Don't Miss

ប្រធានមន្ទីរបរិស្ថានខេត្តបាត់ដំបង លោក ជួប សារុន កំពុងជាប់ពាក់ព័ន្ធជាមួយអំពើពុករលួយ

ប្រធានមន្ទីរបរិស្ថានខេត្តបាត់ដំបង លោក ជួប សារុន កំពុងរងការរិះគន់ថា ជាប់ពាក់ព័ន្ធជាមួយអំពើពុករលួយ និងបក្ខពួកនិយមនៅក្នុងស្ថាប័នរបស់ខ្លួន។ មន្រ្តីក្រោមឱវាទ របស់លោក ជួប សារុន បានបញ្ជាក់ថា អំពើល្មើសច្បាប់របស់លោក ជួប សារុន បានធ្វើឲ្យមន្រ្តីមន្ទីរបរិស្ថានខេត្តបាត់ដំបង អសកម្មភាពការងារយ៉ាងខ្លាំង។

រឿងមិនប្រក្រតីនៅក្នុងមន្ទីរបរិស្ថានខេត្តបាត់ដំបង ដែលជាប់ពាក់ព័ន្ធនឹងអំពើពុករលួយ ត្រូវគេដឹងថា មានសារព័ត៌មានបាន ចេញផ្សាយរួចម្តងមកហើយ កាលពីអំឡុងខែមករា ឆ្នាំ២០១៧ ហើយនៅខែដើមខែមេសា ឆ្នាំ២០១៧នេះ អំពើពុករលួយនៅតែកើតមានបន្តទៀត ខ្លាំងជាងមុនដោយមានតែឈ្មោះមន្រ្តីបើកប្រាក់ខែមិនមានមុខមកធ្វើការ។

ជាក់ស្តែងមានសាច់ញាតិកូន ក្មួយ លោក ជួប សារុន ប្រធានមន្ទីរបរិស្ថានបានដេកស៊ីប្រាក់ខែរដ្ឋ អស់រយ:ពេល២ ទៅ៣ឆ្នាំតាំងនៅរៀន វិទ្យាល័យ ហើយពេលនេះកំពុងរៀន បន្តនៅសាកលវិទ្យាល័យ ឆ្នាំទី១ ឆ្នាំទី២ ដោយមិនបានធ្វើការងារអ្វីនោះទេ។ មន្រ្តីរាជការបម្រើការងារនៅមន្ទីរបរិស្ថានខេត្តបាត់ដំបង បានបញ្ជាក់ថា សព្វថ្ងៃនេះ លោក ជួប សារុន មិនបានខ្លាចញញើតច្បាប់អ្វីឡើយ គឺគិតតែខំប្រឹងប្រមូលផលប្រយោជន៍ប៉ុណ្ណោះ។

ជុំវិញបញ្ហាខាងលើនេះ ពលរដ្ឋបានរិះគន់ថា លោក សាយ សំអាល់ ដែលជារដ្ឋមន្រ្តីក្រសួងបរិស្ថានគប្បីពិនិត្យមើលភាពមិនប្រក្រតីនៅមន្ទីរបរិស្ថានខេត្តបាត់ដំបង ខ្លះផងព្រោះសព្វថ្ងៃនេះមានបញ្ហាកើតឡើងយ៉ាងច្រើន។ ប្រភពដដែលបានរិះគន់ថា នៅខេត្តបាត់ដំបងមិនត្រឹមតែមានបញ្ហាបរិស្ថានគ្រប់គ្រងសំរាមមិនបានល្អនោះទេ តែក៏មានករណីកាប់ព្រៃឈើ និងសកម្មភាពរានយកដីព្រៃដោយខុសច្បាប់ផងដែរ៕

IMG_0447

Source link

x

Check Also

ច្រក​សម្ងាត់​របស់​មេ​ឈ្មួញ លី យ៉ុង​ផាត់ នៅ​ខេត្តកោះកុង មាន​នាំចូល​រថយន្ត​ទំនើបៗ​

ប្រភពពី​សមត្ថកិច្ច​ក្នុង​ខេត្តកោះកុង ដែល​សុំ​មិន​បញ្ចេញ​ឈ្មោះ​បាន​ឲ្យ​ដឹងថា មេ​ឈ្មួញ លី យ៉ុង​ផាត់ ...

កង្វល់​៥​ចំណុច​របស់​ប្រជាពលរដ្ឋនៅក្នុង​ក្រុង​កំពង់ឆ្នាំង | មាតុភូមិ

កង្វល់​៥​ចំណុច​របស់​ប្រជាពលរដ្ឋនៅក្នុង​ក្រុង​កំពង់ឆ្នាំង ​កំពង់ឆ្នាំង​៖ លោក​ហៃ​មនោ​រម្យ​អភិបាលក្រុង​កំពង់ឆ្នាំង​កាលពី​ថ្ងៃទី​២៦/​មិថុនា​/២០១៧​បាន​សន្យា​ដោះស្រាយ​បញ្ហា​ផ្លូវ ភ្លើង ទឹក ...