មេ​រដ្ឋបាល​ព្រៃឈើ​ខេត្តរតនគិរី បើកដៃ​ឲ្យ​ឈ្មួញ​ឈ្មោះ ចែ​ណាត ដឹកជញ្ជូន​ឈើ​តាម​អំពើ​ចិត្ត​

សកម្មជន​ព្រៃឈើ​និង​ប្រជាពលរដ្ឋ​ក្នុង​ខេត្តរតនគិរី បាន​រិះគន់ថា លោក កែប កត់ នាយ​ខណ្ឌ​រដ្ឋបាល​ព្រៃឈើ​ខេត្តរតនគិរី មិន​ចាត់វិធានការ​ទប់ស្កាត់​បទល្មើស​កាប់​ឈើ ស្តុក​ឈើ និង​ដឹកជញ្ជូន​ឈើ​ខុសច្បាប់​ដែល​កំពុង​កើតឡើង​យ៉ាង​អនាធិបតេយ្យ​នោះទេ​។ ផ្ទុយទៅវិញ​ប្រភព​ខ្លះ​បាន​លើកឡើងថា លោក កែប កត់ គឺជា​ខ្នងបង្អែក​របស់​ឈ្មួញ​មួយចំនួន​ដែល​រកស៊ី​ដឹកជញ្ជូន​ឈើ​ខុសច្បាប់​ដើម្បី​ជា​ថ្នូរ​ទៅនឹង​ផលប្រយោជន៍​ជាប្រចាំ​។ ប្រការនេះ​លោក វេ​ង សាខុន រដ្ឋមន្ត្រី​ក្រសួងកសិកម្ម រុក្ខាប្រមាញ់​និង​នេសាទ គួរពិនិត្យមើល​ភាព​អសកម្ម​និង​អំពើពុករលួយ​របស់លោក កែប កត់ មេ​រដ្ឋបាល​ព្រៃឈើ​ខេត្តរតនគិរី ខ្លះ​ផង​ព្រោះ​បច្ចុប្បន្ន​បទ​ល្មើ​កាប់​ឈើ​និង​ដឹកជញ្ជូន​ឈើ​ខុសច្បាប់​ក្នុង​ទឹកដី​ខេត្តរតនគិរី មិនទាន់មាន​ការថយចុះ​នោះទេ​។

សេចក្ដីរាយការណ៍​ពី​ប្រជាពលរដ្ឋ​រស់នៅក្នុង​ក្រុង​បាន​លុង ខេត្តរតនគិរី បាន​ឲ្យ​ដឹងថា​កាលពី​វេលា​ម៉ោង​៦​ព្រឹក​ព្រលឹម ថ្ងៃទី​១៥ ខែកក្កដា ឆ្នាំ​២០១៧ ឈ្មួញ​ឈ្មោះ ចែ​ណាត បានធ្វើ​សកម្មភាព​ដឹកជញ្ជូន​ឈើ​តាម​រថយន្ត​ពី​ស្រុក​វ៉ឺ​ន​សៃ ចូលមក​ស្តុក​ទុក​ក្នុង​ក្រុង​បាន​លុង ដោយ​គ្មាន​សមត្ថកិច្ច​ឬ​មន្ត្រី​ជំនាញ​ណា​ត្រួតពិនិត្យ​ឡើយ​។ មន្ត្រីរាជការ​ក្នុង​ក្រុង​បាន​លុង បាន​ឲ្យ​ដឹងថា​ឈ្មួញ​ឈ្មោះ ចែ​ណាត មាន​ទំនាក់ទំនង​ជាមួយ​មន្ត្រី​ជំនាញ​និង​សមត្ថកិច្ច​ពាក់ព័ន្ធ​យ៉ាង​ជិតស្និទ្ធ​ទើប​អាចធ្វើ​អ្វីៗ​បាន​តាម​អំពើ​ចិត្ត ហើយ​សូម្បីតែ​លោក ថង សាវុន អភិបាលខេត្ត​រតនគិរី ក៏​រក្សា​ភាព​ស្ងៀមស្ងាត់​ដែរ​។ សកម្មភាព​របស់​ឈ្មួញ​ឈ្មោះ ចែ​ណាត កំពុង​បង្ក​ឲ្យ​មាន​បទល្មើស​កាប់​ឈើ​ក្នុងព្រៃ​សហគមន៍ ព្រៃ​ការពារ និង​ព្រៃ​អភិរក្ស​ក្នុងស្រុក​វ៉ឺ​ន​សៃ និង​ស្រុក​មួយចំនួនទៀត​យ៉ាង​ពេញបន្ទុក ព្រោះ​មន្ត្រី​ជំនាញ​និង​សមត្ថកិច្ច​គិតតែ​ពី​រឿង​ផលប្រយោជន៍​ផ្ទាល់ខ្លួន​។

