ក្រសួងបរិស្ថាន​មិនទាន់​ចាត់វិធានការ​បង្ក្រាប​ប​ទ​ល្មើស​បំផ្លាញ​ព្រៃឈើ​ក្នុង​តំបន់​ដែនជម្រកសត្វព្រៃ​លំផាត់​

ជនជាតិដើម​ភាគតិច​រស់នៅ​ក្នុងភូមិ​សមុទ្រ​ក្រោម ឃុំ​សេ​ដា ស្រុក​លំផាត់ ខេត្តរតនគិរី បាន​ឲ្យ​ដឹងថា​មកដល់ពេលនេះ​បទល្មើស​កាប់​ឈើ​ធ្វើ​អាជីវកម្ម​ខុសច្បាប់ និង​បទល្មើស​ឈូសឆាយ​ទន្ទ្រាន​កាន់កាប់​ដីព្រៃ​របស់​រដ្ឋ​ក្នុង​តំបន់​ដែនជម្រកសត្វព្រៃ​លំផាត់ នៅតែ​កើតឡើង​យ៉ាង​ពេញបន្ទុក​។ ប្រភព​បាន​ឲ្យ​ដឹង​ទៀតថា អ្នកមាន​លុយ អ្នកមានអំណាច កំពុង​ឈូសឆាយ​ទន្ទ្រាន​កាន់កាប់​ដីព្រៃ​រាប់សិប​ហិកតា​បន្ថែមទៀត​ដោយ​គ្មាន​មន្ត្រី​អាជ្ញាធរ​ខេត្តរតនគិរី និង​ប្រធាន​មន្ទីរ​បរិស្ថាន​ខេត្ត ចាត់វិធានការ​ទប់ស្កាត់​នោះទេ​។ សូម្បីតែ​លោក សាយ សំ​អាល់ រដ្ឋមន្ត្រី​ក្រសួងបរិស្ថាន ក៏​មិនទាន់​ចាត់វិធានការ​ទប់ស្កាត់​បទល្មើស​ទន្ទ្រាន​កាន់កាប់​ដីព្រៃ​របស់​រដ្ឋ​នៅក្នុង​តំបន់​ដែនជម្រកសត្វព្រៃ​លំផាត់ យ៉ាង​ពេញបន្ទុក​នោះឡើយ​។

មន្ត្រី​អង្គការក្រៅរដ្ឋាភិបាល​និង​ប្រជា​សហគមន៍​ការពារ​ព្រៃឈើ​ក្នុង​ឃុំ​សេ​ដា បាន​ឲ្យ​ដឹងថា​រយៈពេល​ប៉ុន្មាន​ថ្ងៃ​កន្លងទៅនេះ​ព្រៃឈើ​រាប់សិប​ហិកតា​នៅ​ខាងត្បូង​ភ្នំ​អាត ត្រូវគេ​អារ​រំលំ​បន្ថែមទៀត​ដើម្បី​ទន្ទ្រាន​យក​ដី​ធ្វើជា​កម្មសិទ្ធិ​។ ប្រភព​បាន​ឲ្យ​ដឹង​ទៀតថា កាលពី​ថ្ងៃទី​០៩ ខែសីហា ឆ្នាំ​២០១៧ ប្រជា​សហគមន៍​ភូមិ​សមុទ្រ​ក្រោម ឃុំ​សេ​ដា ស្រុក​លំផាត់ បាន​ប្រទះឃើញ​មនុស្ស​មួយក្រុម​មាន​ម៉ាស៊ីន​កាត់ឈើ​៣​គ្រឿង​កំពុង​អារ​រំលំ​ដើមឈើ​រាប់សិប​ហិកតា​នៅ​ចម្ងាយ​ប្រមាណ​៥០០​ម៉ែត្រ​ពី​ជើងភ្នំ​អាត​។ កន្លែង​ដែលមាន​កើតឡើង​ជាថ្មី​នោះ គឺជា​ទីតាំង​ដែល​កើតមាន​បទល្មើស​បំផ្លាញ​ព្រៃឈើ​អស់​រាប់រយ​ហិកតា​កាលពី​អំឡុង​ខែមិថុនា​កន្លងទៅ ហើយ​អភិបាលស្រុក​លំផាត់ អភិបាលខេត្ត​រតនគិរី និង​ប្រធាន​មន្ទីរ​បរិស្ថាន ខេត្តរតនគិរី មិន​គិតគូរ​ចាត់វិធានការ​ទប់ស្កាត់​នោះទេ​។

