ថកិច្ច​រាប់សិប​នាក់​ត្រូវបាន​ចាត់​បញ្ជូន​ឲ្យ​ទៅ​បង្ក្រាប​សង្វៀន​បញ្ជល់មាន​ដ៏​ធំ​មួយកន្លែង​ឋិត​នៅ​ភូមិ​ខ្សាច់ ឃុំ​អរិយ​ក្សត្រ ...

ព្រះ​សង្ឃរាជ​ទេព វង្ស​ ​ប្រាប់​ព្រះសង្ឃ​និង​ពលរដ្ឋ​​ខ្មែរ​ឱ្យ​បោះឆ្នោត​ឱ្យ​គណបក្ស​កាន់អំណាច

មន្ត្រី​សង្ឃ​ជាន់​ខ្ពស់​ផុត​លេខនៃ​ប្រទេស​កម្ពុជា​ នៅ​សប្តាហ៍​នេះ​ បាន​អំពាវ​នាវ​ឱ្យ​ប្រជា​ពល​រដ្ឋ​ ព្រះ​សង្ឃ​ទូទាំង​ប្រទេស​កម្ពុជាបោះឆ្នោតឱ្យ​គណបក្ស​គ្រប់គ្រង​អំណាច​របស់​លោក​ ​ហ៊ុន ...