ប្រធានសាខាគយខេត្តប៉ៃលិនថ្មី លោក សំ សុវណ្ណារិទ្ធ មានកេរ្តិ៍ឈ្មោះមិនសូវល្អតាំងពីនៅ ខេត្តមណ្ឌលគិរី

លោក សំ សុវណ្ណារិទ្ធ អត្តលេខ១១១៩ ដែលត្រូវទទួលតំណែងជា ប្រធានសាខាគយ ខេត្តប៉ៃលិន កាលពីថ្ងៃទី២៩ ខែមីនា ឆ្នាំ២០១៧ ត្រូវបានប្រភពមួយចំនួនបង្ហើបឲ្យដឹងថា មានកេរ្តិ៍ឈ្មោះមិនសូវល្អតាំងពីនៅធ្វើជាប្រធានសាខាគយនិងរដ្ឋាករខេត្តមណ្ឌលគិរី មក ម្ល៉េះ។ មន្ត្រី គយតូចតាចក្នុងខេត្តមណ្ឌលគិរី បានលើកឡើងថាទំនងជាលោក សំ សុវណ្ណារិទ្ធ ហ៊ានចំណាយដើមទុនអស់យ៉ាងច្រើនទើបទទួលបានតំណែងជាប្រធានសាខាគយខេត្តប៉ៃ លិន យ៉ាងស្រួលៗបើទោះបីជាមានគូប្រជែងច្រើននាក់ក៏ដោយ។ ហេតុនេះហើយទើបមជ្ឈ ដ្ឋាននានា កំពុងតាមដានដោយយកចិត្តទុកដាក់ចំពោះប្រសិទ្ធភាពការងារគយនៅខេត្តប៉ៃ លិន ក្រោយពេលដែលលោក សំ សុវណ្ណារិទ្ធ ធ្វើជាមេគយខេត្តនេះតាំងពីថ្ងៃទី២៩ ខែមីនា ឆ្នាំ២០១៧។

មន្ត្រីគយតូចតាចក្នុងខេត្តមណ្ឌលគិរី បានឲ្យដឹងថា កាលលោក សំ សុវណ្ណារិទ្ធ នៅធ្វើ ជាមេគយខត្តមណ្ឌលគិរី បានបើកដៃឲ្យឈ្មួញនាំចូលប្រេងសាំងនិងទំនិញគេចពន្ធពីស្រុក យួនយ៉ាងពេញបន្ទុកដើម្បីជាថ្នូរនឹងផលប្រយោជន៍ ហើយការដែលលោក សំ សុវណ្ណារិទ្ធ ហ៊ានធ្វើអ្វីៗតាមអំពើចិត្តគឺដោយសារអាងមានខ្នងបង្អែករឹងមាំនៅក្នុងអគ្គនាយកដ្ឋានគយនិង រដ្ឋាករកម្ពុជា។ ជាងនេះទៅទៀតទំនិញនិងឈើដែលឈ្មួញនាំពីទឹកដីកម្ពុជាចូលទឹកដីយួន យ៉ាងអនាធិបតេយ្យក៏ជាប្រភពចំណូលដ៏ធំរបស់លោក សំ សុវណ្ណារិទ្ធ ផងដែរ។ ដូច្នេះហើយ ទើបលោក សំ សុវណ្ណារិទ្ធ មានធនធានច្រើនរហូតអាចជ្រែយកតំណែងជាប្រធានសាខាគយ ខេត្តប៉ៃលិន បានយ៉ាងសុខស្រួល។

មានការវាយតម្លៃថា លោក សំ សុវណ្ណារិទ្ធ នឹងយកបទពិសោធន៍ពីខេត្តមណ្ឌលគិរី ទៅអនុវត្តន៍នៅខេត្តប៉ៃលិន ប្រកបដោយជោគជ័យជាមិនខាន ជាពិសេសពាក់ព័ន្ធទៅនឹង ករណីបើកដៃឲ្យឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ពី ទឹកដីសៀមចូលទឹកដីខ្មែរតាមច្រកព្រំដែននិងច្រករបៀងក្នុងខេត្តប៉ៃលិន។ ជាក់ើស្តែងឥឡូវ នេះប្រភពពីសមត្ថកិច្ចពាក់ព័ន្ធនៅច្រកទ្វារអន្តរជាតិព្រំ ខេត្តប៉ៃលិន បានបង្ហើបឲ្យដឹងថាការ ដែលលោក ទី ប៊ុនឡង់ មេគយច្រកអន្តរជាតិព្រំ ហ?ានបើកដៃឲ្យឈ្មួញនាំចូលទំនិញគេច ពន្ធ ទំនិញបង់ពន្ធមិនគ្រប់និងទំនិញខុសច្បាប់ តាមអំពើចិត្តក៏អាចមានការបើកដៃពី លោក សំ សុវណ្ណារិទ្ធ ផងដែរ។ មានន័យថាទាំងលោក ទី ប៊ុនឡង់ និងលោក សំ សុវណ្ណារិទ្ធ ទំនង ជាចំណាយដើមទុនអស់ច្រើនទើបនាំគ្នាខំប្រឹងស្រង់ដើមយ៉ាងតក់ក្រហល់ ដែលបញ្ហានេះ លោក គុណ ញឹម ជាអគ្គនាយកគយគួរពិនិត្យមើលខ្លះផង៕

IMG_0412 IMG_0411

Source link

x

Check Also

អាជ្ញាធរ​និង​សមត្ថកិច្ច​ក្នុង​ខេត្តព្រះវិហារ មិនទាន់​បង្ក្រាប​ឈ្មួញ​ឈើ​គ្រញូង​ធំៗ​នៅឡើយ​

ថ្មីៗ​កន្លងទៅនេះ​សមត្ថកិច្ច​ក្នុង​ខេត្តព្រះវិហារ បង្ក្រាប​ពលរដ្ឋ​ដែល​ឆ្លងដែន​ចូល​កាប់​ឈើ​គ្រញូង​លើទឹក​ដី​សៀម និង​ស្ពាយ​ឈើ​គ្រញូង​ចេញពី​ទឹកដី​សៀម​នៅ​ច្រករបៀង​ជាច្រើន​កន្លែង​ក្នុងភូមិ​ឈើទាល​គង ឃុំ​ជាំ​ក្សាន្ត ស្រុក​ជាំ​ក្សាន្ត ...

មាន​មន្ត្រីជាន់ខ្ពស់​ជាប់​ពាក់ព័ន្ធ​ទៅនឹង​បទល្មើស​នេសាទ​យ៉ាង​រាលដាល​នៅ​តំបន់​បឹង​ទន្លេសាប​ខេត្តកំពង់ធំ

​បទល្មើស​នេសាទ​នៅ​តំបន់​បឹង​ទន្លេសាប​ក្នុងស្រុក​កំពង់ស្វាយ និង​ស្រុក​ស្ទោង ខេត្តកំពង់ធំ នៅតែ​កើតឡើង​យ៉ាង​រាលដាល​ហើយ​មន្ត្រីរដ្ឋបាល​ជលផល​គ្រប់​លំដាប់ថ្នាក់ នៅក្នុង​ស្រុក​ស្ទោង ...