សេចក្ដីរាយការណ៍​ពី​តំណាង​សហគមន៍​ជនជាតិដើម​ភាគតិច​នៅ​ឃុំ​សេ​ដា បាន​ឲ្យ​ដឹងថា រយៈពេល​១​សប្ដាហ៍​កន្លងទៅនេះ​សំឡេង​ម៉ាស៊ីន​កាត់ឈើ​ខ្ទ័រ​ពេញ​ព្រៃ​ក្នុង​តំបន់​ក្បែរ​ជើងភ្នំ​អាត ហើយ​គ្មាន​មន្ត្រី​បរិស្ថាន ឬ​សមត្ថកិច្ច​ពាក់ព័ន្ធ​ចាត់វិធានការ​ទប់ស្កាត់​នោះទេ​។ ហេតុនេះហើយ​ទើប​ប្រជា​សហគមន៍​ភូមិ​សមុទ្រ​ក្រោម ឃុំ​សេ​ដា ស្រុក​លំផាត់ អំពាវនាវ​ឲ្យ​លោក សាយ សំ​អាល់ ពិនិត្យមើល​ភាព​អសកម្ម​របស់​មន្ត្រី​បរិស្ថាន​ក្នុង​ខេត្តរតនគិរី ហើយ​ចាត់វិធានការ​ទប់ស្កាត់​បទល្មើស​បំផ្លាញ​ព្រៃឈើ​ក្នុង​តំបន់​ដែនជម្រកសត្វព្រៃ​លំផាត់​ជាបន្ទាន់​។ ប្រជា​សហគមន៍​ភូមិ​សមុទ្រ​ក្រោម​បាន​សម្ដែង​សេចក្ដី​ព្រួយបារម្ភ​យ៉ាងខ្លាំង​ពី​មហន្តរាយ​ព្រៃឈើ​ក្នុង​មូលដ្ឋាន​របស់​ពួកគាត់ ព្រោះ​រយៈពេល​ប៉ុន្មាន​ថ្ងៃ​កន្លងទៅនេះ​ក្រុម​ជនល្មើស​បំផ្លាញ​ព្រៃឈើ​ប្រមាណ​៣០​ទៅ​៤០​ហិកតា ហើយ​គ្មាន​មន្ត្រី​អាជ្ញាធរ​មូលដ្ឋាន មន្ត្រី​ជំនាញ ឬ​សមត្ថកិច្ច​ពាក់ព័ន្ធ​ណា​ចាត់វិធានការ​បង្ក្រាប​ឡើយ​៕

15267522_785516781587445_4323878647824624035_nលោក សាយ សំអាល់ រដ្ឋមន្ត្រីក្រសួងបរិស្ថាន b8240aec-9c35-43a3-b503-c876ee2c97972017-01-15-01-copy 27

Source link

x

Check Also

រឿង​កំប្លែង ! បង្ក្រាប​សង្វៀន​បញ្ជល់មាន់​គ្រប់គ្រង​ដោយ​ក្មួយ​ប្រសា​នាយករដ្ឋមន្ត្រី​ដែល​ដំណើរការ​ជាង​១​ឆ្នាំ​មកហើយ ដូច​បំបាក់មុខ​សមត្ថកិច្ច​មូលដ្ឋាន​

​កាលពី​ថ្ងៃទី​០៤ ខែធ្នូ ឆ្នាំ​២០១៧​កន្លងទៅ​ថ្មីៗ​នេះ សមត្ថកិច្ច​រាប់សិប​នាក់​ត្រូវបាន​ចាត់​បញ្ជូន​ឲ្យ​ទៅ​បង្ក្រាប​សង្វៀន​បញ្ជល់មាន​ដ៏​ធំ​មួយកន្លែង​ឋិត​នៅ​ភូមិ​ខ្សាច់ ឃុំ​អរិយ​ក្សត្រ ...

ព្រះ​សង្ឃរាជ​ទេព វង្ស​ ​ប្រាប់​ព្រះសង្ឃ​និង​ពលរដ្ឋ​​ខ្មែរ​ឱ្យ​បោះឆ្នោត​ឱ្យ​គណបក្ស​កាន់អំណាច

មន្ត្រី​សង្ឃ​ជាន់​ខ្ពស់​ផុត​លេខនៃ​ប្រទេស​កម្ពុជា​ នៅ​សប្តាហ៍​នេះ​ បាន​អំពាវ​នាវ​ឱ្យ​ប្រជា​ពល​រដ្ឋ​ ព្រះ​សង្ឃ​ទូទាំង​ប្រទេស​កម្ពុជាបោះឆ្នោតឱ្យ​គណបក្ស​គ្រប់គ្រង​អំណាច​របស់​លោក​ ​ហ៊ុន ...