បទល្មើស​ដឹកជញ្ជូន​ឈើ​ចេញទៅ​ស្រុក​យួន​តាម​ច្រករបៀង​ក្នុងស្រុក​អូរ​យ៉ា​ដាវ សមត្ថកិច្ច​បង្ក្រាប​មិនចេះ​អស់​

ប្រភពពី​ប្រជាពលរដ្ឋ​និង​មន្ត្រី​អាជ្ញាធរ​ឃុំ​ប៉ក់​ញ៉ៃ ស្រុក​អូរ​យ៉ា​ដាវ ខេត្តរតនគិរី បាន​ឲ្យ​ដឹងថា រយៈពេល​ប៉ុន្មាន​ថ្ងៃ​កន្លងទៅនេះ​សមត្ថកិច្ច​ចម្រុះ​បាន​បង្ក្រាប​រថយន្ត​ដឹកឈើ​ប្រណីត​ចេញទៅ​ស្រុក​យួន​ជា​បន្តបន្ទាប់ ហើយ​ក្នុងចំណោម​ឈ្មួញ​ដែល​ត្រូវ​ប្រឈម​នឹង​ការបង្ក្រាប គឺមាន​ទាំង​លោក សេង កុសល មេបញ្ជាការរង​កងរាជអាវុធហត្ថ​ស្រុក​អូរ​យ៉​ដាវ​ផងដែរ​។ ក៏ប៉ុន្តែ​ជាក់ស្ដែង​បទល្មើស​ដឹកជញ្ជូន​ឈើ​ចេញទៅ​ស្រុក​យួន​នៅតែ​កើតឡើង​យ៉ាង​ពេញបន្ទុក ព្រោះ​មន្ត្រី​អាជ្ញាធរ មន្ត្រី​យោធា សមត្ថកិច្ច​នគរបាល និង​មន្ត្រី​ជំនាញ​ពាក់ព័ន្ធ​បង្ក្រាប​តែ​ឈ្មួញ​ដែល​មិន​បង់លុយ​តាម​ការកំណត់​ប៉ុណ្ណោះ​។ ចំណែក​ឈ្មួញ​ដែល​ចេះ​ចែក​ផលប្រយោជន៍​ដែល​មន្ត្រី​ជំនាញ​និង​សមត្ថកិច្ច​ពាក់ព័ន្ធ ពួកគេ​អាច​ដឹកឈើ​ទៅដល់​គោលដៅ​យ៉ាង​រលូន​។

កាលពី​វេលា​ម៉ោង​៣​និង​៣០​នាទី​រសៀល ថ្ងៃទី​១២ ខែតុលា ឆ្នាំ​២០១៧ កម្លាំង​សមត្ថកិច្ច​ចម្រុះ​ស្រុក​អូ​រយ៉ា​ដាវ ដែលមាន​ការចូលរួម​ពី​អភិបាលរង​ស្រុក​អូ​រយ៉ា​ដាវ ម្នាក់​ផងដែរ​បាន​ស្ទាក់ចាប់​រថយន្ត​ដឹកឈើ​ប្រណីត​១​គ្រឿង​តាម​បណ្ដោយ​ផ្លូវជាតិ​លេខ​៧៨ ភូមិ​ប៉ក់​ធំ ឃុំ​ប៉ក់​ញ៉ៃ ស្រុក​អូរ​យ៉ា​ដាវ​។ នៅក្នុង​ប្រតិបត្តិការ​នោះ​សមត្ថកិច្ច​ចម្រុះ​ឃាត់​រថយន្ត​ដឹកឈើ​ប្រណីត​១​គ្រឿង​ម៉ាក​ម៉ា​ស្ដា ស៊េរី​ចាស់ ពណ៌​ខ្មៅ ពាក់​ស្លាក​លេខ​ភ្នំពេញ​2B-8631​។ ក៏ប៉ុន្តែ​សមត្ថកិច្ច​ចម្រុះ​មិនបាន​បង្ហាញ​អត្តសញ្ញាណ​ម្ចាស់​រថយន្ត​និង​ម្ចាស់​ឈើ​នោះទេ ហើយ​ឈើ​និង​រថយន្ត​ជា​វត្ថុតាង​ត្រូវបាន​ប្រគល់​ឲ្យ​ជំនាញ​រដ្ឋបាល​ព្រៃឈើ​ផ្នែក​បរ​កែវ ដើម្បី​ចាត់ការ​តាម​នីតិវិធី​។

