ក្រុមហ៊ុនធ្វើអាជីវកម្មថ្មភ្នំចំបាប់ បង្កផលប៉ះពាល់ដល់ការរស់នៅរបស់ប្រជាពលរដ្ឋកាន់ តែខ្លាំងឡើងៗ

សេចក្តីរាយការណ៍ពីប្រជាពលរដ្ឋរស់នៅក្នុងឃុំត្នោត ស្រុកបាទី ខេត្តតាកែវ បានឲ្យ ដឹងថាក្រុមហ៊ុនចំនួន៣ដែលទទួលបានអាជ្ញាប័ណ្ណធ្វើអាជីវកម្មថ្មភ្នំចំបាប់ កំពុងធ្វើឲ្យប៉ះពាល់ ដល់ការរស់នៅរបស់ពួកគាត់យ៉ាងពេញបន្ទុក ព្រោះក្រុមហ៊ុនមិនអនុវត្តន៍ឲ្យបានត្រឹមត្រូវតាម បទដ្ឋានបច្ចេកទេសដែលក្រសួងរ៉ែនិងថាមពល បានកំណត់ឡើយ។ ជាងនេះទៅទៀតក្រុម ហ៊ុនទាំងនោះបានធ្វើឲ្យផ្លូវក្នុងមូលដ្ឋានខូចជាបន្តបន្ទាប់ ដោយមិនបានធ្វើផ្លូវឲ្យល្អដូចអ្វីដែល គេបានសន្យាជាមួយប្រជាពលរដ្ឋនាពេលកន្លងមកនោះទេ។ ហេតុនេះហើយទើបប្រជាពល រដ្ឋក្នុងឃុំត្នោត ស្រុកបាទី ក៏ដូចជាឃុំដទៃទៀតនៅជិតតំបន់ភ្នំចំបាប់ អំពាវនាវឲ្យលោក ស៊ុយ សែម រដ្ឋមន្ត្រីក្រសួងរ៉ែនិងថាមពល បិទអាជីវកម្មក្រុមហ៊ុនទាំង៣នោះជាបន្ទាន់។

ប្រភពពីប្រជាពលរដ្ឋបានឲ្យដឹងទៀតថា ក្រុមហ៊ុនទាំង៣ដែលកំពុងធ្វើអាជីវកម្មថ្មភ្នំ ចំបាប់ បង្កផលប៉ះពាល់ដល់ការរស់នៅរបស់ប្រជាពលរដ្ឋគឺក្រុមហ៊ុនច្រាយគង់ , ក្រុមហ៊ុន អាយ ប៊ី ស៊ី មិងក្រុមហ៊ុនកូរ៉េ ( ជេអ៊ី) ដោយក្រុមហ៊ុនទាំង៣នេះគិតតែពីផលប្រយោជន៍ផ្ទាល់ ខ្លួនយ៉ាងគឃ្លើន។ ក្រុមហ៊ុនទាំងនេះមិនបានធ្វើផ្លូវដើម្បីកុំឲ្យធូលីហ៊ុយទៅលើលំនៅដ្ឋាន របស់ប្រជាពលរដ្ឋនោះទេ ហើយថែមទាំងធ្វើឲ្យមានជាតិរំសេវហូរចូលទៅក្នុងទឹកស្រះដែល ជាពលរដ្ឋប្រើប្រាស់នៅក្នុងមូលដ្ឋានទៀតផង។ បច្ចុប្បន្នក្រុមហ៊ុនទាំង៣ខាងលើបានធ្វើឲ្យ ផ្លូវក្នុងស្រុកបាទី ជាច្រើនខ្សែត្រូវខូចកាន់តែខ្លាំង ជាតិរំសេវហូរចូលស្រះទឹកប្រើលែងកើត សំឡេងបំផ្ទុះយកថ្មរំខានដល់ការរស់នៅរបស់ប្រជាពលរដ្ឋជារៀងរាល់ថ្ងៃ។

