គណបក្សសង្រ្គោះជាតិនឹងដាក់ចេញគោលនយោបាយ៥ចំណុចជូនប្រជាពលរដ្ឋដើម្បីគាំទ្រ

ពេលដែលដំណើរការបោះឆ្នោតក្រុមប្រឹក្សាឃុំ-សង្កាត់កាន់តែខិតជិតចូលមកដល់នោះ លោក អេង ឆៃអ៊ាង អនុប្រធានគណបក្សសង្រ្គោះជាតិថ្មីៗនេះបានបញ្ជាក់ថា គណបក្សសង្រ្គោះជាតិនឹងដាក់ចេញគោលនយោបាយ៥ចំណុច ជូនប្រជាពលរដ្ឋដើម្បីគាំទ្រ។ លោក អេង ឆៃអ៊ាង បានបញ្ជាក់ថា គោលនយោបាយទាំង៥ចំណុចគឺឆ្លើយតបនឹងស្ថានភាពជាក់ស្តែង ហើយនឹងអាចដោះស្រាយបញ្ហាដែលកំពុងប្រឈមនៅក្នុងសង្គមកម្ពុជាដែលគណបក្សសង្រ្គោះជាតិនឹងដាក់ឲ្យអនុវត្តន៍នៅពេលដឹកនាំប្រទេស។

លោក អេង ឆៃអ៊ាង បានពន្យល់ថា គោលនយោបាយអាទិភាពទី១ គឺការលើកកម្ពស់សិទ្ធិសេរីភាពប្រជាពលរដ្ឋតាមរយៈការធានាថាសិទ្ធិសេរីភាពរបស់ប្រជាពលរដ្ឋគ្រប់រូបត្រូវបានគោរពដូចៗគ្នាៗនៅចំពោះមុខច្បាប់ និងគ្មានការរំលោភសិទ្ធិសេរីភាពប្រជាពលរដ្ឋដូចមានចែងក្នុងរដ្ឋធម្មនុញ្ញ និងច្បាប់ពាក់ព័ន្ធ។

គោលនយោបាយអាទិភាពទី២ គឺការលើកកម្ពស់ជីវភាពប្រជាពលរដ្ឋដោយធានាថា ការអភិវឌ្ឍសេដ្ឋកិច្ចជាតិប្រព្រឹត្តទៅដោយសមធម៌ ហើយប្រជាពលរដ្ឋគ្រប់ៗរូបមានសិទ្ធិស្នើគ្នានិងឱកាសដូចៗគ្នាក្នុងការទទួលយកកំណើនសេដ្ឋកិច្ចជាតិ ខណៈបច្ចុប្បន្នពលរដ្ឋក្រីក្របានរងគ្រោះពីអ្នកមានអំណាចនិងប្រាក់ច្រើនដែលនោះបង្ហាញច្បាស់ថាសង្គមកម្ពុជាមានភាពអយុត្តិធម៌ស្ទើរតែគ្រប់វិស័យនិងគ្រប់ផ្នែក។

លោក អេង ឆៃអ៊ាង បានបន្តថា គោលនយោបាយអាទិភាពទី៣ គឺធានាសេវាសាធារណៈត្រូវតែបម្រើប្រជាពលរដ្ឋឲ្យបានល្អបំផុតនិងមានប្រសិទ្ធភាពបំផុត។ ចៀសវាងអំពើពុករលួយ បក្ខពួកនិយម នៅក្នុងវិស័យសាធារណៈដែលសេវាសាធារណៈត្រូវតែមានតម្លាភាព ប្រសិទ្ធភាព ឆ្លើយតបតម្រូវការជាក់ស្តែង។

គោលនយោបាយអាទិភាពទី៤ សន្តិសុខនិងសណ្តាប់ធ្នាក់សាធារណៈ គឺគណបក្សសង្រ្គោះជាតិនៅពេលកាន់អំណាចនឹងដឹកនាំប្រទេសនិងសង្គមកម្ពុជាដែលធានាថាមានសន្តិសុខ សុវត្ថិភាពសាធារណៈដែលបញ្ហាទាំងនោះកំពុងកើតមានឡើងច្រើននៅក្នុងសង្គមកម្ពុជា ដូចជាចោរលួច ឆក់ ប្លន់ គ្រឿងញៀនជាដើម។

គោលនយោបាយអាទិភាពទី៥ លោក អេង ឆៃអ៊ាង បានបញ្ជាក់ច្បាស់ថា គឺគោលនយោបាយវិមជ្ឈការ និងវិសហមជ្ឈការដែលធានាថារដ្ឋបាលថ្នាក់ជាតិ និងថ្នាក់ក្រោមជាតិសហការគ្នាបានល្អដើម្បីបម្រើផលប្រយោជន៍ប្រជាពលរដ្ឋនិងផលប្រយោជន៍សាធារណៈ ពិសេសគឺការផ្ទេរសិទ្ធិ អំណាច សេវា និងថវិកាពីថ្នាក់ជាតិទៅថ្នាក់ក្រោមជាតិឲ្យបានទាន់ពេលវេលា មានភាពសមស្រប និងមានប្រសិទ្ធភាពជាដើម៕

IMG_0633

Source link

x

Check Also

មេ​ឈ្មួញ ស្រេង ម៉េង កំពុង​បង្កើន​សកម្មភាព​កាប់​ឈើ​និង​ដឹកជញ្ជូន​ឈើ​ចេញទៅ​ស្រុក​យួន​យ៉ាង​គឃ្លើន​

ថ្មីៗ​នេះ​សេចក្ដីរាយការណ៍​ពី​សកម្មជន​ព្រៃឈើ​និង​មន្ត្រី​អង្គការក្រៅរដ្ឋាភិបាល​នៅ​ខេត្តមណ្ឌលគិរី បាន​ឲ្យ​ដឹងថា ចាប់តាំងពី​ដើមខែ​មករា ឆ្នាំ​២០១៨ រហូតមក​ក្រុមហ៊ុន​លឹម​រ៉ូយ៉ាល់​គ្រុប ...

សង្គម​ស៊ីវិល​អាមេរិក​​ លើក​ទឹកចិត្ត​សង្គម​ស៊ីវិល​ខ្មែរ​ឲ្យ​ជម្នះ​ការ​គាប​សង្កត់ ​ដើម្បី​សេរីភាព

ក្រុម​អង្គការ​សង្គម​ស៊ីវិល​អាមេរិកាំង​ធំៗ​មួយ​ចំនួន បាន​ជំរុញ​ទឹក​ចិត្ត​ឲ្យ​អង្គការ​សង្គម​ស៊ីវិល​និង​ពលរដ្ឋ​ខ្មែរ បន្ត​ជម្នះ​នឹង​ការ​រឹត​បន្តឹងនិង​ការ​បង្ក្រាប​លើ​សិទ្ធិ​សេរីភាព​របស់​ពលរដ្ឋ ដើម្បី​រក្សា​លំនឹង​សេរីភាព​និង​រុញច្រាន​លទ្ធិ​ប្រជាធិបតេយ្យ​កម្ពុជា ​ឲ្យ​បន្ត​ដំណើរ​ទៅ​មុខ​ទៀត។ ...