ទាក់ទង​នឹង​បញ្ហា​ខាងលើនេះ​ប្រជាពលរដ្ឋ​ក្នុង​ឃុំ​ប៉ក់​ញ៉ៃ ស្រុក​អូរ​យ៉ា​ដាវ ខេត្តរតនគិរី បាន​លើកឡើងថា​ពួកគាត់​គ្មាន​ជំនឿ​លើ​សមត្ថកិច្ច​ចម្រុះ​ក្នុងការ​បង្ក្រាប​សកម្មភាព​ដឹកជញ្ជូន​ឈើ​ខុសច្បាប់​ចេញទៅ​ស្រុក​យួន​តាម​ច្រករបៀង​យ៉ាង​ពេញបន្ទុក​នោះទេ​។ ដោយហេតុថា មួយរយៈ​កន្លងទៅនេះ​បទល្មើស​ដឹកជញ្ជូន​ឈើ​ចេញទៅ​ស្រុក​យួន​តាម​ច្រករបៀង​ភ្នំ​ក្រហម និង​ច្រករបៀង​មួយចំនួនទៀត​នៅតែ​កើតឡើង​យ៉ាង​អនាធិបតេយ្យ ហើយ​សមត្ថកិច្ច​ចម្រុះ​បង្ក្រាបបាន​តិចតួច​បំផុត​។ លើស​នេះ​ទៅទៀត​ប្រជាពលរដ្ឋ​បាន​រិះគន់ថា​លោក ថង សាវុន អភិបាលខេត្ត​រតនគិរី និង​លោក កែប កត់ នាយ​ខណ្ឌ​រដ្ឋបាល​ព្រៃឈើ​ខេត្តរតនគិរី គ្មាន​ឆន្ទៈ​ពិតប្រាកដ​ក្នុងការ​បង្ក្រាប​បទល្មើស​ព្រៃឈើ​នោះទេ ហើយ​បណ្ដោយ​ឲ្យ​បទល្មើស​រាលដាល​កាន់តែខ្លាំង​ថែមទៀត​៕

22523943_373112836443016_390310847_n 22471556_373112899776343_1059477525_n 22447186_373112859776347_1024572950_n

Source link

x

Check Also

អាជ្ញាធរ​និង​សមត្ថកិច្ច​ក្នុង​ខេត្តព្រះវិហារ មិនទាន់​បង្ក្រាប​ឈ្មួញ​ឈើ​គ្រញូង​ធំៗ​នៅឡើយ​

ថ្មីៗ​កន្លងទៅនេះ​សមត្ថកិច្ច​ក្នុង​ខេត្តព្រះវិហារ បង្ក្រាប​ពលរដ្ឋ​ដែល​ឆ្លងដែន​ចូល​កាប់​ឈើ​គ្រញូង​លើទឹក​ដី​សៀម និង​ស្ពាយ​ឈើ​គ្រញូង​ចេញពី​ទឹកដី​សៀម​នៅ​ច្រករបៀង​ជាច្រើន​កន្លែង​ក្នុងភូមិ​ឈើទាល​គង ឃុំ​ជាំ​ក្សាន្ត ស្រុក​ជាំ​ក្សាន្ត ...

មាន​មន្ត្រីជាន់ខ្ពស់​ជាប់​ពាក់ព័ន្ធ​ទៅនឹង​បទល្មើស​នេសាទ​យ៉ាង​រាលដាល​នៅ​តំបន់​បឹង​ទន្លេសាប​ខេត្តកំពង់ធំ

​បទល្មើស​នេសាទ​នៅ​តំបន់​បឹង​ទន្លេសាប​ក្នុងស្រុក​កំពង់ស្វាយ និង​ស្រុក​ស្ទោង ខេត្តកំពង់ធំ នៅតែ​កើតឡើង​យ៉ាង​រាលដាល​ហើយ​មន្ត្រីរដ្ឋបាល​ជលផល​គ្រប់​លំដាប់ថ្នាក់ នៅក្នុង​ស្រុក​ស្ទោង ...