ដោយសារតែរងផលប៉ះពាល់ខ្លាំងពេកទើបប្រជាពលរដ្ឋក្នុងឃុំត្នោត ស្រុកបាទី និងឃុំដទៃទៀតអំពាវនាវឲ្យលោក ស៊ុយ សែម រដ្ឋមន្ត្រីក្រសួងរ៉ែនិងថាមពល បញ្ចប់អាជ្ញា ប័ណ្ណក្រុមហ៊ុនទាំង៣នោះជាបន្ទាន់ដើម្បីកុំឲ្យគេធ្វើអ្វីៗតាមអំពើចិត្តទៀត។ ប្រជាពលរដ្ឋមាន ការសង្ស័យថា ប្រធានមន្ទីររ៉ែនិងថាមពលខេត្តតាកែវ ក៏ដូចជាអាជ្ញាធរឃុំត្នោត និងអាជ្ញាធរ ស្រុកបាទី ទទួលផលប្រយោជន៍ពីក្រុមហ៊ុនទាំងនោះជាប្រចាំទើបគេមិនដោះស្រាយតាមសំ ណើរបស់ពួកគាត់ដែលបានតវ៉ាជាច្រើនលើកមកហើយ។ ចំណែកលោក ឡាយ វណ្ណៈ អភិបាលខេត្តតាកែវ ក៏មិនគួរមើកលរំលងទុក្ខលំបាករបស់ប្រជាពលរដ្ឋនៅក្នុងស្រុកបាទី ខេត្តតាកែវដែរ ព្រោះក្រុមហ៊ុនទាំង៣ដែលទទួលបានអាជ្ញាប័ណ្ណធ្វើអាជីវកម្មថ្មភ្នំចំបាប់ កំពុងធ្វើឲ្យប៉ះពាល់ដល់ការរស់មៅរបស់ពួកគាត់កាន់តែខ្លាំងឡើងៗហើយ៕

 

លោក ស៊ុយ សែម រដ្ឋមន្ត្រីក្រសួងរ៉ែនិង ថាមពល

លោក ស៊ុយ សែម រដ្ឋមន្ត្រីក្រសួងរ៉ែនិង ថាមពល

18034663_302387010182266_583923807_n18052606_302387063515594_256963620_n

Source link

x

Check Also

លោក ទី ប៊ុន​ឡង់ អាងខ្នង​បង្អែក​ធំ​ជាង​អគ្គនាយក​គយ ទើប​ហ៊ាន​ប្រព្រឹត្ត​អំពើពុករលួយ ដោយ​គ្មាន​ញញើត​អ្វី​ទាំងអស់​

មួយរយៈ​កន្លងទៅនេះ​ក្រុម​ឈ្មួញ​និង​អាជីវករ​មួយចំនួន​ដែល​រកស៊ី​នាំ​ទំនិញ​ពី​ប្រទេស​សៀម​ចូល​តាម​ច្រកទ្វារ​អន្តរជាតិ​ព្រំ ខេត្ត​ប៉ៃលិន បាន​អំពាវនាវ​ឲ្យ​លោក អូន ព័ន្ធមុនីរ័ត្ន ...

លោក ប៊ុន សេង មេបញ្ជាការ​យោធា​យោធភូមិភាគ​៥ រង​ការ​រិះគន់ថា​បើកដៃ​ឲ្យ​ឧ​ត្ត​ម​សេនីយ៍​យោធា​ឈ្មោះ ឃួន ជឿន និង​បក្ខពួក​ធ្វើ​អ្វីៗ​តាម​អំពើ​ចិត្ត​

ប្រភពពី​ប្រជាពលរដ្ឋ​នៅ​ឃុំ​អូរ​បី​ជាន់ ស្រុក​អូរជ្រៅ ខេត្តបន្ទាយមានជ័យ បាន​ឲ្យ​ដឹង ថា​មកដល់ពេលនេះ​ឈ្មួញ​នៅតែ​អាច​នាំចូល​ទំនិញគេចពន្ធ​និង​ទំនិញ​ខុសច្បាប់​ចូល​តាម​ច្រក​អូរ​បី​ជាន់ ...