ប្រជាពលរដ្ឋនៅក្នុង​ក្រុង​បាន​លុង ក៏បាន​ឲ្យ​ដឹង​ដែរ​ថា​មកដល់ពេលនេះ​ឈ្មួញ​ឈ្មោះ ចែ​ណាត នៅតែ​អាច​ដឹកជញ្ជូន​ឈើ​ចេញទៅ​ស្រុក​យួន​យ៉ាង​ពេញបន្ទុក​ដដែល ដោយសារ​ឈ្មួញ​រូបនេះ​ចេះ​បែងចែក​ផលប្រយោជន៍​ដល់​សមត្ថកិច្ច​ពុករលួយ​ជាប្រចាំ​។ ប្រសិនបើ​ឈ្មួញ​ឈ្មោះ ចែ​ណាត គ្មាន​ទំនាក់ទំនង​ជាមួយ​លោក កែប កត់ និង​សមត្ថកិច្ច​ពាក់ព័ន្ធ​ដទៃទៀត​នោះ គឺ​រថយន្ត​ដឹកឈើ​របស់​ឈ្មួញ​រូបនេះ​ត្រូវ​ប្រឈម​នឹង​ការបង្ក្រាប​ចៀស​មិន​ផុត​ឡើយ​។ មានន័យថា​ការដែល ចែ​ណាត អាច​បន្ត​ដឹកជញ្ជូន​ឈើ​ខុសច្បាប់​និង​ស្តុក​ឈើ​ក្នុង​ក្រុង​បាន​លុង យ៉ាង​សុខ​ស្រួល​គឺមាន​ការឃុបឃិត​បើកដៃ​ពី​មន្ត្រី​ជំនាញ និង​សមត្ថកិច្ច​ពុករលួយ​ជាច្រើន​ស្ថាប័ន ហើយ​លោក ថង សាវុន អភិបាលខេត្ត​រតនគិរី ក៏​ជាប់​សង្ស័យ​រឿង​ទទួលផល​ប្រយោជន៍​ពី​ក្រុម​ឈ្មួញ​ដឹកជញ្ជូន​ឈើ​ខុសច្បាប់​ផងដែរ​៕

Pic407 Pic408 Pic409

Source link

x

Check Also

មេ​ឈ្មួញ ស្រេង ម៉េង កំពុង​បង្កើន​សកម្មភាព​កាប់​ឈើ​និង​ដឹកជញ្ជូន​ឈើ​ចេញទៅ​ស្រុក​យួន​យ៉ាង​គឃ្លើន​

ថ្មីៗ​នេះ​សេចក្ដីរាយការណ៍​ពី​សកម្មជន​ព្រៃឈើ​និង​មន្ត្រី​អង្គការក្រៅរដ្ឋាភិបាល​នៅ​ខេត្តមណ្ឌលគិរី បាន​ឲ្យ​ដឹងថា ចាប់តាំងពី​ដើមខែ​មករា ឆ្នាំ​២០១៨ រហូតមក​ក្រុមហ៊ុន​លឹម​រ៉ូយ៉ាល់​គ្រុប ...

សង្គម​ស៊ីវិល​អាមេរិក​​ លើក​ទឹកចិត្ត​សង្គម​ស៊ីវិល​ខ្មែរ​ឲ្យ​ជម្នះ​ការ​គាប​សង្កត់ ​ដើម្បី​សេរីភាព

ក្រុម​អង្គការ​សង្គម​ស៊ីវិល​អាមេរិកាំង​ធំៗ​មួយ​ចំនួន បាន​ជំរុញ​ទឹក​ចិត្ត​ឲ្យ​អង្គការ​សង្គម​ស៊ីវិល​និង​ពលរដ្ឋ​ខ្មែរ បន្ត​ជម្នះ​នឹង​ការ​រឹត​បន្តឹងនិង​ការ​បង្ក្រាប​លើ​សិទ្ធិ​សេរីភាព​របស់​ពលរដ្ឋ ដើម្បី​រក្សា​លំនឹង​សេរីភាព​និង​រុញច្រាន​លទ្ធិ​ប្រជាធិបតេយ្យ​កម្ពុជា ​ឲ្យ​បន្ត​ដំណើរ​ទៅ​មុខ​ទៀត។ ...