លោក កឹម សុខា បញ្ជាក់ថា ខ្មែរ​គ្រប់រូប​គប្បី​រួបរួម​ដើម្បី​ផ្លាស់ប្ដូរ តស៊ូ​ដើម្បី​សង្គ្រោះ​ជាតិ

ប្រធាន​គណបក្ស​សង្គ្រោះ​ជាតិ លោក កឹម សុខា នៅថ្ងៃនេះ​បញ្ជាក់ថា ខ្មែរ​គ្រប់រូប​គប្បី​រួបរួម​ដើម្បី​ផ្លាស់ប្ដូរ តស៊ូ​ដើម្បី​សង្គ្រោះ​ជាតិ​។ លោក កឹម សុខា បាន​បន្ថែមថា ពី​ពេលនេះ​រហូត​ដល់ពេល​បោះឆ្នោត​គោលនយោបាយ​របស់​គណ​បក្ស​សង្គ្រោះ​ជាតិ គឺ​ធ្វើការ​បង្រួបបង្រួម​គ្នា​ក្នុង​ជួរ​ថ្នាក់ដឹកនាំ​គណបក្ស​សង្គ្រោះ​ជាតិ​គ្រប់​ជាន់ថ្នាក់​ជាមួយ​ប្រពល​រដ្ឋ​ខ្មែរ​គ្រប់​ស្រទាប់វណ្ណៈ ដើម្បី​រួបរួមគ្នា​ជំរុញ​ឲ្យ​មានការ​ផ្លាស់ប្តូរ​ជា​វិជ្ជមាន​នៅ​ប្រទេស​កម្ពុជា​។

លោក កឹម សុខា បាន​បញ្ជាក់ថា ក្នុងនាម​គណបក្ស​សង្គ្រោះ​ជាតិ និង​ក្នុងនាម​លោក​ផ្ទាល់ លោក​សូម​អំពាវនាវ​ដល់​បង​ប្អូន​ជនរួមជាតិ​ខ្មែរ​ទាំងអស់ សូម​មេ​ត្ដា​បន្ដ​ពង្រឹង​និង​ពង្រីក​ការរួបរួម​គ្នា ដោយ​អហិង្សា ចូលរួម​ជាមួយ​គណបក្ស​សង្គ្រោះ​ជាតិ​ឲ្យ​កាន់តែ​ច្រើនឡើង​ថែមទៀត ដើម្បី​នាំមក​នូវ​ការផ្លាស់ប្ដូរ​ជា​វិជ្ជមាន តាមរយៈ​ការបោះឆ្នោត​នៅ​ឆ្នាំ​២០១៨​ខាងមុខនេះ​។

នៅ​ឆ្នាំ​២០១៨ ត្រូវបាន​ប្រធាន​គណបក្ស​សង្គ្រោះ​ជាតិ លោក កឹម សុខា ចាត់ទុកថា​អ្នកប្រជាធិបតេយ្យ​នឹង​ឈ្នះ​ការបោះឆ្នោត​ដើម្បី​នាំមក​នូវ​ការផ្លាស់ប្តូរ​ជា​វិជ្ជមាន​នៅ​ប្រទេស​កម្ពុជា ពីព្រោះ​ចរន្ត​នៃ​ការផ្លាស់ប្តូរ​ច្រើន​ឆ្នាំ​មកនេះ​នឹងមាន​ភាព​រីក​ធំធាត់​ដល់​កម្រិត​មួយ​ដែល​ធានា​ដល់​ការផ្លាស់ប្តូរ ហើយ​ក្រុម​អ្នកកាន់អំណាច​បច្ចុប្បន្ន​នឹង​ចាញ់​ការបោះឆ្នោត​នៅ​ឆ្នាំ​២០១៨​។

លោក កឹម សុខា បាន​ពន្យល់​ទៀតថា ច្រើន​ឆ្នាំ​មកនេះ​អ្នក​ប្រជា​ធិ​បេ​យ្យ និង​ប្រជាពលរដ្ឋ​ខ្មែរ​ភាគច្រើន​បាន​ជំនះ​រាល់​គ្រប់​ឧបសគ្គ​ដើម្បី​ជំរុញ​ឲ្យ​មានការ​ផ្លាស់ប្តូរ​ជា​វិជ្ជមាន​នៅ​ប្រទេស​កម្ពុជា​។ លោក កឹម សុខា បាន​សង្កត់ធ្ងន់ថា ក្រុម​អ្នកកាន់អំណាច​បច្ចុប្បន្ន​បាន​ប្រើប្រាស់​គ្រប់​រូបភាព ដើម្បី​គាបសង្កត់ និង​បំភិតបំភ័យ​អ្នកប្រជាធិបតេយ្យ តែ​ពួកគេ​មិនអាច​បញ្ឈប់​ចលនា​ដែល​ជំរុញ​ឲ្យ​មានការ​ផ្លាស់ប្តូរ​នៅ​ឆ្នាំ​២០១៨​បានឡើយ​៕

20187888_1217197205093238_1822392452_n

Source link

x

Check Also

អាជ្ញាធរ​និង​មន្ត្រី​ជំនាញ​ក្នុង​ខេត្តព្រះវិហារ មិន​ចាត់វិធានការ​ទប់ស្កាត់​បទល្មើស​កាប់​ឈើ​ក្នុងព្រៃ​ព្រះ​រកា​

​លោក អ៊ុន ចាន់​ដា អភិបាលខេត្ត​ព្រះវិហារ ក៏ដូចជា​ប្រធាន​មន្ទីរ​បរិស្ថាន ...

លោក សម​ រង្ស៊ី បញ្ជាក់ថាពលរដ្ឋនៅបឹងទំពុន ក្នុងខណ្ឌមានជ័យ កំពុងព្រួយបារម្ភពីបញ្ហាជីវភាពពួកគាត់     

ក្នុងពេលដែលដំណើរការបូមខ្សាច់លុបបឹងទំពុន កំពុងតែប្រព្រឹត្តទៅច្រើនឆ្នាំមកនេះលោក សម​ រង្ស៊ី អតីតប្រធានគណបក្សសង្រ្គោះជាតិ ...