បទល្មើសដឹកជញ្ជូនឈើពីស្រុកសណ្តាន់ចូលក្រុងស្ទឹងសែន នៅតែកើតឡើងយ៉ាងពេញបន្ទុក

ប្រភពពីប្រជាពលរដ្ឋរស់នៅក្នុងស្រុកសណ្តាន់ ខេត្តកំពង់ធំ បានឲ្យដឹងថា មានឈ្មួញជាច្រើននាក់នៅតែបន្តដឹកឈើតាមរថយន្តសាំយ៉ុង និងរថយន្តជាច្រើនប្រភេទទៀត ចេញពីស្រុកសណ្តាន់ចូលទៅចែកចាយតាមដេប៉ូក្នុងក្រុងស្ទឹងសែន ដោយគ្មានមន្រ្តីជំនាញ ឬសមត្ថកិច្ចពាក់ព័ន្ធណាចាត់វិធានការទប់ស្កាត់នោះទេ។ ជាមួយគ្នានេះបទល្មើសកាប់ឈើនៅក្នុងតំបន់ព្រៃឡង់នៃស្រុកសណ្តាន់ ខេត្តកំពង់ធំ បន្តកើតឡើង គួរឲ្យព្រួយបារម្ភព្រោះឈ្មួញមួយចំនួនមិនញញើតនឹងការបង្រ្កាបពីសំណាក់មន្រ្តីជំនាញ និងសមត្ថកិច្ចពាក់ព័ន្ធ។ ប្រជាពលរដ្ឋបានរិះគន់ចំៗថា រថយន្តដឹកឈើពីស្រុកសណ្តាន់ ចូលទៅចែកចាយតាមដេប៉ូក្នុងក្រុងស្ទឹងសែន គឺមានមន្រ្តីរដ្ឋបាលព្រៃឈើម្នាក់ឈ្មោះ មុត ជាអ្នកប្រមូលលុយ ហើយបណ្តោយឲ្យបទល្មើស កើតឡើងយ៉ាងរាលដាល។

សហគមន៍ការពារព្រៃឈើក្នុងស្រុកសណ្តាន់ បានរិះគន់ថាមកដល់ពេលនេះលោក សុខ លូ អភិបាលខេត្តកំពង់ធំ និងលោក តិប ញាតា នាយខណ្ឌរដ្ឋបាលព្រៃឈើខេត្តកំពង់ធំ មិនចាត់វិធានការបង្រ្កាបបទល្មើសព្រៃឈើឲ្យស្របតាមបទបញ្ជាលេខ០០២របស់រដ្ឋាភិបាលលោក ហ៊ុន សែន នោះទេ។ ហេតុនេះហើយទើបឈ្មួញ និងក្រុមជនល្មើសនៅតែអាចចូលកាប់ឈើដឹកតាមរទេះគោក្របី រថយន្តកែច្នៃ និងគោយន្តកន្រ្តៃចេញពីព្រៃឡង់យ៉ាងគគ្រឹកគគ្រេងគ្មានញញើតអ្វីទាំងអស់។ ជាក់ស្តែងឈើប្រភេទលេខ១ និងប្រភេទលេខ២ក្នុងព្រៃឡង់នៃឃុំទំរីង ឃុំដងកាំបិត និងឃុំមានរិទ្ធ កំពុងប្រឈមនឹងសេចក្តីវិនាស ហើយមន្រ្តីបរិស្ថាន និងមន្រ្តីរដ្ឋបាលព្រៃឈើគ្រប់លំដាប់ថ្នាក់ត្រូវបានគេដឹងថា ជាអ្នកឃុបឃិតឲ្យមានបទល្មើសដើម្បីជាថ្នូរនឹងផលប្រយោជន៍។

សមត្ថកិច្ចពាក់ព័ន្ធក្នុងខេត្តកំពង់ធំបានឲ្យដឹងថា ការដែលឈ្មួញបន្តដឹកឈើចេញពីស្រុកសណ្តាន់ចូលទៅចែកចាយតាមដេប៉ូក្នុងក្រុងស្ទឹងសែន យ៉ាងរលូនដូចសព្វថ្ងៃនេះ គឺមានការឃុបឃិតបើកដៃពីមន្រ្តីរដ្ឋបាលព្រៃឈើឈ្មោះ មុត និងក្រុមមន្រ្តីបរិស្ថានក៏ដូចជាសមត្ថកិច្ចពាក់ព័ន្ធជាច្រើនស្ថាប័នទៀត។ ក្នុងនោះការដែលមន្រ្តីរដ្ឋបាលព្រៃឈើឈ្មោះ មុត ហ៊ានធ្វើអ្វីៗស្រេចតែអំពើចិត្ត គឺមានការបើកដៃពីលោក តិប មាតា នាយខណ្ឌរដ្ឋបាលព្រៃឈើខេត្តកំពង់ធំ ដែលគិតគូរតែរឿងប្រមូលលុយដាក់ហោប៉ៅ។ បញ្ហានេះលោក វេង សាខុន រដ្ឋមន្រ្តីក្រសួងកសិកម្មគួរពិនិត្យមើលឡើងវិញចំពោះបទល្មើសបំផ្លាញព្រៃឈើនៅខេត្តកំពង់ធំដែលបន្តកើតមានឥតឈប់ឈរ ព្រោះលោក សុខ លូ អភិបាលខេត្តកំពង់ធំ និងលោក តិប ញាតា នាយខណ្ឌរដ្ឋបាលព្រៃឈើខេត្តនេះមិនចាត់វិធានការបង្រ្កាបបទល្មើសដែលកំពុងកើតឡើងយ៉ាងរាលដាលនោះទេ៕

18622960_313753969045570_1889390248_n18555143_313754099045557_917763660_n18601221_313754189045548_1852081886_n

Source link

x

Check Also

លោក ទី ប៊ុន​ឡង់ អាងខ្នង​បង្អែក​ធំ​ជាង​អគ្គនាយក​គយ ទើប​ហ៊ាន​ប្រព្រឹត្ត​អំពើពុករលួយ ដោយ​គ្មាន​ញញើត​អ្វី​ទាំងអស់​

មួយរយៈ​កន្លងទៅនេះ​ក្រុម​ឈ្មួញ​និង​អាជីវករ​មួយចំនួន​ដែល​រកស៊ី​នាំ​ទំនិញ​ពី​ប្រទេស​សៀម​ចូល​តាម​ច្រកទ្វារ​អន្តរជាតិ​ព្រំ ខេត្ត​ប៉ៃលិន បាន​អំពាវនាវ​ឲ្យ​លោក អូន ព័ន្ធមុនីរ័ត្ន ...

លោក ប៊ុន សេង មេបញ្ជាការ​យោធា​យោធភូមិភាគ​៥ រង​ការ​រិះគន់ថា​បើកដៃ​ឲ្យ​ឧ​ត្ត​ម​សេនីយ៍​យោធា​ឈ្មោះ ឃួន ជឿន និង​បក្ខពួក​ធ្វើ​អ្វីៗ​តាម​អំពើ​ចិត្ត​

ប្រភពពី​ប្រជាពលរដ្ឋ​នៅ​ឃុំ​អូរ​បី​ជាន់ ស្រុក​អូរជ្រៅ ខេត្តបន្ទាយមានជ័យ បាន​ឲ្យ​ដឹង ថា​មកដល់ពេលនេះ​ឈ្មួញ​នៅតែ​អាច​នាំចូល​ទំនិញគេចពន្ធ​និង​ទំនិញ​ខុសច្បាប់​ចូល​តាម​ច្រក​អូរ​បី​ជាន់ ...